Avyakt murli du samedi 6 janvier 1990

>

06-01-90 om shanti avyakt baapdaadaamdhuban

holeehans ki paribhaasha

avyakt baapdaada apne bachchon prati bole –

aaj gyaansaagar baap 'holeehanso'ka sagthan dekh rahe hai । holeehans arthaat svachchhata aur visheshta vaali aatmaaen। svachchhata arthaat man-vachan-karma,sambandh sarva mein pavitrata ki nishaani sada hi saphed rang dikhaate hai। aap holeehas bhi saphed vasradhaari, saaph dil arthaat svachchhata-swaroop ho। tan-man aur dil se sada bedaag arthaat svachchha ho। agar koi tan se arthaat baahar se kitna bhi svachchha ho, saaph ho lekin man se saaph na ho, svachchha na ho to kehte hai ki pahle man ko saaph rakho! saaph man va saaph dil par saaheb raaji hota hai । saath-saath saaph dil vaale ki sarva muraad arthaat kaamnaayen poori hoti hai । hans ki visheshta svachchhata arthaat saaph hai, isliye aap brahman aatmaon ko holeehas' kaha jaata hai। check karo ki mujh holeehans aatma ki chaaron hi baaton mein arthaat tan-man-dil aur sambandh mein svachchhata hai? sampoorn svachchhata va pavitrata - yahi is sangamayug mein sabka lakshya hai । isliye hi aap brahman so devtaaon ko sampoorn pavitra gaaya jaata hai । sirf nirvikaari nahin kehte lekin 'sampoorn nirvikaari 'kaha jaata hai । १६ kalpa sampanna kaha jaata hai । sirf १६ kalpa nahin kehte lekin usmein 'sampanna' । gaayan aapke hi devta roop ka hai lekin bane kab? baahman jeevan mein va devta jeevan mein?banne ka samay ab sangamayug'hai । isliye check karo ki kahaan tak arthaat kitne percent mein svachchhata arthaat dhaaran ki hai?

tan ki svachchhata arthaat sada is tan ko aatma ka mandir samajh us smriti se svachchha rakhna। jitni moorti shreshtha hoti hai utna hi mandir bhi shreshtha hota hai । to aap shreshtha moortiyaan ho ya saadhaaran ho? brahman aatmaaen saare kalpa mein number one shreshtha aatmaayen! braahmanon ke aage devtaayen bhi sone tulya hai aur brahman heere tulya hai! to aap sabhi heere ki moortiyaan ho। kitni oonchi ho gai! itna apna svamaan jaan is shareer roopi mandir ko svachchha rakho। sada ho lekin svachchha ho। is vidhi se tan ki pavitrata sada roohaani khushbu ka anubhav karaayegi। aisi svachchhata, pavitrata kahaan tak dhaaran hui? dehbhaan mein svachchhata nahin hoti lekin aatma ka mandir samajhne se svachchha rakhte ho। aur yeh mandir bhi baap ne aapko sambhaalne aur chalaane ke liye diya hai । is mandir ka trustee banaaya hai । aapne to tan-man-dhan sab de diya na! abhi aapka to nahin hai। mera kahenge ya tera kahenge?to trasteepan svatah hi nashtomoha arthaat svachchhata aur pavitrata ko apne mein laata hai। moh se svachchhata nahin, lekin baap ne seva di hai -aise samajh tan ko svachchha,pavitra rakhte ho na va jaise aata hai vaise chalaate rehte ho? svachchhata bhi roohaaniyat ki nishaani hai।

aise hi man ki svachchhata ya pavitrata iski bhi parsentej dekho। saare din mein kisi bhi prakaar ka ashuddha sankalp man main chala to isko sampoorn svachchhata nahin kahenge । man ke prati baapdaada ka direction hai - man ko mere mein lagaao va vishwa-seva mein lagaao। 'manamnaabhav' -is mantra ki sada smriti rahe। isko kehte hai- man ki svachchhata va pavitrata । aur kisi taraph bhi man bhatakta hai to bhatakna arthaat asvachchhata। is vidhi se check karo ki kitni percent mein svachchhata dhaaran hui? vistaar to jaante ho na!

teesri baat- dil ki svachchhata। isko bhi jaante ho ki sachchaai hi saphaai hai। apne sva-unnati arth jo bhi purushaartha hai jaisa bhi purushaartha hai, woh sachchaai se baap ke aage rakhna। to ek - svayan ke purushaartha ki svachchhata। doosra- seva karte sachchi dil se kahaan tak seva kar rahe hai, iski svachchhata। agar koi bhi svaartha se seva karte ho to usko sachchi seva nahin kahenge। to seva mein bhi sachchaai-saphaai kitni hai ' koi-koi sochte ki seva to karni hi padegi। jaise laukik government ki duty hai, chaahe sachchi dil se karo,chaahe majboori se karo, chaahe albele banke karo, karni hi padti hai na। kaise bhi ८ ghante paas karne hi hai। aise is almighty government dvaara duty mili hui hai- aise samajh ke seva karna, isko sachchi seva nahin kaha jaata। duty sirf nahin hai lekin brahman-aatmaon ka niji sanskaar hi 'seva' hai । to sanskaar svatah hi sachchi seva ke bina rahne nahin dete। to aise check karo ki sachchi dil se arthaat brahman-jeevan ke svatah sanskaar se kitni percent ki seva ki ' itne mele kar liye,itne course kara liye lekin svachchhata aur pavitrata ki parsentej kitni rahi? duty nahin hai lekin niji sanskaar hai,sva-dharma hai. sva-karma hai।

chauthi baat - sambandh mein svachchhata। iska saar roop mein vishesh yeh check karo ki santushtata roopi svachchhata kitne percent mein hai? saare din mein bhinna-bhinna variety aatmaon se sambandh hota hai। teen prakaar ke sambandh mein aate ho। ek - brahman parivaar ke, doosra - aaye huye jigyaasu aatmaon ke,teesra - laukik parivaar ke। teenon hi sambandh mein saare din mein svayan ki santushtata aur sambandh mein aane vaali doosri aatmaon ki santushtata ki parsentej kitni rahi? santushtata ki nishaani - svayan bhi man se halke aur khush rahenge aur doosre bhi khush honge। asantushtata ki nishaani - svayan bhi man se bhaari honge। agar sachche purushaarthi hai to baar-baar na chaahte bhi ve sankalp aata rahega ki aise nahin bolte,aise nahin karte to achha। yeh bolte the, yeh karte the - yeh aata rahega। albele purushaarthi ko yeh bhi nahin aayega। to yeh bojh khush rahne nahin dega,halka rahne nahin dega। sambandh ki svachchhata arthaat santushtata। yahi sambandh ki sachchaai aur saphaai hai । isliye aap kehte ho - 'sach to bitho nach' । arthaat sachcha sada khushi mein naachta rahega। to suna, holeehans ki paribhaasha?agar satyata ki svachchhata nahin hai to hans ho lekin holeehans nahin ho। to check karo - sampan aur sampoorn ka jo gaayan hai,woh kahaan tak bane hai? agar drama anusaar aaj bhi is shareer ka hisaab samaapta ho jaae to kitni parsentej mein paas honge? va drama ko kaho - thoda samay thahro! yeh to sochkar nahin baithe ho ki chhote-chhote to jaane vaale hai hi nahin? ever ready ka arth kya hai? samay ka intajaar to nahin karte ki abhi १०-११ varsha to hain?bahut karke २००० ka hisaab sochte hai! lekin srishti ke vinaash ki baat alag hai,apne ko ever ready rakhna alag baat hai । isliye yeh usse nahin milaana। bhinna-bhinna aatmaon ka bhinna-bhinna part hai । isliye yeh nahin socho ki mera advance party mein to nahin hai ya mera to vinaash ke baad bhi part hai! koi aatmaon ka hai lekin main ever ready rahoon । nahin to albelepan ka ansh prakat ho jaayega। ever ready raho, phir chaahe २० varsha jinda raho koi harja nahin। lekin aise aadhaar par nahin rehna। isko kehte hai - holeehans' । gyaan-saagar ke kanthe aaye ho na। to aaj holeehans ki svachhta sunaai phir visheshta sunaayenge।

teachers ko check karna aata hai na! teachers ko vishesh samarpit hone ka bhaagya mila hua hai । chaahe pravritti vaale bhi man se samarpit hai phir bhi teachers ka vishesh bhaagya hai। kaam hi yaad aur seva' ka hai। chaahe khaana banaati ya kapde dhulaai karti - woh bhi yeh seva hai। woh bhi alaukik jeevan prati seva karti ho। pravritti vaalon ko donon taraph nibhaana padta hai। aapko to ek hi kaam hai na, double to nahin hai? jo sachchaai aur saphaai se baap aur seva mein sada lage rehte hai, unhein koi aur mehnat karne ki aavashyakta nahin padti hai। sunaaya tha ki yogya teacher ka bhandaara aur bhandaari sada bharpoor rahega। phikra nahin karna padega - agla maas kaise chalega, mela kaise hoga, seva ke saath-saath saadhan svatah praapta honge। roohaani aakarshan seva aur sevaakendra svatah hi badhaati rehti hai। jab jyaada sochte ho ki jigyaasu kyon nahin badhte,thaharte kyon nahin, chale kyon jaate… to jigyaasu nahin thaharte। yogayukta hokar roohaaniyat se aahvaan karte ho to jigyaasu svatah hi badhte hai। aise hota hai na?to man sada halka rakho, kisi prakaar ka bojh nahin rahe। kisi bhi prakaar ka bojh hai chaahe apna,chaahe seva ka, chaahe seva saathiyo ka to udne nahin dega - seva bhi oonchi nahin uthegi। isliye sada dil saaph aur muraad haasil karte raho। praaptiyaan aapke saamne svatah hi aayegi। kya suna? sarva roohaani praaptiyaan hai hi braahmanon ke liye to kahaan jaayengi! adhikaar hi aap logon ka hai । adhikaar koi chheen nahin sakta। achha

sarva holeehanso ko, chaaron or ke sachche saaheb ko raazi karne vaali sachchi dil vaale shreshtha aatmaon ko,sada svayan ko ever ready rakhne vaale number one bachchon ko, sada apne ko gaayan yogya samoorna aur sampan banaane vaale, baap ke sameep bachchon ko, sada apne ko amool heere tulya anubhav karne vaale anubhvi aatmaon ko baapdaada ka yaad-pyaar aur namaste । ''

mahaaraashtra group se avyakt baapdaada ki mulaakaat

sada khushhaal rehte ho? khushhaal arthaat(bharpoor,sampan। khushhaali svayan ko bhi priy auron ko bhi priy lagti hai। jahaan khushhaali nahin hoti,use kaanton ka jangal kehte hai। to aap sabki jeevan khushhaal ban gai hai। aur chaal kaun-si ho gai? udti kalpa vaali pharishta ki chaal ho gai । to haal bhi achha aur chaal bhi achhi । duniya vaale milte hai to haalchaal poochhte hai na! to aapka kya haalchaal hai? haal hai 'khushhaal'aur chaal hai'pharishto' ki chaal। donon hi achhe hai na?khushhaali mein koi kaante nahin aayenge। pahle kaanton ke jangal mein jeevan thi, abhi badal gai। abhi phoolon ki khushhaali mein aa gaye। sada jeevan mein divya gunon ke phoolon ki phulvaadi lagi hui hai । divya gunon ke guldaste ka chitra banaate hai na,woh divya gunon ka guldasta kaun sa hai aap ho na ya doosre koi hai?kaanto ka kabhi guldasta nahin banta, phoolon ka guldasta banta hai। sirf patte hi honge to bhi kahenge- guldasta theek nahin hai। to aap svayan divya gunon ka guldasta arthaat khushhaal ho gaye । jo bhi aapke samparka mein aayega use divya gunon ke phoolon ki khushbu aati rahegi aur khushhaali dekh karke khush honge। shakti ka bhi anubhav karenge। isliye aajkal doctors bhi kehte hai - bageeche mein jaakar paidal karo। to khushhaali auron ko bhi shaktishaali banaati hai aur khushi mein bhi laati hai । isliye aap log kehte ho ki ham ever happy hai। challenge bhi karte ho ki agar kisi ko ever ready banna ho to hamaare paas aaye। aap sabhi ko baap ki smriti dilaayenge। to evarhaildi,evarvaildi aur ever happy - yeh aapka janma-siddha adhikaar hai । yeh adhikaar aapko to mil gaya na? sabhi ko kehte ho ki janma-siddha adhikaar hai । chaahe shareer beemaar bhi ho to bhi man tandarusta hai na। man khush to jahaan khush aur man beemaar to shareer peela ho jaata hai । man theek hoga to shareer ka rog bhi mahsoos nahin hoga। aise hota hai na! kyonki aapke paas khushi ki khuraak bahut badhiya hai। davaai achhi hoti hai to beemaari bhaag jaati hai । aapke paas jo khushi ki khuraak hai woh beemaari ko bhaga deti hai,bhula deti hai । to man khush,jahaan khush,jeevan khush। isliye evarhaildi bhi ho, vealti bhi ho aur happy bhi ho। jab svayan ho tab doosre ko challenge kar sakte ho । nahin to challenge nahin kar sakte। apne ko dekhkar auron ke upar raham aata hai। kyonki apna parivaar hai na! chaahe kaisi bhi aatmaae hai lekin hai to ek hi parivaar ke। jisko bhi dekhenge to mahsoos karenge ki yeh hamaara hi bhaai hai, hamaare hi parivaar ka hai। parivaar mein bhi koi najdeek ke hote hai, koi door ke hote hai, lekin kahenge to parivaar ke na?

jaise baap merciful hai । baap se yahi maangate hai ki kripa karo, raham karo! to aap bhi kripa karenge,raham karenge na। kyonki baap samaan nimitta bane hue ho । brahman aatma ko kabhi bhi kisi aatma ke prati ghrina nahin aa sakti। raham aayega, ghrina nahin aa sakti । kyonki jaante hai ki chaahe kans ho, chaahe jaraasandh ho, chaahe raavan ho - koi bhi ho lekin phir bhi merciful baap ke bachche kabhi ghrina nahin karenge। parivartan ki bhaavna rakhenge - kalyaan ki bhaavna rakhenge । phir bhi apna parivaar hai, parvash hai । parvash ke oopar kabhi ghrina nahin aati । sabhi maaya ke vash hai । to parvash ke oopar daya aati hai, raham aata hai । jahaan ghrina nahin aayegi vahaan krodh bhi nahin aayega। jab ghrina aati hai to josh aata hai,krodh aata hai, jahaan raham hota hai wahin shanti ka daan denge। daata ke bachche ho na! to shanti denge na! achha!!

sabhi khushhaal rahne vaale ho ya kabhi-kabhi khushi gaayab ho jaati hai? ugar krodh aaya to krodh agni hai। woh khushi ko khatma kar deti hai। kabhi gussa nahin karna। merciful ke kabhi krodh nahin aa sakta। paandavon mein vishesh krodh' aur maataaon mein 'moh 'hota hai । paise bhi chhipaakar rakhegi,puraane-puraane note bhi chhipaakar rakhenge। abhi to nashtomoha'ho na! puraane kapde ki gathri baandhakar to nahin rakh di hai? kitni bhi tijori ho,peti ho lekin maataaon mein gathri baandhakar rakhne ki aadat hoti hai । aur kuchh nahin to saadi baandhakar rakhenge। to abhi kuchh baandhakar to nahin rakha hai?paandavo ne thoda-thoda krodh, abhimaan chhipaakar rakha hai?man ki jeb mein aaeevel ke liye chhipaakar to nahin rakha hai?anshamaatra bhi na rahe। ansh,vansh ko paida kar dega, isliye full khaali karo। achha ।

zone vaaiz group se avyakt baapdaada ki mulaakaat

baap ke sneh ne sab kuchh bhulaakar udaate hue apne sweet hom 'madhuban' mein pahuncha diya। kya samajhte ho? train mein aaye ho ya udte hue aaye ho? shareer chaahe train ya bas mein aaya lekin man sneh mein udte hue yahaan pahunch gaya। madhuban aur madhuban ka baba yaad aa gaya to sab bhool gaya। bhulaane ki mehnat karni nahin padti। bas,baap aur padhaai - yahi yaad hai na! padhaai bhi dekha - raajkumaar aur raajkumaariyon ki bhi aisi padhaai nahin hai! kitni royal aur oonch padhaai hai! saare kalpa mein raaja banne ki padhaai koi nahin padhta। kyonki padhaai se raaja koi banta hi nahin hai। is samay aap hi is padhaai se raaja bante ho । raaja bhi nahin, raajaaon ka raaja । saare kalpa mein aisi padhaai koi nahin padhta। raajkumaar bankar raajkumaar- college mein jaate hai, raaja banne ki padhaai nahin padhte। woh to jaante hai ki dhan daan se raaja bante hai, padhaai se raaja nahin bante। aapki padhaai raajaai praapta karne ki hai। abhi svaraaj mila,phir vishwa ka raajya milega। abhi raaja ho na ya praja ka raaj hai? praja yaani karmandriyaan - yeh karmachaari hai । to koi karmendriy arthaat praja ka raaj to nahin hai na 'kabhi-kabhi praja tez to nahin ho jaati 'raaja ko dheela kar deti hai । satayug mein praja ka praja par raajya nahin hoga,raaja ka raajya hoga । yeh to chakra ke last main praja ka praja par raajya hai। lekin aapke paas to praja ka raajya nahin hai na ? achhi tarah se check karna kabhi praja - raaja to nahin ban jaati?'adhikaar lena maana raaja banna। jaise aajkal karte he - ek sekand mein raaja ko utaarkar ke doosra raaja baith jaata hai । ya usko khatma kar dete hai ya raajya se utaar dete। to aapki praja aise to nahin karti - raaja ko gulaam bana de aur khud raaja ban jaayen ? shaktishaali raaja ho, kamzor raaja nahin । jis raaja se praja sada khush hai, theek raajya chalta hai to usko utaaregi kaise! aap bhi svaraaj theek reeti se chala rahe ho to koi karmandriy dhokha nahin degi kyonki woh santushta hai। jahaan asantushtata hoti hai vahaan dhokha deti hai । to aapka raajya kaise chal raha hai? sarva karmendriyaan santushta hai?praja khush hai? karmendriyo sheetal, shant ho gai hai? dhokha dene ki chanchalta samaapta ho gai hai? abhi kya ban gaye ho? sheetla devi। jo svayan sheetla hogi to yatha raaja tatha praja hogi। woh sab karmendriyaan bhi sheetal ho jaayengi। sheetla devi mein kabhi krodh nahin aata hai। kai kehte hai - krodh nahin hai,thoda rob to rakhna padta hai । rob bhi krodh ka ansh hai । to jahaan ansh hota hai vaheen vansh paida ho jaata hai । to sheetla devi aur sheetla dev ho na । sangam par baap,maataaon ko aage rakhte hain । isliye gaayan sheetla devi ka hai lekin paandav bhi sheetla dev hai । to rob ka sanskaar parivartan ho gaya va kabhi svapna mein bhi rob ka taste karte ho?jaisa sanskaar hota hai vaise karma svatah hi hote hai । to sanskaar hi sheetal ho gaye।

brahman ka arth hi hai sheetal sanskaar vaale । ' aapka yeh niji orijinal sanskaar hai । abhi josh nahin aa sakta । baal-bachchon par bhi josh to nahin karte? kitna bhi rob dikhaao lekin rob se aatmaaen dabti va badalti nahin hai । us samay dab jaati hai lekin sada dabna nahin hota। aur pyaar aisi cheez hai jo patthar ko bhi paani kar deta hai । samajhte ho ki rob dikhaaya to theek ho gaya। lekin theek nahin hota। to'svaraaj adhikaari aatmaae hai ' -yeh nishchay aur nasha sada hi ho। svaraaj mein sukh hai, par-raajya mein adheenna hai। to sada is roohaani nashe mein naachte aur gaate raho। khushi ki nishaani hai - naachna aur gaana। naachna- gaana to chhote bachchon ko bhi aata hai । to sabhi khushi mein naachte-gaate ho ya kabhi rote bhi ho? man ka rona bhi rona hai। ghar vaale duhkh dete hai, isliye rona aata hai! woh dete hai,aap lene kyon ho? agar koi cheez deta hai, aur koi leta nahin to woh kiske paas rahegi ' unka kaam hai dena,aap lo hi nahin। ६३ janma to roya abhi dil poori nahin hui hai' jis cheez se dil bhar jaati hai woh kabhi nahin kiya jaata। paramatma ke bachche kabhi ro nahin sakte। rona band। tanki sukha ke jaana। na aankhon ka rona, na man ka rona। jahaan khushi hogi vahaan rona nahin hoga। khushi va pyaar ke osu ko rona nahin kaha jaata। to yog ki dhoop mein tanki ko sukha ke jaana। vighna ko vighna na samajh khel samjhenge to paas ho jaayenge। achha।