Avyakt murli du lundi 19 mars 1990

>

19-03-90 om shanti avyakt baapdaadaamdhuban

udti kala ka aadhaar umang-utsaah ke pankh

aaj sarva bachchon ko sneh sampanna milan-bhaavna aur sampoorn banne ki shreshtha kaamna ke shubh umang-utsaah ke vibration baapdaada dekh rahe hain। har bachche ke andar usmein bhi is kalpa mein pahli baar milne vaale bachchon ka utsaah aur is kalpa mein anek baar milnevaale vaale bachchon ka utsaah apna-apna hai। jisko aap apni bhaasha mein kehte ho naye bachche aur puraane bachche। lekin hain sabhi aati puraane-te-puraane। kyonki puraani pahchaan,baap ki taraph,brahman-parivaar ki taraph aakarshit kar yahaan laai hai। yeh sirf nishaani maatra kaha jaata hai naya aur puraana। to naye bachchon ka umang-utsaah yahi hai ki thode samay mein bahut aage udte hue baap samaan ban karke dikhaayen। puraane bachchon ka yahi shreshtha sankalp hai ki jo baapdaada se paalna mili hai,khazaana mila hai - uska return baap ke

aage sada rakhte rahen। donon ka umang-utsaah shreshtha hai। aur yahi umang-utsaah pankh ban udti kala ki or le ja raha hai। udti kala ke pankh gyaan-yog to hain hi lekin pratyaksha swaroop mein saari dincharya mein har samay, har karma mein, udti kala ka aadhaar hai। kaisa bhi kaarya ho, chaahe saphaai karne ka ho, bartan maanjane ka ho,saadhaaran karma ho lekin us mein bhi umang-utsaah natural aur nirantar hoga। aise nahin kah jab gyaan ki padhaai kar aur kara rahe hain va yaad mein baithe hain, kisko bitha rahe hain,va aadhyaatmik seva mein busy hain to us samay sirf umang-utsaah ho aur saadhaaran karma ho to sthiti bhi saadhaaran ho jaae,umang-utsaah bhi saadhaaran ho jaae - yeh udti kala ki nishaani nahin। udti kala vaali shreshtha aatma ke umang-utsaah ke pankh sada hi udte rahenge। to baapdaada sabhi bachchon ke umang-utsaah ko dekh rahe hain। pankh to sabhi ke hain lekin kabhi-kabhi umang-utsaah mein udte-udte thak jaate hain। koi chhota-bada kaaran banta hai arthaat rookaavat aati hai,kabhi to pyaar se paar kar lete hain,lekin kabhi ghabra jaate hain। jisko aap log kehte hain confuse ho jaate hain। isliye sahaj paar nahin karne ka kaaran thak jaate hain lekin thoda-thoda thakte hain phir bhi lakshya shreshtha hain,manzil ati pyaari lagti hai isliye udne lag jaate hain। shreshtha lakshya aur pyaari manzil aur baap ke pyaar ka anubhav thakaavat se neeche ki sthiti mein thaharne nahin deta hai। isliye phir se udne lag jaate hain। to baapdaada bachchon ka yeh khel dikhaate rehte hain। phir bhi baap ka pyaar rookne nahin deta। aur pyaar mein majority paas hain isliye rookaavat kitna bhi rokne ki koshish kare aur karti hai। kabhi-kabhi sochte hain ki bada mushkil hai,isse to jaise the vaise ban jaayen। lekin chaahte bhi past life mein jaane ka maja nahin aata। kyonki pahle to is parmaatma-pyaar aur dehdhaariyon ka pyaar donon ka antar saamne hain to udte-udte jab thaharti kala mein aa jaate hain to do raaston ke beech mein hote hain aur sochte hain - idhar jaayen va udhar jaayen। kahaan jaayen? lekin parmaatma pyaar ka anubhav confuse ko surjeet kar deta hai aur umang-utsaah ke pankh mil jaate hain isliye sochte bhi phir thaharti kala se udti kala mein ud jaate hain। baaten bahut chhoti-chhoti hoti hai lekin us samay kamjor hone ke kaaran badi lagti hai। jaise shareer ki kamjori vaale ko ek paani ka gilaas bhi mushkil lagta hai aur jo himmat vaala hai usko do baalti uthaana khel lagta hai। aise hi chhoti-si baat badi anubhav karne lagte hain। to umang-utsaah ke pankh sada udaate rehte hain। roj amritvele apne saamne saara din kis smriti se umang-utsaah mein rahen - woh variety umang-utsaah bhi points emerge karo। sirf ek hi point ki main jyotirbindu hoon, baap bhi jyotirbindu hai, ghar jaana hai phir raajya mein aana hai - yeh ek hi baat kabhi-kabhi bachchon ko bor kar deti hai। phir sochte hain kuchh naya chaahiye। lekin har din ki murli mein umang-utsaah ki bhinna-bhinna points hoti hai। woh umang-utsaah ki vishesh point apne paas note karo। bahut badi list bana sakte hain। diary mein bhi note karo to buddhi mein bhi note karo। jab buddhi mein emerge na ho to diary se emerge karo aur variety points har roj naya umang-utsaah badhaayengi। manushya aatma ka yeh nature hai ki variety pasanda aati hai isliye chaahe gyaan ka pvaanit manan karo ya roohrihaan karo। saara din bindu yaad karenge to baahar ho jaayenge। lekin bindu baap bhi hai bindu aap bhi ho। sangamayug par hero paartadhaari bhi ho, zero ke saath hero bhi ho। sirf zero nahin ho। sangamayug par hero hone ke kaaran saare din mein variety part bajaate ho। mujh zero ka saare kalpa mein kya-kya part raha hai aur is samay kya hero part hai, kiske saath part hai,kitna samay aur kya part bajaana hai, is variety roop se zero baj apne hero part ki smriti mein raho। yaad mein bhi variety roop se kabhi beej-roop sthiti mein rahe, kabhi pharishta roop mein, kabhi roohrihaan ke roop mein raho। kabhi baap ke mile hue khazaanon ke ke ek-ek ratna ko saamne laao। jis samay jo roochi ho usi reeti se yaad karo। jis samay jis sambandh se baap ka milan, baap ka sneh chaaho us sambandh se milan manaao। isliye jo sarva sambandh se baap ne aapko apna banaaya aur aapne bhi baap ko sarva sambandh se apna banaaya। sirf ek sambandh to nahin hai,variety hai na? lekin ek baat dhyaan mein rakhni hai ki sivaae baap ke,sivaae baap ki praaptiyon ke va sivaae baap ke khazaanon ke aur koi yaad na aaye। variety praapti hai,variety khazaane hain, variety sambandh hai,variety khushi ki baaten hain - umang-utsaah ki baaten hain। usi vidhi se use karo। baap aur aap yahi safety ki lakeer hai। is smriti ki lakeer se baahar nahin aao। bas,yeh lakeer paramatma-chhatrachhaaya hai, jab tak is chhatrachhaaya ki lakeer ke andar hain tab tak koi maaya ki himmat nahin। phir mehnat kya hoti, rookaavat kya hoti, vighna kya hota - in shabdon se avidya ho jaayegi। jaise aadi sthaapna ke samay jab satayug ki aatmaaen pravesh hoti theen to un aatmaon ko vikaar kya hota hai, duhkh kya hota ,maaya kya hoti hai - in shabdon ki avidya rehti thi। bachchon ko yeh anubhav hain na? puraane to in baaton ko jaante hain। aise jo baap aur aap - is smriti ki lakeer ki chhatrachhaaya mein hain, unko in baaton ki avidya ho jaati hai। isliye sada safe hain, sada baap ke dil mein rehte hain। aap logon ko dil jyaada pasand aati hai na। saugaat bhi heart hi banaakar laate ho। cake bhi heart banaate ho, box bhi heart jaisa banaate ho। to rehte bhi heart mein ho na? baap ki heart taraph maaya aa nahin sakti। jaise jangal mein bhi roshni kar dete hain to jangal ka raaja sher bhi nahin aa sakta,bhaaga jaata hai। baap ki heart kitni light aur might hai! uske aage maaya ka koi roop aa nahin sakta। to mehnat se safe ho gaye na! janma bhi sahaj hua, mehnat lagi kya janma lene mein? baap ka parichay mila,pahchaana aur second mein anubhav kiya। baap mera, main baap ka। janma sahaj hua, bhatakna nahin pada। aapke desh roopi ghar mein baap ne bachchon ko nimitta banaakar bheja। dhoondhana va bhatakna to nahin pada। ghar baithe baap mila na। yeh to abhi pyaare se bhaarat mein aate ho milne। lekin parichay to vahaan hi mila, janma to vahaan mila na? janma ati sahaj hua to paalna bhi aati sahaj hai। sirpu anubhav karo। aur jaayenge bhi sahaj hi। baap ke saath-saath jaana hai na ya beech mein dharmaraajpuri mein rookna hai। sabhi saath chalne vaale ho na। sabhi ka yeh dridh sankalp hai ki saath hai aur saath chalenge। aur aage bhi brahma baap ke saath raajya mein va part mein aayenge - pakka sankalp hai na? chalte-chalte thak jaayenge to rook jaayenge phir kya karenge? kyonki baap to us samay rookenge nahin। abhi rook rahe hain। abhi samay diya hai,us samay nahin rookenge। us samay to second mein udenge। abhi naye naye bachchon ke liye let hua hai lekin tu let ka board nahin laga hai। abhi to nai duniya aane ke liye,naye-naye bachchon ke liye rooki hui hai ki yeh bhi last so fast aur first number tak pahunch jaaen। sabhi saath jaane ke liye taiyaar ho na?jo is kalpa mein pahli baar aaye hain, baapdaada mubaarak dete hain। chhote-chhote bachchon par badon ka pyaar hota hai। to baap ka aur bade bhaai-bahnon ka aap logon se vishesh pyaar hai। laadle ho gaye na। naye bachche laadle hain। chaahe naye ho va puraane ho sabhi ke liye fast gati first aane ki hai - chhatrachhaaya mein rehna, sada dil mein rehna,yahi sabse sahaj teevragti hai।

apne-aapko kabhi bhi bor nahin karo। sada apne-aapke liye variety roop se umang-utsaah emerge karo। double videshi kabhi kabhi koi-koi yeh bhi sochte hain ki hamaara culture aur india ka culture bahut pharka hai। indiyan culture kabhi pasanda aata kabhi nahin aata। lekin yeh to na indiyan culture hai na videsh ka culture hai। yeh to brahman culture hai। brahmaakumaar,brahmaakumaari yeh naam to sabhi ko pasand hai na?brahma baap se bhi bahut pyaar hai aur bi.ke. jeevan bhi ati pyaari hai। kabhi-kabhi saphed kapdon ke bajaae rangeen kapde yaad aate hain kyonki saphed kapde jaldi maile ho jaate hain। daphtar mein jaate ho va kahaan bhi aise sthaanon par jaate ho to jo dress aap pahante ho uske liye baapdaada mana nahin karte lekin usi vritti se nahin pahno ki hamaara foreign culture hai, yahi meri personality hai - is reeti se nahin pahno। sevaabhaav se bhale pahno,personality ke lakshya se nahin | brahman-jeevan ka lakshya ho, seva arth | aavashyakta arth pahante ho to koi mana nahin। lekin woh bhi nimitta bani hui aatmaon se verify karaao। aise nahin ki baapdaada ne to chhutti de di phir aap mana kyon karte ho? kabhi-kabhi bahut hansi ki baaten karte hain। jo matlab ke akshar hote hain woh yaad rakhte hain lekin uske peechhe jo kaayde ki baat hoti woh bhool jaate। hoshiyaari to baapdaada ko achhi lagti hai lekin hoshiyaari limit mein ho,anlimit mein na ho। khaao,piyo, pahno,khelo - lekin limit mein। to kaun sa culture pasanda hain? jo brahma baap ka culture woh brahmaakumaar,kumaariyon ka culture hai,pasand hai na?inhon mein ek baat achhi hai jo saaph bol dete hain, sabhi ek jaise nahin hain - koi-koi aise hain jo apni kamjori varnan karte hain, lekin vimjeekal ban jaate hain। baar-baar vahi smriti mein laate rehte -main kamjor hoon…। aise naajuk nahin bano। visheshtaaon ko bhool jaayenge, kamjori ko hi sochte rahenge, yeh nahin karna। kamjori sunaao zaroor lekin jab baap ko di to phir kiske paas rahi? phir kyon yeh sochte ho main aisa hoon… baap ko de diya na। baapdaada ko patra likh kamjoriyaan de dete ho ya patra likh baapdaada ke kamre mein rakh dete ho to phir sochte ho javaab to mila nahin। baapdaada aise javaab nahin dete। jo kami aapne de di to baapdaada deta hai woh lete nahin ho,sirf sochte ho ki javaab to mila nahin। jo baap deta hai usko lene ka prayatna karo। javaab ka intajaar nahin karo - shakti,khushi lete jaao। phir dekho kitna achha umang-utsaah rehta hai। jis ghadi apni kamjori likhte ho va nimitta bani hui aatmaon ko sunaate ho to de di maana khatma। abhi mil kya raha hai woh socho। baapdaada ke paas ek-ek ke kitne patra aate, baapdaada uttar nahin deta lekin jo aavashyakta hai,jo kami hai usko bharne ka return deta hai। baaki yaad-pyaar to roj dete hi hain। koi din aisa hai jo yaad-pyaar na mila ho? baapdaada sabhi ko roj do-teen page ka patra likhte hain। (murli) itna bada patra to roj koi bhi kisko nahin likhta! kitna bhi aapka pyaara ho koi ne itna bada patra likha? murli patra hai na। aapki baaton ka respond hota hai na? to itna bada patra likhte bhi bolte bhi - jo aap vishesh patra likhte ho uska vishesh return bhi karte hain kyonki laadle, sikeeldhe ho। baapdaada return mein shakti aur khushi extra dete hain। sirf buddhi ko sada careful aur clear rakho। pahle bhi sunaaya tha woh baat apni buddhi se nikaal do। vo baaten bhi rakhi hui hoti hain to buddhi clear nahin hoti। isliye baap jo return deta woh mix ho jaata। kabhi miss kar dete ho। kabhi mix kar dete ho।

kabhi-kabhi koi bachche kya karte hain - aaj haalchaal sunaate hain। kai sochte hain seva to kar rahe hain lekin baap ka vaayda hai ki main sada madadgaar hoon - is seva mein to madad ki nahin। saphalta kam nikli। baapdaada ne kyon nahin madad ki। phir sochte shaayad main yogay nahin hoon। main seva kar nahin sakti hoon, main kamjor hoon। vyartha sochte hain lekin agar koi bachcha seva ki madad ke liye baap ke aage sankalp karte bhi hain,khuli dil se karo। lekin iska return baapdaada seva ke samay vishesh madad dete hain - sirf ek vidhi apnaao। kaisi bhi mushkil seva ho lekin baap ko seva bhi buddhi se arpan kar do। mainne kiya,saphalta nahin hui, main kahaan se aaya?baap karnakraavanhaar ki jimmevaari bhool karke apne oopar kyon uthaai। yeh wrong ho jaata hai। baap ki seva hain, baap avashya karega। baap ko aage rakho, apne ko aage nahin rakho। mainne yeh kiya, yeh main shabd saphalta ko door karta hai। samjha।

donon prakaar ke patra aur roohrihaan hoti hai। ek kamjori ke patra ya roohaarihaan aur koi seva mein saphalta prati patra likhte ya roohrihaan karte। aap karne vaale nimitta ho। main yogya nahin hain - yeh sankalp kaise karte ho? yeh kamjor sankalp,yeh beej hi kamjor daalte ho aur phir sochte ho phal achha kyon nahin nikla। beej kamjor aur phal shaktishaali nikle yeh ho sakta hai kya! foundation kamjor daalte ho। baaki baapdaada,brahman-parivaar,drama,sangamayug ka samay sab aapki saphalta mein madadgaar hain। aapke chaaron taraph shaktishaali hain। baapdaada,brahman-parivaar,samay aur svayan। chaaron taraph majboot hain to hilega kyon,samjha? letarsa jo likhte ho woh phaaltu nahin likhte। baapdaada ke pyaare ho। baapdaada ne har bachche ki jimmevaari sada ke liye li hui hai। sirf apne oopar jimmevaari galti se nahin le lo। phir dekho saphalta aapke charnon mein, svayan saphalta aapke gale ki maala banegi, charan chhuyegi। sivaae braahmanon ke aur kahin saphalta ja nahin sakti। yeh sangamayug ka vardaan hai। sirf baap ki jimmevaari ko apne oopar nahin uthaao। samjha? sada umang-utsaah ke pankhon se udti kala ki or jaao। thaharti kala mein nahin aao। na girti kala, na thaharti kala, sada udti kala ho। sabhi teachers kaun-si kala vaali ho?teacher arthaat seva ke nimitta। chaahe sva seva ho, chaahe vishwa ki seva ho lekin sada seva mein tatpar rehna - yahi teachers ki visheshta hai। apne man-buddhi aur shareer dvaara sada busy rahne vaale, kabhi shareer dvaara karma karte ho to man-buddhi ko free rakh dete ho। man-buddhi ko free rakhna maana maaya ko velkal karna। jisko vailkam karenge woh to zaroor baith jaayegi na। phir kehte ho baapdaada maaya ko bhagaao। bulaate aap ho aur bhagaaye baapdaada! to teacher va number one godly student ki visheshta hai - man buddhi shareer se apne ko busy rakhna। vishesh nimitta bane hue sevaadhaari ko yeh underline karni chaahiye to sahaj hi athak ban jaayenge। achha-aaj full kumbh mela hai। bhaaratvaasiyon ko 3 pair prithvi chaahiye aur double videshiyon ko double chaahiye। 3 pair lagej ke liye to 3pair prithvi ke chaahiye। bhaaratvaasi in sab makaanon mein1600 rehte hain aur abhi 1125foreigners rahe hain, inhon ko 6 pair prithvi chaahiye। achha!

chaaron or ke sada umang-utsaah mein udne vaale teevra purushaarthi aatmaon ko,sada baap ki dil mein rahne vaali vishesh maniyon ko,sada baap aur aap is smriti ki chhatrachhaaya mein rahne vaale sada thaharti kala-girti kala se paar udti kala mein aage badhne vaale, sada apne ko variety points se khushi aur nashe mein aage badhaane vaali shreshtha aatmaon ko baapdaada ka yaad-pyaar aur namaste।

group ke saath - personal mulaakaat

sada yeh khushi rehti hai ki baap mere liye aaye hain?anubhav hota hai, isliye sabhi khushi aur nashe se kehte ho mera baba। mera arthaat adhikaar hai। jahaan adhikaar hota hai vahaan mera kaha jaata hai। to kitne samay ka adhikaar hai phir-phir praapta karte ho। anginat baar yeh adhikaar praapta kiya hai, jab yeh sochte ho to kitni khushi hoti hai। yeh khushi khatma ho sakti hai? maaya khatma kare to?vaise bhi knowledge ko light,might kaha jaata hai। jismen full knowledge hain arthaat full light might hai to maaya aa nahin sakti। maaya vaar nahin karegi lekin balihaar jaayegi। achha- sada apne ko avinaashi praapti ke adhikaari baalak ko maalik samajhte ho? baalakpan aur maalikpan ka double nasha rehta hai? is samay sva ke maalik ho, svaraajya-adhikaari ho aur phir banenge vishwa ke maalik। to samay par baalakpan ka nasha, khushi aur samay par maalikpan ka nasha aur khushi। aise nahin ki jis samay maalik banna ho us samay baalak ban jaao aur jis samay baalak banna ho us samay maalik ban jaao, yeh nahin ho। jis samay koi aisi baat hoti hai jismen svayan ko kamjor samajhte ho, badi baat lagti hai to baalak bankar jimmevaari baap ko de do। jis samay seva karte ho to baalak so maalik bankar baap ke khazaane so mere khazaane samajh baanto। samjha!