Avyakt murli du mercredi 3 avril 1991

>

03-04-91 om shanti avyakt baapdaadaamdhuban

sarva hadon se nikal behad ke vairaagi bano

avyakt baapdaada apne bachchon prati boleh -

aaj kalpa baad phir se milan manaane sabhi bachche apne saakaari sweet hom madhuban mein pahunch gaye hain। saakaari vatan ka sweet hom madhuban hi hai। jahaan baap aur bachchon ka roohaani mela lagta hai। milan mela hota hai। to sabhi bachche milan mele mein aaye hue ho। yeh baap aur bachchon ka milan mela sirf is sangamayug par aur madhuban mein hi hota hai। isliye sabhi bhaag kar madhuban mein pahunche ho। madhuban baapdaada ka saakaar roop mein bhi milan karaata aur saath-saath sahaj yaad dvaara avyakt milan bhi karaata hai,kyonki madhuban dharni ko roohaani milan ki, saakaar roop mein milan ki anubhooti ka vardaan mila hua hai। vardaani dharni hone ke kaaran milan ka anubhav sahaj karte ho। aur koi bhi sthaan par gyaan saagar aur gyaan nadiyon ka milan mela nahin hota। saagar aur nadiyon ke milan mele ka yeh ek hi sthaan hai। aise mahaan vardaani dharni par aaye ho - aise samajhte ho?

tapasya varsha mein vishesh is kalpa mein pahli baar milne vaale bachchon ko golden chance mila hai। kitne lucky ho! tapasya ke aadi mein hi naye bachchon ko extra bal mila hai। to aadi mein hi yeh extra bal aage ke liye,aage badhne mein sahayogi banega। isliye naye bachchon ko drama ne bhi aage badhne ka sahayog diya hai। isliye yeh ulhana nahin de sakenge ki ham to peechhe aaye hain। nahin,tapasya varsha ko bhi vardaan mila hua hai। tapasya varsha mein vardaani bhoomi par aane ka adhikaar mila hai, chance mila hai। yeh extra bhaagya kam nahin hai! yeh varsha ka,madhuban dharni ka aur apne purooshaartha ka - teenon vardaan vishesh aap naye bachchon ko mile hue hain। to kitne lucky hue! itne avinaashi bhaagya ka nasha saath mein rakhna। sirf yahaan tak nasha na rahe, lekin avinaashi baap hai, avinaashi aap shreshtha aatmaaen ho,to bhaagya bhi avinaashi hai। avinaashi bhaagya ko avinaashi rakhna। yeh sirf sahaj attention dene ki baat hai। tension vaala attention nahin। sahaj attention ho,aur mushkil hai bhi kya?mera baba jaan liya, maan liya। to jo jaan liya, maan liya, anubhav kar liya, adhikaar praapta ho gaya phir mushkil kya hai? sirf ek hi mera baba - yeh anubhav hota rahe। yahi full knowledge hai। ek ‘‘baba'' shabd mein saara aadi-madhya-ant ka gyaan samaaya hua hai। kyonki beej hai na। beej mein to saara jhaad samaaya hua hota hai na। vistaar bhool sakta hai lekin saar ek baba shabd - yeh yaad rehna mushkil nahin hai। sada sahaj hai na! kabhi sahaj,kabhi mushkil nahin। sada baba mera hai। ki kabhi kabhi mera hai? jab sada baba mera hai to yaad bhi sada sahaj hai। koi mushkil baat nahin। bhagwan ne kaha - aap mere aur aapne kaha - aap mere। phir kya mushkil hai?isliye vishesh naye bachche aur aage badho। abhi bhi aage badhne ka chance hai। abhi final samaapti ka bigul nahin baja hai। isliye udo aur auron ko bhi udaate chalo। iski vidhi hai vesta arthaat vyartha ko bachaao। bachat ka khaata, jama ka khaata badhaate chalo। kyonki63 janma se bachat nahin ki hai lekin ganvaaya hai। sabhi khaate vyartha ganva kar khatma kar diya hai। shvaans ka khazaana bhi ganvaaya, sankalp ka khazaana bhi ganvaaya, samay ka khazaana bhi ganvaaya, gunon ka khazaana bhi ganvaaya, shaktiyon ka khazaana bhi ganvaaya, gyaan ka khazaana bhi ganvaaya। kitne khaate khaali ho gaye! abhi in sabhi khaaton ko jama karna hai। jama hone ka samay bhi abhi hai aur jama karne ki vidhi bhi baap dvaara sahaj mil rahi hai। vinaashi khazaanen kharcha karne se kam hote hain, khutte hain aur yeh sab khazaanen jitna sva ke prati,aur auron ke prati shubh vritti se kaarya mein lagaayenge,utna jama hota jaayega,badhta jaayega। yahaan khazaanon ko kaarya mein lagaana, yeh jama ki vidhi hai। vahaan rakhna jama karne ki vidhi hai aur yahaan lagaana jama karne ki vidhi hai। pharka hai। samay ko svayan prati ya auron prati shubh kaarya mein lagaao to jama hota jaayega। gyaan ko kaarya mein lagaao। aise gunon ko, shaktiyon ko jitna lagaayenge utna badhega। yeh nahin sochna - jaise woh locker mein rakh dete hain aur samajhte hain bahut jama hai, aise aap bhi socho mere buddhi mein gyaan bahut hai,gun bhi mere mein bahut hain,shaktiyaan bhi bahut hain। lock up karke nahin rakho, use karo। samjha। jama karne ki vidhi kya hai?kaarya mein lagaana। svayan prati bhi use karo, nahin to loose ho jaayenge। kai bachche kehte hain ki sarva khazaanen mere andar bahut samaaye hue hain। lekin samaaye hue ki nishaani kya hai? samaaye hue hain arthaat jama hai। to uski nishaani hai - sva prati va auron ke prati samay par kaam mein aaye। kaam mein aaye hi nahin aur kahe bahut jama hai,bahut jama hai। to isko yathaartha jama ki vidhi nahin kahenge। isliye agar yathaartha vidhi nahin hogi to samay par sampoornata ki siddhi nahin milegi। dhokha mil jaayega। siddhi nahin milegi।

gunon ko,shaktiyon ko kaarya mein lagaao to badhte jaayenge। to bachat ki vidhi,jama karne ki vidhi ko apnaao। phir vyartha ka khaata svatah hi parivartan ho saphal ho jaayega। jaise bhakti maarga mein yeh niyam hai ki jitna bhi aapke paas sthool dhan hai to uske liye kehte hain - daan karo, saphal karo to badhta jaayega। saphal karne ke liye kitna umang-utsaah badhaate hain, bhakti mein bhi। to aap bhi tapasya varsha mein sirf yeh nahin check karo ki vyartha kitna ganvaaya?vyartha ganvaaya, woh alag baat hai। lekin yeh check karo ki saphal kitna kiya?jo saare khazaanen sunaaye। gun bhi hai baap ki den। mera yeh gun hai, meri shakti hai - yeh svapna mein bhi galti nahin karna। yeh baap ki den hai to prabhu den। parmaatma den ko mera maanna - yeh mahaapaap hai। kai baar kai bachche saadhaaran bhaasha mein sochte bhi hain aur bolte bhi hain ki mere is gun ko use nahin kiya jaata, mere mein yeh shakti hai, meri buddhi bahut achhi hai, isko use nahin kiya jaata hai। ‘meri'kahaan se aai? ‘meri' kaha aur maili hui। bhakti mein bhi yeh shiksha 63 janmon se dete rahe hain ki mera nahin maano,tera maano। lekin phir bhi maana nahin। to gyaan maarga mein bhi kehna tera aur maanna mera - yeh thagi yahaan nahin chalti। isliye prabhu prasaad ko apna maanna - yeh abhimaan aur apmaan karna hai। ‘‘baba-baba''shabd kahaan bhi bhoolo nahin। baba ne shakti di hai, buddhi di hai, baba ka kaarya hai,baba ka centre hai, baba ki sab cheejen hai। aise nahin samjho - mera centre hai, hamne banaaya hai, hamaara adhikaar hai। ‘hamaara' shabd kahaan se aaya?aapka hai kya? gathri sambhaal kar rakhi hai kya? kai bachche aisa nasha dikhaate hain - hamne centre ka makaan banaaya hai to hamaara adhikaar hai। lekin banaaya kiska centre?baba ka centre hai na! to jab baba ko arpan kar diya to phir aapka kahaan se aaya?mera kahaan se aaya? jab buddhi badalti hai to kehte hain - mera hai। mere-mere ne hi maila kiya phir maila hona hai? jab brahman bane to brahman jeevan ka baap se pahla vaayda kaun sa hai? nayon ne vaayda kiya hai, ya puraanon ne kiya hai? naye bhi abhi to puraane hokar aaye ho na? nishchay buddhi ka form bharkar aaye ho na? to sabka pahla-pahla vaayda hai - tan-man-dhan aur buddhi sab tere। yeh vaayda sabhi ne kiya hai?

abhi vaayda karne vaale ho to haath uthaao। jo samajhte hain ki aaivel ke liye kuchh to rakhna padega। sab kuchh baap ko kais de denge?kuchh to kinaara rakhna padega। jo samajhte hain ki yeh samajhdaari ka kaam hai, woh haath uthaao। kuchh kinaare rakha hai?dekhna,phir yeh nahin kehna ki hamko kisne dekha? itni bheed mein kisne dekha? baap ke paas to T.vi. bahut clear hai। usse chhip nahin sakte ho। isliye soch, samajh karke thoda rakhna ho,bhal rakho। paandav kya samajhte ho? thoda rakhna chaahiye?achhi tarah se socho। jinko rakhna hai ve abhi haath utha le, bach jaayenge। nahin to yeh samay, yeh sabha, yeh aapka kaandh ka hilaana - yeh sab dikhaai dega। kabhi bhi meraapan nahin rakho। baap kaha aur paap gaya। baap nahin kehte to paap ho jaata hai। paap vash ke ho karke,phir buddhi kaam nahin karti hai। kitna bhi samjhaao, kahenge nahin, yeh to right hai। yeh to hona hi hai। yeh to karna hi hai। baap ko bhi raham padta hai। kyonki us samay paap ke vash hote hain। baap bhool jaata hai to paap aa jaata hai। aur paap ke vash hone ke kaaran jo bolte hain, jo karte hain woh svayan bhi nahin samajhte ki ham kya kar rahe hain, kyonki parvash hote hain। to sada gyaan ke hosh mein raho। paap ke josh mein nahin aao। beech-beech mein yeh maaya ki lahar aati hai। aap naye in baaton se bach karke rehna। mera-mera mein nahin jaana। thoda puraane ho jaate hain to phir yeh mere-mere ki maaya bahut aati hai। mera vichaar, meri buddhi hi nahin hai to mera vichaar kahaan se aaya?to samjha, jama karne ki vidhi kya hai? kaarya mein lagaana। saphal karo, apne eeshvareey sanskaaron ko bhi saphal karo to vyartha sanskaar svatah hi chale jaayenge। eeshvareey sanskaaron ko kaarya mein nahin lagaate ho to woh locker mein rehte aur puraana kaam karte rehte। kaiyon ki yeh aadat hoti hai ki bank mein ya almaariyon mein rakhne ki। bahut achhe kapde honge,paise honge,cheejen hongi, lekin use phir bhi puraane karenge। puraani vastu se unhon ko pyaar hota hai aur almaari ki cheejen almaari mein hi rah jaayegi aur woh puraane se hi chala jaayega। to aise nahin karna - puraane sanskaar use karte raho aur eeshvareey sanskaar buddhi ke locker mein rakho। nahin, kaarya mein lagaao, saphal karo। to yeh chart rakho ki saphal kitna kiya? saphal karna maana bachaana ya badhaana। mansa se saphal karo,vaani se saphal karo। sambandh-samparka se, karma se, apne shreshtha sang se, apne ati shaktishaali vritti se saphal karo। aise nahin ki meri vritti to achhi rehti hai। lekin saphal kitna kiya?mere sanskaar to hai hi shant lekin saphal kitna kiya?kaarya mein lagaaya? to yeh vidhi apnaane se sampoornata ki siddhi sahaj anubhav karte rahenge। saphal karna hi saph-lata ki chaabi hai। samjha - kya karna hai?sirf apne mein hi khush nahin hote raho - main to bahut achhi gunvaan hoon, main bahut achha bhaashan kar sakti hoon, main bahut achha gyaani hoon,yog bhi mera bahut achha hai। lekin achha hai to use karo na। usko saphal karo। sahaj vidhi hai - kaarya mein lagaao aur badhaao। bina mehnat ke badhta jaayega aur21 janma aaraam se khaana। vahaan mehnat nahin karni padegi।

vishaal mahphil hai (om shanti bhavan ka haal ekdam full bhar gaya isliye kaiyon ko neeche meditation haal, chhote haal mein baithna pada। haal chhota pad gaya)shaastron mein yeh aapka jo yaadgaar hai,usmein bhi gaayan hai - pahle gilaas mein paani daala, phir usse ghade mein daala,phir ghade se taalaab mein daala, taalaab se nadi mein daala। aakhreen kahaan gaya? saagar mein। to yeh mahphil pahle history haal mein lagi, phir meditation haal mein lagi, abhi om shanti bhavan mein lag rahi hai। ab phir kahaan lagegi? lekin iska matlab nahin ki saakaar milan ke bina avyakt milan nahin mana sakte ho। avyakti milan manaane ka abhyaas samay pramaan badhna hi hai aur badhaana hi hai। yeh to daadiyon ne merciful hokar aap sabke oopar vishesh raham kiya hai, nayon ke oopar। lekin avyakt anubhav ko badhaana - yeh samay aur kaarya mein aayega। dekho,naye-naye bachchon ke liye hi baapdaada vishesh yeh saakaar mein milan ka part ab tak baja rahe hain। lekin yeh bhi kab tak?

sabhi khushraaji ho,santushta ho?baahar rahne mein bhi santushta ho?yeh bhi drama mein part hai। jab kehte ho saara aabu hamaara hoga, to woh kaise hoga?pahle aap charan to rakho। phir abhi jo dharmashaala naam hai woh apna ho jaayega। dekho,videsh mein abhi aise hone laga hai। church itne nahin chalte hain to bi.ke. ko de di hai। jo aise bade-bade sthaan hai, chal nahin paate hain to offer karte hain na। to braahmanon ke charan pad rahe hain jagah-jagah par, ismen bhi raaz hai। braahmanon ko rahne ka drama mein part mila hai। to saara hi apna jab ho jaayega phir kya karenge?aap hi offer karenge aap sambhaalo। humein bhi sambhaalo, aashram bhi sambhaalo। jis samay jo part milta hai, usmein raaji rah karke part bajaao। achha।

madhuban nivaasi aur teachers sabhi neeche sun rahe hain। sunne dvaara mil rahe hain। teachers aur madhuban nivaasiyon ko seva ka pratyakshaphal sabke santushtata ki duaaen milti hai। yeh brahman aatmaon ki ya baap ki duaaen extra lift ke roop mein kaam mein aati hain। yeh brahman aatmaon ke dil ki duaaen kam nahin hai। achha-

chaaron or ke sarva milan manaane ke,gyaan ratan dhaaran karne ke chaatrak aatmaon ko aakaar roop mein va saakaar roop mein milan mela manaane vaali shreshtha aatmaon ko,sada sarva khazaanon ko saphal kar saphalta swaroop banne vaali aatmaon ko,sada mera baba aur koi had ka meraapan anshamaatra bhi na rakhne vaale aise behad ke vairaagi aatmaon ko sada har samay vidhi dvaara sampoornata ki siddhi praapta karne vaale bachchon ko baapdaada ka yaadapyaar aur namaste।

daadiyon se :- sadaiv koi nai scene honi chaahiye na। yeh bhi drama mein nai scene thi jo repeat hui। yeh socha tha ki yeh haal bhi chhota ho jaayega?sada ek scene to achhi lagti nahin। kabhi-kabhi ki scene achhi lagti hai। yeh bhi ek roohaani raunak hai na! in sabhi aatmaon ka sankalp poora hona tha, isliye yeh scene ho gai। yahaan se chhutti de di - bhale aao। to kya karenge?abhi to naye aur badhne hain। aur puraane to puraane ho gaye। jaise umang se aaye hain vaise apne ko set kiya hai, yeh achha kiya hai। vishaal to hona hi hai। kam to hona hai hi nahin। jab vishwa kalyaankaari ka title hai to vishwa ke aage yeh to kuchh bhi nahin hain। vriddhi bhi honi hai aur vidhi bhi naye se nai honi hai। kuchh na kuchh to vidhi hoti rahni hai। abhi vritti powerful hogi। tapasya dvaara vritti powerful ho jaayegi to svatah hi vritti dvaara aatmaon ki bhi vritti change hogi। achha- aaj sab seva karte thakte to nahin ho na। mauj mein aa rahe ho। mauj hi mauj hai। achha।

party se :- sada apne ko ekras sthiti mein anubhav karte ho? ekras sthiti hai ya aur had ke ras aakaarshit karte hain? nir-ntar yogi ban gaye?sada powerful yog hai ya pharka padta hai?nirantar arthaat antar na ho। aise shaktishaali bane ho ya ban rahe ho? kitne tak bane ho? 75tak pahunche ho?kyonki sada ekras ka arth hi hai ek ke saath sada jaise baap, vaise main, baap samaan। banna to baap samaan hai। baap to shakti bharte hi hain। roj ki murli kya hai? shakti bharti hai na! lekin bharne vaale bharte hain। sadaiv smriti rakho ki ham mahaaveer hain,shivshaktiyaan hain to kabhi bhi nirbal nahin honge, kamjor nahin honge। kyonki koi bhi vighna tab aata hai jab kamjor bante hain। agar kamjor nahin bano to vighna nahin aa sakta। mahaaveer ko kehte hain vighna vinaashak। to yeh kiska title hai? aap sabhi vighna vinaashak ho ya vighnon mein ghabraane vaale ho? koi bhi shakti ki kami hui to master sarva shaktivaan nahin kahenge। isliye sada yaad rakho ki sarva shaktiyaan baap ka varsa hai। varsa to poora mila hai ya thoda mila hai? to ek bhi shakti kam nahin honi chaahiye। is samay sabhi madhuban nivaasi ho na! abhi madhuban ko saath le jaana। kyonki madhuban arthaat madhurta। madhuban aapke saath hoga to sada hi sampoorn aur sada hi santushta rahenge। aise nahin kehna ki madhuban mein to bahut achha tha। abhi badal gaye। madhuban ka baba bhi saath hai। to madhuban ki visheshta bhi saath hai। to sada apne ko master sarva shaktivaan anu-bhav karenge। sabhi teevra purushaarthi ho ya purushaarthi ho? teevra purushaarthi ki nishaani kya hoti hai?teevra purushaarthi sada udti kala vaala hoga, sada double light hoga। kabhi oopar, kabhi neeche nahin, sada udti kala। jitna-jitna vichitra baap se pyaar hai to jisse pyaar hota hai vaisa hi banna hota hai। svayan bhi vichitra aatma roop mein sthit honge to udti kala mein rahenge। achha।

(baapdaada ka madhur yaad patra double videshi bhaai-bahnon prati)

chaaron or ke double videshi bachchon ko baapdaada dilvar ki dil se bahut-bahut yaadapyaar sveekaar ho।

sarva bachchon ki madhuban ke riphreshmenta ke umang-utsaah ki khushbu patron dvaara, roohrihaan dvaara baap ke paas pahunch rahi hai। baapdaada bhi bachchon ka teevra purooshaartha dekh khush ho rahe hain aur sada aage udaane mein saathi hai। eeshvareey parivaar ke bhi sahayog ki duaaen sada sabke saath hain। dekho, meethe bachche is tapasya varsha mein lagan ki agni dvaara sarva vyartha sankalp, samay aur sanskaaron ko samaapta kar samartha-sampanna banne ka jo dridh sankalp kiya hai, unko apni himmat aur baap ki madad se poora karna hi hai aur hona hi hai। iske liye sada baap ko apne companion ke roop mein saath rakhna aur company teevra purushaarthi follow father brahman aatmaon ki karni hai। ismen hi sahaj saphalta anubhav karte rahenge। double videshi bachchon par to vishesh baap ka pyaar hai kyonki bachche bhi baap ke lav mein leen rehte hain। udte raho aur udaate raho। achha।