Avyakt murli du mercredi 1 avril 1992

>

01-04-92 om shanti avyakt baapdaadaamdhuban

udti kala ka anubhav karne ke liye do baaton ko balance - gyaanayukta bhaavna aur sneh yukta yog

avyakt baapdaada apne gyaani tu aatma bachchon prati bole-

aaj baapdaada apne snehi bhaavna-moorta aatmaon aur gyaan-swaroop yogi aatmaon ko dekh rahe hain। donon prakaar ki aatmaayen baap ki priy hain aur donon hi baap se apne apne yatha sneh aur bhaavna pramaan pratyaksha phal varse ke adhikaari hain। gyaan swaroop yogi tu aatmaayen apne shakti pramaan baap ke sameep samaan sarvashaktiyon ki anubhooti ka varsa praapta kar rahi hain। donen hi praapti swaroop hain। lekin donon ke praapti mein antar hai। sneh aur bhaavna-moorta bachche sada bhaavna ke kaaran yaad mein rehte hain। baap se pyaar ka anubhav karte hain, shakti ka bhi anubhav bhaavna ke phal ke swaroop mein karte hain। lekin sada aur sarvashaktiyaan anubhav nahin karte। gyaan swaroop yogi tu aatmaaen sada sarvashaktiyon ki anubhooti dvaara sahaj vijayi banne ka vishesh anubhav karti hain, samaanta ka anubhav karti hain।to donon prakaar ke bachche vriddhi ko praapta kar rahe hain। sada achal atal sthiti ka anubhav yogi tu aatmaaen hi karti hain। snehi va bhaavna-swaroop aatmaayen bhaavna se, sneh se aage badh rahe hain lekin sada vijayi nahin। snehi aatmaon ke man mein, mukh mein sada baba-baba hai is kaaran samay prati samay sahayog praapta hota rehta hai। bhaavna ka phal samay pramaan baap dvaara praapta ho hi jaata hai। lekin samaan banne mein gyaani yogi tu aatmaayen sameep hain। isliye bhaavna aur gyaan swaroop banne ka lakshya rakho। jitni bhaavna ho utna hi gyaan swaroop bhi ho। sirf bhaavna va sirf gyaan yeh bhi sampoornata nahin। gyaan-yukta bhaavna, sneh-sampanna yogi aatma - yeh donon ka balance sahaj udti kala ka anubhav karaata hai। baap samaan arthaat donon ki samaanta।

vartamaan samay bhaavna swaroop aatmaayen seva mein jyaada aati hain। yeh aatmaayen bhi sthaapna ke kaarya mein, chaahe aadi sanaatan degta dharma ki sthaapna mein,chaahe raajya ke sthaapna mein, donon mein aavashyak hai। lekin abhi samay pramaan gyaani yogi tu aatmaon ki aavashyakta aur jyaada hai। kyonki aage ke samay mein vairaagya vritti ke vaayumandal ke kaaran bhaavna swaroop aatmaayen aur bhi sahaj aani hi hain। isliye seva ke lakshya mein gyaani-yogi tu aatmaon ke taraph attention jyaada chaahiye। aisi aatmaon ki vriddhi aavashyak hai। samjha, aise nahin samjho ki sankhya bahut badh rahi hai। lekin aisi baap samaan sarvashaktiyon ki anubhooti vaali aatmaaen taiyaar karo। raajdhaani ki vriddhi to achhi ho rahi hai। lekin vishwa parivartan mein donon swaroop ke balance vaali aatmaaen hi nimitta banti hain। kyonki vishwa parivartan ke liye bahut sookshm shaktishaali sthiti vaali aatmaaen chaahien। jo apni vritti dvaara, shreshtha sankalp dvaara anek aatmaon ko parivartan kar sake। svayan snehi va bhaavuk aatma svayan mein bahut achhe chalte hain lekin woh sneh va bhaavna vishwa ke prati nahin hoti। svayan ke vrati va kuchh sameep aatmaon ke prati hoti hai। behad ki seva va vishwa prati seva balance vaali aatmaaen kar sakti hain। behad ki seva va apni shaktishaali mansa shakti dvaara, shubh bhaavna aur shubh kaamna dvaara hoti hai। sirf svayan ke prati bhaavuk nahin lekin auron ko bhi shubh bhaavna aur shubh kaamna dvaara parivartit kar sakte ho। to aise bhaavna aur gyaan, sneh aur yog shakti ho, aisi aatmaaen bane ho ki sirf snehi bhaavuk aatmaon ko dekh khush ho rahe ho? kalyaankaari bane ho? ya behad vishwa kalyaankaari bane ho - yeh check karo। kya result hai? baapdaada ne sunaaya ki baap ko donon hi pyaare hain। donon prakaar ki aatmaon ko dekh baapdaada khush hote hain। phir bhi snehi aatmaaen ban baap ko apna to bana liya na? pahchaan liya, varse ke adhikaari ban gaye, koton mein koi ki line mein aa gaye, apne thikaane par pahunch gaye, tan ke bhatakne,man ke bhatakne se bach gaye, isliye khush hote hain na। bachche bhi khush,baap bhi khush hain। khushkismatvaale to ban gaye hain na?duniya ke hisaab se direct baap ke banne vaale dekho kitni saadhaaran aatmaaen hain! vishwa ke shikshak ke student dekho kaise wonderful hain! padhaane vaala oonche te ooncha aur padhne vaale saadhaaran। lekin saadhaaran hi saadhaaran swaroop mein aanevaale baap ko jaante hain। baapdaada bhi vi.aai.pi. banke to nahin aate hain na, saadhaaran roop mein aate hain। koi prime minister va kisi raaja ke tan mein nahin aate। isliye pahchaanne vaale saadhaaran hi bhaagya praapta karte hain। khushanseeb ho na, kitna bhaagya mila hain padmaapadma kehna bhi kuchh nahin hai।

abhi bhi dekho sankhya to bahut hai na। pahle sochte the yeh itna bada haal kis kaam mein aayega aur abhi kya lagta hai isse bada haal hona chaahiye na। braahmanon ko yeh vardaan hai, titna bada banaate jaayenge utna chhota hota jaayega। jo bhi aaye hain sabhi aane vaalon ko mubaarak dete hain, lekin sirf bhaavuk nahin bano, gyaani bhi bano। prakriti ke bhi gyaani bano। gyaan sirf aatma ka nahin। aatma,param aatma aur prakriti। usmein drama bhi aa jaata hai। teenon ka gyaan chaahiye। kahaan ja rahe hain aur apne liye kya attention chaahiye,yeh prakriti ka bhi agar knowledge nahin hai to knowledgeful nahin hai। sthaan ka, vyakti ka, sthiti teenon ka gyaan rakho। sirf bhaavuk nahin bano, jaana hi hai, laana hi hai। gyaan swaroop maana dooraadeshi, trikaaldarshi,teenon ka gyaan agar spashta hai to saphalta milti hai। agar koi apni galti se baar-baar beemaar hota hai to baapdaada usko gyaan yogi nahin kehte। gyaan ka arth hai samajh। apni sthiti ko bhi samjho, apne shareer ko bhi samjho। aatma ki sthiti, shareer ki sathiti, vaayumandal ka sab gyaan buddhi mein hai to knowledgeful hain। iseelie sirf bhaavna par raazi nahin ho jaao। aane vaale, laane vaale, donon ko knowledgeful hona chaahiye। jo hota hai woh to meetha drama hi kahenge। halchal mein to nahin aayenge na - achal। lekin aage ke liye attention। baapdaada bhi jaante hain ki bachche kitni mehnat sahan karke pahunchte hain। iske liye to mubaarak de hi di। jis aatma ko jo varsa hai woh usko praapta hona hi hai। varse se vanchit koi nahin rah sakta। chaahe saakaar mein sammukh hain, chaahe apne sthaan par manamnaabhav rehte,varsa avashya praapta hona hai। double knowledgeful hona hai, half knowledgeful nahin bano। achha, chaaron or ke sarva khushanseeb aatmaaen, sarva sneh aur yog shakti ki samaanta ki anubhvi aatmaaen,bhaavna aur gyaan swaroop aatmaaen, sada baap samaan banne ke lakshya ko poorn karne vaali aatmaaen, sada sameep anubhav karne vaali aatmaaen, aise sada achal-adol rahne vaali vishesh aatmaon ko baapdaada ka yaadapyaar aur namaste।

(note:- aaj madhuban mein aai hui paarta mein ek hi ghante ke andar karnaatak zone ke do bujurga bhaaiyon ne apna puraana shareer chhoda hai isliye baapdaada ne sabhi ka vishesh attention khinchavaaya hai।)

daadiyon se avyakt baapdaada ki mulaakaat

sangathan ki shakti ko aage badha rahi hai। achhi himmat se ek do ko sahayog de vriddhi ko praapta kar rahe ho। aap nimitta bani hui aatmaon ki himmat anek aatmaon ki himmat ko badhaati hai। har paristhiti ke anubhvi ban gaye। nothing new lagta hai na, baapdaada parde ke andar sakaash de rahe hain, lekin part bajaane vaali stage par aap aatmaayen ho। achha part baja rahi ho। baapdaada sada mahaaveeron ke nimitta sangathan ko vishesh amritvele number one unheen aatmaon ko yaadapyaar good morning karte hain aur vahi sakaash kaho,pyaar kaho,saare din ki khuraak ho jaati hai। aise lagta hai na? sab theek hai। himmat se saphalta hai hi।