Avyakt murli du mardi 13 octobre 1992

>

13-10-92 om shanti avyakt baapdaadaamdhuban

number one banna hai to gyaan aur yog ko swaroop mein laao

svayan prakaash swaroop ban anekon ka andhakaar mitaane vaale chaitanya deepkon prati sat shikshak baapdaada boleh

aaj sat shikshak apni shreshtha shiksha dhaaran karne vaale godly student ko dekh rahe hain ki har ek eeshvareey vidyaarthi ne is eeshvareey shiksha ko kahaan tak dhaaran kiya hai? padhaane vaala ek hai,padhaai bhi ek hai lekin padhne vaale padhaai mein nambarvaar hain। har roj ka paath murli dvaara har sthaan par ek hi sunte hain arthaat ek hi paath padhte hain। murli arthaat paath har sthaan par ek hi hota hai। date ka pharka ho sakta hai lekin murli vahi hoti hai। phir bhi nambarvaar kyon? number kislie hote hain? kyonki is eeshvareey padhaai padhne ki vidhi sirf sunna nahin hai lekin har mahaavaakya swaroop mein laana hai। to sunna sabka ek jaisa hai lekin swaroop banne mein nambarvaar ho jaate hain। lakshya sabhi ka ek hi rehta hai ki main number one banoon। aisa lakshya hai na! lakshya number one ka hai lekin result mein nambarvaar ho jaate hain। kyonki lakshya ko lakshan mein laana-ismen lakshya aur lakshan mein pharka pad jaata hai। is padhaai mein subject bhi jyaada nahin hain। chaar subject ko dhaaran karna-ismen mushkil kya hai! aur chaaron hi subject ka ek-do ke saath sambandh hai। agar ek subject ‘gyaan’sampoorn vidhipoorvak dhaaran kar lo arthaat gyaan ke ek-ek shabd ko swaroop mein laao, to gyaan hai hi mukhya do shabdon ka jisko rachayita aur rachna va alpha aur be kehte ho। rachayita baap ki samajh aa gai arthaat parmaatma-parichay,sambandh spashta ho gaya aur rachna arthaat pahli rachna‘‘main shreshtha aatma hoon’’aur doosra ‘‘mujh aatma ka is behad ki rachna arthaat behad ke drama mein saare kalpa mein kya-kya part hai’’-yeh saara gyaan to sabhi ko hai na। lekin shreshtha aatma swaroop ban har samay shreshtha part bajaana-ismen kabhi yaad rehta hai, kabhi bhool jaate hain। agar in do shabdon ka gyaan hai, yog bhi in do shabdon ke aadhaar par hai na। gyaan se yog ka svatah hi sambandh hai। jo ‘gyaani tu aatma’ hai woh ‘yogi tu aatma’ avashya hi hai। to gyaan aur yog ka sambandh hua na। aur jo gyaani aur yogi hoga uski dhaarna shreshtha hogi ya kamjor hogi?shreshtha,svatah hogi na, sahaj hogi na। ki dhaarna mein mushkil hogi?jo ‘gyaani tu aatma’, ‘yogi tu aatma’ hai woh dhaarna mein kamjor ho sakta hai? nahin। hote to hain। to gyaan-yog nahin hai? gyaani hai lekin ‘gyaani tu aatma’ woh sthiti nahin hai। yog lagaane vaale hain lekin yogi jeevan vaale nahin hain। jeevan sada hoti hai aur jeevan natural hoti hai। yogi jeevan arthaat oreejinal nature yogi ki hai।

63 janmon ke vismriti ke sanskaar va kamjori ke sanskaar brahman jeevan mein kahaan-kahaan mool nature ban purooshaartha mein vighna daalte hain। kitna bhi svayan va doosra attention khinchavaata hai ki yeh parivartan karo va svayan bhi samajhte hain ki yeh parivartan hona chaahiye lekin jaante hue bhi, chaahte hue bhi kya kehte ho? chaahte to nahin hain lekin meri nature hai yeh,mera svabhaav hai yeh। to nature natural ho gai hai na। kiske bol mein va vyavhaar mein gyaan-sampanna vyavhaar va yogi jeevan pramaan vyavhaar va bol nahin hote hain to vo kya kehte hain? yahi bol bolenge ki mera natural bol hi aisa hai, bolne ka tone hi aisa hai। va kahenge-meri chaal-chalan hi official va gambheer hai। naam achhe bolte hain-josh nahin hai lekin official hai। to chaahte bhi,samajhte bhi nature natural work (kaarya) karti rehti hai,usmein mehnat nahin karni padti hai। aise jo gyaani jeevan va yogi jeevan mein rehte hain, to gyaan aur yog sampanna har karma natural hote hain arthaat gyaan aur yog-yahi unki nature ban jaati hai aur nature banne ke kaaran shreshtha karma,yuktiyukta karma natural hote rehte hain। to samjha,nature natural bana deti hai। to gyaan aur yog mool nature ban jaayen-isko kaha jaata hai gyaani jeevan,yogi jeevan vaala।

gyaani sabhi ho, yogi sabhi ho lekin antar kya hai?ek hain-gyaan sunne-sunaane vaale, yatha shakti jeevan mein laane vaale। doosre hain-gyaan aur yog ko har samay apne jeevan ki nature banaane vaale। vidyaarthi sabhi ho lekin yeh antar hone ke kaaran nambarvaar ban jaate hain। jiski nature hi gyaani-yogi ki hogi uski dhaarna bhi natural hogi। natural svabhaav-sanskaar hi dhaarnaasvaroop honge। baar-baar purooshaartha nahin karna padega ki is gun ko dhaaran karoon, us gun ko dhaaran karoon। lekin pahle foundation ke samay hi gyaan, yog aur dhaarna ko apni jeevan bana di। isliye yeh teenon subject aisi aatma ki svatah aur svaabhaavik anubhootiyaan ban jaati hain। isliye aisi aatmaon ko sahaj yogi, sahaj gyaani, sahaj dhaarnaamoorta kaha jaata hai। teenon subject ka connection hai। jiske paas itni anubhootiyon ka khazaana sampanna hoga,aisi sampanna moortiyaan svatah hi master daata ban jaati hain। daata arthaat sevaadhaari। daata dene ke bina rah nahin sakta। daataapan ke sanskaar se svatah hi seva ka subject practical mein sahaj ho jaata hai। to chaaron ka hi sambandh hua na। koi kahe ki mere mein gyaan to achha hai lekin dhaarna mein kami hai-to usko gyaani kaha jaayega?gyaan to doosron ko bhi dete ho na। hai tab to dete ho! ek hai-samajhna, doosra hai-swaroop mein laana। samajhne mein sabhi hoshiyaar hain, samjhaane mein bhi sabhi hoshiyaar hain lekin number one banna hai to gyaan aur yog ko swaroop mein laao। phir nambarvaar nahin honge lekin number one honge।

to sunaaya ki aaj sat shikshak apne chaaron or ke eeshvareey vidyaarthiyon ko dekh rahe the। to kya dekha? sabhi number one dikhaai diye va nambarvaar dikhaai diye?kya result hogi? va samajhte ho-number one to ek hi hoga,ham to nambarvaar mein hi aayenge? first division mein to aa sakte ho na। usmein ek nahin hota hai। to check karo-agar baar-baar kisi bhi baat mein sthiti neeche-oopar hoti hai arthaat baar-baar purooshaartha mein mehnat karni padti hai,isse siddha hai ki gyaan ki mool subject ke do shabd-’rachta’aur ‘rachna’ki padhaai ko swaroop mein nahin laaya hai,jeevan mein mool sanskaar ke roop mein va mool nature ke roop mein va sahaj svabhaav ke roop mein nahin laaya hai। brahman jeevan ka natural svabhaav-sanskaar hi yogi jeevan,gyaani jeevan hai। jeevan arthaat nirantar, sada।8 ghanta jeevan hai, phir4 ghanta nahin-aisa nahin hota। aaj 10ghante ke yogi bane, aaj 12 ghante ke yogi bane, aaj2 ghante ke yogi bane-vo yog lagaane vaale yogi hain,yogi jeevan vaale yogi nahin। vishesh sangathit roop mein iseelie baithte ho ki sarva ke yog ki shakti se vaayumandal dvaara kamjor purooshaarthiyon ko aur vishwa ki sarva aatmaon ko yog shakti dvaara parivartan karen। isliye woh bhi aavashyak hai lekin iseelie yog mein nahin baithte ho ki apna hi toota hua yog lagaate raho। sangathit shakti-yeh bhi seva ke nimitta hai lekin yog-bhatthi isliye nahin rakhte ho ki mera connection phir se jut jaaye। agar kamjor ho to isliye baithte ho aur ‘‘yogi tu aatma’’ ho to master sarvashaktivaan ban, master vishwa-kalyaankaari ban sarva ko sahayog dene ki seva karte ho। to padhaai arthaat swaroop banna। achha!

aaj deepaavli manaane aae hain। manaane ka arth kya hai? deepaavli mein kya karte ho? deep jalaate ho। aajkal to light jalaate hain। aur light par kaun aate hain? parvaane। aur parvaane ki visheshta kya hoti hai? phida hona। to deepaavli manaane ka arth kya hua? to phida ho gaye ho ya aaj hona hai? ho gaye ho ya hona hai? (ho gaye hain) to deepaavli to mana li, phir kyon manaate ho? jab phida ho gaye to deepaavli mana liya। ki beech-beech mein chakkar lagaane jaate ho? phida ho gaye hain lekin thode pankh abhi hain,usse thoda chakkar laga lete ho। to chakkar lagaane vaale to nahin ho na। chakkar lagaana arthaat kisi na kisi maaya ke roop se takkar khaana। maaya se takkar khaate ho ya maaya ko haar khilaate ho?va kabhi vijay praapta karte ho, kabhi takkar khaate ho?

deepmaala-yeh apna hi yaadgaar manaate ho। aapka yaadgaar hai na? ki mukhya aatmaon ka yaadgaar hai, aap dekhne vaale ho? aap sabka yaadgaar hai, iseelie aajkal bahut andaaz mein deepak ke bajaae chhote-chhote bulb jaga dete hain। deepak jalaayenge to sankhya phir bhi usse kam ho jaayegi। lekin aapki sankhya to bahut hai na। to sabhi ki yaad mein anek chhote-chhote bulb jagamga dete hain। to apna yaadgaar mana rahe hain। jab deepak dekhte ho to samajhte ho yeh hamaara yaadgaar hai? smriti aati hai? yahi sangamayug ki visheshta hai jo chaitanya deepak apna jad yaadgaar deepak dekhte ho। chaitanya mein svayan ho aur jad yaadgaar dekh rahe ho। aise to jis din deepaavli manaao us din hi vaastavik tithi hai। yeh to duniya vaalon ne tithi fix ki hai, lekin aapki tithi apni hai। isliye jis din aap brahman manaao vahi sachchi tithi hai। isliye koi bhi tithi fix karte hain to kisse poochhte hain? braahmanon se hi nikaalte hain। to aaj baapdaada sabhi desh-videsh ke sada jage hue deepkon ko deepmaala ki mubaarak de rahe hain, badhaai de rahe hain। deepaavli mubaarak arthaat maalaamaal, sampanna banne ki mubaarak।

aise sada jaagti jyot,sada svayan prakaashasvaroop ban anekon ka andhakaar mitaane vaale sachche deepak,sada chaaron hi subject ko saath-saath jeevan mein laane vaale, sarva subject mein number one ke lakshya ko lakshan mein laane vaale,aise gyaani tu aatmaae, yogi tu aatmaae, divyagun swaroop aatmaae, nirantar sevaadhaari, shreshtha vishwa-kalyaankaari aatmaon ko baapdaada ka yaad, pyaar aur namaste।

avyakt baapdaada ki personal mulaakaat

group nan.1

khushanseeb woh jiske chehre aur chalan se sada khushi ki jhalak dikhaai de

sabhi apne ko sada khushanseeb aatmaae samajhte ho? khushanseeb aatmaon ki nishaani kya hogi? unke chehre aur chalan se sada khushi ki jhalak dikhaai degi। chaahe koi bhi sthool kaarya kar rahe hon, saadhaaran kaam kar rahe hon lekin har karma karte khushi ki jhalak dikhaai pade। isko kehte hain nirantar khushi mein man naachta rahe। aise sada rehte ho? ya kabhi bahut khush rehte ho, kabhi kam? khushi ka khazaana apna khazaana ho gaya। to apna khazaana sada saath rahega na। ya kabhi-kabhi rahega?baap ke khazaane ko apna khazaana banaaya hai ya bhool jaata hai apna khazaana?apni sthool cheej to yaad rehti hai na। woh khazaana aankhon se dikhaai deta hai lekin yeh khazaana aankhon se nahin dikhaai deta, dil se anubhav karte ho। to anubhav vaali baat kabhi bhoolti hai kya? to sada yeh smriti mein rakho ki ham khushi ke khazaane ke maalik hain। jitna khazaana yaad rahega utna nasha rahega। to yeh roohaani nasha auron ko bhi anubhav karaayega ki inke paas kuchh hai।

maataaon ko saara samay kya yaad rehta hai? sirf baap yaad rehta hai ya aur bhi kuchh yaad rehta hai? varse ki to khushi dikhaai degi na। jab brahman jeevan ke liye sansaar hi ek baap hai,to sansaar ke sivaae aur kya yaad aayega। sada dil mein apne shreshtha bhaagya ke geet gaate raho। aisa shreshtha bhaagya saare kalpa mein praapta hoga? jo saare kalpa mein abhi praapta hota hai, to abhi ki khushi,abhi ka nasha sabse shreshtha hai। to maataaon ko aur koi sambandhi yaad aate hain? koi sambandh mein neeche-oopar ho to moh jaata hai? moh saara khatma ho gaya? jo kehte hain-kuchh bhi ho jaaye,mere ko moh nahin aayega-vo haath uthaayen। achha, moh ka paper bhale aave? paandav to nashtomoha hain na। vyavhaar mein kuchh oopar-neeche ho jaae, phir nashtomoha hain? abhi bhi beech-beech mein maaya paper to leti hai na। to usmein paas hote ho?ya jab maaya aati hai tab thoda dheele ho jaate ho? to sada khushi ke geet gaate raho। samjha? kuchh bhi chala jaaye lekin khushi nahin jaaye। chaahe kisi bhi roop mein maaya aaye lekin khushi na jaaye। aise khush rahne vaale hi sada khushanseeb hain। achha!

abhi aandhra aur karnaatak vaalon ko kaunsi kamaal karni hai? aisi koi bhi aatma vanchit nahin rah jaaye। harek ko sandesh dena hai। jahaan bhi rehte ho-sarva aatmaon ko sandesh milna chaahiye। jitna sandesh denge utni khushi badhti jaayegi। achha!

group nan.2

parmaatma-pyaar ki paalna ka anubhav karne ke liye har kaarya nyaare hokar karo

sabhi apne ko sangamayugi heere tulya shreshtha aatma samajhte ho? kyonki sangam par is samay heere tulya ho। satayug mein sone tulya banenge। lekin is samay saare chakra ke andar shreshtha aatma ka part baja rahe ho। to heere samaan jeevan arthaat itni amoolya jeevan bani hai? sabse badi moolyavaan jeevan sangamayug ki hai। to aisi smriti rehti hai ki itne shreshtha hain?kyonki jaisi smriti hogi vaisi sthiti hogi। agar smriti shreshtha hai to sthiti saadhaaran nahin ho sakti। agar sthiti saadhaaran hai to smriti bhi saadhaaran hai। to sada sarvashreshtha moolyavaan jeevan anubhav karne vaali aatma hoon-yeh smriti mein emerge rahe। aise nahin ki main hoon hi,maaloom hai ki ham heere tulya hain। lekin smriti mein emerge roop mein rehta hai aur usi smriti se,usi sthiti se har kaarya karte ho? kyonki heere tulya jeevan va heere tulya sthiti vaale ka har karma heere tulya hoga arthaat moolyavaan hoga, oonche te ooncha hoga। to har karma aise ooncha rehta hai ya kabhi ooncha, kabhi saadhaaran? kyonki sada heere tulya ho। heera to heera hi hota hai,woh kabhi sona va chaandi nahin banta। to har karma karte hue check karo ki heere tulya sthiti hai, chalte-chalte saadhaaranta to nahin aa gai? kyonki63 janma ka abhyaas hai saadhaaran rahne ka। to pichhla sanskaar kabhi kheench leta hai। kamjor ko koi kheench lega, bahaadur ko koi kheench nahin sakta। bahaadur usko bhi charnon mein jhuka dega। to kabhi bhi saadhaaran sthiti nahin ho। agar koi vishesh occupation vaala aisa koi saadhaaran karma kare to usko kya kaha jaayega? aaj ka prime-minister agar koi aisa halka kaam kare to sabhi ulahna denge na, achha nahin lagega na। to aap kaun ho?

itna nasha smriti mein rakho jo sabko chalte-phirte dikhaai de ki yeh koi vishesh aatmaayen hain। jaise heera kitna bhi mitti mein chhipa hua ho lekin phir bhi apni chamak dikhaata hai। to chaahe aap kitne bhi saadhaaran vaayumandal mein hon, kitne bhi bade saadhaaran vyaktiyon ke beech hon lekin vishesh aatma,alaukik aatma dikhaai do। chaahe pravritti mein rehte ho,unhon ke beech mein bhi nyaare dikhaai do। aisa purooshaartha hai? aur jitna nyaare honge utna baap ke pyaar ke paatra honge। kahaan bhi lagaav hai to nyaara nahin ho sakte। isliye nyaara aur pyaara। kuchh bhi kaarya karo lekin nyaare hokar। phir anubhav karenge ki parmaatma-pyaar ki paalna mein sada aage ud rahe hain। parmaatma-pyaar udaane ka saadhan hai। to udne vaale ho na। dharni ki aakarshan se sada oopar raho। dharni arthaat maaya kheenche nahin। kitna bhi aakarshit roop ho lekin maaya ki aakarshan aap udti kala vaalon ke paas pahunch nahin sakti। jaise rocket jaata hai na, to dharni ki aakarshan se pare ho jaata hai। to aap nahin ho sakte ho? iski vidhi hai nyaara banna। baap aur main,bas। baap ke saath udte rahen। aakarshit hokar neeche nahin aao। seva arth aate bhi hain to maaya ki aakarshan aa nahin sakti,maaya proof bankar ke aayenge। baap nyaara hai, iseelie pyaara hai। to follow father। sada nyaare,sada baap ke pyaare। samjha?achha!

group nan.3

svapna ka aadhaar hai-saakaar jeevan

sabhi saakaar roop mein sameep aane ka,baithne ka purooshaartha karte ho। iske liye bhaag daud karte ho na। to sameep rehna achha lagta hai na। lekin yeh hua thode samay ke liye sameep rehna। jo sada sameep rahe to woh kitna badhiya hua! baap ke sada sameep kaun rah sakta hai? sameep rahne vaale ki visheshta kya hogi? samaan honge। jo samaan hota hai woh sameep hota hai। to jaise yeh thode samay ki sameepta priy lagti hai,to sada sameep rahne vaale kitne priy honge! to sada sameep rehte ho ya sirf thode samay ke liye sameep ho? sameep rahne ke liye bhakti maarga mein bhi satsang ka bahut mahatva hai। sang raho arthaat sameep raho। woh to sirf sunne vaale

hote hain aur aap sang mein rahne vaale ho। aise ho? kabhi mukh mod to nahin lete ho?maaya aakar aise mukh kar leve to? seeta ke maaphik maaya ko pahchaan nahin sako-aise dhokha to nahin khaate ho?

dhokha khaane vaale chandravanshi ban jaate hain। to achhi tarah se maaya ko pahchaanne vaale ho na। baap ko bhi pahchaana aur maaya ko bhi achhi tarah se pahchaana। abhi woh naya roop dhaaran karke aaye to bhi pahchaan lenge na। ya naya roop dekhkar ke kahenge ki hamko kya pata! shaktiyaan pahchaanti ho?ya kabhi-kabhi ghabra jaati ho?ghabraate tab hain jab baap ko kinaare kar dete hain। agar baap ke sang mein hain to maaya ki himmat nahin jo sameep aa sake। to pahchaan hi lakeer hai,is pahchaan ki lakeer ke andar maaya nahin aa sakti। to lakeer ke andar rehte ho ya kabhi-kabhi sankalp se thoda baahar nikal aate ho?agar sankalp mein bhi saath ki lakeer se baahar aa jaate ho to maaya ke saathi ban jaate ho। sankalp va svapna mein bhi baap se kinaara nahin। aise nahin ki svapna to mere vash mein nahin hain। svapna ka bhi aadhaar apni saakaar jeevan hai। agar saakaar jeevan mein maayaajeet ho to svapna mein bhi maaya ansh-maatra mein bhi nahin aa sakti। to maayaaprooph ho jo svapna mein bhi maaya nahin aa sakti? svapna ko bhi halka nahin samjho। kyonki jo svapna mein kamjor hota hai, to uthne ke baad bhi woh sankalp zaroor chalenge aur yog saadhaaran ho jaayega। iseelie itne vijayi bano jo sankalp se to kya lekin svapna maatra bhi maaya vaar nahin kar sake। sada maayaajeet arthaat sada baap ke sameep sang mein rahne vaale। koi ki taakat nahin jo baap ke sang se alag kar sake-aise challenge karne vaale ho na। itna dil se aavaaj nikle ki ham nahin vijayi banenge to aur kaun banenge! kalpa pahle bane the। sada yeh smriti mein anubhav ho-ham hi the, ham hi hain aur ham hi rahenge। achha!

group nan.4

akalyaan ki scene mein bhi kalyaan dikhaai de

baap mein nishchay hai ki vahi kalpa pahle vaala baap phir se aakar mila hai? aise hi apne mein bhi itna nishchay hai ki ham bhi vahi kalpa pahle vaale baap ke saath part bajaane vaali vishesh aatmaae hain? ya baap mein nishchay jyaada hai, apne mein kam hai? achha,drama mein jo bhi hota hai usmein bhi pakka nishchay hai? jo drama mein hota hai woh kalyaankaari yug ke kaaran sab kalyaankaari hai। ya kuchh akalyaan bhi ho jaata hai? koi marta hai to usmein kalyaan hai? vo mar raha hai aur aap kalyaan kahenge-kalyaan hai! business mein nuksaan ho gaya-yeh kalyaan hua? to nuksaan bhi kalyaankaari hai! gyaan ke pahle jo baaten kabhi aapke paas nahin aai, gyaan ke baad aai to usmein kalyaan hai? maaya neeche-oopar kar rahi hai, kalyaan hai? ismen kya kalyaan hai? maaya aapko anubhvi banaati hai। achha, to drama mein bhi itna hi atal nishchay ho। chaahe dekhne mein achhi baat na bhi ho lekin usmein bhi gupta achchhaai kya bhari hui hai,vo parakhna chaahiye। jaise kai cheejen hoti hain, unka baahar se cover (Cover;dhakkan) achha nahin hota hai lekin andar bahut achhi cheej hoti hai। baahar se dekhenge to lagega-pata nahin kya hai?lekin pahchaan kar use kholkar andar dekhenge to badhiya cheej nikal aayegi। to drama ki har baat ko parakhne ki buddhi chaahiye। nishchay ki pahchaan aise samay par aati hai। paristhiti saamne aave aur paristhiti ke samay nishchay ki sthiti, tab kahenge nishchay buddhi vijayi। to teenon mein pakka nishchay chaahiye-baap mein,apne aap mein aur drama mein। darda mein tadap rahe ho aur kahenge-vaah drama vaah! us samay chillaayenge ya ‘vaah-vaah’karenge? ‘haay baba bachaao’-yeh nahin kahenge?jab nishchay hai, to nishchay ka arth hi hai-sanshay ka naam-nishaan na ho। kuchh bhi ho jaae lekin atal-achal nishchaybuddhi,koi bhi paristhiti halchal mein nahin la sakti। kyonki halchal mein aana arthaat kamjor hona।

koi bhi cheej jyaada halchal mein aa jaae, hilti rahe-to tootegi na! to sankalp mein bhi halchal nahin। aise atal-achal aatmaae atal raajya ke adhikaari banti hain। satayug-treta mein atal raajya hai, koi us raajya ko taal nahin sakta। koi aur raaja ladaai karke raajya chheen le-yeh ho hi nahin sakta। isliye yeh avinaashi atal raajya gaaya hua hai। anek janma yeh atal-akhanda raajya karte ho। lekin kaun adhikaari banta?jo yahaan sangam par achal-akhanda rehte hain, khandit nahin hote। aaj nishchay hai, kal nishchay dagmag ho jaae-usko kehte hain khandit। to khandit cheej kabhi poojya nahin hoti। agar moorti bhi kabhi khandit ho jaae to pooja nahin hogi। museum mein bhale rakhen lekin pooja nahin hogi। to akhanda nishchaybuddhi aatmaae। aise nishchaybuddhi sada hi vijay ki khushi mein rehte hain, unke andar sada khushi ke baaje bajte rehte hain। aaj ki duniya mein bhi jab vijay hoti hai to baaje bajte hain na। to aise sada nishchaybuddhi aatma ke man mein sada khushi ke baaje-gaaje bajte rehte hain। baar-baar bajaane nahin padte, automatic bajte rehte hain। aise anubhav karte ho?ya kabhi baaje-gaaje banda ho jaate hain? bhakti mein kehte hain anhad geet-jiski had nahin hoti, automatic bajta rahe। to anhad geet bajte rahen। double videshiyon ke paas automatic geet bajte hain?sada bajte hain ya kabhi-kabhi? sada bajte hain।

sabse bade te bada khazaana khushi ka abhi milta hai। sambhaalna aata hai na। sambhaal karne ki vidhi hai-sada baap ko saath rakhna। agar baap sada saath hai to baap ka saath hi bade te bada safety ka saadhan hai। to khazaana safe rakhna aata hai ya maaya chori karke jaati hai?chhip-chhip kar aati to nahin hai? vo bhi chatur hai। aane mein vo bhi kam nahin hai। lekin baap ka saath maaya ko bhagaane vaala hai। to aap kaunsi aatmaae ho? nishchaybuddhi vijayi aatmaae ho! sada vijay ka tilak mastak par laga hua hai,jis tilak ko koi mita nahin sakta। avinaashi tilak hai na! ya maaya ka haath aa jaata hai to mit jaata hai? achha!

sabhi mahaan aatmaayen ho na। kahaan ke bhi ho lekin is samay to sabhi madhuban nivaasi ho। madhuban kahne se khushi hoti hai na। kyon? madhuban kahne se madhuban ka baba yaad aata hai। iseelie madhuban nivaasi banna pasanda karte ho। sab chaahte ho na-yahin rah jaayen। vo bhi din aa jaayenge। khatiya nahin milegi,takiya nahin milega-phir neend kaise aayegi? taiyaar ho aise sone ke liye? apni baanh ko hi takiya banaana padega, patthar par sona padega। kitne din soyenge?abhyaas sab hona chaahiye। agar saadhan milta hai to bhale soo, lekin nahin mile to neend nahin aave-aisa abhyaas nahin ho। abhi to kisi ko khatiya chaahiye, kisi ko alag kamra chaahiye। isliye jyaada nahin mangaate। agar sabhi pat par soo to kitne aa sakte hain?double sankhya ho sakti hai na। phir koi nahin kahega-taang mein darda hai,kamar mein darda hai, baith nahin sakti hoon?kya bhi mile, khaana mile, nahin mile-taiyaar ho?vo bhi paper aayega। double videshi pat mein so sakenge? itne pakke hone chaahiye-agar bistara mila to bhi achha,nahin mila to bhi achha। ‘haay-haay’ nahin karenge। sahan karne mein maataae hoshiyaar hoti hain। paandav bhi hoshiyaar hain। jab itna saath hoga to sangathan ki khushi sab-kuchh bhula deti hai। to nishchay hai na। brahman jeevan arthaat mauj hi mauj-uthen to bhi mauj mein,soyen to bhi mauj mein। achha!

group nan.5

apni shreshtha shaan mein raho to pareshaaniyaan samaapta ho jaayengi

sabhi apni sthool seat par set ho gaye। set hone mein khushi hoti hai na! upset hona achha nahin lagta hai aur set hona achha lagta hai। to aise hi sada man aur buddhi ki sthiti ki seat par set rehte ho? ya upset bhi hote ho?upset hone se pareshaani hoti hai aur set hone se khushi hoti hai,aaraam milta hai। to sada khushi mein rehte ho ya thoda-thoda pareshaan hote ho? apni shaan ko bhoolna arthaat pareshaan hona। to sangamayug par sabse bade te badi aap braahmanon ki shaan kaunsi hai? eeshvareey shaan hai na-sarvashreshtha aatmaae hain। to sarvashreshtha banne ka shaan hai। to yaad rehta hai ki ham hi oonche te oonche bhagwan ke bachche oonche te oonche hain। jab ye shaan yaad rehta hai to kabhi bhi pareshaan nahin honge। chaahe koi kitna bhi pareshaan kare lekin aap nahin honge kyonki aapka shaan sabse ooncha hai। to kabhi-kabhi vyavhaar mein, kabhi vaataavran ke kaaran pareshaan hote ho? pareshaan63 janma rahe। bhatakna maana pareshaan hona। bhakti mein bhatakte rahe na! to aadha kalpa pareshaan rahne ka anubhav kar liya। abhi to shaan mein rahenge na!

devtaai shaan se bhi ooncha ye brahman shaan hai। devtaai taaj aur takhta se ooncha takhta abhi hai। to takhta par baithna aata hai ya khisak jaate ho neeche? sabhi ko takhta aur tilak mila hai,taaj bhi mila hai। seva ka taaj mila hai। to taaj maathe mein rookta hai ya utar jaata hai? to takhtansheen aatmaae kabhi pareshaan nahin ho sakteen। takhta koi chheen leta hai to pareshaan hote hain। to sada apni praaptiyon ki smriti mein raho। sada apni buddhi mein sarva praaptiyon ki list rakho। copy mein nahin,buddhi mein rakho। agar praaptiyon ki list saamne rahe to sada apna shreshtha shaan svatah smriti mein rahega। ek bhi praapti ko saamne rakho to kitni shakti aati hai! aur sarva praaptiyaan smriti mein rahen to sarvashaktivaan sthiti sahaj ho jaayegi। jab praaptiyon ki list sada buddhi mein hogi to svatah hi man se, dil se geet gaayenge-paana tha vo pa liya…! sada khushi mein naachte rahenge-pa liya! duniya vaale paane ke liye bhatak rahe hain aur aap kahenge-pa liya, thikaana mil gaya, bhatakna samaapta ho gaya। abhi man vyartha sankalpon mein bhatakta hai? jab bhi man ya buddhi bhatakti hai to yeh geet gaao-paana tha so pa liya…! baap mila sab-kuchh mila। isi nashe mein raho। samjha?

yeh nahin yaad rakho ki ham dilli ke hain ya ham banaaras ke hain। kabhi bhi pravritti mein ya ghar mein rehte-yeh nahin socho। seva-sthaan par rah rahe ho। seva-sthaan samajhne se nyaare-pyaare rahenge। ghar samajhne se mera-mera aaega aur seva-sthaan hai to trustee rahenge। grihasthi arthaat meraapan aur trustee arthaat tera। seva-sthaan samajhne se sada seva yaad rahegi। pravritti hai to pravritti ko nibhaane mein hi lag jaayenge। sevaadhaari sada nyaare rahenge। sab-kuchh baap ke havaale kar diya। isliye sab tera। jab sankalp kar liya ki main baba ki aur baba mera,to jo sankalp hai vahi saakaar roop mein laana hai। sirf sankalp nahin lekin saakaar swaroop mein,har karma mein ‘‘mera baba’’maankar ke chalna। mera baba hai beej,beej mein saara vriksha samaaya hua hai।achha!