Avyakt murli du mardi 25 janvier 1994

>

25-01-94 om shanti avyakt baapdaadaamdhuban

braahmanon ki nature visheshta ki nature hai - ise natural smriti-swaroop banaao

bhaagya ki shreshtha rekha kheenchane ka kalam dene vaale bhaagya vidhaata baap, bhaagyavaan vishesh aatmaon prati bole-

aaj baapdaada apne sarva vishwa ki vishesh aatmaon ko dekh rahe hain। draamaanusaar aap aatmaon ka kitna vishesh part noondha hua hai। aaj baapdaada har ek bachche ki visheshtaaon ko dekh harshit ho rahe hain। har ek bachche ko dekh ‘vaah bachche’ yeh sneh ka geet dil mein baj raha tha। saath-saath yeh bhi dekh rahe the ki bachchon ke dil se ye ‘vaah-vaah’ ka geet sada nikalta hai? har karma mein, har kadam mein, har sankalp mein ye shreshtha anubhav hota hai va kabhi-kabhi hota hai? saadhaaran jeevan se vishesh jeevan sada svatah rehti hai va smriti laane se anubhav hota hai? jab jeevan hai to jeevan ka arth hi hai sada aur svatah rahe। smriti mein laaya to anubhav kiya aur smriti mein nahin laaya to visheshta ke bajaay saadhaaran jeevan anubhav ho - yeh aap vishesh aatmaon ki visheshta nahin hai। brahman janma hi vishesh janma hai। jiska janma hi vishesh hai uska jeevan kya hoga? vishesh hoga ya saadhaaran? brahman janma bhi shreshtha, brahman dharma bhi shreshtha aur brahman karma bhi shreshtha। kyonki brahman janma daata, brahman dharma sthaapak, sarvashreshtha param aatma aur aadi aatma brahma baap hai। to jaise rachta sarvashreshtha to rachna bhi sarvashreshtha arthaat vishesh hai। braahmanon ka karma vishesh kyon hai? kyonki karma mein pholokarne ke liye aap sabke saamne aadi aatma brahma baap sample hai। karma mein pholosaakaar brahma baap ko karte ho। isliye bhaagya vidhaata arthaat karma dvaara bhaagya ki rekha shreshtha banaane vaala brahma gaaya hua hai। bhaagya ki rekha ka kalam karma hai। to shreshtha karma ka sahaj symbol brahma baap hai। isliye aap sabhi vishesh purooshaartha ka shabd yahi varnan karte ho ki baap samaan banna hai।

is avyakt varsha mein sabhi ka lakshya kya raha? niraakaari sthiti mein niraakaar baap samaan ashareeri sthiti ka anubhav kiya? saakaar karma mein brahma baap samaan banne ka nambarvaar anubhav kiya? to vishesh jeevan ka aadhaar vishesh janma, dharma aur shreshtha karma hai। jaise laukik jeevan mein bhi agar kisi aatma ka janma vishesh raaj parivaar mein ho, raajkumaar ho va raajkumaari ho to yeh visheshta janma ki hone ke kaaran har samay sada aur svatah rehti hai va baar-baar smriti mein laate hain ki main raajkumaari hoon? sahaj yaad hoti hai na। purooshaartha karte hain kya? chaahe karma apni roochi ke kaaran kitna bhi saadhaaran ho lekin apne janma ki visheshta bhool jaate hain kya? natural aur nature ban jaati hai। to aap brahman aatmaon ki nature kya hai? vishesh hai ya saadhaaran hai? abhi bhi koi-koi bachche jab koi saadhaaran karma kar lete hain to baapdaada ke aage apne ko nirdosh siddha karne ke liye kya kehte hain? main chaahta nahin tha va chaahti nahin thi ki ye karma karoon lekin meri nature hai isliye ho gaya। vaise ye kehna va sochna yathaartha hai? main kaun? brahman jeevan vaale hain na। to brahman jeevan vaali aatma ye soch sakti hai ki ye meri nature hai? yeh kehna right hai? to us samay kyon bolte hain? us samay brahman nahin bolta, maaya bolti hai। to jaise ye saadhaaran nature va maayaavi nature natural kaam kar leti hai na, isliye kehte hain chaahte nahin the lekin ho gaya। to brahman nature arthaat visheshta ki nature bhi natural honi chaahiye। nechralcheez sada rah sakti hai। to vishesh jeevan ki smriti nature ke roop mein natural honi chaahiye va kabhi bhoolna, kabhi yaad hona? to sada smriti swaroop mein raho। smriti laane vaale nahin, smriti swaroop। isliye baapdaada dekh rahe the-avyakt varsha samay pramaan samaapta hua, lekin baapdaada samaan svayan ko sampanna banaaya? is avyakt varsha ka vishesh lakshya rakha ki avyakt arthaat pharishta swaroop banna aur banaana hai। sabhi ne yahi lakshya rakha tha na, phir result kya nikli? apne aapko check kiya?’pharishta bhav’ ka vardaan bhi vardaata se mila to vardaan aur lakshya-donon ki smriti se kahaan tak saphalta anubhav ki hai, ye sookshm checking svayan ki ki va ye socha ki avyakt varsha poora hua, yathaashakti jitna bhi anubhav kiya utna hi draamaanusaar theek raha? varsha parivartan ke saath-saath sva parivartan ki gati kya rahi-is vidhi se check kiya? jaise varsha samaapta hua vaise svayan lakshya aur lakshan mein sampanna bane va ye sochte ho ki is varsha mein aur ban jaayenge? samay aur svayan ki gati samaan rahi? vaise to samay se bhi svayan ki gati teevra honi hai kyonki samaapti ke samay ko laane vaali aap vishesh aatmaayen nimitta ho। teevra gati se varsha to sampanna ho gaya। maaloom hua varsha kaise poora ho gaya? to check karo - mujh vishesh aatma ki parivartan ki gati teevra rahi va kabhi teevra, kabhi madhyam rahi?

pharishta arthaat jiska puraane sanskaar aur sansaar se rishta nahin। to check karo-puraane sansaar ki koi bhi aakarshan, chaahe sambandh roop mein, chaahe apne deh ki taraph aakarshan va kisi dehdhaari vyakti ke taraph aakarshan, koi vastu ki taraph aakarshan kitne percent mein rahi? aise hi puraane sanskaar ki aakarshan, chaahe sankalp roop mein, vritti ke roop mein, vaani ke roop mein, sambandh-samparka arthaat karma ke roop mein kitni percent rahi? pharishta arthaat double light। to niji light swaroop smriti swaroop mein kahaan tak raha? saath-saath light arthaat halkaapan, sva ke parivartan ke purooshaartha mein kahaan tak light arthaat halke rahe? man arthaat sankalp shakti mein vyartha ko samartha mein parivartan karne mein arthaat vyartha ke bojh ko halka karne mein kahaan tak saphal rahe? isi prakaar vyartha samay, vyartha sang, vyartha vaataavran-is sabmen kahaan tak parivartan karne mein halke rahe? brahman parivaar ke sambandh mein, seva ke sambandh mein kahaan tak halke rahe? isko kaha jaata hai pharishtaapan ke teevra gati ki sthiti। is vidhi se check karo aur bhavishya ke liye change arthaat parivartan karo। apne brahman janma ki visheshta ko natural nature banaana-isko hi sahaj purooshaartha kaha jaata hai। sirf ek vishesh aatma hoon-is smriti swaroop mein sthit ho jaao to baap samaan banna ati sahaj anubhav karenge। kyonki smriti swaroop so samarthi swaroop ban jaate hain। varsha to poora hua। baapdaada result to dekhenge na। to result mein yathaashakti majority hain aur sada shaktishaali, yathaashakti ke majority mein minority hain।

smriti divas bhi bahut sneh se manaaya। ab vishesh jaise sneh se manaaya, vaise sneh ka saboot baap samaan smriti swaroop banna hi hai। suna result? aage kya karna hai? yathaashakti ya sada shakti swaroop? to dekhenge is varsha mein majority sada shaktishaali ka saboot kahaan tak dete hain? teachers kya samajhti ho?

kis line mein aayenge? sada shaktishaali! sabka T.vi.mein photo nikal raha hai। kya bhi ho jaaye, kaisi bhi paristhiti ban jaaye lekin sada shaktishaali। naam note hote hain na kaun-kaun kis group mein aaye? abhi teachers ka sammelan hone vaala hai na। tab tak ki result sabhi teachers ki kya hogi? jisko karna hota hai vo kab ko nahin sochta hai। dridh sankalp ka arth hai ab। saadhaaran sankalp ka arth hai kab ho jaayega! to ‘kab’ vaale ho ya ‘ab’ vaale ho? shakti sena bahut badi sena hai। ‘kab’ vaali ho ya ‘ab’ vaali ho? paandav kya samajhte ho? dekho naam sabke note hain। abhi naam nahin sunaate hain aakhir vo samay bhi aa jaayega jo naam sunaayenge। samjha!

sabse jyaada sankhya kis zone ki aai hai? dekhenge panjaab-Indore kya kamaal dikhaate hain? teachers bhi jyaada aati hain, sankhya jyaada to teachers bhi jayaada hoti। panjaab vaale number one lenge ya second? Indore bhi number one lenge? aur karnaatak kya karenge? kaun-sa naatak dikhaayenge? kar - naatak, to hero naatak dikhaana, aisa-vaisa nahin dikhaana। aur mahaaraashtra tomhaan hi banenge na?aur yu.pi. ko kya kehte hain? yu.pi.mein nadiyaan hain arthaat yu.pi.patit ko paavan karne vaali hai। paavan banne-banaane mein number one। to yu.pi. vaale bhi number one banenge। is samay to koi bhi number tu nahin kahenge। raajasthaan to hai hi lucky, jo raajasthaan mein hi charitra bhoomi hai। head quarter raajasthaan mein hai na। to jahaan head quarter hai vo kya banega? head banega na! sabhi khushi se kah rahe hain number one lekin vahaan jaakar aise nahin kehna ki kya karen… kar nahin sakte… chaahte to nahin, lekin ho jaata hai… aisi bhaasha sochna bhi nahin। achha, double videshi bhi seva mein race achhi kar rahe hain aur race mein number one aana hai na। desh vaalon ko himmat dilaane mein videsh achha nimitta bana hai। is himmat dilaane ke kaaran extra madad bhi milti hai। samjha! isi ko smriti mein rakh sahaj badhte chalo aur badhaate chalo। achha!

chaaron or ki sarva vishesh aatmaon ko, sada saakaar brahma baap ke shreshtha karmon ko pholokarne vaale karmayogi aatmaon ko, sada visheshta ko natural aur nature banaane vaali koton mein koi aatmaon ko, sada dridh sankalp dvaara vishesh janma, dharma aur karma ke smriti swaroop aatmaon ko baapdaada ka visheshta sampanna yaad-pyaar aur namaste।

daadiyon se mulaakaatah -

aap brahman jitne sampanna bante jaayenge utna bhavishya mein prakriti bhi pragti ko praapta karegi kyonki prakriti samay prati samay apna signal dikha rahi hai। to jitni prakriti ki halchal utni achal sthiti prakriti ko parivartan karegi। kitni aatmaayen samay prati samay duhkh ki lahar mein aati hain। to aise duhkhi aatmaon ka sahaara to baap aur aap hi ho। to raham padta hai na। jab samaachaar sunte ho to kya dil mein aata hai? nothing new-apni achal sthiti ke liye to theek hai lekin prakriti ki halchal se jab aatmaayen chillaati hain to kisko chillaati hain? to jab mercy, raham maangate hain to aap logon ko unke raham ki pukaar pahunchti to hai na! ye chhoti-chhoti aapdaayen aur tadapti hain। brahman sampanna ho jaao to duhkh ki duniya sampanna ho jaaye। to raham padta hai ya nahin? raham padta hai to phir kya karte ho? phir bhi eeshvareey parivaar ke hain na। to parivaar ka koi bhi duhkh, sukh mein parivartan karne ka sankalp to aata hai na। koi parivaar mein beemaar bhi ho to kya sankalp hota hai? jaldi theek ho jaaye। to chillaate-chillaate marna aur ekdhak se parivartan hona, pharka to hai na। mahaavinaash aur rehearsal ka vinaash, pharka hai। mahaavinaash arthaatmahaan parivartan। uske nimitta aap ho। sampanna banenge to samaapti hogi। to jo pareshaan hain vo to samajhte hain ki pratyakshata ka parda khul jaaye, lekin stage par aane vaale hero actor sampanna taiyaar hone chaahiye na, tab to parda khulega ki aadhe mein khul jaayega? parivartan ki shubh bhaavna ko teevra karna arthaat apne ko teevra gati se sampanna banaana। aap bhi kabhi kaise, kabhi kaise hote ho to prakriti bhi kabhi bahut teevra gati se kaarya karti, kabhi thandi ho jaati। to abhi kya karna hai? raham ki bhaavna emerge karo, chaahe sva prati, chaahe sarva aatmaon ke prati। jahaan raham hoga, vahaan tera-mera ki halchal nahin hogi। poojya swaroop,merciful ka dhaaran karo। theek hai na। abhi ye lahar phailaao। har sankalp mein merciful। sankalp mein honge to vaani aur karma svatah hi ho jaayenge। sab chillaate bhi kya hain? mercy-mercy। achha!

avyakt baapdaada ki personal mulaakaat

group nan. 1

maaya ki chhaaya se bachne ka saadhan hai-baapdaada ki chhatrachhaaya

sada apne ko baapdaada ki chhatrachhaaya ke neeche rahne vaali sada safe aatmaayen anubhav karte ho? sada chhatrachhaaya hai ya kabhi baahar nikal jaate ho? ya hai baap ki chhatrachhaaya ya hai maaya ki chhaaya। to maaya ki chhaaya se bachne ka saadhan hai chhatrachhaaya। to chhatrachhaaya mein rahne vaale kitne khush rahenge। kyonkibefrik baadshaah ho gaye na। frikhai to khushi gum hoti hai। kabhi bhi dekho khushi gum hoti hai to kaaran kya hota hai? koi na koi chinta, frik, bojh khushi ko gum kar deta hai। aur khushi gum hui, kamzor hue to maaya ki chhaaya ka prabhaav pad hi jaata hai। kamzori maaya ka aahvaan karti hai। jaise shaareerik kamzori beemaariyon ka aahvaan karti hai to aatmikkamzori maaya ka aahvaan karti hai। phir us chhaaya se nikalne mein kitni mehnat karni padti hai। agar maaya ki chhaaya svapna mein bhi pad gai to svapna bhi pareshaan karega। phir brahman se kshatriy ban jaate hain to yuddha karni padti hai। kshatriy jeevan mehnat ka hai aur brahman jeevan khushi ka hai। to kya pasanda hai? kabhi-kabhi yuddha karni padti hai? yuddha karna achha lagta hai? chhote se bhi vyartha sankalp ki chhaaya kitni mehnat karaati hai isliye sada baap ke yaad ki chhatrachhaaya mein raho। yaad hi chhatrachhaaya hai। to sadaakaal ke liye chhatrachhaaya mein rehna aata hai? kabhi-kabhi ke liye nahin, sada। avinaashi baap hai na। to varsa bhi sada ka lena hai। sada khush rahne vaale। chhatrachhaaya arthaat khush rehna। befrikhonge na। sab frik baap ko de diya ki ek-do sambhaal kar rakha hai? kya karen…, kaise karen…, ye shabdafrikke hain। befrik ke bol sada vijay ke hote hain। ‘kya’, ‘kaise’ ke nahin hote। to sada ye yaad rakho ki ham sabhi baap ki chhatrachhaaya mein rahne vaale hain। chakkar lagaane vaale nahin। sankalp mein bhi chakkar mein aaye to chakkar mein aane vaale chaknaachoor ho jaayenge। aap to amar ho na। amar ho gaye-ye smriti sada hi svayan bheebefrik aur doosron ko bhi befrikabnaati rahegi। sada khushi mein ye geet gaate rahenge-paana tha vo pa liya। bachcha banna maana paana। bachcha bane arthaat pa liya। achha!

banaaras vaale kya kamaal kar rahe hain? banaaras mein to bahut bade-bade mike hain। mandaleshvar bahut hain na। to koi mahaamandaleshvar najdeek aa raha hai? aapke badle vo aapki visheshta varnan kare। abhi to yahaan tak aaye hain ki inhon ka kaarya bhi achha hai lekin ‘yahi achha hai’ yeh nahin kehte। yeh bhi hain। yahi hain, tab aavaaj bulanda hoga। jaise abhi kaha na 24 avtaar mein 25 ye bhi gin lo। to ye kya hua? ye bhi hain ya yahi hain? ‘yahi hain,’yahi hain kahen to isko kaha jaata hai mike ban aavaaj phailaana। to koi bhi authority vaala, agar authority se bolta hai to mike ka kaam karta hai। to dekhenge ismen number kaun leta hai?chaaron or ye geet gaane lagen-yahi hain vo yahi hain। yeh to hona hi hai na। nishchit hai। sirf nimitta ban repeat karna hai। achha, raajasthaan ke bhi jagah-jagah se aaye hain। abhi raajasthaan mein aur gheraav daalo। abhi raajasthaan mein bahut sthaan khaali hain। achha!

group nan. 2

adheenta ko samaapta karne ke liye adhikaar ke roohaani nashe mein raho

apne ko sada baap ke varse ke adhikaari svaraajya adhikaari aur saath-saath vishwa ke raajya adhikaari anubhav karte ho? kyonki baap ka varsa hi hai svaraajya aur vishwa ka raajya। to baap ke varse ke adhikaari arthaat svaraajya aur vishwa ke raajya adhikaari। yeh vishwa aapke haston par aayega। abhi to anekon ke haath mein hai na। isliye vishwa bhi halchal mein hai। kabhi yahaan ludhakta hai, kabhi vahaan ludhakta hai। jab aapke haath mein aa jaayega to halchal khatma, ekras rahega। yaad aata hai vishwa par kitne baar raajya kiya hai! anek baar kiya hai yeh anubhav hota hai? buddhi ke camera mein apne raajya ka chitra spashta aata hai? ya baap kehta hai to zaroor hoga। aisa hi spashta hai jaise vartamaan spashta hai। kyonki kal ki hi to baat hai। kal tha, kal aane vaala hai। aaj svaraajya kal vishwa ka raajya। aaj kal ki baat hai na। to adhikaari aatma sada roohaani nashe mein rehti hai aur nasha puraani duniya sahaj bhula deta hai। sthool nasha sab kuchh bhula deta hai na। woh hai alpakaal ka aur yeh hai sadaakaal ka। jab adhikaar ka nasha rehta hai to nai duniya ke aage yeh puraani duniya kya lagti hai? kuchh bhi nahin। puraani duniya ko bhoolna mushkil nahin lagta hai। adhikaari kabhi adheen nahin hota। koi bhi baat ke adheen nahin। jahaan adhikaar hai vahaan adheenta nahin hai aur jahaan adheenta hai vahaan adhikaar nahin hai। adhikaar bhoolta hai tab adheen hote। to koi bhi vastu ke, vyakti ke, sanskaar ke adheen nahin hona।

maataaon ko thoda thoda moh aata hai? saal mein ek do baari aata hai?nahin। jab koi jyaada beemaar hota hai to moh aata hai? paandavon ko kya aata hai? krodh nahin aata rob aata hai? baap mila sab kuchh mila। to yeh had ki baaten kuchh bhi nahin lagti hain। chhodna nahin padta lekin svatah hi chhoot jaati hain। mehnat nahin karni padti hai।

achha, ye variety group hai। rang birange variety phoolon ka guldasta achha hai। lekin is samay sab kahaan ke ho? is samay madhuban nivaasi ho ya apne-apne sthaan yaad hain? is samay sab ek ho। madhuban nivaasi banne mein maja aata hai na? maja aata hain to kyon jaate ho? kaho seva ke liye jaate hain। madhuban pyaara hai lekin seva bhi pyaari hai। to kahaan bhi rehte yeh smriti mein sada rahe ki seva arth hain। hisaab kitaab ke arth nahin, seva arth। brahman arthaat sevaadhaari। seva mein maja hai na। ghar samjhenge to bandhan hai aur sevaasthaan samjhenge to khushi hai। ja bhi rahe hain to sevaaartha ja rahe hain। hisaab-kitaab arth nahin ja rahe hain। achha!

group nan. 3

holeehans banne ka saadhan - man-buddhi ki svachchhata aur gyaan ratnon ki dhaarna

sada holi hans ban gaye - aisa anubhav karte ho? holi hans ho na! to hans kya karta hai? hans ka kaam kya hota hai? (moti chugna) aur doosra? doodh aur paani ko alag karna। ek hai gyaan ratna chugna arthaat dhaaran karna aur doosri visheshta hai nirnay shakti ki visheshta। doodh aur paani ko alag karna arthaat nirnay shakti ki visheshta। jismen nirnay shakti hogi vo kabhi bhi doodh ki bajaay paani nahin dhaaran karega। doodh ki value paani se jyaada hai। to doodh aur paani ka arth hai vyartha aur samartha ka nirnay karna। vyartha ko paani samaan kehte hain aur samartha ko doodh samaan kehte hain। to aise holi hans ho? nirnay shakti achhi hai? ki kabhi paani ko doodh samajh lete, kabhi doodh ko paani samajh lete? vyartha ko achha samajh len aur samartha mein bor ho jaayen। nahin। to holi hans arthaat sada svachchha। hans sada svachchha dikhaate hain। svachchhata arthaat pavitrata। to abhi svachchha ban gaye na। mailaapan nikal gaya ya abhi bhi thoda-thoda hai? thoda-thoda rah to nahin gaya? kabhi maile ke sang ka rang to nahin lag jaata? kabhi-kabhi maile ka asar hota hai? to svachchhata shreshtha hai na। maila bhi rakho aur svachchha bhi rakho to kya pasanda karenge? svachchha pasanda karenge ya maila bhi pasanda karenge?to sada man-buddhi svachchha arthaat pavitra। vyartha ki apvitrata bhi nahin। agar vyartha bhi hai to sampoorn svachchha nahin kahenge। to vyartha ko samaapta karna arthaat holeehans banna। har samay buddhi mein gyaan ratna chalte rahen, manan chalta rahe। gyaan chalega to vyartha nahin chalega। isko kaha jaata hai ratna chugna। vyartha hai patthar। kabhi bhi agar vyartha aata hai to duhkh ki lahar aati hai na। pareshaan to hote ho na ki ye kyon aaya? to patthar duhkh deta hai aur ratna khushi deta hai। agar kisi ke haath mein ratna aa jaaye to pareshaan hoga ya khush hoga? khush hoga na। agar koi patthar phenk de to duhkh hoga। to buddhi dvaara bhi patthar grahan nahin karna। sada gyaan ratna grahan karna। ek-ek ratna ki anginat value hai! aapke paas kitne ratna hain? anginat hain na! ratnon se bharpoor hain, khaali to nahin hain? kabhi bhi buddhi ko khaali nahin rakho। koi na koi hom work apne aapko dete raho। buddhi ko hom work mein busy rakho। roj baap hom work deta hai na। ye visheshtaayen, vardaan, vishesh dhaarnaayen kya hain? ye hom work hai। hom work karte ho ya class mein suna phir khatma? hom work kisliye milta hai? busy rahne ke liye। to maataayen hom work karti hain? godly student ho na ki ghar mein jaati ho to apne ko maata samajhti ho? student ka kaam kya hota hai? study। kitna sahaj karke dete hain। to kismen busy rehte ho? paandav busy rehte ho? busy rehna arthaat safe rehna। aur kitna sahaj hom work hai! jo suna vo karna hai, bas। kitni khushi hai ki homework dene vaala kaun! aur kahaan se aate hain! kitna door se aate hain! oonche se ooncha bhagwan shikshak ban karke aate hain-kitne nashe ki baat hai! saare kalpa mein aisa shikshak nahin milega। to hom work achhi tarah se karna chaahiye na। achha!

group nan. 4

kusang aur vyartha sang se bachne ke liye sada eeshvareey sang mein raho

sabhi apne ko gyaan bal aur yog bal donon mein sada aage badhne vaale C anubhav karte ho? duniya mein aur anek prakaar ke bal hain - science ka bhi bal hai, raajya ka bhi bal hai, bhakti ka bhi bal hai lekin aapmen kya bal hai? gyaan bal aur yog bal। ye sabse shreshtha bal hai। to yog bal mein jo bal hota hai, shakti hoti hai vo kisliye hoti hai? vijay praapta karne ke liye। jaise science ka bal hai to science ka bal andhakaar ke oopar vijay praapta kar roshni kar deta hai। aise yogbal sada ke liye maaya par vijayi banaata hai। to maaya jeet banne ka bal hai? ki kabhi haar hoti, kabhi jeet? sada ke vijayi। kabhi-kabhi ke vijayi ko vijayi nahin kaha jaayega। kyonki baap dvaara ye gyaan bal aur yog bal itna shreshtha mila hai jo maaya ki shakti uske aage kuchh nahin hai। to yog bal bada hai ya maaya kabhi-kabhi khel karne aati hai? maaya jeet aatmaayen kabhi svapna mein bhi haar nahin kha sakteen। svapna mein bhi kamzori nahin aa sakti। svapna bhi shaktishaali। aise bahaadur ho ya kabhi-kabhi ki chhutti de rakhi hai? sada ke vijayi hain। aapke mastak par vijay ka tilak laga hua hai na। nasha hai ki - vijay hamaara janma-siddha adhikaar hai? to janma-siddha adhikaar kabhi kho nahin sakta। sada ye smriti mein rahe ki vijayi hain aur sada vijayi rahenge। ya sochte ho-pata nahin, rahenge ya nahin rahenge… kabhi ye sankalp aata hai? pata nahin aage kya hoga… pata nahin maaya aa jaaye to… kabhi sang ka rang lag jaaye to… aise to to aata hai! agar aisa koi sang mil jaaye to kya karenge? usko bhi kusang se sat ke sang mein laayenge? kyonki jab tak final result nikle tab tak paper to aayega hi। paper ka kaam hai aana aur aapka kaam paas with honour hona। kaisa bhi sang kharaab ho lekin aapka shreshtha sang uske aage kitna guna shaktishaali hai! eeshvareey sang ke aage aur sab sang kuchh bhi nahin hai। sab kamzor hain। khudkamzor bante ho tab ulte sang ka vaar hota hai। to maaya jeet arthaat sivaae ek baap ke aur kisi bhi sang ke rang se prabhaavit hone vaale nahin। iseeliye satsang gaaya jaata hai। satsang ki mahima dekho kitni hai! aap to satsang arthaatsat baap ke sang mein rahne vaale ho। aise hai na। ek baap (paramatma) ka sang hai satsang aur doosre sab hain kusang ya vyartha sang। kai kusang se bach jaate hain, lekin vyartha sang se prabhaavit ho jaate hain। kyonki vyartha baaten ramneek hoti hain। jaise aajkal kathaayen kitni ramneek sunaate hain। to vyartha baaten, vyartha sang baahar se aakarshit karne vaala hai। isliye baap ki shiksha hai-na vyartha suno, na vyartha bolo, na vyartha karo, na vyartha dekho, na vyartha socho। bure ki to baat hi khatma ho gai। lekin vyartha mein kabhi-kabhi phans jaate hain। baahar ka show bahut achha hota hai na। to sada ke vijayi aatmaayen-maayaajeet jagatjeet। shaktiyaan va paandav aise maayaajeet ho? kyonki maaya bhi naye-naye roop se aati hai, puraane roop se nahin aati। puraane ko to jaan gaye ho na, to naye-naye roopon se aayegi। ismen nirnay karne ki shakti chaahiye ki yeh maaya hai ya parmaatma gyaan hai। to kitne time mein parakh sakte ho? ya thoda chakkar khaakar peechhe parkhenge? agar thoda bhi chakkar mein aa gaye to samay vyartha chala jaayega aur number peechhe ho jaayega। phir mehnat karke aage badh sakte ho lekin phir bhi daag to lag gaya na। kitna bhi mitaao lekin mitaane ka bhi maaloom padta hai। isliye sada ke vijayi bano। adhikaar hai na। to adhikaar koi bhi chhodta nahin।

sabhi ko vishesh yeh khushi rehti hai na ki baap mila sab-kuchh mila?mila hai ya milna hai? agar koi aa karke aapko kahe ki nahin aur bhi kuchh raha hua hai, aao ham aapko den to taste to karenge na, thodi taste karne mein harja hai kya? ek bal, ek bharosa ki thoda-thoda doosra bhi hai? aur bahut achhi-achhi baaten sunaayen to sunenge? sun karke usko badalne ki koshish karenge? kya karenge? sunna bhi nahin hai, suna to chakkar mein aa jaayenge। jo sunna tha vo sun liya। isliye kehte hain jo paana tha, jo sunna tha, jo karna tha vo kar liya। itna bharpoor raho। jara bhi khaaleepan hoga to aur kuchh bhar jaayega। bharpoor mein aur kuchh bhar nahin sakta। to koi ke bhi sang ke chakkar mein aane vaale nahin। aise pakke rahne mein hi maja hai। agar kachche rahenge to kabhi koi yahaan se aayega, koi vahaan se aayega। pakke ko koi kuchh kar nahin sakta। na prakriti hila sakti, na maaya hila sakti। na kisi ka sang hila sakta। kaisa bhi vaayumandal ho lekin vaayumandal ko badalne vaale, vaayumandal ke vash hone vaale nahin। itni himmta hai na! to jahaan himmat hai vahaan baap keepdamguna madad hai hi। aise anubhav karte ho na। ek kadam aapka aur padmakdam baap ka। to sabhi himmat vaale ho ya thoda hilne vaale bhi ho? dil se aavaaj nikle ki ham nahin himmat rakhenge to aur kaun rakhega? achha!

group nan. 5

sukhdaata ke bachche master sukhdaata bano - na duhkh do na duhkh lo

sabhi apne ko takhta nasheen aatmaayen anubhav karte ho? is samay bhi takhtansheen ho ki bhavishya mein banna hai? abhi kaun-sa takhta hai? ek akaal takhta, doosra dil takhta। to donon takhta smriti mein rehte hain? takhtansheen aatma arthaat raajya adhikaari aatma। takhta par vahi baithta jiska raajya hota hai। agar raajya nahin to takhta bhi nahin। to jab akaal takhtansheen hain to bhi svaraajya adhikaari hain aur baap ke dil takhtansheen hain to bhi baap ke varse ke adhikaari। jismen raajya-bhaagya sab aa jaata hai। to takhtansheen arthaat raajya adhikaari। raajya adhikaari ho ki kabhi-kabhi takhta se neeche utar aate ho? sada takhta nasheen ho ki kabhi-kabhi ke ho? kabhi takhta par baithkar thak jaaye to neeche aa jaayen! nahin। dil takhta itna bada hai jo sab-kuchh karte bhi takhtansheen। karmayogi arthaat donon takhtansheen। akaal takhta par baith karma karte ho to vo karma bhi kitne shreshtha hote hain! kyonki sarva karmendriyaan law aur order par rehti hain। agar koi takhta par theek na ho to law aur order chal nahin sakta। abhi dekho praja ka praja par raajya hai to law aur order chal sakta hai? ek law paas karega to doosra law brake karega। to takhtansheen aatma arthaat sada yathaartha karma aur yathaartha karma ka pratyakshaphal khaane vaali। shreshtha karma ka pratyakshaphal bhi milta hai aur bhavishya bhi jama hota hai - double hai। to pratyakshaphal kya mila hai? khushi milti hai, shakti milti hai। koi bhi shreshtha karma karte ho to sabse pahle khushi hoti hai। aur dil khush to jahaan khush। to dil sada khush rehta hai ya kabhi sankalp maatra bhi duhkh ki lahar aa jaati hai? kabhi bhi nahin aati ya kabhi-kabhi chaahte nahin hain lekin aa jaati hai? duhkhadhaam se kinaara kar liya। kiya hai ya ek paanv idhar hai, ek paanv udhar hai? ek duhkhadhaam mein, ek sukhdhaam mein-aise to nahin? aap kaliyug nivaasi ho ya sangam nivaasi ho ki kabhi-kabhi kaliyug mein bhi chale jaate ho? sangamayugi brahman arthaat duhkh ka naam-nishaan nahin। kyonki sukhdaata ke bachche ho। to sukhdaata ke bachche master sukhdaata honge। jo master sukhdaata hai vo svayan duhkh mein kaise aa sakta hai। to buddhi se duhkhadhaam ka kinaara kar liya। svayan to sukh swaroop hain hi lekin sukhdaata ke bachche auron ko bhi sukh dene vaale master sukhdaata hain। to doosron ko sukh dete ho ki sirf svayan sukhi rehte ho? daata ho na। jo baap ka kaarya vo bachchon ka kaarya hai। to baap har aatma ko sada sukh dete hain na। anubhav hai na। to follow father karo। aise nahin koi duhkh deta hai to aap bhi duhkh denge। nahin। achha, koi duhkh de raha hai to aap kya karenge? use lenge ya nahin? aapka slogan hi hai ‘na duhkh do, na duhkh lo।’ lena bhi nahin hai। agar lenge to sukh ke saath duhkh bhi mix ho gaya na। to lena bhi nahin hai। koi kitna bhi kuchh hilaane ki koshish kare lekin aap sada achal raho। jara bhi koi hila nahin sakta।

achha, sabhi antarmukhi sada sukhi ho? paandav kya samajhte hain? antarmukhi hain ya thoda-thoda baaharmukhta bhi hai? koi baahar ki aakarshan aakarshitto nahin karti? kabhi manmat, kabhi paramtaaakarshit to nahin karti? ya kabhi-kabhi thoda maja chakh lete ho? phir jab dhokha khaate hain to hosh mein aa jaayen। nahin। hain hi sada sukhi rahne vaale, sukhdaata ke bachche master sukhdaata। baaharmukhta se mukta ho gaye। achha!