Avyakt murli du samedi 12 décembre 1998

>

12-12-98 om shanti avyakt baapdaadaamdhuban

‘‘mere-mere ka deh-abhimaan chhod brahma baap ke kadam par kadam rakho’’

aaj baapdaada apne chaaron or ke shreshtha brahman aatmaon ko dekh rahe hain। brahman arthaat brahma mukh vanshaavli। har brahman aatma ke bhaagya ko dekh baapdaada bhi harshit hote hain। har brahman aatma ko janmate hi svayan brahma baap dvaara mastak mein smriti ka tilak lagta hai। svayan bhagwan tilakdhaari banaate hain। saath-saath har brahman aatma ko pavitrata ke mahaamantra dvaara light ka taaj dhaaran karaate hain aur saath-saath har brahman aatma ko vishwa-kalyaankaari aatma banaae jimmevaari ka taaj dhaaran karaate hain। double taaj hai aur bhagwan svayan apne dil takhtansheen banaate hain। to janmate hi tilak, taaj aur takhtadhaari ban jaate hain। aisa shreshtha bhaagya saare kalpa mein koi aatma ka nahin ho sakta। to itne shreshtha bhaagya ki smriti rehti hai ki ham brahman janmate hi aise bhaagyavaan bante hain? aap braahmanon ki nishaani duniya vaalon ne krishna roop mein dikha di hai। lekin woh vishwa ka raajkumaar hai isliye raajya ki nishaani tilak,taaj, takhta dete hain। phir bhi usko chhote-pan mein tilak taaj, takhta nahin milta lekin aap braahmanon ko tilak, taaj aur takhta teenon hi praapta hota hai। parmaatma-baap dvaara yeh teenon praaptiyaan hona yeh sirf braahmanon ke bhaagya mein hai। to baapdaada dekh rahe the ki mere bachchon ka kitna bada bhaagya ka sitaara har ek ke mastak par chamak raha hai। aisa bhaagya ka sitaara aapko apne mein dikhaai deta hai?sada chamakta hua dikhaai deta hai ya kabhi bahut achha chamakta hai aur kabhi sitaare ki chamak kam ho jaati hai?yeh bhaagya ka sitaara vichitra sitaara hai। to baapdaada aap sabhi bachchon ko jab bhi dekhte hain, milte hain to har ek bachche ke mastak mein sitaara chamakta hua dekh harshit hote hain। sitaara chamakte-chamakte chamak kam kyon hoti hai? uske kaaran ko aap sab achhi tarah se jaante ho।

baapdaada ko bachchon ka chart dekhkar muskaraahat bhi aati, jab bhi kisi se poochho ki kya banna hai? lakshya kya hai? to majority ka ek hi javaab hota hai ki number one banna hai। sooryavanshi banna hai। chandravanshi raaja raam-seeta bhi banne nahin chaahte। lekin jab lakshya sooryavanshi number one ka hai,to jaisa lakshya vaise lakshan sada sooryavansh ka dikhaai dena aavashyak hai। bachchon ka lakshya sooryavansh ka hai arthaat sada vijayi ka hai, number one sooryavanshi ki nishaani hai sada vijayi। soorya ki kalaayen kam aur jyaada nahin hoteen। uday hota hai aur asta hota hai lekin chandravanshi muaaiphak kalaayen kam nahin hoteen। to sooryavansh ki nishaani hai sada ekras aur sada vijayi। chandravansh ko kshatriy kaha jaata hai, kshatriy jeevan mein kabhi haar hoti, kabhi jeet hoti। kabhi saphaltaamoortta aur kabhi mehnat ki moortta। yuddha karna arthaat mehnat karna। chandravansh ki kalaayen ekras nahin hoteen, isliye lakshya aur lakshan ko samaan banaao। jaise lakshya rakha hai baap samaan banne ka,har ek bachcha yahi kehta hai ki baap samaan banna hai। to baap sada sahaj vijay swaroop hai। agar ekras avastha nahin hai to kya number one banenge va nambarvaar mein aayenge? ek hai number one aur doosra hai nambarvaar। to apne se poochho ham number one hain va nambarvaar ki list mein hain? number one arthaat follow brahma baap।

baapdaada sahaj saadhan bataate hain ki follow karne mein mehnat kam lagti hai। brahma ke paanv arthaat kadam,har kaarya ke kadam roopi paanv ke nishaan hain। to paanv par paanv rakhkar chalna sahaj hota hai। naya raasta nahin dhoondhana hai, paanv par paanv arthaat kadam par kadam rakhna hai। jo bhi kaarya karte ho chaahe mansa sankalp karte ho, chaahe bol bolte ho,chaahe karma mein sambandh-samparka mein aate ho,har karma karne ke pahle yeh socho ki jo main brahman aatma karma kar rahi hoon, kar raha hoon, kya yeh brahma baap samaan hai?brahma baap ka sankalp kya raha? mera sankalp bhi usi pramaan hai? har bol brahma samaan hai? agar nahin hai to nahin karna hai। na sochna hai, na bolna hai, na karna hai। aise nahin brahma baap ka kadam ek aur bachchon ka kadam doosra, to jo lakshya hai, manzil hai baap samaan banne ka, woh kaise hoga? agar brahma ke har kadam samaan kadam par kadam follow karte chalenge to ek to sada apne ko sahaj purushaarthi anubhav karenge aur sada sampoornata ki manzil sameep anubhav karenge।

brahma baap samaan arthaat sampoornata ke manzil par pahunchna। to brahma baap vatan mein aap sab bachchon ke sampoorn avyakt pharishte banne ka aahvaan kar rahe hain। brahma baap ke aahvaan ka geet va madhur aahvaan ka aavaaz sunaai nahin deta? ‘‘aao bachche,meethe bachche,jaldi-jaldi aao’’ yeh geet va bol sunaai nahin deta? brahma baap ka aavaaz suno, catch karo। brahma baap yahi kehte ki bachche 99varsha ka sochte bahut hain, kya hoga, yeh hoga, woh hoga… yeh hoga va nahin hoga…! yeh hoga! - is soch mein jyaada rehte hain। yeh to nahin hoga! kabhi sochte hoga,kabhi sochte nahin hoga। yeh hoga, hoga ka geet gaate rehte hain। lekin apne pharishtepan ke,sampanna sampoorn sthiti mein teevragti se aage badhne ka shreshtha sankalp kam karte hain। hoga, kya hoga!… yeh ga-ga ke geet jyaada gaate hain। baap kehte hain kuchh bhi hoga lekin aapka lakshya kya hai? jo hoga woh dekhne aur sunne ka lakshya hai va brahma baap samaan pharishta banne ka hai?uski taiyaari kar li hai? prakriti apna kuchh bhi rang-roop dikhaaye, aap pharishta ban,baap samaan avyakt roopdhaari ban prakriti ke har drishya ko dekhne ke liye taiyaar ho? prakriti ki halchal ke prabhaav se mukta pharishte bane ho? apni sthiti ki taiyaari mein lage hue ho va kya hoga, kya hoga - isi sochne mein lage ho? kya koi bhi paristhiti saamne aaye to aap prakritipti apne prakritipti ki seat par set honge va upset honge? yeh kya ho gaya?yeh ho gaya,yeh ho gaya… isi nazaaron ke samaachaaron mein busy honge va sampannata ki sthiti mein sthit ho kisi bhi prakriti ki halchal ko chalte hue baadlon ke samaan anubhav karenge?

to brahma baap bachchon se poochh rahe hain ki mere samaan pharishte sadaakaal ke liye bane ho?kyonki aap bachchon ko vyakta mein rehte avyakt banna hai। aap kahenge - baap to avyakt ho gaya, humein bhi aise avyakt bana deve na। brahma baap kehte hain pahle apne aapse poochho ki jo vishwa-kalyaan ki jimmevaari ka taaj baap ne pahnaaya hai, woh sampanna kar liya hai?vishwa-kalyaankaari,vishwa ka kalyaan sampanna hua hai? brahma baap to avyakt isliye banen ki bachchon ko vishwa-kalyaan ka kaarya dekar,bandhan se bhi mukta ho seva ki raftaar teevra karaane ke nimitta banna tha, jiska pratyaksha swaroop chaaron or dekh rahe ho। chaahe desh mein,chaahe videsh mein avyakt brahma dvaara teevragti hui hai aur honi bhi hai। seva mein teevra gati ka nimitta aadhaar brahma baap ko banna tha। lekin raajya adhikaari ek brahma baap ko nahin banna hai, saath mein bachchon ko bhi raajya adhikaar lena hai। isliye saakaar mein nimitta aap saakaar roopdhaari bachchon ko banaaya hai। lekin ant mein aap sab bachchon ko vyakta mein avyakt pharishta ban vishwa-kalyaan ke seva ki raftaar teevra kar samaapti aur sampanna hona hai aur karna hai।

brahma baap kehte hain ki kya 99 mein samaapti karen?prakriti ko ek taali bajaayenge aur prakriti to taiyaar khadi hai। kya pharishte samaan double light ban gaye ho? kam se kam 108 aise sada vijayi bane hain, jo kisi bhi prakaar ke vyartha aur negative sankalp, bol va karma arthaat sarva ke sambandh-samparka mein paas hon?vyartha va negative - yahi bojh sadaakaal ke liye double light pharishta banne nahin deta। to brahma baap poochhte hain - is bojh se halke pharishte bane hain? underline hai - sada। kam se kam 108 to sada pharishta jeevan ka anubhav karen tab kahenge brahma baap samaan banna। to baap poochhte hain - taali bajaayen?ya 2000 mein taali bajaayen, 2001 mein taali bajaayen, kab bajaayen? kya sochte ho taali bajegi to ban jaayenge, aise?kya sochte ho - taali bajegi us samay banenge? kya hoga? bajaayen taali? bolo taiyaar ho? paper leven? aise thode hi maan jaayenge, paper lenge? teachers bataao - paper len? sab chhodnaapdega। madhuban vaalon ko madhuban chhodna padega,gyaan sarovar vaalon ko gyaan sarovar,centre vaalon ko centre, videsh vaalon ko videsh, sab chhodna padega। to ever ready hain?agar ever ready ho to haath ki taali bajaao। ever ready? paper len? kal announcement karen? vahaan jaakar bhi nahin chhodna hai, vahaan jaakar thoda theek karke aaoon, nahin। jahaan hoon, vahaan hoon। aise ever ready। apna daphtar bhi nahin, khatiya bhi nahin, kamra bhi nahin, almaari bhi nahin। aise nahin kehna thoda-sa kaam hai na, do din karke aayen। nahin। order is order। sochkar haan kaho। nahin to kal order niklega, kahaan jaana hai, kahaan nahin jaana hai। nikaalen order,taiyaar hain?itna himmat se haan nahin kah rahe hain। soch rahe hain thoda-sa ek din mil jaaye to achha hai। mere bina yeh nahin ho jaae,yeh nahin ho jaae,yeh vesta sankalp bhi nahin karna। brahma baap transfer hua to kya socha ki mere bina kya hoga? chalega,nahin chalega। chalo ek direction to de doon, direction diya? apni sampanna sthiti dvaara direction diya, mukh se nahin। aise taiyaar ho? order mila aur chhodo to chhoota। halchal karen? aisa karna hai - yeh bata dete hain। order hoga,poochhkar nahin,taareekh nahin fix karenge। achaanak order denge aa jaao, bas। isko kaha jaata hai double light pharishta। order hua aur chala। jaise mrityu ka order hota hai phir kya sochte hain, centre dekho, aalmaari dekho, jigyaasu dekho, area dekho…! aajkal to mere-mere mein area ka jhamela jyaada ho gaya hai, meri area! vishvakalyaankaari ki kya had ki area hoti hai?yeh sab chhodna padega। yeh bhi deh ka abhimaan hai। deh ka bhaan phir bhi halki cheez hai, lekin deh ka abhimaan yeh bahut sookshm hai। mera-mera isko hi deh ka abhimaan kaha jaata hai। jahaan mera hoga na vahaan abhimaan zaroor hoga। chaahe apni visheshta prati ho, meri visheshta hai,mera gun hai,meri seva hai, yeh sab meraapan - yeh prabhu prasaad hai,mera nahin। prasaad ko mera maanna,yeh deh-abhimaan hai। yeh abhimaan chhodna hi sampanna banna hai। iseelie jo varnan karte ho pharishta arthaat na deh abhimaan, na deh-bhaan, na bhinna-bhinna mere-pan ke rishte hon,pharishta arthaat yeh had ka rishta khatma। to ab kya taiyaari karenge? brahma baap ka aavaaz attention se suno, aahvaan kar rahe hain। baap kehte hain samaapti ka nagaada bajaana to bahut sahaj hai, jab chaahen tab baja sakte hain lekin kam-se-kam satayug aadi ke 9 laakh to ever ready ho na! chaahe nambarvaar hon,number one to thode honge। kam se kam 108number one, 16hazaar number tu, 9 laakh number three। lekin itne to taiyaar ho jaaen। raajdhaani to taiyaar honi chaahiye।

abhi result mein baapdaada ne dekha ki vartamaan samay maaya ka swaroop negative aur vyartha sankalp ka majority mein hai। vishwa-kalyaankaari ki stage hai - sada behad ki vritti ho,drishti ho aur behad ki sthiti ho। vritti mein zara bhi kisi aatma ke prati negative ya vyartha bhaavna nahin ho। negative baat ko parivartan karaana, woh alag cheez hai। lekin jo svayan negative vritti vaala hoga woh doosre ke negative ko bhi pojetiv mein change nahin kar sakta। isliye har ek ko apni sookshm checking karni hai ki vritti,drishti sarva ke prati sada behad aur kalyaankaari hai? zara bhi kalyaan ki bhaavna ke sivaae had ki bhaavna, had ke sankalp, bol sookshm mein bhi samaaye hue to nahin hain? jo sookshm mein samaaya hua hota hai, uski nishaani hai ki samay aane par va samasya aane par woh sookshm sthool mein aata hai। sada theek rahega lekin samay par woh emerge ho jaayega। phir sochte hain yeh hai hi aisa। yeh baat hi aisi hai। yeh vyakti hi aisa hai। vyakti aisa hai lekin meri sthiti shubh bhaavna, behad ki bhaavna vaali hai ya nahin hai?apni galti ko check karo। samjha।

baaton ko nahin dekho,apne ko dekho। bas 99mein yeh apne andar dhun lagaao jo brahma baap ka kadam woh brahma baap samaan mera har kadam ho। brahma baap se sabhi ko pyaar hai na। to pyaare ko hi follow kiya jaata hai। baap samaan banna hi hai। theek hai na? 99 mein sab taiyaar ho jaayenge? ek varsha hai। yeh ho gaya, yeh ho gaya… yeh nahin sochna। yeh to hona hi hai। pahle se hi pata hai yeh hona hai lekin baap samaan pharishta banna hi hai। samjha। karna hai na?kar sakenge?ek varsha mein taiyaar ho jaayenge ki aadhe varsha mein taiyaar ho jaayenge? aapke sampanna banne ke liye brahma baap bhi aahvaan kar raha hai aur prakriti bhi intazaar kar rahi hai। 6maas mein ever ready bano,chalo 6maas nahin ek varsha mein to bano। halchal mein nahin aana, achal। lakshya nahin chhodna, baap samaan banna hi hai, kuchh bhi ho jaae। chaahe kai brahman hilaaven, brahman rookaavat bankar saamne aayen phir bhi humein samaan banna hi hai। pasanda hai yeh raay?

(baapdaada ne sabhi se haath uthvaaya aur sabka video,photo nikalvaaya) yeh photo sabhi ko bhejenge। yahaan ki movie mein koi miss bhi ho sakta hai। vatan ki movie mein to koi miss nahin ho sakta hai। achha –

baap kehte hain ek second mein sabhi abhi-abhi videhi ban sakte ho? to abhi ek second mein videhi sthiti mein sthit ho jaao। (drill) achha– abhi deh mein aa jaao। abhi phir videhi ban jaao। aise saare din mein beech-beech mein ek second bhi mile, to baar-baar yeh abhyaas karte raho। achha।

sarva shreshtha brahman aatmaon ko sada brahma baap ke kadam par kadam rakhne vaale follow father aagyaakaari bachchon ko,sada brahma baap samaan pharishta sthiti mein sthit rahne vaale sameep aatmaon ko,sada prakritipti ban prakriti ke har drishya ko saakshi ho dekhne vaale achal-adol aatmaon ko, sada behad ki vritti aur drishti mein rahne vaale bhaagyavaan bachchon ko baapdaada ka yaadapyaar aur namaste।

baahar jo bhi sun rahe hain chaahe desh mein, chaahe videsh mein un bachchon ko bhi vishesh yaadapyaar।

daadiyon se - nimitta banne se duaayen milti hain। aap logon ki to davaai bhi duaayen hain। sabhi jo bhi nimitta daadiyaan hain va jo bhi nimitta kaarya mein madadgaar bante hain unhon ko vishesh duaaon ki lift hai। yagya history mein jo-jo aatma jis kaarya ke aadi se ab tak nimitta bani hai, unko us nimitta bane hue kaarya ki vishesh duaayen milti hain। nimitta banne ka samjho ek bhaagya milta hai। ek to nimitta banne vaale par sabhi ki nazar hone ke kaaran uska sva par bhi attention rehta hai। unka purooshaartha apne prati bhi sahaj ho jaata hai। jaise stage par baithte hain to stage par baithne se svatah attention hota hai, to nimitta banna arthaat stage par hain। to stage par hone ke kaaran sva ka purooshaartha sahaj ho jaata hai। sabke sahayog ki duaayen bhi milti hain। agar nimitta bani hui aatma yathaartha part bajaati hai to auron ke sahayog ki bhi madad milti hai। achha hai। (drill bahut achhi lag rahi thi) yeh roz har ek ko karni chaahiye। aise nahin ham busy hain। beech mein samay prati samay ek second chaahe koi baitha bhi ho, baat bhi kar raha ho,lekin ek second unko bhi drill kara sakte hain aur svayan bhi abhyaas kar sakte hain। koi mushkil nahin hai। do-chaar second bhi nikaalna chaahiye isse bahut madad milegi। nahin to kya hota hai, saara din buddhi chalti rehti hai na, to videhi banne mein time lag jaata hai aur beechbi cha mein abhyaas hoga to jab chaahen usi samay ho jaayenge kyonki ant mein sab achaanak hona hai। to achaanak ke paper mein yeh videheepan ka abhyaas bahut aavashyak hai। aise nahin baat poori ho jaae aur videhi banne ka purooshaartha hi karte rahen। to sooryavanshi to nahin hue na! isliye jitna jo busy hai,utna hi usko beech-beech mein yeh abhyaas karna zaroori hai। phir seva mein jo kabheekbhi thakaavat hoti hai,kabhi kuchh-na-kuchh aapas mein halchal ho jaati hai, woh nahin hoga। abhyaasi honge na। ek second mein nyaare hone ka abhyaas hoga,to koi bhi baat hui ek second mein apne abhyaas se in baaton se door ho jaayenge। socha aur hua। yuddha nahin karni pade। yuddha ke sanskaar, mehnat ke sanskaar sooryavanshi banne nahin denge। last ghadi bhi yuddha mein hi jaayegi,agar videhi banne ka second mein abhyaas nahin hai to। aur jis baat mein kamzor honge, chaahe svabhaav mein,chaahe sambandh mein aane mein, chaahe sankalp shakti mein, vritti mein, vaayumandal ke prabhaav mein,jis baat mein kamzor honge,usi roop mein jaan-boojhkar bhi maaya last paper legi। iseelie videhi banne ka abhyaas bahut zaroori hai। koi bhi roop ki maaya aaye, samajh to hai hi। ek second mein videhi ban jaayenge to maaya ka prabhaav nahin padega। jaise koi mara hua vyakti ho,uske oopar koi prabhaav nahin padta na। videhi maana deh se nyaara ho gaya to deh ke saath hi svabhaav, sanskaar,kamzoriyaan sab deh ke saath hain, aur deh se nyaara ho gaya, to sabse nyaara ho gaya। isliye yeh drill bahut sahayog degi,ismen kantroling power chaahiye। man ko kantrol kar saken,buddhi ko ekaagra kar saken। nahin to aadat hogi to pareshaan hote rahenge। pahle ekaagra karen,tab hi videhi banen। achha। aap logon ka to abhyaas 14varsha kiya hua hai na! (baba ne sanskaar daal diya hai) foundation pakka hai। aap logon ki to 14varsha mein nature ban gai। seva mein kitne bhi busy raho lekin koi bahaana nahin chalega ki hamko samay nahin tha kyonki baapdaada ko abhi jaldi-jaldi108 aur 16 hazaar to taiyaar karne hain। nahin to kaam kaise chalega। saathi to chaahiye na। to 108phir 16 hazaar, phir 9laakh। abhi agar aapko kahen ki 108 aise naam bataao jo vesta aur negative se mukta hon, to aap log maala bana sakti ho? sirf 108 kah rahe hain।99 tak to 16hazaar chaahiye। 9 laakh to ban jaayenge,uski koi badi baat nahin hai। pahle to 108 taiyaar ho jaaen। (sabha se) aap sochte ho ham 108 mein aayenge? abhi jo kuchh ho use nikaal lena,aur daadi ko kehna ki ham ever ready hain। haan apna-apna naam deven, offer karo - ham 108 mein hain phir verify karenge। sabse achha to apna naam aapehi deven।

ek baari sabko chenz karna zaroor hai। abhi ittala kar rahe hain to ever ready ho jaana phir order karenge। madhuban vaalon ko bhi chenz karenge। madhuban vaale centre mein jaayen,centre vaale madhuban mein aayen। apni almaariyaan khaali kar dena। koi ko taala lagaane nahin denge। achha - yeh bhi maza hai na। yeh bhi maze ka khel hai। achha - abhi kya karna hai।

(kaathmaandu,dehli,ahamdaabaad,kalkatte mein bahut achhi sevaayen hui hain, kaathmaandu vaalon ne aaj vishesh yaad bheji hai)

jahaan bhi seva ki hai,woh ek do se achhi hai। aarambha dilli ne kiya, to dilli mein pragti maidaan mein pahunchna,yeh bhi ek achhi seva ki result hai aur dilli raajdhaani mein abhi aise sthaan par free zameen lena - yeh seva ki saphalta hai। jo bhi aaye, jitne bhi aaye lekin dilli mein naam baala hona arthaat chaaron or aavaaz phailna, iseelie abhi pragti maidaan mein jhanda lahraaya,abhi aur aage badhna hai। abhi aadhyaatmik jhanda, aadhyaatmikta ka naam baala karne vaala jhanda, dilli mein karna hi hai। aur aage badhna hai kyonki dilli ka aavaaz T.vi. dvaara ya akhbaaron dvaara phailta hai। aur saath-saath jo bhi yagya ke kaarya hote hain woh yagya ke kaarya mein vishesh aatmaayen jo nimitta banti hain, unke oopar bhi bade programmes ka, naam ka prabhaav padta hai। isliye dehli ke oopar to baapdaada ki nazar hai। aakhir mein aadhyaatmikta ka jhanda, sthaapna mein seva ka jhanda dehli mein lahraaya। aise pratyakshata ka jhanda, aadhyaatmikta hi shreshtha hai aur aadhyaatmik aatmaayen yahi hain, yeh aavaaz phailna hi hai।

kaathmaandu mein bhi vahaan ke mahaaraaja ka pyaar hai janta mein। isliye mahaaraaja ka aana, yeh sabhi deshvaasiyon ke oopar sahaj prabhaav pad gaya। aur dekha gaya hai ki nepaal ki dharni mein vahaan ki nimitta bani hui aatmaayen achhi powerful hain। isliye nepaal mein seva hona sahaj hai। bachchon ne mehnat ki hai aur achhe-achhe prabhaavit hue hain, sameep aaye hain। ek hota hai prabhaavit hona, doosra hota hai sameep sahayogi banna। to nepaal mein sameep sahayogi aatmaayen bhi hain,yeh result achhi hai।

aur gujraat ne bahut achhi mehnat ki hai। sahayogi banaane ka jo lakshya rakha usmein saphalta achhi mili। isliye jo sahayogi bane to sahayogiyon ko baap va drama dvaara kuchh na kuchh punya ka phal milta hai। isliye woh sahayog aage chalkar sameep aate jaayenge aur unhon dvaara seva phailti jaayegi। yeh kaarya to sabse bada bhi kiya, badhiya bhi kiya। lakshya achha rakha aur har ek ne apna jo bhi kaarya liya woh bina kharcha sochne ke, bina had ki baaten sochne ke, jo dil se, tan se,aapsi pyaar se kiya ismen saphalta hai। gujraat ko bhi saphalta hui hai aur aage bhi hoti rahegi।

kalkatta mein bhi himmat bahut achhi rakhi। hai sab chhote-chhote lekin himmat badi rakhi। aur himmat ka phal yagya se vishesh madad mili। umang-utsaah mein aakar kaam kar hi liya aur achha naam bhi hua। aur yog shivir mein bhi achhe aaye, mele mein bhi achhe aaye। aur sab baaton ko na dekh samay par umang-utsaah se kaam chal hi gaya। achha chala। isliye chhote aur bada kaarya kiya to unhon ko vishesh mubaarak ho। abhi jo bhi programmes honge, woh bahut achhe honge kyonki samay ko vardaan mila hua hai। abhi jahaan bhi karenge, result achhe-te-achhi hogi। achha।

lakhnau,Bangalore, haidraabaad - teen jagah bade programme hone hain। teenon achhe hain। baapdaada to pahle se hi kehte achha hoga। (madraas aur baambe mein bhi bade programme hone hain) sabhi ko hovanhaar mubaarak ho।

achha। omshaanti।