Avyakt murli du vendredi 31 décembre 1999

>

31-12-99 om shanti avyakt baapdaadaamdhuban

nai sadi mein apne chalan aur chehre se pharishte swaroop ko pratyaksha karo

aaj baapdaada apne parmaatma-paalna ke adhikaari bachchon ko dekh harshit ho rahe hain। kitne bhaagyavaan hain jo svayan paramatma ki paalna mein pal rahe hain। duniya vaale kehte hain ki humein param aatma paal raha hai, lekin aap thodi si vishesh aatmaayen practical mein pal rahe ho। parmaatma-paalna hai, parmaatma-shreemat hai, usi shreemat se chal rahe ho, pal rahe ho। aise apne ko vishesh aatmaayen anubhav karte ho?apni mahaanta ko jaante ho? vartamaan samay to brahman aatmaayen mahaan hain hi,aur bhavishya mein bhi sarva shreshtha mahaan ho। dvaapar mein bhi aapke jad chitra itne mahaan bante hain jo koi bhi chitron ke aage jaayega to naman karega। itni aapki mahaanta hai jo aaj din tak agar kisi bhi aatma ko banaavti devta bana dete, lakshmi-naaraayan banaayenge, shreeraam banaayenge, to jab tak woh aatma devta ka part bajaata hai, to us aatma ko jaante hue bhi ki yeh saadhaaran manushya hai, lekin jab devta roop ka part bajaate hain to us saadhaaran aatma ko bhi naman karenge। to aapke roop ki mahaanta to hai lekin naamdhaari aatmaon ko bhi mahaan samajhte hain। to aisi mahaanta anubhav karte ho? jaante ho, samajhte ho va emerge roop mein apne ko anubhav karte ho? kyonki mool aadhaar hi hai - anubhav karna।

baapdaada sabhi bachchon ko anubhvi moorta banaate hain। sirf sunne va jaanne vaale nahin। anubhav ka to har ek ke chehre se,chalan se pata pad jaata hai। chaal se uske haal ka pata pad jaata hai। to socho hamaari chaal kya hai?brahman chaal hai? brahman arthaat sada sampanna aatma। shaktiyon se bhi sampanna,gunon se bhi sampanna… to aisi chaal hai?aapke chehre se dikhaai deta hai ki yeh saadhaaran hote hue bhi alaukik hai? aap sabki drishti,vritti,vibrations alaukik anubhav karte hain? jab last janma tak aapki divyata,mahaanta jad chitron se bhi anubhav karte hain, to vartamaan samay chaitanya shreshtha aatmaon dvaara anubhav hota hai?jad chitra to aapke hi hain na!

amritvele se lekar har chalan ko check karo - hamaari drishti alaukik hai?chehre ka pose sada harshit hai? ekras, alaukik hai va samay prati samay badalta rehta hai?sirf yog mein baithne ke samay va koi vishesh seva ke samay alaukik smriti va vritti rehti hai va saadhaaran kaarya karte hue bhi chehra aur chalan vishesh rehta hai? koi bhi aapko dekhe - kaamkaaj mein bahut busy ho, koi halchal ki baat bhi saamne ho lekin aapko alaukik samajhte hain? to check karo ki bol-chaal, chehra saadhaaran kaarya mein bhi nyaara aur pyaara anubhav hota hai?koi bhi samay achaanak koi bhi aatma aapke saamne aa jaae to aapke vibration se,bol-chaal se yeh samjhenge ki yeh alaukik pharishte hain?kyonki aaj ka din sangam ka din hai, puraana ja raha hai, naya aa raha hai। to kya naveenta vishwa ke aage dikhaai de? andar yaad rehta hai va samajhte hain,woh baat alag hai lekin sthaapna ke samay ko socho - kitna samay sthaapna ka beet gaya! beete hue samay ke pramaan baaki kitna samay thoda raha hua hai? to kya anubhav hona chaahiye?baapdaada jaante hain ki bahut achhe-achhe purushaarthi,purooshaartha bhi kar rahe hain,ud bhi rahe hain lekin baapdaada is 21veen sadi mein naveenta dekhne chaahte hain। sab achhe ho, vishesh bhi ho, mahaan bhi ho lekin baap ki pratyakshata ka aadhaar hai - saadhaaran kaarya mein rehte hue bhi pharishte ki chaal aur haal ho। baapdaada yeh nahin dekhne chaahte ki baat aisi thi, kaam aisa tha, circumstance aise the, samasya aisi thi, iseelie saadhaaranta aa gai। pharishta swaroop arthaat smriti swaroop mein ho,saakaar roop mein ho। sirf samajhne tak nahin,smriti tak nahin, swaroop mein ho। aisa parivartan kisi samay bhi,kisi haalat mein bhi alaukik swaroop anubhav ho। aise hai ya thoda badalta hai?jaisi baat vaisa apna swaroop nahin banaao। baat aapko kyon badle,aap baat ko badlo। bol aapko badle ya aap bol ko badlo? parivartan kisko kaha jaata hai? practical life ka sample kisko kaha jaata hai?jaisa samay,jaisa circumstance vaise swaroop bane - yeh to saadhaaran logon ka bhi hota hai। lekin pharishta arthaat jo puraane ya saadhaaran haal-chaal se bhi pare ho।

abhi aapki topic hai na - ``samay ki pukaar''। to abhi samay ki pukaar aap vishesh mahaan aatmaon ke prati yahi hai ki abhi pharishta arthaat alaukik jeevan swaroop mein dikhaai de। kya yeh ho sakta hai? teachers bolo - ho sakta hai? kab hoga? ho sakta hai to bahut achhi baat hai na, kab hoga? ek saal chaahiye, do hazaar poora ho jaae?jo samajhte hain kuchh samay to chaahiye chalo ek saal nahin, 6 maas, 6 maas nahin to 3 maas,chaahiye? ismen haath nahin uthaate? aapka slogan kya hai? yaad hai? ``ab nahin to kab nahin''। yeh slogan kiska hai? braahmanon ka hai ya devtaaon ka hai?braahmanon ka hi hai na!to is nai sadi mein baapdaada yahi dekhne chaahte hain ki kuchh bhi ho jaae lekin alaukikta nahin jaae। iske liye sirf chaar shabdon ka attention rakhna pade, woh kya? woh baat nai nahin hai, puraani hai, sirf revise kara rahe hain।

ek baat - shubh-chintak। doosra - shubh-chintan,teesra - shubh-bhaavna, yeh bhaavna nahin ki yeh badle to main badloon। uske prati bhi shubh-bhaavna,apne prati bhi shubh-bhaavna aur chautha - shubh shreshtha smriti aur swaroop। bas ek`shubh' shabd yaad kar lo, ismen4 hi baaten aa jaayengi। bas hamko sabmen shubh shabd smriti mein rakhna hai। yeh suna to bahut baari hai। sunaaya bhi bahut baari hai। ab aur swaroop mein laane ka attention rakhna hai। baapdaada jaante hain ki banna to inhon ko hi hai। aur jo aane vaale bhi hain woh saakaar roop mein to aap logon ko hi dekhte hain।

aaj varsha ke ant ka din hai na! to baapdaada ne majority bachchon ka varsha ka potaamel dekha। kya dekha hoga?mukhya ek kaaran dekha। baapdaada ne dekha ki `mitaane aur samaane' ki shakti kam hai। mitaate bhi hain,ulta dekhna,sunna,sochna,beeta hua bhi mitaate hain lekin jaise aap kehte ho na ki ek hai - conscious, doosra hai - sabkaanses। mitaate hain lekin man ki plate kaho, slate kaho, kaagaz kaho, kuchh bhi kaho, poora nahin mitaate। kyon nahin mita sakte? uska kaaran hai - samaane ki shakti powerful nahin hai। samay anusaar sama bhi lete lekin phir samay par nikal aata। isliye jo chaar shabd baapdaada ne sunaaye, woh sada nahin chalte। agar maanon man ki plate va kaagaj poora saaph nahin hua,poora nahin mita to us par agar badle mein aap aur achha likhne bhi chaaho to spashta hoga? arthaat sarva gun, sarva shaktiyaan dhaaran karne chaaho to sada aur full percent mein hoga? bilkul clean bhi ho,clear bhi ho tab yeh shaktiyaan sahaj kaarya mein laga sakte ho। kaaran yahi hai, majority ki slate clear aur clean nahin hai। thoda- thoda bhi beeti baaten ya beeti chalan,vyartha baaten va vyartha chaal-chalan sookshm roop mein samaai rehti hain to phir samay par saakaar roop mein aa jaati hain। to samay anusaar pahle check karo, apne ko check karna,doosre ko check karne nahin lag jaana kyonki doosre ko check karna sahaj lagta hai, apne ko check karna mushkil lagta hai। to check karna ki hamaare man ki plate vyartha se aur beeti se bilkul saaph hai? sabse sookshm roop hai - vibration ke roop mein rah jaata hai। pharishta arthaat bilkul clean aur clear। samaane ki shakti se negative ko bhi positive roop mein parivartan kar samaao। negative hi nahin sama do,positive mein change karke samaao tab nai sadi mein naveenta aayegi।

doosri baat bataayen kya dekhi?bataayen ya bhaari dose hai?jaise baapdaada ne pahle kaha hai ki kaise bhi karke mujhe apne saath paramdham mein le hi jaana hai,chaahe maar se chaahe pyaar se le hi jaana hai। agyaaniyon ko maar se aur aap bachchon ko pyaar se। aise hi baapdaada abhi bhi kehte hain ki kaise bhi karke duniya ke aage mahaan aatmaon ko pharishte roop mein pratyaksha karna hi hai। to taiyaar ho na? baapdaada ne sunaaya na - kaise bhi karke banaana to hai hi। nahin to nai duniya kaise aayegi! achha – doosri baat kya dekhi?

saal ka ant hai na! dekho, baapdaada`majority'shabd kah raha hai, sarva nahin kah raha hai, majority kah raha hai। to doosri baat kya dekhi? kyonki kaaran ko nivaaran karenge tab nav-nirmaan hoga। to doosra kaaran - albelaapan bhinna-bhinna roop mein dekha। koi-koi mein bahut royal roop ka bhi albelaapan dekha। ek shabd albelepan ka kaaran - ``sab chalta hai''। kyonki saakaar mein to har ek ke har karma ko koi dekh nahin sakta hai, saakaar brahma bhi saakaar mein nahin dekh sake lekin ab avyakt roop mein agar chaahe to kisi ke bhi har karma ko dekh sakte hain। jo gaaya hua hai ki paramatma ki hajaar aankhe hain, laakhon aankhen hain, laakhon kaan hain। woh abhi niraakaar aur avyakt brahma donon saath-saath dekh sakte hain। kitna bhi koi chhipaaye, chhipaate bhi royalty se hain, saadhaaran nahin। to albelaapan ek mota roop hai,ek maheen roop hai, shabd donon mein ek hi hai ``sab chalta hai, dekh liya hai kya hota hai! kuchh nahin hota। abhi to chala lo,phir dekha jaayega!'' yeh albelepan ke sankalp hain। baapdaada chaahe to sabhi ko suna bhi sakte hain lekin aap log kehte ho na ki thodi laaz-pat rakh do। to baapdaada bhi laaz pat rakh dete hain lekin yeh albelaapan purooshaartha ko teevra nahin bana sakta। paas with honour nahin bana sakta। jaise svayan sochte hain na ``sab chalta hai''। to result mein bhi chal jaayenge lekin udenge nahin। to suna kya do baaten dekhi! parivartan mein kisi na kisi roop se,har ek mein alag-alag roop se albelaapan hai। to baapdaada us samay muskaraate hain,bachche kehte hain - dekh lenge kya hota hai! to baapdaada bhi kehte hain - dekh lena kya hota hai! to aaj yeh kyon suna rahe hain? kyonki chaaho ya nahin chaaho, jabardasti bhi aapko banaana to hai hi aur aapko banna to padega hi। aaj thoda sakhta suna diya hai kyonki aap log plan bana rahe ho, yeh karenge, yeh karenge… lekin kaaran ka nivaaran nahin hoga to temporary ho jaayega, phir koi baat aayegi to kahenge baat hi aisi thi na! kaaran hi aisa tha! mera hisaab-kitaab hi aisa hai। isliye banna hi padega। manjoor hai na! teachers manjoor hai? foreigners manjoor hai? baapdaada kehte hain - banna hi padega। phir nai sadi mein kahenge ban gaye। aisa hai na - kam se kam samay lena chaahiye। lekin baapdaada ek varsha de deta hai phir to sahaj hai na। aaraam se karo। aaraam ka arth hai,aa raam arthaat baap ko yaad karke phir karna। woh Dunlop vaala aaraam nahin karna। baapdaada ka aapse jyaada pyaar hai, ya aapka baap se jyaada pyaar hai? kiska hai? baap ka ya aapka?

baapdaada ko aap sabmen nishchay hai ki aap sabhi bachche pyaar ka return avyakt brahma baap samaan avashya banenge। banenge na! baapdaada chhodega nahin! pyaar hai na! jisse pyaar hota hai uska saath nahin chhoda jaata hai। to brahma baba ka aapmen bahut pyaar hai। intajaar karta rehta hai, kab mere bachche aayen! to samaan to banenge na!

brahma baap ki ek rooh-roohaan sunaate hain। abhi 18 January aane vaali hai na! to brahma baap,shiv baap ko kehte hain ki aap bachchon se date fix karaao,main kab tak intajaar karoon?yeh date fix karaao। to shiv baap kya kahenge? muskaraate hain! baapdaada phir bhi kehte hain - bachche hi date fix karenge,baapdaada nahin karenge। to brahma baap bahut yaad karta hai। to date fix karenge?

naye varsha mein yeh samaan banne ka dridh sankalp karo। lakshya rakho ki humein pharishta banna hi hai। ab puraani baaton ko samaapta karo। apne anaadi aur aadi sanskaaron ko emerge karo। smriti mein rakho - chalte-phirte main baap samaan pharishta hoon, mera puraane sanskaaron se,puraani baaton se koi rishta nahin। samjha। is parivartan ke sankalp ko paani dete rehna। jaise beej ko paani bhi chaahiye,dhoop bhi chaahiye tab phal nikalta hai। to is sankalp ko,beej ko smriti ka paani aur dhoop dete rehna। baar-baar revise karo - mera baapdaada se vaayda kya hai! achha। aaj kaun-sa group hai? (jurist aur cultural)

jurist - aapas mein meeting ki। achha, kya naya plan banaaya? vaaris kab nikaalenge,uski date fix ki? yeh achhi baat hai ki vaaris bhi nikaalenge,mike bhi laayenge lekin mike thode-thode aaye hain, foreign vaale laaye the। abhi aur sameep aayenge। jo laaye the woh sameep hain? aise taiyaar hain jo bhaashan karen? aapke badlen mein woh parichay den, aise taiyaar hain? (margin hai) to bhaarat unse aage jaao। inhonne to laaye, chaahe second number mike ho ya first ho, to bhaarat vaale thodi bhi margin nahin chhodo aur laao। yeh race hai, rees nahin। rees nahin karna, race bhale karna। foreign vaalon ne himmat to rakhi। usmein kuchh-kuchh quality achhi hai jo aage badh sakti hai। bhaarat ki teachers kya karengi?kab mike laayengi? bhaarat ki teachers ne vaaris ya mike laaya hai? paandavon ne laaya hai? (andar taiyaar kar rahe hain?)stage par aaven na! mike usko kaha jaata hai jiska prabhaav janta ke oopar pad jaae। jaise aap log speech karte ho, kuchh to prabhaav padta hai na! poora nahin padta hai kuchh to padta hai। to aise mike taiyaar karo। baapdaada ne kaha samay anusaar aap might banenge,woh mike banenge। kya last tak aap log hi bhaashan karte rahenge?apna parichay aapehi dete rahenge? to saamne laao। agar taiyaar ho to baapdaada ke saamne nahin lekin daadiyon ke aage laao। achha।

to baapdaada jurist meeting ko kehte hain ki jaise aapne meeting mein plan banaaya hai, plan to sab achhe banaaye hain, mubaarak ho। abhi jaise programme ki date fix bataai,do programme bana diye, (ek jaypur mein jurist conference rakhi hai, doosri aabu mein) achha kiya raajasthaan ko uthaaya hai। aise hi aisi meeting karo jo vaaris ya mike ki date fix ho jaae। vakeel aur judge to case mein phainsala karte hain na to yeh bhi phainsala karo। jurist meeting vaalon ke naam to note hain na to baapdaada unhon ko khaas vishesh laddu khilaayenge। bahut taakat vaale laddu daadi banvaati hai। (aaj teachers ko khilaaya hai) teachers phir to mike laayengi na। laddu khaaya hai to mike to aayenge na।

cultural wing vaale haath uthaao - aap logon ne kya plan banaaya,kya meeting ki? aap logon ne cultural ka banaaya ya culture ka banaaya? (meeting karna baaki hai) to laddu bhi baaki hai। jo bhi varga pahle vaaris ya mike laayega unko 8-8 laddu khilaayenge। bhandaara to bharpoor hai। (aap kahenge to 16 bhi khila denge) badi daadi hai to badi dil hai। achha hai, yeh varga ke programme bhi achhe seva mein sameep la rahe hain aur sabhi varga apni- apni seva mein achhe aage badh rahe hain। aur yeh bhi jo har varga vaalon ko chance diya hai,woh bhi achha hai। dikhaai to dete hain kaun-kaun hain,kitne hain! aaye to kam honge lekin yeh varga hain,kuchh kar rahe hain - yeh to pata padta hai।

achha - aaj ka kya programme hai?matlab 12bajaayenge, sangam poora karenge। yeh 12 bhale bajaana, lekin sangam ka ant bhi jaldi laana।

double videshi -jaise bhaarat har tarna mein aata hai, foreign vaale bhi kam nahin hain। har tarna mein apna adhikaar le lete hain। achha hai, baapdaada sada kehte hain ki foreigners is janma ke foreigners hain lekin anek janma ke brahman parivaar ke hain। agar aap log videshi nahin bante to videsh ke bhinna-bhinna deshon ki seva kaise hoti! agar aap videshi ke roop mein nahin aate to baapdaada ko sab deshon ki bhaasha ke yahaan class rakhne padte, taiyaar karne padte। to aap log jo bhinna-bhinna desh mein gaye ho, woh seva ke prati gaye ho। samjha। orijinal aap brahman aatmaayen ho,videshi aatmaayen nahin ho। bhinna-bhinna vishwa ki seva ke liye gaye ho,dekho bhaarat mein bhi har bhaasha ke bachche aaye hain aur seva kar rahe hain, nahin to pahle ek hi sindha ka group tha। phir dheere-dheere bhinna-bhinna group chaahe bhaarat ke, chaahe videsh ke aate rahe aur badhte rahe, yeh bhi drama mein bana hua khel hai। vaise bhi pahle jad mein thode hote hain phir dheere-dheere tana aur shaakhaayen nikalti hain। woh foundation bana - nimitta sindha desh ka, phir dheere-dheere vriksha badhta gaya। bhaashaayen aur desh ki shaakhaayen, aap shaakhaaon mein nahin ho, aap to baapdaada ke saath ho।

(dilli group seva mein aaya hai) -dilli vaale haath uthaao। seva ki seva aur variety meva bhi khaaya na! seva ka meva avashya milta hai। jo bhi seva mein aate hain unko sabse achha chance kya milta hai,maaloom hai?itne bade parivaar ki seva karte hain to sabse pahle baapdaada ki duaayen hain hi lekin itne saare parivaar ke aatmaon ki duaayen milti hain aur yeh duaayen bahut kaam mein aati hain। is samay to saadhaaran lagta hai lekin duaaon ka khazaana samay par bahut bal deta hai। achha - aap logon ne naye varsha mein bahut card bheje hain na। baapdaada ne dekh liya, card hain, patra bhi hain। to aap log sabhi naye varsha mein sirf card dekar happy new year nahin karna lekin card ke saath har ek aatma ko dil se regard dena। regard ka card dena aur ek-do ko saugaat mein chhoti-moti koi bhi cheejen to dete hi ho,woh bhi bhale do lekin uske saath-saath duaayen dena aur duaayen lena। koi nahin bhi de to aap lena। apne vibration se uski bad-dua ko bhi dua mein badal lena। to regard dena aur duaayen dena aur lena - yeh hai naye varsha ki gift। shubh bhaavna dvaara aap dua le lena। achha।

desh-videsh ke bachche saakaar mein bhi baithe hain lekin aakaari roop mein bhi madhuban mein haazar hain। to aise chaaron or ke haazar hone vaale bachchon ko hajoor bhi ji haazar ki yaadapyaar de rahe hain। achhi himmat se, mehnat se koi jaagte bhi hain, koi kis samay baithte,koi kis samay baithte, isliye ek-ek bachche ko naam sahit padmaguna mubaarak bhi hai aur vidaai aur badhaai ke sangam ki mubaarak bhi hai, greetings hain। jinhonne bhi card bheje hain, yaadapyaar bheje hain, un sabhi desh videsh ke bachchon ko baapdaada dilaaraam dil se return yaadapyaar de rahe hain। sada aage udte raho।

jo desh-videsh mein intarnet par murli bhejte hain, baapdaada ne unhein saamne bulaaya

aap logon ko sab taraph se jinhon ko bhi pahunch raha hai,un sab aatmaon ki taraph se aur baapdaada ki taraph se bahut-bahut mubaarak ho, mubaarak ho। yeh to bahut achha kar rahe ho, baaki ek baat karni hai। karne ke liye taiyaar ho?yeh jo kiya hai uski mubaarak di, abhi aisi achhi-achhi aatmaayen taiyaar karo jo kam kharcha baalaansheen ho। baapdaada ke paas result aai,bahut kharcha hai। to jaise aapne yeh purooshaartha kiya to saphalta mili hai na to abhi lakshya rakho baapdaada free nahin kehta hai,kam kharcha baalaansheen। aise koi taiyaar karo jo sahayogi banen। ban sakte hain? achha - abhi dekhenge। kaam to bahut achha duaaon ka hai। bahut sabhi duaayen dete hain, abhi sirf addition karo - `kam kharcha'। thoda-thoda kam karaate jaao। invention karte jaao, baapdaada ke paas yeh report aave ki kam kharcha baalaansheen hai। bhaarat mein karo,videsh mein karo, kahaan se bhi karo lekin yeh lakshya rakho,lakshya se sab ho jaata hai aur hona hi hai। yeh science bani hi aap logon ke liye hai। dekho sthaapna ke 100 varsha pahle se hi yeh sab dheere-dheere nikla hai। to kiske liye nikla? sukh to braahmanon ko hi milna hai na! to bahut achha, jab toli baanten to aap lena,abhi toli khaana phir kam kharcha baalaansheen hoga to laddu milenge। bahut achha। chaaron or ki mahaan aatmaon ko,sada parivartan shakti ko har samay kaarya mein lagaane vaale,vishwa parivartak aatmaon ko,sada dridh-nishchay se pratyaksha swaroop dikhaane vaale brahman so pharishte aatmaon ko,sada ek baap doosra na koi, baap samaan banne vaalon ko, baapdaada ke pyaar ka return dene vaali mahaaveer aatmaon ko,baapdaada ka yaadapyaar aur namaste।

(pahli January 2000praatah (raatri 12.00baje ke baad) baapdaada ne sabhi bachchon ko naye varsha,nai sadi ki mubaarak di)

sabhi ne new year manaaya। chaaron or ke bachchon ko naye varsha,naye yug ki,naye jeevan ki mubaarak ho, mubaarak ho,mubaarak ho! is naye varsha mein brahma baap ke dvaara uchchaare hue mahaavaakya sada yaad rakhna - niraakaari, niranhakaari saath mein nav nirmaandhaari। sada nirmaan aur nirmaan ke kartavya ka balance rakhte udte rehna। is varsha mein vishesh sva-parivartan ki visheshta ko saamne rakhte hue udte aur udaate rehna। sada brahma baap ko har kadam mein follow father karte rehna। to mubaarak ho, mubaarak ho! padmaguna mubaarak ho!!

dilli mein ekadmi banaane ke liye jameen li gai hai, baapdaada ko samaachaar sunaaya

aap sabko maaloom hai ki behad ke seva ki saugaat dilli ko mili hai। ismen sada behad ke plan bante chaaron or sandesh milte jaayenge aur sarva ka sahayog hai kyonki sarva ki raajdhaani banne vaali hai। to beej daalne se phal milta hai। abhi beej daalenge to vahaan bhavishya mein return padamguna hokar milna hi hai। to plan bhi aise banaao,system bhi aise banaao jo behad ki feeling aave। koi chhota sa centre hai yeh nahin। phalaane ka hai, phalaani ka hai yeh nahin,sabka hai। aur behad ki system se behad ki sthaapna karte chalo,ek example banen। naam dilli ka hai lekin sab samjhen ki hamaara hai। jaise baapdaada ko sab samajhte hain hamaare hain,daadiyon ko sab samajhte hain hamaari daadiyaan hain,aise yeh seva hamaari seva hai,is behad roop se, naveenta ke roop se sthaan chalaakar dikhaana। dilli vaalon ko yeh behad ki saugaat mili hai। desh-videsh ke beej se yeh vardaan mila hai। to har ek samjhe ki behad ka sthaan hai aur isse hi behad ko sandesh milega। achha hai naye varsha mein yeh final karke aap logon ko saugaat mil gai। mili hai na saugaat! (naam kya rakhen?)pahle sajaao to sahi। makaan banaao phir naam padega। lekin sada baba aur baba ka behad ka sthaan। sada man, vaani aur karma- jisse bhi sahayog de sako woh dete raho। ek ekzaampal ho,naveenta ho। to aapas mein raay karke aisa plan banaao। achha - sabhi ko good night bhi ho gai, good morning bhi ho gai।

shreelanka government ne10 acre jameen seva ke liye di hai। global house ke paas bhi jameen mil gai hai

aap log sun rahe hain, to yeh nahin samjho dilli ko mili, london ko mili, shreelanka ko mili, nahin। aap sabko mili। aap sabka hai। raajasthaan ko bhi milni hai। to sabhi ko kitne sthaan mil rahe hain। aapke hain na। to naye varsha ki bahut-bahut saugaaten seva prati mili hain। abhi sabhi khoob taaliyaan bajaao। abhi aisi koshish karo jo dilli ko aur jameen free mile,phir jyaada taaliyaan bajaana। (sabhi ne khoob zor ki taaliyaan bajaai) aisi taaliyaan bajaate ho isse siddha hai milegi। achha - taaliyaan to bahut jaldi baja di, abhi ek second mein pharishta ban sakte ho? to abhi pharishta ban jaao। achha।