Avyakt murli du mardi 17 février 2004

>

17-02-04 om shanti avyakt baapdaadaamdhuban

“shivraatri janma utsav ka vishesh slogan - sarva ko sahayog do aur sahayogi banaao,sada akhanda bhandaara chalta rahe”

aaj baapdaada svayan apne saath bachchon ka heere tulya janma din shiv jayanti manaane aaye hain। aap sabhi bachche apne paarlaukik,alaukik baap ka birth de manaane aaye hain to baap phir aapka manaane aaye hain। baap bachchon ke bhaagya ko dekh harshit hote hain vaah mere shreshtha bhaagyavaan bachche vaah! jo baap ke saath-saath avatrit hue vishwa ke andhakaar ko mitaane ke liye। saare kalpa mein aisa birth de kisi ka bhi nahin ho sakta,jo aap bachche parmaatma baap ke saath mana rahe ho। is alaukik ati nyaare, ati pyaare janma din ko bhakta aatmaayen bhi manaati hain lekin aap bachche milan manaate ho aur bhakta aatmaayen sirf mahima gaate rehte hain। mahima bhi gaate, pukaarte bhi, baapdaada bhakton ki mahima aur pukaar sunkar unhein bhi nambarvaar bhaavna ka phal dete hi hain। lekin bhakta aur bachche donon mein mahaan antar hai। aapka kiya hua shreshtha karma, shreshtha bhaagya ka yaadgaar bahut achha manaate hain iseelie baapdaada bhakton ke bhakti ki leela dekh unhein bhi mubaarak dete hain kyonki yaadgaar sab achhi tarah se copy ki hai। woh bhi isi din vrat rakhte hain, woh vrat rakhte hain thode samay ke liye,alpakaal ke khaan-paan aur shuddhi ke liye। aap vrat lete ho sampoorn pavitrata, jismen aahaar-vyavhaar,vachan, karma,poore janma ke liye vrat lete ho। jab tak sangam ki jeevan mein jeena hai tab tak man-vachan-karma mein pavitra banna hi hai। na sirf banna hai lekin banaana bhi hai। to dekho bhakton ki buddhi bhi kam nahin hai, yaadgaar ki copy bahut achhi ki hai। aap sabhi sab vyartha samarpan kar samartha bane ho arthaat apne apvitra jeevan ko samarpan kiya, aapki samarpanta ka yaadgaar woh bali chadhaate hain lekin svayan ko bali nahin chadhaate,bakre ko bali chadha dete hain। dekho kitni achhi copy ki hai,bakre ko kyon bali chadhaate hain?iski bhi copy bahut sundar ki hai, bakra kya karta hai? mein-mein-mein karta hai na! aur aapne kya samarpan kiya?main, main,main। deh-bhaan ka main-pan, kyonki is main-pan mein hi deh-abhimaan aata hai। jo deh-abhimaan sabhi vikaaron ka beej hai।

baapdaada ne pahle bhi sunaaya hai ki sarva samaarpit hone mein yeh deh bhaan ka main-pan hi rookaavat daalta hai। common main-pan, main deh hoon,va deh ke sambandh ka main-pan,deh ke padaarthon ka samarpan yeh to sahaj hai। yeh to kar liya hai na?ki nahin, yeh bhi nahin hua hai!jitna aage badhte hain utna main-pan bhi ati sookshm maheen hota jaata hai। yeh mota main-pan to khatma hona sahaj hai। lekin maheen main-pan hai - jo parmaatma janma siddha adhikaar dvaara visheshtaayen praapta hoti hain,buddhi ka vardaan,gyaan swaroop banne ka vardaan,seva ka vardaan va visheshtaayen,ya prabhu den kaho, uska agar main-pan aata to isko kaha jaata hai maheen main-pan। main jo karta,main jo kehta vahi theek hai,vahi hona chaahiye,yeh royal main-pan udti kala mein jaane ke liye bojh ban jaata hai। to baap kehte is main-pan ka bhi samarpan,prabhu den mein main-pan nahin hota, na main na mera। prabhu den, prabhu vardaan, prabhu visheshta hai। to aap sabki samarpanta kitni maheen hai। to check kiya hai?saadhaaran main-pan va royal main-pan donon ka samarpan kiya hai? kiya hai ya kar rahe hain?karna to padega hi। aap log aapas mein hansi mein kehte ho na, marna to padega hi। lekin yeh marna bhagwan ki godi mein jeena hai। yeh marna,marna nahin hai।21 janma dev aatmaon ke godi mein janmana hai। iseelie khushi-khushi se samaarpit hote ho na!chilla ke to nahin hote? nahin। bhakti mein bhi chillaaya hua bali sveekaar nahin hoti hai। to jo khushi se samaarpit hote hain, had ke main aur mere mein, woh janma-janma varse ke adhikaari ban jaate hain।

to check karna -kisi bhi vyartha sankalp, vyartha bol, vyartha chalan ke parivartan karne mein khushi se parivartan karte va majboori se?muhabbat mein parivartan hote ya mehnat se parivartan hote? jab aap sabhi bachchon ne janma lete hi apne jeevan ka occupation yahi banaaya hai- vishwa parivartan karne vaale, vishwa parivartak। yeh aap sabka,brahman janma ka occupation hai na! hai pakka to haath hilaao। jhande hila rahe hain, bahut achha।(sabhi ke haathon mein shivbaaba ki jhandiyaan hain jo sabhi hila rahe hain)aaj jhandon ka din hai na, bahut achha। lekin aise hi jhanda nahin hilaana। aise jhanda hilaana to bahut sahaj hai, man ko hilaana hai। man ko parivartan karna hai। himmat vaale ho na। himmat hai? bahut himmat hai, achha।

baapdaada ne ek khushkhabri ki baat dekhi,kaun si, jaante ho? baapdaada ne is varsha ke liye vishesh gift di thi ki ``is varsha agar thodi bhi himmat rakhenge, kisi bhi kaarya mein,chaahe sva-parivartan mein,chaahe kaarya mein,chaahe vishwa seva mein, agar himmat se kiya to is varsha ko vardaan mila hai extra madad milne ka।''to baapdaada ne khushi ki khabar ya najaara kya dekha!ki is baari ki shiv jayanti ki seva mein chaaron or bahut-bahut-bahut achhi himmat aur umang-utsaah se aage badh rahe hain।(sabhi ne taali bajaai) haan taali bhale bajaao। sada aise taali bajaayenge ya shivraatri par?sada bajaate rehna। achha। chaaron or se to madhu-ban mein samaachaar likhte hain aur baapdaada to vatan mein hi dekh lete hain। umang achha hai aur plan bhi achhe banaaye hain। aise hi seva mein umang aur utsaah vishwa ki aatmaon mein umang-utsaah badhaayega। dekho nimitta daadi ki kalam ne kamaal to ki hai na! achhi result hai। isliye baapdaada abhi ek-ek centre ka naam to nahin lenge lekin vishesh sabhi taraph ke seva ki result ki, baap-daada har ek sevaadhaari bachche ki visheshta aur naam le lekar padamguna mubaarak de rahe hain। dekh bhi rahe hain,bachche apne-apne sthaan par dekh ke khush ho rahe hain। videsh mein bhi khush ho rahe hain kyonki aap sabhi to vahi vishwa ki aatmaon ke liye ishta devi aur dev-taayen ho na। baapdaada jab bachchon ki sabha ko dekhte hain to teen roopon se dekhte hain:-

1-vartamaan svaraajya adhikaari, abhi bhi raaje ho। laukik mein bhi baap bachchon ko kehte hain mere raaje bachche,raaja bachcha। chaahe gareeb bhi ho to bhi kehte hain raaja bachcha। lekin baap vartamaan sangam par bhi har bachche ko svaraajya adhikaari raaja bachcha dekhte hain। raaje ho na!svaraajya adhikaari। to vartamaan svaraajya adhikaari।

2-bhavishya mein vishwa raajya adhikaari aur

3-dvaapar se kaliyug ant tak poojya,poojan ke adhikaari- in teenon roopon mein har bachche ko baapdaada dekhte hain। saadhaaran nahin dekhte hain। aap kaise bhi ho lekin baapdaada har ek bachche ko svaraajya adhikaari raaja bachcha dekhte hain। raajayogi ho na! koi ismen praja yogi hai kya? prajaayogi hai? nahin। sab raajayogi hain। to raajayogi arthaat raaja। aise svaraajya adhikaari bachchon ka birth de manaane svayan baap aaye hain। dekho, aap double videshi to videsh se aaye ho, birth de manaane। haath uthaao double videshi। to jyaada mein jyaada doordesh kaun sa hai? America ya usse bhi door hai? aur baapdaada kahaan se aaya hai?baapdaada to paramdham se aaye hain। to bachchon se pyaar hai na! to janma din kitna shreshtha hai, jo bhagwan ko bhi aana padta hai। haan yeh (birth de ka ek banner sabhi bhaashaaon ka banaaya hua dikha rahe hain) achha banaaya hai, sabhi bhaashaaon mein likha hai। baapdaada sabhi desh ke sabhi bhaashaaon vaale bachchon ko birth de ki mubaarak de rahe hain।

dekho,baap ki shiv jayanti manaate hain lekin baap hai kya?bindi। bindi ki jayanti, avatran mana rahe hain। sabse heere tulya jayanti kiski hai? bindu ki, bindi ki। to bindi ki kitni mahima hai! iseelie baapdaada sada kehte hain ki teen bindu sada yaad rakho -aath number,saat number to phir bhi gadbad se likhna padega lekin bindu kitna easy hai। teen bindu- sada yaad rakho। teenon ko achhi tarah se jaante ho na। aap bhi bindu,baap bhi bindu,bindu ke bachche bindu ho। aur karma mein jab aate ho to is srishti manch par karma karne ke liye aaye ho,yeh srishti manch drama hai। to drama mein jo bhi karma kiya,beet gaya,usko fullstop lagaao। to fullstop bhi kya hai?bindu। isliye teen bindu sada yaad rakho। saari kamaal dekho, aajkal ki duniya mein sabse jyaada mahatva kiska hai?paise ka। paise ka mahatva hai na!maa baap bhi kuchh nahin hain, paisa hi sab kuchh hai। usmein bhi dekho agar ek ke aage, ek bindi laga do to kya ban jaayega! das ban jaayega na। doosri bindi lagaao, 100 ho jaayega। teesri lagaao-1000ho jaayega। to bindi ki kamaal hai na। paise mein bhi bindi ki kamaal hai aur shreshtha aatma banne mein bhi bindi ki kamaal hai। aur karnakraavanhaar bhi bindu hai। to sarva taraph kiska mahatva hua! bindu ka na। bas bindu yaad rakho aur vistaar mein nahin jaao,bindu to yaad kar sakte। bindu bano, bindu ko yaad karo aur bindu lagaao, bas। yeh hai purooshaartha। mehnat hai? ya sahaj hai? jo samajhte hain sahaj hai woh haath uthaao। sahaj hai to bindu lagaana padega। jab koi samasya aati hai tab bindu lagaate ho ya question mark? question mark nahin lagaana,bindu lagaana। question mark kitna tedha hota hai। dekho, likho question mark,kitna tedha hai aur bindu kitna sahaj hai। to bindu banna aata hai?aata hai? sabhi hoshiyaar hain।

baapdaada ne vishesh sevaaon ke umang-utsaah ki mubaarak to di,bahut achha kar rahe hain, karte rahenge lekin aage ke liye har samay,har din -world servant hoon- yeh yaad rakhna। aapko yaad hai -brahma baap sign kya karte the? world servant। to world servant hain,to sirf shivraatri ki seva se world ki seva samaapta nahin hogi। lakshya rakho ki main world servant hoon,to world ki seva har shvaans mein, har second mein karni hai। jo bhi aave, jisse bhi samparka ho,usko daata ban kuchh na kuchh dena hi hai। khaali haath koi nahin jaave। akhanda bhandaara har samay khula rahe। kam se kam har ek ke prati shubh bhaav aur shubh bhaavna,yeh avashya do। shubh bhaav se dekho,suno, sambandh mein aao aur shubh bhaavna se us aatma ko sahayog do। abhi sarva aatmaon ko aapke sahayog ki bahut-bahut aavashyakta hai। to sahayog do aur sahayogi banaao। koi na koi sahayog chaahe mansa ka,chaahe bol se koi sahayog do,chaahe sambandh-samparka se sahayog do, to is shivraatri janma utsav ka vishesh slogan yaad rakho - ``sahayog do aur sahayogi banaao''। kam se kam jo bhi samparka-sambandh mein aave use sahayog do, sahayogi banaao। koi na koi to sambandh mein aata hi hai, uski aur koi khaatiri bhal nahin karo lekin har ek ko dilkhush mithaai zaroor khilaao। yeh jo yahaan bhandaare mein banti hai woh nahin। dil khush kar do। to dil khush karna arthaat dil khush mithaai khilaana। khilaayenge!usmein to koi mehnat nahin hai। na time extra dena hai, na mehnat hai। shubh bhaavna se dil khush mithaai khilaao। aap bhi khush,woh bhi khush aur kya chaahiye। to khush rahenge aur khushi denge,kabhi bhi aap sabhi ka chehra jyaada gambheer nahin hona chaahiye। too much gambheer bhi achha nahin lagta hai। muska-raahat to honi chaahiye na। gambheer banna achha hai,lekin too much gambheer hote hain na,to woh aise hote hain jaise pata nahin kahaan gaayab hain। dekh bhi rahe hain lekin gaayab। bol bhi rahe hain lekin gaayab roop mein bol rahe hain। to woh chehra achha nahin। chehra sada muskaraata rahe। chehra serious nahin karna। kya karen, kaise karen to serious ho jaate ho। bahut mehnat hai, bahut kaam hai… serious ho jaate ho lekin jitna bahut kaam utna jyaada muskaraana। muskaraana aata hai na? aata hai?aapke jad chitra dekho kabhi aise serious dikhaate hain kya!agar serious dikhaave to kehte hain aaaartista theek nahin hai। to agar aap bhi serious rehte ho to kahenge isko jeene ka art nahin aata hai। isliye kya karenge?teachers kya karenge? achha bahut teachers hain,teachers mubaarak ho। seva ki muba-rak ho।

achha -baapdaada ne aur bhi aap poojya aatmaon ki khushkhabri suni। aap poojya aatmaon ko aaj 36 prakaar ka bhog lagna hai। kyon? aapke jad chitron ko bhog lagaate hain lekin aap to khaate nahin ho। isliye abhi chaitanya mein bhog laga lo। achha kiya, baapdaada ko khushi hai ki har ek bachcha 36 prakaar ka bhog to sveekaar karega। thaili dikha rahe hain। jo baahar baithe hain videsh mein ya apne-apne centre par। to woh yahaan T.vi. mein jab thaila dekho na,thaila baantenge na to aap thaile ke andar se vaasna le lena। baap-daada sab centre vaale chaahe desh vaale, chaahe videsh vaale sabhi ko in sabhi bachchon se pahle khila rahe hain। kha lo,kha lo। aur aise karna jis bhi centre ki teacher aai hai,jahaan tak bhej sako vahaan tak bhejna,ek-ek thaili bhejna। jyaada nahin bhejna। ek-ek thaili sample ke maatra bhej dena। to jab bhi aap bhog sveekaar karo to kis swaroop se sveekaar karenge?apna poojya swaroop emerge karna aur poojya ban bhog sveekaar karna। achhi baat ki hai। daadi ko mubaarak jyaada hai। achha।

ek second mein apna poorvaj aur poojya swaroop emerge kar sakte ho? vahi devi aur devtaaon ke swaroop ke smriti mein apne ko dekh sakte ho? koi bhi devi ya devta। main poorvaj hoon,sangamayug mein poorvaj hain aur dvaapar se poojya hain। satayug,treta mein raajya adhikaari hain। to ek second mein sabhi aur sankalp samaapta kar apne poorvaj aur poojya swaroop mein sthit ho jaao। achha।

bhopaal zone ki seva ka tarna haih achha- bhopaal vaale utho। jhandi hilaao। seva ka extra phal aur bal donon anubhav kiya?kiya? kyonki yagya seva ka golden chance kam bhaagya nahin hai। bahut bada bhaagya hai। extra bal,vaayumandal shaktishaali ka bal milta hai। aur yagya seva karne se jin brahman aatmaon ki seva karte ho unki duaaon ka phal milta hai। to yeh chance milna arthaat seva ka extra bal aur phal khaana। to sabhi ne aisa anubhav kiya!kiya? kitni duaayen jama ki?kitne janma yeh duaayen chalengi?vaise to sada duaaon ke paatra ho lekin yeh duaaon ki bhar-bhar thaaliyaan milti hain। sangathan hota hai na। to yeh duaayen agar kaayam rakhenge to aapke purooshaartha mein ek lift ki gift ho jaayegi। achha kiya hai। sabki duaayen khushi badhaati hain। to sada is duaaon ko saath rakhna। to mubaarak ho। seva ki mubaarak ho।

education wing ki meeting chal rahi hai:- education vaale utho। achha -education dvaara har ek aatma ko main kaun hoon,yeh knowledge dene ka kaarya kar bhi rahe ho lekin abhi aur bhi seva rahi hui hai। kam se kam yeh to knowledge sabko mil jaae, main kaun hoon aur mera pita kaun hai। main kaun hoon, yahi nahin jaante hain,aashcharya ki to yahi baat hai। saara samay main-main kehte lekin main kaun yeh jaante nahin। isliye education varga, abhi jagah-jagah par jaakar yeh pahla paath to pakka karaao। bichaare besmajh nahin rah jaayen,itni to samajh mile। to merciful aatmaayen ho na। jaise baap kripaalu hai, dayaalu hai to aap bhi master dayaalu, kripaalu ho। to is samajh ki kripa karo। plan banaaya hai na?naye-naye plan banaaye! samay anusaar seva ki gati aur fast hogi kyonki samay bahut fast bhaag raha hai। jaise samay fast bhaag raha hai to seva bhi fast honi hi hai। achha hai,varga-varga alag hone se vishwa ki all-round aatmaon ke seva ki taraph attention jaata hai। to baapdaada ko vargaakran ki seva achhi lagti hai। bahut achha,aaye milan bhi manaaya,meeting bhi ki aur practical to karenge hi। mubaarak ho। achha।

chaaron or ke card aur patra baapdaada ke paas bahut pahunch gaye hain। aap sabke card sabhi brahman aatmaayen bhi dekhkar khush ho rahi hain। to jinhonne bhi card aur patra bheje hain,un sabhi sikeeldhe,laadle bachchon ko baap ke janma din aur aap bachchon ke janma din ki vishesh sammukh vaalon se bhi pahle aap sabko mubaarak ho। bahut dil se bhejte hain to dil ki baat to dilaaraam jaane। achha। kai India ke centres ke seva ke umang-utsaah ke aur baapdaada ko vishesh yaad ke patra,sandesh, phone aaye hain। baapdaada naam kitnon ka leve, lekin jinhonne bhi apne umang-utsaah ka samaachaar diya hai, un sabhi ko bhi baapdaada sammukh drishti mein emerge kar umang-utsaah ka return bahut-bahut dil ki yaadapyaar de rahe hain। seva mein sada hi aise umang-utsaah mein udte raho। achha।

chaaron or ke alaukik divya avatran vaale bachchon ko baap ke janma din aur bachchon ke janma din ki duaayen aur yaadapyaar,dilaaraam baap ki dil mein right hand sevaadhaari bachche sada samaaye hue hain। to aise dil takhtansheen shreshtha aatmaon ko,sada bindi ke mahatva ko jaanne vaale shreshtha bindi swaroop bachchon ko, sada apne svamaan mein sthit rah sarva ko roohaani sammaan dene vaale svamaandhaari aatmaon ko, sada daata ke bachche master daata ban har ek ko apne akhanda bhandaar se kuchh na kuchh dene vaale master daata bachchon ko baapdaada ki bahut-bahut padamguna, kohinoor heere se bhi jyaada prabhu noor bachchon ko yaadapyaar aur namaste।

sabhi daadiyon se,(daadi jaanki se):- chakravarti ke sanskaar jyaada hain। chakravarti banke chakkar lagaana achha lagta hai।(baba ko sab dekhen na) dekhna hi hai। sirf bachche thode se ever ready ho jaayen na। evri time ever ready,to thaka ho jaayega। dekhenge, bolenge bhi। aho prabhu bhi to bolenge। lekin khushi se nahin, pashchaataap ke roop mein। lekin bolenge zaroor। sabhi theek hain,bahut maje mein!bas dekho,aapke sangathan ko dekh sabhi kitne khush hote hain। aap kuchh kaho,karo nahin to bhi khushi dete ho। pillars hain na। sabhi dekho kitne pakke pillars hain। pillars ke majbooti se aage bhi majboot hoke chal rahe hain। thoda hilte bhi hain to pillars unka aadhaar ban jaata hai। achha।

haidraabaad ke bhraata ke.S.raaju ji se:- abhi jaldi-jaldi aaya karo to sab kaam theek ho jaayega। abhi kaam ke peechhe nahin pado,kaam aapke peechhe pade। abhi jaldi-jaldi aana। itna samay nahin lagaana। kaam sab sahaj ho jaayega।(jo aagya)aate rahenge shakti lete rahenge to karma mein yog kaam mein aayega। theek hai na। varmayogi। jyaada peechhe padne se theek nahin hota। jaise parchhaai hoti hai na uske peechhe pado to aage-aage jaati hai,aur aage chalo to peechhe-peechhe aati hai, aise yeh hai।

karnaatak high court ke judge se:- yahaan jo kaarya chal raha hai vishwa parivartan ka,usmein aap bhi sahayogi aatma ho। aapka bhi kaarya achha hai। aatmaon ko samajh milti hai। parivartan sab chaahte hain। to yahaan parivartan ki dhun lagi hui hai। usmein aap bhi bahut achhe sahayogi hain aur sahayogi se yogi rahenge। sirf sahayogi nahin rehna, yogi sahayogi donon rehna। karmayogi banna। karma ko nahin chhodna hai, karma aur yog ka balance ho। jitna balance rakhenge utni blessing milegi aur mehnat kam praapti jyaada hogi। (yugal se) yeh bhi saath mein hai।

videsh ki badi bahinon se:- abhi to videshiyon ko vishesh tarna milna hai। laadle hain na। baapdaada khush hote hain। kone-kone mein rahi hui aatmaayen vanchit na rah jaaen,yeh seva umang-utsaah se aap kar rahe ho aur result achhe te achhi nikal rahi hai। koi ulhana nahin rahega। to baapdaada khush hain। (abhi kuchh desh rahe hain,vahaan bhi aktoobar tak sandesh dene ka plan bana rahe hain) hona hi hai, apne hi bhaai-behen hain,to merciful to banna hi hai। sandesh to mil jaae phir unhon ka bhaagya।

pyaare baapdaada ne apne haston se stage par jhanda phahraaya tatha sabhi bachchon ko 68 veen trimoorti shivjayanti ki mubaarak di:-

aap sabke dilon mein to baap ki yaad ka jhanda lahraata hi rehta hai। yeh jhanda to yaadgaar ke roop mein manaate hain। lekin aapke dil mein baap ke pratyakshata ka jhanda lahra raha hai। har ek ki dil sada kya kehti!har shvaans kya gaata? mera baba। aur baap-daada bhi har second kya gaata? mere meethe-meethe bachche। abhi woh din sameep laana hai jo har ek aatma ke dil mein baap ke pratyakshata ka jhanda lahraaye। har dil kahe mera baba। jo paana tha woh pa liya,is geet par dance karen। woh din bhi door nahin hai। vaah!baba vaah!vaah! baap ke sikeeldhe bachche vaah! yeh khoob naara lagega। to aaj baapdaada sirf yeh jhanda nahin dekh rahe hain lekin har ek bachche ke dil mein jo baap ki pratyakshata ka jhanda lahra raha hai woh dekh rahe hain। aapke dil mein lahar gaya hai। abhi lahraana nahin hai, lahar raha hai। ek hi baap sansaar hai, sansaar bana diya। aise hai na। aur koi sansaar hai kya! baap hi sansaar hai। baap ke sanskaar hi mere sanskaar hain। sansaar bhi hai,sanskaar bhi hain। hain na? bahut-bahut sabhi desh-videsh ke bachchon ko baap ke birth de ka jhanda lahraane ki mubaarak ho,mubaarak ho।