Avyakt murli du jeudi 18 janvier 2007

>

18-01-07 om shanti avyakt baapdaada madhuban

‘‘ab svayan ko mukta kar master muktidaata ban sabko mukti dilaane ke nimitta bano’’

aaj sneh ke saagar baapdaada chaaron or ke snehi bachchon ko dekh rahe hain। do prakaar ke bachche dekh-dekh harshit ho rahe hain। ek hain lavleen bachche aur doosre hain lovely bachche, donon ke sneh ki lahren baap ke paas amritvele se bhi pahle se pahunch rahi hain। har ek bachche ke dil se automatic geet baj raha hai -‘‘mere baba’’। baapdaada ke dil se bhi yahi geet bajta -’’mere bachche,laadle bachche, baapdaada ke bhi sirtaaj bachche’’। aaj smriti divas ke kaaran sabke man mein sneh ki lahar jyaada hai। anek bachchon ki sneh ke motiyon ki maalaayen baapdaada ke gale mein piro rahi hain। baap bhi apne snehi baanhon ki maala bachchon ko pahna rahe hain। behad ke baapdaada ki behad ki baanhon mein sama gaye hain। aaj sab vishesh sneh ke vimaan mein pahunch gaye hain aur door-door se bhi man ke vimaan mein avyakt roop se, pharishton ke roop se pahunch gaye hain। sabhi bachchon ko baapdaada aaj smriti divas so samartha divas ki padmaapdam yaad de rahe hain।

yeh divas kitni smritiyaan dilaata hai aur har smriti second mein samartha bana deti hai। smritiyon ki list second mein smriti mein aa jaati hai na। smriti saamne aate samarthi ka nasha chadh jaata hai। pahli-pahli smriti yaad hai na! jab baap ke bane to baap ne kya smriti dilaai? aap kalpa pahle vaali bhaagyavaan aatma ho। yaad karo is pahli smriti se kya parivartan aa gaya? aatma abhimaani banne se parmaatma baap ke sneh ka nasha chadh gaya। kyon nasha chadha? dil se pahla sneh ka shabd kaun sa nikla? ‘‘mera meetha baba’’aur is ek golden shabd nikalne se nasha kya chadha? saari parmaatma praaptiyaan mera baba kahne se, jaanne se, maanne se aapki apni praaptiyaan ho gai। anubhav hai na! mera baba kahne se kitni praaptiyaan aapki ho gai! jahaan praaptiyaan hoti hain vahaan yaad karni nahin padti lekin svatah hi aati hai, sahaj hi aati hai kyonki meri ho gai na! baap ka khazaana mera khazaana ho gaya,to meraapan yaad kiya nahin jaata hai, yaad rehta hi hai। mera bhulaana mushkil hota hai, yaad karna mushkil nahin hota। jaise anubhav hai mera shareer, to bhoolta hai?bhulaana padta hai, kyon?mera hai na! to jahaan meraapan aata hai vahaan sahaj yaad ho jaati hai। to smriti ne samartha aatma bana diya। ek shabd mera baba ne। bhaagya vidhaata akhut khazaane ke daata ko mera bana liya। aisi kamaal karne vaale bachche ho na! parmaatma paalna ke adhikaari ban gaye, jo parmaatma paalna saare kalpa mein ek baar milti hai,aatmaayen aur dev aatmaon ki paalna to milti hai lekin parmaatma paalna sirf ek janma ke liye milti hai।

to aaj ke smriti so samarthi divas par parmaatma paalna ka nasha aur khushi sahaj yaad rahi na! kyonki aaj ka vaayumandal sahaj yaad ka tha। to aaj ke din sahajyogi rahe ki aaj ke din bhi yuddha karni padi yaad ke liye? kyonki aaj ka din sneh ka din kahenge na, to sneh mehnat ko mita deta hai। sneh sab baaten sahaj kar deta hai। to sabhi aaj ke din vishesh sahajyogi rahe ya mushkil aai?jisko aaj ke din mushkil aai ho woh haath uthaao। kisko bhi nahin aai?sab sahajyogi rahe। achha jo sahajyogi rahe woh haath uthaao। achha -sahajyogi rahe?aaj maaya ko chhutti de di thi। aaj maaya nahin aai? aaj maaya ko vidaai de di? achha aaj to vidaai de di, uski mubaarak ho, agar aise hi sneh mein samaaye raho to maaya ko to vidaai sada ke liye ho jaayegi kyonki abhi 70 saal poore ho rahe hain, to baapdaada is varsha ko nyaara varsha,sarva ka pyaara varsha,mehnat se mukta varsha,samasya se mukta varsha manaane chaahte hain। aap sabhi ko pasanda hai?pasanda hai?mukta varsha manaayenge? kyonki muktidhaam mein jaana hai,anek duhkhi ashaanta aatmaon ko muktidaata baap se saathi ban mukti dilaana hai। to master muktidaata jab svayan mukta banenge tab to mukti varsha manaayenge na! kyonki aap brahman aatmaayen svayan mukta ban anekon ko mukti dilaane ke nimitta ho। ek bhaasha jo mukti dilaane ke bajaae bandhan mein baandhati hai, samasya ke adheen banaati hai,woh hai aisa nahin, vaisa। vaisa nahin aisa। jab samasya aati hai to yahi kehte hain baba aisa nahin tha, vaisa tha na। aisa nahin hota, aisa hota na। yeh hai bahaane baaji karne ka khel।

baapdaada ne sabka file dekha, to file mein kya dekha? majority ka file pratigya karne ke paper se file bhara hua hai। pratigya karne ke time bahut dil se karte hain, sochte bhi hain lekin abhi tak dekha ki file bada hota jaata hai lekin final nahin hua hai। dridh pratigya ke liye kaha hua hai - jaan chali jaae lekin pratigya na jaae। to baapdaada ne aaj sabke file dekhe। bahut pratigyaayen achhi-achhi ki hai। man se bhi ki hai aur likh karke bhi ki hai। to is varsha kya karenge? file ko badhaayenge ya pratigya ko final karenge?kya karenge? pahli line vaale bataao, paandav sunaao, teachers sunaao। is varsha jo baapdaada ke paas file bada hota jaata hai,usko final karenge ya is varsha bhi file mein kaagaj add karenge? kya karenge? bolo paandav? final karenge? jo samajhte hain - jhukna pade, badalna pade,sahan karna bhi pade, sunna bhi pade, lekin badalna hi hai,woh haath uthaao। dekho T.vi. mein sabka photo nikaalo। sabhi ka photo nikaalna, do teen chaar T.vi. hain, sab taraph ke photo nikaalo। yeh record rakhna,baap ko yeh photo nikaal ke dena। kahaan hai T.vi. vaale?baapdaada bhi file ka phaayda to uthaave। mubaarak ho, mubaarak ho,apne aapke liye hi taali bajaao। dekho jaise ek taraph science doosre taraph bhrashtaachaari,teesre taraph paapaachaari, sab apne-apne kaarya mein aur vriddhi karte ja rahe hain। bahut naye-naye plan banaate jaate hain। to aap to creator ke bachche ho, world creator ke bachche ho to aap is varsha aisi naveenta ke saadhan apnaao jo pratigya dridh ho jaae kyonki sabhi pratyakshata chaahte hain। kitna kharcha kar rahe hain,jagah-jagah par bade-bade programme kar rahe hain। har ek varga mehnat achhi kar rahe hain lekin abhi is varsha yeh addition karo ki jo bhi seva karo, maano mukh ki seva karte ho, to sirf mukh ki seva nahin, mansa vaacha aur sneh sahayog roopi karma ek hi samay mein teen sevaayen ikatthi hon। alag-alag nahin hon।

ek seva mein dekha jaata hai ki jo baapdaada result dekhne chaahte hain woh nahin hoti। jo aap bhi chaahte ho, pratyakshata ho jaae, abhi tak yeh result achhi hai। pahle se bahut achhi result hai, sab achha achha,bahut achha kahke jaate hain। lekin achha banna arthaat pratyakshata hona। to ab addition karo ki ek hi samay par mansa-vaacha-karmana mein snehi sahayogi banna,har ek saathi chaahe brahman saathi hain, chaahe baahar vaale seva ke nimitta jo bante hain, woh saathi hon lekin sahayog aur sneh dena yeh hai karmana seva mein number lena। yeh bhaasha nahin kehna, yeh aisa kiya na,tabhi aisa karna pada। sneh ke bajaae thoda-thoda kehna pada, baba shabd nahin bolta। yeh karna hi padta hai, kehna hi padta hai,dekhna hi padta hai… yeh nahin। itne varsho mein dekh liya, baapdaada ne chhutti de di। aisa nahin vaisa karte rahe,lekin abhi kab tak? baapdaada se sabhi roohrihaan mein majority kehte hain baba aakhir bhi parda kab kholenge?kab tak chalega?to baapdaada aapko kehte hain ki yeh puraani bhaasha, puraani chaal, albelepan ki, kaduvepan ki kab tak? baapdaada ka bhi question hai kab tak? aap uttar do to baapdaada bhi uttar dega kab tak vinaash hoga। kyonki baapdaada vinaash ka parda to abhi bhi khol sakta hai, is second lekin pahle raajya karne vaale to taiyaar hon। to ab se taiyaari karenge tab samaapti sameep laayenge। kisi bhi kamzori ki baat mein kaaran nahin bataao, nivaaran karo, yeh kaaran tha na।

baapdaada saare din mein bachchon ka khel to dekhte hain na, bachchon se pyaar hai na, to baar-baar khel dekhte rehte hain। baapdaada ki T.vi. bahut badi hai। ek samay par world dikhaai de sakti hai, chaaron or ke bachche dikhaai de sakte hain। jaise America ho, chaahe gudgaanv ho,sab dikhaai dete hain। to baapdaada khel bahut dekhte hain। taalne ki bhaasha bahut achhi hai, yeh kaaran tha na,baba meri galti nahin hai,aisa kiya na। usne to kiya lekin aapne samaadhaan kiya?kaaran ko kaaran hi banne diya ya kaaran ko nivaaran mein badli kiya? to sabhi poochhte hain na ki baba aapki kya aasha hai। to baapdaada aasha suna rahe hain। baapdaada ki ek hi aasha hai nivaaran dikhaai deve,kaaran khatma ho jaae। samasya samaapta ho jaae,samaadhaan hota rahe। ho sakta hai? ho sakta hai? pahli line - ho sakta hai? kaandh to hilaao। peechhe vaale ho sakta hai? ho sakta hai? achha। to kal agar T.vi. kholenge, T.vi mein dekhenge zaroor na। to kal T.vi. dekhenge to chaahe foreign chaahe India,chaahe chhote gaanv chaahe bahut badi state, kahaan bhi kaaran dikhaai nahin dega? pakka? ismen haan nahin kar rahe hain? hoga?haath uthaao। haath bahut achha uthaate ho, baapdaada khush ho jaata। kamaal hai haath uthaane ki। khush karna to aata hai bachchon ko। kyonki baapdaada dekhte hain socho - jo aap koton mein koi,koi mein koi nimitta bane ho, abhi in bachchon ke sivaae aur kaun karega? aapko hi to karna hai na! to baapdaada ki aap bachchon mein ummeeden hain। aur aayenge na, woh to aapki avastha dekh karke hi theek ho jaayenge,unhon ko mehnat nahin karni padegi। aap ban jaao bas kyonki aap sabhi ne janma lete hi baap se vaayda kiya hai - saath rahenge, saathi banenge aur saath chalenge aur brahma baap ke saath raajya mein aayenge। yeh vaayda kiya hai na? jab saath rahenge, saath chalenge to saath mein seva ke saathi bhi to ho na!

to abhi kya karenge? haath to bahut achha uthaaya, baapdaada khush ho gaye lekin jab bhi koi baat aave na to yeh din, yeh taareekh, yeh time yaad karna to hamne kya haath uthaaya tha। madad mil jaayegi। banna to padega aapko। abhi sirf jaldi ban jaao। aap sochte ho na,ham hi kalpa pahle bhi the,abhi bhi hain aur har kalpa humein hi banna hai, yeh to pakka hai na ki do saal banenge teesre saal jaayenge,aise to nahin hoga। to sada yaad rakho ham hi nimitta hain,ham hi koton mein koi, koi mein koi hain। koto mein koi to aayenge lekin aap koi mein koi ho।

to aaj sneh ka din hai, to sneh mein kuchh bhi karna mushkil nahin hota। isliye baapdaada aaj hi sabhi ko yaad dila rahe hain। shivbaaba ko,brahma baba se kitna bachchon ka pyaar hai, yeh dekh karke bahut khushi hoti hai। chaaron or dekha chaahe saptaah ka student hai, chaahe 70 saal vaala hai। 70 saal vaala aur 7din vaala bhi aaj ke din pyaar mein samaaya hua hai। to shiv baap bhi brahma baap se bachchon ka pyaar dekh karke harshit hote hain।aaj ke din ka aur samaachaar sunaayen। aaj ke din advance party bhi baapdaada ke paas emerge hoti hai। to advance party bhi aapko yaad kar rahi hai ki kab baap ke saath muktidhaam ka darvaaja kholenge! aaj saari advance party baapdaada ko yahi kah rahi thi ki hamko taareekh bataao। to kya javaab den? bataao kya javaab den?javaab dene mein kaun hoshiyaar hai?baapdaada to yahi uttar dete hain ki jalda se jalda ho hi jaayega। lekin ismen aap bachchon ka baap ko sahayog chaahiye। sabhi saath chalenge na! saath chalne vaale hain ya rook-rook kar chalne vaale hain?saath mein chalne vaale hain na! pasanda hai na saath mein chalna?to samaan to banna padega na। agar saath mein chalna hai to samaan to banna hi padega na! kahaavat kya hai? haath mein haath ho,saath mein saath ho। to haath mein haath arthaat samaan। to bolo daadiyaan bolo,taiyaari ho jaayegi? daadiyaan bolo। daadiyaan haath uthaao। daadaayen haath uthaao। aapko kaha jaata hai na bade daada। to bataao daadiyaan, daadaayen kya taareekh hai koi? (abhi nahin to kabhi nahin) abhi nahin to kabhi nahin ka arth kya hua? abhi taiyaar hai na! javaab to achha diya। daadiyaan? poora hona hi hai। har ek apne ko jimmevaar samjhe। chhote bade, ismen chhote nahin hona hai। 7din ka bachcha bhi jimmevaar hai। kyon saath chalna hai na। akela baap jaane chaahe to chala jaae lekin baap ja nahin sakta। saath chalna hai। vaayda hai baap ka bhi aur aap bachchon ka bhi। vaayda to nibhaana hai na! nibhaana hai na?yeh madhuban vaale baithte hain na!

madhuban mein jo bhi charge ke heads hain, charges to bahut hain na, shaantivan,gyaan sarovar, paandav bhavan sab jagah hain। to jo charge vaale hain unke naamon ki list baapdaada ko dena, unse hisaab lenge। aur jo sabhi teachers incharge hain,centre incharge hain ya zone incharge hai,unhon ka ek din sangathan karenge, hisaab-kitaab to poochhenge na! kyonki baapdaada ke paas bahut duhkh aur ashaanti ke aavaaj aate hain। pareshaani ke aavaaj aate hain। aap logon ke paas nahin sunne aate, aapke bhi to bhakta honge na! to bhakton ki pukaar aap ishta devon ko nahin aati? teachers ko bhakton ki aavaaj sunaai deti hai? achha।

mahaaraashtra zone, bambai aur aandhrapradesh ke sevaadhaari:-achha sabhi chance achha le lete hain। naam hi mahaaraashtra hai। achhi sankhya aai hai। to mahaaraashtra arthaat mahaan aatmaon ka raashtra hai। to baapdaada dekhte hain ki mahaaraashtra mein baapdaada ke mahaan bachche bahut achhe-achhe hain kyonki baapdaada ki najar,mahaaraashtra ke baambe aur dilli mein jyaada hai। baambe nardesaavar hai aur dilli aavaaj bulanda karne ke nimitta hai aur draamaanusaar mahaaraashtra baambe ya aaspaas aur dilli donon ko saakaar brahma baap aur jagdamba ki paalna mili hai। vishesh paalna mili hai। to koi bhi kaarya hota hai to baapdaada mahaaraashtra aur dilli ko yaad karte hain। baaki jo bhi hain woh to saathi ban hi jaate hain। doosre chhote zone nahin hain,doosre bhi bade bade zone hain lekin saakaar paalna ke liye vishesh baapdaada dilli aur baambe ko yaad karte hain। chhote zone bhi kamaal kar sakte hain, chhote ko hamesha baapdaada kehta hai bade to bade hain lekin chhote samaan baap hain। abhi mahaaraashtra ko kuchh mahaan kaarya karna padega। abhi bahut time ho gaya hai koi naye kaarya ki invention nahin nikaali hai। vargeekran ka kaarya bhi abhi kaaphi time chal chuka, conferences bhi chal chuki,youth yaatraayen bhi chal gai। abhi koi nai seva ki vidhi nikaalo। socho। jisse aavaaj sahaj phail jaaye। abhi tak jo bhi kiya hai,seva ke plan baapdaada ko pasanda hain aur vriddhi bhi hui hai। lekin bahut samay yeh programmes chal chuke। abhi koi nai invention taiyaar karo। koi bhi kare, chhote kare to in advance mubaarak hain। achha hai mahaaraashtra mein bhi vriddhi achhi ho rahi hai। abhi mahaaraashtra ka tarna hai to mahaaraashtra kyon nahin number one mein baap ke sneh ka return deve। baapdaada ne suna diya hai - baapdaada ko sneh ka return hai - svayan ko aur vishwa ko tarna karna। bas return mein ri nikaal do to tarna ho jaayega kyonki baapdaada ko bachchon mein bahut-bahut, achhi-achhi ummeeden hain,ummeendavaar ho। to kya karega mahaaraashtra?return dega?achha hai,achhe achhe mahaarthi hain mahaaraashtra mein। sangathit roop mein meeting karo, chaaron or mahaaraashtra mein baapdaada ne dekha hai ummeendavaar sitaare hain। jo chaahe woh kar sakte hain। to aise sangathit roop mein programme karna aur naya koi plan banaana, kar sakte hain। mahaaraashtra kar sakta hai। karenge na! are naam hi mahaaraashtra hai to mahaan kaarya karna hi hai na! kya samajhte hain paandav? karenge?paandav sena karenge,shakti sena karenge? teachers bhi bahut hain। bahut achha hai।

double videshi:-bahut achha - baapdaada ne pahle bhi kaha to jab double videshi aate hain to madhuban ka shrringaar ho jaata hai। double videshiyon se sabhi ka pyaar bahut hai। jab bhi aapke group ko dekhte hain na to sabhi khush ho jaate hain kyonki aap bhi koton mein koi,koi mein koi nikle ho aur aajkal videsh seva ki achhi news hai। achhe-achhe muslim dharma mein bhi sandesh de rahe hain। double videshiyon ki visheshta ek bahut achhi gaai hui hai ki double videshi agar kisi bhi kaarya mein lagenge to haan to haan,na to na। jis kaarya mein lagenge us kaarya mein phir vijayi banenge। to aap jo bhi group mein hai woh vijayi group hai na। vijay ka tilak laga hua hai na। baapdaada dekh rahe hain ki seva mein vriddhi bhi ho rahi hai, sandesh de rahe hain,merciful aatma banke aatmaon ko sandesh dena yeh baap samaan sevaadhaari banna hai। abhi sunaaya na aaj abhi ek samay par ek seva nahin karo, teenon hi sevaayen ikatthi-ikatthi hon to uska prabhaav jaldi hoga। apne chehre se,apni chalan se bhi seva kar sakte hain। chalte-phirte museum ho। jaise museum mein va pradarshani mein bhinna-bhinna chitra hote hain na vaise aapke nayan, aapka mastak, aapke muskaraate hue honth, yeh bhinna-bhinna jo saadhan hain,usse seva kar sakte hain। achhe hain, baapdaada ko himmat vaale bhi lagte hain sirf abhi thoda sa realisation sookshm chaahiye। realise karte ho lekin thoda sa sookshm roop se realisation karke number one ban jaao। win karo aur one, second number nahin,one। theek hai na! one hai na,tu to nahin na! one number hain? kaandh hilaao। achha। achha hai, baapdaada ko videshiyon ka group madhuban mein aata rahe, yeh achha lagta hai। saj jaata hai madhuban। achha।

indian youth group:-youth group aaya hai na - Indian youth group utho। achha India ka youth group kya kamaal karega? sandesh dene mein chaaron or aavaaj phailaane mein youth mein double taakat hai। baapdaada ne suna, topic bahut achhi rakhi hai, victory। aisa hai na। to sada vijayi ban,vijayi banaane vaale। to vijayi tab banenge jo baapdaada ne is varsha ka kaam diya hai,woh example bankar dikhaana। sab kahen youth group vijayi arthaat nirvighna। aisa sankalp kiya hai? kiya hai? koi kaaran to nahin bataayenge na! aisa vaisa to nahin kahenge na! mujhe badalna hai। mujhe adjust hona hai। mujhe sahayog dena hai। mujhe sneh dena hai। pahle main,ismen pahle main bhale karo। achha hai aapas mein sangathan foreign vaalon ne bhi kiya,India vaale bhi kar rahe hain, achha hai। mubaarak ho। aage udte rehna। achha।

baapdaada ke paas phoolon ke shrringaar vaale group ki yaadapyaar bhi aai hai, (kalkatta ke bhaai bahinen) woh sangathan utho kahaan hai। dekho sabhi ko phoolon ka shrringaar achha laga na। phoolon ka shrringaar to common baat hai,log bhi karte hain lekin aapke shrringaar aur logon ke shrringaar mein pharka hai ki aapne snehi swaroop ban shrringaar kiya hai, woh duty samajhke karte hain aur aapne sneh se kiya hai to jahaan sneh hota hai woh phoolon ki sugandha aur shrringaar aur sundar ho jaati hai। to baapdaada ko achha laga ki sneh dekho kalkatta se yahaan le aate hain to sneh ke vimaan mein laaye na, train mein nahin laaye,sneh ke vimaan mein laaye hain, achha hai। jo aane vaale aapke bhaai-behen hain woh bhi dekh karke khush ho jaate hain, vaah! kamaal hai, kamaal hai। to aap sabhi ne jis sneh se sajaaya hai,to baapdaada usse jyaada padamguna aapko sneh de raha hai, mubaarak ho। achha। chaaron or ke patra, yaad-patra email, phone,chaaron or ke bahut-bahut aaye hain, yahaan madhuban mein bhi aaye hain to vatan mein bhi pahunche hain। aaj ke din jo bandhan vaali maataayen hain,unhon ki bhi bahut sneh bhari man ki yaaden baapdaada ke paas pahunch gai hain। baapdaada aise snehi bachchon ko bahut yaad bhi karte aur duaayen bhi dete hain। aajkal baapdaada dekh rahe hain sab bahut khushi khushi se door baithe bhi najdeek mein anubhav kar rahe hain। lekin madhuban mein sammukh aana, apni jholi bharna, itne bade parivaar se milna, yeh parivaar kam nahin hai, kisi bhi ra ti se dekh liya lekin sammukh parivaar ko dekh kitni khushi hoti hai kyonki 5hajaar varsha ke baad mile hain। to woh anubhav apna hai lekin madhuban nivaasi banna yeh golden chance bahut sahayog deta hai। anubhav bhi karte hain sabhi। lekin baapdaada khush hai ki sabhi ko murli se pyaar hai aur murli se pyaar arthaat murleedhar se pyaar। koi kahe murleedhar se to pyaar hai lekin murli kabhi kabhi sun lete hain,baapdaada kehte hain baapdaada uska pyaar, pyaar nahin samajhte hain। pyaar nibhaana alag hai,pyaar karna alag hai। jisko murli se pyaar hai woh hai pyaar nibhaane vaale aur murli se pyaar nahin to pyaar karne vaalon ki list mein hai nibhaane vaale nahin। madhuban mein murli baaje, madhuban ka gaayan hai। madhuban ki dharni ka hi mahatva hai। achha।

to chaaron or ke snehi bachchon ko lovely aur lavleen donon bachchon ko, sada baap ke shreemat pramaan har kadam mein padam jama karne vaale knowledgeful powerful bachchon ko, sada snehi bhi aur svamaandhaari bhi, sammaandhaari bhi, aise sada baap ki shreemat ko paalan karne vaale vijayi bachchon ko, sada baap ke har kadam par kadam uthaane vaale sahajyogi bachchon ko baapdaada ka lekin aaj vatan mein jo aapki advance party vaale bachche hain, unhonne bhi, ekaek ne yahi kaha hai ki hamaari taraph se bhi sabhi ko,chaaron or ke bachchon ko yaadapyaar hamaari dena aur hamaara sandesh dena ki ham aapka intajaar kar rahe hain। aap jaldi se jaldi intajaam karo। vishesh aap sabki pyaari maa,deedi, bhaau vishvakishor aur jo bhi saathi gaye hain unhonne, sabhi ne aap sabko yaad pyaar diya hai aur saath-saath meethi maa aapki, usne yahi kaha hai ki abhi vijayi ban duhkh darda door kar jaldi-jaldi muktidhaam ka get kholne ke liye baap ke saathi ban jaao। brahma baap ne, jinhonne saakaar mein baap ko nahin dekha hai to brahma baap bhi vishesh aap sabhi ko bahut dil se yaadapyaar de rahe hain। to yaadapyaar aur namaste।

daadiyon se:- (daadi ratanmohini, daadi manohar indra se)aap bhi dekho all-round part baja rahi ho na। jitna bhi kar saki seva mein number one। aap to shuru se number one rahi hain। brahma baap ke dil mein aapka naam hai। kuchh bhi ho karte chalo,dekh karke auron ko bhi himmat aati hai। karaavanhaar saath mein hai hi। daadi ji se:- bahut achhi,aap muskaraati ho na to sabhi khush hote hain। abhi ek baat karo,karengi? karengi pakka? abhi khaana achhi tarah se khaao। okh kholke khaana khaao। banda nahin karo kyonki aapki okhen banda hoti hai na,to sabhi ka sankalp chalta hai kyon kiya,kyon kiya। isliye abhi khaana bahut pyaar se khaao। abhi okhe banda nahin karna। karengi na। yeh bahut khush ho jaayenge। haan karengi। karna hi hai, karna hi hai। daadi shaantaamni:- are vaah! aapko yaad hai na, aapko baapdaada ne ek special title diya tha, (sachli kaudi)baapdaada ne khaas title diya tha - sachli kaudi। us dinon mein kaudi ka mahatva tha। sabhi ko daadiyon ko dekhkar khushi hoti hai na। kya geet gaate ho? vaah! daadiyaan vaah! aur yeh vaah! vaah! nahin hote to aap bhi nahin hote। achha।