Avyakt murli du vendredi 2 février 2007

>

02-02-07 om shanti avyakt baapda daamdhuban

“parmaatma praaptiyon se sampanna aatma ki nishaani- holiest, highest aur richest”

aaj vishwa parivartak baapdaada apne saathi bachchon se milne aaye hain। har ek bachche ke mastak mein teen parmaatma vishesh praaptiyaan dekh rahe hain। ek hai holiest, 2-highest aur 3-richest। is gyaan ka foundation hi hai holi arthaat pavitra banna। to har ek bachcha holiest hai,pavitrata sirf brahmacharya nahin lekin man-vaani-karma,sambandh-samparka mein pavitrata। aap dekho, aap parmaatma brahman aatmaayen aadi-madhya-ant teenon hi kaal mein holiest rehti ho। pahle-pahle aatma jab paramdham mein rehte ho to vahaan bhi holiest ho phir jab aadi mein aate ho to aadikaal mein bhi devta roop mein holiest aatma rahe। holiest arthaat pavitra aatma ki visheshta hai - pravritti mein rehte sampoorn pavitra rehna। aur bhi pavitra bante hain lekin aapki pavitrata ki visheshta hai - svapnamaatra bhi apvitrata man-buddhi mein touch nahin kare। satayug mein aatma bhi pavitra banti aur shareer bhi aapka pavitra banta। aatma aur shareer donon ki pavitrata jo dev aatma roop mein rehti hai,woh shreshtha pavitrata hai। jaise holiest bante ho, itna hi highest bhi bante ho। sabse oonche te oonche brahman aatmaayen aur oonche te oonche baap ke bachche bane ho। aadi mein paramdham mein bhi highest arthaat baap ke saath-saath rehte ho। madhya mein bhi poojya aatmaayen bante ho। kitne sundar mandir bante hain aur kitni vidhipoorvak pooja hoti hai। jitni vidhipoorvak aap devtaaon ke mandir mein pooja hoti hai utne auron ke mandir bante hain lekin vidhipoorvak pooja aapke devta roop ki hoti hai। to holiest bhi ho aur highest bhi ho, saath mein richest bhi ho। duniya mein kehte hain richest in di world lekin aap shreshtha aatmaayen richest in kalpa hain। saara kalpa richest ho। apne khazaane smriti mein aate hain, kitne khazaanon ke maalik ho! avinaashi khazaane jo is ek janma mein praapta karte ho woh anek janma chalte hain। aur koi ka bhi khazaana anek janma nahin chalte। lekin aapke khazaane aadhyaatmik hain। shaktiyon ka khazaana,gyaan ka khazaana,gunon ka khazaana,shreshtha sankalp ka khazaana aur vartamaan samay ka khazaana,yeh sarva khazaane janma-janma chalte hain। ek janma ke praapta hue khazaane saath chalte hain kyonki sarva khazaanon ke daata paramatma baap dvaara praapta hota hai। to yeh nasha hai ki hamaare khazaane avinaashi hain?

is aadhyaatmik khazaanon ko praapta karne ke liye sahajyogi bane ho। yaad ki shakti se khazaane jama karte ho। is samay bhi in sarva khazaanon se sampanna bephikra baadshaah ho,koi phikra hai? hai phikra? kyonki yeh khazaane jo hain isko na chor loot sakta,na raaja kha sakta, na paani dubo sakta, isliye bephikra baadshaah ho। to yeh khazaane sada smriti mein rehte hain na! aur yaad bhi sahaj kyon hai? kyonki sabse jyaada yaad ka aadhaar hota hai ek sambandh aur doosra praapti। jitna pyaara sambandh hota hai utni yaad svatah aati hai kyonki sambandh mein sneh hota hai aur jahaan sneh hota hai to snehi ki yaad karna mushkil nahin hota, lekin bhoolna mushkil hota hai। to baap ne sarva sambandh ka aadhaar bana diya hai। sabhi apne ko sahajyogi anubhav karte ho?va mushkil yogi hain? sahaj hai? ki kabhi sahaj hai, kabhi mushkil hai?jab baap ko sambandh aur sneh se yaad karte ho to yaad mushkil nahin hoti aur praaptiyon ko yaad karo। sarva praaptiyon ke daata ne sarva praaptiyaan kara di। to apne ko sarva khazaanon se sampanna anubhav karte ho?khazaanon ko jama karne ki sahaj vidhi bhi baapdaada ne sunaai - jo bhi avinaashi khazaane hain un sabhi khazaanon ki praapti karne ki vidhi hai- bindi। jaise vinaashi khazaanon mein bhi bindi lagaate jaao to badhta jaata hai na। to avinaashi khazaanon ki jama karne ki vidhi hai bindi lagaana। teen bindiyaan hain - ek main aatma bindi,baap bhi bindi aur drama mein jo bhi beet jaata woh fullstop arthaat bindi। to bindi lagaane aati hai? sabse jyaada sahaj maatra kaun si hai? bindi lagaana na! to aatma bindi hoon, baap bhi bindi hai,is smriti se svatah hi khazaane jama ho jaate hain। to bindi ko second mein yaad karne se kitni khushi hoti hai! yeh sarva khazaane aapke brahman jeevan ka adhikaar hain kyonki bachche banna arthaat adhikaari banna। aur vishesh teen sambandh ka adhikaar praapta hota hai - paramatma ko baap bhi banaaya hai, shikshak bhi banaaya hai aur satguru bhi banaaya hai। in teenon sambandh se paalna, padhaai se source aaph income aur satguru dvaara vardaan milta hai। kitna sahaj vardaan milta hai? kyonki bachche ka janma siddha adhikaar hai baap ke vardaan praapta karne ka।

baapdaada har bachche ka jama ka khaata check karte hain। aap sabhi bhi apne har samay ka jama ka khaata check karo। jama hua va nahin hua,uski vidhi hai jo bhi karma kiya, us karma mein svayan bhi santushta aur jiske saath karma kiya woh bhi santushta। agar donon mein santushtata hai to samjho karma ka khaata jama hua। agar svayan mein va jisse sambandh hai,usmein santushtata nahin aai to jama nahin hota।

baapdaada sabhi bachchon ko samay ki soochna bhi dete rehte hain। yeh vartamaan sangam ka samay saare kalpa mein shreshtha te shreshtha samay hai kyonki yeh sangam hi shreshtha karmo ke beej bone ka samay hai। pratyaksha phal praapta karne ka samay hai। is sangam samay mein ek ek second shreshtha te shreshtha hai। sabhi ek second mein ashareeri sthiti mein sthit ho sakte ho? baapdaada ne sahaj vidhi sunaai hai ki nirantar yaad ke liye ek vidhi banaao - saare din mein do shabd sabhi bolte ho aur anek baar bolte ho woh do shabd hain ‘‘main’’aur ‘‘mera’’। to jab main shabd bolte ho to baap ne parichay de diya hai ki main aatma hoon। to jab bhi main shabd bolte ho to yeh yaad karo ki main aatma hoon। akela main nahin socho,main aatma hoon, yeh saath mein socho kyonki aap to jaante ho na ki main shreshtha aatma hoon, parmaatma paalna ke andar rahne vaali aatma hoon aur jab mera shabd bolte ho to mera kaun? mera baba arthaat baap paramatma। to jab bhi main aur mera shabd kehte ho us samay yeh addition karo, main aatma aur mera baba। jitna meraapan laayenge baap mein, utna yaad sahaj hoti jaayegi kyonki mera kabhi bhoolta nahin hai। saare din mein dekho mera hi yaad aata hai। to is vidhi se sahaj nirantar yogi ban sakte ho। baapdaada ne har bachche ko svamaan ki seat par bithaaya hai। svamaan ki list agar smriti mein laao to kitni lambi hai! kyonki svamaan mein sthit hain to deh abhimaan nahin aa sakta। ya deh abhimaan hoga ya svamaan hoga। sva maan ka arth hi hai - sva arthaat aatma ka shreshtha smriti ka sthaan। to sabhi apne svamaan mein sthit hain?jitna svamaan mein sthit honge utna doosre ko sammaan dena svatah hi ho jaata hai। to svamaan mein sthit rehna kitna sahaj hai!

to sabhi khushnuma rehte hain?kyonki khushnuma rahne vaala doosre ko bhi khushnuma bana deta hai। baapdaada sada kehte hain ki saare din mein khushi kabhi nahin ganvaao। kyon?khushi aisi cheez hai jo ek hi khushi mein health bhi hai,wealth bhi hai aur happy bhi hai। khushi nahin to jeevan neeras rehti hai। khushi ko hi kaha jaata hai - ‘‘khushi jaisa koi khazaana nahin।’’ kitne bhi khazaane ho lekin khushi nahin to khazaane se bhi praapti nahin kar sakte hain। khushi ke liye kaha jaata hai - khushi jaisi koi khuraak nahin। to wealth bhi hai khushi aur khushi health bhi hai aur naam hi khushi hai to happy to hai hi hai। to khushi mein teenon hi cheeje hain। aur baap ne avinaashi khushi ka khazaana diya hai, baap ka khazaana ganvaana nahin। to sada khush rehte? baapdaada ne homework diya to khush rehna hai aur khushi baantani hai kyonki khushi aisi cheez hai jo jitni baantenge utni badhegi। anubhav karke dekha hai! kiya hai na anubhav?agar khushi baantate hain to baantane se pahle apne paas badhti hai। khush karne vaale se pahle svayan khush hote hain। to sabhi ne homework kiya hai? kiya hai? jisne kiya hai woh haath uthaao। jisne kiya hai - khush rehna hai,kaaran nahin nivaaran karna hai, samaadhaan swaroop banna hai। haath uthaao। abhi yeh to nahin kahenge na - yeh ho gaya! baapdaada ke paas kai bachchon ne apni result bhi likhi hai ki ham kitne percent O.ke. rahe hain। aur lakshya rakhenge to lakshya se lakshan svatah hi aate hain। achha। abhi kya karna hai?

seva ka tarna karnaatak ka hai:- karnaatak vaale utho। achha hai karnaatak vaalon ne seva ka golden chance le liya hai kyonki ab sangamayug mein pratyaksha phal milta hai। jama bhi hota hai lekin pratyakshaphal milta hai jo usi samay khushi praapta hoti hai। to jitna din bhi seva ki hai, to pratyakshaphal apne mein khushi anubhav kiya?khushi mili?haath uthaao। maaya aai? nahin aai? jisko maaya nahin aai woh haath uthaao। paandavon ko maaya aai? thodi-thodi aai hai? achha hai, yahaan ka vaayumandal bahut sahayog deta hai। jaise science vaale science ki shakti se vaayumandal ko parivartan kar dete hain na। garmi mein sardi, hava ka vaayumandal bana dete hain na! sardi mein garmi ka vaayumandal bana dete hain,to silence ki shakti aadhyaatmik smriti ka vaayumandal bana deta hai kyonki yahaan seva karte vritti mein kya rehta hai?yagya seva hai, yagya ka punya bahut bada hota hai। to is avinaashi yagya mein seva karne se vritti shreshtha ban jaati hai। to vaayumandal bhi shreshtha ban jaata hai। abhi karnaatak vaale kya visheshta dikhaayenge?koi naya kaarya karke dikhaao। dekho karnaatak mein sankhya bahut hai aur area bhi bahut hai। seva ki area bahut badi hai। karnaatak vaale bade te badi seva yahi kar sakte hain jo karnaatak ke koi bhi chhote bade koi sthaan nahin rahen jo aapko ulhana deven ki hamaara baap aaya aur humein aapne soochna nahin di,sandesh nahin diya। yeh ulhana nahin rah jaaye। jaise aphreeka vaalon ne apni area ko sandesh dene ka kaarya saphal kiya hai। baapdaada ko yeh kaarya achha lagta hai, koi ka bhi ulhana nahin rah jaana chaahiye। aapka kaam hai sandesh dena, woh abhi aave ya peechhe aave lekin aapne apna kaarya sampanna kiya to karnaatak vaale doosre varsha mein jab aayenge, kya karke aayenge?koi bhi area khaali nahin rahni chaahiye। kyonki aap to jaante ho na - ki baap ka parichay milne se, baap ke sambandh mein aane se aatmaayen kitni sukhi ban jaayengi। abhi to din-pratidin duhkh aur ashaanti badhti ja rahi hai kyonki din-pratidin bhrashtaachaar,paapaachaar badh raha hai। ati mein ja raha hai। lekin aap jaante ho ki ati ke baad kya hota hai?ant aati hai। aur ant kisko laati hai?aadi ko। to apne bhaai phir bhi baap to ek hi hai na, chaahe jaane chaahe maanen, nahin bhi maanen lekin baap to baap hi hai। to apne bhaaeeyon ko, apni bahnon ko sandesh zaroor de do। to kya karenge?record banaayenge, teachers?koi gaanv bhi nahin rehna chaahiye। haath uthaao, jo karega, aisehi nahin haath uthaana। karenge? result jaake bhejna,plan banaana। kamaal to karna hai na! jitni kamaal karne mein lag jaayenge, utni chhoti chhoti dhamaal khatma ho jaayegi। to bahut achha chance mila hai,chance liya hai aur chance ka jo kaam mila hai woh bhi karke aayenge। pakka hai na?paandav, pakka?thak nahin jaana। kitna punya jama hoga! to achha hai, baapdaada ko bhi khushi hoti hai ki bachche apne punya ka khaata bhinnabhinna vidhi se aage badha rahe hain। baapdaada ne sunaaya na - teen khaate jama karne hain - ek apne purooshaartha se jama hua khaata aur doosra hai - doosri aatmaon ko santushta karne mein punya ka khaata। santushtata punya ka khaata jama karti hai aur teesra hai mansa-vaacha-sneh sambandh dvaara seva ka khaata। to teenon khaate check karna। teenon mein kami nahin honi chaahiye। to number one lenge? jama ke khaate mein number one lena। karnaatak hai,kam thode hi hai। baapdaada ki nazar mein hai karnaatak। bahut kuchh kar sakte hain, is nazar mein hai। haan aage line mein khade hue kya karenge?kamaal karenge na! karo kamaal, lo number। sva-unnati aur seva ki unnati, donon ka balance rakhna। theek hai baith jaao। (Bangalore ki seva mama ne shuru ki aur daadi hdaypushpa aur sundari behen ne bahut pyaar se seva ki hai) hdaypushpa bachchi ne bahut pyaar se seva ki hai। to pyaar ka saboot dena hai। jagdamba maa ki seva ka return karna hai। to kitne dinon mein samaachaar denge। har maas apne samaachaar dete rehna, ki yeh kar rahe hain aur yeh hua hai, yeh hona hai। baapdaada to har zone ko kehte hain lekin jiska vishesh tarna hota hai usko vishesh attention rakhna hai।

to sabhi sada man ko busy rakho kyonki man hi dhokha deta,man mein hi tension aata,man hi yahaan vahaan bhaagta hai। to man ko busy rakhna arthaat sampanna sthiti mein jaldi se jaldi sthit rehna। baapdaada kehte hain jab sthool karmendriyon ko mera kehte ho, mera haath kehte ho,to haath ko control kar sakte ho na! jahaan chaahe jaise chaahe vaise karte ho na! to man mera hai,ya aap man ke ho? man ke maalik bhi to aap ho na! main man to nahin hai na? man raaja to nahin hai, aatma raaja hai। to controlling power ruling power dhaaran karenge to man aapke achhe te achha number one sahayogi saathi ban jaayega। karke dekho। sirf maalik bano, raaja bano। is duniya mein teen shaktiyaan to chal rahi hain - dekho yeh raajneeti ki aai hai na?

(raajasthaan ki raajyapaal mahaamhim pratibha paatil ji baapdaada se milne aai hain)to teen sattaayen to chal rahi hain,raajya satta bhi chal rahi hai। dharmasatta bhi chal rahi hai aur science ki satta bhi chal rahi hai, lekin result? aapmen kitni sattaayen hain?aapmen chaar sattaayen hain kyonki vishwa mein aadhyaatmik shakti ki kami hai। aapmen raajya satta hai? apni karmendriyon ke raaja bane ho na! svaraajya adhikaari ho na! aur dharmasatta bhi hai, dharma ka arth hai divya gunon ki dhaarna, shreshtha charitra ki dhaarna, shreshtha karma ki dhaarna। jahaan charitra hai vahaan sab kuchh hai। charitra nahin to sab kuchh hote hue bhi kuchh nahin hai। aur science ki satta, uske saadhan hain aapke silence ki saadhna hai। to chaaron hi satta jab ikatthi hoti hai tab vishwa parivartan hota hai। isliye baapdaada kehte hain, bachchi ko bhi kehte hain, bahut achha kiya pahunch gai hai। raajya satta mein hai na to abhi kam se kam raajasthaan ko to aadhyaatmik satta se bharpoor karo। raajasthaan paan ka beeda uthaave,vishwa parivartan to aapehi ho jaayega। pahle raajasthaan ko parivartan karo। (baba raajasthaan to aadhyaatmikta ka gadh hai, yahaan se vishwa mein parivartan ka kaarya chal raha hai) vishwa ko mil to rahi hai lekin raajasthaan ke raajya adhikaari bhi sahayogi ban jaayen। dekho aap shakti roop ho, baapdaada ne shaktiyon ko aage rakha hai। to aap bhi shiv shakti ho। shakti jo chaahe woh kar sakti hai। achha hai,baapdaada ne dekha hai umang inko bahut hai,raajasthaan ko bahut achhe te achha banaayen, lekin aapke sabhi sahayogi bhi hain,sab mil karke karenge to kya nahin ho sakta। raajasthaan deepak jagaayega,charitra ka aur woh deepak chaaron or daudega। achha kiya। baapdaada ko bachchon ka is kaarya mein sahayogi banne ka umang-utsaah dekh khushi hoti hai। aapke saath aur bhi to aaye hain na। jo saath mein aaye hain woh haath uthaao। baapdaada ko bahut achha lagta hai, abhi aap sabhi aapas mein meeting karna, plan banaana ki kya-kya kar sakte hain। aur sab yahaan ke aapke sahayogi banenge। umang hai na! achha hai। raajasthaan ko nimitta banna chaahiye। achha hai।

double videshi:-videshiyon ko apna original videsh to nahin bhoolta hoga। original aap kis desh ke ho,woh to yaad rehta hai na। isliye sabhi aapko kehte hain double videshi। sirf videshi nahin ho, double videshi। to aapko apna sweet hom kabhi bhoolta nahin hoga। to kahaan rehte ho? baapdaada ke diltakhta nasheen ho na। baapdaada kehte hain jab koi bhi chhoti moti samasya aaye,samasya nahin hai lekin paper hai aage badhaane ke liye। to baapdaada ka diltakhta to aapka adhikaar hai। diltakhtansheen ban jaao to samasya khilauna ban jaayegi। samasya se ghabraayenge nahin, khelenge। khilauna hai। sab udti kala vaale ho na? udti kala hai? ya chalne vaale ho?udne vaale ho ya chalne vaale hain? jo udne vaale hain woh haath uthaao। udne vaale। aadha aadha haath utha rahe hain। udne vaale hain?achha। kabhi kabhi udna chhodte hain kya? chal rahe hain nahin,kai baapdaada ko kehte hain baba ham bahut achhe chal rahe hain। to baapdaada kehte hain chal rahe ho ya ud rahe ho?abhi chalne ka samay nahin hai,udne ka samay hai। umang-utsaah ke, himmat ke pankh har ek ko lage hue hain। to pankhon se udna hota hai। to roj check karo, udti kala mein ud rahe hain? achha hai, result mein baapdaada ne dekha hai ki centres videsh mein bhi badh rahe hain। aur badhte jaane hi hain। jaise double videshi hain vaise double seva mansa bhi,vaacha bhi saath-saath karte chalo। mansa shakti dvaara aatmaon ki aatmik vritti banaao। vaayumandal banaao। abhi duhkh badhta hua dekh raham nahin aata hai? aapke jad chitra ke aage chillaate rehte hain, mercy do, mercy do, ab dayaalu kripaalu merciful bano। apne oopar bhi raham aur aatmaon ke oopar bhi raham। achha hai - har season mein,har tarna mein aa jaate hain। yeh sabhi ko khushi hoti hai। to udte chalo aur udaate chalo। achha hai, result mein dekha hai ki abhi apne ko parivartan karne mein bhi fast ja rahe hain। to sva ke parivartan ki gati vishwa parivartan ki gati badhaata hai। achha।

jo pahli baar aaye hain woh utho:-to aap sabhi ko brahman janma ki mubaarak ho। achha mithaai to milegi lekin baapdaada dilkhush mithaai khila rahe hain। pahle baari madhuban aane ki yeh dilkhush mithaai sada yaad rakhna। woh mithaai to mukh mein daala aur khatma ho jaayegi lekin yeh dilkhush mithaai sada saath rahegi। bhale aaye, baapdaada aur saara parivaar desh videsh mein aap apne bhaai bahnon ko dekh khush ho rahe hain। sabhi dekh rahe hain, America bhi dekh rahi hai,Russia vaale bhi dekh rahe hain, london vaale bhi dekh rahe hain, 5khanda hi dekh rahe hain। to janma din ki aap sabko vahaan baithe baithe mubaarak de rahe hain। achha।

baapdaada ki roohaani drill yaad hai na! abhi baapdaada har bachche se chaahe naye hain,chaahe puraane hain, chaahe chhote hain chaahe bade hain, chhote aur hi samaan baap jaldi ban sakte hain। to abhi second mein jahaan man ko lagaane chaaho vahaan man ekaagra ho jaae। yeh ekaagrata ki drill sada hi karte chalo। abhi ek second mein man ke maalik ban main aur mera baba sansaar hai, doosra na koi, is ekaagra smriti mein sthit ho jaao। achha।

chaaron or ke sarva teevra purooshaarthi bachchon ko sada umang-utsaah ke pankhon se udti la ke anubhvi moorta bachchon ko,sada apne svamaan ki seat par set rahne vaale bachchon ko, sada merciful ban vishwa ki aatmaon ko mansa shakti dvaara kuchh na kuchh anchali sukh-shanti ki dene vaale dayaalu, kripaalu bachchon ko, sada baap ke sneh mein samaaye hue diltakhtansheen bachchon ko, baapdaada ka yaadapyaar aur namaste।

daadiyon se:- achha hai - sabhi aadi ratna hain। aadi ratnon mein visheshta hai, sabhi ratnon ko dekh khush ho jaate hain। daadi ko bhi sabhi yaad kar rahe hain। (daadi ji ko vishesh treatment aur checking nimitta bambai hospital mein31 January ko lekar gaye hain। mohini behen,munni behen,nirvair bhaai, yogini behen aadi sabne yaad bheji hai) badon ke aage kuchh to anubhav aayenge na। nyaare aur baap ke pyaare, nyaare rehte chhoti-chhoti baaton mein paar hone ka ek example bante hain। bilkul 100percent sampanna banna hai kyonki pahle number vaale jara bhi ansh ka ansh bhi rah nahin jaae,sab yahaan khatma hona hai kyonki inhon ke aadhaar se nai duniya ka raajya sthaapan hona hai aur raajya gharaana banna hai। to ansh maatra ko bhi bhasma kar rahe hain। iseelie kuchh bhi hota hai lekin phir bhi nyaaraapan rehta hai। sarvagun sampanna, sampoorn nirvikaari,maryaada purooshottam yeh practical sampanna banne ke liye thoda bahut yeh khel to karna hi padta hai। (daadi jaanki ji ne kaha baba ke liye khel hai) aapke liye bhi khel hai,yeh bhi part hai। jaise aur part bajaate hain, yeh bhi part noondha hua hai। yeh jara sa bhi bhasma ho raha hai। bilkul pure, ansh maatra bhi nahin rahe। to sabhi ko pyaar to hai, aur pyaar ki duaayen daadi ko bhi mil rahi hain। achha hai,aap sab mil karke, nimitta banke chala rahe hain, yeh bhi bahut achha hai। (pardaadi ne bhi yaad di hai) yeh bhi ek khel mein khel hai ki sabhi ikatthe pure ban rahe hain। isne (shaantaamni daadi) to himmat dikhaai aur karke dikhaaya। doctor ko bhi apni himmat to dikha di na। har ek ki apni apni visheshta hai। to achha hai milke, saathi banke, yagya ka kaarya to rookna hai hi nahin, amar hai, chalna hai aur badhna hai। sabhi saakshi hoke khel dekh rahe ho ya question mark uthta hai?kyon,kya to nahin uthta na! jo hota hai,usmein kai raaj samaaye hue hote hain। woh baap jaane aur drama jaane। achha। sab theek hai na! achha hai।

avyakt baapdaada se raajasthaan ki raajyapaal mahaamhim behen pratibha paatil ji ki mulaakaat

aapne himmat achhi ki hai aur baapdaada ko ek baat ki khushi hai ki raajasthaan mein donon hi vishesh maataayen hain। trimoorti hai। (chief minister, raajyapaal aur speaker teenon hi bahnen hain)to baapdaada ne yahaan bhi maataaon dvaara sthaapna ki। to abhi sahayogi ban seva ko badhaao। raajasthaan ko number one hona chaahiye। (ho jaayega, aapka aasheervaad hai) kyon nahin hoga, jahaan dridh sankalp hai vahaan saphalta hai hi hai। saphalta ki chaabi dridh sankalp hai। yeh chaabi sada saath rakhna। abhi aap saathi ban gai। aasheervaad to shubh kaarya aur himmat vaale ko svatah milti hai। kahe na kahe jismen himmat hai, umang hai usko milti hai। baap ka vaayda hai ek kadam aapki himmat ka, hajaar kadam baap ki madad ka। yeh sab saathi bhi sahayog dena। bahut achha। aap sabhi sahayog dena। kya nahin kar sakte hain, jab manushyaatma vishwa ko akalyaan kar sakte hain to kalyaan kyon nahin kar sakte। akalyaan ka part baja rahe hain na! (yeh kyon ho raha hai?) yeh sab ati mein jaana hai। dekho10 saal pahle bhrashtaachaar,paapaachaar gupta tha, aajkal khule bajaar mein ho gaya hai, ati mein jaana hai। kaliyug hai na। kaliyug ati mein ja raha hai। (ise khatma karne ka upaay kya hai?) iska upaay hai aadhyaatmik shakti ko badhaana। yeh sandesh deke unhon mein shreshtha karma ki bhaavna paida karna। achha।

(jaykumaar raaval, em.L.A. dodhaanicha mahaaraashtra)kuchh bhi hain lekin baap ke kaarya mein sahayogi banna hai। (raajyapaal se) yeh to ghar ki ban gai hai। dekho daadiyon ke saath aa gai hai। achha।

patna se commissioner aaye hainh kuchh bhi ho, abhi eeshvareey kaarya mein saathi banna hai। bas yeh dridh sankalp karke jaao, karna hi hai। saath dena hi hai। hilo nahin, dridhta rakho।

bhraata prabhaakar ready ji (jilaadhyaksha) aandhra pradesh:-kuchh bhi ho,abhi kya karna hai? abhi eeshvareey kaarya mein sahayogi banke chalna। achha।

daadiyon ki seva mein rahne vaali bahnon se:-aap centre par nahin rehti ho,madhuban mein nahin rehti ho,sab brahman parivaar ke beech mein rehti ho। sabki nazar aapke oopar hai, badi jimmevaari hai, thakna nahin, saadhaaran nahin ho। pharishton jaise chalo, daadiyon ko sambhaal rahi ho, koi complain nahin hai, baapdaada khush hai।

baapdaada ne baambe hospital mein daadi ji ki seva mein gaye hue sabhi bhaai bahinon ko vishesh yaad di:- baapdaada bombe mein sabki pyaari,sabke dil ki dulaari daadi ki jo seva ke nimitta hain un sabko yaad-pyaar de rahe hain। daadi ka jo bhi drama mein dekhte ho, dekhte hae saakshi hoke, duaaon ki, dil ke sneh ki aur sneh ki sakaash dene ki seva karte rehte hain,karte raho। khel mein khel dekhte raho। saakshi hoke dekho aur udte raho। baapdaada dil se sabko duaayen de rahe hain aur sab pyaar se seva kar rahe hain। seva ki bhi mubaarak hai। (daadi jaanki ji ne kaha doctors bhi bahut achhi seva kar rahe hain) jo bhi hota hai usmein seva aur kalyaan to bhara hua hi hai। achha। sabhi bahut-bahut-bahut khush hain, khush hai! bahut khush hai? kitna bahut? to sada aise rehna। kuchh bhi ho jaaye hone do,abhi khush rehna hai। humein udna hai, koi neeche nahin la sakta। pakka! pakka vaayda hai? kitna pakka? bas,khush raho sabko khushi do। koi bhi baat achhi nahin lage to bhi khushi nahin ganvaao। baat ko chala lo,khushi nahin chali jaaye। baat to khatma ho hi jaani hai lekin khushi to saath mein chalni hai na! to jo saath mein chalne vaali hai usko chhod dete ho aur jo chhootne vaali hai us chhodne vaali ko paas mein rakh dete ho। yeh nahin karna। amritvele roj pahle apne aapko khushi ki khuraak khilaao। achha।