Avyakt murli du samedi 15 décembre 2007

>

15-12-07 om shanti avyakt baapdaadaamdhuban

‘‘samay ke mahatva ko jaan,karmon ki guhya gati ka attention rakho,nashtomoha,ever ready bano’’

aaj sarva khazaanon ke daata, gyaan ka khazaana, shaktiyon ka khazaana, sarva gunon ka khazaana,shreshtha sankalpon ka khazaana dene vaala baapdaada apne chaaron or ke khazaane ke baalak so maalik adhikaari bachchon ko dekh rahe hain। akhanda khazaanon ke maalik baap sabhi bachchon ko sarva khazaanon se sampanna kar raha hai। har ek ko sarva khazaane dete hain। kisko kam, kisko jyaada nahin dete kyonki akhanda khazaana hai। chaaron or ke bachche baapdaada ke naynon mein samaaye hue hain। sabhi khazaanon se bharpoor harshit ho rahe hain। aajkal ke samay pramaan sabse amoolya shreshtha khazaana hai - purooshottam sangam ka samay kyonki is sangam par hi saare kalpa ki praalabdha bana sakte ho। is chhote se yug ka ek second praaptiyon aur praalabdha ke pramaan ek second ki value ek varsha ke samaan hai। itna yeh amoolya samay hai। is samay ke liye hi gaayan hai - ab nahin to kab nahin kyonki is samay hi parmaatma part noondha hua hai। isliye is samay ko heere tulya kaha jaata hai। satayug ko golden ej kaha jaata hai। lekin is samay, samay bhi heere tulya hai aur aap sab bachche bhi heere tulya jeevan ke anubhvi aatmaayen ho |is samay hi bahutkaal ki bichhudi hui aatmaayen parmaatma milan, parmaatma pyaar, parmaatma knowledge, parmaatma khazaanon ke praapti ke adhikaari bante hain। saare kalpa mein dev aatmaayen, mahaan aatmaayen hain lekin is samay parmaatma eeshvareey parivaar hai। isliye jitna is vartamaan samay ka mahatva hai, is mahatva ko jaan,jitna apne ko shreshtha banaane chaahe utna bana sakte hain। aap sab bhi is mahaan yug ke parmaatma bhaagya ko praapta karne vaale padmaapdam bhaagyavaan ho na! aise apne shreshtha bhaagya ke roohaani nashe aur bhaagya ko jaante,anubhav kar rahe ho na! khushi hoti hai na! dil mein kya geet gaate ho?vaah mera bhaagya vaah! kyonki is samay ke shreshtha bhaagya ke aage aur koi bhi yug mein aisa shreshtha bhaagya praapta ho nahin sakta।

to bolo, sada apne bhaagya ko smriti mein rakhte harshit hote ho na! hote ho? jo samajhte hain ki sada harshit hote hain, kabhi-kabhi vaale nahin, jo sada harshit rehte hain woh haath uthaao। sada,sada…। underline karna sada। abhi T.vi. mein aapka photo aa raha hai। sada vaalon ka photo aa raha hai। mubaarak ho। maataayen uthaayen, shaktiyaan uthaayen, double foreigners…। kya shabd yaad rakhenge? sada। kabhi-kabhi vaale to peechhe aane vaale hain।

baapdaada ne pahle bhi sunaaya hai ki samay ki raphtaar bahut teevra gati se aage badh rahi hai। samay ki gati ko jaanne vaale apne ko check karo ki master sarvashaktivaan hamaari gati teevra hai?purooshaartha to sab kar rahe hain lekin baapdaada kya dekhne chaahte?har bachcha teevra purooshaarthi,har subject mein paas with honour hai va sirf paas hai?teevra purooshaarthi ke lakshan vishesh do hain - ek - nashtomoha,doosra - ever ready। sabse pahle nashtomoha,is dehbhaan,deh-abhimaan se hai to aur baaton mein nashtomoha hona koi mushkil nahin hai। deh-bhaan ki nishaani hai vesta, vyartha sankalp, vyartha samay, yeh checking svayan hi achhi tarah se kar sakte ho। saadhaaran samay woh bhi nashtomoha hone nahin deta। to check karo har second,har sankalp,har karma,saphal hua? kyonki sangamayug par vishesh baap ka vardaan hai, saphalta aapka janma siddha adhikaar hai। to adhikaar sahaj anubhooti karaata hai। aur ever ready, ever ready ka arth hai- man-vachan-karma,sambandh-samparka mein samay ka order ho achaanak to ever ready aur achaanak hi hona hai। jaise apni daadi ko dekha achaanak ever ready। har svabhaav mein,har kaarya mein easy rahe hain। samparka mein easy, svabhaav mein easy, seva mein easy, santushta karne mein easy,santushta rahne mein easy। iseelie baapdaada samay ki sameepta ka baar-baar ishaara de raha hai। sva-purooshaartha ka samay bahut thoda hai, isliye apne jama ke khaate ko check karo। teen vidhiyaan khazaanon ko jama karne ki pahle bhi bataai hain, phir se suna rahe hain। un teenon vidhiyon ko svayan check karo। ek hai –svayan ke purooshaartha se praalabdha ka khazaana jama karna। praaptiyon ka khazaana jama karna। doosra hai- santushta rehna, ismen bhi sada shabd add karo aur sarva ko santushta karna, isse punya ka khaata jama hota hai। aur yeh punya ka khaata anek janmon ke praalabdha ka aadhaar rehta hai। teesra hai - sada seva mein athak,nihsvaartha aur badi dil se seva karna, isse jiski seva karte hain unse svatah hi duaayen milti hain। yeh teen vidhiyaan hain,svayan ka purooshaartha,punya aur dua। yeh teenon khaate jama hain?to check karo kyonki agar achaanak koi bhi paper aa jaae,kyonki aajkal ke samay anusaar prakriti ke halchal ki chhoti-chhoti baaten kabhi bhi aa sakti hain। isliye karmo ke gati ka knowledge vishesh attention mein rahe। karmo ki gati badi guhya hai। jaise drama ka attention rehta,aatmik swaroop ka attention rehta,dhaarnaaon ka attention rehta,aise hi karmo ki guhya gati ka bhi attention aavashyak hai। saadhaaran karma,saadhaaran samay,saadhaaran sankalp isse praalabdha mein pharka pad jaata hai। is samay aap sabhi jo purooshaarthi hain woh shreshtha vishesh aatmaayen hain,saadhaaran aatmaayen nahin ho। vishwa kalyaan ke nimitta,vishwa parivartan ke nimitta bani hui aatmaayen ho। sirf apne ko parivartan karne vaale nahin ho, vishwa ke parivartan ke jimmevaar ho। isliye apne shreshtha svamaan ke smriti swaroop banna hi hai।

baapdaada ne dekha sabhi ka baapdaada aur seva se achha pyaar hai। seva ka vaataavran chaaron or koi na koi plan pramaan chal raha hai। saath-saath abhi samay ke pramaan vishwa ki aatmaayen jo duhkhi, ashaanta ho rahi hain un aatmaon ko duhkh ashaanti se chhudaane ke liye apni shaktiyon dvaara sakaash do। jaise prakriti ka soorya sakaash se andhakaar ko door kar roshni mein laata। apni kirnon ke bal se kai cheejon ko parivartan karta। aise hi maastaragyaansoorya apne praapta hue sukh-shanti ki kirnon se,sakaash se dukh-ashaanti se mukta karo |mansa seva se, shaktishaali vritti se vaayumandal ko parivartan karo। to abhi mansa seva karo। jaise vaacha seva ka vistaar kiya hai, vaise mansa sakaash dvaara aatmaon mein,jo aapki topic rakhi hai,happy aur hope, yeh phailaao, himmat dilaao, umang-utsaah dilaao। baap ka varsa, in baaton se mukti to dilaao। abhi aavashyakta sakaash dene ki jyaada hai। is seva mein man ko busy rakho to maayaajeet vijayi aatma svatah hi ban jaayenge | baaki chhaati- chhaati baaten to sidescene hain |sidescene mein kuchh achha bhi aata hai, kuchh buri cheezen bhi aati hain। to sidescene ko cross kar manzil par pahunchna hota hai। sidescene dekhne ke liye saaksheedrishta ki seat par set raho, bas। to sidescene manoranjan ho jaayegi।

to ever ready ho na?kal bhi kuchh ho jaae, ever ready hain? pahli line ever ready hai? kal bhi ho jaae to? teachers taiyaar hain to achha। yeh varga vaale taiyaar hain। jitne bhi varga aaye ho, ever ready। sochna। dekhna daadiyaan, dekh rahi ho sab haath hila rahe hain। achha hai, mubaarak ho। agar nahin bhi hain na to aaj ki raat tak ho jaana। kyonki samay aapka intajaar kar raha hai। baapdaada mukti ka get kholne ka injaar kar raha hai। advance party aapka aahvaan kar rahi hai। kya nahin kar sakte ho? master sarvashaktivaan to ho hi। dridh sankalp karo yeh karna hai, yeh nahin karna hai,bas। nahin karna hai, to dridh sankalp se‘nahin’ko‘nahin’ karke dikhaao। master to ho hi na! achha।

abhi pahli baar kaun aaye hain? jo pahli baar aaye hain woh haath uthaao। ooncha haath uthaao, hilaao। itne aaye hain। achha hai। jo bhi pahle baari aaye hain unko padamguna mubaarak hai, mubaarak hai। baapdaada khush hote hain, ki kalpa pahle vaale bachche phir se apne parivaar mein pahunch gaye। isliye abhi peechhe aane vaale kamaal karke dikhaana। peechhe rehna nahin, peechhe aaye ho lekin peechhe nahin rehna। aage se aage rehna। iske liye teevra purooshaartha karna padega। himmat hai na! himmat hai? achha hai। himmate bachche madde baapdaada aur parivaar hai। achha hai kyonki bachche ghar ka shrringaar ho। to jo bhi aaye hain woh madhuban ke shrringaar hain। achha।

seva ka tarna bhopaal zone ka hai:-achha, bahut aaye hain। (jhandiyaan hila rahe hain) achha hai golden chance to mila hai na। achha jo bhi seva ke nimitta aaye hue hain inmen se sabhi ne seva ka jo bal hai,phal hai, ateendriy sukh ki anubhooti ka, woh anubhav kiya?kiya? abhi bhale haan ke liye jhandi hilaao, jisne kiya ho। achha abhi to ateendriy sukh ka anubhav kiya, yeh sada rahega? ya thoda samay rahega? jo dil se promise karta hai, dekha dekhi haath nahin uthaana, jo dil se samajhta hai ki main is praapti ko sada kaayam rakhoonga,vighna vinaashak banoonga, woh jhandi hilaao bhale। achha। dekho, aap T.vi. mein aa rahe ho phir yeh T.vi. ka photo bhejenge। achha। yeh chance jo rakha hai woh bahut achha hai। chance lete bhi khushi se hain aur tarna by tarna sabhi ko khuli dil se chhutti bhi mil jaati hai aane ki। achha, abhi kamaal kya karenge? (2008 mein aapko pratyaksha karke dikhaayenge) achha hai, ek do ko sahayog dekar is vaayde ko poora karna। zaroor karenge। master sarvashaktivaan ke liye koi bhi vaayda nibhaana,koi badi baat nahin hai। sirf dridhta ko saathi banaake rakhna। dridhta ko nahin chhodna kyonki dridhta saphalta ki chaabi hai। to jahaan dridhta hogi vahaan saphalta hai hi hai। aise hai na! karke dikhaayenge। baapdaada ko bhi khushi hai, achha hai। dekho kitnon ko chance milta hai। aadha class to seva karne vaalon ki taraph ka hota hai। achha hai। dekho saakaar baba ke hote hue bahut achha part bajaaya hai, pahla-pahla museum isne (mahendra bhaai ne) taiyaar kiya tha। to dekho, saakaar baap ki duaayen saare zone ko hain। abhi koi naveenta karke dikhaayenge। abhi bahut samay ho gaya hai, koi nai invention nahin nikaali hai। vargeekran bhi abhi puraana ho gaya hai। pradarshaniyaan,mela, conference,snahe milan yeh sab ho gaye hain | abhi koi nai baat nikaalo | shorta aur sweet , kharcha kam aarai seva jyaada। raayabhaadur ho na! to raayabhaadur nai raay nikaalo। jaise pradarshani nikli,phir mela nikla, phir vargeekran nikla, aise koi nai invention nikaalo। dekhenge kaun nimitta banta hai। achha hai, himmat vaale hain iseelie baapdaada himmat rakhne vaalon ko sada advance mein madad ki mubaarak de rahe hain। achha। is group mein 5 wing vaale aaye hain।

education wing, edministretarsa wing, business wing, youth wing, sports wing:-achha hai har ek wing apne apne varga ki seva kar rahe hain aur umang se karte hain। har ek race bhi karte hain,ek do ki wing se race bheeachchhi kar rahe hain। baapdaada sabhi bachchon ke umang-utsaah ko dekh baar-baar bachchon par muhabbat ke phool barsaate hain। thodi si mehnat karte hain lekin muhabbat mein karte hain isliye har ek varga ek do se aage ja raha hai। education kitna achha kaarya hai। abhi jaise gaanv vaalon ne kahaan kahaan,koi gaanv jo hai usko lekarke gaanv mein all-round seva ki hai,doctors ne bhi practical ki hai, heart vaalon ne achha kiya hai। aise education vaale koi school ko apna banaao। saara school, college is aadhyaatmik knowledge ko maane| padhaai to nahin chhodenge na lekin aadhyaatmik knowledge ko add karen sab classes mein। adopt karo aisi koi school ya college। ho sakta hai। (university,college tatha school mein is varsha vishesh seva ke plan banaayen hain) result sunaana, achha hai। result practical aayegi to aur bhi karenge na। aise sabhi varga business vaale,ek business ka group nikaalen, youth vaale sabhi taraph se vishesh result ka group nikaalen। jo bhi varga hain, woh practical ek group result ka dikhaaye। pahle likhat mein le aana। yeh vi.aai. Ps ki list lekar aaye hain। (bhopaal se) aise group banaao। group banaake abhi alag alag shahron mein hain,aur jo bhi bhinna bhinna shahron mein hain uska ek baari sangathan karo। bhinna bhinna sthaan ke ek sthaan par ikattha karo unko aur umang dilaao, aage badhaao। har ek ko group banaana hi chaahiye। abhi thode nikaale hain aur bhi niklenge। koi aapas mein baithkar yeh raay karo kaise har ek varga ka group banen aur woh samjhe, group samjhe hamaari jimmevaari hai। kahaan bhi programme ho to vishesh group ko sahayog dena hi chaahiye। group banaao, 5-5, 6-6 ka,har sthaan par unko pahunchna chaahiye। unse seva lo to unko khushi hogi aur aage badhenge। achha youth varga ka kuchh aaya hai, school mein achhi seva ki hai,baapdaada ne dekha samaachaar suna hai। achha hai ek group banaao vishesh। unhon ka naam hi ho sevaadhaari group, sahayogi group, serviceable group। jitne bhi achhe nikal saken woh banaao। achha, to sabhi varga vaalon ko baapdaada mubaarak de raha hai, sabhi achhi seva kar rahe hain aur abhi agle varsha apne group ka naam le aana। har ek le aaven aur apne taraph us group ka sangathan karke phir naam dena। pakke hon। koi vaaris hoga koi mike hoga, donon prakaar ke group mein ho sakte hain। (sprortas wing ke bhi hain, bahut achhe plan sportas parsan ki seva ke banaaye hain) practical mein karna। (business wing ki bhi pradarshani banaai hai) achha hai, mubaarak ho। agar seva ki vriddhi ka plans chalta rahega to yeh bhi vibration phailta hai, yeh bhi aatmaon ko pahunchta hai। ek dvaara 10 ko pahunchta hai। baapdaada ne to sunaaya ki seva mein achhi roochi bhi rakh rahe hain aur aage bhi badh rahe hain। lekin… lekin hai sva unnati,sva parivartan, sva ke attention ki seva। donon ka balance chaahiye। woh balance abhi banta ja raha hai। woh balance zaroor attention mein rakho। aapka balance hoga aur vishwa mein naara lagega। abhi kuchh na kuchh kraanti honi hi hai। achha। (youth wing ki taraph se sva-unnati ka plan banaaya hai) achha hai। koi na koi naveenta karte raho।

double videshi 30deshon se aaye hain:- achha - aapka yeh to naam prasiddha ho gaya hai,double foreigners। abhi double purooshaarthi yeh naam rakhen?double purooshaarthi,rakhen? pakka। double purooshaartha karenge? karne vaale hain। achha। ek eksaampal dikhaao ki foreign mein koi bhi vighna nahin aave। na mansa sankalp ka, na vaani ka,na bol ka, na sambandhasamparka ka। baapdaada sabhi bhaarat ke zone ko bhi kehta hai, double videshiyon ko to kah raha hai lekin bhaarat ke sabhi zone ko bhi kehte hain koi aisa example banaao jo sabhi zone aur sab double videshi nirvighna,nirvikalpa,niravyartha sankalp hon। karo race। har ek zone race kare, foreign bhi to ek zone ho gaya na। usko baapdaada bahut prize dega। poore zone mein vighna ka naam nishaan na ho। ek-do ko sahayog denge to ho jaayega। jahaan bhi kuchh ho vahaan ek do ke sahayogi banke bhi unhein nirvighna banaao। himmat do। umang-ulhaas do। aisa naksha baapdaada dekhne chaahte hain। jaise seva mein karke dikhaaya na। jo bhi area rahi hui hai usko poora karke dikha rahe hain, dikhaaya bhi hai to jaise seva mein practical karke dikhaaya,baapdaada khush hai। har ek zone ne seva ka koi na koi programme banaaya hai, foreign vaalon ne bhi banaaya hai, practical kiya hai, aise sva purooshaartha ka bhi plan banaao। ek do ke sahayogi bano। jaise apne ko sahayogi nirvighna banaane ka attention rakhte ho, vaise saare zone mein sabhi centres mein attention ho। usmein dekhen kaun number one aata hai। ho sakta hai ya mushkil hai?zone vaale utho। utho। zone ke bade aaye hain, ramesh,brijmohan bhi utho, yeh madhuban bhi usmein hain। madhuban to pahla number hai na। to yeh ho sakta hai? ho sakta hai? aap (nirvair bhaai) bolo, ho sakta hai? thoda mushkil lagta hai? (aapka sankalp hai to kuchh bhi mushkil nahin hai) chalo purooshaartha shuru karo, sabhi zone apna group banaao,jo bhi aapke sahayogi hain, unka group banaao,plan banaao,phir shuru karo, phir dekhege result kya hai। group zaroor banaana padega। ismen kya hai, pahle aapki deedi thi,bujurga thi,jaghajgah par chakkar lagaati thi। bas mein,yeh threevheelar bhi nahin thi,bason mein aadha-aadha ghante thaharke har chhote-chhote sthaan mein chakkar lagaati thi। woh aajkal kam hai। aisa group banaao jo chakkar lagaata hi rahe,umang-utsaah laata rahe। koi na koi plan banaao kyonki samay ki pukaar hai, jaldi karo, jaldi karo। aur achaanak hona hai। isliye meeting mein koi na koi plan banaao। kaise karen, kaya karen?woh detail banaao। double foreigners bhi banaana। dekhen kaun number one jaata hai।

double foreigners jab bhi madhuban ke sangathan mein aate ho to madhuban ke sangathan mein raunak ho jaati hai kyonki intarnaishnal sangathan ho jaata hai, nahin to sirf bhaarat ka sangathan hota hai। to baapdaada ko abhi dekh karke khushi hoti hai ki har season ke tarna mein double videshi hote hi hain। yeh progress achhi ki hai। aur baapdaada ka vishesh pyaar to hai hi kyon? bhaaratvaasi tyaag karte hain lekin aapka double tyaag hai। aapka culture bhi alag hai। bhaarat ka culture to vahi hota hai। iseelie baapdaada ko khushi hoti hai to abhi anubhav karte hain ki ham bhaarat ke the,bhaarat ke rahne vaale hain। aage to bhaarat hi hona hai na। yeh America, london nahin hoga। yeh sab picnic ke sthaan ban jaayenge। baaki jo bhi hoga ek hi bhaarat। to abhi yeh anubhav karte hain ki ham seva ke liye videsh mein gaye hain। aap socho abhi bhi 30sthaanon se aaye hain, season jab thi foreign ki to kitne taraph ke the? (90deshon ke aaye the) to socho, 90 deshon ki bhaasha agar India ki bahinen seekhen aur seva karen to yog lagaayenge ya bhaasha seekhenge?iseelie aapko bhinna bhinna desh mein seva ke liye bheja gaya hai। permanent address aapki kaun si hai? pata hai। permanent address kaun si?madhuban ki london America? madhuban hai? bolo,permanent address madhuban hai, pakka hai? seva ke liye gaye ho। ghar madhuban hai, seva sthaan alag-alag hai। India mein bhi alag alag hai na, koi mahaaraashtra mein hai, koi raajasthaan mein hai, yeh sevaartha hai। to double videshi abhi title hi rakho double purooshaarthi |double videshi nahin double purooshaarthi । achha।

training ki kumaariyaan:-yeh bhi jhandiyaan lekar aai hain,achhi pahchaan ho jaati hai। achha, training ho gai? pakki ho gai? ya thodi-thodi kachchi? pakki?abhi vahaan jaake training jo ki hai, uska saboot roop dikhaayenge na। dikhaayengi?ki kahengi kya karen, ho gaya… maaya aa gai…। aise to nahin kahenge। vijayi। sada vijayi ka tilak lagaake ja rahi ho। kabhi bhi koi aapse poochhe aapka haalchaal kya hai? kya kahengi? achhe te achha kahengi। abhi jhandiyaan hilaao। achha। to har maas jo incharge hai na daadi, unko O.ke. O.ke ka likhna। bada patra nahin likhna, yeh ho gaya, yeh kah gaya nahin। O.ke. ya beech mein kuchh hua to lakeer daal do bas। kyonki time nahin hota hai padhne ka। shortcut ya O.ke., agar koi gadbad hui to O.ke. ke beech mein lakeer lagaana bas। theek hai abhi result dekhenge। jo group hoke gaye hain, unki result aai hai?ratanmohini kahaan hai, (result aati rehti hai) result zaroor aani chaahiye। nahin to kya hai,dheeli ho jaayengi। har maas result aani chaahiye। chhota sa card bhejna। bada kaagaj nahin lena, kharcha nahin karna। lekin result aave zaroor, tabhi pata pade ki training se phaayda kya hai। itna mahal banaaya hai aapke liye। saare shaantivan mein sabse badhiya sthaan training ka hai। to baapdaada aur madhuban nivaasiyon ne,aapse pyaar hai uska saboot diya hai, abhi aapko saboot dena hai। theek hai। report likhte rehna,maas mein ek baar। jyaada nahin likhna। achha। baapdaada khush hai kyonki vishwa ke saamne to teachers hi rehti hain na। teachers vijayi to centre vijayi। centre vijayi to zone vijayi aur zone vijayi to vishwa vijayi। isliye yeh purooshaartha pakka karna। theek hai। achha।

abhi ek second mein sabhi bahut meethi meethi sweet silence ki stage ke anubhav mein kho jaao। (baapdaada ne drill karaai)achha।

chaaron or ke sarva teevra purooshaarthi,sada dridh sankalp dvaara saphalta ko praapta karne vaale, sada vijay ke tilakdhaari, baapdaada ke dil takhtadhaari, double taajdhaari, vishwa kalyaankaari,sada lakshya aur lakshan ko samaan karne vaale parmaatma pyaar mein palne vaale aise sarva shreshtha bachchon ko baapdaada ka yaadapyaar, dil ki duaayen aur namaste।

daadiyon se:- bachche haajir hain,to baap to haajir hai hi। na baap bachchon se door ho sakta,na bachche baap se door ho sakte। vaayda hai saath hain,saath chalenge,aadhaakalpa brahma baap ke saath rahenge। (daadi jaanki ji ne kaha, woh bhi to samaaya hua saath mein hai) aapki yeh anubhooti theek hai। abhi to guarantee hai lekin jab raajya karenge to nahin aayenge। koi dekhne vaala bhi chaahiye na। (oopar man kaise lagega) drama mein part hai। brahma baap to saath hai na। dekho, drama kya karta hai?achha hai sab ek do ko sammaan dete,svamaan mein rehte, chal rahe ho, chalte raho। haan yeh bhi saathi hain hi (manohar daadi aur shaantaamni daadi) thodi tabiyat hai, koi harja nahin। shuru se nimitta bane hain sthaapna ke to sthaapna abhi poori nahin hui hai na, to saathi hain na। (uncle aunty ne yaadapyaar bheja hai)| kaho baapdaada aapse bhi jyaada padamguna yaad karta hai। achhe hain। achha। apna return achha de rahe hain। achha। (daadi nirmalshaanta ne bhi yaad bheji hai।) (bhaaki pahante samay jaanki daadi ne kaha ki daadi ki bhaaki yaad aati hai) daadi aapke saath hai hi।

da.ashok mehta se:-dekho, yeh to shareer ka birth de manaaya, bahut achha kiya। lekin aapka alaukik birth bhi nyaara aur pyaara hai। aur achha hai, yeh bhi jo birth de manaaya, to yeh sachche dil se jo seva ki hai uska return mil raha hai। doosron ne milke khaas manaaya na। to yeh seva ka return mila। aur alaukik janma mein bhi seva, social seva vishwa mein prasiddha karne ki seva ke nimitta bane ho। jab se global hospital bani tab se aabu ka vaayumandal parivartan ho gaya। aur sabhi interest lete hain ki yeh sirf aadhyaatmik seva nahin karte lekin social work bhi karte aur health ka bhi karte hain, to yeh prabhaav badalte badalte seva badhti gai hai। to nimitta bane na। to kitni duaayen hain? bahut duaayen mili hain। duaaon ka khazaana bharpoor hai। abhi sva purooshaartha ka jo khaata hai,usmein jyaada thoda addition karo, duaayen aur punya ka khaata theek hai sva purooshaartha ka jo khaata hai usmein thoda aur teevra karo। number lena hai na। le sakte hain। achha hai allrounder hai। health mein bhi, wealth mein sahayog mein bhi। achha part baja rahe hain। yeh bhi saathi hain। (sirin behen se)nimitta yeh bani। aapke umang se yeh bhi aa gaye। saari family achhi hai। saakshi bhi hai aur saathi bhi hai। achha part bajaaya hai,baapdaada khush hai। yeh bhi bahut achha part baja rahi hai। baapdaada to dekhte rehte hain na। bahut yuktiyukta part baja rahi ho।

(da.jain,daadi ji ke doctor baapdaada se milne aaye hain):-achha roj padhaai padhte ho?roj murli leke bhi padho। padh to sakte hain na। jo duty kar rahe ho na connection mein,woh theek hai। ismen progress karte jaao। (daadi hamaari theek hai) woh to bahut-bahut theek hai। nimitta bani hui hai na, visheshta hai part bajaane ki। woh to avtaar ki reeti se paida hogi। (saphalta ke liye vardaan do) koi bhi kaam shuru karo pahle vishesh yaad karo phir kaarya karo to saphalta hai hi hai।

em.pi.(bhopaal) ke minister, judge tatha anya mehmaan baapdaada se mil rahe hain:-koi bhi seva kar rahe ho,bahut achha lekin abhi vishwa parivartan ke kaarya mein sahayogi ho?hain? yeh sankalp kiya hai ki vishvapaarivartan mein sada sahayogi rahenge। yeh sankalp kiya?kyonki aap log aatmaon ki seva bahut sahaj kar sakte ho। kaise kar sakte ho? aapke samparka mein ek din mein kitne log aate hain? samparka mein aate hain na! aur kuchh bhi nahin karo lekin jo apna card chhapaate ho na, card to chhapaate ho na, parichay ka। uske peechhe koi na koi gyaan ka slogan likho aur usmein yeh likho - agar tension-free hona hai to yeh address hai, koi centre ki address likho। to aapki seva ho jaayegi। jisko roochi hogi woh aapehi aayega। to ghar baithe seva kar sakte ho। kar sakte ho na। ismen mushkil to nahin hai na?kyonki eeshvareey kaarya mein anguli dena isse bada punya praapta hota hai। uski nishaani hai guroodvaare mein dekho bade bade vi.aai.pi. bhi seva karne jaate hain? kyon?juttiyaan bhi sambhaal ke rakhte hain। kyonki punya praapta hota hai। to yeh to direct eeshvar ke kaarya mein sahayogi banna,kitna punya hai aur punya ki poonji saath mein jaayegi aur kuchh nahin jaayega। to apne punya ka khaata jama karte raho। snehi, sahayogi bante raho। abhi shiv shakti hoke raho। shiv paramatma saath hai। shiv shakti। sada khush rehna, kabhi bhi khushi nahin ganvaana। (mahendra ji se) achha group hai। sirf inhon ko connection mein rakhte hue aage badhaate raho।

aandhra pradesh ke vi.aai.Ps se:-yeh to anubhav karte ho ki ham eeshvareey parivaar ke sahayogi saathi hain। sahayogi hain?dekho, parmaatma kaarya mein sahayogi banna,yeh kitna punya hai। kyonki jitna sahayogi banenge, apne liye punya jama karenge। samajhte hain? aur punya ki poonji saath chalegi aur sab yahaan rah jaayega। to jitna ho sake utna apne punya ki poonji ikatthi karo। to janma-janma yeh punya kaam aayega kyonki eeshvareey kaarya hai na। to jaise eeshvar avinaashi hai na vaise unke kaarya mein sahayogi banna woh bhi avinaashi hai। to sahayog dete rehna। svaprivartan aur vishwa parivartan। kuchh bhi ho jaae khushi kabhi nahin ganvaana। sada khush rehna। achha। sada apne ko paramatma ke yaad se shaktishaali banaana। shiv shakti hain। chaardeevaar vaali maata nahin, shiv shakti ho। yeh nishchay rakhna।

justice eeshvaraiyya (yugal se):-khush hain। khushi jaayegi to nahin? kabhi nahin jaaye, sada khush rehna। khushanseeb ho jo saath mila hai। to khush rehna। parmaatma kaarya mein lag gaya to woh kaarya kya hai? yeh to pakka hai,vijayi hai। jo bhi eeshvareey kaarya mein sahayogi banta hai usko andar khushi ki anubhooti hoti hai। to khushi hoti hai na। kyonki avinaashi baap dvaara automatic praapti hoti hai to sada khushanseeb ho। khushanseeb hain aur khushi dene vaale hain। theek hai। achha hai।