Avyakt murli du samedi 2 février 2008

>

02-02-08 om shanti avyakt baapdaadaamdhuban

‘‘sampoorn pavitrata dvaara roohaani royalty aur personality ka anubhav karte,apne master gyaan soorya swaroop ko emerge karo’’

aaj baapdaada chaaron or ke apne royalty aur personality ke parivaar ko dekh rahe hain। yeh royalty va roohaani personality ka foundation hai sampoorn purity। purity ki nishaani sabhi ke mastak mein,sabhi ke sir par light ka taaj chamak raha hai। aise chamakte hue taajdhaari roohaani royalty, roohaani personality vaale sirf aap brahman parivaar hi hain kyonki purity ko apnaaya hai। aap brahman aatmaon ki purity ka prabhaav aadikaal se prasiddha hai। yaad aata hai apna anaadi aur aadikaal! yaad karo anaadikaal mein bhi aap pure aatmaayen aatma roop mein bhi vishesh chamakte hue sitaare,chamakte rehte hain aur bhi aatmaayen hain lekin aap sitaaron ki chamak sabke saath hote bhi vishesh chamakti hai। jaise aakaash mein sitaare anek hote hain lekin koi koi sitaare special chamakne vaale hote hain। dekh rahe ho sabhi apne ko, phir aadikaal mein aapke purity ki royalty aur personality kitni mahaan rahi hai! sabhi pahunch gaye aadikaal mein? pahunch jaao। check karo meri chamakne ki rekha kitni percent mein hai? aadikaal se antim kaal tak aapke purity ki royalty, personality sada rehti hai। anaadi kaal ka chamakta hua sitaara, chamakte hue baap ke saath-saath nivaas karne vaale। abhi-abhi apni visheshta anubhav karo। pahunch gaye sab anaadikaal mein?phir saare kalpa mein aap pavitra aatmaon ki royalty bhinna-bhinna roop mein rehti hai kyonki aap aatmaon jaisa koi sampoorn pavitra bane hi nahin hain। pavitrata ka janma siddha adhikaar aap vishesh aatmaon ko baap dvaara praapta hai। abhi aadikaal mein aa jaao। anaadikaal bhi dekha, ab aadikaal mein aapke pavitrata ki royalty ka swaroop kitna mahaan hai! sabhi pahunch gaye satayug mein। pahunch gaye! aa gaye? kitna pyaara swaroop devta roop hai। devtaaon jaisi royalty aur personality saare kalpa mein kisi bhi aatma ki nahin hai। devta roop ki chamak anubhav kar rahe ho na! itni roohaani personality,yeh sab pavitrata ki praapti hai। abhi devta roop ka anubhav karte madhyakaal mein aa jaao। aa gaye?aana anubhav karna sahaj hai na। to madhyakaal mein bhi dekho, aapke bhakta aap poojya aatmaon ki pooja karte hain,chitra banaate hain। kitne royalty ke chitra banaate aur kitni royalty se pooja karte। apna poojya chitra saamne aa gaya hai na! chitra to dharmaatmaaon ke bhi bante hain। dharma pitaaon ke bhi bante hain, abhinetaaon ke bhi bante hain lekin aapke chitra ki roohaaniyat aur vidhi poorvak pooja mein pharka hota hai। to apna poojya swaroop saamne aa gaya! achha phir aao antakaal sangam par, yeh roohaani drill kar rahe ho na! chakkar lagaao aur apne purity ka,apni vishesh praapti ka anubhav karo। antimkaal sangam par aap brahman aatmaon ka parmaatma paalna ka, parmaatma pyaar ka, parmaatma padhaai ka bhaagya aap koton mein koi aatmaon ko hi milta hai। paramatma ki direct rachna, pahli rachna aap pavitra aatmaon ko hi praapta hoti hai। jisse aap brahman hi vishwa ki aatmaon ko bhi mukti ka varsa baap se dilaate ho। to yeh saare chakkar mein anaadikaal,aadikaal,madhyakaal aur antimkaal saare chakra mein itni shreshtha praapti ka aadhaar pavitrata hai। saara chakkar lagaaya abhi apne ko check karo, apne ko dekho, dekhne ka aaina hai na! apne ko dekhne ka aaina hai?jisko hai woh haath uthaao। aaina hai, clear hai aaina? to aaine mein dekho meri pavitrata ka kitna percent hai? pavitrata sirf brahmacharya nahin lekin brahmaachaari। man-vachan-karma,sambandh-samparka sabmen pavitrata hai?kitni percent mein hai? percentage nikaalne aati hai na! teachers ko aati hai? paandavon ko aati hai? achha hoshiyaar ho। maataaon ko aati hai? aati hai maataaon ko? achha। pavitrata ki parakh hai - vritti, drishti aur kriti teenon mein check karo,sampoorn pavitrata ki jo vritti hogi, woh aa gai na buddhi mein। socho, sampoorn pavitrata ki vritti arthaat har aatma ke prati shubhbhaavna, shubhkaamna। anubhvi ho na! aur drishti kya hogi? har aatma ko aatma roop mein dekhna। aatmik smriti se bolna, chalna। short mein suna rahe hain। detail to aap bhaashan kar sakte hain aur kriti arthaat karma mein sukh lena sukh dena। yeh check karo - meri vritti,drishti,kriti isi pramaan hai?sukh lena,duhkh nahin lena। to check karo kabhi duhkh to nahin le lete ho! kabhi kabhi thoda-thoda? duhkh dene vaale bhi to hote hain na। maanon woh duhkh deta hai to kya aapko usko follow karna hai! follow karna hai ki nahin? follow kisko karna hai?duhkh dene vaale ko va baap ko? baap ne, brahma baap ne niraakaar ki to baat hai hi, lekin brahma baap ne kisi bachche ka duhkh liya?sukh diya aur sukh liya। follow father hai ya kabhi-kabhi lena hi padta hai? naam hi hai duhkh, jab duhkh dete hain,insult karte hain, to jaante ho ki yeh kharaab cheez hai, koi aapki insult karta hai to usko aap achha samajhte ho? kharaab samajhte ho na! to woh aapko duhkh deta hai ya insult karta hai, to kharaab cheez agar aapko koi deta hai, to aap le lete ho?le lete ho?thode samay ke liye, jyaada samay nahin thoda samay? kharaab cheez leni hoti hai?to duhkh ya insult lete kyon ho? arthaat man mein feeling ke roop mein rakhte kyon ho?to apne se poochho ham duhkh lete hain? ya duhkh ko parivartan ke roop mein dekhte hain? kya samajhte ho pahli line। duhkh lena right hai?hai right?madhuban vaale right hai? thoda thoda le lena chaahiye? pahli line, duhkh le lena chaahiye na! nahin lena chaahiye lekin le lete ho। galti se le lete ho। yeh duhkh ki feeling, pareshaan kaun hota? man mein kichda rakha to pareshaan kaun hoga? jahaan kichda hoga vahaan hi pareshaan honge na! to us samay apne royalty aur personality ko saamne laao aur apne ko kis swaroop mein dekho? jaante ho aapka kya title hai? aapka title hai sahansheelta ki devi, sahansheelta ka dev। to aap kaun ho? sahansheelta ki deviyaan ho,sahansheelta ke dev ho? ki nahin? kabhi-kabhi ho jaate hain। apna position yaad karo, svamaan yaad karo। main kaun! yeh smriti mein laao। saare kalpa ke vishesh swaroop ki smriti ko laao। smriti to aati hai na!

baapdaada ne dekha ki jaise mera shabd ko sahaj yaad mein parivartan kiya hai। to mera ke vistaar ko sametne ke liye kya kehte ho?mera baba। jab bhi mera mera aata to mera baba mein samet lete ho। aur baar-baar mera baba kahne se yaad bhi sahaj ho jaati hai aur praapti bhi jyaada hoti hai। aise hi saare din mein agar kisi bhi prakaar ki samasya ya kaaran aata hai,uske yeh do shabd vishesh hain - main aur mera। to jaise baba shabd kehte hi mera shabd pakka yaad ho gaya hai। ho gaya hai na? sabhi abhi baba baba nahin kehte, mera baba kehte hain। aise hi yeh jo main shabd hai, isko bhi parivartan karne ke liye jab bhi main shabd bolo to apne svamaan ki list saamne laao। main kaun? kyonki main shabd giraane ke nimitta bhi banta aur main shabd svamaan ki smriti se ooncha bhi uthaata hai। to jaise mera baba ka abhyaas ho gaya hai, aise hi main shabd ko bodeekaansesnes ki smriti ke bajaae apne shreshtha svamaan ko saamne laao। main shreshtha aatma hoon, takhtansheen aatma hoon, vishwa kalyaani aatma hoon, aise koi na koi svamaan main se jod lo। to main shabd unnati ka saadhan ho jaae। jaise mera shabd abhi majority baba shabd yaad dilaata hai kyonki samay prakriti dvaara apni challenge kar raha hai।

samay ki sameepta ko common baat nahin samjho। achaanak aur ever ready shabd ko apne karmayogi jeevan mein har samay smriti mein rakho। apne shanti ki shakti ka svayan prati bhi bhinna-bhinna roop se prayog karo। jaise science apna naya-naya prayog karti rehti hai। jitna sva ke prati prayog karne ki practice karte rahenge utna hi auron prati bhi shanti ki shakti ka prayog hota rahega। abhi vishesh apne shaktiyon ki sakaash chaaron or phailaao। jab aapki prakriti soorya ki shakti,soorya ki kirnen apna kaarya kitne roop se kar raha hai। paani barsaata bhi hai,paani sukhaata bhi hai। din se raat,raat se din karke dikhaata hai। to kya aap apne shaktiyon ki sakaash vaayumandal mein nahin phaila sakte? aatmaon ko apni shaktiyon ki sakaash se duhkh ashaanti se nahin chhuda sakte! gyaan soorya swaroop ko emerge karo। kirnen phailaao,sakaash phailaao। jaise sthaapna ke aadikaal mein baapdaada ke taraph se anek aatmaon ko sukh-shanti ki sakaash milne ka ghar baithe anubhav hua। sankalp mila jaao। aise ab aap master gyaan soorya bachchon dvaara sukh-shanti ki lahar phailaane ki anubhooti honi chaahiye। lekin woh tab hogi,iska saadhan hai man ki ekaagrata। yaad ki ekaagrata। ekaagrata ki shakti ko svayan mein badhaao। jab chaaho jaise chaaho jab tak chaaho tab tak man ko ekaagra kar sako। abhi master gyaan soorya ke swaroop ko emerge karo aur shaktiyon ki kirnen,sakaash phailaao।

baapdaada ne suna aur khush hai ki bachche seva ke umang-utsaah mein jagah-jagah par seva achhi kar rahe hain,baapdaada ke paas seva ke samaachaar sab taraph ke achhe achhe pahunche hain, chaahe pradarshani karte hain, chaahe samaachaar patron dvaara, T.vi. dvaara sandesh dene ka kaarya badhaate jaate hain। sandesh bhi pahunchta hai,sandesh achha pahuncha rahe ho। gaanv mein bhi jahaan raha hua hai,har ek zone achha apni apni area ko badha raha hai। akhbaaron dvaara T.vi. dvaara bhinna bhinna saadhnon dvaara umang utsaah se kar rahe ho। uski sab karne vaale bachchon ko baapdaada bahut snehayukta duaaon bhari mubaarak de rahe hain। lekin abhi sandesh dene mein to achha umang-utsaah hai aur chaaron or brahmaakumaareej kya hai, bahut achha shaktishaali kaarya kar rahi hain, yeh bhi aavaaj achha phail raha hai aur badhta ja raha hai। lekin, lekin sunaayen kya?sunaayen lekin… lekin brahmaakumaariyon ka baba kitna achha hai, woh aavaaj abhi badhna chaahiye। brahmaakumaariyaan achha kaam kar rahi hain lekin karaane vaala kaun hain, abhi yeh pratyakshata aani chaahiye। baap aaya hai,yeh samaachaar man tak pahunchna chaahiye। iska plan banaao।

baapdaada se bachchon ne prashn poochha ki vaaris ya mike kisko kahen? mike nikle bhi hain,lekin baapdaada mike abhi ke samay anusaar aisa chaahte hain ya aavashyak hai jiske aavaaj ki mahaanta ho। agar saadhaaran baba shabd bol bhi dete hain,achha karte hain itne tak bhi laaya hai,to baapdaada mubaarak dete hain lekin abhi aise mike chaahiye jinke aavaaj ki bhi logon tak value ho। aise prasiddha ho, prasiddha ka matlab yeh nahin ki shreshtha martabe vaala ho lekin uska aavaaj sunkar samjhen ki yeh kahne vaala jo kehta hai, iski aavaaj mein value hai। agar yeh anubhav se kehta hai, to uski value ho। jaise mike to bahut hote hain lekin mike bhi koi power vaala kitna hota hai,koi kitna hota hai, aise hi aisa mike dhoondho, jiski aavaaj mein shakti ho। uski aavaaj ko sunkar samajh mein aave ki yeh anubhav karke aaya hai to avashya koi baat hai lekin phir bhi vartamaan samay har zone,har varga mein mike nikle zaroor hain। baapdaada yeh nahin kehte ki seva ka pratyaksha result nahin nikli hai, nikli hai। lekin abhi samay kam hai aur seva ke mahatva vaali aatmaayen abhi nimitta banaani padengi। jiske aavaaj ki value ho। martaba bhale nahin ho lekin unki practical life aur practical anubhav ki authority ho। unke bol mein anubhav ki authority ho। samjha kaisa mike chaahiye?vaaris ko to jaante hi ho। jiske har shvaans mein,har kadam mein baap aur kartavya aur saath-saath man-vachan-karma,tan-man-dhan sabmen baba aur yagya samaaya hua ho। behad ki seva samaai hui ho। sakaash ne ki samarthi ho।

achha - abhi kiska tarna hai? taamilnaadu,eastern aur nepaal:-to pahle kaun?nimitta bangaal, bangaal vaale utho। achha। bangaal vaalon ne seva ka chance liya hai। to in thode dinon mein apne aapko dekha ki karmana seva dvaara yagya seva ke mahatva ko jaan, apne andar yagya seva ka punya ka khaata kitna jama kiya? seva to vahaan bhi karte rehte ho lekin yagya seva ka mahatva apna hai। to double seva ki,ek karmana seva ki aur doosri seva se vaayumandal shaktishaali banaaya, santushta karne ka banaaya,uska bhi double punya yagya seva ka pratyakshaphal bhi khaaya, khushi hui na। khush rahe na bahut sabhi। to khushi ka pratyakshaphal bhi mila aur bhavishya bhi jama hua, double praapti ki। kyonki sab dekh karke khush hote hain ki kitni nirvighna seva ho rahi hai। kitne sneh se seva ho rahi hai। yeh vaayumandal phailaana va nimitta banna iska bhi bada punya milta hai। to jisko bhi chance milta hai woh yahi samjhe vishesh punya ka khaata jama karne ka chance milaahai। to jama kiya? haath hilaao। vartamaan bhi jama bhavishya mein bhi jama। yeh saadhan hai double phal praapta karne ka। achha hai। to bangaal vaalon ne koi naveenta dikhaai?koi naya kaarya kiya hai?koi invention ki hai? ki hai?kyonki bangaal mein baap ki padhraamni hui hai, praveshta hui hai। to naya kaarya karna hai na! koi nai invention nikaalo, baapdaada ne pahle bhi kaha ki abhi yeh jo seva kar rahe ho, achhi kar rahe ho, baapdaada ne mubaarak di lekin abhi kuchh naya nikaalo। kisi bhi zone ne naya koi plan banaaya hai? kisi ne bhi? ki vahi repeat kar rahe hain? foreign vaalon ne kuchh naya nikaala?seva ka saadhan koi naya nikaalo। jo chal rahe hain woh to achha hai lekin aur achha, koi ne bhi nikaala ho woh haath uthaao। koi ne nahin nikaala hai। vargeekran ki seva bhi abhi to bahut samay se chal rahi hai। abhi kuchh to naveenta honi chaahiye। to kaun, bangaal nikaalega? baaki achha hai।

baapdaada ko yeh achha lagta hai ki har zone ko chance milta hai। seva to vriddhi ko pa rahi hai, yeh to baapdaada ko samaachaar milte hain। centre badh rahe hain,students bhi badh rahe hain,yeh to hai। lekin kam kharcha baalaansheen, aisa koi naya saadhan nikaalo। baaki baapdaada bangaal ke zone (eastern zone) mein vriddhi ko dekh karke khush hai। achha। to punya jama kiya aur yeh punya ki poonji saath mein jaayegi। haath khaali nahin jaayenge। punya ki poonji saath mein le jaayenge। jitna punya jama karne chaaho utna kar sakte ho। baaki himmat achhi ki hai, har ek area ke sevaasaathi achhe hain। yagya seva mein pahunch bhi gaye hain aur saphal bhi kiya hai। eastern mein bahut nadiyaan ikatthi hai। bangaal, bihaar,udeesa,aasaam,nepaal, taamilnaadu,aadhi sabha hai। itne yogya banaaya hai, iski bahut-bahut badhaai ho। dekho,T.vi. mein dekho kitne hain। bahut achhe achhe hain। haath hilaao। bahut achha। baapdaada ko khushi hai ki yagya seva se kitna pyaar hai aur kitne pahunch gaye hain। abhi 5 hi nadiyaan milke koi naya plan banaao। aavaaj phailaane ka to kiya,abhi aur kuchh karo। baaki baapdaada ko khushi hai, ki5 hi taraph ki sankhya bahut achhi aai hai। itne yahaan hain,vahaan kitne honge, itni vriddhi ki hai,iski sab parivaar ko bhi khushi hai, baapdaada ko bhi khushi hai। to abhi sva parivartan aur seva mein naveenta iski prize lena। number lenge na। 5 hain, aur bade bade hain chhote nahin hain। kamaal karke dikhaana। aapas mein meeting karke koi naveenta ka plan nikaalo kyonki abhi kai aatmaayen aisi hain jo sunte hain na, mela hai, pradarshani hai, yaatraayen hain, conference hai, to woh samajhte hain yeh to hamne kar liya hai, dekh liya hai। isliye naveenta nikaalo। baaki achhi himmat rakhi hai। baap ki vishesh 5hi ko bahut-bahutdil ki duaayen। vardaan bhi hai,vardaan bataayen kaun sa hai? amarbhav ka vardaan hai। amar hain, amar rahenge aur baapdaada ke saath amarlok mein chalenge। chalenge na! pahle janma mein aana। doosre teesre mein nahin aana। sabhi ko umang hai na। pahle saath chalenge apne ghar mein phir raajya mein jab aayenge to pahle janma mein aana। doosre teesre mein maja nahin aayega। pahle janma mein kaun aayenge?sabhi aayenge। pahle janma ki vidhi ka pata hai na! vidhi ka pata hai - jo pahla number chaar hi subject mein honge, ek subject bhi kam nahin। sab subject mein pahla number। woh pahle janma mein saathi banenge। hain himmat? koi bhi dekho sthool padhaai mein bhi agar ek subject mein bhi fail hote hain, kam marks lete hain to woh number one to nahin aata na। to one janma mein aana arthaat one number mein aana। manjoor hai। abhi haath uthaao। sochke haath uthaana। achha hai। amar rehna aur amar banaana। achha।

(taamilnaadu zone mein 12jyortilingam dikha karke yog ki anubhooti kara rahe hain, chhote chhote sthaanon mein yeh seva bahut achhi tarah se ho rahi hai,ismen kharcha bahut kam hai)saphalta hai?achha hai,mubaarak hai। yeh bhi dekho nai invention ki na, aise aur bhi koi nai invention karo aur jagah jagah par trial karke dekho kam kharcha hai aur hai bhi shiv ke pratima ki yaadgaar। to sabki buddhi mein ek baap ki yaadgaar rahegi। achha hai। result to theek hai। abhi aur bhi karke dekho। achha hai। sabhi ko sunaana class mein to kaise karte hain,kya hota hai, anubhav sunaana। baaki achha hai। badhaai ho।

achha bihaar vaalon ne kuchh kiya hai? (bihaar mein aai bahaar iska ek project banaaya hai, bihaar mein jahaan jahaan sandesh nahin pahuncha hai, use is varsha mein poora karenge, har maheene naya sevaakendra kholenge) achha kiya kyonki bihaar mein dekha gaya hai ki jyaada mein jyaada sandesh milna chaahiye। programme banaaya hai, yeh umang utsaah ki mubaarak। abhi bahaar aayegi na। to bahaar ko sab dekhenge, maja lenge na bahaar ka। achha। seva ka to sab jo bhi kar rahe hain, har zone mein koi na koi seva ho rahi hai, har varga bhi kar raha hai, seva ka umang utsaah achha hai aur achha rehna chaahiye। theek hai na। achha।

double videshi:-double videshi arthaat double purooshaarthi। baapdaada ne abhi naam rakha hai double purooshaarthi। hain? double purooshaarthi hain? jo samajhte hain vartamaan samay double purooshaartha ka lakshya hai aur kar bhi rahe hain,woh haath uthaao। double purooshaartha। double? bahut achha। double par to taali bajaao। achha hai। aapko dekh karke sab khushi se aage badhne ka lakshya rakhenge। aur aaj dekh rahe hain ki videsh ke jo men quality hai,serviceable,knowledgeful,successful woh pahunch gai hai। aur meeting bhi achhi kar rahe hain। pahli meeting ka samaachaar to baapdaada ne suna ki sabhi international har desh ke vishesh aatmaayen milkar jo banaaya hai woh bahut achha aur sahaj ekmat se sahaj paas ho gaya। to aap vishesh aatmaayen jo nimitta bani unko baapdaada padam padamguna mubaarak de rahe hain। puraane puraane foundation aaye hain। baapdaada ko khushi hoti hai। paandav bhi kam nahin hain। paandav bhi ek do se aage hain aur shaktiyaan bhi ek do se aage hain। achha। sabhi baapdaada ke vardaanon ko amar banaane ke liye sahaj vidhi yeh apnaao ki amritvele aur saath mein karmayogi banne ke samay bhi baar-baar vardaan ko revise kar swaroop mein sthit hain! ya nahin hai to apne ko vardaan ke swaroop mein sthit karo। baar-baar revise karo। baapdaada to de dete hain vardaan, lekin vardaan ko kaayam rakhne ke liye baar-baar revise karke swaroop mein laao। anubhav karo us vardaan ka। roohaani nashe ka anubhav karo to woh vardaan aapka amar vardaan ho jaayega kyonki vardaan ke paatra aap vishesh aatmaayen ho। bhakton ko bhi vardaan milta hai lekin woh alpakaal ka,ek janma ke liye hai। aapka sangam ka vardaan janma janmaantar saath rehta hai। isliye vardaan ko swaroop mein laate rahenge to vardaan ki saphalta ka anubhav karte rahenge। sirf buddhi mein nahin swaroop mein laao। us nashe mein raho। phalak mein raho। phalak rahe main vardaata ki vardaani hoon। direct vardaata ne vardaan diya hai। vardaan ko amar banaao, kabhi kabhi vaala nahin। aur double videshiyon ke oopar sabhi brahman aatmaon ka vishesh sneh hai kyonki aapne jo aadi bhaarat ke sevaadhaari hain unko bahut sahayog diya hai। vishwa kalyaankaari ka jo baap ne title diya usko saakaar roop mein bhinna bhinna deshon mein bhinna bhinna culture aur bhinna-bhinna bhaashaayen,usmein aap sabhi vishwa kalyaan ki seva mein saphalta dene mein sahayogi bane। iseelie bhaaratvaasiyon ko aapki seva par bahut-bahut sneh hai। achha।

vishesh jo pahli meeting vaale aaye hain woh haath uthaao। kaansteetyushan ki meeting vaale ooncha haath uthaao। achha hai। baapdaada ko sangathan bahut achha lagta hai। aur mehnat pyaar se ki hai, thake nahin hain। umang utsaah aur athakpan se kiya,bhaarat vaalon ne bhi aur double videshiyon ne bhi bahut achha kiya hai। baapdaada ko bhi pasanda hai। bhaarat ke bhi utho। teenon paandavon ko vishesh badhaai hai kyon badhaai hai?kyonki dhaancha aapne banaaya। aur double videshiyon ko is baat ki badhaai hai ki jo bhi bana usmein sahayog aur samay dekarke final kiya। dekhenge nahin kaha, kar liya, iski baapdaada ko khushi hai। badhaai ho, badhaai ho, sabhi ko। bhaarat vaalon ko bhi aur double videshiyon ko bhi, shaktiyon ko bhi badhaai। abhi aisa mike,jo baapdaada ne sunaaya, vishesh mike dekhte hain kahaan se nikalta hai, bhaarat se nikalta hai ya videsh se nikalta hai। har ek sochta hai ham karenge, yeh to aapka umang, aapka chehra dikha raha hai। achha।

media wing aur SpARC wing vaale aaye hain:-(geet gaaya - ham honge kaamayaab ek din…) donon hi apna apna kaarya kar rahe hain। abhi baapdaada ko samaachaar milte rehte hain। to media bhi dinapratidin aage badh raha hai। jo T.vi. mein programmes aate hain woh aavaaj achha phaila rahe hain। abhi paanv to rakh liya hai,akhbaaron mein bhi abhi mehnat ke bina jagah de dete hain aur T.vi. mein bhi abhi sahaj jagah milti rehti hai, chance milta hai। to itna to kiya hai, to media ko bhi mubaarak hai। abhi koshish karo ki videsh mein abhi shuru to hua hai, videsh mein bhi T.vi. mein koi koi samay to jaata hai lekin videsh aur desh ka itna najdeek ka connection ho jaae jo chaaron taraph aavaaj phailta jaae। baaki mehnat ki saphalta mili hai yeh baapdaada ko bhi achha lagta hai। mehnat ki hai phal bhi mila hai। aur SpARC vaale bhi apna plan bana rahe hain,achha hai abhi aisa kuchh karke dikhaao jo jaise science pratyaksha phal dikhaati hai, aise silence ki shakti itna spashta aur sahaj pratyaksha roop mein anubhav karaaye jo sab kahen brahmaakumaariyon ke paas sahaj saadhan hai। invention kar rahe hain aur hoga bhi। sab buddhi achhi chala rahe hain to buddhi dvaara koi na koi pratyaksha phal nikal aayega। achha hai। mehnat achhi hai, phal nikal raha hai,nikalta rahega, yeh to hona hi hai। achha।

abhi ek second mein,ek second hua, ek second mein saari sabha jo bhi jahaan hai vahaan man ko ek hi sankalp mein sthit karo main baap aur main paramdham mein anaadi jyotibindu swaroop hoon,paramdham mein baap ke saath baith jaao। achha। abhi saakaar mein aa jaao। abhi vartamaan samay ke hisaab se man-buddhi ko ekaagra karne ka abhyaas,jo kaarya kar rahe ho usi kaarya mein ekaagra karo,controlling power ko jyaada badhaao। man-buddhi sanskaar teenon ke oopar controlling power। yeh abhyaas aane vaale samay mein bahut sahayog dega। vaayumandal ke anusaar ek second mein control karna padega। jo chaahe vahi ho। to yeh abhyaas bahut aavashyak hai। isko halka nahin karna। kyonki samay par yahi ant suhaani karega।

achha - chaaron or ke double takhtansheen,baapdaada ke diltakhtansheen,saath mein vishwa raajya takhta adhikaari,sada apne anaadi swaroop,aadi swaroop,madhya swaroop,antim swaroop mein jab chaahe tab sthit rahne vaale sada sarva khazaanon ko svayan kaarya mein lagaane vaale aur auron ko bhi khazaanon se sampanna banaane vaale sarva aatmaon ko baap se mukti ka varsa dilaane vaale aise parmaatma pyaar ke paatra aatmaon ko baapdaada ka yaadapyaar, dil ki duaayen aur namaste।

daadiyon se:- sabhi ko achha lagta hai,puraane aadi ratnon ko dekh karke sabhi ko khushi hoti hai। (manohar daadi se) chaahe class karaao nahin karaao, lekin dekh karke bhi khushi hoti hai। milte raho, hansaate raho। har ek ko koi na koi vardaan dete raho। kuchh bhi ho lekin phir bhi aadi ratnon se jo bhaasna aati hain na woh aur hi aati hai। isliye apna kaarya karte raho। sabko bahlaate raho। khush ho jaate hain na। (pardaadi se) madhuban mein pahunch jaate hain na to dekhkar sab khush ho jaate hain। aap bhi khush hoti ho। achha hai,hisaab apna kaam kar raha hai,aap apna kaam kar rahi ho। achha lagta hai,sangathan hota hai na to sabko khushi hoti hai। achha kiya hai,apne hisaab kitaab ko shortcut kar rahi ho। achha,sab achha hai। sab theek chal raha hai। (mohini behen, munni behen se)daadi bhi dekh karke khush ho rahi hai। baapdaada to khush hai hi, baapdaada to sada bachchon ko dekh kar khush hote hain, kaarya ko dekh karke bhi khush hote hain। achha hai milkar ek do ke sahayogi banke ji haan,ji haan karke chal rahe hain,chalte rahenge। sab khush hain na।

(ramesh bhaai ne usha behen ki tabiyat ka samaachaar sunaaya, operation hua hai)woh thoda bahut hota hai, theek ho jaayegi। katkut hota hai to thoda bahut pharka padta hai,theek ho jaayegi aap apni tabiyat theek karo, na na nahin karo,jo chaahiye woh dete jaao। jimmevaari hai na। saathi bhi banaate jaao aur apne ko bhi bahut achhi reeti se chalaate chalo। jyaada busy nahin rakho। thoda thoda sahayogi banaate jaao। baaki achha kar rahe hain, abhi to result bahut achhi hai,international ho gaya। sabhi ek mat hoke aur nishchaybuddhi hoke baithe to ho gaya। sabhi ki madad hai। lekin saakaar mein to teenon ekmat hoke aur haan ji haan ji karke ghaat to banaaya baaki thoda thoda heere gadh diye to achha ho gaya। to mubaarak ho, teenon ko mubaarak ho।

(brijmohan bhaai se)dekho apne vichaar use kiya na, lakshya rakha karna hi hai, ho gaya na। itne varsha nahin hua, abhi sabhi ki buddhiyon mein ek hi sankalp raha,karna hi hai,sabhi ka। samay laga lekin saphalta mili।

teenon varishtha bhaaeeyon tatha videsh ki 6 badi bahinon se:- baapdaada ko yeh khushi hui ki chaahe bhaaeeyon ne chaahe shaktiyon ne lakshya rakha karna hi hai to sahaj ho gaya na। time to dena padta hai lekin hua to sahaj na। jyaada discuss to nahin hui na। to yeh bhi ek example bana kaarya karne ka।

videsh ke paandavon seh (yeh backbone the) backbone aap the,nimitta yeh the। sabhi ne jaise ek kaarya nishchaybuddhi hoke saphal kiya to isse siddha hai ki saphalta aapke haath mein hai। jo chaahe woh kar sakte ho। yeh anubhav hua। khush hue। abhi samjha ki sangathan mein ek sankalp dridhta ka karne se sab pahaad bhi raai ban sakta hai, rooi ban sakta hai। ho sakta hai na। ho sakta hai?hua hi pada hai। shaktiyon ka bhi shubh sankalp hai, baapdaada kahenge vishesh nimitta thode banen lekin sabka jo shubh sankalp tha na ki karna hi hai,usne kaam kiya। to jaise abhi international phainsala milke kiya aur practical pratyaksha dekha ki ho gaya,aise sada karte rehna। koi mushkil nahin hai। kitni bhujaayen hain। hain to ek brahma baap ki bhujaayen। to bhujaaon ne kamaal to dikhaai na। aise hi sangathan ko badhaate rehna। ek do ke sahayogi rehna। theek hai na। baapdaada to samajhte hain ki is group ko koi vishesh yaadgaar dena chaahiye। yaadgaar mein ek vardaan yaad rakhna - koi bhi kaarya karo amarbhav ka vardaan pahle yaad karo। to amar hi hoga। theek hai na। achha,bahut achha। Newyork ki mohini behen ne dinees behen ki yaad deeh usko kehna ki aap bhi ek double videshiyon mein example ho। ishaare mein samajhne vaali ho। mubaarak ho। abhi isi dhang se chalaate chalo। saphalta ka vardaan hai। kisi dvaara saphal ho jaata hai।

annapoorna behen (chennai):-abhi aapki shakla mein beemaari nahin hai, aise hi rehna। bas muskaraati rehna, aapki davaai yahi hai muskaraati rehna। davaai bhale karo lekin muskaraati raho।