Avyakt murli du lundi 18 février 2008

>

18-02-08 om shanti avyakt baapdaada madhuban

“vishwa parivartan ke liye shanti ki shakti ka prayog karo”

aaj baapdaada apne vishwa parivartak baap ke aashaaon ke deepak bachchon ko chaaron or dekh harshit ho rahe hain| baapdaada jaante hain ki bachchon ka baapdaada se ati ati ati pyaar hai aur baapdaada ka bhi har bachche ke saath padamguna se bhi jyaada pyaar hai aur yeh pyaar to sada hi is sangamayug mein milna hi hai। baapdaada jaante hain jaise-jaise samay sameep aa raha hai usi pramaan har ek bachche ke dil mein yeh sankalp, yeh umang-utsaah hai ki abhi kuchh karna hi hai kyonki dekh rahe ho ki aaj ki teenon sattaayen ati halchal mein hain। chaahe dharma satta, chaahe raajya satta,chaahe science ki satta, science bhi abhi prakriti ko yathaartha roop mein chala nahin sakti। yahi kehte hona hi hai kyonki science ki satta hai prakriti dvaara satta ko kaarya karna। to prakriti bhi science ke saadhan haate prayatna karte abhi control mein nahin hai aarai aage chalkar yeh prakriti ke khel aur bhi badhte jaayenge kyonki prakriti mein bhi abhi aadi samay ki shakti nahin rahi hai। aise samay par abhi socho, abhi kaun si satta parivartan kar sakti! yeh silence ki shakti vishwa parivartan karegi। yeh chaaron or ki halchal mitaane vaale kaun hain? jaante ho na! sivaae parmaatma paalna ke adhikaari aatma ke aur koi nahin kar sakta। to aap sabhi ko yeh umang-utsaah hai ki ham hi brahman aatmaayen baapdaada ke saath bhi hain aur parivartan ke kaarya ke saathi bhi hain।

baapdaada ne vishesh amritvele saath mein chalte hue bhi dekha hai ki jitna hi duniya mein teenon satta ki halchal hai utna aap shanti ki deviyaan, shanti ke dev jitna shaktishaali shanti ki shakti ko prayog karna chaahiye utna kam hai। to baapdaada abhi sabhi bachchon ko yeh umang dila rahe hain - seva ke kshetra mein aavaaj achha phaila rahe hain,usmein halchal hai lekin silence ki shakti, (baar-baar khaansi aa rahi hai) baaja kharaab hai phir bhi baapdaada bachchon se milne ke bina to rah nahin sakte aur bachche bhi rah nahin sakte) to baapdaada yeh vishesh ishaara de rahe hain ki abhi shanti ki shakti ke vibration chaaron or phailaao।

abhi vishesh brahma baba aur jagdamba ko dekha ki svayan aadi dev hote shanti ki shakti ka kitna gupta purooshaartha kiya। aapki daadi ne karmaateet banne ke liye isi baat ko kitna pakka kiya। jimmevaari hote, seva ka plan banaate, (khaansi baar-baar aa rahi hai) baaja kitna bhi kharaab ho lekin baapdaada ka pyaar hai! to seva ki jimmevaari kitni bhi badi ho lekin seva ke saphalta ka pratyaksha phal shanti ki shakti ke bina,jitna chaahte hain utna nahin nikal sakta kyonki apne liye bhi saare kalpa ki praalabdha ko tabhi bana sakte hain। iske liye abhi har ek ko sva ke prati,saare kalpa ki praalabdha raajya ki aur poojya ki ikaththa karne ke liye abhi samay hai kyonki samay naajuk aana hi hai। aise samay par shanti ki shaktiyon dvaara touching power catching power bahut aavashyak hogi। aisa samay aayega jo yeh saadhan kuchh nahin kar sakenge, sirf aadhyaatmik bal, baapdaada ke directions ki touching kaarya kara sakegi। to apne mein check karo - baapdaada ki aise samay mein man aur buddhi mein touching aa sakegi? ismen bahutkaal ka abhyaas chaahiye,iska saadhan hai man buddhi sada hi kabhi kabhi nahin, sada clean aur clear chaahiye। abhi rehearsal badhti jaayegi aur second mein real ho jaayegi। jara bhi agar man mein buddhi mein kisi bhi aatma ke prati ya kisi bhi kaarya ke prati, kisi bhi saathi sahayogi ke prati jara bhi negative hoga to usko clean aur clear nahin kaha jaayega। isliye baapdaada yeh attention khinchava raha hai। saare din mein check karo - silence power kitni jama ki? seva karte bhi silence ki shakti agar vaani mein nahin hai to pratyaksha phal saphalta jitna chaahte hain utni nahin hogi। mehnat jyaada hai phal kam। seva karo lekin shanti ke shaktiyon se sampanna seva karo | usmein jitni result chaahte ho usse adhik milegi। baar-baar check karo। baaki baapdaada ko khushi hai ki dinapratidin jo bhi jahaan bhi seva kar rahe hain woh achhi kar rahe hain lekin sva prati shanti ki shakti jama karne ka, parivartan karne ka aur attention।

abhi saari duniya dhoondh rahi hai ki aakhir vishwa parivartak nimitta kaun banta hai! kyonki din pratidin duhkh aur ashaanti badh rahi hai aur badhni hi hai। to bhakta apne ishta ko yaad kar rahe hain,koi ati mein jaake pareshaani se ji rahe hain। dharma gurooon ke taraph nazar ghuma rahe hain। aur science vaale bhi abhi yahi soch rahe hain kaise karen,kab tak hoga। to in sabko javaab dene vaale kaun?sabki dil mein yahi pukaar hai ki aakhir bhi golden morning kab aani hai। to aap sabhi laane vaale ho na! ho?haath uthaao jo samajhte hain, nimitta ho। nimitta ho। achha। itne saare nimitta hain to kitne samay mein hona chaahiye! aap sabhi bhi khush ho jaate hain aur baapdaada bhi khush ho jaate hain। dekho yeh golden chance har ek ko golden pramaan praapta hota hai।

abhi aapas mein jaise service ki meeting karte ho, problem hal karne ke liye karte ho na। aise yeh meeting karo, yeh plan banaao। yaad aur seva। yaad ka arth hai shanti ki power aur woh praapta hogi,jab aap top ki stage par honge। jaise koi top sthaan hota hai na to vahaan khade ho jaao to kitna saara spashta dikhaai deta hai। aise aapki top ki stage,sabse top kya hai! paramdham। baapdaada kehte hain seva ki aur phir top ki stage par baap ke saath aakar baith jaao। jaise thak jaate hain na to5 minute bhi kahaan shanti se baith jaate hain na to pharka pad jaata hai na। aise hi beech-beech mein baap ke saath aakar baith jaao। aur doosra top ka sthaan hai srishti chakra ko dekho, srishti chakra mein top sthaan kaun sa hai? sangam par aake sui top par dikhaate ho na। to neeche aaye, seva ki phir top sthaan par chale jaao। to samjha kya karna hai?samay aapko pukaar raha hai ya aap samay ko sameep la rahe ho? rachta kaun? to aapas mein aise aise plan banaao। achha।

bachchon ne kaha aana hi hai to baap ne kaha haan ji। aise hi ek do ke baaton ko,svabhaav ko,vritti ko samajhte, haan ji, haan ji karne se sangathan ki shakti silence ki jvaala pragat karegi। jvaalaamukhi dekha hai na। to yeh sangathan ki shakti shanti ki jvaala pragat karegi। achha।

mahaaraashtra-aandhrapradesh, baambe ka seva ka tarna hai:- naam hi mahaaraashtra hai। mahaaraashtra ko vishesh draamaanusaar golden gift praapta hui hai। kaun si? brahma baap aur maa ki paalna mahaaraashtra ko direct mili hai। dilli aur yu.pi. mein bhi mili hai lekin mahaaraashtra ko jyaada। abhi mahaaraashtra,maha to ho hi। abhi kya karna hai! mahaaraashtra milke aisa plan banaao, aisi meeting karo jismen sabke ek hi svabhaav,ek hi sanskaar, ek hi seva ka lakshya, shanti ki shakti kaise phailaayen, uske plan banaao। banaayenge na! banaayenge? achha baapdaada ko ek maas ke baad report denge ki kya plan banaaya hai! aapke is roohrihaan se aur bhi addition ho jaayegi। bhinna-bhinna zone hain na,to woh bhi addition karenge usmein ghaat aap banaao aur heere woh jodenge। hai na himmat। teachers himmat hai! pahli line himmat hai? sanskaar milan yeh raas kaun sa zone karega? koi zone shubh vritti, shubh drishti aur shubh kriti yeh kaise ho, ek zone yeh uthaaye। doosra zone - agar koi aatma svayan sanskaar parivartan nahin kar sakti hai, chaahti bhi hai lekin kar nahin paati to unhon ke prati kya merciful,kshama,sahayog,sneh dekar kaise apne brahman parivaar ko shaktishaali banaayen iska plan banaayen। yeh ho sakta hai? ho sakta hai? pahli line bataao ho sakta hai? haath uthaao ho sakta hai। kyonki pahli line mein sab mahaarthi baithe hain। abhi baapdaada naam nahin sunaate hain, har ek zone ko jo achha lage woh roohrihaan kar phir shivraatri ke baad bhi ek maas mein result sunaayen। mahaaraashtra hai na aur achha hai। vriddhi to sab jagah ho rahi hai uski baapdaada mubaarak, mubaarak de hi rahe hain। abhi jo kiya uski to mubaarak hai lekin abhi quality ki vriddhi karo। quality ka arth yeh nahin ki saahookaar ho,quality ka matlab hai yaad ko niyam pramaan jeevan mein saboot ban karke dikhaave। baaki mike aur vaaris woh to jaante hi ho। nishchaybuddhi aur nishchint ho। achha।

double foreigners utho:- (yuglon aur kumaariyon ki retreat vishesh chali hai) yeh nishaani lagaake aaye hain। achha lagta hai। kumaariyaan aise ghoom jaao jo doosre dekhen। chakra lagaao। achha hai। sabhi lucky hain lekin kumaariyaan double lucky hain। kyon! aise to kumaar bhi lucky hain lekin kumaariyon ko agar kumaari jeevan mein amar rehti hain to baapdaada ka guroobhaai ka takhta milta hai। diltakhta to hai hi। woh to sabhi ko hai lekin guru ka takhta hai jahaan baith karke murli sunaate hain। teacher banke teach karte ho। iseelie baapdaada kehte hain ki kumaariyaan,kumaariyon ke liye gaayan hai ki 21parivaar ka uddhaar karne vaali hain। to aapne apna 21 janma ka to uddhaar kiya lekin aur jinhon ke nimitta banti ho unhon ka bhi 21 janma ka uddhaar kiya। to aisi kumaariyaan ho na। aisi ho?pakka। jo thoda thoda kachcha hai woh haath uthaao। pakke hain। aapne dekha pakki kumaariyaan hain। pakki hain! mohi ni behen (Newyork) bataayen pakki hain। kumaariyon ka group pakka hai। inki teacher kaun! (meera behen) pakka to taali bajaao। baapdaada ko bhi khushi hai। achha।(yeh kumaariyon ki aathveen retreat hai - inka vishay tha apnepan ka anubhav, 30deshon ki 80kumaariyaan aai hain, sabne apnepan ka bahut achha anubhav kiya)mubaarak ho। yeh to kumaariyaan hui, aap sab kaun ho? aap kaho yeh to kumaariyaan hain ham brahmaakumaar aur brahma kumaariyaan hain। aap bhi kam nahin hain। yeh kumaaron ka group hai, mila hua group hai। achha hai। yuglon ko kaun sa nasha hai? extra nasha। maaloom hai। jabse pravritti vaale is knowledge ko dhaaran karne lage hain to majority abhi logon mein himmat aai hai ki ham bhi kar sakte hain। pahle samajhte the ki brahmaakumaariyaan banna arthaat sab kuchh chhodna lekin abhi samajhte hain ki brahmaakumaar kumaari banke parivaar vyavhaar sab chal sakta hai। aur yuglon ki ek visheshta aur hai, unhonne mahaatmaaon ko bhi challenge ki hai ki ham saath rehte, vyavhaar karte, hamaara parmaartha shreshtha hai। vijayi hain। to vijay ki himmat dilaana yeh yuglon ka kaam hai। iseelie baapdaada yuglon ko bhi mubaarak dete hain। theek hai na। challenge karne vaale ho na, pakka। koi aake si.aai.D kare,to karne do। kaho karne do। hai taakat? hai?haath uthaao। achha। baapdaada sada hi double foreigners ko himmat vaale samajhte hain। kyon?baapdaada ne dekha hai ki kaam par bhi jaate, class bhi karte, kai class bhi karaate lekin all-round centre ki seva mein bhi madadgaar bante hain। iseelie baapdaada title dete hain yeh hai all-round group। achha। aise hi aage badhte rehna aur auron ko bhi aage badhaate rehna। achha।

graam vikaas prabhaag ki meeting chal rahi hai:-achha sunaaya tha। koi naveenta kar rahe hain na। kar rahe hain koi naveenta। kya kar rahe hain! koi bhi bataaye।(mohini behen ne sunaaya, yog ke prayog ke saath jaivik kheti karne ka plan banaaya hai)achha hai,kyonki aajkal jo kheti se nikalta hai usmein bhi problems hain। to achha kaarya kiya hai। ek apna phaayda yog karenge aur doosra janta ki duaayen milengi। to achha kar rahe hain। umang utsaah se kar rahe hain aur karte rehna। achha - mubaarak ho।

achha jo aaj naye pahli baar aaye hain woh utho। aadha class naya hai। to aap sabko madhuban aane ki vishesh khushi hogi, khushiyon ki mubaarak ho। aur baapdaada sada sabhi ko yahi kehte ki amar bhav ka vardaan sada amritvele revise karte rehna। yahaan baap ka vardaan to milta hai lekin samay par vardaan kaam mein tab aayega jab roj revise karte raho। to revise karte rehna aur aage se aage badhte rehna। achha। baaki sabhi jo bhi aaye hain to baapdaada aap sabhi ke bahut-bahut pyaar bhare aahvaan se shareer ko chala rahe hain। achha।

teachers। teachers theek hain। bahut hain teachers। achha puraani bhi uth rahi hain। achha hai dekho,baap samaan title aapko bhi hai। baap bhi teacher ban karke aata hai to teacher maana sva anubhav ke aadhaar se auron ko bhi anubhvi banaana। anubhav ki authority sabse jyaada hai। agar ek baar bhi koi baat ka anubhav kar lete hain, jeevan bhar nahin bhoolta hai। suni hui baat, dekhi hui baat bhool jaati hai lekin anubhav ki hui baat kabhi bhi bhoolti nahin hain। to teachers arthaat anubhvi ban anubhvi banaana। yahi kaam karte ho na। achha hai। jo bhi anubhav mein kami ho na,woh ek maas mein bhar dena। phir baapdaada result mangaayenge। achha।

abhi chaaron or ke baapdaada ke diltakhtansheen aur vishwa raajya ke takhtansheen,sada apne silence ki shakti ko aage badhaate aur auron ko bhi aage badhaane ka umang-utsaah dene vaale, sada khush rahne vaale aur sabko khushi ki gift dene vaale chaaron or ke baapdaada ke lucky aur lovely bachchon ko baapdaada ka yaadapyaar aur duaayen, namaste।

shaantaamni daadi ko:-aapko kaun sa title mila hai? (sachli kaudi) baapdaada sada sachli kaudi ke roop mein dekhta hai। achha hai phir bhi dekho chala rahi hai। mubaarak ho, shareer chal raha hai। achha (munni behen ne baapdaada se poochha baba daadi ka janma ho gaya hai? baapdaada ne kaha haan ho gaya hai)