Avyakt murli du mercredi 2 avril 2008

>

02-04-08 om shanti avyakt baapdaada madhuban

‘‘is varsha chaaron hi subject mein anubhav ki authority bano,lakshya aur lakshan ko samaan banaao’’

aaj baapdaada apne chaaron or ke santushta rahne vaale,santushta maniyon ko dekh rahe hain। har ek ke chehre par santushtata ki chamak dikhaai de rahi hai। santushta maniyaan svayan ko bhi priy hain, baap ko bhi priy hain aur parivaar ko bhi priy hain kyonki santushtata mahaan shakti hai। santushtata tab dhaaran hoti hai jab sarva praaptiyaan praapta hoti hain। agar praaptiyaan kam to santushtata bhi kam hoti hai। santushtata aur shaktiyon ko bhi aahvaan karti hai। santushtata ka vaayumandal auron ko bhi yatha shakti santushtata ka vibration deta hai। jo santushta rehta hai uski nishaani sada prasannachit dikhaai deta hai। sada chehra harshitmukh svatah hi rehta hai। santushta aatma ke saamne koi bhi paristhiti sva sthiti ko hila nahin sakti। kitni bhi badi paristhiti ho lekin santushta aatma ke liye cartoon show ka manoranjan dikhaai deta hai।isa liye woh paristhiti mein pareshaan nahin hota aarai paristithitiyaan uske oopar vaar nahin kar sakti,haar jaati hai। isliye ateendriy sukhmay manoranjan ki jeevan anubhav karta hai। mehnat nahin karni padti। manoranjan anubhav hota hai। to har ek apne ko check kare। check karna to aata hai na! aata hai? jisko check karna aata hai apne ko,doosre ko nahin apne ko check karna aata hai, woh haath uthaao। check karna aata hai?achha। mubaarak ho।

baapdaada ka vardaan bhi har bachche ko roj amritvele bhinna-bhinna roopon se yahi milta hai, khush raho aabaad raho। roj ka vardaan milta sabhi ko hai,baapdaada sabhi ko ek hi jaisa ek hi saath vardaan deta hai। lekin pharka kya ho jaata hai? nambarvaar kyon ban jaate?daata ek hai,aur den bhi ek hai, kisko thoda kisko bahut nahin dete hain, phraakdili se dete hain lekin pharka kya pad jaata hai? iska anubhav bhi sabhi ko hai kyonki abhi tak baapdaada ke paas yeh aavaaj pahunchta hai। jaante ho na kya? kabhi-kabhi thoda-thoda, yeh aavaaj abhi tak bhi aata hai - baapdaada ne kaha hai ki brahman aatmaon ke jeevan roopi dictionary mein yeh donon shabd nikal jaana chaahiye। avinaashi baap hai, avinaashi khazaane hain, aap sab bhi avinaashi shreshtha aatmaayen ho। to kaun sa shabd hona chaahiye? kabhi-kabhi ki sada? har khazaane ke aage check karo - sarva shaktiyaan sada hai? sarva gun sada hai?aap sabke bhakta jab aapke gun gaate to kya kehte hain?kabhi-kabhi gundaata, aise kehte hain? baapdaada ne har vardaan mein sada shabd kaha hai। sada sarvashaktivaan,kabhi shaktivaan, kabhi sarvashaktivaan nahin kaha hai। har samay do shabd aap bhi kehte ho,baap bhi kehte hain, samaan bano। yeh nahin kehte thoda-thoda samaan bano। sampanna aur sampoorn,to bachche kabhi-kabhi kya karte hain? baapdaada bhi khel to dekhte hain na! bachchon ka khel to dekhte hi rehte hain। bachche kya karte, koi-koi,sab nahin। jo vardaan mila us vardaan ko sochkar, varnan kar kaapi mein note karte, yaad bhi karte lekin vardaan roopi beej ko phaleebhoot nahin karte। beej se phal nahin nikaal sakte। sirf varnan karte khush hote bahut achha vardaan hai। vardaan hai beej lekin beej ko jitna phaleebhoot karte hain utna hi woh vriddhi ko paata hai। phaleebhoot karne ka rahasya kya hai?samay par kaarya mein lagaana। kaarya mein lagaana bhool jaate, sirf kaapi mein dekh,varnan karte bahut achha,bahut achha। baba ne vardaan bahut achha diya hai। lekin kislie diya hai? usko phaleebhoot karne ke liye diya hai। beej se phal ka vistaar hota hai। vardaan ko simran karte hain, lekin vardaan swaroop banne mein nambarvaar ban jaate hain। aur baapdaada har ek ke bhaagya ko dekh harshit hote rehte hain lekin baapdaada ki dil ki aash pahle bhi sunaaya hai। sabhi ne haath uthaaya tha, yaad hai ki ham kaaran ko samaapta kar samaadhaan swaroop banenge | yaad hai homework?kai bachchon ne roohaarihaan mein ya patron dvaara, email dvaara result likha bhi hai। achha hai, attention gaya hai lekin jo baapdaada ko shabd achha lagta hai, sada। woh hai? aap sabhi jo bhi aaye hain, chaahe suna hai, chaahe padha hai lekin ek maas ke hom work mein, ek maas hua hai bas,jyaada nahin hua hai to ek maas mein lakshya to rakha hai। ek do mein varnan bhi kiya hai lekin jo ek maas mein homework mein achhi marks lene vaale bane hain woh haath uthaao। jo paas hue hain, paas hue hain। paas with honour। paas with honour, utho। paas with honour ka darshan karna chaahiye na। maataayen nahin। bahinon mein, teachers ne haath nahin uthaaya। koi nahin। madhuban vaale?yeh to bahut kam result hai। (bahut thode uthe hain) achha centre mein bhi honge। mubaarak ho, taali to bajaao। baapdaada muskaraata hai ki jab baapdaada poochhte hain ki baapdaada se pyaar kiska hai?aur kitna hai?to kya javaab dete hain?baba, itna hai jo kah nahin sakte। javaab bahut achha dete hain | baapdaada bhi khush ho jaate hain | lekin pyaar ka saboot kya ? jisse pyaar hota hai,aajkal ki duniya vaalon ka body conscious ka pyaar to jaan kurbaan kar dete hain। parmaatma pyaar unke peechhe baap ne kaha aur bachchon ko karna mushkil kyon? geet bahut achhe-achhe gaate ho। baba ham nyochhaavar karne vaale parvaane hain,shama par phida hone vaale hain। to yeh kaaran shabd ko svaaha nahin kar sakte?

to abhi to is varsha ka last tarna aa gaya। doosre varsha mein kya hota woh to aap aur baap dekh rahe hain, dekhenge lekin kya yeh ek shabd samay ko dekh, aap log kehte ho na, samay ki pukaar hai। bhakton ki pukaar, samay ki pukaar, duhkhi aatmaon ki pukaar, aapke snehi, sahayogi aatmaon ki pukaar aap hi poorn karenge na! aapka title kya hai? aapka kartavya kya hai? kis kartavya ke liye brahman banen? vishwa parivartak aapka title hai। vishwa parivartan aapka kaarya hai aur saathi kaun hai? baapdaada ke saath-saath is kaarya mein nimitta bane ho। to kya karna hai?abhi bhi haath uthvaayenge,karenge to haath to sabhi utha dete hain। lakshya rakha hai,baapdaada ne dekha, total is varsha ki season mein sabhi ne sankalp kiya lekin saphalta ki chaabi dridhta - karna hi hai, uske bajaae kabhi-kabhi kar rahe hain,chal rahe hain,kar hi lenge। yeh sankalp dridhta ko saadhaaran bana deta hai। dridhta mein kaaran shabd aata hi nahin hai। nivaaran ho jaata hai। kaaran aate bhi hain lekin checking hone ke kaaran,kaaran nivaaran mein badal jaata hai।

baapdaada ne result mein check kiya to kya dekha?gyaani, yogi,dhaarna swaroop, sevaadhaari,chaar hi subject mein har ek yathaashakti gyaani bhi hai,yogi bhi hai,dhaarna bhi kar raha hai, seva bhi kar raha hai। lekin chaar hi subject mein anubhav swaroop, anubhav ke authority - uski kami dikhaai di। anubhvi swaroop, gyaan swaroop mein bhi anubhvi swaroop arthaat gyaan ko knowledge kaha jaata hai to anubhvi moorta aatma mein knowledge arthaat samajh kya karna hai,kya nahin karna hai, knowledge ki light aur might, to anubhvi swaroop ka arth hi hai gyaani tu aatma ke har karma mein light aur might natural hona chaahiye। gyaani maana gyaan, knowledge ko jaanna, varnan karna, uske saath-saath har karma mein light might ho। anubhvi swaroop se har karma natural shreshtha aur saphal hoga। mehnat nahin karni padegi kyonki gyaan ke anubhveemoorta hain। anubhav ki authority sab authority se shreshtha hai। gyaan ko jaanna aur gyaan ke anubhav swaroop ke authority mein har karma karna, usmein antar hai | to anubhvi swaroop hain ?check karo। chaar hi subject mein,aatma hoon lekin anubhvi swaroop hoke har karma karte hain? anubhav ki authority ki seat par set hain to shreshtha karma, saphalta swaroop karma authority ke saamne natural nature dikhaai degi। sochte hain lekin anubhvi swaroop banna,yogayukta raazayukta nature ho jaae,natural ho jaae। dhaarna mein bhi sarva gun svatah hi har karma mein dikhaai den। aise anubhvi swaroop mein sada rehna, anubhav ki seat par set hona iski aavashyakta ka attention rakhna,yeh aavashyak hai | anubhav ke authority ki seat bahut mahaan hai। anubhvi ko maaya bhi mita nahin sakti kyonki maaya ki authority se anubhav ki authority padamguna oonchi hai। sochna alag hai, manan karna alag hai,swaroop anubhvi swaroop bankar chalna, abhi iski aavashyakta hai।

to abhi is varsha mein kya karenge? baapdaada ne dekha ek subject mein majority paas hain। kaun si subject? seva ki subject। chaaron or se baapdaada ke paas seva ke record bahut achhe achhe aaye hain। aur seva ka umang utsaah is varsha ke seva samaachaaron ke hisaab se achha dikhaai diya। har ek varga ne, har ek zone ne bhinna-bhinna roop se seva mein saphalta praapta ki hai। iski baapdaada har ek zone, har ek varga ko padam padamguna mubaarak de rahe hain। mubaarak ho। plan bhi achhe-achhe banaaye hain। lekin abhi samay ke pramaan achaanak ki season hai। aapne dekha suna hoga ki is varsha mein kitne brahman achaanak gaye hain। to achaanak ki ghanti abhi tej ho rahi hai। usi anusaar abhi is varsha main chaar hi subject mein anubhvi swaroop kahaan tak bana hoon,kyonki chaar hi subject mein achhi marks chaahiye,agar ek bhi subject mein paas marks se kam hongi to paas with honour maala ka manka, baapdaada ke gale ka haar kaise banega! kisi bhi roop mein haar khaane vaala baap ke gale ka haar nahin ban sakta। aur yahaan haath uthvaate hain to sabhi kya kehte hain?lakshmi naaraayan banenge। chalo lakshmi-naaraayan va lakshmi-naaraayan ke parivaar mein saathi woh bhi banna shreshtha pad hai। isliye baapdaada sirf ek shabd kehte hain, abhi teevra gati se udti kala mein udte raho aur apne udti kala ke vibration se vaayumandal mein sahayog ka vaayumandal phailaao। kya jab prakriti ke liye aap sabne challenge ki hai,ki prakriti ko bhi parivartan karke hi chhodenge। hai na vaayda? vaayda kiya hai? kiya hai। kaandh hilaao, haath nahin। to kya apne hamjinsa manushyaatmaaon ko duhkh aur ashaanti se parivartan nahin kar sakte?ek to aapne challenge kiya hai aur doosra baapdaada ko bhi vaayda kiya hai,ham sabhi abhi bhi aapke kaarya mein saathi hain,paramdham mein bhi saathi hain aur raajya mein bhi brahma baap ke saathi rahenge। yeh vaayda kiya hai na! to saath chalenge, saath rahenge, aur abhi bhi saath hain। to baap ka ishaara samay prati samay practical dekh rahe ho - achaanak ever ready। kya daadi ke liye socha tha ki ja sakti hai? achaanak ka khel dekha na।

to is varsha ever ready। baap ke dil ki aashaaon ko poorn karne vaale aashaaon ke deepak banna hi hai। baap ki aashaaon ko to jaante hi ho। banna hai? ki ban jaayenge, dekh lenge… jo samajhte hain banna hi hai,woh haath uthaao। dekho camera mein aa raha hai। baapdaada ko khush to bahut achha karte ho। baapdaada bhi bachchon ke bina akela ja nahin sakta। dekho brahma baba bhi aap bachchon ke liye mukti ka get kholne ke liye intajaar kar rahe hain। advance party bhi intajaar kar rahi hai। aap intajaam karne vaale hain। aap intajaar karne vaale nahin, intajaam karne vaale hain। to is varsha lakshya rakho lekin lakshya aarai lakshan ko samaan rakhna। aise nahin ho lakshya bahut ooncha aur lakshan mein kamzori,nahin। lakshya aur lakshan samaan ho। jo aapke dil ki aash hai samaan banne ki,woh tab poorn hogi jab lakshya aur lakshan samaan honge। abhi thoda-thoda antar pad jaata hai, lakshya aur lakshan mein। plan bahut achhe banaate ho, aapas mein roohrihaan bhi bahut achhi-achhi karte ho। ek do ko attention bhi dilaate ho। abhi dridhta hamaara janma siddha adhikaar hai, is sankalp ko anubhav ke swaroop mein laao। check karo - jo kehte hain uska anubhav bhi karte hain? pahla shabd main aatma hoon, isi ko hi check karo। is aatma swaroop ke anubhav ki authority hoon,kyonki anubhav ki authority number one hai। achha।

(haal mein kuchh halchal hui) aap sab kis sthiti mein ho? halchal mein ho। attention dene vaale de rahe hain, aapko kya karna hai?shubh bhaavna ke vibration।

to socho har baat saamne laao। chaahe aatma,chaahe paramatma, chaahe chakra sabhi mein anubhav moorta kahaan tak bane hain? achha। abhi kisi bhi paristhiti mein sva-sthiti par sthit rah sakte ho? man ki ekaagrata (drill)achha। teen bindiyon ka smriti swaroop ban sakte ho na! bas fullstop। achha।

seva ka tarna panjaab zone ka hai, (panjaab himaachal, hariyaana,jammu kashmeer, uttaraachanl):-achha jo kaha hua hai na panjaab sher, woh sankhya bhi bahut achhi laaye hain। sabhi ko maaloom pad gaya to panjaab sher hai isliye sabhi umang-utsaah se pahunch gaye hain aur panjaab ka kitna bada punya ban gaya। ek brahman ki seva karte woh bhi kaisa brahman, aur aapne kitne braahmanon ki, sachche braahmanon ki seva ki। roj apna punya ka khaata jama kiya। yeh bhi drama mein ek punya ke khaate mein sahaj vriddhi ka saadhan hai। jo is umang utsaah se aata hai woh thode dinon mein bahut apna punya ka khaata jama kar sakta hai। aur ab sangamayug ke samay ka punya ka khaata bahut samay kaam mein aayega baaki panjaab ke seva ki report bhi dekhi। baapdaada pahle hi mubaarak de chuke hain। sevaakendra bhi hain, geeta paathshaalaayen bhi hain, vriddhi bhi ho rahi hai aur sabhi ke man mein is baari shivraatri ke samay ki bahut seva ke umang utsaah ki lahar hai। abhi jahaan jahaan bhi chaahe media dvaara, chaahe functions dvaara seva ka umang utsaah achha dikhaaya hai। abhi kya karna hai? abhi jo har ek ne sankalp kiya hai, baap ko pratyaksha karna hi hai। uski date apne parivartan ki kalam se set karo। pencil se set nahin hoga, yeh aapke parivartan ke teevra purooshaartha ki kalam se pratyakshata ki date sahaj hi fix ho jaayegi। to abhi baapdaada dekhenge ki kis zone ki pahla number report aati hai ki saara zone mansa-vaacha-karmana,sambandh-samparka mein nirvighna hai aur dridh hi rahega। ismen number one kaun rehta hai? sirf centre nahin,pahle centre ko majboot karo phir apne connection ke centre ko majboot karo, phir zone ko majboot karo। videsh vaale bhi desh videsh donon ko baapdaada kaarya de rahe hain। number one kaun aata hai। bhaarat mein zone ke roop mein hai aur videsh mein apne roop se banaaye hue hain na। America zone, aphreeka zone bana diya hai। kaun number one aata hai? nirvighna। ho sakta hai na! saara zone nirvighna ho jaae, ho sakta hai? ho sakta hai? bolo,pahli line bole। ho sakta hai? jayanti bolo, ho sakta hai? achha - teachers utho। baapdaada itni teachers ko dekh khush ho rahe hain। kyon teachers guroobhaai hain। (2100 teachers aai hain) achha hai teachers nimitta hain। nirvighna ban nirvighna vaayumandal banaane ke liye। to teachers lakshya rakhengi,lakshya rakhengi aur date fix aap karna,baap nahin karega। har ek zone ek do mein plan banaao aur ek do ko bhi prerna do। jis bhi zone mein koi bhi naya umang utsaah ka plan bane, to ek do ko bhi umang utsaah dekar sabhi ko nirvighna banaana hai। haath uthe,abhi to purooshaartha ke haath uthte hain,pratyakshata ke pahle sabhi ka haath uthe ki ham sada ke liye nirvighna hai,nirvighna rahenge। jab sabha mein sabhi ka aisa haath uthega to kitni vaah! vaah! ho jaayegi। aapke bhakta bhi khush ho jaayenge woh bhi apne apne sthaan par taaliyaan bajaayenge। vaah mere eeshta dev vaah! to karna hai na। karna hai? madhuban vaale, madhuban vaalon ko pahla number aana hai। aana nahin hai,karna hai। kyonki madhuban ki taraph sabki aakarshan hai। madhuban kahne se hi madhuban ka baba yaad aata hai। madhuban ki visheshta yeh hai। to baap samaan number one banna hai। sirf ek baat madhuban vaalon ko baba kahe,kahe? haath uthaao। karna padega। karenge? karenge?ismen haath kam uthaaye। madhuban nivaasi ek-ek apne ko jimmevaari de to mujhe baap samaan banna hi hai kaai bane nahin bane, mujhe banna hai | apni responsibility to utha sakte hain na। doosre ki chhodo, apni responsibility uthaaye mujhe banna hai। mujhe karke dikhaana hai। to aap sabka vaayumandal anek aatmaon ko madad dega। yeh nahin dekho yeh to karte nahin hain, yeh to badalte nahin hain, main badloon। doosra aapehi badlenge, main apni jimmevaari loon। karenge?peechhe bhi baithe hain madhuban vaale। achha kitna samay den? result6 maas ke baad poochhen। 6 maas theek hai। jo samajhte hain main badloon, doosre ko nahin dekho। doosre ko baapdaada dekhega। na doosre ka varnan karo, yeh aisa hai,yeh aisa hai,nahin। woh baap dekhega,mujhe badalna hai। madhuban ki bahnen hain, haath uthaao madhuban ki bahnen। achha। bahnen bhi karengi na। shakti sena ko to aage rehna hi hai। 6maas mein doosre ko nahin dekhna,kaaran nahin bataana isne kiya na। karenge zaroor,pareshaani denge, kyonki maaya sun rahi hai na। baaten aayengi। aap kaho baaten hi nahin aaven, yeh nahin hoga, lekin majhu o badalna hai। theek hai। achha। teachers,teachers to nimitta hain। sab teacher chaahe chhoti chaahe badi। ismen chhote nahin ho na, sab bade hain। sabhi teachers bhi himmat rakhti ho, himmat hai? 6 maas dete hain। haath uthaao jo karengi। baaten aayengi। yeh nahin kehna mainne koshish ki, koshish nahin। baap ke pyaar ki kashish,koshish nahin। theek hai teachers। teachers haath uthaao, do-do haath uthaao। sabhi dekh rahe ho। haath uthaaya hai। mubaarak ho। teachers aur madhuban nivaasi number one। jo ote so arjun। arjun maana baap samaan। kaaran nahin bataana,kaaran to aayenge, pahaad jaise kaaran aayenge, himmat nahin haarna। welcome। kaarnon ko kaho welcome aur second mein vidaai de do। teen bindiyon ki chaabi, saphalta ki chaabi teen bindiyaan। yeh hamesha saath mein rakhna। achha। abhi teachers baith jaao।

karnaatak zone vaale ek saal svaarnim kanaartak banaane ki seva karke aaye hain:- baapdaada ne dekha service achhi ki hai। jitna bhi tan-man-dhan umang-utsaah lagaaya hai। woh dil se lagaaya hai |baapdaada jaise svarnim kanaartak manaaya hai to baapdaada bhi dil ki duaayen aur dil ki mubaarak padam padamguna de rahe hain। plan bhi achha banaaya aur practical kiya hai। baapdaada ne aapke board yahaan dikhaane ke pahle dekh liya। baith jaao।

double videshi:-abhi double videshiyon ko sirf double videhi nahin kaho,double teevra purooshaarthi। hain na double purooshaarthi?achha hai। baapdaada ne dekha ki sva purooshaartha ke oopar jo bhi group tarna by tarna aaye unhon ka attention achha raha hai। teachers ne bhi mehnat ki hai aur svayan bhi purooshaartha achha kiya hai। kaeeyon ke patra bhi baap ke paas pahunche hain। teevra purooshaartha ki anubhooti ki hai। isliye double purooshaarthi nahin lekin double teevra purooshaarthi। baapdaada dekh rahe hain ki seva ka lakshya double teevra purooshaarthi bachchon ne apni-apni area mein koi gaanv bhi rah nahin jaae, yeh attention achha diya hai। aur plan banaaya bhi hai। ulhana to nahin rahega na। koi bhi gaanv vaala ya shahar vaala aapko yeh to ulhana nahin dega ki aapne bataaya nahin,hamaara baap aaya aur aapne humein bataaya nahin। us samay to chillaayenge na! isliye seva ka umang hai aur attention bhi hai sva unnati ke prati।

teevra purooshaartha ka arth hi hai jo galti ek baar correct kiya,woh dubaara nahin ho। aise nahin ki ek hi galti baar-baar hoti rahe aur kaho ham teevra purooshaarthi hain | isko teevra parooshaartha nahin kahenge। baapdaada ne suna hai ki madhuban mein bhi teevra purushaarthiyon ka group hai,woh haath uthaao। utho। teevra purooshaarthi। bahnen nahin hain। to teevra purooshaartha ka arth samjha, ek baar jo galti ho jaae,jagdamba maa ne shuru-shuru mein sabhi ko yeh attention khinchavaaya। kehte teevra purooshaarthi hain aur ek galti baar-baar hoti rahe, to correction kya kiya? iseelie teevra purooshaarthi group madhuban nivaasi va madhuban ke paas rahne vaale jo bhi hain double foreigners bhi baapdaada ne title diya hai,double teevra purooshaarthi। to baar-baar vahi bhool hoti rahe to teevra purooshaarthi ka naam kharaab ho jaata hai। isaalie aap teevra purooshaarthi group dhyaan dena। achha hai। aapas mein group banaaya hai, achha karte। achha double videshi,baapdaada khush hai lekin khush hai ek aur baat ki khushi laani hai, kabhi bhi apne ko combined roop se akela nahin karna। akela karna arthaat maaya ko welcome karna। isliye combined sarvashaktivaan ka phaayda uthaana aur samay par hi maaya akela karti hai, yeh attention rakhna। sada combined,baapdaada ne pahle bhi kaha hai to double videshiyon ko company achhi lagti hai, companion achha lagta hai। to kabhi bhi akela nahin banna। jab baap offer kar raha hai,main saath dene ke liye sada saath hoon। achhi result hai। result achhi hai lekin aur achhe te achhi dikhaani hi hai। achha। har tarna mein aana,yeh bahut achhi system banaai hai। abhi to videsh aise ho gaya hai jo India aur hi door lagta hai,videsh najdeek lagta hai। videshi chatursujaan hain, agle saal ke liye pahle hi ticket ka intajaam kar lete hain। baapdaada ko yeh videshiyon ki chaturaai achhi lagti hai। achha।

abhi maataayen utho:-maataayen aur kumaariyaan। pauna haal maataaon aur kumaariyon ka hai। maataaon ko kumaariyon ko nasha hai। sangamayug ki maataayen, shiv shaktiyaan kam nahin hain। baapdaada to maataaon ko dekh ek baat mein khush hote hain,paandavon ko dekhkar bhi khush hote hain lekin maataayen abla se shiv shakti ban gai। maataayen challenge kar rahi hain, ham bhaarat ko svarga banaake hi chhodenge। to maataaon mein himmat hai। baapdaada bhi maataaon ko vishesh namaste karte hain। achha। shiv shakti sena ho। kamaal karke hi dikhaani hai। nasha rakho ham nahin karenge to kaun karega। achha।

paandav utho:-paandavon ki visheshta hai। sada paandavapti ke saath-saath saathi rahe hain। vijay praapta karne mein bhi yaadgaar mein paandav dikhaaya hua hai। to paandavon ki visheshta hai paandav, paandavapti ke pyaare hain। paandavon ka naam hi hai paandavapti ke saathi। shiv shaktiyon ka part apna hai। paandavon ke bina seva mein vriddhi ka aadhaar kam ho jaata hai। shivshaktiyaan hain sakaash dene vaali aur paandav hain vaaris aur sahayogi banaane vaale। dekho,bade bade programme paandavon ke bina ho nahin sakte। iseelie chaturbhuj roop ka yaadgaar hai। shiv shaktiyaan paandavon ke bina nahin kar sakti paandav shaktiyon ke bina nahin kar sakte। isliye har ek paandav ke mastak mein vijay ka tilak laga hua hai,usko emerge karo। baapdaada har paandav ke mastak mein vijayi paandav ka tilak dekhte hain। to achha hai, sabhi samajhte hain is varsha ka last baari hai, to iseelie sabhi se mile na। madhuban vaalon se bhi mile। aur baapdaada ko chhota sa sangam bhavan bhi yaad hai। bahut mehnat karte hain aur pyaar se mehnat karte hain। sangamabhvan vaale utho। achha। chaahe seva mein hain। lekin dil se seva karte hain। din-raat mehnat achhi karte hain, pyaar se karte hain isliye baapdaada bhi,hai chhota lekin kaarya bada karte hain। aur inhon ke kaarya ke pyaar ke aadhaar se aap sabhi ko salvation mili hain। pahle yahaan itni train nahin aati thi,abhi kitni train aati hain to inhon ke seva ke prabhaav se aapko salvation achhi milti hai। isliye sabhi in thode se sevaadhaariyon ko dil se mubaarak do। achha। abhi milan ho gaya, kiski shikaayat nahin rahegi mile nahin। sabse mile na।

(bachche rah gaye) bahut bachche hain।bahut achha। bachchon ke bina to raunak nahin hoti hai। aur bachchon ko dekhke sabhi ko bachchon ke prati bahut pyaar paida hota hai। baapdaada ko bhi khushi hoti hai ki vaah! bachchon ka luck,jo bachpan se hi kitni baaton se bach gaye। bachche woh jo maaya ki baaton se bache hue hain। aise bachche ho na। aise ho? haath uthaao। bache hue ho। bachcha arthaat bacha hua। aur bachche to sikeeldhe hote hain, to aage badhte chalo। bachche bhi kamaal karte hain। jo baapdaada ka slogan hai bade to bade hain lekin chhote samaan allaah hain। samaan banenge na! baap samaan banke vishwa ke aage nimitta banenge। sabhi bachche teevra purooshaartha karna। purooshaartha nahin teevra purooshaartha। aise achhe bachche ho na। achhe ho। haath uthaao jo achhe bachche hain। kumaariyaan bhi hain। achha hai। kai baar baapdaada ne dekha hai, maa baap se bhi bachche purooshaartha mein bahut aage hote। bachche maa baap ko yaad dilaate hain, maa baap thoda neeche oopar karte hain na to bachche kehte hain ki teacher ko sunaayenge। lekin pyaar se kehna, gusse se nahin kehna,pyaar se kehna। achha hai। janak, bachchon ki khaas party karna। aap aur nirvair donon milke party dena। khush ho jaayenge bachche। aur sada khush rehna, rona nahin। kabhi kabhi bhi nahin, sada khush। rona nahin, roosna nahin। achha party dena। achha।

abhi to sabse mil liya, phir line mein kyon aayenge?achha lagta hai, madhuban mein mela nahin lage to soona ho jaaye। iseelie aap sabhi mele mein aaye ho,yeh parmaatma pyaar aapko kheench ke laaya hai।

jo pahle baari aaye hain woh haath uthaao। to pahle baari aane vaale sikeeldhe bachchon ko pahle baari ki mubaarak hai। aur sabhi ko baapdaada vishesh vardaan de raha hai,vardaan hai ki jaise abhi purooshaartha kar aane ke paatra bane ho, yeh bhaagya liya hai aise hi amar bhav rehna। maaya aave to maaya ka get banda kar dena। maaya ka get jaante ho? body conscious ka main aur mera। is get ko banda kar denge to amar rahenge। to amar hain na। amar hain? maaya aayegi to kya karenge? teevra purooshaartha karenge? amar rehna aur auron ko bhi amar banaana। achha।

abhi ek second mein apne shreshtha svamaan baapdaada ke diltakhta nasheen hain, is roohaani svamaan ke nashe mein sthit ho jaao। takhtansheen aatma hoon, is anubhav mein lavleen ho jaao। achha।

chaaron or ke ati lovely sada baap ke lav mein leen rahne vaale,sada svamaandhaari,svaraajyadhaari vishesh aatmaon ko chaaron aare ke umang-utsaah ke pakhon se udne vaale aarai apne man ke vibration se vaayumandal ko shant shreshtha banaane vaale sabhi ko baap ka sandesh de duhkh se chhudaae mukti ka varsa dilaane vaale, sada dridhta dvaara saphalta praapta karne vaale aise chaaron or ke dil ke sameep rahne vaale aur sammukh aane vaale sabhi bachchon ko dil ka dulaar aur dil ki duaayen,yaadapyaar aur namaste।

daadiyon se:- aap logon ko dekh sabhi khush ho jaate hain kyonki aadi ratna ho na aur nimitta bane hue ho। aapas mein milkar ek do ki raay ko mahatva dete hue yeh parivartan ka kaarya kar rahe ho aur karte rahenge। yeh chhota sa sangathan hai na। ek do ki raay ko regard dete hue sabhi ko nimitta aur nirmaan banaane vaale vishesh kaarya ke nimitta bane hue ho। achha hai। aapas mein sangathan banaaya hai na। to is sangathan ko jitna achhi tarah se badhaayenge,samay denge utna hi sabke dil mein umang utsaah badhaayenge। theek chal raha hai na! chalta rahega। baapdaada sab dekhte rehte hain। jitna aapka sangathan salvation dene ke nimitta banega utna hi chaaron or ka vaayumandal shaktishaali banega। abhi madhuban mein jo vishesh ishaara diya hai ki har ek apne ko check kare, apne ko baap samaan banaaye। to ek-ek apne ko karne se sangathan svatah hi badalta rahega। yeh smriti baar-baar dilaate raho। sva-parivartan se auron ko bhi parivartan aur vishwa bhi parivartan। pahle aapas mein parivartan phir vishwa mein parivartan। to sab theek chal raha hai na! theek chal raha hai, sahaj chal raha hai। ek-ek ko vardaan swaroop banne ki sthiti smriti mein dilaate raho। vardaan achha hai nahin, achha banna hai। theek hai। achha।

ramesh bhaai se:-account sahaj ho jaae uske liye ek do ki baat ko ishaare se samajh aur ishaara dete raho kyonki bahnon ko yeh hisaab-kitaab kam aata hai। lekin aapne phir bhi itna laayak banaaya hai। abhi auron ko bhi anubhvi banaate chalo। kaanoon to badlegi,inka kaam hi kya hai। aise hi chalaate chalen to kya kahenge, yeh government ne kya kiya to kuchh badlegi kuchh banaayegi yeh to hoga hi। yeh to abhi seekhti jaati hai,kaaphi seekh gai hain aur bhi aap sikhaate rahenge to hoshiyaar ho jaayengi।

usha behen se:- theek hai। achha hai na। sooli se kaanta to hai na। himmat hai,himmat rakhne se sahaj ho jaata hai। sochne se badi baat ho jaati hai aur himmat se chhoti baat ho jaati hai। to himmat achhi rakhi hai | baapdaada bhi mubaarak de rahe hain himmat ki।

da.anila behen se:- yeh sada ekras rahi hai। jhanjhaton mein nahin phansi hai। achha hai,part achha hai। abhi himmat hai na! paper to aate hain lekin aap paas with honour। theek hai na। sahaj hai na, mushkil to nahin lagta। himmat hai aur sabka pyaar bhi hai। saare parivaar se pyaar hai।

bhoopaal bhaai sehnirvighna kaarobaar। achha। golak bhaai se:- kaarya chal raha hai na,chalaate chalo। vaarshik meeting ke liye vishesh:- meeting mein chaar hi subject ko har ek sthaan mein cover kaise karen,kabhi service aage ho jaati hai, kabhi sva-unnati,dhaarna aage ho jaati hai। to chaar hi subject mein paas with honour banna,yeh attention dilaana hai। ek subject mein bhi agar paas with honour nahin to vijay maala ka manka banna mushkil ho jaayega। aur ek do ke prati kaise bhi ho lekin brahman parivaar ka to hai, har ek ke prati shiksha bhi ho aur saath mein kshama bhi ho। isi vidhi se sangathan ko pakka karen। kyonki abhi centre mein,har ek centre to nirvighna banen। uske liye har ek apne vidhi pramaan koi nai nai baaten nikaalen। centre par kya hota hai,woh sab anubhvi hain aur kya karen, kis baat ka attention rakhen jo pahle centre nirvighna banen, phir zone nirvighna banen। svabhaav to bhinna bhinna honge aur paper bhi aayenge lekin inko paas kaise karen, yeh vidhi pakki dhyaan mein rahe aur beech beech mein har zone bhi aapas mein result nikaalte rahen। aage kya karen, aage kya karen…। yeh hua, yeh hua, isko kam karen, aage kya karen uska spashteekran jyaada ho। (is varsha ke liye title) aap nikaalo phir final karenge।

double videshi badi bahinon se:-is baari baapdaada ne bhi dekha to attention bahut achha diya hai। last group tak dil se seva karke dikhaaya aur return mein result bhi dekhi। kyonki yeh madhuban ka hi chance milta hai ikatthe hone ka। chaahe group group ho lekin sab taraph ke ikatthe hote hain,to is baari yeh result achhi dikhaai di। mehnat bhi ki। (jayanti behen ne Italy vaalon ki yaad di) Italy vaalon ko kehna ki aapki khushi himmat umang utsaah kabhi talne vaali nahin hai। Italy ka arth hai kabhi talegi nahin। (meera behen se) yeh bhi saathi rahi hai। achha hai। abhi foreign vaale bhi samajh gaye hain sabhi baaton ko। pahle naye naye the na abhi sab jaan gaye hain kya karna hai,kya nahin karna hai। samajh bhi gaye hain। apne purooshaartha ko bhi samajh gaye hain, achha hai। (mohini behen ne videsh vaalon ki khaas yaad di) sabhi ki yaad pahunch gai।

chandrahaas baabu ji sehhisaab kitaab aaya hai। hisaab kitaab chuktu to karna padta hai na। aap apne mein himmat samajhte ho, operation karaane ki himmat samajhte ho? (doctors ne kaha hai is umra mein operation na karaayen to theek hai) yeh to achha hai। davaai aur duaayen। dava mein duaayen bharkar dava lena to double kaam ho jaayega। to mukta ho gaye।

karsan bhaai patel (nirma group ke maalik):-aapki ek visheshta hai,jaante ho?visheshta yeh hai ki murli se pyaar hai। jiska murli se pyaar hai,uska murleedhar se automatic hai। to murli ke kaaran aage badh rahe ho। murli shreemat deti hai। aur shreemat milte hi us par chalne se automatically shakti milti hai। to baapdaada khush hai, donon par। (sab baba ke ban jaaen) banenge kahaan jaayenge। yeh jaanta hai, group banaao, nimantran dekar sandesh de do, ulhana nahin den। yeh hoshiyaar hai,dega।

mehmaanon se:-

1-nimitta samajhkar chalo। apne ko sada bephikar baadshaah rakho। phikar koi nahin rakho। phikar aave na, to bahnon ko bata do, baap ko de do। aap to trustee ho na,maalik to baap hai na, to koi bhi baat hoti hai, maalik ke oopar chhodo,aap trustee banke chalo। ismen bephikra rahenge। jo svayan ko anubhav hota hai,woh auron ko dene ke bina rah nahin sakte। khushi hai na। to khushi baantane ke bina rah nahin sakenge। aur aap bhi khushi denge। sab khush honge na yeh khush kyon rehta hai, to seva ho jaayegi। yeh bhi seva karte।

2-jiska murli se pyaar hai na, woh samjho nirvighna ho jaayega। aap murli padhte ho,sunte ho?ghar mein padho,ek point bhi padho, lekin murli zaroor padho, phir pyaar ho jaayega phir koi kahega na,nahin karo to bhi karenge। achhe hain, abhi sahayogi bhi hain, snehi bhi hai, abhi sahjayog mein number one। saara group sahajyogi mein number one। inko bhi umang bahut hai। teenon chaaron ko hai। baapdaada umang utsaah ki mubaarak dete hain।

3-abhi to brahman parivaar ke ho gaye na। brahman parivaar kitna ooncha parivaar hai aur kitna bada parivaar hai। to brahman banna yeh bahut bada bhaagya hai। to aapne apna bhaagya le liya। le liya na। har kadam mein apne shreshtha bhaagya ko smriti mein rakh aage badhte chalo। achha hai।