Avyakt murli du lundi 9 mars 2009

>

09-03-09 om shanti avyakt baapdaada madhuban

‘‘holi ki vishesh saugaat pharishta dress roj beech-beech mein dhaaran karna aur puraane sanskaaron ki holi jalaana’’

aaj holiest baap apne holi bachchon se holi manaane aaye hain। sabhi bachche holi bachche hain। aap sab bhi holi manaane aaye hain। socho aap holi aatmaon ke oopar kaun sa rang laga jo holi ban gaye! rang to anek hain lekin aapke oopar kaun sa rang laga? sabse shreshtha rang kaun sa hai jisse aap holi ban gaye? sabse bade te bada rang hai parmaatma sang ka rang। to parmaatma sang ka rang lagne se sahaj holi ban gaye kyonki parmaatma sang avinaashi sang ka rang hai aur rang to thode samay ke liye hota lekin parmaatma sang ka rang lagne se sahaj hi holi arthaat pavitra ban gaye। aatma ka rang apvitrata se pavitra ban gaya kyonki aap sabne paramatma ko apna companion bana liya company bana liya isliye combined ho gaye। yeh combined swaroop pyaara lagta hai na! yeh combined roop kabhi bhi alag nahin ho sakta। anubhav hai na! sada combined rehte ho na! akele nahin। maaya akele karne ki koshish karti hai lekin jo sada combined rahne vaale hain woh kabhi bhi alag ho nahin sakta kyonki maaya alag karke phir puraane sanskaar ko emerge karti hai aur puraane sanskaar emerge ho jaate hain to shuddh sanskaar merge ho jaate hain। puraane sanskaar hai albelaapan aur aalasya yeh bhinna-bhinna roop mein emerge hone se combined roop alag ho jaata hai। to har ek apne ko check karo ki sada combined rehte hain va kabhi akele bhi ho jaate hain? maaya ke anek svaroopon ko to jaan gaye ho na! woh chaturaai se apna rang laga deti hai। alag hona arthaat maaya ke rang mein rangana। yeh albelaapan aalasya bahut bhinna-bhinna roop se aata hai। usko pahchaanne ke liye maaya apne taraph aakarshit kar deti hai aur bachche bhi yeh albelaapan aur aalasya jo raavan ka khazaana hai yeh baap ka khazaana nahi hai raavan ke khazaane ko bade nashe se kehte hain ki main chaahta nahin hoon chaahti nahin hoon lekin mera sanskaar hai। sanskaar mera kahne lagte hain। kya yeh parmaatma khazaana hai? ya raavan ka khazaana hai? usko mera sanskaar kehna socho right hai? mera bana dena yeh maaya ki chaturaai hai। baap ka khazaana pyaara hai ya yeh raavan ka khazaana pyaara hai? common reeti se bachche apne ko chhudaane ke liye kah dete hain mera sanskaar hai chaahti nahin hoon। to socho kya yeh mera hai! baap kehte hain ki raavan ke khazaane ko apna banaane se dheere-dheere jo shubh sanskaar hain woh samaapta hote jaate hain। parmaatma sang ka rang dheela hota jaata hai aur maaya ka rang emerge ho jaata hai। to chalte-chalte apne ko hi check karna hai kaun sa rang chadha hua hai? log bhi holi mein kya karte hain? pahle buraai ko jalaate hain phir rang lagaate hain manaate hain। to aapke oopar baapdaada ne sang ka rang to lagaaya lekin saath mein gyaan ka rang shaktiyon ka rang gunon ka rang woh lagaata rehta hai।

to sabhi ke oopar yeh roohaani rang chadha hua hai na! chadha hai? haath uthaao। roohaani rang chadh gaya, utarne vaala to nahin hai na! jiske oopar roohaani rang chadh gaya, avinaashi rang chadh gaya, uske oopar aur koi rang lag nahin sakta। is rang se kitne holi ban gaye ho? jo saare kalpa mein aap jaisa holi pavitra aur koi ban nahin sakta। aapki pavitrata prabhu ke sang ka rang, parmaatma combined rahne ka anubhav sabse nyaara aur pyaara hai। aur jo bhi holi, pavitra bante hain to unhon ka shareer pavitra nahin banta, aatma pavitra banti hai lekin aap aise holi bante ho, pavitra bante ho jo aapka shareer aur aatma donon pavitra rehte hain। aur pavitrata ko sukh, shanti, prem, aanand ki janni kaha jaata hai। jahaan pavitrata hai vahaan sukh shanti saath mein hai hi hai kyonki jahaan janni hoti vahaan bachche hote hain kyonki baap aake aapko aisa holi banaata hai jo aapke jad chitra kaliyug ke last janma mein bhi aap apne chitra dekhte ho kitne vidhi poorvak unhon ki pooja hoti hai, yeh pavitrata ki visheshta hai aur kitne bhi mahaan aatmaayen, dharma aatmaayen pavitra bane hain lekin mandir kiska nahin banta hai। aise vidhi poorvak pooja kiski bhi nahin hoti hai aur last janma tak aapke chitra bhi duaayen dete rehte hain। thode samay ka sukh shanti anubhav karaate hain। to aapki holi aur duniya vaalon ki holi kitna pharka hai! bhale manoranjan ke liye aap bhi thoda bahut manaate ho lekin sachchi holi parmaatma sang ke rang ki aur combined swaroop ki yathaartha holi aap manaate ho। holi ko log bhi bhinna-bhinna roop se manaate hain, vaise aap jaante ho ki holi shabd ka bhi rahasya hai, jo aap hi jaante ho, aap hi manaate ho। holi ka arth hai, ho li, beet chuka so beet chuka। to aap sabne jo puraani jeevan, puraani baaten, puraane sanskaar, puraane vyartha sankalp ko ho li kar di na। beeti so beeti karna arthaat ho li। to aise kiya hai? ki abhi bhi kabhi galti se puraane sanskaar aa jaate hain? jab hamaara janma hi naya hai, aap sabhi marjeeva bane ho na! bane ho? marjeeva bane ho? haath uthaao। achha। naya janma ho gaya। to puraana janma kaise yaad aata? puraana, puraana ho gaya। agar beeti baaten ya sankalp, sanskaar emerge hota hai to kya kahenge? holi manaai? ho li kiya nahin। parmaatma sang ka rang achhi tarah se laga nahin। parmaatma sang ka rang lagna arthaat puraana janma bhool jaana। puraani baaten bhool jaana। kyonki marjeeva ho gaye na। jaise shareer se ek janma chhodkar doosra lete ho to kya puraana janma yaad rehta hai? to aap sabhi abhi brahman janma dhaaran karne vaale ho। to pichhle janma ke sanskaar jisko kehte ho galti se mere sanskaar hain, aapke hain? hain, brahman jeevan ke sanskaar hain yeh? kabhi albelaapan, kabhi royal aalasya, aalasya ke bahut bhinna-bhinna roop hain। kabhi is par class karna। aalasya kitne prakaar ke hain aur kitne royal roop se aate hain!

to brahman jeevan arthaat naya jeevan ismen puraana kuchh ho nahin sakta। to aaj holi manaane aaye ho na! to holi arthaat ho li to aaj holi manaana arthaat puraane sanskaar ki holi jalaana। jalaane ke baad hi manaana hota hai। to abhi aapke manaane ka swaroop hai। jala diya abhi manaana hai। prabhu ke sang ke rang ka maja lene vaale ho। combined rahne ka anubhav karne vaale ho kyon? holiest baap ne aapke oopar holi banne ka pavitra banne ka rang lagaaya hai।

to aaj kaun si holi mana rahe ho? aaj vishesh koi bhi puraane sanskaar ko aane nahin dena hai yeh holi manaani hai। mana sakte ho ya kabhi-kabhi aa jaayenge? yeh royal shabd ki main karne nahin chaahti thi chaahta tha lekin mere sanskaar hain। yeh shabd aaj dridh sankalp ki vidhi se samaapta kar lo। aisi holi aaj sada ke liye manaane ki himmat rakhte ho?ki kabhi-kabhi manaayenge? jo samajhte hain ki aaj se puraane sanskaar ki holi ho li beeti so beeti janma naya hai woh puraana janma khatma। aisi himmat rakhne vaale aap baap ke meethe-meethe laadle sikeeldhe bachche ho na! to yeh sankalp dridh sankalp nahin yeh dridh sankalp karne ki himmat hai? haath uthaao। dekho sabhi ne himmat rakhi hai। chalo thode rah bhi gaye lekin aap sab to saathi ho na। pakke saathi do haath uthaao। yeh photo nikaalo sabka। achha। double videshi bhi utha rahe hain।

to baapdaada aapko padam padamguna mubaarak de rahe hain holi ko ho li manaane ki। abhi galti se bhi apne mukh se yeh shabd nahin nikaalna। mera sanskaar raavan ke sanskaar ko mera kehte ho kamaal hai! raavan ko dushman kaha jaata hai dushman ka khazaana apna banaana yeh to aashcharya ki baat hai! aapko bhi aashcharya lag raha hai na ki kya kehte hain! galti se kah dete ho। kah dete hain phir andar mein dil khaati bhi hai mahsoos bhi karte hain baap se baaten bhi karte maaphi bhi lete hain। baba kal se nahin karoongi karoonga। phir bhi kar dete hain। abhi baapdaada kya kare? dekhta rahe? abhi is shabd ki holi jala lo। dekho jalaane mein bhi ek bahut achhi baat bataate hain koki ko dhaaga baandh ke pakaate hain to jab koki pak jaati hai aur nikaalte hain to koki pak jaati lekin dhaaga nahin jalta hai। yeh nishaani bhi aapne pahla paath jo padha hai ki aatma avinaashi hai aur shareer vinaashi hai। to baapdaada apne yeh tyohaar ya shaastra banaane vaale hai to baap ke bachche hi lekin aap ho sikeeldhe lekin baapdaada dekhte hain ki unhon ki bhi kamaal kam nahin hai। aate mein namak hai lekin banaaya bada ramneek hai। har tyohaar ka aap dekho yaadgaar banaaya hai lekin kai baaten jo sookshm hai usko sthool roop de diya hai। lekin yaadgaar to banaaya hai na! bhakti mein bhi kam to nahin kiya bhakti ne dvaapar kaliyug mein phir bhi kuchh na kuchh smriti ki baaten rakhi। ati vikaari banne se bachaaya। to baapdaada yeh saamagri tyohaar ya shaastra banaane vaalon ko bhi unka phal deta hai। phir bhi bhakti mein kuchh to yaad karte hain vikaaron se thode time ke liye bach jaate hain।

to aapne aaj kaun si holi manaai? kaun si holi manaai? ho li sab kaho ho li। aise karo ho li। pakka hai na! manaaya? manaaya? achha। phir kal maaya aayegi kyonki maaya bhi sun rahi hai lekin aap aise nahin karna। (apni or nahin bulaana) maja hai na ismen maja hai na। maje mein rehna।

baap ko yaad rakhna to baap humein kitna roohaani rang daal raha hai jisse aap holeehans ban gaye। holeehans arthaat nirnay shakti vaale holi hans। koi bhi kaam karo na to ek seat fix kar lo pahle us seat par set ho phir nirnay karo woh seat jaante ho woh seat hai trikaaldarsha ki seat। pahle trikaaldarsha ki seat par set ho teenon kaalon ko dekho sirf vartamaan nahin aadi madhya ant teenon kaalon ko dekho teenon kaal mein phaayda hai ya nuksaan? kai bachche bade chatur hain। chaturaai sunaaoon? kya kehte hain aisa kaam ko chalaana tha na iseelie kaam chala liya baaki main samajhti thi samajhta hoon karna nahin chaahiye lekin kar liya। lekin chalo kar liya to karma ka phal to milega na! to chaturaai nahin karna baap ko bhi bahut rijhaate hain। galti karte hain na phir baapdaada ko aisi aisi baaten sunaate hain - baba aap to merciful ho na! aap to kshama ke saagar ho na! baap ko bhi yaad varaate hain to aap kaun ho! aapne kaha hai na mere ko sunaake khatma kar do। lekin mahsoosta se sunaake khatma kar lo। ek akshar pakka karte ho suna to dete ho lekin pahle dridh sankalp se sva ko parivartan karke phir sunaao। rijhaate bahut hain aapne kaha hai na! baap ko bhi yaad dilaate hain aapne yeh kaha hai na aapne yeh kaha hai na। badi chaturaai karte hain। abhi chaturaai nahin karna। himmat rakhna। karna hi hai ge ge nahin karna।

baapdaada saare din mein ge ge ke geet bahut sunte hain। karenge dikhaayenge banenge lekin speed kya? ge ge vaale baap ke saath chalenge? baap to ever ready hai aur ge ge vaale ever ready to nahin hue। to baap ke saath kaise chalenge? dekhte rahenge baap ke saath ja rahe hain। baap ko ek-ek bachche se padamguna pyaar hai। baap nahin chaahte ki mere bachche aur saath nahin chalen। jab ghar lautne ka samay aa gaya hai to kya ghar nahin chalenge? kyonki ghar jaake phir raajya mein aana hai। ghar nahin chalenge saath mein to brahma baap ke saath raajya mein bhi nahin aayenge peechhe aayenge। to aapka vaayda kya hai? saath chalenge ya aa jaayenge…ismen bhi ge ge lagaayenge। pahunch jaayenge dekhna baba zaroor pahunch jaayenge। to yeh bhaasha abhi samaapta karo।

aaj baapdaada ne vatan mein bhi holi manaai kiske saath? aap to abhi manaayenge। advance party vaalon ke saath holi manaai। advance party hai na naam hi advance party hai। to baapdaada ne advance holi manaai। jaante ho kya holi manaai? sabhi advance party vaale naye va puraane aajkal ke gaye hue mahaarthiyon ko bhi aap yaad karte ho na unhon ko bhi emerge kiya kyonki abhi jaane vaale jo bhi hain unhonne bachpan se leke yaani kaaphi samay se apna seva ka part bajaaya। aap bhi un saathiyon ko yaad to karte ho na! jagah to bharni padti hai na। to aaj vatan mein mama aur deedi aur daadi trimoorti ko vishesh sabhi ke sangathan ke beech khada kiya aur saathi to the lekin in teenon ko vishesh part se khada kiya aur inhon ko yaad dilaaya yaad hai bhi। lekin inhon ko gupta roop mein seva karni padti hai। amritvele yeh bhi vatan mein emerge hote hain aur seva par jaate hain। seva jo vishesh aatmaayen hain unhonne chhodi nahin hai। vatan mein amritvele inhon ka fix hai aana apne asli brahman jeevan mein emerge hona aur chaaron or koi na koi seva arth mansa seva mansa se man aur buddhi dvaara aatmaon ke man aur buddhi ko aakarshan karne ki vishesh seva karte hain। to baapdaada ne aaj in trimoorti se poochha ki aap kya kar rahe ho?

baap jaanta to hai phir bhi poochhta to hai na। to inhonne kaha ki ham do prakaar se prerna dete hain ek halchal machaane vaalon ko bhi aur doosra naye srishti ke nimitta banne vaalon ko bhi kyonki ham intajaar kar rahe hain to mama ne kaha ki humein to bahut time ho gaya hai intajaar karte। to hamaari sakhiyon se poochhna ki kya abhi tak intajaar karaana hai ya kuchh intajaam karna hai! to mama ki ya daadi deedi ki sakhiyaan to bahut baithi hain sakhe bhi baithe hain। saath rahne vaale bhaai bhi hain bahinen bhi hain to unhon ka prashn hai to intajaar karna hamaara kaam hai aapka advance stage vaalon ka kya part hai? ham to intajaar kar rahe hain aapka kaam hai intajaam karna। hamaara kaam hai intajaar karna। to kab date fix karenge? aap sab baba ke bachche jab samaan sampoorn banenge tab intajaam hoga। to deedi ne kaha to meri taraph se ek prashn sabhi se poochho। deedi ne kya kaha? to aap sabhi jaante bhi ho kehte bhi ho ever ready। to sampanna aur sampoorn banne mein ever ready ho? aur daadi ne kya kaha? aaj roohrihaan chal rahi thi। daadi ne kaha to mere se jab bhi koi milta tha to dekha sab kehte bhi the mere ko to daadi aapko to karmaateet karmaateet banna hai yahi taat lagi hui hai। ham bhi to saath mein chalenge na। to abhi bhi main apne saathiyon ko yahi kehti hoon ki karmaateet banna hi hai kab? kab ko ab mein kab badli karenge? to baap to muskaraate rehte hain। to aaj pahle inhon ki roohrihaan chal rahi thi aur bhi sabhi unhon ko saath dete the mama yeh bahut achha kaha deedi aap thoda force bharo na aur daadi ko kehte the to daadi aapne to sabhi ko saath diya। baba ke avyakt hote jo aapne part bajaaya ham sabhi ke dilon mein daadi ki yeh baat yaad hai to aur saathi jo unhon ke the to kaha daadi abhi aapki baat ko yaad karke chalo baap avyakt hai shiv baba niraakaar hai woh avyakt pharishta hai। lekin daadi to saakaar mein thi abhi aapne jo socha tha woh karke to dikhaave। daadi jaisi jimmevaari to leke dikhaave। matlab to aaj dil khol ke roohrihaan kar rahe the। suna। abhi kya karna hai?

holi to manaai na! kal ki baaten bhi gai to agle janma ki baaten kya sochna। to sabhi chit-chat kar rahe the na to baapdaada ne holi manaana shuru kar di। sabhi saphed dress mein thi aur vatan mein to pharishte roop mein thi। to baapdaada ne achaanak hi bataaya nahin ki holi mana rahe hain lekin sabhi ardha chandrama ke roop mein baithe hue the khade nahin the। baithe hue the 4-5 laaine thi aur kaaydesir baithe the chhote phir bade phir aur bade। to baapdaada ne kya kiya? achaanak hi 7 rangon ke heere jaante ho na usko powder kiya। powder ke roop mein sabhi ke oopar daala to ek to pharishta dress thi chamak rahi thi aur uske oopar 7 rangon ke powder giraaya phail gaya। to aap emerge karo to chamakte hue dress mein jab 7 rangon ka powder phail gaya hoga to kaisi dress lagti hogi? satayug mein bhi aisi dress nahin milegi। to sabhi chamak gaye। aur yeh dress chamak gai na to deedi nashe mein chali gai। jaise yahaan nashe mein jaati thi na to nashe mein jaakar dance karne lage sabhi। ek do ko pakad karke। phir baba ne jo madhuban mein aap gevar (mithaai) banaate ho na to vatan mein gevar emerge karaaye। madhuban se to aaye nahin the to gevar sabhi ko khilaaya। to sabhi ne bahut mauj se manaaya। to aap bhi pharishta dress jaise bhinna-bhinna dress badli karte ho na vaise beech-beech mein saare din mein aise pharishta dress badli karke taste lo yeh bhi। bas baapdaada emerge karo 5 minute ke liye 10 minute ke liye emerge karo main pharishte roop mein hoon vastra badli kiya saadhaaran se pharishte roop ki dress pahni aur baapdaada kabhi gyaan ki kabhi shaktiyon ki kabhi gunon ka rang daal rahe hain। pharishta dress mein pharishta banke 5-10 minute anubhav karo phir vastra badli kar do। karmayogi hain na। to yeh din mein jab bhi time mile pharishte ki dress pahan lo। aur baap dvaara yeh rang lag rahe hain yeh anubhav abhi se practice karenge na pharishta dress ki। to dress pahanne se nasha chadhega aur madad milegi pharishta banne mein। to holi ki yeh saugaat baapdaada chaaron or ke bachchon ko de rahe hain।dress pahante trial karte rehna bhoolna nahin। pharishta dress holi ki saugaat de rahe hain। to beech-beech mein yeh abhyaas karna। sahaj hai na! dress badalna to aata hai na। aata hai? aata hai na! jaise yeh dress badalte ho na roz badalte ho na। to pharishta dress bhi badalke dekho। kitni sundar kitni chamakti hui hai। suna।

aaj vatan ka samaachaar sunaaya। aap sab bhi yaad karte ho na! advance party ke apne sabhi kyonki koi na koi sthaan se bhinna-bhinna gaye hue hain। to gaye hue ko yaad to karte ho na! baapdaada bhi amritvele vishesh advance party se seva karaate hain kyonki saari duniya to soi hui hoti hai aur yeh dress badalke vatan mein aa jaate hain। suna। abhi kya karenge? yeh drill bhoolna nahin। vastra badli karna din mein jitna baar pharishta dress mein baith sako chaahe 3 minute baitho lekin baitho zaroor badli karo zaroor abhi se sanskaar daalo pharishta banne ke bina devta ban nahin sakte। achha।

achha। pahle sabhi chaaron or ke bachchon ko bhi baapdaada dekh rahe hain ki door baithe bhi science ke saadhan dvaara majority sthaanon mein centres par woh bhi baapdaada ko dekhte rehte hain aap toli khaate ho na to woh bhi toli baantate hain। to sabhi ko baapdaada bhi dekh rahe hain ki kaise door baithe najdeek ka anubhav kar rahe hain। to chaaron or ke bachchon ko jo sada baap samaan sampanna aur sampoorn banna hai is sankalp ko dhaaran kiya hua hai aur dridhta ka bal samay prati samay is sankalp ko dete rehte hain aise chaaron or ke shubh sankalp dhaaran karne vaale saath-saath baap ki aashaaon ko poorn karne vaale aashaaon ke sitaare saath-saath daadi ke bol karmaateet hona hi hai hona hi hai hona hi hai…aur mama ke yeh bol ki sada jo karna hai so aaj karo kal par nahin chhodo aur deedi ke yeh bol ab ghar chalna hai yeh kaanon mein goonjana chaahiye। baar-baar ab ghar chalna hai। to dhun laga do - karmaateet hona hai ab ghar chalna hai। yeh bol baar-baar smriti mein laane vaale samartha aatmaon ko baapdaada ka holi bachchon ko holi ki mubaarak ho aur saath mein sabhi ko baapdaada pahle hi madhuban ke gevar ke pahle sabhi mukh kholo aur gevar khaao khaaya to sabhi ko bahut-bahut padamguna baapdaada aur advance party ke sarva bachchon ka yaadapyaar aur baap ki namaste।

yu.pi. banaaras aur pashchim nepaal ki seva ka tarna hai:- yu.pi. ke saath, mohini behen utho। achha hai, yu.pi. mein visheshta kya hai? jab aadi mein centre khule to yu.pi. ka centre vishesh tha। baapdaada mama pahle pahle yu.pi. ke centre par rahe hain। aur yu.pi. mein gyaan nadiyon ka bhi sammelan hai। bade mein badi ganga nadi, jamuna dilli mein hai aur yu.pi. mein ganga nadi hai, ganga nadi ka gaayan kya hai? patit paavni। to yu.pi. vaalon ko sada yahi lagan hogi patit paavni ban, patit aatmaon ko kuchh na kuchh anchali dene ki। abhi yu.pi. mein centre badh rahe hain na। badhe hain? aadi mein to raunak rahi hai। samarpan yugal yu.pi. se aarambha hue। to abhi bhi yu.pi. koi naya kaarya karke dikhaao। yeh function, yeh sammelan yeh to honge, hote rahenge lekin koi naya kuchh karke dikhaao। sabhi zone sochte hain kuchh karke dikhaayen। dilli vaale bhi soch rahe hain na! achha hai। kuchh na kuchh karte raho, jo brahman sansaar mein koi na koi khabar chhapti rahe, aapki bhi to akhbaare hain na। to koi naya samaachaar akhbaaron mein aana chaahiye। baaki yagya seva mein yu.pi. bhi kam nahin hai। achhi sankhya aai hai। baapdaada khush hai। teachers bhi kaaphi hain lekin kaun si teachers? baapdaada ka jaanti ho ki aisi teachers jo apne features chalan aur chehre se sabhi ko future dikhaaye। abhi ka future kya hai? pharishta। bhavishya ka future devta। to har ek teacher abhi ka future jo pharishta hai, chalo devta to bhavishya mein banenge lekin jo last ghadi ka swaroop hai pharishta, woh features arthaat chalan aur chehre se spashta dikhaai de। jaise shuru-shuru mein jab aap seva mein gaye, 14 varsha tapasya aur baapdaada maa ki paalna ka saath liya, to pahle shuru mein jab seva mein gaye to aap koi koi sevaadhaari aatmaon ka jigyaasu ko kabhi light ka taaj aur kabhi mastak mein chamakta hua bindu, yeh dikhaai deta tha aur parakhne ki shakti aap mein bahut teevra thi, koi bhi aasuri svabhaav vaala aata tha kyonki kumaariyaan naam tha na lekin uski chaal nahin chalti thi itni taakat thi jo woh svayan paanv par girkar kehte the ki hamne kya socha aur aap kaun ho! yeh pavitrata ka jo chamatkaar tha woh pratyaksha chalan mein svapna tak tha। apvitrata ka svapna maatra bhi nahin tha tha hai nahin kehte hain tha। ab phir se apne saathiyon mein yeh light might ki dridhta laate raho। easy nahin। samajhte to ho sabhi teachers nimitta ho na baba ki taraph se aur baapdaada ko teachers chhoti chaahe badi unke liye dil mein bahut pyaar hai kyonki baap ke kaarya mein sahayogi ho। nimitta ho sahayogi ho। chaaron or sabhi student ke saamne saakaar roop mein aap teachers ho। avyakt roop mein baapdaada hai aur advance party bhi aapko sakaash deti rehti hai jab amritvele vatan mein aate hain to sakhiyon ko bhi yaad karti hai centres ko bhi yaad karti hai। to yu.pi. sabse number one banna hai ban rahe hain। kamaal karenge। karni hi hai।

SpARC aur science engineer wing ki meeting hai:- achha meetings to aap log karte rehte ho aur achha umang utsaah se karte ho yeh baapdaada dekhta aur sunta bhi rehta hai। dhaarna ke plan bhi banaate rehte ho। baapdaada ne samaachaar suna। sabhi apni sva unnati aur seva ke plan naye naye bhi banaate rehte ho। abhi yahi lakshya rakhna hai ki duniya vaalon ko abhi dilaasa dene ki aavashyakta hai। woh bichaare circumstance ko dekh bhaybheet ho rahe hain। dar phail raha hai। to aise samay par aapko vishesh to saari aatmaayen aapki hain lekin vishesh aap apne varga ko dilaasa dilaao ki aap agar meditation ka course karenge to aapka yeh dar va tension samaapta ho jaayega aur gyaan nahin do pahle lekin meditation karo aur karaao uska nimantran do tension free life ka anubhav karne ka programme jyaada karo। karte ho lekin abhi jyaada karo unhon ko aadhyaatmik shakti ka anubhav karaao। sirf bhaashan nahin lekin anubhav karaao bhale chhote chhote group ko karaao। bade group ko karaao lekin anubhav karaao। anubhav vaala vyakti kabhi rah nahin sakta। aur anubhav ki authority number one hai। anubhav vaala kisi ke bahkaave mein nahin aa sakta। samasya mein ghabra nahin sakta kyonki meditation se shakti anubhav hoti hai। to meditation ki temptation jyaada anubhav karaao। baaki programme to karte rehte ho। woh to chalte rahenge aur chalaao lekin yeh vishesh dhyaan do। koi bhi aata hai course karta hai lekin course ke beech mein anubhav kiya ya sirf knowledge li। anubhav zaroor karaao। kisi bhi baat ka chaahe gyaan ke hisaab se parmaatma gyaan hai yeh anubhav ho yog dvaara apne mein shaktiyon ki anubhooti ho himmat aave koi bhi baat ki samasyaaon ko hal karne ki himmat aave aur dhaarna ki himmat aave nahin to dhaarna sun karke ghabra jaata hai। pahle praapti sunaao praapti kya hoti hai praaptiyon ki aakarshan se sabhi shuru kar dete hain। paramatma ka parichay bhi dete ho to pahle praaptiyaan kya hoti hai woh sunaao to praaptiyon ke aadhaar se aakarshit hote hain। kya milega kya banega kaise samasyaayen aapke liye sahaj ho jaayengi aisi aisi anubhav ki baaten sunaao। baaki aapas mein milte ho baapdaada ke paas report aati hai baapdaada khush hai ki yeh bhi sangathan mein mel hota hai braahmanon ko bhi refreshment milti hai। milte hain na aapas mein kuchh na kuchh raay to dete hi hain। to donon varga achha kar rahe ho aur aage bhi karte rahenge। yeh baapdaada ko khushi hai। achha।

double videshi bhaai bahinen 80 deshon se aaye hain:- is baari jo double foreigners ne bhinna bhinna programme banaaye hain yuglon ka teachers ka… yugal haath uthaao jo yugal aaye hain। baapdaada ne dekha yugal taiyaar to achhe ho gaye hain। lekin baba ki jo aasha hai usko poorn nahin kiya hai। kaun si aasha hai? koi mahaamandaleshvar ko charnon mein jhukaao kyonki aap log sahaj unko fail kar sakte ho। aap kehte ho ho nahin sakta aur hamne sahaj kiya hai। apne anubhav ki authority se unhon ko jhuka sakte ho tabhi geeta ka bhagwan bhi siddha hoga। yuglon mein yeh taakat hai woh jab dheele ho jaayenge na phir sab baaten maanne lagenge। to baapdaada ko achha lagta hai yugal bahut kamaal kar sakte hain kyon? abhi bhi kiya hai jab se yugal-yugal chalte rehte ho puraane bhi ho gaye ho to yeh dekh karke sun karke kitni sankhya badh gai hai। ek kaam to kiya hai umang utsaah logon mein badhaaya hai ki ham bhi kar sakte hain chhodna nahin padega darte hain na chhodne se। lekin aapne chhoda nahin banaaya hai। kuchh chhoda hai? saphed dress pahni rangeen pahanne ki mana nahin hai lekin school ki bhi to dress hoti hai na। baaki to koi mana nahin hai। to yugal bahut kamaal challenge kar sakte hain। aisa programme banaao। dekhen kaun se yugal taiyaar hote hain। pahle to trial karo koi aisa connection vaala ho usse trial karke dekho। phir ek dheela hua to aur bhi ban jaayenge। to achha lagta hai baapdaada ko yuglon ka sammelan achha lagta hai। achha –

abhi foreign ki training vaali teachers utho:- achha teachers samajhti ho ki training milna achha hai? jo samajhte hain ki yeh zaroori hai achha hai woh aise haath uthaao। to mubaarak hai nimitta teachers ko। kyoki mehnat achhi ki hai aur direct seva yeh karengi aur punya aap nimitta vaalon ko mil jaayega। yeh achha hai nai nai teachers banti jaati hain yeh bhi drama mein part hai। foreign mein dekho kitne naye naye centres khulte rehte hain to bahut khushi ki baat hai ki training leke aap jo aane vaale hain unhon ko bhi jaldi se jaldi udaane ke nimitta banenge। baapdaada sabhi foreigners ko ek to mubaarak dete hi hain ki job bhi karte aur centre bhi sambhaalte sab taali bajaao। vaise teacher banke centre chalaana yeh bhi bahut bada bhaagya hai common cheez nahin hai kyonki teacher banna arthaat vartamaan baap ki gaddi ke maalik banna woh hai murli sunaana। murli dvaara aatmaon ko refresh karna। baapdaada teachers ko guroobhaai kehte hain kyonki murli sunaane ke takhta ke adhikaari bante ho। nimitta bante ho। phaayda bhi hai aur kaayda bhi hai। donon hai। lekin baapdaada khush hai ki aap apne roochi se time nikaalke aaye ho। training karna yeh baapdaada ko bahut pasanda aata hai। to bahut achha kiya jo itne sabne training kiya। nimitta ho aur nimitta ka phal bahut bada punya ka khaata jama hona hai। nimitta bhaav nahin chhodna main nahin laana। main yeh saamp hai kaala saamp। hap kar leta hai। nimitta hoon karaavanhaar kara raha hai chalaane vaala chala raha hai। aur combined rehna। akele nahin banna। akele bane maaya ko darvaaja khola। baapdaada khush hai mubaarak de rahe hain। achha। sabhi foreigners kuchh na kuchh har saal karte raho। achha hai।service ke plan bhi banaate rehte hain। ek do ko umang utsaah badhaate rehna yeh sabse badi seva hai। baapdaada ne dekha ki nimitta teachers jinhonne training karaaya woh utho। yeh bhi achha। (chaarle bhaai se) bhaai sabmen chance lete hain yeh bahut achha। baapdaada aapke seva ki result dekh karke khush hai। sabhi ki soorat se umang utsaah lag raha hai yeh bahut achha hai।

achha। abhi sabhi ko holi ki saugaat kya deni hai woh yaad hai? yaad hai na! baapdaada ka ek ek bachche se special pyaar hai aise nahin ki sirf nimitta banne vaalon se lekin ek-ek bachcha koton mein koi to hai hi last number bhi koto mein koi hai। to jo koto mein koi hai woh to mahaan ho gaya na। lekin kaisa bhi koi ho last ho uske prati bhi sada usko aage badhaane ke liye ek to ek do ko svamaan ki drishti se dekho har ek ka svamaan hai last number ka bhi svamaan hai koto mein koi hai। president se to achha hai। pahchaana to hai mera baba to kehta hai। to svamaan mein raho aur sammaan do। ekta last number bhi ek baba ka bachcha hai। baba ko saamne laao uski galti ko saamne nahin laao। parivaar ka hai usmein umang laao utsaah laao chalo galtiyaan bhi karte hain baapdaada ko maaloom hai kya kya galtiyaan karte hain woh chhipti nahin hain lekin har ek apne aapse poochhe main brahmaakumaari brahmaakumaar bana kyon lakshya kya? jo lakshya rakhke aaye sirf apne ko bachaane ka nahin daalroti mil rahi hai sangathan achha hai brahman jeevan mein khitraag se safe ho gaye… is lakshya se nahin aaye। lakshya bahut achha le aaye lekin abhi kahaan kahaan lakshya aur lakshan mein antar aa gaya hai। baapdaada ko sab pata hai sirf naam nahin lete kabhi woh bhi samay aayega। jo karta hai baapdaada ne dekha ki majority sangadosh mein bahut aate hain। dil bhi khaati hai karna nahin chaahiye lekin sang ka rang baap ke sang ka rang kam laga hai iseelie woh rang lag jaata hai। baapdaada phir bhi sabhi bachchon ko pyaar dekar kehte hain ki apna vartamaan aur bhavishya nirvighna banaao। sangadosh mein nahin aao। sangadosh mein aa jaate hain temptation hai sangadosh mein nahin aao। had ki praaptiyon ke aakarshan mein nahin aao kyonki baapdaada ko taras padta hai ki kehta hai mera baba kehta hai mera baba aur karta kya hai? isliye aaj holi ka din hai aisi aisi baaten samajhdaar banke jala do। phir bhi toolate ke board se aage badal jaao baapdaada madad karega lekin sachchi dil ko। saaph dil muraad haansil karke dekho dil se। sachchi dil aur muraad haansil nahin ho ho nahin sakta। holi mein rang lagaate hain na ulta sulta bhi laga dete hain। to aaj holi manaao ulte rang ko baap ke rang mein rang lo। achha। aaj holi hai na to baapdaada ne bhi kah diya hai taras padta hai। achha - om shanti।

daadiyon se:- aaj advance party ne gevar emerge kiya। aapko bhi khilaaya। deedi to bahut umang mein thi daadi bhi। jimmevaar rahi hai na। to abhi bhi jimmevaari to yaad aati hai। achha hai।

nirmalshaanta daadi se:- apni soorat se baap ki moorta dikhaati rehti ho। aapko dekh ke sabhi ko brahma baap yaad aata hai। achha hai। apni tabiyat ko sambhaalke chala rahi ho bahut achha। (pardaadi ka holi par alaukik birth de hai) birth de hai saare punya jama kiya hai। achha pardaadi ka birth de hai। (baapdaada ne phoolon ki maala pahnaai khush bahut rehti hai) yahi puraanon ki visheshta hai aadi ratna hain na to ghabraate nahin hain khush rehte hain।

shaantaamni daadi se:- koi na koi seva karte rehte। chaahe murli sunaane ki chaahe sabhi se milne ki karti rehti ho aur karti bhi rahengi। moortiyaan hain yeh bhi।

brijmohan bhaai se:- dilli ka programme jo banaaya hai woh achha bana hai aur achha rahega।

ramesh bhaai se:- aapas mein jo milte ho woh bahut achha hai kyonki attention rehta hai apne purooshaartha ka bhi aur seva ka bhi। jo points nikaalte ho woh achha hai। baapdaada khush hai।

vi.aai.pi group ke saath:-aap sabhi snehi to hain hi sahayogi bhi hain। sneh hai na baap se aur snehi samay prati samay sahayogi bhi hain। ab kya banna hai? snehi ho sahayogi ho abhi kya banna hai? (bachcha banna hai) achha bachcha banna hai ki hain! bachcha hai ya banna hai? kya kahenge? bachcha hain? to samaan baap banna hai। to achha hai dil se nikalta hai na mera baba। abhi dheere dheere apne ko is seva mein aur thoda part badhaao। apna apna kaam to karna hai woh theek hai baba ko pahchaana yeh bhi theek hai abhi seva mein chaahe yagya seva chaahe baahar vaalon ki seva is seva ke part ko jyaada badhaao। thoda samay jyaada dena padega। kyonki aap logon ko dekhke auron mein aapka anubhav sunke umang aata hai। dar utar jaata hai। to aap seva karo। (kanupriya behen jo aastha channel par programme deti hain) isko to bhaagya mil gaya hai ghar baithe bhaagya mila hai। kitni aatmaon ko raasta bataati ho vaani dvaara seva to karti ho achha hai।

achha। kuchh bhi ho lekin baba ke ho। is smriti mein aage badhte jaao aur check karo to dinapratidin aage badh rahe hain ki vahaan ke vahaan hain kyonki unnati chaahiye na। to dinapratidin aage kya badhe addition kya hua yeh check karo। achha।