Avyakt murli du mardi 15 décembre 2009

15-12-09 om shanti avyakt baapdaada madhuban

‘‘parivaar ke saath preet nibhaane ke liye knowledgeful ban baap samaan saaksheepan ki sthiti mein rehna hai, baap, sva, drama aur parivaar chaaron mein nishchaybuddhi ban vijayi banna hai’’

aaj samartha baap apne samartha bachchon ko dekh rahe hain kyoki har ek bachcha sneh se baap samaan banne ka purooshaartha bahut lagan se kar rahe hain। baapdaada bachchon ko dekh khush hote hain aur dil mein bachchon ke geet gaate hain vaah bachche vaah!kyonki bachche baap ke bhi sir ke taaj hain। dekho bachchon ki pooja double roop mein hoti hai, baap ki pooja ek roop mein hoti hai। to bachche baap se bhi baap dvaara aage jaate hain isliye baap bachchon ke purooshaartha ko dekh khush hai। nambarvaar to hain lekin purooshaartha ka lakshya aage badha rahe hain। aaj amritvele chaaron or ke bachchon mein ek baat jo gyaan ka foundation hai woh dekha। foundation hai nishchay। kaha hua bhi hai nishchaybuddhi vijayi। to aap sabka nishchay dekha, sabhi ka nambarvaar baap mein to nishchay hai hi, uski nishaani sabhi baap ko pahchaan baap ke bane hain aur yahaan bhi aaye hain, baap se milne ke liye। baap mein har ek bachche ka atoot nishchay hai lekin baap ke saath aur bhi nishchay pakka hona chaahiye woh hai sva mein nishchay। saath mein drama mein nishchay aur parivaar mein nishchay। in chaar prakaar ke nishchay mein pakke hona arthaat nishchaybuddhi vijayanti banna। to check karo ki in chaar nishchay mein pakke hain? baap mein to sabhi kehte hain mera baba aur main baap ki। baap ke oopar mera kahke poora baap ka adhikaar praapta kar liya। sada baap ke dvaara adhikaari ban sarva khazaanon ke adhikaari ban gaye। saath mein sva mein bhi nishchay zaroori hai kyon? agar sva mein nishchay nahin hai to dilshikasta ban jaate hain। sva mein nishchay yahi hai ki main baap dvaara svamaandhaari hoon, svaraajya adhikaari hoon। svayan baap ne mujhe kitne svamaan diye hain। ek ek svamaan ko smriti mein laao to kitna nasha chadhta hai! aajkal kisi ko bhi koi title milta hai to woh bhi apna bhaagya samajhte hain। lekin aap bachchon ko ek-ek svamaan kisne diya! svayan baapdaada ne har bachche ko svamaandhaari banaaya hai। ek-ek svamaan ko yaad karte khushi mein udte ho। to sva mein bhi itna sada nishchay ka nasha rahe ki main baap dvaara svaraajya adhikaari, svamaan adhikaari koto mein koi aatma hoon। jaise baap mein nishchay hai to saath mein sva mein bhi nishchay aavashyak hai kyonki agar sva mein nishchay hai to jahaan nishchay hai vahaan har karma mein nishchaybuddhi arthaat svamaandhaari vijayi hai। nishchay ka arth hi hai saphalta। aise nahin ki hamaara to baap mein nishchay hai, baap mein hai woh to bahut achha lekin saath mein baap ke sva ka nasha bhi aavashyak hai main kaun! ek-ek svamaan ko yaad karo to nishchay aur nasha aapke chalan aur chehre se dikhaai dega। de raha hai aur dikhaai deta rahega। saath mein teesri baat to drama mein bhi nishchay bahut zaroori hai kyonki drama mein samasyaayen bhi aati hain aur saphalta bhi hoti hai। agar drama mein pakka nishchay hai to drama ke nishchay se jo nishchaybuddhi hai woh samasya ko samaadhaan swaroop mein badal deta hai kyonki nishchay arthaat vijay। to kiske oopar vijayi banta? parivartan karne mein, ek second mein samasya parivartan ho samaadhaan roop ban jaati hai। halchal mein nahin aayenge, achal rahenge kyonki drama ke gyaan se adol achal ban jaate hain। yeh nishchay rehta hai ki main hi kalpa pahle bhi samaadhaan swaroop arthaat saphal aatma bana tha, bani hoon aur kalpa ke baad bhi main hi banoongi। to yeh nasha drama ka nishchay pakka karaata। phakhur rehta hai, nasha rehta hai main thi, main hi hoon aur main hi banengi isliye is purooshaarthi jeevan mein drama ka nishchay bhi aavashyak hai aur saath mein chautha hai parivaar ka nishchay kyonki baap ne aate hi parivaar ko paida kiya। to jaise baap mein nishchay hai vaise parivaar mein bhi nishchay aavashyak hai kyonki parivaar kiska hai? aur itna bada parivaar aur kiska ho sakta hai! to parivaar mein bhi nishchay ati aavashyak hai kyonki itna bada parivaar vishwa mein kiska hai? aap jitna parivaar check karo vishwa mein, kiska hai? parivaar ki reeti se kisi bhi divine father ka bhi nahin hai vahaan follower hain, yahaan parivaar hai। parivaar ke saath hi seva mein, sambandh mein rehte ho। aise nahin ki hamaara to baap se hi connection hai, parivaar se nahin hua to kya hua। parivaar ka nishchay to aapka 21 janma chalna hai। jaante ho na! parivaar ke saath hi sambandh mein aane se maaloom hota hai ki main itne bade parivaar mein sabhi se nishchaybuddhi ho chal rahe hain, parivaar mein chalne ke liye yeh attention dena padta hai ki parivaar mein har ek ke sanskaar bhinna-bhinna hain aur honge। aapka yaadgaar maala hai, maala mein dekho kahaan ek number aur kahaan 108vaan number kyonki parivaar mein bhinna-bhinna sanskaar hain। to itne bade parivaar mein chalte sanskaaron ko samajh ek do mein ek parivaar, ek baap ek raajya, to ek hoke chalna hai। parivaar mein jaise bada parivaar hai, aise hi ek do mein badi dil, har ek ke prati shubh bhaavna, shubh kaamna ki sthiti mein sthit ho chalna hai kyonki parivaar ke beech hi sanskaar svabhaav aata hai। lekin koi samjhe parivaar se kya hai, baba se to hai। lekin yahaan dharma aur raajya donon ki sthaapna hai, sirf dharma nahin hai, doosre jo bhi dharma pita aaye hain unka sirf dharma hai, raajya nahin hai, yahaan to aap sabko raajya bhi karna hai। to raajya mein parivaar ki aavashyakta hoti hai aur 21 janma bhinna-bhinna roop se parivaar ke saath hi rehna hai, parivaar ko chhod kahaan ja nahin sakte। to check karo aise nahin samajhna ki baap jaane main jaanoon। baap se hi kaarya hai lekin agar in chaar nishchay mein se ek bhi nishchay kam hai to halchal mein aa jaayenge। seva ke saathi, baap to sakaash dene vaale hain lekin saathi kaun? saakaar ka saath to parivaar ka hai to baap ne dekha hai ki teen nishchay mein majority theek chal rahe hain lekin parivaar ke saath mein nibhaana, sanskaar milaana, ek-ek ko kalyaan ki bhaavna se dekhna aur chalna, ismen kai bachche yathaashakti ban jaate hain। lekin baap ne dekha ki jo parivaar ke nishchay mein knowledgeful hoke sada baap samaan saaksheepan ki sthiti mein saath mein aate hain, rehte hain vahi number one ya number one division mein aate hain। to check karo bhaav svabhaav parivaar mein hota hai, to chhoti-chhoti galtiyaan bhi hoti hain, vighna aate hain woh parivaar ke sambandh mein hi aati hain। to sabse aavashyak is parivaar ke sambandh mein paas hona hai। agar parivaar mein chalne mein tod nibhaane mein koi bhi kami hoti hai to woh vighna chhota ho ya bada ho lekin tang karta hai। yeh kyon, yeh kaise, parivaar ke connection mein aata hai। to kyon ke bajaae, kyon nahin karna hai, lekin humein milkar chalna hai, parivaar ki preet nibhaani hai kyonki yeh baap ka parivaar hai, bhagwan ka parivaar hai। rivaaji parivaar nahin hai। nasha rehna chaahiye ki vaah baba, vaah drama, vaah main aur vaah parivaar! theek hai? check karte ho? chaar hi mein paas ho? chaar hi mein? ek mein bhi kam nahin। check karo। abhi-abhi check karo kyonki vijayi banne ka saadhan hi yeh hai। parivaar ke beech sanskaar nikalte hain aur woh sanskaar milaana khud bhi parivartan karna aur parivaar ko bhi itni oonchi drishti se dekhna। baapdaada ne pahle bhi kaha hai ki baapdaada last bachche ko bhi ati bhaagyavaan samajhte hain kyon? bhagwan ko pahchaanna, saadhaaran roop mein baap ko pahchaanna, jo itne bade-bade mahaatmaayen bhi pahchaan nahin sake, lekin baapdaada ka last bachcha bhi mera baba kehta hai। dil se mera baba kehte hain। to baapdaada jaise last bachche ki bhi visheshta dekh, jaise bachchon ko laad pyaar, yaadapyaar dete hain vaise last vaalon ko bhi dete hain। to check karo ki teen mein theek ho ya chaaron mein theek ho ya do mein theek ho ya ek mein theek ho? check kiya? kiya check? jo samajhte hain ki main chaar hi main, chaar hi nishchay mein baap, aap, drama aur parivaar, chaar hi nishchay mein theek hoon woh haath uthaao। theek hain? achha theek hain। paper len? haan uthaao। achha parivaar mein paas ho? parivaar ke sambandh mein aana, kyonki parivaar ko chhod to kahaan jaayenge nahin, rehna hi hai, nibhaana hi hai। to ismen paas ho? kabhi aise aata hai ki yeh nahin hota to achha hota, yeh kyon karte hain, yeh kyon hota hai, yeh sankalp aata hai… ekdam parivaar ka nasha, chaar hi nishchay vaala kabhi bhi aise vaise sankalp mein bhi nahin karega। sankalp mein aaye ki aise kyon hota hai, lekin mujhe woh kyon va kya hilaave nahin, mood nahin badli kare। isko kehte hain chaar hi mein paas। haath to uthaaya, baapdaada ko khush kiya hai parantu baapdaada ko yeh jo parivaar ki baat hai usmein kabhi kabhi baaten sunni padti hain, dekhni padti hain। ekdam badi dil ho, sabko shubh bhaavna, shubh kaamna se theek karna hai, kyonki parivaar hi ek hai। ekmat hoke chalna aur chalaana hai। sirf chalna nahin hai, chalaana bhi hai isliye baapdaada is baat par attention dila rahe hain ki parivaar mein jo kisi bhi halchal mein paas ho jaate hain, vyartha nahin chalta hai, unhein doosron ko aisa banaana hai। abhi to aap apne-apne centre par kitne rehte ho, chalo jyaada mein jyaada 25-50, itne hote nahin hain lekin maanon bade sthaan hain, usmein bhi 50-60 achha jyaada mein jyaada 100 bhi samjho, itne hain nahin lekin samajh lo, to baapdaada ne sabhi centres ke bachchon ko last ko bhi apna pyaara kahke chalaaya aur pyaar ki nishaani hai roz baapdaada yaadapyaar kya deta? meethe meethe, jaanta hai khatte bhi hain lekin meethe khatte kabhi yaadapyaar mein kaha hai?unhon ko bhi laadle kehta hai, na sirf kehta hai lekin mera bachcha hai, mere bhaav se chalaata hai kyonki drama mein, maala mein sab ek number nahin hain, yeh result hai। sanskaar bhinna-bhinna hote hain, hona hai, nahin to sab raaja ban jaayen, praja kaun banega! raajya kis par karenge? achhi praja bhi to chaahiye, royal praja, raajdhaani hai na। aise har ek apne ko check kare, parivaar mein kisi bhi baat mein sanskaar kharaab hain, lekin mera sanskaar kya? agar kharaab ko dekh mera sanskaar bhi kharaab ho gaya, to main bhi to kharaab ho gaya। kharaab achhe ko bhi badal leta hai।

baap ne sthaapna ke samay 350-400 ko ikaththa sambhaala hai, itna to abhi kisi ka ikaththa rahne vaala parivaar nahin hai। chalo, duty alag alag hai lekin woh duty hai aur parivaar mein duty hai। rivaaji parivaar, rivaaji duty, rivaaji reeti se dincharya bitaana, yeh nahin hai, nyaara aur pyaara parivaar hai। ismen disturb hona, phir bahaana to yeh dete ki isne kiya tab yeh hua। yeh kiya to yeh hua, lekin baap ke aage bhi kya opposition nahin hui! bhaaganti bhi hue na! yeh opposition nahin hai! lekin baap ne phir bhi kaha, koi bhaaganti bhi ho gaye to bhi toli bhejo, unko bulaane ki koshish karo, service karo, yaad dilaao। aise chaar hi nishchay mein paas hona hai va teen mein, do mein? number one hona hai। iske liye vinaash ki taiyaariyaan hote bhi abhi vinaash rooka hua hai। prakriti bhi baap ke paas aati hai, prakriti bhi kehti ab bahut bojh ho gaya hai। prakriti bhi bojh se chhootne chaahti hai। maaya bhi kehti hai ki main jaanti hoon ki mera part abhi jaane vaala hai lekin brahman parivaar mein aise bhi bachche hain jo chhoti baat mein mere saathi ban jaate hain। bitha dete hain mere ko। to apna raajya laane mein yeh chaar nishchay percent mein hain isliye samay bhi rook raha hai। baaki maaya aur prakriti donon ready hain। ab bataao order karen? bachche agar ever ready nahin hain to maaya aur prakriti ko order karen? karen?haath utho। taiyaar ho? aise nahin haath uthaao। paper aayega, aayega paper। ever ready?

abhi baapdaada ki har bachche mein yahi aasha hai ki kaise ko mitaake aise karo। kaise karoon, kaise ho, nahin। aise ho। kya karen nahin, aise karen। yeh aash kab tak poori karenge? kitna time chaahiye? kyonki sabhi ko taiyaar hona hai। agar aap taiyaar ho, haath uthaaya, to unhon ka kaam kya hai? ek do ko aap samaan banaana। jinhonne haath uthaaya, woh aap samaan bana sakte ho? parivaar ko taiyaar kar sakte ho? ismen haath uthaao। kar sakte hain? achha kitna time chaahiye? kitna time chaahiye? ek varsha। kitna chaahiye? kitna time chaahiye? teachers bataaven kitna time chaahiye? paandav bataaven na! haath to uthaaya, kitna time chaahiye। parivaar hai, to parivaar mein sahayog to dena padega na। parivaar se kat to honge nahin, chhodke jaana to hai nahin, rehna to yahaan hi hai to parivaar ko bhi taiyaar karna padega na। laukik mein bhi jab achhi buddhi thi, (aajkal nahin) to ek do ke sahayogi ban aage badhaate the, gaanv ko bhi apna parivaar samajhte the aur yeh to alaukik parivaar hai kyonki khitkhit jo hoti hai, maaya jo aati hai woh parivaar ki baat mein aati hai, sambandh mein aati hai, vesta thoughts sambandh ke connection mein chalte hain। to haath uthaane vaale bataayenge? kya bolte hain? koi bole, mike do। (isi season mein poora karenge) iske saath jo hain woh haath uthaao। yeh photo nikaalna। teachers, is season mein ek do ko sahayog dekar, ek do ko bhi aage badhaake aur baap ki aasha ko poorn karenge, theek hai? ismen haath uthaao। haath to uthaake khush kar diya। achha hai। baap kehte hain ek bal ek bharosa। agar donon hi baaten hain to kya nahin ho sakta hai! baap ne kitne thode samay mein sthaapna ka part bajaaya! abhi to sab knowledgeful ban gaye hain। double light bhi ban gaye hain। baapdaada jaante hain ki yeh subject thoda attention dene ki hai। pahle bhi kaam diya tha ki kam se kam ek centre jo hai woh bhi nirvighna bane, centre ke baad zone bane, chalo zone bhi chhodo, har ek shahar samjho, koi bhi shahar hai, dilli hai, ahamdaabaad hai, kalkatta hai, koi ek kalkatta bhi nirvighna ban jaae, kalkatte ke, dilli ke bhi baithe hain aur yeh jiska tarna hai karnaatak, karnaatak ki sab teachers baithi hain। karnaatak ka ek ek centre aur centre ke connection mein jo hain woh bhi agar ek ho jaaen to us zone ko, shahar ko bhi baapdaada inaam dega। achhi saugaat denge, koi nimitta banke dikhaaye। mukhya centre aur uske saathi centre, saara parivaar to banna hai hi lekin abhi tak result nahin hai। chalo madhuban vaalon ne haath uthaaya hai, achha hai। kya nahin kar sakte hain। lekin karna padega। theek hai na! pasanda hai? sabhi ko pasanda hai? lekin baapdaada ne is season ke pahle season mein teen chaar baar kaha hai, koi ki bhi abhi tak result nahin aai hai। kya yeh samajhte ho ki yeh bhi baat achaanak honi hai? chalo achaanak ho bhi jaae lekin baapdaada ne kaha hai ki bahut samay ka abhyaas chaahiye tab hi bahutkaal ka adhikaar praapta karenge।

to abhi kya karna hai? lagan ki agni ko jalaao। karna hi hai। iske liye ek baat mein sabhi paas bhi hain, haath uthaao, jo samajhta hai baapdaada se hamaare dil ka pyaar 100 percent hai। 100 percent hai? lamba haath uthaao। to pyaar ka return kya hota hai? pyaar ka return hota hai samaan banna, sampanna banna, sampoorn banna। to abhi baapdaada ek drill bataata hai, sabhi kehte hain baapdaada donon se pyaar hai, haath uthaaya, honge to nambarvaar lekin haath uthaaya to baapdaada maante hain। donon se pyaar hai na। brahma baap se aur shiv baap se donon se pyaar hai na! donon se hai? haath uthaao। achha, donon se hai। bahut achha dhanyavaad। achha, donon ke samaan banne chaahte ho। haath nahin uthaao, kaandh hilaao। achha। donon se pyaar hai to shiv baap hai niraakaari, theek hai aur brahma baap hai pharishta। pharishta hai na! to kal se nahin, aaj se hi abhi se saare din mein donon baap se pyaar hai to kabhi apne ko niraakaar baap samaan niraakaari sthiti mein abhyaas karo, follow father। aur kabhi pharishta bankarke saakaar roop brahman nahin, brahman to ho hi, karma bhale karo lekin karma karte bhi pharishta sthiti mein raho to karma ka bojh prabhaav nahin daalega। brahma baap se pyaar hai to brahma baap ne karma sab kiya, nimitta bana lekin brahma baap ke oopar kitna bojh tha। aap koi ke oopar itna bojh nahin hai, hai koi, brahma baap se jyaada kiske oopar bojh hai, jimmevaari hai? woh haath uthaao। koi nahin uthaata। to brahma baap ne itni jimmevaari nibhaate hue kaarya mein kaise raha, karma mein bhi pharishta roop raha na! to aapka bhi brahma baap se pyaar hai, to kabhi pharishta roop mein raho, kabhi niraakaar sthiti mein raho, yeh practice, brahma baba kahke brahma baap samaan pharishta ban jaao aur shiv niraakaar baap ko yaad kar niraakaari sthiti mein sthit ho jaao, yeh kar sakte ho? yeh kar sakte ho ya mushkil hai? jo kar sakte hain beech-beech mein, woh beech-beech mein aise karen jo lagaataar ho jaae, apne karma ke hisaab se jo aapki dincharya hai uske hisaab se fix karo। kam se kam saare din mein 12 baari pharishta bano, 12 baari niraakaar sthiti mein sthit raho, yeh kar sakte ho? haath uthaao। kar sakte ho? mushkil nahin hai na! sahaj hai na! sahaj hai? sahaj mein haath uthaao। achha, karna hai। yeh pakka karo। phir to jo lakshya rakha hai na, is season ke ant tak parivartan ho sakta hai। agar yeh drill 24 time karenge to lagaataar ho jaayega na। theek hai na, ho sakta hai! haath uthaao। ho sakta hai! phir to baapdaada ki taraph se padam padam padam padam guna mubaarak ho, mubaarak ho। lekin dheela nahin chhodna। sabhi nishchay karo hamko ismen number one hona hai। nambarvaar nahin hona, number one kyonki baapdaada ke paas samay bahut aata hai। prakriti to chillaati hai, bojh sahan nahin hota। maaya bhi vidaai lene chaahti hai lekin kehti hai main kya karoon, brahman koi na koi aisa kaam sanskaaron vash hokar karte hain jo mujhe aahvaan karte hain to mujhe jaana hi padta hai। to baapdaada kya javaab de! isliye jaise samay aage badh raha hai, abhi aap log seva mein bhi antar dekh rahe ho na! seva ka return abhi sabhi chaahte hain, kuchh ho, kuchh ho। brahmaakumaariyaan jo kehti thi woh abhi theek ho raha hai। pahle kehte the vinaash, vinaash nahin kaho, ab to kehte hain kab hoga, aap hi taareekh bataao। abhi sunne chaahte hain, pahle bahaana dete the, to yeh bhi pharka ho raha hai na! practical dekh rahe ho na isliye abhi jo baapdaada se vaayda kiya hai usko nibhaate rehna। theek hai! baapdaada ne sabhi samaachaaron ki result suni hai, jo bhi chala hai, achha chala aur result bhi achhi umang-utsaah ki rahi hai isliye abhi lakshya rakho hona hi hai, karna hi hai, samaapti ko sameep laao। aap thode hilte ho na to samaapti bhi door ho jaati hai। aapko hi samaapti ko sameep laana hai kyonki raajya karne vaale taiyaar nahin honge to samay kya karega? isliye sab bahaana, kaaran, kaaran shabd ko samaapta karo। nivaaran saamne laao। haath bhale thodone uthaaya lekin aap sabka bhi yahi lakshya hai na ki duhkhiyon ko sandesh de mukta karen। unhon ko mukta karne ke bina aap mukti mein ja nahin sakte। to inhon ko mukta karo kyonki baap aaya hai na to saare vishwa ke bachchon ko varsa to denge na। aapko jeevanmukti ka varsa denge lekin sabhi bachche to hai na। unko bhi varsa to dena hai na। to unhon ka varsa hai mukti, aapka varsa hai jeevanmukti। jab tak mukti nahin denge to aap bhi ja nahin sakte। iske liye yeh drill karo। 24 baari। raat aur din ke 24 ghante hain aur 24 baar karna hai, neend ke time, neend bhale karo। baapdaada yeh nahin kehte ki neend nahin karo। neend karo lekin din mein badhaao। jab koi function karte ho to saara saara din kaam karte ho na। jaagte ho na! achha।

seva ka tarna karnaatak zone ka hai:- achha pauna class to karnaatak hai। chance achha lete hain। baapdaada bhi khush hote hain ki is tarna mein chhutti mil jaati hai aane ki। to jitne bhi sevaadhaari aate hain seva bhi karte hain aur apna bhaagya bhi banaate hain to karnaatak, naatak hai na। to naatak mein part bajaane mein karnaatak number one hoga na। aap kitne baari karnaatak, karnaatak kehte ho, jab naatak shabd kehte ho to behad ka naatak bhi yaad aata hai na। to is behad ke naatak mein bhi number one aana hi hai। yeh pakka hai na! aana hi hai, banna hi hai, chaahe kuchh bhi karna pade, ever ready। hai ever ready? kuchh bhi karna pade to ever ready। haath uthaao। dekho pauna class to karne vaale hain। number one part arthaat nirvighna ban nirvighna banaana hai। sirf apne ko nirvighna nahin banaana, saathiyon ko bhi banaana hai, hai himmat। karnaatak ko himmat hai to haath uthaao। do do haath uthaao। achha। kitne time mein banenge? kitne time mein baapdaada ko result denge? koi bhi kare, jo ote so arjun। do teen tarna ke baad ya ek tarna ke baad? jo kehte hain do chaar tarna ke baad, woh haath uthaao। achha। vishesh nimitta to yahaan aage hain na। achha jo centre ki mukhya bahine hain woh haath uthaao। centre ke mukhya bhaai ya behen lamba haath uthaao। to kya vichaar hai? jo samajhte hain to teen chaar tarna ke baad ham practical karke dikhaayenge woh mukhya haath uthaao। mukhya hain, bhaai bhi uthaao। dikhaayenge। achha aaj karnaatak ka tarna hai to aap nimitta karke dikhaao, pakka। aap aur aapke sambandh mein centre, pakka hai? paandav pakka hai? achha hai। kya nahin ho sakta hai! sirf dridhta chaahiye। yeh nahin ho, kya karen hoga ya nahin hoga, nahin, hona hi hai। dridh nishchay। jahaan dridhta hai vahaan saphalta hai hi। to yeh bhi bhaagya hai jo aap pahla number example banenge। uska bhi phal hai, uska bhi bal hai। achha hai। to karnaatak yeh kamaal dikhaayega। pakka? karnaatak ki visheshta hai, jo karnaatak ke nimitta behen bani (daadi hdaypushpa), woh puraani behen, unki visheshta kya thi? centre kholne ki unki reeti bahut achhi thi। centre kitne khul gaye? to nimitta umang-utsaah vaali thi aur aap sab bhi nimitta ho, to uski visheshta apne mein laani hai। sirf centre nahin banaao nirvighna centre। theek hai। pasanda hai na! achha hai। kamaal karke dikhaayega karnaatak। doosron ko bhi karna hai, aise nahin karnaatak hi karega, unhonne himmat rakhi hai, isi himmat ka phal aur bal milega। baaki achha hai, karnaatak mein bhi sevaaon ka achha result dikhaai deta hai। vriddhi hoti ja rahi hai। abhi koi mike aur vaaris saamne nahin aaya hai। lekin is nirvighna banne ka agar practical dikhaayenge to woh bhi nikal aayega। achha। baapdaada ko sabhi karnaatak vaalon mein yahi aasha hai ki karke dikhaane vaale hain। achha hai। kuchh bhi ho, sankalp ko poora karke dikhaana। baapdaada ki ummeeden hain। achha।

aapne jo drill sunaai woh kitna samay drill karni hai? h kam se kam 10 minute।

business wing aur education wing:- yeh varga jo bane hain usmein service badhaane ka shauk achha hai। aur baapdaada ne dekha hai ki har ek wing mein umang-utsaah hai ki ham naye se nai baat karke dikhaayen, nimitta banke dikhaayen to yeh donon wing jo hain woh bhi service achhi kar rahe hain। education vaale bhi apni service, apne-apne prakaar se kar rahe hain aur business vaale bhi apne prakaar se kar rahe hain। abhi har ek wing apna group banaaye, yeh group abhi banaaya nahin hai, jis group mein har varga ke hon। maano business varga hai, uske group mein sab varga vaale ek group ho alag। jo koi bhi programme ho to har ek varga vaale aisa prasiddha ho jiska aavaaj sun karke logon mein umang aave to ham bhi kar sakte hain। abhi baapdaada ne report suni ki ek group ne aisa plan banaaya hai, vi.aai. pi group ne banaaya hai। achha hai। har ek varga saare India mein apne apne centres ko yeh seva deve aur jo bhi woh samajhte hain ki yeh vi.aai.pi aisa hai, to woh sabhi varga vaale ek sthaan par apna-apna chuna hua vi.aai. pi. sab varga vaale meeting karo, yeh plan baapdaada ne diya hai, to sabhi aise karo aur unhon ko nimitta banaao। unhon ki vishesh seva karo, jo mike ke saath snehi sahayogi ban jaaen। sirf mike nahin banen lekin snehi sahayogi banen kyonki sneh aur sahayog se unhon ko aasheervaad milti hai, purooshaartha mein aage badhne ki। to baapdaada aur bhi jo varga aaye hain un sabhi vargo ko kah rahe hain, isi season mein baapdaada har group ka result dekhne chaahte hain। madhuban mein nahin bhi aave lekin apne varga ka jo head quarter ho usmein ikaththa karen phir baapdaada result dekh karke season ke last mein aise sahayogiyon se milne ka sochenge। to suna, yeh karna hai। aasha ne diya tha? (aasha behen - O.aar.si) aapne diya tha na। achhi baat hai, agar varga vaale spashta samajhne chaahe to inse samajh lena। baapdaada yeh kyon kehte hain kyonki aap log jo pakke brahman hain unhon ko samay par saakshi hoke dekhna padega, mansa seva itni badhegi jo aap logon ke saathi banke woh seva karen। woh seva karen aur aap saakshi hoke mansa seva karo। jaise brahma baap ne seva laayak banaaya, svayan saakshi hokar dekha na। aise jo nimitta badi aatmaayen hain, jo service ko badhaane vaali hain, woh samay par aur seva mein busy rehti hain, lekin yeh seva aapke yogya taiyaar kiye hue karen, jiski aavaaj mein anubhav ki aakarshan ho, position ki aakarshan nahin lekin anubhav ki aakarshan। woh prabhaav bahut jaldi padega kyonki baapdaada ki unhon ko, nimitta banne vaalon ko extra madad milti hai, koi bhi ho, jisko baapdaada ka samay par vishesh vardaan milta hai, uski result woh khud bhi nahin jaan sakta ki kya hoti hai, lekin yeh extra baapdaada ki madad hai। vardaan hai। woh nahin bolta, vardaan bolta hai isliye aisi aatmaayen taiyaar karo, to baapdaada samay pramaan unhon ko bhi vardaan de aage badhaaye। yeh sabhi vargo ko baapdaada kah raha hai। achha kar rahe ho, aage bhi badh rahe ho, yeh baapdaada sabhi vargo ko mubaarak dete hain jo aur 3-4 varga vaale aaye hain, woh utho।

youth, politician, sport, administration:- yeh ek baat sabhi ko karni hai isliye saath mein uthaaya hai। to varga vaalon ki seva par baapdaada khush hai lekin abhi aap saakshi drishta bante jaao। aapka abhi kaam hai doosre group ko taiyaar karna kyonki achaanak aise circumstance banenge jo aap logon ko bahut tapasya varni padegi। mansa seva karni padegi। samay naajuk aa raha hai aur badhta rahega। abhi mansa seva itni force se nahin ho rahi hai। ho rahi hai, koi koi ka mansa seva ka prabhaav bhi pad raha hai lekin bahut kam। aur last ke samay mansa seva ke sivaae vaacha nahin chalegi। jinhon ko nimitta banaayenge unhon ko bhi abhi chance hai, jab naazuk samay aayega to unhon ko bhi chance nahin milega isliye abhi unhon ko chance de do, najdeek aayenge, vaaris bhi ban sakte hain kyonki abhi haalaaten aapke har group ke kaarya ko madad kar rahi hain। abhi sabhi samajhte hain kuchh hona chaahiye, hona chaahiye। bichaaron ko pata to hai nahin lekin chaahna hai kuchh parivartan hona chaahiye। aap to jaante ho na ki parivartan hona hai aur kya hona hai। woh chinta mein hai, kya hoga, kya hoga! aap jaante ho ki hamaara raajya aana hi hai, khushi hai। ati mein ja raha hai aur ant hoke aadi aani hai isliye aap service karne vaalon ko abhi jaldi-jaldi chhaanto aur unhon ko aage badhaao। achha-achha to kehte hain abhi unhon ko achha banaane ki seva do। aap saakshi drishta banke unko shakti do। achha। sport bhi aaya hai। youth wing ki rajat jayanti hai। politician ne yeh plan banaaya hai, achha hai। yeh jo bhi naam liya hai yeh mukhya wing hain। to mubaarak to baba sabhi ko de raha hai, abhi mubaarak aur denge jab group taiyaar karenge। yeh nahin kah rahe hain ki aabu mein le aana। pahle vahaan taiyaar karo phir baapdaada samaachaar sunenge, result dekhenge phir madhuban mein bulaayenge। to sabhi jo bhi aaye ho, unhonne aage ka plan samjha। haath uthaao। samjha kya karna hai? abhi jaldi-jaldi karo। achaanak kuchh bhi ho sakta hai jo aapko seva karne ka bhi time nahin milega। circumstance aise bhi beech-beech mein aa sakte hain iseelie jaise teevra purooshaarthi group banaaya hai na, aise yeh teevra service ka group banaake taiyaar karo। achha। baapdaada bahut-bahut mubaarak de rahe hain।

double videshi :-abhi double videshi nahin kaho, double purooshaarthi। theek hai na। double purooshaarthi hain na। double purooshaarthi bachche apni seva ka jo madhuban mein chance lete hain bhinna-bhinna prakaar se, yeh baapdaada ko bahut achha lagta hai kyonki ek do ke sangathan ka bal milta hai, kahaan kya problem hoti hai, kahaan kya problem hoti hai, to ek do ke anubhav se aur badon ke direction se, paalna se sahaj ho jaata hai। vaayumandal ka bhi bal milta hai, jimmevaari kam hoti hai, samay vahaan kam milta hai yahaan samay free milta hai, ek hi kaam ke liye। vahaan bhinna-bhinna jimmevaariyaan hoti hain aur time dena hi padta hai, yahaan ek hi kaam hota hai, ya seva ya sva kalyaan। aur dinapratidin baapdaada ne dekha ki service ki rooprekha achhi badh rahi hai। foreign ke youth ki bhi result suni। aur har ek jo seva mein aage badh rahe hain, to baapdaada dekh rahe hain ki dheere dheere do baaten najdeek aa rahi hain - ek to government ya vishesh log unke najdeek jaane ka chance achha mil raha hai aur dheere dheere aapas mein plan banaakar government tak apne apne desh ki government tak pahunchne ka bhi saadhan ban jaayega। to achha hai। videsh mein bhi naam baala hona hai aur desh mein to hona hi hai। youth group ka bhi baapdaada ne samaachaar suna, India ka bhi aur foreign ka bhi, India mein bhi abhi plan banaate hain। lekin isse pahle bhaarat mein yeh plan banaayen jo government tak aavaaj jaaye, shuru shuru mein baapdaada ne dekha tha ki youth group ko president prime minister ke paas le gaye the, pahle group gaya tha, abhi sab saadhan aapke saath hain, abhi aapka T.vi. mein bhi aa sakta hai sirf milaao nahin, lekin unhon ko sunaane ka chance lo। youth se mile aur short time mein sunen ki kya kya karte hain। to har varga vaalon ko aisa group banaana chaahiye jo ministry tak pahunche aur jo mukhya minister prime minister hain un tak aavaaj pahunche। baaki achha hai, baapdaada ne dekha ki foreign mein bhi vriddhi ho rahi hai, hoti rahegi। centre bhi jo rahe hue hain uska plan banaate rehte hain aur sva purooshaartha ka attention hai aur underline kar sva purooshaartha mein bhi naveennata laate rehna। theek hai। achha।

aap sabko bhi achha lagta hai na, foreigners har group mein aate hain, achha lagta hai na kyonki hamaare parivaar mein yeh bhi naveenta hai। foreign ke bhi variety sab aate hain। aisa parivaar to kiska bhi nahin hoga jo ek hi sthaan par koi bhi vishesh desh rah nahin jaae। abhi dekho muslim desh bhi aage aage aa rahe hain। Arabian bhi aa rahe hain। to variety parivaar ek bhi vanchit na rah jaae, yahi lakshya hai ki sabhi bachchon tak pahunchkar baap ka sandesh de vaaris nikaalen, parivaar ke bichhude hue parivaar mein milaayen, yeh dekh baapdaada khush hai aur khushi badhaate chalo। abhi to aapke paas nimantran peechhe nimantran aane vaale hain, kyon? ant mein yahi rehna hai, yahi hai, yahi hai, yahi hai। abhi sabhi kinaare chhootkar sabhi ko baap ke sambandh mein ya sandesh sunne mein chance milna hi hai। nahin to ulhana aapko sabka bahut milega। mansa se bhi aatmaon ko aakarshit kar aage badha sakte ho। sambandh, samparka mein la sakte ho। mansa ki seva abhi kam hai। lekin abhi se shuru karenge to ant mein koi rah nahin jaayega। kabhi bhi agar phursat milti ho to pharishta roop mein jaise brahma baap ne aap sabhi ko mansa seva dvaara aakarshit kiya, ghar baithe himmat di aur chal pade, aise aap bhi pharishte roop se mansa seva kar sakte ho, pharishta banke, yeh anubhav bhi badhaate chalo kyonki duhkh ki lahar, jaise saagar achaanak lahron mein badhta jaata hai, tej lahren beech-beech mein aa jaati hain na। aise abhi jitna samay badhta jaayega to beech beech mein bhi aisi lahar duhkh ki ashaanti ki beech beech mein badhti rahegi। koi kaaran aise banenge jo duhkh ki lahar badhegi isliye auron ko taiyaar karo vaacha ke liye। lekin foundation pakka ho। apna prabhaav daalne vaale nahin ho। real gyaan ka prabhaav daalne vaale ho। kabhi kabhi brahman bachche bhi apna prabhaav daalne lagte hain, koi bhi seva mein baap ki taraph aakarshit karo, personal nahin। agar personal apne par prabhaavit karte to uska punya nahin banta। achha।

chaaron or ke purooshaartha mein aage badhne vaale, jaise abhi 15 din ka kaam baapdaada ne diya tha, uski result jo samajhte hain, jaise baapdaada ne kaarya diya, usi pramaan mansa, vaacha, karmana, samay, sankalp yathaartha raha, woh haath uthaao।

achha। bahut thodon ne uthaaya hai। jinhonne 15 din ka kaam achhi result mein kiya, woh haath uthaao। thodone kiya hai baaki auron ki bhi result aai hai, jo yahaan nahin hain unhon ki bhi result aai hai। bahut karke vesta thoughts ki result sabhi ne attention achha diya hai। lekin saara brahman parivaar ek jaisa purooshaartha mein chale, woh result sangathan ki abhi laani hai। majority result mein sabhi baaton ki ek jaisi achhi result ho, woh kam hai। kiski kismen hai, kiski kismen hai। abhi is drill se sabhi ko sada ke liye apne purooshaartha ki gati teevra karni hai kyonki bahutkaal chaahiye। maano peechhe kar bhi lenge lekin bahutkaal ka bhi sambandh hai isliye sabhi attention den mujhe karna hai, koi kare nahin kare, lekin mujhe ever ready banna hi hai। achha –

chaaron or ke baap ke snehi, jo snehi hote hain woh sahayogi zaroor hote hain, sneh ka return pratyaksha roop woh har kaarya mein tan-man-dhan-jan mein ek do ke sahayogi zaroor honge। to aise snehi aur sahayogi bachche, jo sada baap ke pyaar mein lavleen rahne vaale hain, lav mein nahin, lekin lavleen rahne vaale aur sada baap ke sarva kaarya mein samay sankalp lagaane vaale, kyonki sangamayug mein samay aur sankalp ki bahut value hai, ek janma mein anek janmon ki praalabdha banaane vaale, aise teevra purooshaarthi har gun, har shakti ko, har samay anusaar kaarya mein lagaane vaale aise gun sampanna, shakti sampanna bachchon ko bahut-bahut padam padam guna yaadapyaar aur namaste।

nirmala deedi se:-achha chakra lagaakar aai। (Australia gai thi) achha donon taraph part baja rahi ho, bahut achha। result bhi achhi hai।

(daadi jaanki se)h yeh bhi chakra lagaakar aai। bahut achha khel kiya, khel hi hai। (solar system jo hamaare paas laga hai woh sab papers mein aaya hai) baapdaada ne kaha tha ki yeh jo solar ka kar rahe hain to aisa time aayega jo aur taraph andhiyaara hoga aur ek hi aapke sthaan mein roshni hogi। yeh bhi sab khel dekhenge।(youth abhi government tak jaayenge, aisa programme banaaya hai) government samjhe ki yeh youth achhe hain। yeh bhi ho jaayega।

brijmohan bhaai se:- seva kar rahe hain, seva karte rahenge। jo ishaare milte rehte hain usko practical la rahe ho, iski mubaarak ho। (ramesh bhaai, usha behen se) donon hi theek hain na। jo nimitta aatmaayen hain unko dekh karke sabhi ko umang aata hai, yeh jaise karte hain ham bhi karen to aap nimitta hain auron ko bhi umang-utsaah dilaane ke। bahut achha kiya।

pardaadi se :- bahut achha part baja rahi ho, vishnu ke samaan lete lete part baja rahi ho। aapko dekhke sabko umang aata hai ki aise part baja sakte hain। bahut achha।