Avyakt murli du mercredi 2 février 2011

02-02-11 om shanti avyakt baapdaada madhuban

“apne bhaagya aur praaptiyon ko smriti mein rakh sada harshit va santushta raho drishti vritti aur pravritti dvaara santushtata ka anubhav karaao”

aaj baapdaada sabhi bachchon ko dekh khush ho rahe hain। har ek bachcha parmaatma pyaar dvaara pahunch gaye hain। to aaj baapdaada har ek bachche ke mastak mein bhaagya ki rekhaayen dekh rahe hain। aisa bhaagya aur itna bada bhaagya saare kalpa mein kisi ko praapta nahin hai kyonki aapko bhaagya dene vaala svayan bhaagya daata hai। har ek ke mastak mein pahle to chamakta hua sitaara ka bhaagya chamak raha hai। mukh mein madhur vaani ki rekha chamak rahi hai। hothon par madhur muskaan ki rekha chamak rahi hai। dil mein dilaaraam baap ke lavleen ki rekha chamak rahi hai। haathon mein sarva khazaanon ke shreshthata ki rekha chamak rahi hai। paanv mein har kadam mein padam ki rekha chamak rahi hai। abhi socho aisa bhaagya aur kiska hua hai! isliye aapke yaadgaar chitron ka bhi bhaagya varnan hota rehta hai। aur yeh bhaagya svayan bhaagyavidhaata ne har ek bachche ka banaaya hai।

baapdaada har bachche ka bhaagya dekh har bachche ko mubaarak de rahe hain - vaah bachche vaah! aur yeh bhaagya is sangam par hi milta hai aur chalta hai। sangamayug ka sukh sab yugon se shreshtha hai। satayug ka bhaagya bhi sangam ke purooshaartha ki praalabdha hai isliye sangamayug ki praapti satayug ki praalabdha se bhi jyaada hai। apne bhaagya mein kho jaao। kuchh bhi hota rahe apna bhaagya smriti mein laao to kya nikalta hai? vaah mera bhaagya! kyonki svayan bhaagya daata aapka baap hai। to bhaagya daata dvaara har ek ko apna bhaagya mila hai। jaante ho ki ham itne bhaagyavaan hain ki kabhi-kabhi jaante ho sada nasha rehta hai?duniya vaale to dekhkar poochhte hain aapko kya mila hai? aur aap log uttar kya dete ho?jo paana tha woh pa liya। pa liya hai haath uthaao। pa liya hai achha। pa liya hai? phalak se kehte ho koi apraapta vastu hi nahin hai na phakhur?aur mila kaise? sirf baap ko jaana maana apna banaaya to bhaagya mil gaya। is bhaagya ko jitna smriti mein laate rahenge utna harshit hote rahenge। bhaagyavaan aatma ka chehra sada harshit rahega। rahega nahin rehta hai। unki drishti unki vritti aur unki pravritti sada santushta aatma ban svayan bhi santushta rahegi aur doosron ko bhi santushta banaayegi। to aap sabko santushtata ka nasha rehta hai? kyonki santushtata ka aadhaar hai sarva praapti। apraapti asantushtata ka aadhaar hai। to aap kya anubhav karte ho?apraapta koi vastu hai ki sarva praapti hai?praapti ka nasha hai? hai sada hai ya kabhi-kabhi hai?vaise to yahi kehte ho pa liya jo paana tha। to jahaan sarva praapti hai vahaan asantushtata ka naam nahin hai।

to baapdaada aaj desh videsh kitne deshon se sabhi bachche aake ikaththe hue hain lekin sabse door se aane vaala kaun?kya America vaale door se aaye hain? America vaale door se aaye hain na! aur baap kahaan se aaya hai? America to isi lok mein hai lekin baapdaada kahaan se aaye hain?paramdham se brahma baap bhi sookshm vatan se aaye hain। to kaun door se aaya? sabse door kaun? yeh hai baap aur bachchon ke pyaar ka najaara। aapne kaha mera baba aur baap ne kaha mera bachcha। sirf ek ko jaanne se kitna varsa mil gaya। duniya vaale sukh ke liye shanti ke liye dhoondh rahe hain - kahaan shanti milegi kahaan sukh milega aur aapki jeevan hi sukh shanti sampanna ho gai। abhi baapdaada kehte hain poochhte hain baapdaada kya chaahte hain? to baapdaada har bachche se yahi chaahte hain ki har ek bachcha sada svaraajya adhikaari banke rahe। kabhi-kabhi nahin kyonki abhi ke svaraajya adhikaar ka vardaan baap ne is sangamayug ke liye poora diya hai thoda nahin kabhi-kabhi vaala nahin sada। to socho sada ke liye svaraajya adhikaari ban rehte ho? kyonki baapdaada ne sunaaya ki in sabhi karmendriyon ke man buddhi sanskaar ke bhi maalik ho। sabke liye mera shabd bolte ho main nahin bolte ho mera bolte ho। to man buddhi sanskaar mera hai to mere ke oopar sada adhikaar rehta hai। aise man buddhi sanskaar ke oopar poora hi adhikaari ho isko kaha jaata hai svaraajyadhaari। jo order karo usi pramaan yeh kaarya karne ke liye nimitta hain। lekin iske liye chalte phirte kaarya karte maalikpan ka nasha hona chaahiye। nishchay aur nasha।

ab to aatmaon ko mansa dvaara bhi seva dene ka samay hai। chillaate rehte he poorvaj humein thoda sa sukh shanti ki kirnen de do। to he poorvaj duhkhiyon ki pukaar sunaai deti hai na! baapdaada ne ishaara de diya hai ki kuchh bhi aapda achaanak aani hai iske liye second mein fullstop। woh practice bhi kar rahe ho kyonki us samay purooshaartha ka samay nahin hoga abhyaas karen lagaao fullstop aur ho jaae aashcharya ki maatra isliye purooshaartha ka samay abhi mila hua hai। us samay practical karne ka samay hai to abhi se is abhyaas ko kar bhi rahe hain baapdaada result dekhte hain attention mein hai kar bhi rahe hain lekin aur bhi attention ko underline karo। dekho purooshaartha kitna sahaj hai main bhi bindi lagaana bhi bindi hai sirf attention dena hai।

baapdaada vishesh bachchon ko saugaat dete hain bachche main aapke sada saath hoon। baba kaha aur bachchon ke liye baap sada haajir hai। jo kaha gaya hai hajoor haajar hai sarvavyaapi nahin hai lekin bachchon ke aage hajoor haajar hai। to sada vijayi banna jahaan bhagwan saath hai vahaan vijayi banna kya mushkil hai। vijay aapka janma siddha adhikaar hai। sirf mera baba kaha to vijayi hai hi। isliye sada vijayi banna jo yaad mein rehta uske liye ati sahaj hai। mushkil nahin। jahaan bhagwan hai vahaan vijay hai hi। to aaj baapdaada sabhi bachchon ko dekh khush ho rahe hain ki kitne sneh se kaun se saadhan se aaye hain? train mein ya plen mein woh to shareer ke dvaara pahunch gaye hain lekin dil se to pyaar aapko yahaan laaya hai। hai himmat aapki madad baap ki hai hi। abhi baapdaada yahi chaahte hain ki har bachcha har karma mein apne svaraajya ki seat par sthit rahe। achha।

aaj pahle baari kaun aaye hain woh haath uthaao। khade ho jaao। bahut hain। achha jaise pahle baari aaye ho vaise pahla number jaana hai na। jaana hai?baba ka vardaan hai ki jo himmat rakhega usko baap ki madad bhi milegi aur himmat se jitna bhi aage badhne chaaho woh chance hai kyonki toolate ka board nahin laga hai। yaad mein raho aur jo praapta hua hai usse auron ki seva karo। jitni seva karenge utni duaayen milengi aur woh duaayen aapko aage badhaati rahengi। sandesh dete jaao baaki har ek ki takdeer। lekin aap sandesh de do। punya apna jama karte raho। to punya aapko aage badhaata rahega। achha hai।

achha yeh karaachi se aaye hain kya! to dekho aadi sthaan se aaye ho। jahaan sthaapna hui us aadi sthaan se aaye ho। baapdaada ka yahi vardaan hai ki sada aadi ratna ban jo anubhav kiya hai sada khush rahne ka sada double light rahne ka woh auron ko bhi anubhav karaate raho। baaki baapdaada ne dekha nishchay achal hai। aage badh sakte ho। badh bhi rahe aur badh bhi sakte ho jitna chaaho utna aage badhne ka vardaan le sakte ho। achha। yeh saath mein aaye hain। khush ho na! khushi yahaan se leke jaana। itni khushi leke jaana jo kabhi khushi kam nahin ho। aur aapko khush dekh karke aur bhi khush ho jaayenge। to kya baantenge jaake। kahaan bhi jaate hain to baantate hain na। to aap kya baantenge?khushi baantana avinaashi khushi। jisko khushi praapta hogi woh bhi sada khush ho jaayenge। jo bhi aayenge baapdaada to khush hai hi lekin aap bhi khushi leke ja rahe ho khushi le ja rahe ho itni khushi jama ki? ki hai na। to khoob baantana। apna anubhav sunaayenge na to sunaana ham kahaan se aaye hain। khushi ke sthaan se aaye hain aapke liye bhi khushi laaye hain। achha hai। bahut aate hain aajkal aadha class to pahle baari vaalon ka hota hai। aap sabhi pahle baari aaye ho achha। bahut achha। baapdaada saare parivaar ke saath aapko apne ghar mein pahle baari aane ki mubaarak de rahe hain। bas yeh yaad rakhna mera baba mera baba bhoolna nahin kyonki baba se varsa milta hai। jo apraapta vastu hai woh praapta hoti hai। achha। sab khush ho rahe hain hamaare bhaai apne ghar mein aa gaye। (taali bajaao) achha।

seva ka tarna - eastern zone (aasaam udeesa bangaal bihaar) nepaal taamilnaadu baangala desh (total 17hajaar aaye hain)sabhi jo centre par rahne vaale hain woh khade raho baaki baith jaao। bahut achha। yeh zone sabse bada zone hai। aur addition vaale zone woh bhi kam nahin hain isliye abhi jo bhi teachers aai hain ya centre par rahne vaale aaye hain unhon ko vishesh baapdaada mubaarak de rahe hain। sevaadhaari apni seva ka chaitanya chitra saath mein laaye hain। baapdaada khush hai kyonki dekha gaya hai ki har ek ne apne-apne sthaan mein vriddhi karne ka lakshya achha rakha hai। mehnat to ki hai lekin mehnat ka phal bhi mil raha hai iski mubaarak hai। abhi kya karna hai? abhi jo baapdaada ne pahle bhi kaha hai ki vaaris quality aur aise mike jinka prabhaav duniya par padta hai aise mike aur vaaris jitna bada zone hai itne hi bade donon hi prakaar ke nikaalo। kisi bhi varga vaale hon lekin aapka bada zone hai to bade zone se milkar aisi sankhya madhuban ghar mein aani chaahiye। abhi aise taiyaar karo jo woh aapke zone ka number saamne aave। karte to honge yeh baap jaanta hai ki jo bhi nimitta hain woh seva ke bina rah nahin sakte lekin yahaan tak pahunchen yeh result baapdaada dekhne chaahte hain। baaki aap to ho hi achhe te achhe kyonki baap ke gaddi ke maalik ban gaye। baba teachers ko guroobhaai kehte hain। to he guroobhaai abhi har ek sthaan se aane chaahiye। theek hai na! achha hai purooshaartha kar rahe ho aur saphalta milni hi hai। koi badi baat nahin hai। koi bada programme karo jisse connection badhe। aajkal baapdaada jo bhi zone seva kar rahe hain unki result sunte hain to sahaj hi vriddhi bhi ho rahi hai aur mike bhi taiyaar ho rahe hain isliye is zone mein bhi saphalta hui padi hai। achha।

double videshi:-baapdaada ko yeh bahut achha lagta hai jo madhuban mein aake aapas mein bhi milte baap se bhi milte aur service ki len den bhi karte baba ne pahle bhi kaha hai ki yeh saadhan baapdaada ko achha lagta hai। kitne deshon se aaye hain? (76 deshon se aaye hain) to yahaan madhuban mein aake aap kitne deshon se milte hain?india ke desh jitne bhi aaye hain utnon ko naam lo to bahut ho jaayenge। to aapse india vaale khush ho jaate aur aap india vaalon ko dekhke khush ho jaate। donon ka milan achha ho jaata hai। aapas mein milna arthaat umang bharna। aur to kahaan itna bada parivaar ikaththa dekh nahin sakte madhuban mein hi itna bada parivaar dekhte ho। to dil mein kya aata hai?vaah baba aur vaah mera eeshvareey parivaar! aur baapdaada ko kitni khushi hoti hai apne bachchon ko dekh। vaise to amritvele baapdaada sabhi taraph chakra lagaate hain unke liye chakra lagaana kya badi baat hai। aur baapdaada ne yeh bhi kah diya hai ki chaar baje ke milan ki visheshta yeh bhi hai ki 4 baje baapdaada sabhi bachchon ko sahaj hi vardaan dete hain। vardaan daata ka part amritvele hota hai vishesh। jo bhi vardaan chaahiye woh baapdaada de dete hain। trial karke dekhna। lekin aap sabhi bhi vardaan lene ke liye alert rehna। agar alert nahin rahe to baapdaada chakra lagaake chala jaayega aur aap sochte rahenge। isliye amritvele ka mahatva dete to hain lekin aur attention dena। baapdaada ne dekha hai ki samay anusaar seva bhi badh rahi hai aur seva ke kaaran baap se vardaan lena usse door rah nahin sakte। baaki double foreigners majority purooshaartha karte bhi hain phir bhi attention ko underline karna। baaki baapdaada madhuban mein kaise bhi pahunch jaate ho uski vishesh sabhi bachchon ko mubaarak de rahe hain। baapdaada ne suna ki jo baapdaada ne sanskaar ke oopar ishaara diya hai uske oopar samajhte hain ki humein karna hi hai aur karne ke liye roj amritvele jaise svamaan rakhte hain uske saath-saath koi ek bhinna-bhinna prakaar se ek sanskaar ke oopar attention do aaj ke din is sanskaar ke oopar vishesh attention dena hai aur phir raatri ko jab baapdaada ko apne saare din ka chart dete ho us samay us sanskaar ki result bhi vishesh sunaao to vishesh attention ho jaayega kisi na kisi sanskaar ke oopar attention rakhna hai to jaise yaad ke oopar attention dete ho uske saath-saath usi samay yeh bhi result baapdaada ko do। agar maano aap chaahte ho lekin us din aapke saamne koi sanskaar mitaane ka kaarya nahin hua to apne aapko baap ki mubaarak dena aur roj aise baap ki mubaarak vishesh is sanskaar prati lete jaana to sanskaar kaarya mein aane mein kami padti jaayegi। to jaise yog ke baare mein check karte ho vaise sanskaar ke liye roj aata nahin hai kabhi-kabhi aata hai jo purooshaarthi hain unka bychance paper aata hai baaki roj nahin aata hai। lekin checking roj hogi to yeh bhi attention tension ko khatma karta jaayega। kyonki baapdaada ne dekha hai foreign vaalon mein se koi-koi bachche koi kaarya shuru karte hain to attention dete hain। to attention dene vaale hi mukti praapta kar sakte hain। baba ka bhi vardaan hai। samjha। abhi iske peechhe lag jaayenge na roj checking karenge na result to sanskaar svayan hi dheela ho jaayega। aur jo baapdaada chaahta hai ki sanskaar ki subject mein number one jaao jo sanskaar chaahte ho vahi kaarya mein lage। ho jaayega। attention mein aaya hai na to ho jaayega। lekin attention dena aise nahin ho jaayega lekin attention dena padega। sangathan mein hi yeh sanskaar nikalte hain kyon? aapke chitron mein jo pooja karte hain woh aapke sanskaar kitne achhe gaate hain। to bane hain tabhi to varnan karte hain। apna devtaai chitra emerge karo kya gaate hain? aise devta to banna hi hai na। achha। baaki sab double videshi purooshaartha mein saphalta ka anubhav karte rehte hain na! karte hain? haath uthaao jo saphalta anubhav karte hain। vaah! haath to achhe utha rahe hain। to lakshya rakhenge abhi iske peechhe attention dena hi hai। ismen bhi number lena hi hai। to aapko dekh auron ko bhi umang aayega kyonki aap nimitta ho na। aur nimitta vaalon ko baapdaada ki vishesh madad bhi milti hai। baaki baba khush hai ki centres vriddhi ko praapta hote rehte hain। purooshaartha ki taraph attention hai lekin abhi parivartan ke nimitta banne vaale bano to aapko dekh auron ko bhi parivartan shakti ka umang aayega। baaki baapdaada khush hai ki purooshaartha mein nambarvaar to hote hi hain woh to understood hai lekin purooshaartha ki taraph attention hai aur badhaana hai। baaki baapdaada ki roj yaadapyaar to milti rehti hai। dekho ghar baithe bhi baapdaada ki yaadapyaar ek din bhi miss nahin hota agar roj vidhipoorvak murli padhte hain to। ek din bhi yaadapyaar miss nahin karte। milti hai na! milti hai? yaadapyaar milti hai roj। sabhi ko milti hai na? yeh hai baapdaada ke pyaar ki nishaani। murli miss to yaadapyaar bhi miss। sirf murli nahin miss ki lekin baapdaada ka yaadapyaar vardaan sab miss kiya। murli to padh bhi lenge lekin jo samay fix hai baapdaada ki yaadapyaar lene ka woh to miss hua na। to umang hai is par baapdaada khush bhi hai। achha murli miss karne vaale hain? double foreigners mein hain koi hai jo murli miss karta ho? kaaran se? nahin hai। nahin miss karte। ek ne uthaaya hai। abhi miss nahin karna murli miss nahin karna। chaahe phone dvaara suno। padh nahin sakte hain to kaise bhi suno zaroor। haajiri zaroor lagaao। achha। baaki jo bhi sabha mein aaye hain naye bhi hain puraane bhi hain to yeh pakka pakka pakka note karo murli nahin miss karni hai। kyonki baap roj paramdham se aate hain kitna door se aate hain bachchon ke liye aata hai na! jaise baap murli miss nahin karte aise bachchon ko bhi murli miss nahin karna hai। achha।

abhi jo madhuban mein aata hai na to jaise form bharte hain usmein yeh bhi likho ki murli roj suni ya kitne din miss kiya?manjoor hai?jisko manjoor hai woh haath uthaao। madhuban vaale bhi haath uthaao। kisi bhi kaaran se murli miss nahin karni hai। jaise khaana nahin miss karte ho to yeh bhi bhojan hai na। woh shareer ka bhojan yeh aatma ka bhojan। achha laga। jo naye bhi aaye hain aane ko to mila hai na। unhon ko bhi yeh niyam paalan karna hai। jaise aur niyam hain vaise yeh bhi niyam hai। brahman maana murli sunne vaala seva karne vaala। achha। jo bhi zone aaye hain woh ek-ek alag uthaao।

taamilnaadu:-yeh seva ke liye aaye hain। bahut achha। seva maana meva khaana।

nepaal:-bahut achha। seva ke liye itne aana yeh baapdaada ko bahut achha laga। seva mein aana arthaat yagya se pyaar hai। jo bhi aaye hain sabko baapdaada yahi mubaarak dete hain ki sabhi yagya snehi yagya sahayogi aatmaayen hain।

bangaal:-achha hai baapdaada ne dekha ki jo bhi sabhi aaye hain woh achhi sankhya mein achhe umang utsaah mein aaye hain। sada yagya snehi aur yagya sevak banke hi rehna। chaahe tan se chaahe man se chaahe dhan se yagya kisne racha?baap ne racha। kiske liye racha?bachchon ke liye racha। agar aap brahman nahin hote to yagya nahin racha jaata। to sabhi ne seva achhi ki hai na। nimitta bane hue dvaara certificate bhi mil raha hai sabhi ko। bahut achhi seva ki hai aur aage bhi karte rahenge amar hain।

bihaar:-naam hi bihaar hai dekho naam kitna achha hai। bihaar maana jahaan sada bahaar hai। achha।

udeesa:-har ek ne sankhya achhi laai hai। baapdaada jo bhi zone aaye hain sabhi ki sankhya dekh karke khush hai ki seva se pyaar hai। sada aage badhte rehna badh rahe ho badhte rehna।

aasaam:-baapdaada ne dekha ki ek do se sab aage hain। jo bhi aaye hain ek do se aage umang utsaah vaale hain। seva ka punya to punya kamaane vaali aatmaayen ho kyonki seva se duaayen milti hain। to seva nahin ki lekin punya jama karke ja rahe ho। achha।

baangala desh:- thode hain। jitnon ne bhi seva ki utnon ne yeh yagya sneh ka yagya seva ka apne oopar stamp laga diya। title hi yeh hai yagya snehi। achha। bahut achha kiya।

jhaarkhanda:-bhale thode hain lekin seva se to pyaar hai na। to jitne bhi hain unhonne apna bhavishya banaaya। banaate rehna। jitni yagya seva karenge utna jama karenge। jyaada seva jyaada jama। achha।

abhi aap to sammukh baithe ho lekin aapse jyaada sankhya baapdaada ke aage bhinna-bhinna sthaanon ki baapdaada dekh rahe hain। aap sammukh ho woh door baithe bhi dil mein samaaye hue hain। aap to ho hi tab to chalke pahunche ho na। lekin baapdaada ne dekha ki door baithe bhi pyaar se sunte hain। aur dekhte bhi sab achha hain। baapdaada ne shuru mein kaha tha yeh science aapke kaam mein aayegi। to dekho door baithe bhi najdeek anubhav karne vaala yeh science ka saadhan hai। vinaash mein bhi madad karegi woh bhi zaroori hai aur aapko yahaan bhi brahman life mein golden chance diya hai। to science vaale bhi aapke madadgaar hain। unhon ko bura nahin samajhna yeh kya karte hain। nahin। jiska jo kaam hai woh to karna padega। baaki science bhi aapke madadgaar hai bhi aur aage bhi banti rahegi। achha।

yeh jo meetings vagaira karne vaale sabhi aage baithe hain videsh ki teachers hain nimitta hain। baapdaada sunte sab hain chakra zaroor lagaate hain aur chakra lagaate saar samajh jaate hain। jis samay aapki aavashyak baat final ki hoti hai us samay baapdaada chakra lagaate sun leta hai aur mubaarak bhi dete hain lekin aap busy bahut hote ho। baaki baapdaada ko achha lagta hai kyonki chhote bade centre vistaar se phaile hue hain aur bhaashaayen bhi bhinna-bhinna hain to saare foreign ko bhinna-bhinna india mein bhi bhaashaayen to hain lekin foreign mein bhi bhinna-bhinna bhaashaayen hote hue bhi sabko milaake ek kar rahe hain aur ho rahe hain sabko achha bhi lagta hai isliye baapdaada khush hai। aao meeting karo aur sabko ek niyam mein ek rasam mein ek jaisa karo। baapdaada ko ek baat ki khushi hai to pahle culture culture hai indian culture hai yeh aavaaj aata tha lekin abhi yeh aavaaj nahin hain। sabhi brahman culture ke ho gaye hain isliye mubaarak ho। mehnat ki hai। india vaale bhi bahut conference karte hain aur meetings bhi karte hain।

baapdaada sabhi bachchon se khush hai lekin roj raatri ko apne ko baapdaada ka yaadapyaar dena aur mubaarak dena baapdaada ki mubaarak roj apne ko dena baapdaada deta hai aur aap apne aapko dena। baapdaada chhodte nahin hain chaahe india hai chaahe videsh hai jaise amritvele chakra lagaate hain aise raat ko good night bhi sabse karte hain। isliye apne aapko mubaarak deke sona। achha।

abhi sabhi taraph ke bachchon ko baapdaada yaadapyaar ke saath mubaarak bhi de rahe hain। sada umang utsaah mein aage badh bhi rahe ho aur badhte rehna। kabhi apna umang-utsaah kisi bhi kaaran se kisi bhi baat se kam nahin karna। baat baat ho jaati hai lekin purooshaartha aur baap ka pyaar woh apna hai iseelie kabhi bhi apne buddhi ko baap ke bina aur koi baaton mein busy nahin karna। baap aur baap ki murli aur baap dvaara service jo mili hai woh service karte rehna। achha। abhi kya kahen saath to rehna hai na। to chhutti lete hain yeh bhi nahin kah sakte। saath rahenge saath chalenge aur saath aayenge। achha। abhi samaapti।

mohini behen se:- yeh jo achaanak hota hai usmein koi na koi thakaavat hoti hai chaahe buddhi ki thakaavat chaahe shareer ki thakaavat aaraam se raho। jyaada bhaag daud roochi ho to karo nahin to nahin। kabhi akele bhi ho jaate hain to chakra lagaane chaahte hain lekin pahle apni tabiyat ko theek karo। jyaada attention rakho। abhi jaldi-jaldi hone lage hain। rest karo। dimaag ki rest rakho। woh rest koi badi baat nahin hai dimaag ki rest ho।

daadi ratan mohini ji ne dubai vaalon ki yaad di:-sabhi ko yaad dena।

pardaadi se:- dekha apna zone kitna bada hai। (baba baitha hai) lekin nimitta to aap hain। sthaapna to ki hain na। kahenge to pardaadi ka zone hai। sabhi maante hain।

aunty uncle ne yaad di hai:-baapdaada teenon chaaron jo seva mein rehte hain aur khaas uncle ko dil ki bahut bahut bahut mubaarak de rahe hain। (aunty ki bhi tabiyat theek nahin rehti hai) dekho aap bhi apni sambhaal karo seva karo lekin apni bhi sambhaal karo kyonki aap ek yagya ki special nimitta aatma ho। koi bhi abhi tak position mein rehte hue gyaan mein nahin aaya hai lekin aap pahla yugal ho jo foreign se jo seva mein oonch martaba hote hue bhi parivaar ko bhi le aaye। sirf donon nahin aaye lekin poore parivaar sahit aaye iseelie aap donon special ho। to baapdaada kitna kahe hajaar baari laakh baari bahut-bahut prem se yaad bhi karte aur abhi bhi bahut bahut bahut bahut yaadapyaar de rahe hain।

preetam behen ki tabiyat kharaab hai kuldeep behen ne yaad di hai:- abhi chalne den yahi ishaara theek hai। baapdaada bhi madadgaar hai।

daadi jaanki se:-time par theek ho gai na। yeh hai baap ki madad। (hansa behen se) seva achhi karti ho isko bhi baapdaada mubaarak dete hain। doosri kahaan hai? (praveena behen) donon ko baapdaada mubaarak dete hain ki time par mehnat karke theek kar diya sabhi ko laabh mila। koi vanchit nahin raha class mila। to yeh sambhaalne vaalon ko mubaarak।

neelu behen se:- itne varsha rath ko chalaana samay par seva ka chance dilaana yeh bhi mubaarak hai। baapdaada ne dekha rath ki bhi kamaal hai। jo 42 varsha rath se seva li dilaane vaala to baapdaada hi hai lekin nimitta rath ki jo seva ke time haajir raha hai ek time bhi miss nahin kiya hai। saral svabhaav hone ke kaaran rath ko chalaana aata hai। (daadi jaanki se) yeh bhi seva ki bahut bahut umang utsaah vaali hai iseelie seva ke time theek kar leti hai। (baba theek kar deta hai yeh bhi baba ki…) chaturaai hai।

jab brahma baba itni badi aayu hote hue chalaaya abhi bhi chala raha hai। kab tak chalaata woh to drama mein dekhte jaate hain। sab baapdaada ki kamaal dekhte jaao aur duniya ki dhamaal sunte jaao। aapko to koi phurna nahin bephikar baadshaah ho। jo hoga achha hoga aap braahmanon ke liye। aapko to yahi hai sangam amritvela ho raha hai। amritvele ke baad kya aata hai? din aata hai na! to din to aana hi hai। kya hoga! yeh sankalp bhi nahin hai। din aana hi hai। apna raajya hona hi hai। nishchit hai। to nishchit baat kabhi badal nahin sakti।

kunj daadi se :- haan sabhi hisaab chuktu kar rahe hain। theek hai na। ho raha hai theek? achha। theek ho jaayega। aaraam se baitho। aaraam karo। dimaag ko bhi aaraam aur shareer ko bhi aaraam। donon aaraam aajkal chaahiye kyonki dimaag ki halchal shareer par asar karti hai। theek ho jaayengi। ho hi jaayengi।

da. ashok mehta ne yaad di unki heart surgery honi hai:-achha hai himmat vaala hai। himmat madad deti bhi hai dilaati bhi hai। to himmat haarne vaala nahin hai। baaki thoda bahut jo hoga woh theek ho jaayega lekin thoda rest zaroor kare। aise jo bhi hota hai usmein thoda samay rest ka zaroor chaahiye। hospital mein jaana hi hai nahin। thodi rest karne se aage ke liye madad milti hai। nahin to thakaavat phir kuchh na kuchh apna jalva dikhaati hai। thode din rest zaroor kare।

ramesh bhaai ne kaha aaj oosha ka janma din hai:- usko kabhi-kabhi vatan mein bulaate hain khush hai koi takleeph nahin hai।

peechhe baithe hue bachchon ko baapdaada apne dil mein dekh rahe hain। haal mein bhale peechhe ho lekin pyaar mein najdeek aur dil mein bhi najdeek ho।

kuchh vi.aai Ps baapdaada se mil rahe hain:- kahaan bhi koi bhi kaarya kar rahe ho lekin apni jeevan mein khushi kabhi nahin ganvaana। sada khush mijaaj kyonki khushi hai kehte hain khushi jaisi koi khuraak nahin to jeevan ki jeene ki jeete to bahut hain lekin maje se jeena jeevan ka maja lena woh khushi hai to। khushi nahin to kabhi kaisa kabhi kaisa। (aapka aasheervaad chaahiye) uske liye jab bhi aankh khule na chaahe bistar par hi ho lekin aankh khule to paramatma se goodmorning karna। yeh to kar sakte ho na। bas savere savere agar paramatma ko yaad karenge saara din aapka achha ho jaayega। aur ismen mehnat bhi nahin hai। uthna to hai hi। sirf goodmorning shivbaaba। aap nimitta ho na। to aap logon ko dekh karke doosron mein bhi khushi aayegi। kyonki jeevan mein kuchh to praapti chaahiye। to sabse badi khushi hai। khushi kabhi nahin ganvaana। paisa chala jaae lekin khushi nahin jaaye। paisa aa jaayega khushi se paisa double ho jaayega। aate raho। jahaan bhi rehte ho na phone se samparka karte raho। jab koi aisi problem aaye to jo suno vardaan suno us par socho।

2)sada savere-savere shivbaaba se goodmorning karo। kehte hain na savere jiski shakla dekhenge saara din vaisa hoga। to sada khush rehna। koi bhi baat aave usko khushi se hataana।

double videshi aar. si. O. meeting ke bhaai bahinon se:- (aaj 25 saal poore hue) mubaarak ho। 25 saal meeting karte rahe ho। to jo meeting karte ho us meeting ka practical karne mein saphalta milti rehti hai na! saphalta hai na। kyonki kuchh bhi karte hain uski result achhe te achhi honi chaahiye। to aap jo karte ho time dete ho sangam ka time bahut keemti hai। to uski result check karo ki result kitni nikli। result se khushi hoti hai। aapne kaha aur hua। kyonki gyaan maana karna aur hona saath-saath। to itne time mein jo bhi kiya hai kiya to achha hi hai yeh to baap bhi samajhte hain ki jo nimitta bane hue hain unse kaarya jo bhi hota hai woh achha hi hota hai। tabhi to aap logon ko nimitta banaaya hai nahin to nimitta nahin banaate aur bhaavna bhi hai jo har saal samajhte hain karen। to jo bhi karo uski result dekho। problem to hoti hai lekin problem hal ho jaae। problem problem nahin rahe hal hona yeh saphalta hai। to yeh to hua ki achha hua hai tab itna varsha chala hai nahin to khatma ho jaati na। chalti aai hai baaki koi baat kaisi bhi hoti hai uski parvaah nahin lekin chalta raha hai to zaroor koi na koi saphalta mili hai। to chalaate raho lekin jitna time aap sab mahaarthiyon ne diya hai aapka time bhi to valuable hai na। utna result mein laate raho। ek baari mein nahin bhi hota hai thoda time bhi lagta hai uska koi harja nahin lekin yeh check zaroor karo ki samay ke anusaar kitne mahaarthi hain sabhi। sabhi ka time kitna valuable hai us anusaar result hai? aur result ko baar-baar unhon ke aage dohraao। yeh rah gaya hai yeh hamko poora karna hai tabhi doosre varsha meeting karo aur uske liye plan banaake karna hi hai। yeh attention zaroori hai। baaki baapdaada ko achha lagta hai aapas mein aap milte ho yeh bhi achha hai। kyonki bahut samay door rehte ho na to madhuban mein aake milte ho yeh achha hai। nuksaan nahin hai phaayda hi hai। baapdaada khush hai karte chalo।

videsh seva ko 40varsha hua hai:-vriddhi bhi achhi hui hai। jo mehnat ki hai usse phal nikla hai isliye aage badhte chalo। baapdaada khush hai। (dilli mein bada programme hone vaala hai)jahaan tak ho sake usmein videsh aur india milaake karo to achha hai। (one god one family programme rakha hai)shuru-shuru mein london mein is baat ka prabhaav pada tha to inki stage mein kaala-gora bhinna-bhinna dharma vaale sab ikaththe baithte hain। inhon mein woh bhedbhaav nahin hai sab milke ek ko maante hain। yeh prabhaav bahut achha hota hai। abhi jaise seva bhi sabhi taraph ho rahi hai na to abhi yeh impression achha hai to yeh sabko maante hain। jo kehte hain god is one woh yeh one karte hain। programme dilli mein hai na to usmein stage par sab hone chaahiye। jaise (behreen mein) sab dress vaale aaye na usi dress mein aave। jahaan jo bhi dress hai lekin stage par ikaththa dikhaai de। (gaayatri behen se) aap bhi to mehnat karte ho na nimitta to bante ho। baap to hai hi saathi।