Avyakt murli du mercredi 2 mars 2011

02-03-11 om shanti avyakt baapdaada madhuban

‘‘is birth de par sabhi ek do ko umang-utsaah dilaate sahayogi bante vyartha sankalp ke ak ka phool arpan karo master sarvashaktivaan ke svamaan ki seat par rah ismen number one ka inaam lo’’

aaj aap sabhi aur saath mein chaaron or ke sarva bachche amritvele se leke bade sneh bhari mubaarken apne prem aur khushi ki de rahe hain। to baap bhi aap sabhi sikeeldhe bachchon ko is jayanti ki mubaarken dene aaye hain। ek-ek bachcha baap ke liye ati pyaara dil ka dulaara hai। to baapdaada apne baahon ki maala se aap sabko mubaarken de rahe hain। baapdaada dekh rahe hain aap to saamne mubaarak de bhi rahe ho le bhi rahe ho। lekin chaaron or ke bachche kai sthaanon mein mubaarken de rahe hain aur baap bhi desh videsh sab taraph ke bachchon ko ati sneh poorvak mubaarken de rahe hain।

baapdaada dekh rahe hain har bachcha khushnuma soorat se pyaar ke saagar mein lahra rahe hain। baap ko khushi hai ki baap akela nahin aata hai bachchon ke saath hi aate hain kyonki baap aate hi hain yagya rachne। to yagya mein kaun hote hain?brahman। isliye baap akele nahin aate lekin saath bachchon ke aaye hain kyonki yahi jayanti sab jayantiyon se wonderful hai। saare kalpa mein yeh ek hi jayanti hai jo baap aur bachchon ka saath mein janma hota hai isliye is jayanti ko kaha hi jaata hai heere tulya jayanti। baap bhi vishesh aadi ratna bachchon ko vishesh mubaarak de rahe hain। to aap sabhi aaj mubaarak dene aaye ho va lene bhi aaye ho! baap ka kehna hi hai saath rahenge saath udenge saath aayenge aur brahma baap ke saath raajya karenge। saath rahne ka vaayda hai। aap bhi kya kehte ho? ham bhi jahaan baap vahaan saath-saath honge। yeh hai bachchon ka baap se baap ka bachchon se vaayda। kahaan bhi shareer dvaara rehte hain lekin dil mein sada baap saath hai iseelie baap ko dilaaraam kehte hain। yahaan yaadgaar bhi dilvaala mandir hai। to sabhi ke dil mein saath mein dilaaraam hai na! aur baap sada bachchon ko kehte hain kabhi bhi akele nahin banna। sada saath hain saath rehna hi hai। akele honge to maaya apna chance leti hai aur saath hai to svayan light house saath hai uske aage maaya door se hi bhaag jaati najdeek bhi nahin aa sakti hai isliye bachchon ka baap se baap ka bachchon se sada saath ka vaayda hai। aap sabhi ka bhi vaayda hai na! saath hain saath rahenge। achha lagta hai na saath mein। haan bhale haath uthaao।

baapdaada ne dekha har bachcha amritvele baap se bahut dil ki baaten karte hain। vaise to samay nahin milta lekin amritvele har ek bahut meethi-meethi dil ki baaten karte hain aur baap bhi har ek bachche ko dil ki baaten sunkar sab baaton ka uttar bhi dete hain। sabhi ko ek baat ki bahut khushi hai ki ham dil se kehte mera baba to baap haajar ho jaate। hajoor haajar ho jaate। ismen sirf dil ki baat hai। aur kuchh karne ki jaroorat nahin dil se kaha mera baba hajoor haajar।

to aaj chaaron or se baapdaada ke kaanon mein meetha geet baj raha tha। kaun sa geet? mera baba pyaara baba meetha baba। aur baapdaada bhi bachchon ke sneh mein samaaye hue the samaaye hue hain। abhi baapdaada aapke sneh ke divya kartavya ko dekh aapke bhakta woh bhi kam buddhi vaale nahin hain। unhonne bhi aapke yaadgaar ki copy bahut achhi banaai hai। dvaapar mein aaye pahla pahla janma vaise bhi satopradhaan hota hai kyonki paramdham se aatma aati hai। to bhakton ke taraph bhi aaj drishti gai। to copy badi yuktiyukta ki hai kyonki aapke shuru-shuru vaale vishesh bhakta jaisa aapka practical karma hai vaise hi unhonne bhi yaadgaar ki copy achhi banaai hai। lekin aapka practical hai unhon ka yaadgaar hai। jaise aapne vrat liya kaun sa vrat liya?pavitrata ka। to woh bhi vrat lete hain vrat ki copy ki hai lekin aapka vrat ek janma mein lene se anek janma woh vrat chalta hai। woh ek din ke liye pavitra bhi rehte aur khaan-paan bhi shuddh rakhte hain। aapka 21 janmon ka vrat unhon ka alpakaal ke liye hai। aise hi jaagran aap roshni mein aaye to saare vishwa ke andar andhakaar mitaaya। aadhaakalpa andhakaar aa nahin sakta। man ka andhakaar mitaaya aur baahar prakriti ka duhkh andhakaar mitaaya। woh bhi copy ki hai jaagran karte hain। aur baat aap baap ke oopar balihaar gaye bali chadh gaye। poorn surrender ho gaye to unhonne bhi copy ki hai lekin apne ko nahin karte apne ko bali nahin chadhaate hain kisko chadhaate hain? jaante ho na! bakre ko chadhaate hain। bakre ko kyon dhoondha aur kisko nahin dhoondha। sab hans rahe hain jaante ho। jo baap aap bachchon ko baar-baar ishaara deta hai main pan chhod nimitta bhaav dhaaran karo to unhonne bhi bakre ko dhoondha hai kyonki woh bhi mein mein karta hai। to bhakton ki buddhi kamaal ki to hai na! aapke bhakta hain na। baap ke aapke bhakta hain। iseelie baap aapke bhakton ko bhi jo sachchi dil se karte hain unko kuchh na kuchh phal de dete। bhakti ka phal woh bhi sada sachche aur saatvik rehte hain khush rehte hain। duhkh mein duhkhi nahin hote hain kyonki bhakti sachchi dil se karte hain। to baap bhi aajkal aap bachchon ko yahi ishaara dete hain ki maimpan nahin laao। main jo kehta hoon vahi ho। main hi theek kehta hoon vahi hona chaahiye। yeh main main ek saadhaaran hai main shareerdhaari hoon dehdhaari hoon lekin ek hai saadhaaran main aur doosri hai maheen main usmein baap ki den ko bhi mainne kiya mainne bola main karta hoon baap ki visheshtaaon mein bhi maimpan aa jaata hai। gyaan ki samajh visheshtaaon ki samajh usmein bhi maheen maimpan aa jaata hai। to baap ishaara dete rehte hain ki main aur mera sada mera baba usi taraph dil ka lagaav ho। had ka mera mera naam mera shaan isko samaapta kar main baba ka baba mera kitni khushi hoti hai। bhagwan mera ho gaya aur kya chaahiye! to ek hai saadhaaran mera ek hai maheen mera। yeh maheen mera maila kar deti hai aur mera baba maalaamaal kar deta hai।

to aaj birth de manaane aaye ho। apna bhi birth de manaane aaye ho na। baap bachchon ke bina kuchh nahin karta। iseelie aaj baap bachchon ke janma utsav ki mubaarak dene aaye hain vaah mere bachche vaah! abhi ek baat kahoon taiyaar hain! kahen?karna padega। haath uthaao karenge?double foreigners karenge? teachers karenge? achha। to aaj baapdaada jaise yaadgaar mein shiv paramatma ki yaadgaar mein ak ke phool chadhaate hain gulaab ke nahin aur koi phool nahin chadhaate ak ke phool chadhaate hain। to aaj baapdaada aapko kaun si baat arpan karo woh homework dene chaahte hain। taiyaar ho na! achha।

yeh to bachchon ka baap ko bahut achha lagta hai haan ji sab karte hain। to aaj birth de par baap ka yeh sankalp hai ki sabhi ek do ko umang utsaah dilaate hue ek do ke sahayogi bante hue vyartha sankalp ka ak ka phool arpan karo। vyartha sankalp na karna hai na sunna hai aur na sang mein aakar vyartha sankalpon ke sang ka rang lagaana hai kyonki vyartha sankalp jahaan hoga vahaan yaad ka sankalp gyaan ke madhur bol jisko murli kehte ho woh shuddh sankalp smriti mein nahin rahenge। chaahe murli sunte bhi ho padhte bhi ho woh to aavashyak hai। braahmanon ka niyam hai lekin sunne tak rahegi। man mein manan nahin chalega। sochenge kahenge aaj ki murli bahut achhi thi। soch rahi hoon kya thi। vardaan bhi bahut achha tha lekin yaad aa jaayega…। vyartha sankalp man buddhi ko apne taraph aakarshit karne vaale hain। pata hai aapko kya kehte hain baap ke aage? baba interested samaachaar to sunna chaahiye na। knowledgeful banna hota hai lekin vyartha baaten pad ki praapti mein nuksaan kar dengi। to kya aap sabhi vyartha sankalp ka baap se vaayda karte ho? aap kahenge ham to nahin chaahte lekin woh aa jaate hain। chaahte nahin hain lekin aa jaate hain। to baap ko dridh sankalp se dene se pahle dena aata hai?baap ko de diya। di hui cheej agar aapke paas vaapas bhi aa jaae to di hui cheej aap rakhenge ki vaapas karenge? agar di hui cheej aap apne paas rakhte ho to aapka title kya hoga? to baap ko ek baar apni roochi se dridhta se de do। aur check karo baar-baar di hui cheej hamaare paas vaapas to nahin aai! doosre ki cheej apni banaana isko achha nahin maante hain। to roj aaraam ke pahle aaraam baad mein karna pahle check karna - aaj saare din mein koi bhi vyartha sankalp aaya to nahin? kiya to nahin? di hui cheej vaapas to nahin le li?

to aaj birth de ki saugaat dene ki himmat hai na! hai himmat?haath uthaao himmat hai। to jahaan himmat hai vahaan baapdaada bhi aapko saugaat dega। aap dil se mera baba dayaalu kripaalu baba aap yeh cheej le lo। agar dil se kahenge to baap extra gift dega। kyonki himmat aapki extra madad baap dega। jahaan himmat hai vahaan baap ki madad avashya hai hi yeh to anubhav kiya hai na kyonki baapdaada kaaphi samay se soochna de raha hai ki ab teevra purooshaartha ka raasta hai teen bindu lagaana। bindu hoon baap bindu ko yaad karna hai aur beeti ko bindu lagaana fullstop bindu hai। jisko baapdaada kehte hain manan karo bindu banna hai bindu dekhna hai aur bindu lagaana hai isliye bindu ka bahut mahatva hai। aajkal ke jamaane mein bhi bindu ka mahatva hai। dekho paise ginti karte hain na। aajkal sabka pyaar sabse jyaada kisse hai? paisa। to paisa badhta kaise hai? bindu lagaate jaao 10 ko bindu lagaao 100 ho jaayega। doosri bindu lagaao to 1000ho jaayega। to bindu ka mahatva hai lekin asli bindu kaun sa hai woh bhool gaye hain। to aaj baap ko janma din ki saugaat di? di? dil se di? kyon kya to nahin karenge। kaise karoon kyon karoon?yeh kai kai ki bhaasha kharaab hai। kyon karoon kaise karoon kyon kyon kai kai nahin karna। to saugaat dene ke liye khushi-khushi se haath uthaaya hai ya sangathan mein majboori se?kyonki majboori se karne vaale ka sada nahin hoga kabheev bhi hoga। dil se karne vaala karna hi hai banna hi hai। saugaat de di deni hi hai। aisa khushi-khushi se sankalp karenge to aap sarvashaktivaan baap ke bachche master sarvashaktivaan ke liye kya badi baat hai! seat par rehna master sarvashaktivaan ki seat par sada set rehna। bhoolna nahin। svamaan hai na yeh। svamaan apna chhoda nahin jaata hai। svamaan ke peechhe to ladte hain। to iseelie aaj baap ko pyaar aaya ki chhoti si baaton mein apna svamaan paramatma dvaara mila hua svamaan logon dvaara mila hua svamaan usmein bhi kitna nasha rehta hai yeh paramatma dvaara svamaan mila hai master sarvashaktivaan। jo chaahe woh kar sakte hain। hai na himmat? kaandh hilaao। haath nahin hilaao kaandh hilaao। himmat hai? teachers। aapko karaana padega dhyaan dena padega। aap karegi aur attention dilaake karaayengi। nimitta ho na। phir dekhenge kaun sa class kiska class number leta hai? phir achha inaam denge। kaun sa inaam denge woh nahin bataate hain। badhiya inaam denge। class ka class koshish karna। aise nahin ek ne kiya nahin। majority karen।

to aaj baapdaada ko ek-ek bachche ke prati pyaar aa raha hai ki number one mein aave। tu mein bhi nahin। pahli raaj gaddi par nahin baithenge takhta par to do baithenge। lekin pahli raajdhaani pahle raaj gharaane ke sambandh mein aave। do number to ho gaye lekin raajya karna hai raajya adhikaari banna hai to pahle raajya mein aave। to baapdaada ka yahi bachchon se pyaar hai ki ek-ek bachcha koi na koi visheshta mein number one aave। nambarvaar nahin number one। hai umang? number one mein aana hai ki jo mile so achha? achha achha nahin karna। baap ki aasha hai ek-ek bachcha koi na koi kamaal mein number one aave। chaar subject hain koi na koi subject mein number one banna hi hai। banna hi hai yeh underline karo। chalo jyaada mehnat nahin dete koi na koi subject mein number one। yeh to sahaj hai na। baaki aaj ke din ek-ek bachcha jo bhi milan mana rahe the amritvele। bada khushnuma khushi mein hansata hua khushnuma dikhaai de raha tha। aur baap ne bhi har bachche ko sada udti kala ka vardaan diya। chalti kala nahin udti kala। to baapdaada ka aaj yeh vardaan yaad rakhna। baapdaada ne aapke aur apne jayanti par kya vardaan diya?udti kala bhav। aapne bhi saara din utsav shivraatri utsav dil mein manaaya hai na। to sabhi achhe hain achhe rahenge achhe te achha raajya pad praapta karenge। sabhi achhe hain na! baap to achha hi dekhta hai। achha।

chaaron or ke chaahe sammukh baithe hain chaahe apne-apne sthaan par baith mana rahe hain sabhi ko baapdaada bhi dekhkar harshit ho rahe hain aur bachche bhi baap ka milan dekh khush ho rahe hain। lekin aaj ka sankalp rakhna sada khush। kabhi-kabhi vaala nahin sada khush। koi bhi dekhe aapke chehre ko dekh soche yeh bahut bhaagyavaan aatma dikhaai deti hai। aapka bhaagya chalan aur chehre se dikhaai de। aise nahin sirf man mein bahut hai nahin। aapka bhaagyavaan chehra khushnuma chehra auron ko parichay karaayega। chehra bolega kuchh hai। aapka chehra service kare। baap tak laave। khushnuma rehna yeh bhi seva ka saadhan hai। to chaaron or ke bachchon ko aapke bhi birth de ki padamguna mubaarak ho mubaarak ho mubaarak ho। achha।

seva ka tarna Indore zone ka hai:- achha। yeh sab Indore ke hain। Indore vaale hila rahe hain! (5svaroopon ki nishaani haath mein hai) yeh achha banaaya hai। har ek ko alag dekhne se maaloom hota hai ki apne tarna par yagya se pyaar hai kyonki baap ne bhi pahle aate hi yagya racha। yagya ka sada aage badhna bharpoor rakhna yahi yagya ke pyaare bachchon ka kaam hai। jaise centre ka chaaron or se dhyaan rakhte hain aise hi yagya ka dhyaan rakhna har ek bachche ka kartavya hai। baapdaada ne abhi tak dekha ki is tarna lene mein sabhi paas hue hain। koi ki bhi kami nahin rahi hai। to jaise tarna ke time yagya ka dhyaan rakha anubhav kiya abhi apne centre par rehte bhi har ek yagya rakshak hai yagya nivaasi rahne vaale sirf nahin har ek brahman bachcha yagya pyaara hai yagya rakshak hai। aise apne ko jimmevaar samajhkar sada chalna। yeh tarna poora hua lekin vahaan rehte bhi dhyaan ho poochhte raho। jaise abhi tarna mein khareeddaari karke bhi aate ho na। aise sada yagya ka brahman maana hi yagya rakshak। to itna har ek brahman ko dhyaan rakhna hai। pahle yagya phir centre। attention dete to hain baapdaada jaante hain kaun-kaun kis prakaar se attention de rahe hain aur badh rahe hain। baapdaada sirf ishaara de raha hai baaki kar bhi rahe ho aage karte bhi rahenge। aapka yeh yagya sthaan sabhi aatmaon ko yagya prasaad dene vaala hai। to aap sabhi kaun ho?yagya rakshak ki centre rakshak? yagya rakshak। baapdaada ke saathi ho। baapdaada yagya rakshak hai na। aapka title kya hai? yagya rakshak ho na। achha kar rahe ho aur bhi achha karte rahenge। tan man dhan seva chaar cheejen hain। to yagya rakshak arthaat jaise chaar subject hain gyaan yog dhaarna seva। aise yeh bhi chaar subject hain। baaki baba ke paas result aati rehti hai। baapdaada sab result dekhte hain interest se dekhte hain। har bachcha kya kya karat bhaye…। achha hai। baapdaada ke paas report nahin hai lekin aage ke liye bhi ishaara de rahe hain। achha।

yeh kya kamaal dikha rahe hain?koi na koi kamaal to karte hain na! baapdaada ne suna hai ki service mein bhinna-bhinna programme bhinna-bhinna vidhiyaan nikaalte hain aur usko practical mein la rahe hain। yeh result to suni। paas ho na ismen paas ho? haath uthaao। naya-naya plan banaate hain aur usko practical mein laate hain। achha hai। aise practice karke apne mein phir sabhi ko us tareeke ka anubhav karaane ke liye koi saadhan banaao। achha। baapdaada mubaarak de rahe hain। mubaarak ho mubaarak ho।

double videshi bhaai bahinen 60deshon se 1100aaye hain:-videshi bachchon ko bhaaratvaasi dekh ke bahut khush hote hain kyonki baap ka title hai vishwa kalyaankaari। sirf bhaarat kalyaankaari nahin to jab dekhte hain na to videshi bhi abhi Indian sanskaar vaale ho gaye hain kyonki satayug mein raajya karne vaale ho na। adhikaari banne vaale ho। to jo baap ka parmaatma culture hai woh aapka ban gaya hai। iske liye khush hote hain ki hamaare hi bhaai kahaan se kahaan chale gaye bhaarat se seva ke liye chale gaye। lekin hain bhaaratvaasi beej। beej aapka foreign ka nahin hai। pahla asli beej bhaarat ka hai। iseelie kahaan-kahaan se nikalke bhaarat ka ek culture ho gaya hai। Indian culture nahin parmaatma culture। aur sab khushi-khushi se। baapdaada ne dekha yahaan India mein aake India ka khaana banaana bhi seekh jaate hain। saamaan leke jaate hain। to beej aapka vahi hai sirf seva ke prati itni bhaashaayen kaun seekhega! ek baari mein kitne deshon se aate hain abhi itni bhaashaayen kaun seekhega?iseelie aapko bheja hai seva ke liye। asli bhaarat ke hain aur bhaarat ke culture ke ban gaye hain kyonki bhaarat mein yahaan parmaatma culture chal raha hai। Indian culture nahin parmaatma culture। lekin bahut khushi se seekhte bhi ho aur chalaate bhi ho। parivartan karne mein apne ko achha nimitta banaaya hai। to iski mubaarak। hamaare the hamaare ban gaye। yaad hai na! bhaan aata hai na! ham Indian nahin lekin parmaatma culture ke the aur abhi last mein aake bane hain। chaar-paanch janma seva ke liye vahaan liye hain। jo yahaan aate hain woh baba ke the baba ke ban gaye। yagya ke the yagya ke ban gaye। koi-koi poochhte hain ham the ki nahin the। baap kehte hain sabhi the। achhe-achhe serviceable bachche nikle hain। baapdaada ko sangathan madhuban mein karna yeh bahut achhi reeti lagti hai। parivaar to dekho kitna hai। bade parivaar sukhi parivaar। vaise agar parivaar bada hota hai to duhkh hota hai lekin sukhi parivaar bada parivaar achha lagta hai। achha lagta hai na parivaar। parivaar dekhke khushi hoti hai?the hi yahaan ke na। achha। aaj svahej bhi to manaayenge na kyonki avatran ka din hai na।

daadiyon se:- (daadi jaanki 4 din ke liye gujraat tuar par ja rahi hain) himmat hai na। sankalp kiya hua pada hai।(baba anguli par nacha raha hai)iseelie chal rahi ho। achha।

mohini behen se:- isko to chalna hi hai। saath nibhaana hi hai। bephikar। socho nahin। achha hai achha hona hai। sab achha ho jaayega। bas।

eeshu daadi se:-yeh bhi saathi hai। (baapdaada ne anguli se sabke mastak par tilak diya)badhaai ka tilak sabhi ko mila। (T.vi. par dekh rahe hain) woh bhi khush ho rahe hain।

(uncle aunty ne bahut-bahut mubaarak di hai)aap baap ki taraph se tilak dena। baap de raha hai woh tilak anubhav kare।

(preetam behen ke bhog nimitta kuldeep behen aur parivaar aaya hai) usne bhi achha part bajaaya aur sabki dil se seva ki। parivaar lucky parivaar hai। jo nimitta baap tha woh bachpan se parivaar kar bahut hitkaari tha। ek saaikil par 4 jane bithaake murli sunne aate the। itna laukik parivaar ko pyaar koi nahin karta bahut achha uska vardaan bhi parivaar ko hai।

kunj daadi ne yaad di hai ahamdaabaad hospital mein hain:- usko pharka nahin padta hai baar-baar hota hai to uska kaaran kya? badi umra to kaeeyon ki hai। uska ilaaj ho raha hai? kyonki service vaali hai na। baaki thoda poochh karke isko thoda chusta kar do abhi bahut time bed par rahi hai। achha।

sabhi baapdaada ke sikeeldhe serviceable vishwa mein chamakte hue sitaare aaj aapko bhi birth de ki mubaarak de rahe hain। baap ke saath hain saath rahenge saath chalenge saath raajya karenge। brahma baap ka bahut pyaar hai। akela nahin karega। to sabhi ko personal ek ek ko mubaarak ho। achha।

baapdaada ne apne haston se jhanda phahraaya aur sabko shiv jayanti ki mubaarak di

aap sabke to dil mein baapdaada samaaya hua hai। lekin auron ko pata dene ke liye aapka baap aa gaya jo varsa lena ho mukti ka ya jeevanmukti ka aake le lo yeh khabar dene ke liye yeh jhanda lahraaya jaata hai। yeh jhanda lahraana bhi vishwa ki seva hai। aakarshan to ho sab geet gaaven। aap sirf nahin gaao। sab yeh geet gaayen hamaara baba aa gaya। abhi seva jaldi jaldi karo। samay kam hai seva abhi rahi hui hai। aapke padosi ko bhi pata nahin bhaagya nahin banaaya to adosi-padosi sabko yeh sandesh de do aapka baap aa gaya। abhi jahaan rehte ho na vahaan dekhna hamaare aas paas kitne hain jinko baap ka pata nahin kisi bhi tareeke se nahin aate haath mein parcha nahin lete to post box mein daal do sandesh de do ulhana nahin rahe hamko pata kyon nahin diya। kaise bhi kisi dvaara bhi yeh sandesh zaroor pahunchaao। seva sabhi ki rahi hui hai। aapke mohalle mein sabko sandesh mila। nahin mila hai to kar lo। achaanak sab ho jaayega phir yaad aayega hamne nahin kiya hamne nahin kiya। kar lo। samjha। zaroor karna। achha।