Avyakt murli du mercredi 30 novembre 2011

30-11-11om shanti avyakt baapdaada madhuban

“amritvele vishesh sarva shaktiyon ke anubhvi swaroop ban yog ki sakaash vaayumandal mein phailaao, man ko sada busy rakho, samay ki pukaar hai - teevra purooshaarthi bhav”

aaj baapdaada chaaron or ke bachchon ke mastak mein bhaagya ke chamakte hue sitaare dekh rahe hain। ek janma ka, doosra sambandh ka aur teesra praaptiyon ka। teenon bhaagya ko dekh harshit ho rahe hain। janma ka bhaagya to aap jaante ho ki aap sabko yeh divya janma,brahman janma dene vaala svayan bhaagya vidhaata hai। to socho,kitna bada bhaagya hai! saath-saath sambandh, iski visheshta jaante ho ki teenon sambandh baap,shikshak,satguru teenon sambandh ek baap se hain। ek mein hi teen sambandh hain। praaptiyon ko bhi jaante ho, jahaan baap hai vahaan praaptiyaan to sarva aur behad ki hai। ek mein teenon sambandh hain। vaise bhi jeevan mein yeh teen sambandh aavashyak hain lekin duniya vaalon ke harek sambandh alag- alag hain aur aapke teenon sambandh ek mein hain। ek mein teenon sambandh hone ke kaaran yaad bhi anubhav bhi sahaj hota hai। sab teenon sambandh ke anubhvi hain na! baap dvaara kya milta hai?varsa। varsa bhi kitna ooncha milta hai aur yeh varsa kitna samay chalta hai kyonki parmaatma baap dvaara praapta hota hai। doosra sambandh hai shikshak ka, shiksha ko kaha jaata hai source aaph income। to aap sabko shikshak dvaara kitna oonch praapti hui hai, jaante ho na! aisi oonchi praapti sivaae paramatma pita ke aur kisse ho nahin sakti। shiksha se pad ki praapti hoti hai aur aap sabko shreshtha praapti hai,duniya mein bhi shreshtha praapti raajyapad ko kaha jaata hai। to aapko bhi shikshak dvaara raajyapad ki praapti hui hai। abhi bhi svaraajya ke raaja ho kyon? aatma raajayogi hone ke kaaran svaraajya adhikaari banti hai। sva par raajya karti hai। karmendriyon ke vasheebhoot nahin hoti, aatma maalik hoke in karmendriyon ki raaja ban jaati hai। to abhi ka svaraajya aur bhavishya mein bhi raajya bhaagya praapta hota hai। to double raajya abhi bhi aur bhavishya mein bhi pad ki praapti hoti hai। aur teesra sambandh hai satguru ka। teenon sambandh praapta hain na! hai? baap ka, shikshak ka aur teesra hai satguru ka। satguru dvaara guru ki shreemat milti hai। kitni shreshtha mat mili hai? to apne ko check karo ki sada shreemat par chalte hain va kabhi manmat parmat ki taraph to nahin buddhi jaati? check kiya? jo samajhte hain satguru dvaara sada hi shreemat shreshtha mat par chalne vaale hain,manmat parmat par kabhi bhi svapna mein bhi nahin jaate, woh haath uthaao,jo sada shreemat par hi chalte hain, parmat manmat nahin? haath uthaao।

dekho,maataaon ne uthaaya। thode thode utha rahe hain। kabhi kabhi chali jaati hain aur parmat manmat dhokha de deti hai। aur vishesh shreemat kya hai? apne ko aatma samajh mujh baap ko yaad karo। to sahaj hai ya mushkil hai?kabhi kabhi mushkil ho jaati hai! lekin baap yahi chaahte hain ki sada in teen sambandhon se har bachcha aage aage udta chale। to baapdaada poochhte hain ki jinhonne haath nahin uthaaya woh ab se manmat,parmat ka tyaag kar sakte hain? kar sakte hain? woh haath uthaao। achha! kyonki baapdaada ne samay ka ishaara de diya hai। abhi sangam ka samay ati valuable hai aur baapdaada ne yeh bhi ishaara de diya hai ki vartamaan samay ke pramaan sab achaanak hona hai isliye sada ever ready banna hai na! saath chalenge na sab ki peechhe peechhe aayenge? baapdaada ke saath apne ghar chalna hai na! ready ho na! saath chalne ke liye ready ho?ever ready। ready bhi nahin,ever ready। to baapdaada samay ka ishaara de rahe hain। is ek janma mein 21 janmon ki praalabdha banaani hai। to socho kitna attention dena hai। baap ka har bachche ke saath pyaar hai, baap yahi chaahte hain ki har bachcha baap ke saath-saath chale aur saath-saath raajya adhikaari banen।

to aap saath chalne ke liye baap samaan sampoorn aur sampanna banenge tab to saath chalenge na! is samay is chhote se janma mein 21 janma ki praapti nishchit hai। to socho sangam ka chhota sa janma ek ek minute kitna mahaan hai! hisaab lagaao, is janma mein 21janma ka raajya bhaagya lena hai to sangam ka ek minute bhi kitna valuable hai। to is value ko jaan kya karna padega?

baapdaada ne pahle bhi sunaaya hai ki do baaton ka vishesh attention do। do baaten kaun si? yaad hain na! ek samay aur doosra sankalp। sankalp vyartha na jaaye,samay vyartha na jaaye। ek ek second saphal ho। to bolo itna attention dena padega na! baapdaada ka to sabhi bachchon se pyaar hai। baapdaada yahi chaahte ki ek bachcha bhi saath se rah nahin jaae। saath hai,saath chalenge,saath raajya adhikaari ban sada jeevan mein sukh shanti ka anubhav karenge। to bolo, saath chalenge na! chalenge? rah to nahin jaayenge? dekho,teen bhaagya to har ek ke mastak mein chamak rahe hain। apne mastak mein yeh teenon hi bhaagya dikhaai dete hain na! sangamayug hi bhaagyavaan yug hai। jo jitna bhaagya banaane chaahe utna bana sakte hain। lekin bahut samay ka attention chaahiye। to sabhi bachche apne apne purooshaartha mein abhi teevrata laao। purooshaarthi hain, baapdaada dekhte hain purooshaartha karte hain lekin sabhi ka teevrata ka purooshaartha abhi hona chaahiye। baapdaada har bachche ko baalak so maalik dekhne chaahte hain। kiska maalik? sarva khazaanon ka maalik। kabhi kabhi koi bachche baapdaada ko kehte hain ki baba aapne to sarvashaktiyaan di hain aur ham bhi apne ko master sarvashaktivaan maante hain lekin kai bachche ulhana dete hain ki kabhi kabhi jis samay jo shakti ki aavashyakta hoti hai, woh samay par nahin aati hai। lekin iska kaaran kya? baap ne har ek ko sarva shaktiyaan di hain। di hain ki kisko kam di hain kisko jyaada?sarvashaktiyaan mili hain, haath uthaao। sabhi ko mili hain lekin samay par kyon nahin kaam par aati hain? iska kaaran? kaaran ko jaante bhi ho lekin us samay bhool jaate ho। sarvashaktiyon ka khazaana har bachche ko varse mein mila hai। baap ne sabhi ko sarvashaktiyon ka varsa diya hai, koi ko kam koi ko jyaada nahin diya hai। sarvashaktiyaan di hain lekin samay par kyon nahin aati hain,aap socho koi bhi agar apne svamaan ke seat par nahin hota to uska order koi maanta hai?to jis samay shakti nahin aati hain, uska kaaran hai ki aap apne master sarvashaktivaan ki seat par set nahin hote iseelie bina seat ke order koi nahin maanta। to sada apni seat par set raho। kabhi vesta thoughts chalte hain va kabhi tension aata hai to usse hi svamaan ki seat chhoot jaati hai। baapdaada ne har ek ko kitne svamaan diye hain। kitni badi svamaan ki seat hai! ginti karo, kitne svamaan baap ne diye hain? svamaan mein set nahin hote hain to jahaan svamaan nahin vahaan kya hota hai? jaante ho na! deh abhimaan aata hai। ya to svamaan hai ya to dehbhaan hai। to dehbhaan ki seat par order karenge to shakti nahin maanti hain। nahin to master sarvashaktivaan ki shakti nahin maanen yeh ho nahin sakta। seat par set hona iska abhyaas sada karo। check karo chaahe karmayog mein ho, chaahe seva mein ho,chaahe apne manan manthan mein ho lekin seat par set hain to sarvashaktiyaan haazar hoti hain।

aaj baapdaada ne dekha, amritvele chakkar lagaaya। chaaron or ka chakkar lagaaya,chaahe videsh chaahe desh। baapdaada ko chakkar lagaane mein samay nahin lagta। to kya dekha? bataayen। sabhi majority baithe to the,uthkar apne apne sthaanon par baithe the, purooshaartha bhi kar rahe the ki saara samay apne sarva anubhveemoorta ho karke baithen lekin kya dekha?anubhvi moorta koi koi the, kyonki sabse badi shakti anubhav ki hai। anubhvi swaroop, sarvashaktiyon ke anubhvi swaroop, master knowledgeful, master sarvashakti swaroop, to anubhvi swaroop banne mein kuchh kami dikhaai di। purooshaartha karte hain, baapdaada ne phir bhi mubaarak di jo purooshaartha karke majority aate hain। baithte majority hain lekin baapdaada yahi chaahte hain ki light might swaroop ke anubhvi moorta ban baithen kyonki yeh amritvele ke yog ki sakaash saare vaayumandal mein phailti hai। is anubhav ko aur aage badhaao। jaise brahma baba ko dekha,kitni powerful pharishte swaroop ki sthiti rahi। aise hi is amritvele ko abhi apne apne roop se attention aur athak hokar do। baapdaada ne dekha kai bachche light might roop mein bhi baithte hain, na nahin hai, haan bhi hai lekin is samay ke purooshaartha ko aur bhi attention dena hoga aur baapdaada ne pahle bhi ishaara diya ki apne man ko sada busy rakho। chaahe mansa seva se,chaahe vaacha se, chaahe manan shakti mein busy rakho। manan karo। manan shakti man ko ekaagra bana deti hai। koi koi bachche manan achha karte bhi hain lekin manan shakti ko bhi saare din mein badhaao kyonki baapdaada ko last bachche se bhi pyaar hai। last bachche ko bhi baapdaada yahi chaahte ki saath chale। rah nahin jaaye। peechhe peechhe nahin rah jaae। to kya karenge? attention।

aaj baapdaada sabha ko dekh jaante hain ki bachchon ki vriddhi honi hi hai। 75varsha ki jubilee manaai। uski to baapdaada bachchon ko mubaarak de rahe hain। baapdaada ne seva ki lagan bhi dekhi,har ek sthaan vaalon ko umang hai aur seva ka phal aur seva ka bal woh bhi dikhaai de raha hai। vishesh baapdaada ne dekha ki jahaan bhi bachchon ne seva ki hai vahaan is vaari government ke nimitta bani hui aatmaayen jyaada aai hain aur result mein maante bhi hain ki abhi ke samay anusaar jabki duhkh aur ashaanti badh rahi hai to yeh jo topic rakhi hai woh aavashyak hai kyonki jitna hi shanti chaahte hain utni ashaanti badh rahi hai। koi na koi baat ashaanti ki aa hi jaati hai। iske liye chaaron or tension badh raha hai aur government bhi chaahti hai ki bhaarat tension free ho jaae। to sabhi ne, jin bachchon ne seva ki hai un sabhi bachchon ko baapdaada mubaarak de rahe hain aur jo karne vaale hain unhon ko bhi advance mein mubaarak de rahe hain।

baapdaada abhi yahi chaahte hain ki ek ek bachcha follow father karte hue baap samaan sampanna zaroor banen। baapdaada ne dekha ki purooshaartha bhi sab bachche karte hain। purooshaartha ki lagan bhi hai,apne se hi promise bhi bahut karte hain,ab nahin karenge,ab nahin karenge… lekin kaaran kya hota hai?kaaran hai purooshaartha mein dridhta kam hai। beech beech mein albelaapan aa jaata hai। ho jaayenge, ban jaayenge… yeh albelaapan purooshaartha ko dheela kar deta hai। to ab kya karenge?abhi yahi vishesh attention do,apne aap apna programme banaao, jismen saara din man ko busy rakho। apna programme aap banaao। timetable apna aap banaao,man ko busy rakhne ka। chaahe manan karo, chaahe seva karo, chaahe ek do ko attention khinchavaao lekin busy rakho। man se busy,shareer se busy to hote ho lekin man se busy raho। man ke busy rahne mein businessman number one bano। yeh kar sakte ho? karenge?karenge?kyonki aap jaante ho brahma baap bhi aapka intajaar kar rahe hain aur aapki advance party bhi aapka intajaar kar rahi hai, kab samay ko sameep laate hain kyonki samay ko sameep laane ke jimmevaar aap ho। apne ko sampanna banaana arthaat samay ko sameep laana।

to baapdaada vishesh ek maas de chuka hai। is ek maas mein har ek ko teevra purooshaarthi ban, purooshaarthi nahin teevra purooshaarthi banna hi hai। manjoor hai? hai manjoor? haath uthaao। achha,mubaarak ho। abhi har ek ko dridh sankalp kar roz baapdaada ko apni result saare din ki kaisi deni hai? teevra purooshaartha ki। purooshaartha nahin teevra purooshaartha। iske liye taiyaar hain? hain taiyaar?do haath uthaao। bahut achha। abhi baapdaada achaanak hi beech mein result mangaayega। date nahin bataate hain। achaanak hi ek maas ke andar koi bhi date par result mangaayenge। karna hi hai। yeh promise apne aap karo। baapdaada karaayega woh to karaate hi hain lekin apne aap se yeh sankalp karo aur practical karke dikhaao। karna hi hai। karenge,ge-ge nahin… abhi ge-ge achhi nahin hai। samay aage badh raha hai, ati mein ja raha hai,to samay ka parivartan karne vaale kya aap poorvajon ko apne duhkhi parivaar par raham nahin aata? merciful bano। duhkhiyon ko sukh ka raasta bataao,chaahe mansa se, chaahe vaacha se, chaahe sambandh-samparka se। apna parivaar hai na! to parivaar ka duhkh mitaana hai। merciful bano। achha।

seva ka tarna karnaatak zone ka hai:-achha। abhi karnaatak vaale kya visheshta karenge? teevra purooshaartha karne ka, purooshaartha karenge aur karaayenge। karaayenge bhi aur karenge bhi,ismen haath uthaao।

baapdaada sirf yahaan nahin dekh rahe hain lekin jahaan bhi sab bachche baithe hain,chaahe park mein baithe hain,chaahe bhinna bhinna haal mein baithe hain sabhi ko bahut-bahut yaad pyaar de rahe hain। door baithe hain lekin dil se najdeek hain। chaaron or dekhne vaalon ko bhi baapdaada dil ka yaadapyaar de rahe hain। desh videsh ke har bachche ko baapdaada dekh rahe hain। chaahe door hain, chaahe najdeek hain lekin baapdaada ke dil mein samaane vaale hain kyonki har bachche ka promise hai ki hamaare dil mein baap hai aur ham har ek baap ke dil mein hain isliye baap ka title dilaaraam hai।

achha kanaartak vaale to bahut aaye hain aur seva ka part bhi achha bajaaya hai। madhuban vaalon ko bhi baapdaada khaas neeche-oopar sab madhuban nivaasiyon ko padamguna pyaar aur yaad de rahe hain kyonki kitne bhi badh gaye hain lekin seva achhi ki hai, result achhi hai, isliye baapdaada ne dekha ki athak ban pyaar se sabko sama liya hai। chaahe rahaane vaale,chaahe khilaane vaale, chaahe koi bhi seva karne vaale, seva ki result achhi hai isliye aane vaalon ko, seva karne vaalon ko,sahayog dene vaalon ko, ek ek ko baap mubaarak de rahe hain। achha।

chaar wings -art and culture, scientist and engineer, education aur politician wing se:- achha,har ek wing ne apni apni nishaani rakhi hai। baapdaada sabhi ka umang utsaah dekh bahut bahut khush hai aur result mein bhi dekh rahe hain ki har ek wing abhi programmes kar bhi rahe hain aur bana bhi rahe hain। har ek wing ke aage karne ke programmes baapdaada ke paas pahunch gaye hain। to jaise programmes banaaye hain woh bahut achhe banaaye hain। umang se banaaye hain, usko practical mein karke baapdaada ke saamne result ke saath koi sample bhi har ek wing laayega। chaaron hi wing ke bahut hain। haath uthaao। baapdaada sabko najdeek dekh rahe hain। achha hai। abhi har ek wing result nikaale ki jab se wing ki seva ki hai tab se lekar ab tak kitne mike banaaye hain aur kitne vaaris banaaye hain aur kitne student banaaye hain! har ek wing umang se kar to rahe hain lekin baapdaada yeh result dekhne chaahte hain। aur mubaarak bhi de rahe hain baapdaada kyonki har ek wing ek do se aage ja bhi raha hai aur seva mein naye naye plan bhi bana rahe hain isliye jo aaj chaar wing aaye hain unhon ko baapdaada abhi khaas mubaarak de rahe hain। achha। dress bhi pahanke aaye hain, education wing ke। (scientist engineer wing ki silver jubilee hai) achha hai, silver jubilee ki vishesh baapdaada khaas ek ek bachche ko naam sahit dekh bhi rahe hain aur mubaarak bhi de rahe hain। sanstha ki to 75 varsha ki jubilee hai aur inhon ki silver jubilee hai। lekin baapdaada khush hai karte chalo,udte chalo,aakhir woh din aayega, sameep aa raha hai jo sab kahenge hamaara baba aa gaya। abhi jo bhi wing hain usmein aisi aatmaayen nikaalo jo dil se kahen mera baba aa gaya। aise naam baapdaada ke paas bhejna,jitni bhi seva ki hai,jitne bhi nikle hain unmein se kitne kehte hain mera baba aa gaya! phir baapdaada inaam dega। abhi yahi seva dhoomdhaam se karo, aise purooshaarthi nikalne chaahiye। pratyakshata karni hai na। duhkhiyon ko sukhi banaana hai na! isi bhaarat ko svarga banaana hi hai। to kab banaayenge? wing vaale sunaao kitna time chaahiye? kitna time chaahiye?bolo। aap bolo kitna samay chaahiye? chaar hi wing ke nimitta jo hain woh aage aao। (sabko stage par bulaaya) dekho, (is baar annaamlaai university ke taraph se kanvakeshan mein em.S.si. degree denge) baapdaada ne abhi jo kaha ab aise vaaris nikaalo। yeh bhale topi pahni hai, woh nahin, vaaris nikaalo। har ek ko vaaris nikaalne ki jimmevaari hai। kahaan kahaan mike nikaale hain lekin vaaris nikaalo। ismen number lo। kaun si department vaaris nikaalne mein number one hain। abhi vaaris nikaalne ki season hai। aur badhaate chalo,abhi vaaris banaao। sahayogi to bahut bante hain lekin vaaris nikaalo। aisa example banen jo sunke auron ko bhi umang aave। samay to aa raha hai,abhi to samay bhi aapko madad dega kyonki duhkh badh raha hai। phainsala karte hain to phainsala kahaan hota hai। (abhi sab achha sahayog dete hain) sahayog to dete hain lekin khud aage aaven। ho jaayega। achha।

double videshi bhaai bahinen:-double videshi ka arth hai double udaan udne vaale। double udaan arthaat second mein jo chaahe woh sthiti mein sthit ho jaaen। to aisa abhyaas hai? jis samay jo sthiti chaaho usse udti kala sthiti ke anubhav mein aa jaao। yahi abhyaas samay par kaam mein aayega। jis samay chaahe us samay vahi sthiti practical mein ho jaae। double videshi hain na! to purooshaartha bhi double karenge na! kar bhi rahe hain, baapdaada ke paas samaachaar achhe achhe aate hain। seva ka samaachaar bhi aata hai, seva bhi badh rahi hai,aatmaayen bhi achhe achhe nimitta banne vaali nikal rahi hain isliye baapdaada double videshiyon ko double mubaarak de rahe hain। achha hai, har group mein double videshi koi na koi hota hi hai। yeh achha apna programme bana liya hai। to double videshi abhi vaarison ki list nikaalna। har ek centre par kitne naye vaaris nikle?aap to ho hi। abhi baapdaada vaarison ki list chaahte hain। achha।

abhi jahaan bhi jo baithe hain un sabko chaahe T.vi. mein dekh rahe hain, chaahe yahaan bhinna-bhinna sthaan par baithe hain woh bhi T.vi. mein dekh rahe hain, ek ek bachche ko baapdaada aaj teevra purooshaarthi ka title de raha hai। abhi isi title ko sada yaad rakhna। koi poochhe aap kaun hain? to yahi kehna teevra purooshaarthi। theek hai sabhi ko manjoor hai। manjoor hai? abhi dheela purooshaartha nahin chalega,samay aage bhaag raha hai iseelie abhi teevra purooshaarthi banna hi hai,samay ki pukaar hai - teevra purooshaarthi bhav। to sabhi bachchon ko baapdaada ki bahut-bahut yaadapyaar aur teevra purooshaartha ki saugaat de rahe hain।

pahli baar aane vaalon se:- achha, pahli baar aane vaale bachchon ko baapdaada vishesh mubaarak de rahe hain। baapdaada aap bachchon ko dekh khush ho rahe hain, kyon khush ho rahe hain? kyonki aap sabhi last samay ke pahle pahunch gaye ho isliye mubaarak de rahe hain। apna hak lene ke adhikaari ban gaye isliye aap sabhi jo aaj baapdaada baar-baar kah rahe hain teevra purooshaarthi banna। teevra purooshaarthi ban aage se aage badh sakte ho। yeh vardaan abhi praapta ho sakta hai। sabhi jo bhi aaye hain un sabko yeh attention dena hai ki sada ek to murli ki study kaaydepramaan karte rehna aur saath-saath mansa seva ya vaacha seva karne ka golden chance lete rehna। to mubaarak ho, mubaarak ho,mubaarak ho।

daadi jaanki se:-(baba aap kitni achhe ho) aap bhi kitni achhi ho। sab achhe se achhe banenge। nirvighna yagya chal raha hai,sab achhe chal rahe hain।

(south aphreeka mein paryaavran se sambandhit conference mein 50 hajaar log pahunche hain, vahaan jayanti behen aur unke saathi bahut achhi seva kar rahe hain) sabhi bachchon ka samaachaar suna aur baapdaada dil se khaas jo nimitta bani hui bachchiyaan hain, bhaai hain unko bahut-bahut pyaar de rahe hain। himmat achhi rakhi hai। aakhir woh din bhi aayega, aap laayenge jo sab kahenge vaah baba vaah!

Mauritius ka samaachaar sunaaya, 2012 ke prati baapdaada ki prernaayen poochh rahe hain:-baapdaada ki to ummeend har bachche ke liye shreshtha te shreshtha hai ki har bachcha baap ka ban auron ko bhi baap ka banaayenge। abhi teevra purooshaartha seva mein bhi,dhaarna mein bhi donon mein teevra purooshaartha।

(aandhra pradesh mein bahut achhi sevaayen hui hain)baapdaada ne sunaaya na,jahaan bhi programme kiye hain, bahut achhe kiye hain। chaaron or achhe kiye hain।

rookamni daadi se:-abhi davaai theek karti raho,theek ho jaayengi। kuchh to karna padta hai। aur koi baat socho nahin, auron ko bhi soch mein nahin do, khud bhi socho nahin।

mahaamhim behen uaarmilaasinh, raajyapaal himaachal pradesh:-bahut achha kiya hai, maataaon ka svamaan rakha। maataayen aage jitna badhengi utna bhaarat ka kalyaan hoga। to aap nimitta baneen। abhi sabhi ko tension free banaao। apne shahar mein tension free banaao। bahut tension hai। to meditation course tension free banaane vaala hai,jahaan tak ho sake,koi programme aise banaao jismen aapke connection vaale meditation se tension free ho jaaen। tabhi to desh ka kalyaan hoga na। tension mein saphalta nahin hoti, bina tension honge to jo bhi plan banaayenge uski taakat aayegi। to nimitta bano tension free banaane ke।

karnaatak ki actor jayanti behen se:- dekho jaise man dekhne ko kiya na vaise abhi man mein tension free bano। uske liye yahaan meditation course karaaya jaata hai woh karengi, apne saathiyon ko bhi tension free course karaao to kya hoga? tension free hone se aur logon mein bhi shanti phailaayenge nahin to tension mein shanti gum ho rahi hai। to aap saathiyon ko aise banaao। aap yahaan aaye hain na to yahaan thoda seekhkar jaana aur unhon ko aap samaan banaao phir group le aana। saathi banna।