Avyakt murli du mardi 3 avril 2012

03-04-12 om shanti avyakt baapdaada madhuban

“mere ko tere mein parivartan kar bephikra baadshaah bano,baap ki mohabbat aur seva mein man ko itna busy kar do jo vyartha aane ki margin na rahe”

aaj baapdaada chaaron or ke apne bephikra baadshaahon ko dekh rahe hain। har ek bachcha savere se uth bephikra sthiti mein sthit ho har karma karta hai। har ek bachche ko anubhav hai ki yeh bephikra baadshaah ki jeevan baadshaahi bhi aur bephikra bhi,kitni pyaari lagti hai kyonki aap sabhi ne baap ko phikra dekarke phakhur le liya hai। phakhur bhi avinaashi phakhur le liya hai। har ek anubhav karte hain ki yeh bephikra jeevan kitni pyaari hai। dinraat koi bhi baat ka phikra nahin lekin phakhur hai। jaante ho ki yeh bephikra rahne ki jeevan baap ne is ek janma ke liye nahin lekin anek janmon ke liye bephikra baadshaah bana diya। abhi anubhav karte ho bephikra jeevan agar hai to sada mastak mein divya jyoti chamakti rehti hai। aur agar phikar hai to maathe par anek prakaar ke duhkhon ka tokra bhara hua hota hai। yeh bephikra jeevan ki vidhi bahut sahaj hai। jo bhi had ka mera-mera hai usko tera kar diya। mera aur tera mein ek maatra ka hi pharka hai। me aur te। lekin mere ko tera karne se jeevan kitni khushnuma ban jaati hai। ban gai hai na! kaandh hilaao, ban gai। bephikra jeevan ban gai।

abhi baapdaada yahi har bachche se chaahta hai ki phikar vaali jeevan ka aadhaar hai vyartha sankalp, to har bachche ke andar vyartha sankalp ka nishaan bhi nahin rahe kyonki jab mere ko tere mein badal diya to aap kya ho gaye?aap ho gaye bephikra baadshaah aur yeh bephikra baadshaah ki jeevan kitni pyaari hai। har karma karte bephikra baadshaah। koi phikra nahin kyon, kya,kaise, kab tak… yeh sab samaapta ho gaye। baapdaada aaj is season ke last din yahi chaahte hain ki har ek bachcha vyartha ko mere ke badle tera kar de। baap aapehi bhasma kar denge। aap sirf ek maatra ka antar karo, manjoor hai! ho sakta hai?agar ho sakta hai to haath uthaao। bahut achha kyonki yeh 5-6 maas aap sabhi ko vishwa ke aage duhkhi aatmaon ko powerful vritti dvaara sukh shanti ki kirnen deni hain। isi mein hi apna man busy rakhna hai। vyartha sankalp bhi kismen aate hain? man mein aate hain na! to baapdaada yahi chaahte hain ki har ek bephikra baadshaah bachcha apne man ko arthaat vritti ko itna busy rakhe jo vyartha ko aane ki margin hi nahin rahe। mehnat nahin karni pade lekin baap ke mohabbat mein itna busy raho,vritti ki seva mein itna man ko busy rakho jo yuddha bhi nahin karni pade। kai bachche kehte hain chaahte nahin hain lekin aa jaate hain। isko kya kahenge?ki man ko baap ke pyaar aur seva mein busy nahin rakha। sabhi se poochhte hain ki aapka pyaar baap se kitna hai? to kya kehte? behad hai। to jisse pyaar hota hai uska kehna maanna koi mushkil nahin hota। to aap sabhi ka baap se atoot pyaar hai na! ki kabhi-kabhi hai? sada hai ya kabhi-kabhi hai?jo kehte hain sada pyaar hai woh haath uthaao। sada pyaar hai,dekho socho,sada pyaar hai to baap ka kehna aur bachche ka karna। yeh to jaante ho na!

to abhi is season mein baapdaada bachchon ko yahi dridh sankalp karaane chaahte hain, taiyaar ho na! kaandh hilaao। taiyaar ho dridh sankalp karne ke liye?peechhe vaale taiyaar hain? maataayen bhi taiyaar hain? paandav bhi taiyaar hain? achha haath uthaao। ismen do-do haath uthaao। haath uthaate ho to baapdaada ko khush to kar dete ho। abhi jaise yeh haath uthaaya aise man ka haath uthaao। kabhi bhi vyartha sankalp ko aane nahin denge। unka kaam hai aana, aapka kaam kya hai?samaapta kar dena। to is season mein baapdaada ne pahle bhi kaha hai ki do baaton ka dhyaan rakhna hai ek to sankalp,doosra samay। jaante ho aap,is sangam ka samay ek-ek minute ka connection 21janma ke saath hai। aur is samay baapdaada ka bachchon se, bachchon ka baap se pyaar hai। to sangam samay ka ek second,second nahin hai kyonki 21janmon ka connection hai। agar ab nahin samay ko bachaaya to 21 janma jo baap se pyaar hai aur har ek chaahta hai ki baap ke saath ab bhi rahen,saath bhi chalen। apne ghar lautna hai na abhi। to ghar mein bhi saath mein chalen aur phir raajya mein bhi baapdaada ke saath vishesh brahma baba ke saath raajdhaani mein najdeek saath mein aayen isliye brahma baap to pharishta roop mein hai aur aapko saath mein chalna hai to kya karna pade?pharishta banna pade na! pharishta banenge, banna hi hai na!

baap brahma ke haath mein haath deke saath chalna hai, to haath kya hai? pharishte ko sthool haath to hain nahin। brahma baap ka haath kya hai? shreemat। to baapdaada ki yahi shreemat hai ki ab bephikra baadshaah ban sada jaise aapki jagdamba ne purooshaartha kiya, baap ka kehna aur jagat amba ka karna। aise jagat amba ko follow karo। samay aur sankalp ko saphal karna hi hai। vyartha nahin jaaye। sunaaya na ek-ek sankalp ka 21 janma ka connection hai। to baapdaada yahi chaahte hain ki sada man ko busy rakho। chaahe murli ke manan mein, chaahe seva mein, har samay busy raho। apna chart banaao har samay beech-beech mein jo baapdaada ne drill sunaai hai bhinna-bhinna,jaante ho na drill ashareeri banne ki। apne teen swaroop smriti ki drill। jaante ho na! jaise baap ke teen roop hain aise aapke bhi teen roop hain। brahman, pharishta aur devta, in teenon roopon mein drill dvaara apne man ko busy rakho isliye mahaamantra kya hai? manamnaabhav।

baaki baapdaada ka har bachche se bahut-bahut pyaar hai isliye baapdaada yahi chaahte hain ki har bachcha vijayi bhav ke vardaani banen। sunaaya tha na ki kai bachche sochte hain ham vijayi to banen lekin maala to 108 ki hai, to vijayi banke maala mein to aa nahin sakenge lekin baapdaada ka itna pyaar hai ki aap vijayi bano to baapdaada maala mein bhi lade laga dega। aap sirf vijayi bano। to kya sankalp hai? vijayi banna hi hai na! ki sirf 108vijayi banenge?nahin। baap ka har bachcha vijayi hai। baapdaada har bachche ke mastak mein kya dekh rahe hain? vijay ka tilak kyonki saadhaaran roop mein baap ko pahchaan liya hai na! chaahe last bachcha hai, purooshaartha mein dheela hai lekin usmein yeh visheshta hai ki saadhaaran roop mein aaye hue baap ko pahchaan mera baba to kehta isliye har ek bachche ko himmat rakh vijay praapta karni hi hai। sirf kya karna hai?koi mehnat ki baat nahin hai, pyaar ki baat hai। baapdaada se pyaar hai, parivaar se pyaar hai to pyaar vaale se alag nahin raha jaata hai। to brahma baba se kitna pyaar hai? jo samajhte hain ki brahma baap se shiv baap se hamaara atoot pyaar hai woh haath uthaao। atoot, atoot?bahut achha। to doosri season mein baapdaada kya dekhne chaahta hai? jaante to ho। 5maas 6 maas milna hai aapko,vyartha se samartha sankalp karne mein।

to bolo, madhuban vaale utho, chaahe neeche chaahe oopar। bahut hain। to madhuban vaale baapdaada ko pyaare hain। aise nahin doosre pyaare nahin hain। woh pyaare hain lekin madhuban vaalon se ek baat ka vishesh pyaar hai, woh kya? mansa mein yaad to sab karte hain। yogi tu aatmaayen to sabhi hain, gyaani aatmaayen bhi sabhi hain lekin madhuban vaalon ko apna bhavishya sahaj banaane ki ek lift hai। woh lift kya hai? jo bhi madhuban mein aate hain, unki seva ke nimitta hain। jaise khaana banaane vaale jo bhi koi duty karne vaale hain। baapdaada to kehte hain koi jhaadu lagaane vaala bhi hai na,woh bhi bhaagyavaan hai kyon?jo bhi aate hain woh yeh vaayumandal dekh aapke dil ke pyaar ki shakti dekh khush ho jaate hain। chaahe khaana banaane vaala, chaahe koi bhi duty vaala hai lekin madhuban vaalon ko chance hai। madhuban ka pyaar aur shaktishaali vaayumandal banaane ka, isliye baapdaada madhuban vaalon ko bahut-bahut mubaarak de rahe hain ki yeh season samaapta ki aur aage ke liye bhi apne man mein aatmaon ko santushta karne mein aur shaktishaali anubhav karaane mein nimitta bante rahenge isliye sab taali bajaao madhuban vaalon ke liye। achha।

aaj baapdaada ko amritvele madhuban ke sevaadhaari saamne aaye। har ek se baapdaada vatan mein bhi mile aur khaas aapko pahle bhi bataaya hai ki chaar baje ke samay aapki advance mein gai hui vishesh daadiyaan zaroor aati hain। to aaj bhi vishesh daadiyaan aur vishesh bhaai pahunche the। unhonne khaas madhuban vaalon ko emerge karne ke liye kaha। vishesh deedi aur daadi donon ne aur vishesh bhaaeeyon ne bhi madhuban vaalon ko yaad kiya। aur daadi ne vishesh yaad di aur saath mein vatan ka aam, jaante ho na vatan ka phal kitna badhiya hota hai, laathi nahin lagaani hoti hai, jo phal chaahiye woh aap haath se hi le sakte ho। to daadi ne kaha aaj madhuban vaalon se aam ki picnic karte hain। doosri daadiyaan to saath mein thi aur vishesh bhaai bhi the। to baapdaada ne kaha unhon se poochho to madhuban ke liye aapko man mein kya aata hai? to daadi kya boli? pata hai, jaante to ho, daadi ko to jaante hain na! daadi kehti thi meri yeh abhi tak bhi dil hai ki har ek madhuban vaala chaahe purooshaartha mein koi bhi kami abhi rah gai hai uska to purooshaartha karna hai lekin main ek baat chaahti hoon, madhuban vaalon se। woh kya chaahti hoon? ek-ek madhubanvaasi baap samaan ban jaaye। vaise to sabhi ko banna hai lekin madhuban vishesh hai, madhuban vaalon ko daadi se pyaar tha, yeh daadi kehti thi mujhe pata hai। to pyaar ke return mein main yahi chaahti hoon ki jaise mama ne lakshya rakha baba ne kaha mama ne kiya, yeh to madhuban vaale jaante hi hain। aise hi amritvele se leke raat tak har ek madhuban vaale agar baba ke saath mere se bhi pyaar hai, daadiyon se bhi pyaar hai, to jaise mama ne baap ki har raay jeevan mein laai, aise hamne bhi laai। to agar daadiyon se pyaar hai, to yahi karke dikhaayen, savere se raat tak aisa koi sankalp bol karma nahin laaven jo daadiyon ko ya baap ko ya kisi ko bhi pasanda nahin ho। yeh hamaara sandesh khaas madhuban vaalon ko dena। to hamne (guljaar daadi ne) daadi ko kaha, daadi aap madhuban mein kabhi chakra lagaati ho? abhi main (guljaar behen) vatan ka samaachaar madhuban vaalon ko suna rahi hoon। to mainne guljaar behen ne, unko kaha daadi madhuban vaalon ko to aap jo kahenge woh karenge। to mainne theek kaha, karenge? haath uthaao। do-do haath uthaao। karenge? bahut achha।

to aaj is season ka last hai na,to aur bhi vatan mein raunak thi। doosre aap madhuban vaale to milke merge ho gaye, lekin daadiyon ne double videshiyon ko bhi emerge kiya। double videshi utho। to vishesh daadiyon ke badle, daadi kah rahi thi to daadi ne kaha ki mujhe double videshiyon ki yeh baat bahut achhi lagti hai kyonki jab ham vahaan the aur inhon ki season shuru hui to mainne dekha inhon ko madhuban mein aane ke liye ticket ke liye kitni yukti se ikaththa karte the ticket ka paisa aur jab ham sunti thi to aise-aise ikaththa karke aaye hain to mujhe bahut pyaar aata tha aur double videshiyon ka mainne dekha umang utsaah bhi bahut achha tha। aane se hi mera baba kahke itne khush hote the jo mera kahne mein hi mera ho jaate the, unki shakla, unka umang bahut achha dikhaai deta tha, isliye double videshiyon ko ham aur baapdaada kehte the ki double videshi madhuban ka shrringaar hain। to abhi bhi double videshi jo kaarya bhi madhuban ka hota hai woh bahut roochi se karte hain isliye hamaari bhi double videshiyon ko bahut bahut bahut bahut yaadapyaar dena aur kehna sada baap ke dil mein aap ho aur aapke dil mein baap hai,yahi vardaan hamaare taraph se dena। to yeh tha aaj amritvele vatan ka samaachaar।

baaki sabhi chaaron or ke jo door baithe hain ya sammukh baithe hain sabhi ko baapdaada kya dekh rahe hain?baapdaada dekh rahe hain har ek ke mastak mein chamakti hui jyoti chamak rahi hai। sabhi ke man mein sankalp yahi hai ki hamaare ko kaisa banna hai? jaise baap vaise ham। yeh umang utsaah bhi sabhi ke man mein hai।

baaki to is season mein baapdaada teachers ko vishesh uthaane chaahte hain। sab teachers utho। dekho। kitni teachers hain। chautha haal to teachers hain। to teachers ko dekh baapdaada bhi khush hote hain kyonki baap samaan seat ka bhaagya mila hai। baap ki murli sunaane ki seat mili hai। baap hamesha teachers ko saathi kehte hain। abhi teachers ke liye baapdaada ek baat chaahte hain। sunaayen kya?baapdaada chaahte hain ki har ek teacher chehre se brahma baap samaan aise khushnuma nazar aaye। nazar aave andar purooshaartha hoga bhi lekin aapki soorat se baap pratyaksha ho। koi ko bhi dekhe to aapmen baap ki chamak dikhaai de। aise chehre se seva karne vaali baap ko pratyaksha kar hi lengi। ab samay aa gaya hai,baap ko apne chehre se pratyaksha karne ka। to teachers ko sada mera baba to svatah hi yaad hai। abhi baap ko chehre se pratyaksha karna hai। kar sakte hain na! kar sakte hain to karo। dekho abhi tak ki result mein kya sabhi kehte hain। brahmaakumaariyaan bahut achha kaam kar rahi hain,baap pratyaksha nahin hai। woh abhi bhi gupta hai। to abhi samay sameep aa raha hai to aap dvaara chaahe nimitta teachers hain ya koi bhi bachcha hai, abhi baap ko pratyaksha karo। brahmaakumaariyaan achha kaarya kar rahi hain,yeh to ho gaya। yahaan tak pahunch gaye ho। lekin abhi yeh pratyaksha karo ki svayan paramatma brahma tan mein pratyaksha ho brahmaakumaariyon ko aise yogya bana rahe hain। abhi yeh point rahi hui hai। geet to gaate hain mera baba aa gaya,lekin abhi anya aatmaon ke andar yeh pratyaksha ho ki bhagwan svayan pratyaksha ho yeh kaarya bahinon dvaara ya bhaaeeyon dvaara kara rahe hain। yeh pratyakshata karni hai na! kab karenge? ab। kya kahenge?ab na! (abhi shuru karenge,agli season tak ho jaayega) aap sabhi saath mein ho, agli season tak ho jaayega? haath uthaao jo samajhte hain! thode haath utha rahe hain। jo haath nahin utha rahe hain woh dekhenge,aur aap karenge। teachers ne to sankalp kiya hai na! kyonki dekh rahe ho baapdaada to kehte hi hain ki sab achaanak hona hai। koi bachche samajhte hain achaanak, achaanak bhi bahut samay ho gaya hai। abhi hona chaahiye। lekin achaanak tab ho jab bachche bhi baap samaan ban jaayen। aapki soorat moorat ek-ek bol baap ko pratyaksha kare। ho jaana to hai hi। hona hi hai abhi sirf nimitta banna hai। abhi agli season mein kya karenge? ek to apne ko baap samaan banaayenge। jo bhi kami rah gai hai, usko sampanna karenge। aur baapdaada ko khushi hai kis baat ki? to bachchon ne jaise abhi chhote mote centre ne vaani dvaara prasiddha kiya ki ham kya kaarya kar rahe hain। vaayumandal ko change kiya hai। iski baapdaada mubaarak de rahe hain। jinhonne jahaan bhi programmes kiye hain, achhe kiye hain, aur sabhi ke attention mein bhi aaya hai ki brahmaakumaariyaan sachmuch gupta roop mein apne kaarya ka samay 75varsha poora kiya hai। abhi yeh kahen ki brahmaakumaariyon ka bhagwan baba aa gaya hai। lakshya hai na! to agle season tak yeh kaarya aarambha ho jaana chaahiye। iska pratyaksha programme banaana। programme banaate hain na,meeting karte hain na! to meeting mein yeh programme banaao ki abhi sab bachchon ko pata to pade ki varsa dene vaala baap aa gaya। vanchit nahin rah jaaen। baap ko to bachchon ke duhkh ko dekh bahut taras padta hai। jab duhkh mein chillaate hain, baap ko taras padta hai। aap dev aur deviyon ko bhi bahut pukaarte hain। to agli season mein ek to vyartha ka naamnishaan nahin, manjoor hai? manjoor hai! dil ka haath uthaao। dil ka haath uthaana। vyartha hota kya hai,yeh maaloom hi gum ho jaae। jaise svarga ki shahjaadiyaan aati hain na to unko duhkh aur ashaanti ka pata hi nahin hai, kehte hain kya kehte hain, yeh kya hota hai। aise hi brahman parivaar mein vyartha ka pata hi na ho,vyartha hota kya hai।svachintan, svachintak। achha।

seva ka tarna dilli aur aagra:- achha hai, sabhi T.vi. mein raunak dekho (mera baba ki patti sab hila rahe hain) bahut achha। abhi jhande neeche karo। achha। dilli vaalon ko to apni dil badi karni padegi। kyon?jo bhi brahman hain woh devta banke kahaan aayenge? dilli mein hi aayenge na! to dilli vaalon ko bahut badi dil banaani padegi। dekho agar brahma baap bhi krishna banke aayenge,to bhi kahaan aayenge! dilli mein hi aayenge। to dilli vaalon ko abhi bhi dilli ke brahman sankhya dil kholke badhaani padegi। sab zone se jyaada sankhya dilli mein honi chaahiye। jhanda lahraaya hai na yahaan,aise ek-ek duhkhi aatmaon ke dil mein baap ka jhanda lahraao। to jhande yeh vyartha nahin jaayen,yahi jhande satya roop se duhkhiyon ke dil mein lahraao। baaki seva to ho rahi hai। seva to karte hain lekin baapdaada ne dekha ki is varsha koi bhi zone seva mein peechhe nahin gaya hai। sabhi ne dil badi karke khushi-khushi se jo bhi programme kiye hain, bahut sundar roop se aur logon mein yeh spashta kiya hai ki aap aatma ho, shareer nahin ho। yeh baat majority ne maana hai। ab aatma jaise pratyaksha ki hai, aise paramatma ki pratyakshata ka pakka karo। ismen baapdaada dekhenge ki number one kaun leta hai?aatma ka paath to kaeeyon ne pakka kiya hai abhi paramatma varsa de raha hai, kuchh to varsa le leven। aapka parivaar hai na! vanchit nahin rah jaayen। to kya karna hai?woh bhi bata diya। baaki dilli foundation hai। woh bhi din aayega jo yeh saari ministry sochegi ki yeh jo kah rahe hain woh maanna hi padega। yeh kamaal karke dikhaao। number one dilli kare ya koi bhi kare,usko baapdaada inaam denge। abhi jo rahi hui baat hai usko poora karo। umang hai na! umang hai?dilli vaalon ko to hai na! achha।

double videshi:-baapdaada chaahte hain ki jaise aapko title mila hai double videshi,aise aapka title ho double purooshaarthi। teevra purooshaarthi। teevra purooshaarthi double videshi aaye hain। ho sakta hai? jaise double videshi ho vaise teevra purooshaarthi। koi bhi saadhaaran purooshaarthi nahin। baapdaada khush hote hain, himmat rakh karke pahunch jaate hain। koi bhi tarna is season mein nahin dekha hai jismen videshi nahin aaye hon। to jaise yeh himmat rakh karke kar rahe ho। aise hi abhi yeh example dikhaao ki double videshi arthaat teevra purooshaarthi। ho sakta hai?haath uthaao। to agle group mein jo bhi aayenge woh teevra purooshaarthi group। jo aage badhe, aise agle season mein baapdaada sabhi ko uthvaayenge,jo bhi teevra purooshaarthi bane hain, beech mein rookaavat nahin hui hai,usko uthaayenge। to double videsh to uthenge hi। aur bhi teevra purooshaartha karna aur aisa teevra purooshaartha karna jo baapdaada ke aage haath utha sako। theek hai manjoor hai? pahli line manjoor hai! madhuban vaalon ko pasanda hai na! yeh sab madhuban vaale baithe hain। pasanda hai? madhuban vaale phir utho। achha। yeh T.vi mein aa rahe hain। agar baapdaada kahe ki yeh kaun-kaun the, woh T. vi. se nikaal sakte hain। achha। to jo bhi aaye hain, vaise to sun sabhi rahe hain lekin madhuban vaale teevra purooshaarthiyon mein haath uthaayenge। uthaayenge? abhi haath uthaao। achha। aapko to padamguna mubaarak hai। bahut achha। baapdaada note karenge, har ek zone se kitne teevra purooshaarthi hain। aap list dena। har ek zone vaale, jo nahin bhi aave to list zaroor le aave jo teevra purooshaartha karte hain unhon ka naam list laaven। theek hai। peechhe vaale,theek lagta hai?aapko theek lagta hai? bahut achha। baapdaada ko teevra purooshaarthi bahut pasanda hain। kab tak saadhaaran purooshaartha karenge। chalna hai na abhi to ghar jaana hai na! to teevra purooshaarthi banke jaana hai na! baapdaada ko, sunaaya bhi har ek bachcha vijayi ho, yeh achha lagta hai। yeh hua,yeh hua… yeh samaachaar sunna achha nahin lagta hai। to kam se kam jo bhi zone hain, woh in 6 maas mein, sabhi ne teevra purooshaartha kiya, yeh result to de sakte ho। agar 6 maas teevra purooshaartha karenge tab to aadat pad jaayegi। pad jaayegi na aadat! to result lenge teevra purooshaarthi6 maas mein kitne banen?aur baapdaada inaam bhi denge। jis zone mein jyaada se jyaada teevra purooshaarthi honge unko inaam bhi denge। manjoor hai! manjoor hai madhuban vaale?achha।

pahli baar bahut aaye hain:- bahut achha। jo bhi pahle baari aaye hain unhon ko baapdaada bahut-bahut mubaarken de rahe hain। kyon? kyonki is duhkh ke vaayumandal ko paar karte hue sukh chain ke taraph pahunch to gaye hain। har ek aane vaala apne jeevan dvaara aur aatmaon ko bhi parichay to de sakenge। aur aane vaalon ko yeh bhi maaloom ho ki last so fast jaakarke aap bhi purooshaarthi ban oonch ban sakte ho kyonki baap ko maan liya na! to baap dvaara varse ke adhikaari ban gaye। baapdaada ko khushi hai ki samay samaapta hone ke pahle apne ghar mein to pahunch gaye। baap ko bhi khushi hai ki bachche apne parivaar mein pahunch gaye hain। apne ghar mein pahunch gaye hain। woh hai kaarya karne ka sthaan lekin ghar paramatma ka ghar so aapka ghar isliye baap padamguna khush hai ki bichhude hue bachche apne parivaar mein, apne ghar mein pahunch gaye hain। abhi last so fast ban sakte ho। margin hai। agar teevra purooshaartha karenge to jitna aage badhne chaaho utna badh sakte ho। sirf attention dena padega bas। aur baapdaada ko to khushi hogi ki vaah bachche vaah! to bhale aaye,aur aate hue apne aapko aage badhaate rehna। teevra purooshaartha karte rehna, om shanti। achha।

sabhi chaaron or ke bachchon ko baapdaada ka dil ka yaadapyaar aur saath-saath baap har ek bachche ko apne svamaan ke nashe mein nishchay mein dekh harshit hote hain,kabhi bhi svamaan ko nahin chhodna। svamaandhaari arthaat sada sarva praaptivaan,svamaan ki list badi lambi hai, roz ek-ek svamaan smriti mein rakh swaroop mein laate teevra purooshaarthi ban aage badhte chalo। baapdaada ko dil mein bithaake aur apne ko baapdaada ke dil mein bithaake nirbhay hoke master sarvashaktivaan ban chalte raho,udte raho aur udaate raho। om shanti।

mohini behen se:- chalna aa gaya hai na। chalte jaana। saath hain, haath hai aur kya chaahiye। (daadi jaanki ji aaj tabiyat ke kaaran stage par nahin aai hain) baapdaada to saamne dekh raha hai, bachchi kahaan bhi hai lekin baap ke dil mein baithi hai। baapdaada bachchi ko sarva shaktiyon ki kirnen de rahe hain। seva ke nimitta bani hui aatma ho isliye sabhi aatmaayen bhi parivaar bhi aapko yaadapyaar de raha hai। nimitta ho,nimitta banna hi hai। baaki yeh thoda bahut hisaab kitaab, yeh bhi chuktu ho hi jaayega। baapdaada aur parivaar ki shubh aashaayen aapke saath hain aur sada rahengi। achha।

pardaadi se:- theek hai, harshitmukh। bahut achha hai। kitni bhi kuchh takleeph ho lekin shakla se nahin lagta। saakshi hoke chal rahi ho। saakshi hoke chalne mein hoshiyaar ho। number le lengi।

teenon bhaaiyon se:-yeh milne ki vidhi bahut achhi hai। abhi vishesh yahi hai ki vaayumandal ko aur powerful banaao। jo darvaaje se koi aave to anubhav kare ki kaun se sthaan par aa rahe hain। shanti to anubhav karte hain lekin shakti ki anubhooti ho ki yahaan se jo chaahe woh mil sakta hai। aisa vaayumandal kahaan nahin dekha hai, vichitra sthaan hai yeh। yeh anubhav karen। aur aapas mein milkar jo bhi department vaale hain unhon ko saptaah mein ek ya do baari aapas mein koi vishay par time nikaalke haalchaal poochhke koi prabandha chaahiye, salvation chaahiye, woh bhi poochhe aur saath-saath koi na koi point ka homework deve jo phir doosri baari poochhe। to har ek department mein yeh hona chaahiye। nahin to sirf kaamkaaj karte hain na busy ho jaate hain। aapas mein kuchh roohrihaan bhi karen। jaise teevra purooshaarthi group karta hai na। to yeh itna nahin kar sakte। haphte do mein yeh programme apne department mein rakhen to pata padega kya hai kya nahin। kuchh chaahiye salvation to bataave, phir soch samajhke deven। matlab kuchh gyaan ka bhi department mein ho sirf kaam kaam nahin। yeh ho sakta hai na। ho sakta hai? to yeh karo। centre vaale aapas mein raat mein baithte hain aur baithna chaahiye। chaahe haphte mein baithen chaahe 15 din mein baithen। positive karenge to negative dabta jaayega। sab raay karke yeh meeting hogi na usmein raay karo।

(hu em aai film ko educational film ke roop mein government ne paas kiya hai)sabhi ko yeh khabar pahunchaao। kuchh na kuchh aavaaj phailaate jaao। abhi kya hai,vaayumandal theek hai। abhi jo bhi karenge na uska prabhaav padega।

(abhi6 maas to nahin milenge)milte rahenge,amritvele to milenge।