Avyakt murli du jeudi 18 janvier 2018

> om shanti 18-1-18 madhuban

praaneshvar avyaktamoorta maat-pita baapdaada ke ati snehi, sada avyakt vatan ki sair karne vaale, apni avyakt sthiti dvaara avyakt vatan ko saakaar vatan mein utaarne vaale, sarva pharishta swaroop nimitta teachers bahinen tatha brahman kul bhooshan bhaai bahinen,

eeshvareey sneh sampanna madhur yaad sveekaar karna ji।

baad samaachaar - is January maas mein aap sabhi ne antarmukhi ban vishesh yog tapasya ki hai। chaaron or akhanda yog ke kaaryakram chale hain। bahut se bhaai bahinon ne maun mein rahkar avyakt vatan ke bahut sundar anubhav bhi kiye hain। aap sabki tapasya ke sookshm shaktishaali vibration pahunchte rehte hain। madhuban mein bhi yog ke bahut sundar kaaryakram chal rahe hain। har varsha ki bhaanti pyaare saakaar brahma baap ka yeh 49 vaan smriti divas sabhi bhaai bahinon ne bahut sneh aur shraddha ke saath manaaya। jaise madhuban ke chaaron dhaamon ka bahut sundar shrringaar kalkatta ke bhaai bahinen phool maalaaonse karte hain, aise hi poori raat jaagkarke chaaron dhaamon ka shranrigaar kiya। in sugandhit variety phoolon se poora hi madhuban mahak uthta hai। baba ke snehi bachche amritvele se hi chaaron dhaamon ki sair karte avyakt milan manaate, meethe baba se bahut meethi meethi roohrihaan karne pahunch jaate hain। is baar gujraat aur bhopaal ke bhaai bahinon ki seva ka tarna hai, iske alaava desh videsh se naye puraane anekaanek bachche bhi madhuban vardaan bhoomi mein avyakt divas par vardaanon se apni jholi bharne ke liye pahunche hue hain। shaantivan mein to kareeb 25 hajaar saphed poshaakdhaari bhaai bahinon ki sabha hai। usmein se kuchh bhaai bahinen savere-savere paandav bhavan pahunch kar chaaron dhaamon ki parikrama karte rahe।

shaantivan mein daadi jaanki ji ne tatha madhuban mein daadi ratanmohini ji ne pyaare baapdaada ke gahre shikshaaprad saakaar va avyakt madhur mahaavaakya sunaaye, ve mahaavaakya to aap sabne bhi sune honge। phir pyaare baapdaada ko bhog sveekaar karaaya gaya। baapdaada bhi bachchon ko sneh ke respond mein sada sampanna aur samaan bhav ka vardaan dete hain। bhog ke pashchaat sabhi varishtha bhaai bahinen om shanti bhavan mein baba ke kamre mein gaye। phir vishaal janasmooh sneh ke saagar mein samaaya hua shaantistambha par pahuncha aur madhur yaadon ke geet ke saath sabhi ne apne sneh suman arpit kiye। tatpashchaat baba ke kamre mein tatha kutiya mein bhi sabhi nambarvaar jaate avyakt milan manaate rahe। daadi jaanki ji bhi shaantivan se paandav bhavan pahunch gai। sabhi ko nazar se nihaal karte aapne bhi chaaron dhaamon ki sair ki। phir sabhi daadiyaan va mukhya bhaai gyaan sarovar mein baba ke kamre mein hote hue shaantivan mein pahunche aur dophar mein baapdaada ko bhog lagaaya gaya। phir sabhi ne sangathit roop mein brahmaabhojan sveekaar kiya। shaam ke samay sabhi antahvaahak shareer dvaara sookshmalok ki sair karne nimitta diamond haal mein upasthit hue। class evan yog ke pashchaat sabhi ne video dvaara baapdaada se sammukh milan ki anubhooti ki।

aap sabko gyaat hi hai ki ham sabki ati snehi, baapdaada ko apne naynon mein sada basaane vaali, saakaar mein prabhu milan karaane nimitta bani hui ham sabki aadarneey daadi guljaar ji is samay mumbai mein svaasthya laabh le rahi hain। unhonne bhi sabko bahut-bahut sneh bhari yaad bheji hai। avyakt mahaavaakya sunne ke pashchaat pyaare baapdaada ka bhog vishesh toli sabhi ko mili tatha badi daadiyon, varishtha bhaai bahinon ne smriti divas nimitta apne anubhav sunaaye।

bhraata nirvair ji ne vishesh smriti divas nimitta apne udgaar vyakta karte hue kaha ki aaj ke vishesh din par sabhi bhaai bahnen baba ke sneh mein, jaise ki saagar mein samaaye hue rahe। dekho, aaj sabha mein 20-25 hajaar bhaai bahinen baithe hain lekin kitni silence se sabhi ne baba ke mahaavaakya sune। yeh baba ke pyaar ki shakti hai, jo itne bhaai bahinen hote bhi jara bhi aavaaj nahin hai। to aaj ke din khaas baba ne jo lakshya diya hai ki ekras avastha banaani hai। iske liye ham nirantar dil se baba ke sneh mein doobe rahen to baap samaan bante jaayenge। jaise brahma baba aur shivbaaba mein antar khatma ho gaya, isi tarah ham bhi apne purushaartha se aisi sthiti tak pahunche। jisko baba vardaan roop mein kehte ''baap samaan bhav''।

brijmohan bhaai ne kaha ki aaj baba ne mehnat ka raasta chhodkar muhabbat ka raasta lene ko yaad karaaya hai। ham dekhte hain jab hamaara man muhabbat mein hota hai to samay ka pata nahin lagta hai। to sabse sahaj saadhan yahi hai ki pyaare baba ke saath kisi na kisi samay jo sneh ki anubhooti hui hai usi sneh ki anubhooti ko yaad karen। saakaar baba ki shreshtha smritiyaan hamaare saath hain। yeh sneh aisi shakti hai jismen man agar ek baar lag jaae to hataana hi mushkil ho jaata hai। yeh sneh ki shakti sangamayug par bhi hoti to satayug mein bhi hoti। satayug mein aur sab shaktiyaan gunon mein badal jaati hai lekin pyaar ka gun emerge rehta hai। to jaise hamaara prasiddha geet hai bachpan ke din bhula na dena। aise woh sneh ke anubhav ki pyaari si ghadi ham yaad kar lete hain to hamaara yog automatic laga rehta hai।

phir daadi jaanki ji ne teen baari aum shanti ka mahaamantra uchchaaran karte hue kaha ki wonderful baba, wonderful baba ke bachche। meri yahi bhaavna hai ki har baba ka bachcha anubhav kare ki main kaun! mera kaun! main aur mera, maine to jis din saakaar baba ko dekha, pakka ho gaya yahi mera baba hai। vaah baba vaah! why shabd hai hi nahin। vaah meetha baba vaah! baba ne hamko meetha banaane ke liye kitna pyaar diya hai। koi ghadi hamne na duhkh diya hai, na liya hai। sachchi dil par saaheb raazi hai, himmate bachche madde baap। niyat saaph hai to muraad saakaar ho jaati hai। tan man dhan to saphal ho hi gaye। man vachan karma se seva karne ka bhaagya mila hai। baba ne apna banaakar muskaraana sikha diya hai isliye koi bhi baat mushkil nahin hai। baba ne sachchaai, sneh aisa diya, pahle apni god bithaaya, phir gale lagaaya, abhi palkon mein bithaakar saath lekar ja raha hai। to shvaanson shvaans paramatma baap ki yaad dil mein, man mein, buddhi mein hai, isliye sankalp samay shvaans saphal ho raha hai। baba kehte hain bachche jeete raho, jaagte raho, jagaate raho।

phir daadi ratanmohini ji ne bhi smriti divas nimitta vardaani mahaavaakya uchchaaran karte hue kaha ki baba ne humein naya sansaar banaane ke nimitta banaaya hai, uske liye ham apne mein naye sanskaar jaagrit kar len। aaj ham sabne jo mahaavaakya sune hain, un mahaavaakyon ko baar-baar smriti mein rakhte hue svayan ka swaroop aisa hi anubhav karte rahen। jaise abhi sabhi badi shanti aur prem se baithe hain aise sada hi aisa anubhav karte aur karaate rehna।

phir madhurvaani group ne baba ki smritiyon ka bahut pyaara geet gaaya। is prakaar yeh smriti so samarthi divas anek vardaanon se bharpoor karte sampanna hua। achha। sabhi ko yaad… om shanti।

18-1-18 - baapdaada ke avatran divas par video dvaara sunaaye gaye avyakt mahaavaakya (revise- 18-01-08)

aaj baapdaada apne chaaron or ke bephikra baadshaahon ke sangathan ko dekh rahe hain। itni badi baadshaahon ki sabha saare kalpa mein is sangam ke samay hoti hai। svarga mein bhi itni badi sabha baadshaahon ki nahin hogi। lekin ab baapdaada sarva baadshaahon ki sabha ko dekh harshit ho rahe hain। door vaale bhi dil ke najdeek dikhaai de rahe hain। aap sab naynon mein samaaye hue ho, woh dil mein samaaye hue hain। kitni sundar sabha hai, aaj ke vishesh divas par sabhi ke chehron par avyakt sthiti ke smriti ki jhalak dikhaai de rahi hai। sabke dil mein brahma baap ki smriti samaai hui hai। aadi dev brahma baap aur shiv baap donon hi sarva bachchon ko dekh harshit ho rahe hain।

aaj to savere do baje se lekar baapdaada ke gale mein bhinna-bhinna prakaar ki maalaayen padi hui thi। yeh phoolon ki maalaayen to common hain। heeron ki maalaayen bhi koi badi baat nahin hain lekin sneh ke amoolya motiyon ki maala ati shreshtha hai। har ek bachche ke dil mein aaj ke din sneh vishesh emerge raha। baapdaada ke paas chaar prakaar ki bhinna-bhinna maalaayen emerge thi। pahla number shreshtha bachchon ki jo baap samaan banne ke shreshtha purushaarthi bachche hain, aise bachche maala ke roop mein baap ke gale mein piroye hue the। pahli maala sabse chhoti thi। doosri maala - dil ke sneh sameep samaan banne ke purushaarthi bachchon ki maala, woh shreshtha purushaarthi yeh purushaarthi। teesri maala thi - jo badi thi woh thi - snehi bhi, baap ki seva mein saathi bhi lekin kabhi teevra purushaarthi aur kabhi, kabhi-kabhi toofaanon ka saamna jyaada karne vaale। lekin chaahne vaale, sampanna banne ki chaahna bhi achhi rehti hai। chauthi maala thi ulhanen vaalon ki। bhinna-bhinna prakaar ke bachchon ki avyakt pharishte face ke roop mein maalaayen thi। baapdaada bhi bhinna-bhinna maalaaonko dekh khush bhi ho rahe the aur sneh aur sakaash saath-saath de rahe the। abhi aap sab apne aapko socho main kaun? lekin chaaron or ke bachchon mein vishesh sankalp vartamaan samay dil mein emerge hai ki ab kuchh karna hi hai। yeh umang-utsaah majority mein sankalp roop mein hai। swaroop mein nambarvaar hai lekin sankalp mein hai।

baapdaada sabhi bachchon ko aaj ke sneh ke din, smriti ke din, samarthi ke din ki vishesh dil ki duaayen aur dil ki badhaaeeyaan de rahe hain। aaj ka vishesh din sneh ka hone kaaran majority sneh mein khoye hue hain। aise hi purushaartha mein sada sneh mein khoye hue raho। lavleen raho to sahaj saadhan hai sneh, dil ka sneh। baap ke parichay ki smriti sahit sneh। baap ki praaptiyon ke sneh sampanna sneh। sneh bahut sahaj saadhan hai kyonki snehi aatma mehnat se bach jaati hai। sneh mein leen hone ke kaaran, sneh mein khoye hue hone ke kaaran kisi bhi prakaar ki mehnat manoranjan ke roop mein anubhav hogi। snehi svatah hi deh ke bhaan, deh ke sambandh ka dhyaan, deh ki duniya ke dhyaan se oopar sneh mein svatah hi leen rehte। dil ka sneh baap ke sameep ka, saath ka, samaanta ka anubhav karaata hai। snehi sada apne ko baap ki duaaonke paatra samajhte hain। sneh asambhav ko bhi sahaj sambhav kar deta hai। sada apne mastak par, maathe par baap ke sahayog ka, sneh ka haath anubhav karte hain। nishchaybuddhi, nishchint rehte hain। aap sabhi aadi sthaapna ke bachchon ko aadi ke samay ka anubhav hai, abhi bhi seva ke aadi nimitta bachchon ko Daanubhav hai ki aadi mein sabhi bachchon ko baap mila, us smriti se sneh ka nasha kitna tha! naulej to peechhe mili lekin pahla-pahla nasha sneh mein khoye hue hain। baap sneh ka saagar hai to majority bachche aadi se sneh ke saagar mein khoye hue hain, purushaartha ki raphlaataar mein bahut achhe speed se chale hain। lekin koi bachche sneh ke saagar mein kho jaate hain, koi sirf dubki lagaake baahar aa jaate hain। iseelie jitna khoye hue bachchon ko mehnat kam lagti utni unhon ko nahin। kabhi mehnat, kabhi muhabbat, donon mein rehte hain। lekin jo sneh mein lavleen rehte hain woh sada apne ko chhatrachhaaya ke andar rahne ka anubhav kartehain। dil ke snehi bachche mehnat ko bhi muhabbat mein badal lete hain। unhon ke aage pahaad jaisi samasya bhi pahaad nahin lekin rooi samaan anubhav hoti hai। patthar bhi paani samaan anubhav hota hai। to jaise aaj vishesh sneh ke vaayumandal mein rahe to anubhav kiya mehnat hai ya manoranjan hua!

aaj to sneh ka sabko anubhav hua na! sneh mein khoye hue the? khoye hue the sabhi! aaj mehnat ka anubhav hua? kisi bhi baat ki mehnat ka anubhav hua? kya, kyon, kaise ka sankalp aaya? sneh sab bhula deta hai। to baapdaada kehte hain ki baap ke is sneh ko bhoolo nahin। sneh ka saagar mila hai, khoob lahraao। jab bhi koi mehnat ka anubhav ho na, kyonki maaya beech-beech mein paper to leti hai, lekin us samay sneh ke anubhav ko yaad karo। to mehnat muhabbat mein badal jaayegi। anubhav karke dekho। kya hai, galti kya ho jaati hai! us samay kya, kyon… ismen bahut chale jaate ho। jo aaya hai woh jaata bhi hai lekin jaayega kaise? sneh ko yaad karne se mehnat chali jaayegi kyonki sabhi ko bhinna-bhinna samay par baapdaada donon ke sneh ka anubhav to hai। hai na anubhav! kabhi to kiya hai na, chalo sada nahin hai kabhi to hai। us samay ko yaad karo - baap ka sneh kya hai! baap ke sneh se kyaakya anubhav kiya! to sneh ki smriti se mehnat badal jaayegi kyonki baapdaada ko kisi bhi bachche ki mehnat ki sthiti achhi nahin lagti। mere bachche aur mehnat! to mehnat mukta kab banenge? yeh sangamayug hi hai jismen mehnat mukta, mauz hi mauz mein rah sakte hain। mauj nahin hai to koi na koi bojh buddhi mein hai, baap ne kaha hai bojh mujhe de do। maimpan ko bhool trustee ban jaao। jimmevaari baap ko de do aur svayan dil ke sachche bachche ban khaao, khelo aur mauj karo kyonki yeh sangamayug sabhi yug mein se mauzon ka yug hai। is maujon ke yug mein bhi mauj nahin manaayenge to kab manaayenge? baapdaada jab dekhte hain na ki bachche bojh uthaake bahut mehnat kar rahe hain। de nahin dete, khud hi utha lete। to baap ko to taras padega na, raham aayega na। maujon ke samay mehnat! sneh mein kho jaao, sneh ke samay ko yaad karo। har ek ko koi na koi samay vishesh sneh ki anubhooti hoti hi hai, hui hai। baap jaanta hai hui hai lekin yaad nahin karte ho। mehnat ko hi dekhte rehte, ulajhte rehte। agar aaj bhi amritvele se ab tak baapdaada donon authority ke sneh ka dil se anubhav kiya hoga to aaj ke din ko bhi yaad karne se sneh ke aage mehnat samaapta ho jaayegi।

abhi baapdaada is varsha mein har bachche ko sneh yukta, mehnat mukta dekhne chaahte hain। mehnat ka naamnishaan dil mein nahin rahe, jeevan mein nahin rahe। ho sakta hai? ho sakta hai? jo samajhte hain karke hi chhodna hai, himmat vaale hain vo haath uthaao। aaj vishesh aise har bachche ko baap ka vishesh vardaan hai - mehnat mukta hone ka। sveekaar hai? phir kuchh ho jaae to kya karenge? kya, kyon to nahin karenge na? muhabbat ke samay ko yaad karna। anubhav ko yaad karna aur anubhav mein kho jaana।

abhi samay ki sameepta ko dekh rahe ho। jaise samay ki sameepta ho rahi hai aise aap sabka bhi baap ke saath sameepta ka anubhav badhna chaahiye na। baap se aapki sameepta samay ki sameepta ko samaapta karegi। kya aap sabhi bachchon ko aatmaon ke duhkh ashaanti ka aavaaj kaanon mein nahin sunaai deta! aap hi poorvaj bhi ho, poojya bhi ho। to he poorvaj aatmaayen, he poojya aatmaayen, kab vishwa kalyaan ka kaarya sampanna karenge?

baapdaada ke paas samaachaar bahut achhe achhe aate hain। sankalp tak bahut achhe hain। swaroop mein aane mein yathaashakti ho jaate hain। abhi do minute ke liye sabhi parmaatma sneh, sangamayug ke aatmik mauj ki sthiti mein sthit ho jaao। (drill) achha - yahi anubhav har din baar-baar samay prati samay anubhav karte rehna। sneh ko nahin chhodna। sneh mein kho jaana seekho। achha।