Avyakt murli du lundi 31 décembre 2018

> om shanti 31-12-18 madhuban

praanapyaare avyakt baapdaada ke ati snehi, sada naye umang-utsaah mein rahne vaale vishwa parivartan ke nimitta bane hue, kaaran va samasya shabd ko sada ke liye vidaai dekar samaadhaan swaroop banne vaale nimitta behad sevaadhaari teachers bahinen tatha desh videsh ke sarva brahman kul bhooshan bhaai bahinen,

eeshvareey sneh sampanna madhur yaad ke saath aaj naye varsha ki bahut-bahut mubaarak ho, mubaarak ho।

naya varsha naya umang-utsaah lekar aaya hai। sabhi bahut pyaar se ek do ko naye varsha ki badhaaeeyaan de rahe hain। pyaare baapdaada ne bhi sabhi ko naye varsha aur naye yug ki badhaai di। pyaare baapdaada ki sabhi bachchon prati yahi shubh aash hai ki puraane varsha ko vidaai dene ke saath-saath bachche puraane sanskaaron ko bhi sada ke liye vidaai dekar sva parivartan aur vishwa parivartan ke mahaan kaarya ke nimitta banen। sabhi ka jo lakshya hai humein baap samaan banna hai, to is varsha sabhi milkar naveenta sampanna aisa teevra purushaartha karen jo sampannata aur sampoornata ki manzil ko praapta kar leven। dekho, pyaare baapdaada kaise sabhi bachchon ko apni bhaasna dete sabki alaukik paalna kar rahe hain। is baar sevaaonka tarna dilli aur aagra zone ka hai। kareeb 20 hajaar bhaai bahinen is group mein pahunche hain। double videshi bhi kareeb 450 hain। chhote bachchon ki, yuvaaonki retreat bhi bahut achhi chali, sabhi sabha mein baithe hain। sabhi baapdaada ke saath bahut umang-utsaah ke saath naya varsha mana rahe hain। baapdaada ne sabko yahi hom work diya hai ki bachche ab dridhta aur parivartan ki shakti se kaaran aur samasya shabd ko sada ke liye samaapta kar samaadhaan swaroop banen। baapdaada ke yeh madhur mahaavaakya jo ham sabne video dvaara sune hain, unhein aap bhi apni classes mein sunaakar sabko refresh karna ji। baapdaada ke madhur mahaavaakya sunne ke pashchaat daadi jaanki ji ne sabko naye varsha ki mubaarak di। phir sabhi bade bhaai bahinon ne milkar mombatti jalaai tatha cake kaati। sabka mukh meetha karaaya। achha - sabhi ko bahut-bahut yaad। om shanti।

om shanti 31-12-18 ''avyakt-baapdaada'' revise-video 31-12-06

“naye varsha ki naveenta - dridhta aur parivartan shakti se kaaran va samasya shabd ko vidaai de nivaaran va samaadhaan swaroop bano”

aaj navayug rachta baapdaada apne chaaron or ke bachchon ko naya varsha aur navayug donon ki mubaarak dene aaye hain। chaaron or ke bachche bhi mubaarak dene pahunch gaye hain। kya sirf naye varsha ki mubaarak dene aaye ho va navayug ki bhi mubaarak dene aaye ho? jaise naye varsha ki khushi hoti hai aur khushiyaan dete hain। to aap brahman aatmaaonko navayug bhi itna yaad hai? navayug naynon ke saamne aa gaya hai? jaise naye varsha ke liye dil mein aa raha hai ki aaya ki aaya, aise hi apne navayug ke liye itna anubhav karte ho ki aaya ki aaya? us navayug ki smriti itni sameep aati hai? woh shareer roopi apni dress chamakti hui saamne nazar aa rahi hai? baapdaada double mubaarak dete hain। bachchon ke man mein, naynon mein navayug ki scene seenriyaan emerge hain, kitna apne navayug mein tan-man-dhan-jan shreshtha hai, sarva praaptiyon ke bhandaar hain। khushi hai ki aaj puraani duniya mein hain aur abhi-abhi apne raajya mein honge! yaad hai apna raajya? jaise aaj double kaarya ke liye aaye ho, puraane ko vidaai dene aur naye varsha ko badhaai dene aaye ho। to sirf puraane varsha ko vidaai dene aaye ho va puraani duniya ke puraane sanskaar, puraane svabhaav, puraani chaal usko bhi vidaai dene aaye ho? puraane varsha ko vidaai dena to sahaj hai, lekin puraane sanskaar ko vidaai dena bhi itna sahaj lagta hai? kya samajhte ho? maaya ko bhi vidaai dene aaye ho va varsha ko vidaai dene aaye hain? vidaai dena hai na! ya maaya se thoda pyaar hai? thoda-thoda rakhne chaahte ho?2 baapdaada aaj chaaron or ke bachchon se puraane sanskaar svabhaav se vidaai dilaane chaahte hain। de sakte ho? himmat hai ki sochte ho ki vidaai dene chaahte hain lekin phir maaya aa jaati hai! kya aaj ke din dridh sankalp ki shakti se puraane sanskaar ko vidaai de naye yug ke sanskaar ko, jeevan ko badhaai dene ki himmat hai? hai himmat? jo samajhte hain ho sakta hai, ho sakta hai, va hona hi hai, hai himmat vaale? jo samajhte hain himmat hai woh haath uthaao। himmat hai? achha jinhonne nahin uthaaya hai woh soch rahe hain? double faurenarsa ne uthaaya haath, jismen himmat hai woh haath uthaao, sabhi nahin। achha, double faurenarsa to hoshiyaar hain। double nasha hai iseelie। dekhna, baapdaada har maas result dekhega। baapdaada ko khushi hai ki himmat vaale bachche hain। chaturaai se javaab dene vaale bachche hain। kyon? kyonki jaante hain ki ek kadam hamaari himmat ka aur hajaaron kadam baap ki madad ka to milna hi hai। adhikaari ho। hajaar kadam madad ke adhikaari ho। sirf himmat ko maaya hilaane ki koshish karti hai। baapdaada dekhte hain ki himmat achhi rakhte hain, baapdaada dil se mubaarak bhi dete hain lekin himmat rakhte phir saath mein apne andar hi vyartha sankalp utpanna kar lete, kar to rahe hain, hona to chaahiye, karenge to zaroor, pata nahin… pata nahin ka sankalp aana yeh himmat ko kamjor kar deta hai। to to aa jaata hai na, karte to hain, karna to hai… aage udna to hai…। yeh himmat ko hila dete hain। to nahin socho, karna hi hai। kyon nahin hoga! jab baap saath hai, to baap ke saath mein to-to nahin aa sakta। to is naye varsha mein naveenta kya karenge? himmat ke paanv ko majboot banaao। aisi himmat ka paanv majboot banaao jo maaya khud hil jaaye lekin paanv nahin hilen। to naye varsha mein naveenta karenge, ya jaise kabhi hilte kabhi majboot rehte, aise to nahin karenge na! aap sabhi ka kartavya va occupation kya hai? apne ko kya kahlaate ho? yaad karo। vishwa kalyaani, vishwa parivartak, yeh aapka occupation hai na! to baapdaada ko kabhi-kabhi meetheemeethi hansi aati hai। vishwa parivartak title to hai na! vishwa parivartak ho? ya london parivartak, india parivartak? vishwa parivartak ho na, sabhi? chaahe gaanv mein rehte hain chaahe london ya America mein rehte hain lekin vishwa kalyaankaari ho na? ho to kaandh hilaao। pakka na! ki 75 percent ho। 75 percent vishwa kalyaani aur 25 percent maaph hai, aise? aapki challenge kya hai? prakriti ko bhi challenge ki hai ki prakriti ko bhi parivartan karna hi hai। to apna occupation yaad karo। kabhi-kabhi apne liye bhi sochte ho - karna to nahin chaahiye lekin ho jaata hai। to vishwa parivartak, prakriti parivartak, sva parivartak nahin ban sakte? shakti sena kya sochte ho? is varsha mein apna occupation vishwa parivartak ka yaad rakhna। sva prati va apne brahman parivaar prati bhi parivartak banna kyonki pahle to charity begins at hom hai na! to apne occupation ka practical swaroop pratyaksha karenge na! sva parivartan jo svayan bhi chaahte ho aur baapdaada bhi chaahte hain, jaante to ho na! baapdaada poochhte hain ki aap sabhi bachchon ka lakshya kya hai? to maijaariti ek hi javaab dete hain ki baap samaan banna hai। theek hai na! baap samaan banna hi hai na, ki dekhenge, sochenge...! to baap bhi yahi chaahte hain ki is naye varsha mein koi kamaal karke dikhaao। sab itni seva ke umang mein bhinna-bhinna programme banaate rehte hain, saphal bhi hote rehte hain, baapdaada ko khushi bhi hoti hai ki mehnat jo karte hain uski saphalta milti hai। vyartha nahin jaati hai lekin seva kislie karte ho? to kya javaab dete hain? baap ko pratyaksha karne ke liye। to baap aaj bachchon se prashn poochhte hain, ki baap ko pratyaksha to karna hi hai, karenge hi। lekin baap ko pratyaksha karne ke pahle sva ko pratyaksha karo। bolo, shiv shaktiyaan yeh varsha shiv shakti ke roop mein sva ko pratyaksha karengi? karengi? janak bolo? karenge? (karna hi hai) saathi, pahli line doosri line mein baithi hui teachers haath uthaao jo is varsha mein karke dikhaayenge। karenge nahin, karke dikhaana hi hai। achha - sabhi teachers ne uthaaya ya koi ne nahin uthaaya। achha - madhuban vaale। karna hi hai, karna padega kyonki madhuban to najdeek hai na। taareekh note kar dena, 31 taareekh hai। time bhi note karna। aur paandav sena, paandavon ko kya dikhaana hai? vijayi paandav। kabhi-kabhi ke vijayi nahin, hai hi vijayi paandav। to is varsha mein aisa bankar dikhaana ya kahenge kya karen? maaya aa gai na, chaahte nahin the aa gai! baapdaada ne pahle bhi kaha hai - maaya apna last time tak aana banda nahin karegi। lekin maaya ka kaam hai aana aur aapka kaam kya hai? vijayi banna। baapdaada yahi chaahte hain ki is varsha ek shabd ko sada ke liye vidaai do। woh kaun sa? bataayen, bolen? deni padegi। is varsha baapdaada kaaran shabd ko vidaai dilaane chaahte hain। nivaaran ho, kaaran khatma। samasya khatma, samaadhaan swaroop। chaahe svayan ka kaaran ho, chaahe saathi ka kaaran ho, chaahe sangathan ka kaaran ho, chaahe koi circumstance ka kaaran ho, brahmanon ki dictionary mein kaaran shabd, samasya shabd parivartan ho, samaadhaan aur nivaaran ho jaae kyonki bahuton ne aaj amritvele bhi baapdaada se roohrihaan mein yahi baaten ki, ki naye varsha mein kuchh naveenta karen। to baapdaada chaahte hain ki yeh naya varsha aisa manaao jo yeh do shabd samaapta ho jaaen। par-upkaari bano। svayan kaaran bante hain ya doosra koi kaaran banta hai, lekin par-upkaari aatma ban, merciful aatma ban, shubh bhaavna, shubh kaamna ke dil vaale ban sahayog do, sneh lo। naye varsha mein naveenta karni hi hai - sva ke, sahayogiyon ke aur vishwa ke parivartan ki। peechhe vaale sun rahe hain? to karna hai na, yeh nahin sochna pahle to bade karenge na, ham to chhote hain na। chhote samaan baap। har ek bachcha baap ke adhikaari hai, chaahe pahle baari bhi aaye ho lekin mera baba kaha to adhikaari ho। shreemat par chalne ke bhi adhikaari aur sarva praaptiyon ke bhi adhikaari। teachers aapas mein programme banaana, fauren vaale bhi banaana, bhaarat vaale bhi milkar banaana। theek hai achha - baapdaada dekhenge, har saptaah, har zone, apni result O.ke. ya O.ke. mein line lagaakar bheje। agar nahin hain O.ke. to, aur kuchh nahin likhna, patra koi nahin padhega। bahut lambe patra bhejte hain to padhne ki phursat nahin hoti hai isliye sirf O.ke. likhen aur O.ke. nahin hain, to beech mein line laga den, bas।usi se pata pad jaayega ki abhi margin hai। zone nahin to har ek centre likhe, sabhi seva mein bhakton ki, duhkhiyon ki, brahmanon ki aapsi, teenon seva mein O.ke. ya line। parivartan shakti, dridhta ki shakti achhi tarah se use karna। achha।

seva ka tarna, dilli, aagra ka hai:- achha hai, dekho sthaapna ke kaarya mein nimitta pahle dilli bani, baambe bhi saath mein thoda-thoda bani, lekin dilli sthaapna ke kaarya mein nimitta bani to sthaapna vaale golden cup lene mein bhi nimitta banenge? banenge? is baari baapdaada golden cup banva rahe hain, kitne lete hain, woh dekhenge। lekin dilli ko number one jaana hi hai, aise hai na! jaayenge nahin, jaana hi hai right bol rahe hain to haath uthaao। jaana hi hai ki dekhenge, sochenge, ge ge vaale to nahin hain? bahaadur hain। dilli vaalon mein himmat hai lekin sangathit roop mein himmat pratyaksha karke dikhaao। sabki nazar dilli ke oopar jaati hai। achha hai। seva ka shauk rakha hai, iski mubaarak hai। apne punya ka khaata jama kar liya hai। achha।

double videshi:- foreigners vriddhi bhi kar rahe hain aur bhinna-bhinna desh jo rahe hue hain, usmein umang-utsaah se badh rahe hain। baapdaada ko yeh khushi hai ki practical merciful ban aatmaaonke oopar raham kar rahe hain। seva ka umang bhi hai aur seva ka pratyaksha rup bhi dikha rahe hain। abhi double teevra purushaartha kar golden cup fauren vaale leven। le sakte hain। sabhi ki taraph se email aayega aapke paas, O.ke. O.ke, jyaada nahin aayega। padhna padta hai na aapko। (daadi jaanki ko), bas sirf O.ke. baap bhi O.ke. vaalon ko gupta mein bahut sneh ki duaaonki varsha karte hain। vaah! bachche vaah! ka geet gaate hain। achha। abhi har ek apne ko man ke maalik anubhav kar ek second mein man ko ekaagra kar sakte ho? order kar sakte ho? ek second mein apne sweet hom mein pahunch jaao। ek second mein apne raajya svarga mein pahunch jaao। man aapka order maanta hai va halchal karta hai? maalik agar yogya hai, shaktivaan hai, to man nahin maane, ho nahin sakta। to abhi abhyaas karo ek second mein sabhi apne sweet hom mein pahunch jaao। yeh abhyaas saare din mein beech-beech mein karne ka attention rakho। man ki ekaagrata svayan ko bhi aur vaayumandal ko bhi powerful banaati hai। achha। chaaron or ke ati sarva ke snehi, sarva ke sahayogi shreshtha aatmaaonko, chaaron or ke vijayi bachchon ko, chaaron or ke parivartan shaktivaan bachchon ko, chaaron or ke sada svayan ko pratyaksha kar baap ko pratyaksha karne vaale bachchon ko, sada samaadhaan swaroop vishwa parivartak bachchon ko baapdaada ka yaadapyaar aur dil ki duaayen sveekaar hon। saath mein sabhi bachchon ko jo baap ke bhi sirtaaj hain, aise sirtaaj bachchon ko baapdaada ki namaste।

daadi jaanki:- om shanti। aap bahut achhi tarah se shanti se baba ke saamne baithe the। baba ke ek ek bol mein kya shakti bhari hui thi! wonderful। ek minute bhi shant rahne mein kitna phaayda hai। mujhe yeh achha lagta hai thoda samay bhi saare din mein shant mein rehna aur swaroop banna। andar mein shanti hai aur baahar vaayumandal mein shanti chaaron or phail rahi hai। itne sab bhaai bahnen yahaan class mein haazir hain, mujhe achha lagta hai। baba hamaari bhaavna ko jaanta hai ki bachchi ki kya bhaavna hai। ek taraph hai baba aur doosre taraph hai hamaara bhaagya। baba mere saath hai, yeh sada kheench hoti hai। baba ko yeh sabhi meet bahut pyaare lagte hain। baba hamaara hai parantu ham unke mitra hain yaani jo unki shreemat hai woh sirmaathe par hai isliye sir kabhi bhaari nahin hota hai, yeh bhaagya hai। baba aisa meetha hai pyaara hai।

naya saal aaj raat se shuru hoga parantu advance mein baba ne aisi shakti bhar di hai। hamko saakshi hokar rahne mein baba ne achha saath diya hai। baba kehta hai main tumhaara saathi hoon, tum bhaagyavaan ho jo saakshi hokarke itna wonderful part baja rahi ho। baba ki hamaare oopar khaas nazar hai, yeh bhi main apna naaz samajhti hoon, baba mujhe kya samajhta hai jo achhi bhaasna mujhe deta hai। baba jaisa hai vaisa hamko banaane ke liye sada haazir rehta hai। baba tera banne mein sukh milta ilaahi hai। ilaahi shabd ke do arth hain - ek hai allaah ke taraph se, doosra itna hai jiska maap nahin kar sakte, athaah mila hai। milta rahega। samay ka itna kadar hai। baba jo deta hai usko lena maana nai duniya mein chale jaana। pahle sweet hom mein jaana hai phir satayug mein aana hai। satayug mein aane ki taiyaari alag hai, yahaan se jaane ki taiyaari pahle karni hai। shantidham, paramdham, nirvaandhaam mein pahle jaana hai phir satayug mein aana hai, phir vahaan kaise rehna hai, vahaan kitne janma honge।

baba dekh raha hai bachche chaaron or sachchaai aur prem mein masta hain। koi aavaaj nahin, haan hoon nahin। taali bhi bajaane ki jaroorat nahin। yeh taaliyaan bajaate hain, bhale bajaao। happy new year, yeh shabdon mein bhi aana mujhe nahin aata hai। baaki shabdon se paar jahaan baba kheenchata hai vahaan ham haazir hain baba ke saamne। navayug, nav varsha ki mubaarak yeh shabd bhi sabke dil se aapehi nikal raha hai। kal kya hoga, naya saal aa raha hai। jahaan bhi hoon jaise bhi hoon, baba aur parivaar mujhe pyaar karta hai, yeh bhaasna aati hai। sirf bhaavna nahin haipar bhaasna bhi aisi mili hui hai। to sabhi bolo, happy new year। achha - om shanti।