Avyakt murli du samedi 2 février 2019

> om shanti 02-02-2019 madhuban

praanapyaare avyakt baapdaada ke ati sneh।, sada apni shreshtha avyakt sthiti dvaara saakaar vatan ko avyakt vatan banaane vaale, parmaatma sneh। sarva nimitta teachers bahinen tatha desh videsh ke sabhi svaraajya adhikaari brahman kul bhooshan bhaai bahinen,

eeshvareey sneh sampanna madhur yaad sveekaar karna ji।

baad samaachaar - aap sabhi ne avyakt maas mein bahut achhi tapasya ki hai, kai sthaanon par akhanda yog ki bhattiyaan chali। aaj baapdaada se mangal milan manaane, avyakt anubhootiyaan karne ke liye shaantivan ke vishaal praagan mein eastern (aasaam, kamal, bihaar, udeesa) taamilnaadu aur nepaal ke bhaai bahinen 19 hajaar se adhik sankhya mein pahunche hue hain। sabhi amritvele se hi apni avyakt sthiti dvaara avyakt vatan ki sair kar rahe hain। bahut achhi silence ki lahar hai। pyaare avyakt baapdaada vatan se apne bachchon ki alaukik paalna bhinna -bhinna svaroopon se kar rahe hain। sabhi madhuban behad ghar mein aakar khabu refresh hokar jaate hain। abhi to sabhi ke andar pyaare avyakt baapdaada ki 50 varsho se mili hui avyakt paalna ka return dene ka umang hai। baapdaada ki sab bachchon se yahi aash hai ki har ek kaaran shabd se mukta rah apni chalan aur chehre dvaara sabko mukti dene vaale muktidaata banen। sevaaon ke umang-utsaah ke saath-saath behad ki vairaagya vritti mein rahen। yeh vairaagya vritti hi sva parivartan aur vishwa parivartan ka aadhaar banengi।

hamaari meethi daadi gulzaar ji bhi abhi mumbai gaamdevi sevaakendra par hain। svaasthya mein sudhaar hota ja raha hai। ummeend hai thandi poori hote hi ve apne madhuban ghar mein aa jaayengi। itne sab brahman bachchon ke shubh sakalpon ki, shreshtha bhaavnaaon ki shakti daadi ji ko udaakar apne madhuban ghar le aayegi।

baaki abhi poore vishwa se double videshi bhaai bahinon ke aane ki rimjhim hai। kai ritreetas, meetings aadi ke liye chaaron or se baba ke bachche pahuch rahe hain। madhuban ghar sada hi bachchon ka svaagat karta hai।

dekho, ek or tapasya ki lahar hai to doosri or bhaarat mein vishesh triveni kaam par vishaal kumbha mela chal raha hai। vahaan bhi baapdaada bhinna-bhinna prakaar se apni sevaayen karaata rehta hai। mele mein vishesh do sthaanon par alag-alag bahut aakarshak pandaal lage hue hain। ek or apna aadhyaatmik mela bahut sundar models ev chaitanya deviyon ki jhaaki ke saath-saath saja hua hai, jahaan hajaaron bhakta aatmaayen eeshvareey sandesh lekar jaati hain। doosri or sarkaar ki or se viraat kisaan mela lagaaya gaya hai, jismen svarnim bhaarat ka aadhaar shaashvat yaugik kheti vishay par apna bhi bahut sundar pandaal banaaya gaya hai, jise vahaan ke anek adhikaareegan, mantreegan tatha chaaron or ke kisaan bhaai laabh le rahe hain। pyaare baapdaada ne yeh bhi sevaaon ke bhinna-bhinna saadhan diye hain। achha!

eastern zone ke tarna mein video dvaara jo ham sab mahaavaakya sune hain, woh aapko bhi bhej rahe hain। sabko refresh karna ji। achha - sarva ko yaad om shanti।

07-04-09 om shanti avyakt baapdaada madhuban

“kaaran shabd se mukta rah chalan aur chehre se mukti dene vaale muktidaata bano seva ke umang-utsaah ke saath sada behad ki vairaagya vritti mein raho”

aaj baapdaada chaaron or ke bachche jo double maalik hain un har ek bachche ko dekh rahe hain। ek to baap ke sarva khazaanon ke maalik hain aur doosra svaraajya ke maalik hain। donon maalikpan har bachche ko baap dvaara mila hua hai। baalak bhi hain aur maalik bhi hain। mera baba kaha aur baap ne bhi mera bachcha kaha to baalak aur maalik donon anubhav hai।

aaj bahut-bahut bachche aaye hain is varsha ka last tarna hai। to aaj baapdaada ne har ek ka purooshaartha check kiya। to bataao kya dekha hoga? har ek apne se poochhe mera purooshaartha kya? baapdaada sabhi bachchon ko dekh khush bhi hue lekin ek aash baap ki hai bataayen woh kya hai! baap ki aash ko poorn karenge na! ek hi aash thi bataayen! haath uthaao jo aash poorn karenge। bahut achha। chhoti si aash hai woh hai aaj se ek shabd badli karo kaun sa shabd? jo baar-baar neeche le aata hai woh shabd hai - ‘‘kaaran’’। is kaaran shabd ko parivartan kar nivaaran shabd sada dhaaran karo kyonki aapki seva bhi abhi kaun si hai? vishwa ke aatmaon ki sabki samasya ka kaaran nivaaran kar nivaaran karte hi nirvaandhaam mein le jaana hai kyonki aap sabhi muktidaata ho। to jab auron ko bhi mukti dilaane vaale ho to svayan bhi kaaran ko nivaaran karenge tab auron ko mukti dila sakenge। nirvaan mein bhej sakenge। to yeh ek shabd ka antar karna mushkil hai ki sahaj hai? socho।

aaj baapdaada jo bhi aaye hain va apne apne sthaan par dekh rahe hain sun rahe hain un sabhi se ek shabd ka parivartan chaahte hain kyonki kaaran neeche le aata hai। kaaran mein to aadhaakalpa rahe abhi nivaaran karne ka samay hai। nivaaran aur nirvaan mukti। to himmat hai aaj baap ko dene ki। last tarna hai na sabhi umang-utsaah se aaye hain aur baapdaada ek ek ko mubaarak de rahe hain। sone ki khaana khaane ki mushkil bhi hai lekin sab sneh se sneh ke plen ne aap sabko madhuban mein pahuncha diya hai। baapdaada har ek ka sneh dekh har ek ko padamguna dil ka sneh de rahe hain। lekin sneh mein aap kya karte ho? jisse sneh hota hai na usko sneh mein saugaat bhi di jaati hai। to aaj baapdaada saugaat mein yeh kaaran shabd lena chaahte hain। yeh aash baapdaada ki poorn karni hai na! phir haath uthaao yahaan hi chhodkar jaana hai। yahaan get se niklo to kaaran shabd samaapta ho। galti se aa bhi jaae to baap ko di hui cheez amaanat hai। to amaanat mein kya kiya jaata hai? vaapas liya jaata hai? to sabhi ne dridh sankalp kiya? kiya? kiya? haath uthaao phir se। phir vaale haath hilaao। achha। bahut achha। kyonki abhi samay anusaar aapke paas queue lagegi। kislie queue lagegi? he muktidaata mukti do। to dene vaale muktidaata pahle aap is ek shabd se mukta banenge tab to mukti de sakenge।

baapdaada yahi chaahte hain ki abhi is varsha ka homework yahi rahe ki mujhe mukta ban mukti dilaana hai kyonki samasyaayen dinapratidin bahut badhni hai। to samasya samaadhaan roop mein badal jaae। mehnat aur samay samasya mitaane mein nahin lage। kya aapko apne bhakton ki aur samay ki pukaar sunaai nahin deti! to abhi samay anusaar kya parivartan karna aavashyak hai? kyonki abhi har ek ko anubhvi moorta ban koi na koi anubhav karaane ki aavashyakta hai। to baba abhi chaahta hai ki aap sabka chehra chalan aisa spashta dikhaai de ki yeh muktidaata ke bachche mukti dene vaale hain। aapke mastak se chamakte hue sitaare ka anubhav ho। sirf sunaane se nahin lekin chehre se hi anubhav ho kyonki anubhav najdeek le aata hai। to yeh anubhav chehre aur chalan se dikhaao। jaise dekho science ke saadhan anubhav karaate hain na abhi garmi ki season hai to garmi ka aur sardi ka anubhav kara rahe hain na। jab science ke saadhan anubhvi banaate hain to kya silence ki power shakti ka anubhav nahin kara sakti! to baapdaada abhi bachchon se yahi chaahte hain ki anubhav ki sthiti mein sthit rah naynon se mastak se koi na koi shakti ka anubhav karaao। suni hui baat sunne ke samay achhi lagti hai lekin phir koi samasya aati to bhool bhi jaate hain। lekin anubhav jeevan bhar tak bhoolta nahin hai।

baapdaada ne ek kaaran dekha। result bhi dekhi ek result dekh bahut-bahut mubaarak di। kaun si result? aaj tak seva ka umang-utsaah achha hai। to baapdaada mubaarak bhi dete hain seva badhaate bhi hain aur plan bhi achhe banaate hain result bhi yatha shakti milti hai lekin ek baat anubhav karaane ke liye apne mein attention dena padega। jaise seva aapki abhi prasiddha hoti jaati hai। khush bhi hote rehte hain aur aajkal interest bhi badhta jaata hai। abhi baaki anubhav karaane ki vidhi kya hai? woh hai umang-utsaah sahit jitna umang utna hi samay anusaar abhi behad ki vairaagya vritti bhi chaahiye। purooshaartha mein koi samasya roop banta hai to uska kaaran hai behad ke vairaagya vritti mein kami। ab behad ka vairaagya chaahiye। behad ka vairaagya sadaakaal chalta hai। agar samay par hota hai to samay number one ho jaata hai aur aap number tu mein ho jaate ho। samay ne aapko vairaagya dilaaya। behad ka vairaagya sadaakaal hota hai। ek taraph umang-utsaah khushi aur doosre taraph behad ka vairaagya। behad ka vairaagya sada na rahne ka kaaran? baapdaada ne dekha ki kaaran hai deh abhimaan। deh shabd sab taraph aata hai - jaise deh ke sambandh deh ke padaartha deh ke sanskaar deh shabd sabmen aata hai aur vishesh deh abhimaan kis baat mein aata hai? dehi abhimaan se deh abhimaan mein le hi aata hai woh ab tak baapdaada ne check kiya ki mool kaaran puraane sanskaar neeche le aate hain। sanskaar mitaaye hain lekin koi na koi sanskaar nature ke roop mein abhi bhi kaam kar leta hai। jaise deh abhimaan ki nature natural ho gai hai aise dehi abhimaani ki nature natural nahin hui hai। kehte hain hamne khatma kiya hai lekin ekdam beej ko bhasma nahin kiya hai। isliye samay aane par phir woh dehbhaan ke sanskaar emerge ho jaate hain। to abhi aavashyakta hai is deh bhaan ki nature ko powerful dehi abhimaani ki shakti se vansh sahit naash karne ki kyonki bachche kehte hain chaahte nahin hain lekin kabhi kabhi nikal aata hai। kyon nikalta? ansh hai to vansh hoke nikal jaata। to abhi aavashyakta hai shakti swaroop banne ka aadhaar hai apne aapko check karo ki kisi bhi swaroop mein anshamaatra bhi puraana deh bhaan ka sanskaar raha hua to nahin hai? aur woh khatma hoga behad ki vairaagya vritti se। service dekh sun baapdaada khush hai lekin ab baap ki yahi chaahna hai ki jaise service ki phalak jhalak ab logon ko dikhaai deti hai। anubhav hota hai seva ka aise behad ki vairaagya vritti ka prabhaav ho kyonki aajkal seva dvaara aapki prashansa badhegi aapki prakriti daasi hogi। aapko anubhav karenge saadhan badhenge lekin behad ki vairaagya vritti se saadhan aur saadhna ka balance rahega। jaise aap logon ko pravritti mein rahne vaalon ko drishtaanta dete ho ki sab kuchh karte karmayogi kamal pushpa ke samaan raho। aise aap sabhi ko bhi seva karte saadhan milte saadhna aur saadhan ka balance rahega। to aajkal addition seva ke saath behad ki vairaagya vritti bhi aavashyak hai। chalte phirte bhi anubhav kare ki yeh vishesh aatmaayen hain। sirf yog mein baithne ke time nahin bhaashan karne ke time nahin lekin chalte phirte bhi aapke mastak se shanti shakti khushi ki anubhooti ho kyonki samay prati samay abhi samay badalta jaayega।

to baapdaada ne samay prati samay ishaara to de diya hai lekin aaj vishesh baapdaada ek to behad ke vairaagya taraph ishaara de raha hai iske liye abhi apne ko check karke dehi abhimaani ka jo vighna hai deh abhimaan anek prakaar ke deh abhimaan ka anubhav hai iska parivartan karo। aur doosri baat bahut samay ka bhi apna socho। bahut samay ka abhyaas chaahiye। bahut samay purooshaartha bahut samay ka praalabdha। agar abhi bahutkaal ka attention kam denge to antim kaal mein bahutkaal jama nahin kar sakenge। toolate ka board lag jaayega isliye baapdaada aaj doosre varsha ke liye homework de rahe hain। yeh deh abhimaan sab samasyaaon ka kaaran banta hai aur phir bachche ramneek hain na to baap ko bhi dilaasa dilaate hain ki samay par ham theek ho jaayenge। baapdaada kehte hain ki kya samay aapka teacher hai? samay par theek ho jaayenge to aapka teacher kaun hua? aapki creation samay aapka teacher ho yeh achha lagega? isliye samay ko aapko najdeek laana hai। aap samay ko najdeek laane vaale hain। samay par rahne vaale nahin। samay ko teacher nahin banaao।

to baapdaada aaj yahi baar-baar ishaara de rahe hain ki svayan ko check karo baar-baar check karo aur parivartan karo। bahutkaal ka parivartan bahutkaal ke praalabdha ka adhikaari banaata hai। to baapdaada chaahe ab tak dheela-dhaala purooshaarthi ho lekin last number vaale bachche se bhi baap ka sneh hai। sneh hai tab to baap ka bana hai baap ko pahchaana hai mera baba to kehta hai isliye samay par nahin chhodo। samay aayega nahin samay sampoornata ka hamko laana hai। baapdaada ke vishwa parivartan ke kaarya ke aap sabhi saathi ho। akela baap kaarya nahin kar sakta bachchon ka saath hai। baap to kehte hain pahle bachche aage bachche। to abhi agar doosre varsha mein aana hi hai to yeh hom work karke rakhenge! karenge? haan haath uthaao। achha। peechhe vaale bhi haath utha rahe hain।

jo pahli baari aaye hain pahle baari baapdaada se milne aaye hain woh utho। dekha aadha class pahle baari vaala hai। peechhe vaale haath uthaao। khade hokar dekho। jo bhi pahle baari aaye hain unhon ko baapdaada naye birth ka birth de ki mubaarak de rahe hain। log kehte hain laakh-laakh badhaai ho baap kehte hain padam padamguna badhaai ho। aur baapdaada abhi aane vaalon ko sada ek chance dete hain woh chance hai ki abhi aane vaale bhi agar teevra purooshaartha karen to baapdaada va drama unhon ko last so fast fast so first yeh bhi aage number de sakta hai। chance hai। chancellor bano। sirf attention dena pade। achha।

sabhi taraph ke baapdaada ke diltakhtansheen aur bhrakuti ke takhtansheen aur bhavishya ke bhi raajya takhtansheen aise baapdaada ke sikeeldhe padam padamguna bhaagyashaali bachchon ko sada apne naynon dvaara roohaaniyat ka anubhav karaane vaale aur chehre dvaara sada khushkismat man sada khushi mein naachta rahe koi bhi saamne aave anubhav kare ki in jaisi khushi kahaan bhi nahin hai aur sabak seekhke jaaye। aise har baap ke bachche apne dvaara baap ka mukh dvaara baap ka parichay dete ho lekin naynon aur chehre dvaara baap ka saakshaatkaar karaane vaale aise chaaron or ke bachchon ko jinhonne patra bheje hain email kiya hai sabhi ke baapdaada ke paas pahunche hain aapne kiya usi samay baap ke paas pahunch gaya saamne baithe hue vaalon se aap sabne jis samay kiya usi samay pahunch gaya। iseelie bahut-bahut mubaarak ho। desh videsh sab bachchon ko baap dil ke sneh ka respond de rahe hain। to chaaron or ke bachchon ko baapdaada padamguna dil ka dulaar dil ka pyaar de rahe hain aur sabhi ko namaste kah rahe hain। achha - aaj tarna kiska hai?

eastern zone nepaal taamilnaadu (bangaal bihaar udeesa aasaam):- (teachers ne taaj pahne hain) achha -is zone mein aur zone ke bhi add hain। to alag nepaal vaale haath uthaao। chennai vaale taamilnaadu vaale achha hai। sabhi ko milaakar eastern zone kehte hain।

achha mubaarak ho zone ko। jo sabhi ko dekho kitnon ko yagya seva ka chance diya। achha laga na। achha laga? yagya seva ka hajaar guna punya jyaada banta hai। to aap jo sachchi dil badi dil se seva karne vaale banen unhon ka hajaar guna jyaada punya ka khaata jama hua। achha hai sankhya bhi achhi hai। baaki koi naya kaam karke dikhaana। achha। sabhi ko zone mein aaye hue ek-ek bhaagyavaan aatma ko baapdaada padamguna mubaarak de rahe hain। achha।

double videshi:- (40 deshon ke 300 bhaai bahinen aaye hain) aap videshi ho? lekin sabse bada videshi kaun?baapdaada to aapse bhi bada videshi hai। kitna door se aate hain। aapke area to maap sakte hain lekin baap ki area hisaab nikaal sakte hain? aapko videsh se desh mein aane mein time kitna lagta hai? aur baapdaada ko aane mein kitna time lagta hai? to videsh mein bhi seva aur sva parivartan ki lahar chal rahi hai। achha।

daadi jaanki- vandarphul hamaara baba, vandarphul baba ke bachche। ham baba ko sada saathi dekh aur saakshi hokar samay ko pahchaan yahi lakshya hai ki vishwa mere baba ko pahchaane, yeh bhaavna baba ham bachchon ki poori karta hai। apne parivartan se vishwa ko parivartan laane ke liye kitna baba ham bachchon ko umang-ulhaas dilaata hai। umang ulhaas, khushi hi ham sabki khuraak hai। khush raho aabaad raho, puraani baaten koi yaad nahin karo। takdeer ko aisa jagaakar rakhen jo yeh kalam lagta jaae। aaj meethe baba ke uchchaaran kiye hue mahaavaakya sunen। baba ne kai baar sabko mubaarak di। baba kahe bachche, bachche kahen mera baba, meetha baba, pyaara baba, shukriya baba। aaj eastern loan ko ham bhi dil se pyaar se jo seva mein haajir hain, sabko mubaarak dete hain।

nivainr bhaai- daadi jaanki ji ko apne beech ham paakar, baapdaada ke saath-saath unko bhi dekhte hain to hriday gadgad ho jaata hai। daadi ji ki himmat, umang utsaah woh inke liye sabse bada eedhan hai jo unko udaata rehta hai। daadi hamesha udti kala mein rahkar, hansa behen ko saath lekar kabhi kahaan udkar chali jaati, kabhi kahaan abhi abhi haangakaang hokar aai hai। saath saath daadi guljaar ji ke ham hamesha rini hain, unke dvaara jaise baapdaada ne sabhi aatmaon ko, jo bhi baba ke bachche desh mein hai videsh mein hain, naye hain puraane hain sabko apne svamaan mein sthit kiya hai, sabko mahaan banne ka raasta bataaya hai। aaj murli sunte aisa nasha chadh raha tha jaise aaj hi baba suna rahe hain। daadi guljaar ko ham dil se dhanyavaad dete hain aur neelu behen ko bhi, gaamdevi ke bhaai bahinon ko bhi bahut-bahut dhanyavaad dete hain। abhi thandi poori hone par hai, daadi aap madhuban mein aa jaao ham sab intajaar kar rahe hain।

aaj baapdaada ne jaise kaha apne naynon se, chehre se chalan se baba ke swaroop ko pratyaksha karen aur uska aadhaar baba ne bataaya ki apne dil mein dridh sakalpa karen ki humein baba ki shreemat par poora 100 pratishat chalna hai। to sabhi chalenge na। achha - om shanti।