Avyakt murli du mardi 2 avril 2019

> om shanti 02-04-19 madhuban

praanapyaare avyakt baapdaada ke ati snehi, apne divya buddhi ke vimaan dvaara teenon lokon ki sair karne vaale, sada avyakt milan ki anubhootiyon mein rahne vaale, direct vardaata baap ke divya vardaanon se palne vaali nimitta teachers bahinen tatha sarva brahman kul bhooshan bhaai bahinen

eeshvareey sneh sampanna madhur yaad sveekaar karna ji।

baad samaachaar - pyaare avyakt baapdaada ki is season ka aaj yeh last tarna bhopaal zone ki sevaaon ka hai। is tarna mein bhi desh videsh se kareeb 16-17 hajaar bhaai bahinen apne pyaare madhuban ghar mein pahuche hue hain। garmi ki season praarambha ho gai hai। is baar is alaukik milan mele ke 12 hi tarna mein jo bhi bhaai bahinen apne behad ghar madhuban mein aaye, sabhi ne bahut achhe achhe anubhav kiye। bhale saakaar roop dvaara avyakt milan nahin ho saka, phir bhi science ke saadhan video dvaara paroksha aproksha sabhi ko bahut achhi bhaasna mili hai। baapdaada ke har avatran din par sabhi ne vishesh apni avyakt sthiti banaane tatha avyakt milan ka anubhav karne ke liye man aur mukh ka maun rakha, bahut achha vaayumandal raha। har group mein mahaarthi bhaai bahinon ke anubhvon ki bahut sundar classes dvaara bhi sab khoob refresh hue।

is group mein pyaare avyakt baapdaada ham bachchon ko sarva khajaanon se sampanna banaane ke liye 3 mukhya vidhiya bata rahe hain - ek svayan ke purushaartha se praalabdha ka khajaana jama karna। doosra - sada santushta rah, sabko santushta karke punya ka khaata jama karna aur teesra sada athak, nihsvaartha aur badi dil se seva karke duaaon ka khaata jama karna।

bolo, hamaare meethe bhaai bahinen yeh teenon khaate sabhi jama kar rahe ho na। meethe baapdaada ne aaj ham sabka vishesh dhyaan khichvaaya hai ki jaise drama ka attention rehta, aatmik swaroop ka, dhaarnaaon ka attention rehta hai, aise hi karmon ki guhya gati ka bhi attention aavashyak hai। ab koi bhi sankalp, bol va karma saadhaaran na ho, itna attention rakh purushaartha ki race karni hai। halchal ki paristhitiyon mein bhi achal-adol sthiti banaani hai। abhi to vishesh yog tapasya ke kaaryakram dvaara svayan ko aur sarva ko shaktishaali banaakar mansa sakaash dene ki seva karni hai।

baapdaada ne jo bhi homework diye hain, jo bhi shikshaayen mili hain, unhein practical jeevan mein utaarna hai। baaki 2019-20 mein sva-unnati aur vishwa seva ke liye bhaarat aur nepaal ke bhaai bahinon ki vaarshik meeting 9 April se shuru ho rahi hai। is varsha mein sva-unnati aur sevaaon ki koi nai theme avashya niklegi, jo samaachaar to aap sabke paas pahunch hi jaayenge। meeting ke pashchaat shaantivan mein raajayog shivir tatha yog bhattiyon ke kaaryakram chalenge। achha। sabhi ko bahut-bahut yaad om shanti।

15-12-07 om shanti avyakt baapdaada madhuban

“samay ke mahatva ko jaan, karmon ki guhya gati ka attention rakho, nashtomoha, ever ready bano”

aaj sarva khazaanon ke daata, gyaan ka khazaana, shaktiyon ka khazaana, sarva gunon ka khazaana, shreshtha sankalpon ka khazaana dene vaala baapdaada apne chaaron or ke khazaane ke baalak so maalik adhikaari bachchon ko dekh rahe hain। akhanda khazaanon ke maalik baap sabhi bachchon ko sarva khazaanon se sampanna kar raha hai। har ek ko sarva khazaane dete hain। kisko kam, kisko jyaada nahin dete kyonki akhanda khazaana hai। chaaron or ke bachche baapdaada ke naynon mein samaaye hue hain। sabhi khazaanon se bharpoor harshit ho rahe hain।

aajkal ke samay pramaan sabse amoolya shreshtha khazaana hai - purooshottam sangam ka samay kyonki is sangam par hi saare kalpa ki praalabdha bana sakte ho। is chhote se yug ka ek second praaptiyon aur praalabdha ke pramaan ek second ki value ek varsha ke samaan hai। itna yeh amoolya samay hai। is samay ke liye hi gaayan hai - ab nahin to kab nahin kyonki is samay hi parmaatma part noondha hua hai। isliye is samay ko heere tulya kaha jaata hai। satayug ko golden ej kaha jaata hai। lekin is samay, samay bhi heere tulya hai aur aap sab bachche bhi heere tulya jeevan ke anubhvi aatmaayen ho | is samay hi bahutkaal ki bichhudi hui aatmaayen parmaatma milan, parmaatma pyaar, parmaatma knowledge, parmaatma khazaanon ke praapti ke adhikaari bante hain। saare kalpa mein dev aatmaayen, mahaan aatmaayen hain lekin is samay parmaatma eeshvareey parivaar hai। isliye jitna is vartamaan samay ka mahatva hai, is mahatva ko jaan, jitna apne ko shreshtha banaane chaahe utna bana sakte hain। aap sab bhi is mahaan yug ke parmaatma bhaagya ko praapta karne vaale padmaapdam bhaagyavaan ho na! aise apne shreshtha bhaagya ke roohaani nashe aur bhaagya ko jaante, anubhav kar rahe ho na! khushi hoti hai na! dil mein kya geet gaate ho? vaah mera bhaagya vaah! kyonki is samay ke shreshtha bhaagya ke aage aur koi bhi yug mein aisa shreshtha bhaagya praapta ho nahin sakta।

to bolo, sada apne bhaagya ko smriti mein rakhte harshit hote ho na! hote ho? jo samajhte hain ki sada harshit hote hain, kabhi-kabhi vaale nahin, jo sada harshit rehte hain woh haath uthaao। sada, sada…। underline karna sada। abhi T.vi. mein aapka photo aa raha hai। sada vaalon ka photo aa raha hai। mubaarak ho। maataayen uthaayen, shaktiyaan uthaayen, double foreigners…। kya shabd yaad rakhenge? sada। kabhi-kabhi vaale to peechhe aane vaale hain।

baapdaada ne pahle bhi sunaaya hai ki samay ki raphtaar bahut teevra gati se aage badh rahi hai। samay ki gati ko jaanne vaale apne ko check karo ki master sarvashaktivaan hamaari gati teevra hai? purooshaartha to sab kar rahe hain lekin baapdaada kya dekhne chaahte? har bachcha teevra purooshaarthi, har subject mein paas with honour hai va sirf paas hai? teevra purooshaarthi ke lakshan vishesh do hain - ek - nashtomoha, doosra - ever ready। sabse pahle nashtomoha, is dehbhaan, deh-abhimaan se hai to aur baaton mein nashtomoha hona koi mushkil nahin hai। deh-bhaan ki nishaani hai vesta, vyartha sankalp, vyartha samay, yeh checking svayan hi achhi tarah se kar sakte ho। saadhaaran samay woh bhi nashtomoha hone nahin deta। to check karo har second, har sankalp, har karma, saphal hua? kyonki sangamayug par vishesh baap ka vardaan hai, saphalta aapka janma siddha adhikaar hai। to adhikaar sahaj anubhooti karaata hai। aur ever ready, ever ready ka arth hai- man-vachan-karma, sambandh-samparka mein samay ka order ho achaanak to ever ready aur achaanak hi hona hai। jaise apni daadi ko dekha achaanak ever ready। har svabhaav mein, har kaarya mein easy rahe hain। samparka mein easy, svabhaav mein easy, seva mein easy, santushta karne mein easy, santushta rahne mein easy। iseelie baapdaada samay ki sameepta ka baar-baar ishaara de raha hai। sva-purooshaartha ka samay bahut thoda hai, isliye apne jama ke khaate ko check karo। teen vidhiyaan khazaanon ko jama karne ki pahle bhi bataai hain, phir se suna rahe hain। un teenon vidhiyon ko svayan check karo। ek hai – svayan ke purooshaartha se praalabdha ka khazaana jama karna। praaptiyon ka khazaana jama karna। doosra hai- santushta rehna, ismen bhi sada shabd add karo aur sarva ko santushta karna, isse punya ka khaata jama hota hai। aur yeh punya ka khaata anek janmon ke praalabdha ka aadhaar rehta hai। teesra hai - sada seva mein athak, nihsvaartha aur badi dil se seva karna, isse jiski seva karte hain unse svatah hi duaayen milti hain। yeh teen vidhiyaan hain, svayan ka purooshaartha, punya aur dua। yeh teenon khaate jama hain? to check karo kyonki agar achaanak koi bhi paper aa jaae, kyonki aajkal ke samay anusaar prakriti ke halchal ki chhoti-chhoti baaten kabhi bhi aa sakti hain। isliye karmo ke gati ka knowledge vishesh attention mein rahe। karmo ki gati badi guhya hai। jaise drama ka attention rehta, aatmik swaroop ka attention rehta, dhaarnaaon ka attention rehta, aise hi karmo ki guhya gati ka bhi attention aavashyak hai। saadhaaran karma, saadhaaran samay, saadhaaran sankalp isse praalabdha mein pharka pad jaata hai। is samay aap sabhi jo purooshaarthi hain woh shreshtha vishesh aatmaayen hain, saadhaaran aatmaayen nahin ho। vishwa kalyaan ke nimitta, vishwa parivartan ke nimitta bani hui aatmaayen ho। sirf apne ko parivartan karne vaale nahin ho, vishwa ke parivartan ke jimmevaar ho। isliye apne shreshtha svamaan ke smriti swaroop banna hi hai।

baapdaada ne dekha sabhi ka baapdaada aur seva se achha pyaar hai। seva ka vaataavran chaaron or koi na koi plan pramaan chal raha hai। saath-saath abhi samay ke pramaan vishwa ki aatmaayen jo duhkhi, ashaanta ho rahi hain un aatmaon ko duhkh ashaanti se chhudaane ke liye apni shaktiyon dvaara sakaash do। jaise prakriti ka soorya sakaash se andhakaar ko door kar roshni mein laata। apni kirnon ke bal se kai cheejon ko parivartan karta। aise hi maastaragyaansoorya apne praapta hue sukh-shanti ki kirnon se, sakaash se dukh-ashaanti se mukta karo | mansa seva se, shaktishaali vritti se vaayumandal ko parivartan karo। to abhi mansa seva karo। jaise vaacha seva ka vistaar kiya hai, vaise mansa sakaash dvaara aatmaon mein, jo aapki topic rakhi hai, happy aur hope, yeh phailaao, himmat dilaao, umang-utsaah dilaao। baap ka varsa, in baaton se mukti to dilaao। abhi aavashyakta sakaash dene ki jyaada hai। is seva mein man ko busy rakho to maayaajeet vijayi aatma svatah hi ban jaayenge | baaki chhaati- chhaati baaten to sidescene hain | sidescene mein kuchh achha bhi aata hai, kuchh buri cheezen bhi aati hain। to sidescene ko cross kar manzil par pahunchna hota hai। sidescene dekhne ke liye saaksheedrishta ki seat par set raho, bas। to sidescene manoranjan ho jaayegi।

to ever ready ho na? kal bhi kuchh ho jaae, ever ready hain? pahli line ever ready hai? kal bhi ho jaae to? teachers taiyaar hain to achha। yeh varga vaale taiyaar hain। jitne bhi varga aaye ho, ever ready। sochna। dekhna daadiyaan, dekh rahi ho sab haath hila rahe hain। achha hai, mubaarak ho। agar nahin bhi hain na to aaj ki raat tak ho jaana। kyonki samay aapka intajaar kar raha hai। baapdaada mukti ka get kholne ka injaar kar raha hai। advance party aapka aahvaan kar rahi hai। kya nahin kar sakte ho? master sarvashaktivaan to ho hi। dridh sankalp karo yeh karna hai, yeh nahin karna hai, bas। nahin karna hai, to dridh sankalp se ‘nahin’ ko ‘nahin’ karke dikhaao। master to ho hi na! achha।

abhi pahli baar kaun aaye hain? jo pahli baar aaye hain woh haath uthaao। ooncha haath uthaao, hilaao। itne aaye hain। achha hai। jo bhi pahle baari aaye hain unko padamguna mubaarak hai, mubaarak hai। baapdaada khush hote hain, ki kalpa pahle vaale bachche phir se apne parivaar mein pahunch gaye। isliye abhi peechhe aane vaale kamaal karke dikhaana। peechhe rehna nahin, peechhe aaye ho lekin peechhe nahin rehna। aage se aage rehna। iske liye teevra purooshaartha karna padega। himmat hai na! himmat hai? achha hai। himmate bachche madde baapdaada aur parivaar hai। achha hai kyonki bachche ghar ka shrringaar ho। to jo bhi aaye hain woh madhuban ke shrringaar hain। achha।

seva ka tarna bhopaal zone ka hai:- achha, bahut aaye hain। (jhandiyaan hila rahe hain) achha hai golden chance to mila hai na। achha jo bhi seva ke nimitta aaye hue hain inmen se sabhi ne seva ka jo bal hai, phal hai, ateendriy sukh ki anubhooti ka, woh anubhav kiya? kiya? abhi bhale haan ke liye jhandi hilaao, jisne kiya ho। achha abhi to ateendriy sukh ka anubhav kiya, yeh sada rahega? ya thoda samay rahega? jo dil se promise karta hai, dekha dekhi haath nahin uthaana, jo dil se samajhta hai ki main is praapti ko sada kaayam rakhoonga, vighna vinaashak banoonga, woh jhandi hilaao bhale। achha। dekho, aap T.vi. mein aa rahe ho phir yeh T.vi. ka photo bhejenge। achha। yeh chance jo rakha hai woh bahut achha hai। chance lete bhi khushi se hain aur tarna by tarna sabhi ko khuli dil se chhutti bhi mil jaati hai aane ki। achha। baapdaada ko bhi khushi hai, achha hai। dekho kitnon ko chance milta hai। aadha class to seva karne vaalon ki taraph ka hota hai। achha।

abhi koi naveenta karke dikhaayenge। abhi bahut samay ho gaya hai, koi nai invention nahin nikaali hai। vargeekran bhi abhi puraana ho gaya hai। pradarshaniyaan, mela, conference, snahe milan yeh sab ho gaye hain | abhi koi nai baat nikaalo | shorta aur sweet , kharcha kam aarai seva jyaada। raayabhaadur ho na! to raayabhaadur nai raay nikaalo। jaise pradarshani nikli, phir mela nikla, phir vargeekran nikla, aise koi nai invention nikaalo। dekhenge kaun nimitta banta hai। achha hai, himmat vaale hain iseelie baapdaada himmat rakhne vaalon ko sada advance mein madad ki mubaarak de rahe hain। achha।

double videsheeh aapka yeh to naam prasiddha ho gaya hai, double foreigners। abhi double purooshaarthi yeh naam rakhen? double purooshaarthi, rakhen? pakka। double purooshaartha karenge? karne vaale hain। achha। ek eksaampal dikhaao ki foreign mein koi bhi vighna nahin aave। na mansa sankalp ka, na vaani ka, na bol ka, na sambandhasamparka ka। baapdaada sabhi bhaarat ke zone ko bhi kehta hai, double videshiyon ko to kah raha hai lekin bhaarat ke sabhi zone ko bhi kehte hain koi aisa example banaao jo sabhi zone aur sab double videshi nirvighna, nirvikalpa, niravyartha sankalp hon। karo race। har ek zone race kare, foreign bhi to ek zone ho gaya na। usko baapdaada bahut prize dega। poore zone mein vighna ka naam nishaan na ho। ek-do ko sahayog denge to ho jaayega। jahaan bhi kuchh ho vahaan ek do ke sahayogi banke bhi unhein nirvighna banaao। himmat do। umang-ulhaas do। aisa naksha baapdaada dekhne chaahte hain।

double foreigners jab bhi madhuban ke sangathan mein aate ho to madhuban ke sangathan mein raunak ho jaati hai kyonki intarnaishnal sangathan ho jaata hai, nahin to sirf bhaarat ka sangathan hota hai। to baapdaada ko abhi dekh karke khushi hoti hai ki har season ke tarna mein double videshi hote hi hain। yeh progress achhi ki hai। aur baapdaada ka vishesh pyaar to hai hi kyon? bhaaratvaasi tyaag karte hain lekin aapka double tyaag hai। aapka culture bhi alag hai। bhaarat ka culture to vahi hota hai। iseelie baapdaada ko khushi hoti hai to abhi anubhav karte hain ki ham bhaarat ke the, bhaarat ke rahne vaale hain।

abhi ek second mein sabhi bahut meethi meethi sweet silence ki stage ke anubhav mein kho jaao। (baapdaada ne drill karaai) achha।

chaaron or ke sarva teevra purooshaarthi, sada dridh sankalp dvaara saphalta ko praapta karne vaale, sada vijay ke tilakdhaari, baapdaada ke dil takhtadhaari, double taajdhaari, vishwa kalyaankaari, sada lakshya aur lakshan ko samaan karne vaale parmaatma pyaar mein palne vaale aise sarva shreshtha bachchon ko baapdaada ka yaadapyaar, dil ki duaayen aur namaste।

daadi jaanki- mere baba ne bahut achha sunaaya। baba ka ek-ek akshar mujhe lag raha tha। baba jo kah raha hai, jo baat zaroori hai, woh baat hamaare dhyaan par de di। abhi jo baba chaahta hai vahi practical life mein karna hai aur karte rahenge। thainkyu baba।