Avyakt murli du mardi 31 décembre 2019

> 31-12-19 om shanti ''dincharya'' madhuban

praanapyaare avyaktamoorta maat-pita baapdaada ke ati laadle, sada parivartan shakti dvaara har negative ko pozitiv mein parivartan karne vaale, baap samaan brahman so pharishta swaroop mein sthit rahne vaali nimitta teachers bahinen tatha desh videsh ke sarva brahman kul bhooshan bhaai bahinen,

eeshvareey sneh sampanna madhur yaad ke saath-saath naye varsha ki, naye yug ke aagman ki bahut-bahut badhaaeeyaan sveekaar ho।

baad samaachaar - kal naya varsha 2020 praarambha ho raha hai। pyaara baba kehte bachche, naye varsha mein kuchh aisi naveennata sampanna seva karo jo sahaj baap ki pratyakshata ho jaae। ek or jayjaykaar, doosri or haahaakaar… abhi to aisa hi samay sameep dikhaai de raha hai। avyakt maas mein to chaaron or vishesh tapasya ki bahut achhi lahar hai। sab taraph yog tapasya ki bhiùyaan chal rahi hain। har ek baap samaan banne ke purushaartha ko lakshya mein rakh double light rah udti kala mein ud rahe hain। madhuban se jo vishesh purushaartha ki points bheji gai hain usi anusaar sabhi achhi race kar rahe hain। ab to baba yahi chaahte hain ki bachche har second, har shvaans, har khajaane ko saphal kar saphalta moorta banen। achaanak ke paath ko sada smriti mein rakhte hue ever ready rahen। sabhi khajaanon se bharpoor ban samparka-sambandh mein aane vaali aatmaaonko daan karte, daani aur vardaani banen। sada muskaraate hue sabko koi na koi gift dete rahen।

bolo, aisa hi lakshya rakh teevra purushaartha chal raha hai na! is naye varsha mein har ek ko koi na koi naveenta sampanna purushaartha aur sevaayen karni hi hain।

is season mein baapdaada ki is vardaan bhoomi mein aakar, unki aakaari aur niraakaari roop ki paalna ke bahut achhe-achhe anubhav sabhi kar rahe hain। abhi to panjaab zone ki sevaaonka tarna hai aur bhi desh videsh ke kai group naya varsha manaane ke liye madhuban mein pahunche hue hain। kareeb 20 hajaar bhaai bahinon ka sangathan hai। double videshi baba ke bachchon ki to sada hi rimjhim rehti hai। dekho, ham sabki ati meethi, sabko apne sneh ki paalna dene vaali daadi jaanki ji ka 104 vaan janma din bhi kal pahli January ko ham sab khoob dhoomdhaam se manaayenge, daadi ji ko ham sabhi yahi duaayen dete ki jab tak sangamayug hai tab tak daadi ji ham sabke saath rahkar sada aise hi gundaan, gyaan daan karte sabki paalna karti rahen। sada svastha rahen। is samay hamaari mukhya 4 daadiyaan hamaare is poore brahman parivaar ka shrangaar hain। hamaari meethi guljaar daadi to sada hi daadi jaanki ji ke saath-saath har brahman aatma ke dil mein basti hain। phir hain hamaari meethi daadi ratanmohni ji aur eeshu daadi ji, jo samay prati samay sabhi ko gyaan ratnon se sajaate, apni vardaani moorta se sabko sneh sampanna paalna de rahi hain। sabhi daadiyon ki or se, bade bhaaeeyon ki or se sabko naye varsha ki umang-utsaah bhari bahut-bahut badhaaeeyaan sveekaar hon। achha - sabhi ko bahut-bahut yaad… om shanti।

31-12-19 om shanti “avyakt baapdaada” video 31-12-08 madhuban

“is naye varsha mein parivartan shakti ke vardaan dvaara negative ko positive mein parivartan kar, sankalp, shvaans samay ko saphal karo, saphaltaamoorta bano”

aaj nav jeevan dene vaale baap apne chaaron or ke nav jeevan dhaaran karne vaale bachchon ko dekh harshit ho rahe hain। yeh nav jeevan hai hi nav yug banaane ke liye। log nav varsha manaate hain aur aap sabhi nav jeevan vaale bachche sabhi aatmaon ko badhaaeeyaan bhi dete ho aur saath mein yahi khushkhabri dete ho ki nav yug aaya ki aaya। aap sabhi bachchon ko to baap ne varse ke roop mein golden duniya ki gift de di hai। jis golden duniya mein anek golden saugaaten hai hi hain। aap sabhi ko yahi nasha hai na ki yeh golden duniya ki saugaat to hamaara janma siddha adhikaar hai। aaj ki duniya mein koi kisko kitni bhi bade te badi saugaat de, to bade te bada kya denge! taaj va takhta। lekin aapke golden duniya ki gift ke aage woh kya cheez hai? koi badi cheez hai! aapke dil mein khushi hai ki hamaare baap ne humein sabse oonche te oonchi nav yug ki gift de di hai। nishchay hai aur nishchit hai। yeh bhaavi koi taal nahin sakta। yeh atal nishchay sada smriti mein rehta hai! sada rehta hai va kabhi-kabhi kam ho jaata hai? janma siddha adhikaar hai to janma siddha adhikaar kabhi tal nahin sakta।

aaj aap sabhi alag-alag sthaanon se naya varsha manaane aaye ho। to is naye varsha ka lakshya kya rakha hai? is naye varsha mein kya vishesh karna hai? is naye varsha ki visheshta hai ki baap samaan sampanna aur sampoorn banna hi hai। kuchh bhi purushaartha karna pade lekin nishchit hai ki baap samaan banna hi hai। bolo, sabke man mein yahi pakka sankalp hai na! hai? kaandh hilaao। baap bhi yahi chaahte hain ki har ek bachcha baap samaan bane। baap to baap hai lekin bachche baap se bhi oonche hain। to baap samaan banne ke lakshya ko poora karne ke liye baap ko follow karna pade। socho, baap, brahma baap sampoorn kaise bana? unki kya visheshta rahi? sampoornata ka vishesh aadhaar kya raha? brahma baap ne apna har samay saphal kiya। shvaans-shvaans, second-second saphal kiya। to baap samaan banne ke liye is varsha ka lakshya kya rakhenge? saphal karna hai aur saphaltaamoorta banna hi hai। saphalta hamaare gale ka haar hai। saphalta hamaare baap ka varsa hai। to is lakshya se check karna - har din apne aapko check karna hai ki saphaltaamoorta ban samay, shvaans, khajaane, shaktiyaan, gun sab saphal kiya? kyonki abhi ki saphalta se bhavishya bhi jama hota hai। abhi jo bhi saphal kiya, uska phal 21 janma ke liye jama hota hai। jaante ho na! pahle bhi sunaaya hai ki agar aap samay saphal karte ho to bhavishya mein bhi aapko raajya bhaagya ka full samay, raajya bhaagya ki praapti hoti hai। shvaans saphal karte ho to 21 janma svastha rahenge। kabhi bhi koi bhi svaasthya mein kami nahin rahegi aur saath mein jo khajaane jama karte ho, sabse bada khajaana hai gyaan ka, gyaan ka arth hai samajh। to gyaan ka khajaana saphal karne se bhavishya mein aap aise samajhdaar ban jaate hain jo aapko koi vajeeron ki raay nahin leni padti hai। svayan hi akhanda, atal raajya chalaate ho aur aapke raajya mein koi vighna nahin। nirvighna akhanda, atal hai। yeh hai gyaan ka khajaana jama karne ka phal। ek janma saphal kiya aur anek janma saphalta ka phal khaate ho। aise hi shaktiyaan jo praapta hain unko sva prati va doosron ke prati saphal karte ho to bhavishya mein aapke raajya mein sarva shaktiyaan hain, kabhi shakti kam nahin hoti। koi bhi shakti ki kami nahin hai। aise hi agar gun daan karte ho to aapke antim 84 ven janma tak bhi jo jad chitra banaate hain usmein last tak aapki mahima kya karte hain? sarvagun sampanna। to ek-ek saphalta ki praapti ke anek janma ke adhikaari ban jaate ho। to is varsha kya karna hai? lakshya rakhna hai ek shvaans, ek second bhi asphal nahin ho। jama karna hai। jama ka samay ek chhota sa janma aur phal ka samay 21 janma, to is varsha mein baap samaan banne ka lakshya hai? sabhi ko lakshya hai ki baap samaan banna hi hai? banna nahin hai, banna hi hai। banna hi hai underline। achha।

to is varsha ka lakshya bhi rakha aur saath mein baap ko follow karne ka matra, saphal kar saphalta moorta banna hai। iske liye baapdaada bachchon ko jyaada mehnat karne ki takleeph bhi nahin dete hain, bahut sahaj vidhi bataate hain, sahaj vidhi kya hai? jo bhi sankalp karo, pahle check karo baap ka yeh sankalp raha! bol bolte ho check karo, baap samaan banna hai na! to sankalp, bol aur karma, sambandh-samparka pahle socho, check karo baap ka yeh raha? aur aisa hi swaroop bano। brahma baap ko follow karo। follow father to gaaya hua hai na! kai bachche bahut achhe achhe khel dikhaate hain। pata hai kaun se khel dikhaate hain? follow nahin karte lekin kya kehte hain? chaahta to nahin tha, ho gaya। pahle soch ke, sirf socho nahin swaroop bano। agar swaroop ban jaayenge to yeh nahin kahenge socha nahin tha lekin ho gaya। karne vaale, sochne vaale aap shreshtha aatmaayen ho, maalik ho। ho gaya ka arth hai karmendriyon ke oopar control nahin।

to is varsha mein yahi slogan yaad rakhna - baap samaan karna hi hai, banna hi hai। mushkil to nahin hai na? jaise baap ne kiya vaise karna hai। kaapi karna to sahaj hai na, sochne ki jaroorat hi nahin hai। aur nishchit hai ki aap sabhi ko jaise baap, brahma baap pharishta bana to nishchit hai pharishta so devta banna hi hai। to aapko bhi pharishta so devta banna hi hai। kai bachche kehte hain ki chalte-chalte opposition bahut hoti hai, to opposition ke kaaran position se neeche aa jaate hain। lekin yaad karo baap samaan banna hai to sthaapna ke aadi mein brahma baap ne kitne opposition ko position mein parivartan kiya? har baat nai, challenge thi। abhi to bahut jamaana badal gaya hai lekin akela brahma baap kitna svamaan ki seat par baith position dvaara opposition ka saamna kiya। jahaan position hai vahaan opposition kuchh nahin kar sakti। pahle kya kehte the? dhamaal kar rahe hain aur abhi kya kehte hain? kamaal kar rahe hain। itna pharka ho gaya। kaaran kya? brahma baap ne svayan svamaan ki seat aur dridh nishchay ke shastron dvaara opposition ko samaapta kiya। to aap is varsha mein kya karenge? samaan banna hai na! to agar opposition hoti bhi hai to aap svamaan ki seat par baith jaao, to opposition, position mein badal jaaye। hai himmat? brahma baap samaan banna hi hai, usmein to haath uthaaya, lekin itni himmat hai? pahle sva ke parivartan ka, phir hai anek sambandh-samparka vaali aatmaayen aur phir vishwa ki aatmaayen। in sabko apne mansa shubh bhaavna, shubh kaamna dvaara, dridh sankalp dvaara parivartan karna।

to is varsha mein baapdaada vishesh ek shakti ka vardaan bhi de rahe hain। mera baba dil se kahenge to shakti haazir, aise hi mera baba nahin, dil se kaha, adhikaar rakha, mera baba aur shakti aapke aage haazir ho jaayegi। woh kaun si shakti? parivartan ki shakti। parivartan ki shakti mein vishesh negative ko positive mein change karo। negative sankalp, negative chalan ko dekhte hue positive mein change karo। positive dekhna, bolna, karna, sirf shubh bhaavna aur shubh kaamna dvaara sahaj ho jaayega kyonki yeh opposition aayegi, lekin aapke parivartan ki shakti aapko sahaj saphalta dilaayegi। to samjha is varsha ka vishesh vardaan parivartan shakti ko dridh sankalp se kaarya mein lagaana। kar sakte ho na parivartan? challenge hai aapki, yaad hai na! vishwa parivartak ho na! jab title hi vishwa parivartak ka hai to kya sva ko parivartan karna mushkil hai kya! dil mein koi bhi mushkil baat aaye, vaise mushkil baat nahin hoti lekin aap bana dete ho। master sarvashaktivaan uske aage mushkil kya hai? lekin aap ek galti karte ho aur mushkil bana dete ho। jaise dekho achaanak yahaan andhakaar ho jaata hai to agar koi galti se andhakaar ko bhagaane lage to andhakaar bhaagega? sahi vidhi hai aap roshni ka switch on karo to andhakaar second mein bhaag jaayega। to aap bhi yeh galti karte ho jo baat ho gai na, uske kyoon, kya, kab kaise… is queue queue mein chale jaate ho। chhoti si baat badi kar dete ho aur badi baat to mushkil hoti hai। chhoti baat kar lo to sahaj ho jaaye। baap ne koi bhi shakti ko kaarya mein lagaane ki vidhi bahut sahaj bataai hai - “main master sarvashaktivaan hoon'', apne is smriti ki seat par baith jaao, agar is seat par baithenge to upset nahin honge। bina seat ke upset hote hain, seat hai to upset nahin honge। 63 janma ke sanskaar emerge ho jaate hain। 63 janma kya raha? abhi abhi set, abhi abhi upset। to sada svamaan ki seat par set raho। aur is varsha mein kya karenge? naye varsha mein gift to sabko denge na। to kaun si gift denge? badhaai bhi denge aur saath mein gift kya denge? gift to aapke paas bahut hai। jitna dene chaaho utna de sakte ho। sthool gift to alpakaal ke liye chalegi lekin aap avinaashi baap samaan banne vaale avinaashi gift do। mansa dvaara shaktiyon ki gift do, vaacha dvaara gyaan ki gift do aur karmana dvaara gunon ki gift do। hai na sabke paas? hai to kaandh hilaao। khajaane bahut hain na, kam to nahin hain na। koi se bhi kaarya mein aao, kaarya mein to aana padega na। usko khoob is varsha mein saugaaten do। lekin avinaashi saugaat। sunaaya na koi ko bhi khaali jaane nahin do, chaahe mansa ki saugaat do, chaahe vaani ki, chaahe karma ki। iske liye aapko sada ek attention rakhna padega, har samay mansa mein shaktiyon ka stock emerge rakhna padega, kitni shaktiyaan hain? list to hai na! vaacha ke kaaran sada man mein manan shakti, gyaan ko manan karne ki shakti, smriti mein rakhni padegi। chalan mein, chehre mein, karma mein, gunon ka swaroop banna padega। sada apne ko gunmoorta, gyaan moorta, shakti swaroop emerge rakhna padega। aise nahin shaktiyaan to hain hi, gyaan to hai hi... lekin swaroop banna padega। har ek ko eeshvareey parivaar ki drishti vritti se dekhna padega। is varsha jab samaan banna hi hai, usmein haath utha liya hai, baapdaada ke vatan mein sabka haath dikhaai dega। vahaan yeh chhoti T.vi. nahin hai, bahut badi hai। ek second mein sarva centres ki result ko dekh sakte hain। to baapdaada aapka jo umang hai, baap samaan banna hi hai, iske liye khush hai। khushanseeb ho, khush chehre vaale ho, kabhi rob ka chehra nahin banaana। koi bhi aapko dekhe to sada khush dekhe, chaahe jitna bhi kaam mein busy ho, galti ko theek kar rahe ho, samjha rahe ho lekin rob ka chehra, bol nahin ho। is varsha mein yeh parivartan karke dikhaao। prize denge। saare varsha mein jo sada muskaraata rahega, koi bhi baat aaye, kai bhaai bahinen kehte hain, roohrihaan to karte hain na sabhi, to kehte hain agar rob se nahin kahenge na to samjhega nahin। badlega hi nahin। pahle hi aapne bhaavna rakh di ki yeh badlega hi nahin to usko aapka vibration pahle hi pahunch gaya isliye is varsha mein krodh ya baal-bachcha isko vidaai deni hai। ho sakta hai? rob bhi nahin। baap poochhta hai jo bhi samay prati samay krodh karte hain, kaam banaane ke liye, sudhaarne ke liye, lekin woh sudharta hai? krodh karne se koi sudhra hai? woh list bataao। aur hi chidh jaata hai, sudharta nahin hai। opposition karta hai man mein। agar bada hai to man mein opposition karta hai, bol to sakta nahin aur chhota hai to rone lag jaata hai। to is varsha kya-kya karna hai, woh saara suna rahe hain। pasanda hai? karna hai?

abhi haath uthaao। karna hai? T.vi. vaale yeh photo nikaalo। haath uthaao, thoda khada rakho। T.vi. vaale nikaal rahe hain। to baapdaada ne jo bhi baaten sunaai woh har ek ko is varsha karni hai। achha।

bahut kaam de diya hai na lekin baapdaada aapka saathi hai, jahaan bhi mushkil aave na, bas dil se kehna, baba, mera baba, mera saathi aa jaao, madad karo। to baba bhi bandha hua hai। sirf dil se kehna kyonki samay aur svayan donon ko dekhna hai। samay challenge kar raha hai aur aap maaya ko challenge karo, kya karegi।

to samay ke pramaan baapdaada dekh rahe the ki samay ki raphtaar is samay teevra hai। to samay ko saamna kaun karega? aap hi to karenge। baapdaada ne dekha ki duhkhiyon ki pukaar, bhakton ki pukaar, samay ki pukaar itna sunte kam hain। bichaare himmatheen hain, unhon ko pankh lagaao to ud to saken। himmat ke pankh, umang-utsaah ke pankh lagaao। achha।

seva ka tarna panjaab zone ka hai:- baapdaada ka bhi panjaab se pyaar hai, kyon pyaar hai? jammu kashmeer usko bhi apna banaaya hai lekin thoda aur, jammu kashmeer ka naam mashhoor hai, chaahe paakistaan mein, chaahe America mein... sabki nazar jammu kashmeer par hai। to vahaan koi jalva nikaalo। aise nahin ki vahaan ki bahinen karen, aap sahayog dekar usmein kuchh aisa wonderful baat karke dikhaao। thoda attention do naam baala ho jaayega। jis par jhagda hai vahaan shanti ka jhanda phahraao। theek hai। sankhya bahut hai, ek nirvighna bano aur doosra seva mein shanti ka jhanda lahraao। sabko dikhaai de jhanda ki haan ashaanti ke sthaan mein shanti ka jhanda lahar raha hai। theek hai। achha।

double videshi:- double teevra purushaarthi। abhi double foreigner nahin, double teevra purushaarthi। double foreigners ki visheshta hai woh haath mein haath deke jyaada chalte hain। to aap sabhi ne, baapdaada ko pakka haath mein haath diya hai na! haath mein haath dena arthaat saathi banaana, friend banaana, lovely friend, to friend banaaya hai? friend ka naata jaldi yaad aata hai, koi bhi mushkil aati hai na to baap ko nahin bataayenge, friend ko bataayenge। to aapne khuda ko dosta banaaya hai na! khuda dosta hai! achha hai, baapdaada ko foreigners ko dekh khushi hoti hai, kyon kaaran kya hai? baap ka ek naam foreign vaalon ne siddha kiya, vishwa pita, vishwa kalyaankaari। pahle bhaarat kalyaankaari the lekin videsh ne baap ka vishwa kalyaankaari naam pratyaksha kiya hai। pahle vishwa ki seva sirf mansa dvaara karte the, abhi nimitta bane hain vishwa ki sab tarah se seva karne ke। aur dekho kone-kone mein bichhude hue bachche kitne vaah vaah! bachche nikal aaye। aur aapko nasha hoga to ham har kalpa ke saathi hain। the bhi, hain bhi aur honge bhi। hai na! nasha hai na! dekho, aapko kone kone mein hote bhi baap ki nazar ne pahchaan liya, baap ne bhi pahchaana, aapne bhi pahchaana। log bichaare aayega, aayega, aayega karte aur aap kya kehte? aa gaye। geet gaate ho na, mera baba aa gaya। to bahut achha, sabko baap dil ka dulaar, yaadapyaar aur dil ki duaayen vishesh de rahe hain।

chaaron or ke bachche ab baapdaada ke homework ko practical mein karke saboot dene vaale sapoot bachche ka apna prabhaav dikhaayenge। to chaaron or ke bachchon ko bahut-bahut dil ka dulaar aur dil ki padamguna yaadapyaar sveekaar ho। aur aise laayak bachche shreshtha bachchon ko baapdaada ka namaste।

daadi jaanki:- wonderful baba, mera baba, meetha baba, pyaara baba, shukriya baba। kal naya saal shuru ho jaayega। naye saal mein kya karne ka hai! puraani baaten samaapta। main yahi chaahti hoon ki ham sab sada hi khush rahen, aabaad rahen, puraani baaten bhool jaayen। aaj jo baba ne itna achha homework diya hai, ham yahi chaahte hain ki woh sab karke dikhaayen। to aane vaale naye varsha ki sabko bahut-bahut mubaarak। om shanti।