Murli du jour du dimanche 17 février 2019

17-02-19 praatahmurli om shanti ''avyakt-baapdaada'' revise 22-04-84 madhuban

vichitra baap dvaara vichitra padhaai tatha vichitra praapti

aaj roohaani baap apne roohaani bachchon se milne aaye hain। roohaani baap har-ek rooh ko dekh rahe hain ki har-ek mein kitni roohaani shakti bhari hui hai! har ek aatma kitni khushi swaroop bani hai! roohaani baap avinaashi khushi ka khajaana bachchon ko janma-siddha adhikaar mein diya hua dekh rahe hain ki harek ne apna varsa, adhikaar kahaan tak jeevan mein praapta kiya hai! khajaane ke baalak so maalik bane hain? baap daata hai, sabhi bachchon ko poora hi adhikaar dete hain। lekin har ek bachcha apni-apni dhaarna ki shakti pramaan adhikaari banta hai। baap ka to sabhi bachchon ke prati ek hi shubh sankalp hai ki har ek aatma roopi bachcha sada sarva khajaanon se sampanna anek janmon ke liye sampoorn varse ke adhikaari ban jaae। aise praapti karne ke umang-utsaah mein rahne vaale bachchon ko dekh baapdaada bhi harshit hote hain। har ek chhota-bada, bachcha, yuva va vriddha, meethi-meethi maataayen, anpadh ya padhe hue, shareer se nirbal phir bhi aatmaayen kitni balvaan hain! ek paramatma ki lagan kitni hai! anubhav hai ki hamne paramatma baap ko jaana, sab kuchh jaana। baapdaada bhi aise anubhvi aatmaon ko sada yahi vardaan dete hain - he lagan mein magan rahne vaale bachche, sada yaad mein jeete raho। sada sukh shanti ki praapti mein palte raho। avinaashi khushi ke jhoole mein jhoolte raho aur vishwa ki sabhi aatmaon roopi apne roohaani bhaaeeyon ko sukh-shanti ka sahaj saadhan sunaate hue, unhon ko bhi roohaani baap ke roohaani varse ke adhikaari banaao। yahi ek paath sabhi ko padhaao - ham sab aatmaayen ek baap ke hain, ek hi parivaar ke hain, ek hi ghar ke hain। ek hi srishti manch par part bajaane vaale hain। ham sarva aatmaon ka ek hi svadharma shanti aur pavitrata hai। bas isi paath se sva parivartan aur vishwa parivartan kar rahe ho aur nishchit hona hi hai। sahaj baat hai na। mushkil to nahin। anpadh bhi is paath se knowledgeful ban gaye hain kyonki rachayita beej ko jaan, rachayita dvaara rachna ko svatah hi jaan jaate। sabhi knowledgeful ho na! saari padhaai rachta aur rachna ki sirf teen shabdon mein padh li hai। aatma, paramatma aur srishti pa। in teenon shabdon se kya ban gaye ho! kaun-sa certificate mila hai? bi.A., em.A. ka certificate to nahin mila। lekin trikaaldarshi, gyaan swaroop yeh title to mile hain na। aur source aaph income kya hua? kya mila? sat shikshak dvaara avinaashi janma-janma sarva praapti ki guarantee mili hai। vaise teacher guarantee nahin deta ki sada kamaate rahenge va dhanvaan rahenge। woh sirf padhaakar yogya bana dete hain। tum bachchon ko va godly student ko baap shikshak dvaara, vartamaan ke aadhaar se 21 janma satayug treta ke sada hi sukh, shanti, sampatti, aananda, prem, sukhdaai parivaar milna hi hai। milega nahin, milna hi hai। yeh guarantee hai kyonki avinaashi baap hai, avinaashi shikshak hai। to avinaashi dvaara praapti bhi avinaashi hai। yahi khushi ke geet gaate ho na ki humein sat baap, sat shikshak dvaara sarva praapti ka adhikaar mil gaya। isi ko hi kaha jaata hai vichitra baap, vichitra students aur vichitra padhaai va vichitra praapti। jo koi bhi kitna bhi padha hua ho lekin is vichitra baap aur shikshak ki padhaai va varse ko jaan nahin sakte। chitra nikaal nahin sakte। jaane bhi kaise। itna bada oonche te ooncha baap, shikshak aur padhaata kahaan aur kisko hai! kitne saadhaaran hain! maanav se devta banaane ki, sada ke liye charitravaan banaane ki padhaai hai aur padhne vaale kaun hain? jisko koi nahin padha sakte unko baap padhaate hain। jisko duniya padha sakti, baap bhi unhon ko hi padhaave to kya badi baat hui। na ummeend aatmaon ko hi ummeendavaar banaate hain। asambhav ko sambhav karaate hain, isliye hi gaayan hai tumhaari gat mat tum hi jaano। baapdaada aise naaummeend se ummeedvaar banne vaale bachchon ko dekh khush hote hain। bhale aaye। baap ke ghar ke shrringaar bhale padhaare। achha!

sada svayan ko shreshtha praapti ke adhikaari anubhav karne vaali shreshtha aatmaon ko, ek janma mein anek janmon ki praapti karaane vaale gyaan swaroop bachchon ko, sada ek paath padhne aur padhaane vaale shreshtha bachchon ko, sada vardaata baap ke vardaanon mein palne vaale bhaagyavaan bachchon ko baapdaada ka yaadapyaar aur namaste।

17-02-19 praatahmurli om shanti "avyakt-baapdaada'' revise 24-04-84 madhuban

vartamaan brahman janma - heere tulya

aaj baapdaada apne sarva shreshtha bachchon ko dekh rahe hain। vishwa ki tamoguni apvitra aatmaon ke antar mein kitni shreshtha aatmaayen hain। duniya mein sarva aatmaayen pukaarne vaali hain, bhatakne vaali, apraapta aatmaayen hain। kitni bhi vinaashi sarva praaptiyaan ho phir bhi koi na koi apraapti zaroor hogi। aap brahman bachchon ko sarva praaptiyon ke daata ke bachchon ko apraapta koi vastu nahin। sada praapti swaroop ho। alpakaal ke sukh ke saadhan alpakaal ke vaibhav, alpakaal ka raajya adhikaar nahin hote hue bhi bin kaudi baadshaah ho। bephikar baadshaah ho। maayaajeet, prakritijeet svaraajya adhikaari ho। sada eeshvareey paalna mein palne vaale khushi ke jhoole mein, ateendriy sukh ke jhoole mein jhoolne vaale ho। vinaashi sampatti ke bajaae avinaashi sampattivaan ho। ratan jadit taaj nahin lekin parmaatma baap ke sir ke taaj ho। ratan jadit shrringaar nahin lekin gyaan ratnon, gunon roopi ratnon ke shrringaar se sada shrringaare hue ho। kitna bhi bada vinaashi sarva shreshtha heera ho, moolyavaan ho lekin ek gyaan ke ratna, gun ke ratna ke aage unki kya value hai? in ratnon ke aage woh patthar ke samaan hain kyonki vinaashi hain। nau lakhe haar ke aage bhi aap svayan baap ke gale ka haar ban gaye ho। prabhu ke gale ke haar ke aage nau laakh kaho va nau padam kaho va anginat padam ke moolya ka haar kuchh bhi nahin hai। 36 prakaar ka bhojan bhi is brahma bhojan ke aage kuchh nahin hai kyonki direct baapdaada ko bhog lagaakar is bhojan ko parmaatma prasaad bana dete ho। prasaad ki value aaj antim janma mein bhi bhakta aatmaon ke paas kitni hai? aap saadhaaran bhojan nahin khaate। prabhu prasaad kha rahe ho। jo ek-ek daana padmon se bhi shreshtha hai। aisi sarva shreshtha aatmaayen ho। aisa roohaani shreshtha nasha rehta hai। chalte-chalte apni shreshthata ko bhool to nahin jaate ho? apne ko saaghaaran to nahin samajhte ho? sirf sunne vaale ya sunaane vaale to nahin! svamaan vaale bane ho? sunne sunaane vaale to anekaanek hain। svamaan vaale koton mein koi hain। aap kaun ho? anekon mein ho va koton mein koi vaalon mein ho? praapti ke samay par albela banna, unhon ko baapdaada kaun si samajh vaale bachche kahen? paaye hue bhaagya ko, mile hue bhaagya ko anubhav nahin kiya arthaat abhi mahaan bhaagyavaan nahin bane to kab banenge? is shreshtha praapti ke sangamayug par har kadam yeh slogan sada yaad rakho ki 'ab nahin to kab nahin" samjha। achha!

abhi gujraat zone aaya hai। gujraat ki kya visheshta hai? gujraat ki yeh visheshta hai - chhota bada khushi mein zaroor naachte hain। apna chhota-pan, mota pan sabhi bhool jaate hain। raas ke lagan mein magan ho jaate। saari-saari raat bhi magan rehte hain। to jaise raas ki lagan mein magan rehte, aise sada gyaan ki khushi ki raas mein bhi magan rehte ho na! is avinaashi lagan mein magan rahne ke bhi number one abhyaasi ho na! vistaar bhi achha hai। is baari mukhya sthaan (madhuban) ke sameep ke saathi donon zone aaye hain। ek taraph hai gujraat, doosre taraph hai raajasthaan। donon sameep hain na। saare kaarya ka sambandh raajasthaan aur gujraat se hai। to drama anusaar donon sthaanon ko sahayogi banne ka golden chance mila hua hai। donon har kaarya mein sameep aur sahayogi bane hue hain। sangamayug ke svaraajya ki raajgaddi to raajasthaan mein hai na! kitne raaje taiyaar kiye hain? raajasthaan ke raaje gaaye hue hain। to raaje taiyaar ho gaye hain ya ho rahe hain? raajasthaan mein raajaaon ki savaariyaan nikalti hain। to raajasthaan vaalon ko aisa poori savaari taiyaar kar laani chaahiye tab to sab pushpon ki varsha karenge na। bahut thaath se savaari nikaalte hain। to kitne raajaaon ki savaari aayegi? kam se kam jahaan sevaakendra hai vahaan ka ek-ek raaja aave to kitne raaze ho jaayenge। 25 sthaanon ke 25 raaje aaven to savaari sundar ho jaayegi na! drama anusaar raajasthaan mein hi seva ki gaddi bani hai। to raajasthaan ka bhi vishesh part hai। raajasthaan se hi vishesh seva ke ghode bhi nikle hain na। drama mein part hai sirf inko repeat karna hai।

karnaatak ka bhi vistaar bahut ho gaya hai। ab karnaatak vaalon ko vistaar se saar nikalna pade। jab makkhan nikaalte hain to pahle to vistaar hota hai phir usse makkhan saar nikalta hai। to karnaatak ko bhi vistaar se ab makkhan nikaalna hai। saar swaroop banna aur banaana hai। achha!

apne shreshtha svamaan mein sthit rahne vaale, sarva praaptiyon ke bhandaar sada sangamayugi shreshtha svaraajya aur mahaan bhaagya ke adhikaari aatmaon ko, sada roohaani nashe aur khushi swaroop aatmaon ko baapdaada ka yaadapyaar aur namaste।

party se:- sabhi apne ko svaraajya adhikaari shreshtha aatmaayen samajhte ho? svaraajya ka adhikaar mil gaya? aisi adhikaari aatmaayen shaktishaali hongi na। raajya ko satta kaha jaata hai। satta arthaat shakti। aajkal ki government ko bhi kehte hain - raajya satta vaali party hai। to raajya ki satta arthaat shakti hai। to svaraajya kitni badi shakti hai? aisi shakti praapta hui hai? sabhi karmendriyaan aapki shakti pramaan kaarya kar rahi hain? raaja sada apni raajya sabha ko, raajya darbaar ko bulaakar poochhte hain ki kaise raajya chal raha hai? to aap svaraajya adhikaari raajaaon ki kaarobaar theek chal rahi hai? ya kahaan neeche oopar hota hai? kabhi koi raajya kaarobaari dhokha to nahin dete hain। kabhi okh dhokha de, kabhi kaan dhokha den, kabhi haath, kabhi paanv dhokha den। aise dhokha to nahin khaate ho! agar raajya satta theek hai to har sankalp har second mein padmon ki kamaai hai। agar raajya satta theek nahin hai to har second mein padmon ki ganvaai hoti hai। praapti bhi ek ki padamguna hai aur phir agar ganvaate hain to ek ka padamguna ganvaate ho। jitna milta hai - utna jaata bhi hai। hisaab hai। to saare din ki raajya kaarobaar ko dekho। okh roopi mantri ne theek kaam kiya? kaan roopi mantri ne theek kaam kiya? sabki department theek rahi ya nahin? yeh check karte ho ya thakkar so jaate ho? vaise karma karne se pahle hi check kar phir karma karna hai। pahle sochna phir karna। pahle karna peechhe sochna, yeh nahin। total result nikaalna alag baat hai lekin gyaani aatma pahle sochegi phir karegi। to soch-samajh kar har karma karte ho? pahle sochne vaale ho ya peechhe sochne vaale ho? agar gyaani peechhe soche usko gyaani nahin kahenge isliye sada svaraajya adhikaari aatmaayen hain aur isi svaraajya ke adhikaar se vishwa ke raajya adhikaari banna hi hai। banenge ya nahin - yeh question nahin। svaraajya hai to vishwa raajya hai hi। to svaraajya mein gadbad to nahin hai na? dvaapar se to gadbad shaalaaon mein chakra lagaate rahe। ab gadbad shaala se nikal aaye, abhi phir kabhi bhi kisi bhi prakaar ki gadbad shaala mein paanv nahin rakhna। yeh aisi gadbad shaala hai - ek baar paanv rakha to bhool bhulaiya ka khel hai। phir nikalna mushkil ho jaata isliye sada ek raasta, ek mein gadbad nahin hoti। ek raaste par chalne vaale sada khush, sada santushta।

Bangalore haaeekorta ke justice se avyakt baapdaada ki mulaakaat:-

kis sthaan par aur kya anubhav kar rahe ho? anubhav sabse badi authority hai। sabse pahla anubhav hai aatma-abhimaani banne ka। jab aatma-abhimaani ka anubhav ho jaata hai to parmaatma pyaar, parmaatma praapti ka bhi anubhav svatah ho jaata hai। jitna anubhav utna shaktishaali। janma-janmaantar ke duhkhon se chhudaane ki judgement dene vaale ho na! ya ek hi janma ke duhkhon se chhudaane vaale judge ho? woh to hue haaeekorta ya supreemkorta ka judge। yeh hai prichual judge। is judge banne mein padhaai ki va samay ki aavashyakta nahin hai। do akshar hi padhne hain - aatma aur paramatma। bas। iske anubhvi ban gaye to prichual judge ban gaye। jaise baap janma-janma ke duhkhon se chhudaane vaale hain, isliye baap ko sukh ka daata kehte hain, to jaisa baap vaise bachche। double judge banne se anek aatmaon ke kalyaan ke nimitta ban jaayenge। aayenge ek case ke liye aur janma-janma ke case jeet-kar jaayenge। bahut khush honge। to baap ki aagya hai - spiritual judge bano। achha - om shanti।

vardaan:- sarvashaktimaan baap ko combined roop mein saath rakhne vaale saphalta-moorta bhav

jin bachchon ke saath sarva shaktimaan baap combined hai - unka sarvashaktiyon par adhikaar hai aur jahaan sarva shaktiyaan hain vahaan saphalta na ho, yeh asambhav hai। yadi sada baap se combined rahne mein kami hai to saphalta bhi kam hoti hai। sada saath nibhaane vaale avinaashi saathi ko combined rakho to saphalta janma siddha adhikaar hai kyonki saphalta master sarvashaktimaan ke aage-peechhe ghoomti hai।

slogan:- sachche vaishnav woh hain jo vikaaron roopi gandagi ko chhoote bhi nahin।