Murli du jour du lundi 18 mai 2020

18-05-2020 praatahmurli om shanti "baapdaada"' madhuban

“meethe bachche - tum phir se apne thikaane par pahunch gaye ho, tumne baap dvaara rachta aur rachna ko jaan liya hai to khushi mein romaanch khade ho jaane chaahiye”

prashn:- is samay baap tum bachchon ka shrringaar kyon kar rahe hain?

uttar:- kyonki abhi humein saj-dhaj kar vishnupuri (sasur-ghar) mein jaana hai। ham is gyaan se sajkar vishwa ke mahaaraaja-mahaaraani bante hain। abhi sangamayug par hain, baba teacher bankar padha rahe hain - piyarghar se sasurghar le jaane ke liye।

geet:- aakhir woh din aaya aaj …

om shanti। meethe-meethe sweet children, meethe-meethe sikeeldhe bachchon ne geet suna। tum bachche hi jaante ho ki aadhaakalpa jis maashuk ko yaad kiya hai, aakhreen woh mile hain। duniya yeh nahin jaanti ki ham koi aadhaakalpa bhakti karte hain, maashook baap ko pukaarte hain। ham aashik hain, woh maashook hai - yeh bhi koi nahin jaante। baap kehte hain raavan ne tumko bilkul hi tuchchha buddhi bana diya hai। khaas bhaaratvaasiyon ko। tum devi-devta the yeh bhi bhool gaye ho, to tuchchha buddhi hue। apne dharma ko bhool jaana, yeh hai tuchchha buddhi ka kaam। abhi yeh sirf tum hi jaante ho। ham bhaaratvaasi svargavaasi the। yeh bhaarat svarga tha। thoda hi samay hua hai। 1250 varsha to satayug tha aur 1250 varsha raamraajya chala। us samay athaah sukh tha। sukh ko yaad kar romaanch khade ho jaane chaahiye। satayug, treta...... yeh paas ho gaye। satayug ki aayu kitni thi, yeh bhi koi nahin jaante। laakhon varsha kaise ho sakti hai। abhi baap aakar samjhaate hain - tumko maaya ne kitna tuchchha buddhi bana diya hai। duniya mein koi apne ko tuchchha buddhi samajhte nahin hain। tum jaante ho ham kal tuchchha buddhi the। abhi baba ne itni buddhi di hai jo rachta aur rachna ke aadi-madhya-ant ko ham jaan gaye hain। kal nahin jaante the, aaj jaana hai। jitna-jitna jaante jaate hain, utna khushi mein romaanch khade hote jaayenge। ham phir se apne thikaane par pahunchte hain। barobar baap ne hamko svarga ki raajaai di thi phir hamne ganva di। abhi patit ban pade hain। satayug ko patit nahin kahenge। woh hai hi paavan duniya। manushya kehte hain he patit-paavan aao। raavan raajya mein paavan oonch koi ho hi nahin sakta। oonch te oonch baap ke bachche bane to oonch bhi banen। tum bachchon ne baap ko jaana hai, so bhi nambarvaar purooshaartha anusaar। apni dil se savere uthkar poochho, amritvele ka samay achha hai। savere amritvele baithkar yeh khyaal karo। baba hamaara baap bhi hai, teacher bhi hai। O godphaadar, he parampita paramatma to kehte hi hain। abhi tum bachche jaante ho jisko yaad karte hain - he bhagwan, abhi woh hamko mila hai। ham phir se behad ka varsa le rahe hain। woh hai laukik baap, yeh hai behad ka baap। tumhaara laukik baap bhi us behad ke baap ko yaad karte hain। to baapon ka baap, patiyon ka pati, woh ho gaya। yeh bhi bhaaratvaasi hi kehte hain kyonki abhi main baapon ka baap, patiyon ka pati banta hoon। abhi main tumhaara baap bhi hoon। tum bachche bane ho। baba-baba kehte rehte ho। abhi phir tumko vishnupuri sasurghar le jaata hoon। yeh hai tumhaare baap ka ghar, phir sasurghar jaayenge। bachche jaante hain hamko bahut achha shrringaara jaata hai। abhi tum piyarghar mein ho na। tumko padhaaya bhi jaata hai। tum is gyaan se sajkar vishwa ke mahaaraaja-mahaaraani bante ho। tum yahaan aaye hi ho vishwa ka maalik banne। tum bhaaratvaasi hi vishwa ke maalik the jabki satayug tha। abhi tum aise nahin kahenge ki ham vishwa ke maalik hain। abhi tum jaante ho bhaarat ke maalik kaliyugi hain, ham to sangamayugi hain। phir ham satayug mein saare vishwa ke maalik banenge। yeh baaten tum bachchon ki buddhi mein aani chaahiye। jaante ho vishwa ki baadshaahi dene vaala aaya hai। abhi sangamayug par woh aaye hain। gyaan daata ek hi baap hai। baap ke sivaae kisi bhi manushya ko gyaan daata nahin kahenge kyonki baap ke paas aisa gyaan hai jisse saare vishwa ki sadgati hoti hai। tatvon sahit sabki sadgati ho jaati hai। manushyon ke paas sadgati ka gyaan hai nahin।

is samay saari duniya tatvon sahit tamopradhaan hai। ismen rahne vaale bhi tamopradhaan hain। nai duniya hai hi satayug। usmein rahne vaale bhi devta the phir raavan ne jeet liya। ab phir baap aaya hua hai। tum bachche kehte ho ham jaate hain baapdaada ke paas। baap hamko daada dvaara svarga ki baadshaahi ka varsa dete hain। baap to svarga ki baadshaahi denge aur kya denge। tum bachchon ki buddhi mein yeh to aana chaahiye na। parantu maaya bhula deti hai। sthaai khushi rahne nahin deti hai। jo achhi reeti padhenge-padhaayenge vahi oonch pad paayenge। gaaya bhi jaata hai second mein jeevan-mukti। pahchaanna ek hi baar chaahiye na। sabhi aatmaon ka baap ek hai, woh sabhi aatmaon ka baap aaya hua hai। parantu sab to mil bhi nahin sakenge। impossible hai। baap to padhaane aate hain। tum bhi sab teachers ho। kaha jaata hai na geeta paathshaala। yeh akshar bhi common hai। kehte hain krishna ne geeta sunaai। ab yeh krishna ki to paathshaala hai nahin। krishna ki aatma padh rahi hai। satayug mein koi geeta paathshaala mein padhte padhaate hain kya? krishna to hua hi hai satayug mein phir 84 janma lete hain। ek bhi shareer doosre se mil na sake। drama plan anusaar har ek aatma mein apna part 84 janmon ka bhara hua hai। ek second na mile doosre se। 5 hazaar varsha tum part bajaate ho। ek second ka part doosre second se mil na sake। kitni samajh ki baat hai। drama hai na। part repeat hota jaata hai। baaki woh shaastra sabhi hain bhakti maarga ke। aadhaakalpa bhakti chalti hai phir sarva ko sadgati main hi aakar deta hoon। tum jaante ho 5 hazaar varsha pahle raajya karte the। sadgati mein the। duhkh ka naam nahin tha। abhi to duhkh hi duhkh hai। isko duhkhadhaam kaha jaata hai। shantidham, sukhdhaam aur duhkhadhaam। bhaaratvaasiyon ko hi aakar sukhdhaam ka raasta bataata hoon। kalpa-kalpa phir hamko aana padta hai। anek baar aaya hoon, aata rahoonga। iski end nahin ho sakti। tum chakra lagaakar duhkhadhaam mein aate ho phir mujhe aana padta hai। abhi tumko smriti aai hai 84 janmon ke chakra ki। ab baap ko rachta kaha jaata hai। aise nahin ki drama ka koi rachta hai। rachta arthaat is samay satayug ko aakar rachte hain। satayug mein jinhon ka raajya tha phir ganvaaya, unhon ko hi baith padhaata hoon। bachchon ko adopt karte hain। tum mere bachche ho na। tumko koi saadhu-santa aadi nahin padhaate hain। padhaane vaala ek baap hai, jisko sab yaad karte hain। yaad jisko karte hain zaroor kabhi aayenge bhi na। yeh bhi kisko samajh nahin hai ki yaad kyon karte hain! to zaroor patit-paavan baap aate hain। Christ ko aise nahin kahenge ki phir se aao। woh to samajhte hain, leen ho gaya। phir aane ki baat hi nahin। yaad phir bhi patit-paavan ko karte hain। ham aatmaon ko phir se varsa do। abhi tum bachchon ko smriti aai - baba aaya hua hai। nai duniya ki sthaapna karenge। woh phir bhi apne samay par rajo, tamo mein hi aayenge। abhi tum bachche samajhte ho ham master knowledgeful bante hain।

ek baap hi hai jo tum bachchon ko padhaakar vishwa ka maalik bana dete hain। khud nahin bante hain isliye unko kaha jaata hai nishkaam sevaadhaari। manushya kehte hain ham phal ki aash nahin rakhte hain, nishkaam seva karte hain। parantu aise hota nahin hai। jaise sanskaar le jaate hain, us anusaar janma milta hai। karma ka phal avashya milta hai। sanyaasi bhi punarjanma grihasthiyon ke paas lekar phir sanskaar anusaar sanyaas dharma mein chale jaate hain। jaise baba ladaai vaalon ka bhi misaal dete hain। kehte hain geeta mein likha hua hai jo yuddha ke maidaan mein marega woh svarga mein jaayega, parantu svarga ka bhi samay chaahiye na। svarga to laakhon varsha kah dete hain। ab tum jaante ho baap kya samjhaate hain, geeta mein kya likh diya hai। kehte, bhagvaanuvaach main sarvavyaapi hoon। baap kehte hain main apne ko aisi gaali kaise doonga ki main sarvavyaapi hoon, kutte-billi sabmen hoon। mujhe to gyaan saagar kehte ho। main apne ko phir yeh kaise kahoonga? kitna jhooth hai। gyaan to koi mein hai nahin। sanyaasiyon aadi ka maan kitna hai, kyonki pavitra hain। satayug mein guru to koi hota nahin। yahaan to stri ko kehte tumhaara pati guru eeshvar hai, doosra koi guru nahin karna। woh to tab samjhaaya jaata tha jab bhakti bhi satopradhaan thi। satayug mein to guru tha nahin। bhakti ki shurooaat mein bhi guru hote nahin। pati hi sab kuchh hai। guru nahin karte। in sab baaton ko ab tum samajhte ho।

kai manushya to brahmaakumaar-kumaariyon ka naam sunkar hi dar jaate hain kyonki samajhte hain yeh bhaai-behen banaate hain। are, prajaapita brahma ka bachcha banna to achha hai na। bi.ke. hi svarga ka varsa lete hain। abhi tum le rahe ho। tum bi.ke. bane ho। donon kehte hain ham bhaai-behen hain। shareer ka bhaan, vikaar ki baans nikal jaati hai। ham ek baap ke bachche bhaai-behen vikaar mein kaise ja sakte hain। yeh to mahaan paap hai। yeh pavitra rahne ki yukti drama mein hai। sanyaasiyon ka hai nivritti maarga। tum ho pravritti maarga vaale। ab tumhein is chhi-chhi duniya ki rasma-rivaaj ko chhodkar is duniya ko hi bhool jaana hai। tum svarga ke maalik the phir raavan ne kitna chhi-chhi banaaya hai। yeh bhi baba ne samjhaaya hai, koi kahe ham kaise maanen ki hamne 84 janma liye hain। 84 janma liye hain, yeh to ham achha kehte hain na। 84 janma nahin liya to thahrega hi nahin। samjha jaata hai yeh devi-devta dharma ka nahin hai, svarga mein aa nahin sakega। praja mein bhi kam pad lenge। praja mein bhi achha pad, kam pad hai na। yeh baaten koi shaastron mein nahin hain। bhagwan aakar kingdom sthaapan karte hain। shreekrishna to baikuntha ka maalik tha। sthaapna baap karte hain। baap ne geeta sunaai jisse yeh pad paaya phir to padhne-padhaane ki darkaar hi nahin। tum padhkar pad pa lete ho। phir thode hi geeta ka gyaan padhenge। gyaan se sadgati mil gai, jitna purooshaartha utna oonch pad paayenge। jitna purushaartha kalpa pahle kiya tha woh karte rehte hain। saakshi ho dekhna hai। teacher ko bhi dekhna hai, isne hamko padhaaya hai, hamko inse bhi hoshiyaar hona hai। margin bahut hai। koshish karni hai oonch te oonch banne ki। mool baat hai tamopradhaan se satopradhaan banna hai। yeh samajhne ki baat hai na। grihastha vyavhaar mein bhi rehna hai, baap ko yaad karna hai to paavan ban jaayenge। yahaan sab patit hain ismen duhkh hi duhkh hai। sukh ka raajya kab tha, yeh kisko pata nahin hai। duhkh mein kehte hain he bhagwan, he raam, yeh duhkh kyon diya? ab bhagwan to kisko duhkh dete nahin। raavan duhkh dete hain। abhi tum jaante ho hamaare raajya mein aur koi dharma nahin hoga। phir baad mein aur dharma aayenge। tum bhal kahaan bhi jaao। padhaai saath hai, manamnaabhav ka lakshya to mila hai, baap ko yaad karo। baap se ham svarga ka varsa le rahe hain। yeh bhi yaad nahin kar sakte। yeh yaad pakki chaahiye। to phir ant mati so gati ho jaayegi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) savere-savere amritvele uth khyaal karna hai - baba hamaara baap bhi hai, teacher bhi hai, abhi baba aaya hai hamaara gyaan ratnon se shrringaar karne। woh baapon ka baap, patiyon ka pati hai, aise khyaal karte apaar khushi ka anubhav karna hai।

2) har ek ke purooshaartha ko saakshi hokar dekhna hai, oonch pad ki margin hai isliye tamopradhaan se satopra-dhaan banna hai।

vardaan:- sangamayug par pratyakshaphal dvaara shaktishaali banne vaali sada samartha aatma bhav

sangamayug par jo aatmaayen behad seva ke nimitta banti hain unhein nimitta banne ka pratyaksha phal shakti ki praapti hoti hai। yeh pratyakshaphal hi shreshtha yug ka phal hai। aisa phal khaane vaali shaktishaali aatma kisi bhi paristhiti ke oopar sahaj hi vijay pa leti hai। woh samartha baap ke saath hone ke kaaran vyartha se sahaj mukta ho jaati hai। jahreele saamp samaan paristhiti par bhi unki vijay ho jaati hai isliye yaadgaar mein dikhaate hain ki shreekrishna ne sarpa ke sir par dance kiya।

slogan:- paas with honour bankar past ko paas karo aur baap ke sada paas raho।