Murli du jour du dimanche 7 juin 2020

07-06-20 praatahmurli om shanti ''avyakt-baapdaada'' revise 20-01-86 madhuban

purushaartha aur parivartan ke golden chance ka varsha

aaj samartha baap apne samartha bachchon ko dekh rahe hain। jin samartha aatmaon ne sabse bade te bada samartha kaarya vishwa ko naya shreshtha vishwa banaane ka dridh sankalp kiya hai। har aatma ko shant va sukhi banaane ka samartha kaarya karne ka sankalp kiya hai aur isi shreshtha sankalp ko lekar dridh nishchay buddhi ban kaarya ko pratyaksha roop mein la rahe hain। sabhi samartha bachchon ka ek hi yeh shreshtha sankalp hai ki yeh shreshtha kaarya hona hi hai। isse bhi jyaada yeh nishchit hai ki yeh kaarya hua hi pada hai। sirf karma aur phal ke purushaartha aur praalabdha ke nimitta aur nirmaan ke karma philosophy ke anusaar nimitta ban kaarya kar rahe hain। bhaavi atal hai। lekin sirf aap shreshtha bhaavna dvaara, bhaavna ka phal avinaashi praapta karne ke nimitta bane hue hain। duniya ki anjaan aatmaayen yahi sochti hain - ki shanti hogi, kya hoga, kaise hoga! koi ummeed nahin dikhaai deti। kya sachmuch hoga! aur aap kehte ho, hoga to kya lekin hua hi pada hai kyonki nai baat nahin hai। anek baar hua hai aur ab bhi hua hi pada hai। nishchaybuddhi nishchit bhaavi ko jaante ho। itna atal nishchay kyon hai? kyonki sva parivartan ke pratyaksha pramaan se jaante ho ki pratyaksha pramaan ke aage aur koi pramaan ki aavashyakta hi nahin hai। saath-saath parmaatma kaarya sada saphal hai hi hai। yeh kaarya aatmaon, mahaan aatmaon va dharma aatmaon ka nahin hai। parmaatma kaarya saphal hua hi pada hai, aise nishchay buddhi, nishchit bhavishya ko jaanne vaale nishchinta aatmaayen ho। log kehte hain va darte hain ki vinaash hoga aur aap nishchinta ho ki nai sthaapna hogi। kitna antar hai - asambhav aur sambhav ka। aapke saamne sada svarnim duniya ka, svarnim soorya uday hua hi pada hai aur unhon ke saamne hain vinaash ki kaali ghataayen। abhi aap sabhi to samay sameep hone ke kaaran sada khushi ke ghungharu daal naachte rehte ho ki aaj puraani duniya hai, kal svarnim duniya hogi। aaj aur kal itna sameep pahunch gaye ho।

abhi is varsha 'sampoornata aur samaanta" ka sameep anubhav karna hai। sampoornata aap sabhi pharishton ka vijay maala le aavaahna kar rahi hai। vijay maala ke adhikaari to banna hai na। sampoorn baap aur sampoorn stage donon hi aap bachchon ko bula rahe hain ki aao shreshtha aatmaayen aao, samaan bachche aao, samartha bachche aao, samaan ban apne sweet hom mein vishraami bano। jaise baapdaada vidhaata hai, vardaata hai aise aap bhi is varsha vishesh brahman aatmaon prati va sarva aatmaon prati vidhaata bano, vardaata bano। kal devta banne vaale ho ab antim pharishta swaroop bano। pharishta kya karta? vardaata ban vardaan deta hai। devta sada deta hai, leta nahin hai। levta nahin kehte। to vardaata aur vidhaata, pharishta so devta … abhi yeh mahaamantra ham pharishta so devta, is mantra ko vishesh smriti swaroop banaao। manamnaabhav to ho hi gaye, yeh aadi ka mantra raha। abhi is samartha mantra ko anubhav mein laao। “yeh hona chaahiye, yeh milna chaahiye'' yeh donon hi baaten levta banaati hain, levta-pan ke sanskaar devta banne mein samay daal denge, isliye in sanskaaron ko samaapta karo। pahle janma mein brahma ke ghar se devta ban naye jeevan, naye yug ke one number mein aao। sanvat bhi one-one-one ho। prakriti bhi satopradhaan number one ho। raajya bhi number one ho। aapki golden stage bhi number one ho। ek din ke pharka mein bhi one-one-one se badal jaayega। abhi se pharishta so devta banne ke liye bahutkaal ke sanskaar practical karma mein emerge karo kyonki bahutkaal ka jo gaayan hai, woh bahut-kaal ki seema ab samaapta ho rahi hai। uski date nahin ginti karo।

vinaash ko antakaal kaha jaayega, us samay bahutkaal ka chance to samaapta hai hi, lekin thode samay ka bhi chance samaapta ho jaayega isliye baapdaada bahutkaal ki samaapti ka ishaara de rahe hain। phir bahutkaal ki ginti ka chance samaapta ho thoda samay purooshaartha, thoda samay praalabdha, yahi kaha jaayega। karmon ke khaate mein ab bahutkaal khatma ho thoda samay va alpakaal aarambha ho raha hai isliye yeh varsha parivartan kaal ka varsha hai। bahutkaal se thode samay mein parivartan hona hai, isliye is varsha ke purushaartha mein bahutkaal ka hisaab jitna jama karne chaaho woh kar lo। phir ulhana nahin dena ki ham to albele hokar chal rahe the। aaj nahin to kal badal hi jaayenge isliye karmon ki gati ko jaanne vaale bano। knowledgeful ban teevragti se aage badho। aisa na ho do hajaar ka hisaab hi lagaate raho। purushaartha ka hisaab alag hai aur srishti parivartan ka hisaab alag hai। aisa nahin socho- ki abhi 15 varsha pada hai, abhi 18 varsha pada hai। 99 mein hoga... yeh nahin sochte rehna। hisaab ko samjho। apne purushaartha aur praalabdha ke hisaab ko jaan us gati se aage badho। nahin to bahutkaal ke puraane sanskaar agar rah gaye to is bahutkaal ki ginti dharmaraajpuri ke khaate mein jama ho jaayegi। koi-koi ka bahutkaal ke vyartha, aythaartha karma-vikarma ka khaata abhi bhi hai, baapdaada jaante hain sirf out nahin karte hain। thoda-sa parda daalte hain। lekin vyartha aur aythaartha, yeh khaata abhi bhi bahut hai isliye yeh varsha extra golden chance ka varsha hai - jaise purushottam yug hai vaise yeh purushaartha aur parivartan ke golden chance ka varsha hai isliye vishesh himmat aur madad ke is vishesh vardaan ke varsha ko saadhaaran 50 varsha ke samaan nahin ganvaana। abhi tak baap sneh ke saagar ban sarva sambandh ke sneh mein, albelaapan, saadhaaran purushaartha isko dekhte-sunte bhi na sun, na dekh bachchon ko sneh ki extra madad se, extra marks dekar badha rahe hain। lift de rahe hain। lekin abhi samay parivartan ho raha hai isliye abhi karmon ki gati ko achhi tarah se samajh samay ka laabh lo। sunaaya tha na - ki 18 vaan adhyaay aarambha ho gaya hai। 18 adhyaay ki visheshta - ab smriti swaroop bano। abhi smriti, abhi vismriti nahin। smriti swaroop arthaat bahutkaal smriti svatah aur sahaj rahe। abhi yuddha ke sanskaar, mehnat ke sanskaar, man ko munjhaane ke sanskaar iski samaapti karo। nahin to yahi bahutkaal ke sanskaar ban ant mati so bhavishya gati praapta karaane ke nimitta ban jaayenge। sunaaya na - abhi bahutkaal ke purushaartha ka samay samaapta ho raha hai aur bahutkaal ki kamjori ka hisaab shuru ho raha hai। samajh mein aaya! isliye yeh vishesh parivartan ka samay hai। abhi vardaata hai phir hisaab-kitaab karne vaale ban jaayenge। abhi sirf sneh ka hisaab hai। to kya karna hai! smriti swaroop bano। smriti swaroop svatah hi nashtomoha bana hi dega। abhi to moh ki list badi lambi ho gai hai। ek sva ki pravritti, ek daivi parivaar ki pravritti, seva ki pravritti, had ke praaptiyon ki pravritti - in sabhi se nashtomoha arthaat nyaara ban pyaara bano। main-pan arthaat moh, isse nashtomoha bano tab bahutkaal ke purooshaartha se bahutkaal ke praalabdha ki praapti ke adhikaari banenge। bahutkaal arthaat aadi se ant tak ki praalabdha ka phal। vaise to ek-ek pravritti se nivrit hone ka raaz bhi achhi tarah se jaante ho aur bhaashan bhi achha kar sakte ho। lekin nivrit hona arthaat nashtomoha hona। samjha! points to aapke paas baap-daada se bhi jyaada hain isliye points kya sunaayen, points to hain ab point bano। achha!

sada shreshtha karmon ke praapti ki gati ko jaanne vaale, sada bahutkaal ke teevra purushaartha ke, shreshtha purushaartha ke shreshtha sanskaar vaale, sada svarnim yug ke aadi ratna, sangamayug ke bhi aadi ratna, svarnim yug ke bhi aadi ratna, aise aadi dev ke samaan bachchon ko, aadi baap, anaadi baap ki sada aadi banne ki shreshtha vardaani yaadapyaar aur saath-saath sevaadhaari baap ki namaste।

daadiyon se - ghar ka get kaun kholega? golden jubilee vaale va silver jubilee vaale, brahma ke saath get to kholenge na। ya peechhe aayenge? saath jaayenge to sajni bankar jaayenge aur peechhe jaayenge to baraati bankar jaayenge। sambandhi bhi to baraati kahe jaayenge। najdeek to hain lekin kaha jaayega - baraat aai hai। to kaun get kholega? golden jubilee vaale va silver jubilee vaale? jo ghar ka get kholenge vahi svarga ka get bhi kholenge। abhi vatan mein aane ki kisko mana nahin hai। saakaar mein to phir bhi bandhan hai, samay ka circumstance ka। vatan mein aane ke liye to koi bandhan nahin। koi nahin rokega, tarna lagaane ki bhi jaroorat nahin। abhyaas se aisa anubhav karenge, jaise yahaan shareer mein hote hue ek second mein chakkar lagaakar vaapas aa gaye। jo antah vaahak shareer se chakra lagaane ka gaayan hai, yeh antar ki aatma vaahan ban jaati hai। to aise anubhav karenge jaise bilkul button dabaaya, vimaan uda, chakra lagaake aa gaye aur doosre bhi anubhav karenge ki yeh yahaan hote hue bhi nahin hai। jaise saakaar mein dekha na-baat karte-karte bhi second mein hai aur abhi nahin hai। abhi-abhi hai, abhi-abhi nahin hai। yeh anubhav kiya na। aise anubhav kiya na। ismen sirf sthool vistaar ko sametne ki aavashyakta hai। jaise saakaar mein dekha-itna vistaar hote hue bhi antim stage kya rahi? vistaar ko sametne ki, upraam rahne ki। abhi-abhi sthool daarekshan de rahe hain aur abhi-abhi ashareeri sthiti ka anubhav kara rahe hain। to yeh sametne ki shakti ki pratyakshata dekhi। jo aap log bhi kehte the ki baba yahaan hai ya nahin hain। sun rahe hain ya nahin sun rahe hain। lekin woh teevragti aisi hoti hai, jo kaarya miss nahin karenge। aap baat suna rahe ho to baat miss nahin karenge। lekin gati itni teevra hai jo donon hi kaam ek minute mein kar sakte hai। saar bhi catch kar lenge aur chakra bhi laga lenge। aise bhi ashareeri nahin honge jo koi baat kar raha hai aap kaho ki suna hi nahin। gati fast ho jaati hai। buddhi itni vishaal ho jaati hai jo ek hi samay par donon kaarya karte hain। yeh tab hota jab sametne ki shakti use karo। abhi pravritti ka vistaar ho gaya hai। usmein rehte hue yahi abhyaas pharishte pan ka saakshaatkaar karaayega! abhi ek-ek chhoti-chhoti baat ke peechhe yeh jo mehnat karni padti hain, woh svatah hi oonche jaane se yeh chhoti baaten vyakta bhaav ki anubhav hongi। oonche jaane se neecha pan apne aap chhoot jaayega। mehnat se bach jaayenge। samay bhi bachega aur seva bhi fast hogi, nahin to kitna samay dena padta hai। achha।

silver jubilee mein aaye hue bhaai bahinon prati avyakt baapdaada ka madhur sandesh - rajat jayanti ke shubh avsar par roohaani bachchon ke prati sneh ke sunahre pushpa

saare vishwa mein oonche se oonche mahaayug ke mahaan paartadhaari yug parivartak bachchon ko shreshtha suhaavne jeevan ki mubaarak ho। seva mein vriddhi ke nimitta banne ke vishesh bhaagya ki mubaarak ho। aadi se parmaatma snehi aur sahayogi banne ki, sample banne ki mubaarak ho। samay ke samasyaaon ke toofaan ko topha samajh sada vighna-vinaashak banne ki mubaarak ho।

baapdaada sada apne aise anubhvon ke khajaanon se sampanna seva ke foundation bachchon ko dekh harshit hote hain aur bachchon ke saahas ke gunon ki maala simran karte hain। aise lucky aur lovely avsar par vishesh sunahre vardaan dete sada ek ban, ek ko pratyaksha karne ke kaarya mein saphal bhav। roohaani jeevan mein amar bhav। pratyaksha phal aur amar phal khaane ke padma padam bhaagyavaan bhav।

vardaan:- vaah drama vaah ki smriti se anekon ki seva karne vaale sada khushnumah bhav

is drama ki koi bhi scene dekhte hue vaah drama vaah ki smriti rahe to kabhi bhi ghabraayenge nahin kyonki drama ka gyaan mila ki vartamaan samay kalyaankaari yug hai, ismen jo bhi drishya saamne aata hai usmein kalyaan bhara hua hai। vartamaan mein kalyaan dikhaai na bhi de lekin bhavishya mein samaaya hua kalyaan pratyaksha ho jaayega-to vaah drama vaah ki smriti se sada khushnumahrahenge, purooshaartha mein kabhi bhi udaasi nahin aayegi। svatah hi aap dvaara aneko ki seva hoti rahegi।

slogan:- shanti ki shakti hi mansa seva ka sahaj saadhan hai, jahaan shanti ki shakti hai vahaan santushtata hai।