Murli du jour du mardi 4 août 2020

04-08-2020 praatahmurli om shanti "baapdaada"' madhuban

“meethe bachche - akaal moorta baap ka bolta-chalta takhta yeh (brahma) hai, jab woh brahma mein aate hain tab tum braahmanon ko rachte hain''

prashn:- aklamand bachche kis raaz ko samajhkar theek reeti se samjha sakte hain?

uttar:- brahma kaun hai aur woh brahma so vishnu kaise bante hain। prajaapita brahma yahaan hai, woh koi devta nahin। brahma ne hi braahmanon dvaara gyaan yagya racha hai… yeh sab raaz aklamand bachche hi samajhkar samjha sakte hain। ghodesvaar aur pyaade to ismen moonjh jaayenge।

geet:- om namo shivaae........

om shanti। bhakti mein mahima karte hain ek ki। mahima to gaate hain na। parantu na unko jaante hain, na unke yathaartha parichay ko jaante hain। agar yathaartha mahima jaante to varnan zaroor karte। tum bachche jaante ho oonch te oonch hai bhagwan। chitra mukhya hai unka। brahma ki santaan bhi hogi na। tum sab brahman thahre। brahma ko bhi brahman jaanenge aur koi nahin jaante, isliye moonjhate hain। yeh brahma kaise ho sakta। brahma ko dikhaaya hai sookshmavtanvaasi। ab prajaapita sookshm vatan mein ho na sake। vahaan rachna hoti nahin। is par tumhaare saath bahut vaad-vivaad bhi karte hain। samjhaana chaahiye - brahma aur brahman hain to sahi na। jaise Christ se Christian akshar nikla hai। buddha se bauddhi, ibraaham se islaami। vaise prajaapita brahma se brahman naameegraami hain। aadi dev brahma। vaastav mein brahma ko devta nahin kah sakte। yeh bhi wrong hai। brahman jo apne ko kahlaate hain unse poochhna chaahiye brahma kahaan se aaya? yeh kiski rachna hai। brahma ko kisne create kiya? kabhi koi bata na sake, jaante hi nahin। yeh bhi tum bachche jaante ho - shivbaaba ka jo rath hai, jismen pravesh karte hain। yeh hai hi woh jo aatma krishna prince bana tha। 84 janmon ke baad yeh (brahma) aakar bane hain। janmapatri ka naam to inka apna alag hoga na kyonki hai to manushya na। phir inmen pravesh karne se inka naam brahma rakh dete hain। yeh bhi bachche jaante hain - vahi brahma, vishnu ka roop hai। naaraayan bante hain na। 84 janmon ke ant mein bhi saadhaaran rath hai na। yeh (shareer) sab aatmaon ke rath hain। akaalmoorta ka bolta chalta takhta hai। sikkha logon ne phir woh takhta bana diya hai। usko akaaltakhta kehte hain। yeh to akaal takhta sab hain। aatmaayen sab akaalmoorta hain। oonch te oonch bhagwan ko yeh rath to chaahiye na। rath mein pravesh ho baith knowledge dete hain। unko hi knowledgeful kaha jaata hai। rachta aur rachna ke aadi-madhya-ant ki knowledge dete hain। knowledgeful ka arth koi antaryaami va jaani jaananhaar nahin hai। sarvavyaapi ka arth doosra hai, jaani jaananhaar ka arth doosra hai। manushya to sabko milaakar jo aata hai so kehte jaate hain। abhi tum bachche jaante ho ham sab brahman brahma ki aulaad hain। hamaara kul sabse oonch hai। vo log devtaaon ko oonch rakhte hain kyonki satayug aadi mein devta hue hain। prajaapita brahma ki aulaad brahman hote hain - yeh koi jaante nahin sivaae tum bachchon ke। unko pata bhi kaise pade। jabki brahma ko sookshm vatan mein samajh lete hain। woh jismaani brahman alag hain jo pooja karte hain, dhaama khaate hain। tum to dhaama aadi nahin khaate ho। brahma ka raaz abhi achhi reeti samjhaana padta hai। bolo aur baaton ko chhod baap jisse patit se paavan banna hai, pahle unko to yaad karo। phir yeh baaten bhi samajh jaayenge। thodi baat mein sanshay padne se baap ko hi chhod dete hain। pahli mukhya baat hai alpha aur be। baap kehte hain maamekam yaad karo। main zaroor kismen to aaoonga na। unka naam bhi hona chaahiye। unko aakar rachta hoon। brahma ke liye tumko samjhaane ka bahut akla chaahiye। pyaade, ghodesvaar moonjh padte hain। avastha anusaar samjhaate hain na। prajaapita brahma to yahaan hai। braahmanon dvaara gyaan yagya rachte hain to zaroor brahman hi chaahiye na। prajaapita brahma bhi yahaan chaahiye, jisse brahman hon। brahman log kehte bhi hain ham brahma ki santaan hain। samajhte hain parampara se hamaara kul chala aata hai। parantu brahma kab tha woh pata nahin hai। abhi tum brahman ho। brahman woh jo brahma ki santaan hon। woh to baap ke occupation ko jaante hi nahin। bhaarat mein pahle brahman hi hote hain। braahmanon ka hai oonch te oonch kul। woh brahman bhi samajhte hain hamaara kul zaroor brahma se hi nikla hoga। parantu kaise, kab... woh varnan nahin kar sakte। tum samajhte ho - prajaapita brahma hi braahmanon ko rachte hain। jin braahmanon ko hi phir devta banna hai। braahmanon ko aakar baap padhaate hain। braahmanon ki bhi dynasty nahin hai। braahmanon ka kul hai, dynasty tab kaha jaae jab raaja-raani banen। jaise sooryavanshi dynasty। tum braahmanon mein raaja to bante nahin। woh jo kehte hain kaurvon aur paandavon ka raajya tha, donon wrong hain। raajaai to donon ko nahin hai। praja ka praja par raajya hai, unko raajdhaani nahin kahenge। taaj hai nahin। baba ne samjhaaya tha - pahle double sirtaaj bhaarat mein the, phir single taaj। is samay to no taaj। yeh bhi achhi reeti siddhakar bataana hai, jo bilkul achhi dhaarna vaala hoga woh achhi reeti samjha sakenge। brahma par hi jaasti baat samjhaane ki hoti hai। vishnu ko bhi nahin jaante। yeh bhi samjhaana hota hai। vaikuntha ko vishnupuri kaha jaata hai arthaat lakshmi-naaraayan ka raajya tha। krishna prince hoga to kahenge na - hamaara baba raaja hai। aise nahin ki krishna ka baap raaja nahin ho sakta। krishna prince kahlaaya jaata hai to zaroor raaja ke paas janma hua hai। saahookaar paas janma le to prince thode hi kahlaayenge। raaja ke pad aur saahookaar ke pad mein raat-din ka farka ho jaata hai। krishna ke baap raaja ka naam hi nahin hai। krishna ka kitna naam baala hai। baap ka oonch pad nahin kahenge। woh second class ka pad hai jo sirf nimitta bante hain krishna ko janma dene। aise nahin ki krishna ki aatma se woh oonch padha hua hai। nahin। krishna hi so phir naaraayan bante hain। baaki baap ka naam hi gum ho jaata hai। hai zaroor brahman। parantu padhaai mein krishna se kam hai। krishna ki aatma ki padhaai apne baap se oonch thi, tab to itna naam hota hai। krishna ka baap kaun tha - yeh jaise kisko pata nahin। aage chal maaloom padega। banna to yahaan se hi hai। raadhe ke bhi maa-baap to honge na। parantu unse raadhe ka naam jaasti hai kyonki maa-baap kam padhe hue hain। raadhe ka naam unse oonch ho jaata hai। yeh hain detail ki baaten - bachchon ko samjhaane ke liye। saara madaar padhaai par hai। brahma par bhi samjhaane ka akla chaahiye। vahi krishna jo hai unki aatma hi 84 janma bhogti hai। tum bhi 84 janma lete ho। sab ikatthe to nahin aayenge। jo padhaai mein pahle-pahle hote hain, vahaan bhi woh pahle aayenge। nambarvaar to aate hain na। yeh badi maheen baaten hain। kam buddhi vaale to dhaarna kar na saken। nambarvaar jaate hain। tum transfer hote ho nambarvaar। kitni badi queue hai, jo pichhaadi mein jaayegi। nambarvaar apne-apne sthaan par jaakar nivaas karenge। sabka sthaan bana hua hai। yeh bada wonderful khel hai। parantu koi samajhte nahin hain। inko kaha jaata hai kaanton ka jangal। yahaan sab ek-do ko duhkh dete rehte hain। vahaan to natural sukh hai। yahaan hai artificial sukh। real sukh ek baap hi dene vaala hai। yahaan hai kaag vishta ke samaan sukh। din-pratidin tamopradhaan bante jaate hain। kitna duhkh hai। kehte hain - baba maaya ke toofaan bahut aate hain। maaya uljha deti hai, duhkh ki feeling bahut aati hai। sukhdaata baap ke bachche bankar bhi agar duhkh ki feeling aati hai to baap kehte - bachche, yeh tumhaara bada karmabhog hai। jab baap mila to duhkh ki feeling nahin aani chaahiye। jo puraane karmabhog hain use yogbal se chuktu karo। agar yogbal nahin hoga to mochra khaakar chuktu karna padega। mochra aur maani to achha nahin। (saza khaakar pad paana achha nahin) puru-shaartha karna chaahiye nahin to phir tribunal baithti hai। praja to dher hai। yeh to drama anusaar sab garbhajel mein bahut sazaayen khaate hain। aatmaayen bhatakti bhi bahut hain। koi-koi aatma bahut nuksaan karti hai - jab koi mein ashuddha aatma ka pravesh hota hai to kitna hairaan hote hain। nai duniya mein yeh baaten hoti nahin। abhi tum purooshaartha karte ho - ham nai duniya mein jaayen। vahaan jaakar naye-naye mahal banaane padenge। raajaaon ke paas janma lete ho, jaise krishna janma lete hain। parantu itne mahal aadi sab pahle se thode hi hote hain। woh to phir banaane pade। kaun rachte hain, jinke paas janma lete hain। gaaya hua bhi hain - raajaaon ke paas janma hota hai। kya hota hai so to aage chal dekhna hai। abhi thode hi baba bataayenge। woh phir artificial naatak ho jaae, isliye bataate kuchh bhi nahin hain। drama mein bataane ki noondh nahin। baap kehte hain main bhi paartadhaari hoon। aage ki baaten pahle se hi jaanta hota to bahut kuchh batlaata। baba antaryaami hota to pahle se bataata। baap kehte hain - nahin, drama mein jo hota hai, unko saakshi ho dekhte chalo aur saath-saath yaad ki yaatra mein masta raho। ismen hi fail hote hain। gyaan kabhi kam-jaasti nahin hota। yaad ki yaatra hi kabhi kam, kabhi jaasti hoti hai। gyaan to jo mila hai so hai hi। yaad ki yaatra mein kabhi umang rehta hai, kabhi dheela। neeche-oopar yaatra hoti hai। gyaan mein tum seedhi nahin chadhte। gyaan ko yaatra nahin kaha jaata। yaatra hai yaad ki। baap kehte hain yaad mein rahne se tum safety mein rahenge। deh-abhimaan mein aane se tum bahut dhokha khaate ho। vikarma kar dete ho। kaam mahaashatru hai, unmein fail ho padte hain। krodh aadi ki baba itni baat nahin karte।

gyaan se ya to hai second mein jeevanmukti ya to phir kehte saagar ko syaahi banaao to bhi poora nahin ho। ya to sirf kehte hain alpha ko yaad karo। yaad karna kisko kaha jaata, yeh thode hi jaante hain। kehte hain kaliyug se hamko satayug mein le chalo। puraani duniya mein hai duhkh। dekhte ho barsaat mein kitne makaan girte rehte hain, kitne doob jaate hain। barsaat aadi yeh natural calamities bhi hongi। yeh sab achaanak hota rahega। kumbhakran ki neend mein soye hue hain। vinaash ke samay jaagenge phir kya kar sakenge! mar jaayenge। dharti bhi jor se hilti hai। toofaan barsaat aadi sab hota hai। bombs bhi phenkate hain। parantu yahaan addition hai civil war........ rakta ki nadiyaan gaai hui hain। yahaan maaraamaari hoti hai। ek-do par case karte rehte hain। so ladenge bhi zaroor। sab hain nidhanke, tum ho dhani ke। koi ladaai aadi tumko nahin karni hai। brahman banne se tum dhani ke ban gaye। dhani baap ko ya pati ko kehte hain। shivbaaba to patiyon ka pati hai। sagaai ho jaati hai to phir kehte hain ham aise pati ke saath kab milengi। aatmaayen kehti hain - shivbaaba, hamaari to aapse sagaai ho gai। ab aapse ham milen kaise? koi to sach likhte hain, koi to bahut chhipaate hain। sachchaai se likhte nahin ki baba hamse yeh bhool ho gai। kshama karo। agar koi vikaar mein gira to buddhi mein dhaarna ho nahin sakti। baba kehte hain tum aisi kadi bhool karenge to chaknaachoor ho jaayenge। tumko ham gora banaane ke liye aaye hain, phir tum kaala munh kaise karte ho। bhal svarga mein aayenge, paai paise ka pad paayenge। raajdhaani sthaapan ho rahi hai na। koi to haar khaakar janma-janmaantar pad bhrashta ho jaate hain। kahenge baap se tum yeh pad paane aaye ho, baap itna oonch banen, ham bachche phir praja thode hi banenge। baap gaddi par ho aur bachcha daas-daasi bane, kitni lajja ki baat hai। pichhaadi mein tumko sab saakshaatkaar honge। phir bahut pachhtaayenge। naahek aisa kiya। sannyaasi bhi brahmacharya mein rehte hain, to vikaari sab unko maatha tekte hain। pavitrata ka maan hai। kiski takdeer mein nahin hai to baap aakar padhaate phir bhi gaphlat karte rehte hain। yaad hi nahin karte। bahut vikarma ban jaate hain। tum bachchon par ab hai brahaspati ki dasha। isse oonch dasha aur koi hoti nahin। dashaayen chakra lagaati rehti hain tum bachchon par। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is drama ki har scene ko saakshi hokar dekhna hai, ek baap ki yaad mein masta rehna hai। yaad ki yaatra mein kabhi umang kam na ho।

2. padhaai mein kabhi gaphlat nahin karna, apni oonch takdeer banaane ke liye pavitra zaroor banna hai। haar khaakar janma-janmaantar ke liye pad bhrashta nahin karna hai।

vardaan:- manamnaabhav ke mahaamantra dvaara sarva duhkhon se paar rahne vaale sada sukh swaroop bhav

jab kisi bhi prakaar ka duhkh aaye to mantra le lo jisse duhkh bhaag jaayega। svapna mein bhi jara bhi dukh ka anubhav na ho, tan beemaar ho jaae, dhan neeche oopar ho jaae, kuchh bhi ho lekin dukh ki lahar andar nahin aani chaahiye। jaise saagar mein lahren aati hain aur chali jaati hain lekin jinhen un lahron mein lahraana aata hai woh usmein sukh ka anubhav karte hain, lahar ko jump dekar aise cross karte hain jaise khel kar rahe hain। to saagar ke bachche sukh swaroop ho, dukh ki lahar bhi na aaye।

slogan:- har sankalp mein dridhta ki visheshta ko practical mein laao to pratyakshata ho jaayegi।