Murli du jour du samedi 10 octobre 2020

10-10-2020 praatahmurli om shanti "baapdaada"' madhuban

“meethe bachche - tum jab kisi ko bhi samjhaate ho ya bhaashan karte ho to baba-baba kahkar samjhaao, baap ki mahima karo tab teer lagega''

prashn:- baba bhaaratvaasi bachchon se vishesh kaun se prashn poochhte hain?

uttar:- tum bhaaratvaasi bachche jo itne saahookaar the, sarvagun sampanna 16 kala sampoorn devta dharma ke the, tum pavitra the, kaam kataari nahin chalaate the, bahut dhanvaan the। phir tumne itna devaala kaise nikaala hai - kaaran ka pata hai? bachche, tum gulaam kaise ban gaye? itna sab dhan daulat kahaan ganva diya? khyaal karo tum paavan se patit kaise ban gaye? tum bachche bhi aisi-aisi baaten baba-baba kah doosron ko bhi samjhaao - to sahaj samajh jaayenge।

om shanti। om shanti kahne se bhi baap zaroor yaad aana chaahiye। baap ka pahla-pahla kehna hai manamnaabhav। zaroor aage bhi kaha hai tab to abhi bhi kehte hain na। tum bachche baap ko jaante ho, jab kahaan sabha mein bhaashan karne jaate ho, vo log to baap ko jaante nahin। to unko bhi aisa kehna chaahiye ki shivbaaba kehte hain, vahi patit-paavan hai। zaroor paavan banaane ke liye yahaan aakar samjhaate hain। jaise baba yahaan tumko kehte hain - he bachchon, tumko svarga ka maalik banaaya tha, tum aadi sanaatan devi-devta dharma vaale vishwa ke maalik the, vaise tumko bhi bolna chaahiye ki baba yeh kehte hain। aise koi ke bhaashan ka samaachaar aaya nahin hai। shivbaaba kehte hain mujhe oonch te oonch maante ho, patit-paavan bhi maante ho, main aata bhi hoon bhaarat mein aur raajayog sikhlaane aata hoon, kehta hoon maamekam yaad karo, mujh oonch baap ko yaad karo kyonki woh baap dene vaala daata hai। barobar bhaarat mein tum vishwa ke maalik the na। doosra koi dharma nahin tha। baap ham bachchon ko samjhaate hain ham phir aapko samjhaate hain। baba kehte hain tum bhaaratvaasi kitne saahookaar the। sarvagun sampanna 16 kala sampoorn devta dharma tha, tum pavitra the, kaam kataari nahin chalaate the। bahut dhanvaan the। phir baap kehte hain tumne itna devaala kaise nikaala hai - kaaran ka pata hai? tum vishwa ke maalik the। abhi tum vishwa ke gulaam kyon bane ho? sabhi se karja lete rehte ho। itne sab paise kahaan gaye? jaise baba bhaashan kar rahe hain vaise tum bhi bhaashan karo to bahuton ko aakarshan ho। tum log baba ko yaad nahin karte ho to kisko teer lagta nahin। woh taakat nahin milti। nahin to tumhaara ek hi bhaashan aisa sunen to kamaal ho jaae। shivbaaba samjhaate hain bhagwan to ek hi hai। jo duhkh harta sukh karta hai, nai duniya sthaapan karne vaala hai। isi bhaarat par svarga tha। heere-javaahraaton ke mahal the, ek hi raajya tha। sab ksheerkhanda the। jaise baap ki mahima aparmaapaar hai, vaise bhaarat ki mahima bhi aparmaapaar hai। bhaarat ki mahima sunkar khush honge। baap bachchon se poochhte hain - itna dhan daulat kahaan ganva diya? bhakti maarga mein tum kitna kharcha karte aaye ho। kitne mandir banaate ho। baba kehte hain khyaal karo - tum paavan se patit kaise bane ho? kehte bhi ho na - baba duhkh mein aapka simran karte hain, sukh mein nahin karte। parantu duhkhi tumko banaata kaun hai? ghadi-ghadi baba ka naam lete raho। tum baba ka sandesh dete ho। baba kehte hain - hamne to svarga, shivaalay sthaapan kiya, svarga mein in lakshmi-naaraayan ka raajya tha na। tum yeh bhi bhool gaye ho। tumko yeh bhi pata nahin hai ki raadhe-krishna hi svayanvar ke baad lakshmi-naaraayan bante hain। krishna jo vishwa ka maalik tha, unko kalank baith lagaate ho, mere ko bhi kalank lagaate ho। main tumhaara sadgati daata, tum mujhe kutte billi, kan-kan mein kah dete ho। baba kehte hain tum kitne patit ban gaye ho। baap kehte hain sarva ka sadgati daata, patit-paavan main hoon। tum phir patit-paavni ganga kah dete ho। mere se yog na lagaane se tum aur hi patit ban padte ho। mujhe yaad karo to tumhaare vikarma vinaash honge। ghadi-ghadi baba ka naam lekar samjhaao to shivbaaba yaad rahega। bolo, ham baap ki mahima karte hain, baap khud kehte hain main kaise saadhaaran patit tan mein bahut janmon ke ant mein aata hoon। inke hi bahut janma hain। yeh ab mera bana hai to is rath dvaara tumko samjhaata hoon। yeh apne janmon ko nahin jaante hain। bhaageerath yeh hai, inke bhi vaanaprastha avastha mein main aata hoon। shivbaaba aisa samjhaate hain। aisa bhaashan kiska suna nahin hai। baba ka to naam hi nahin lete hain। saara din baba ko to bilkul yaad hi nahin karte hain। jharmui jhagmui mein lage rehte hain aur likhte hain ki hamne aisa bhaashan kiya, hamne yeh samjhaaya। baba samajhte hain ki abhi to tum cheetinya ho। makode bhi nahin bane ho aur ahankaar kitna rehta hai। samajhte nahin hain ki shivbaaba brahma dvaara kehte hain। shivbaaba ko tum bhool jaate ho। brahma par jhat bigadte hain। baap kehte hain - tum mujhe hi yaad karo, tumhaara kaam hai mere se। mujhe yaad karte ho na। parantu tumko bhi pata nahin hai ki baap kya cheez hai, kab aate hain। guru log tumko kehte hain ki kalpa laakhon varsha ka hai aur baap kehte hain ki kalpa hai hi 5 hazaar varsha ka। puraani duniya so phir nai hogi। nai so phir puraani hoti hai। ab nai dehli hai kahaan? dehli to jab paristaan hogi tab nai dehli kahenge। nai duniya mein nai dehli thi, jamuna ghaat par। un par lakshmi-naaraayan ke mahal the। paristaan tha। abhi to kabristaan hona hai, sab daphan ho jaane hain isliye baap kehte hain - mujh oonch te oonch baap ko yaad karo to paavan banenge। hamesha aise baba-baba kahkar samjhaao। baba naam nahin lete ho isliye tumhaara koi sunte nahin hain। baba ki yaad na hone se tumhaare mein jauhar nahin bharta। deh-abhimaan mein tum aa jaate ho। baandheliyaan jo maar khaati hain woh tumse jaasti yaad mein rehti hain, kitna pukaarti hain। baap kehte hain tum sab dropdiyaan ho na। ab tumko nangan hone se bachaate hain। maataayen bhi aisi koi hoti hain jinko kalpa pahle bhi pootna aadi naam diye the। tum bhool gaye ho।

baap kehte hain bhaarat jab shivaalay tha to use svarga kaha jaata tha। yahaan phir jinke paas makaan, vimaan aadi hain woh samajhte hain ham svarga mein hain। kitne moodhamti hain। har baat mein bolo baba kehte hain। yeh hathayogi tumko mukti thode hi de sakte hain। jabki sarva ka sadgati daata ek hai phir guru kislie karte ho? kya tumko sannyaasi banna hai ya hathayog seekhkar brahm mein leen hona hai? leen to koi ho nahin sakta। part sabko bajaana hai। sab actors avinaashi hain। yeh anaadi avinaashi drama hai, moksha kisko mil kaise sakta hai। baap kehte hain main in saadhuon ka bhi uddhaar karne aata hoon। phir patit-paavni ganga kaise ho sakti। patit-paavan tum mujhe kehte ho na। tumhaara mere se yog tootne se yeh haal hua hai। ab phir mere se yog lagaao to vikarma vinaash honge। muktidhaam mein pavitra aatmaayen rehti hain। abhi to saari duniya patit hai। paavan duniya ka tumko maaloom hi nahin hai। tum sab pujaari ho, poojya ek bhi nahin। tum baba ka naam lekar sabko sujaag kar sakte ho। baap jo vishwa ka maalik banaate hain - unki tum glaani baith karte ho। shreekrishna chhota bachcha, sarvagun sampanna woh aisa dhandha kaise baith karega। aur krishna sabka father ho kaise sakta। bhagwan to ek hota hai na। jab tak meri shreemat par nahin chalenge to kat kaise utregi। tum sabki pooja karte rehte ho to kya haalat ho gai, isliye phir mujhe aana padta hai। tum kitne dharma karma bhrashta ho gaye ho। bataao hindu dharma kisne kab sthaapan kiya? aise achhi lalkaar se bhaashan karo। tumko ghadi-ghadi baap yaad hi nahin aata hai। kabhi-kabhi koi likhte hain ki hamaare mein to jaise baba ne aakar bhaashan kiya। baba bahut madad karte rehte hain। tum yaad ki yaatra mein nahin rehte ho isliye cheenti maarga ki service karte ho। baba ka naam lenge tab hi kisko teer lagega। baba samjhaate hain bachche tumne hi all-round 84 ka chakra lagaaya hai to tumko hi aakar samjhaana pade। main bhaarat mein hi aata hoon। jo poojya the woh pujaari bante hain। main to poojya pujaari nahin banta hoon।

“baba kehte hain, baba kehte hain'', yeh to dhun laga deni chaahiye। tum jab aise-aise bhaashan karo, jab aisa ham sunen tab samjhen ki ab tum cheenti se makode bane ho। baap kehte hain main tumko padhaata hoon, tum sirf maamekam yaad karo। is rath dvaara tumko sirf kehta hoon ki mujhe yaad karo। rath ko thode hi yaad karna hai। baba aise kehte hain, baba yeh samjhaate hain, aise-aise tum bolo phir dekho tumhaara kitna prabhaav nikalta hai। baap kehte hain deh sahit sabhi sambandhon se buddhi ka yog todo। apni deh bhi chhodi to baaki rahi aatma। apne ko aatma samajh mujh baap ko yaad karo। kai kehte hain “aham brahmasmi'' maaya ke ham maalik hain। baap kehte hain tum yeh bhi nahin jaante ki maaya kisko kaha jaata aur sampatti kisko kaha jaata hai! tum dhan ko maaya kah dete ho। aise-aise tum samjha sakte ho। bahut achhe-achhe bachche murli bhi nahin padhte hain। baap ko yaad nahin karte to teer nahin lagta kyonki yaad ka bal nahin milta hai। bal milta hai yaad se। jis yogbal se tum vishwa ke maalik bante ho। bachche har baat mein baba ka naam lete raho to kabhi koi kuchh kah na sake। sarva ka bhagwan baap to ek hai ya sabhi bhagwan hain? kehte hain ham phalaane sannyaasi ke followers hain। ab woh sannyaasi aur tum grihasthi to tum followers kaise thahre? gaate bhi hain jhoothi maaya, jhoothi kaaya, jhootha sab sansaar। sachcha to ek hi baap hai। woh jab tak na aaye to ham sachche nahin ban sakte hain। mukti-jeevanmukti daata ek hi hai। baaki koi bhi mukti thode hi dete hain jo ham unke banen। baba kehte hain yeh bhi drama mein tha। ab saavdhaan ho aankhen kholo। baba aise kehte hain, yeh kahne se tum chhoot jaayenge। tumhaare oopar koi bakvaad nahin karenge। trimoorti shivbaaba kehna hai, sirf shiv nahin। trimoorti ko kisne racha? brahma dvaara sthaapna kaun karaate hain? kya brahma creator hain? aise-aise nashe se bolo tab kaam kar sakte ho। nahin to deh-abhimaan mein baith bhaashan karte hain।

baap samjhaate hain yeh anek dharmon ka kalpa vriksha hai। pahle-pahle hai devi-devta dharma। ab woh devta dharma kahaan gaya? laakhon varsha kah dete hain yeh to 5 hazaar varsha ki baat hai। tum mandir bhi unhon ke banaate rehte ho। dikhaate hain paandavon aur kaurvon ki ladaai lagi। paandav pahaadon par gal mare phir kya hua? main kaise hinsa karunga। main to tumko ahinsak vaishnav banaata hoon। kaam kataari na chalaana, usko hi vaishnav kehte hain। woh hain vishnu ki vanshaavli। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) service mein saphalta praapta karne ke liye ahankaar ko chhod har baat mein baba ka naam lena hai। yaad mein rahkar seva karni hai। jharmui-jhagmui mein apna time vesta nahin karna hai।

2) sachcha-sachcha vaishnav banna hai। koi bhi hinsa nahin karni hai। deh sahit sabhi sambandhon se buddhiyog tod dena hai।

vardaan:- vishwa kalyaan ke kaarya mein sada busy rahne vaale vishwa ke aadhaarmoorta bhav

vishwa kalyaankaari bachche svapna mein bhi free nahin rah sakte। jo din raat seva mein busy rehte hain unhein svapna mein bhi kai nai-nai baaten, seva ke plan va tareeke dikhaai dete hain। ve seva mein busy hone ke kaaran apne purooshaartha ke vyartha se aur auron ke bhi vyartha se bache rehte hain। unke saamne behad vishwa ki aatmaayen sada emerge rehti hain। unhein jara bhi albelaapan aa nahin sakta। aise sevaadhaari bachchon ko aadhaarmoorta banne ka vardaan praapta ho jaata hai।

slogan:- sangamayug ka ek-ek second varsho ke samaan hai isliye albelepan mein samay nahin ganvaao।