Murli du jour du mardi 3 novembre 2020

03-11-2020 praatahmurli om shanti "baapdaada"' madhuban

“meethe bachche - tum hi sachche alaukik jaadoogar ho, tumhein manushya ko devta banaane ka jaadu dikhaana hai''

prashn:- achhe purooshaarthi student ki nishaani kya hogi?

uttar:- woh paas with honour hone ka arthaat vijay maala mein aane ka lakshya rakhenge। unki buddhi mein ek baap ki hi yaad hogi। deh sahit deh ke sab sambandhon se buddhiyog tod ek se preet rakhenge। aise purooshaarthi hi maala ka daana bante hain।

om shanti। roohaani bachchon prati roohaani baap baith samjhaate hain। ab tum roohaani bachche jaadoogar-jaadoogarni ban gaye ho isliye baap ko bhi jaadoogar kehte hain। aisa koi jaadoogar nahin hoga - jo manushya ko devta bana de। yeh jaadoogri hai na। kitni badi kamaai karaane ka tum raasta bataate ho। school mein teacher bhi kamaai karna sikhlaate hain। padhaai kamaai hai na। bhakti maarga ki kathaayen shaastra aadi sunna, usko padhaai nahin kahenge। usmein koi aamadni nahin, sirf paisa kharcha hota hai। baap bhi samjhaate hain - bhakti maarga mein chitra banaate, mandir aadi banaate, bhakti karte-karte tumne kitne paise kharcha kar liye hain। teacher to phir bhi kamaai karaate hain। aajeevika hoti hai। tum bachchon ki padhaai kitni oonchi hai। padhna bhi sabko hai। tum bachche manushya se devta banaane vaale ho। us padhaai se to barrister aadi banenge, so bhi ek janma ke liye। kitna raat-din ka farka hai isliye tum aatmaon ko shuddh nasha rehna chaahiye। yeh hai gupta nasha। behad ke baap ki to kamaal hai। kaisa roohaani jaadu hai। rooh ko yaad karte-karte satopradhaan ban jaana hai। jaise sannyaasi log kehte hain na - tum samjho main bhains hoon… aisa samajhkar kothi mein baith gaya। bola main bhains hoon, kothi se nikloon kaise? ab baap kehte hain tum pavitra aatma the, ab apvitra bane ho phir baap ko yaad karte-karte tum pavitra ban jaayenge। is gyaan ko sunkar nar se naaraayan athva manushya se devta ban jaate ho। devtaaon ki bhi sovereignty hai na। tum bachche ab shreemat par bhaarat mein deity sovereignty sthaapan kar rahe ho। baap kehte hain - ab main jo tumko shreemat deta hoon yeh right hai ya shaastra ki mat right hai? judge karo। geeta hai sarva shaastra shiromni shreemad bhagvat geeta। yeh khaas likha hai। ab bhagwan kisko kaha jaae? zaroor sab kahenge - niraakaar shiv। ham aatmaayen unke bachche brother hain। woh ek baap hai। baap kehte hain tum sab aashik ho - mujh maashook ko yaad karte ho kyonki mainne hi raajayog sikhaaya tha, jisse tum practical mein nar se naaraayan bante ho। woh to kah dete ki ham satya naaraayan ki katha sunte hain। yeh koi samajhte thode hi hai ki isse ham nar se naaraayan banenge। baap tum aatmaon ko gyaan ka teesra netra dete hain, jisse aatma jaan jaati hai। shareer bigar to aatma baat kar nahin sakti। aatmaon ke rahne ke sthaan ko nirvaandhaam kaha jaata hai। tum bachchon ko ab shantidham aur sukhdhaam ko hi yaad karna hai। is duhkhadhaam ko buddhi se bhoolna hai। aatma ko ab samajh mili hai - wrong kya hai, right kya hai? karma, akarma, vikarma ka bhi raaz samjhaaya hai। baap bachchon ko hi samjhaate hain aur bachche hi jaante hain। aur manushya to baap ko hi nahin jaante। baap kehte hain yeh bhi drama bana hua hai। raavan raajya mein sabke karma vikarma hi hote hain। satayug mein karma akarma hote hain। koi poochhe vahaan bachche aadi nahin hote? bolo, usko kaha hi jaata hai viceless world, to vahaan yeh 5 vikaar kahaan se aaye। yeh to bahut simple baat hai। yeh baap baith samjhaate hain, jo right samajhte hain woh to jhat khade ho jaate hain। koi nahin bhi samajhte hain, aage chal samajh mein aa jaayega। shama par patange aate hain, chale jaate hain phir aate hain। yeh bhi shama hai, sab jalkar khatma hone hain। yeh bhi samjhaaya jaata hai - baaki shama koi hai nahin। woh to common hai। shama par patange bahut jalte hain। deepaavli par kitne chhote-chhote machchhar nikalte hain aur khatma ho jaate hain। jeena aur marna। baap bhi samjhaate hain - pichhaadi mein aakar janma le aur mar jaayen। woh to jaise machchharon misal ho gaye। baap varsa dene aaye hain to purooshaartha kar paas with honour hona chaahiye। achhe student bahut purooshaartha karte hain। yeh maala bhi paas with honours ki hi hai। jitna ho sake purooshaartha karte raho। vinaash kaale vipreet buddhi kehte hain। is par bhi tum samjha sakte ho। hamaari baap ke saath preet buddhi hai। ek baap ke sivaae ham aur koi ko yaad nahin karte। baap kehte hain deh sahit deh ke sab sambandh chhod maamekam yaad karo। bhakti maarga mein bahut yaad karte aaye ho - he duhkh harta, sukh karta...... to zaroor baap sukh dene vaala hai na। svarga ko kaha hi jaata hai sukhdhaam। baap samjhaate hain main aaya hi hoon paavan banaane। bachche jo kaam chita par baith bhasma ho gaye hain, un par aakar gyaan ki varsha karta hoon। tum bachchon ko yog sikhlaata hoon - baap ko yaad karo to vikarma vinaash honge aur tum paristaan ke maalik ban jaayenge। tum bhi jaadoogar thahre na। bachchon ko nasha rehna chaahiye - hamaari yeh sachchi-sachchi jaadoogri hai। koi-koi bahut achhe hoshiyaar jaadoogar hote hain। kya-kya cheezen nikaalte hain। yeh jaadoogri phir alaukik hai arthaat sivaae ek ke aur koi sikhla na sake। tum jaante ho ham manushya se devta ban rahe hain। yeh shiksha hai hi nai duniya ke liye। unko satayug new world kaha jaata hai। abhi tum sangamayug par ho। is purooshottam sangamayug ka kisko bhi pata nahin hai। tum kitna uttam puroosh bante ho। baap aatmaon ko hi samjhaate hain। class mein bhi tum braahmaniyaan jab baithti ho to tumhaara kaam hai pahle-pahle saavdhaan karna। bhaaiyon-bahnon apne ko aatma samajh kar baitho। ham aatma in organs dvaara sunte hain। 84 janma ka raaz bhi baap ne samjhaaya hai। kaun se manushya 84 janma lete hain? sab to nahin lenge। is par bhi koi ka khyaal nahin chalta hai। jo suna woh kah dete hain sat। hanoomaan pavan se nikla - sat। phir doosron ko bhi aisi-aisi baaten sunaate rehte hain aur sat-sat karte rehte hain।

abhi tum bachchon ko right aur wrong ko samajhne ki gyaan chakshu mili hai to right karma hi karna hai। tum samjhaate bhi ho ham behad baap se yeh varsa le rahe hain। tum sab purooshaartha karo। woh baap sabhi aatmaon ka pita hai। tum aatmaon ko baap kehte hain ab mujhe yaad karo। apne ko aatma samjho। aatma mein hi sanskaar hain। sanskaar le jaate, koi ka naam chhotepan mein bahut ho jaata hai to samjha jaata hai isne agle janma mein aise koi karma kiye hain, koi ne college aadi banaaye hain to doosre janma mein achha padhte hain। karmon ka hisaab-kitaab hai na। satayug mein vikarma ki baat hi nahin hogi। karma to zaroor karenge। raajya karenge, khaayenge parantu ulta karma nahin karenge। unko kaha hi jaata hai raamraajya। yahaan hai raavan raajya। abhi tum shreemat par raamraajya sthaapan kar rahe ho। woh hai nai duniya। puraani duniya par devtaaon ki parchhaai nahin padti hai। lakshmi ka jad chitra uthaakar rakho to parchhaai padegi, chaitanya ki nahin pad sakti। tum bachche jaante ho sabko punarjanma lena hi pade। naar ki kangani (kuen se paani nikaalne ki ek vidhi) hoti hai na, phirti rehti hai। yeh bhi tumhaara chakra phirta rehta hai। is par hi drishtaanta samjhaaye jaate hain। pavitrata to sabse achhi hai। kumaari pavitra hai isliye sab unke paanv padte hain। tum ho prajaapita brahmaakumaar-kumaariyaan। majority kumaariyon ki hai isliye gaayan hai kumaari dvaara baan marvaaye। yeh hai gyaan baan। tum prem se baith samjhaate ho। baap satguru to ek hi hai। woh sarva ka sadgati daata hai। bhagvaanuvaach - manamnaabhav। yeh bhi mantra hai na, ismen hi mehnat hai। apne ko aatma samajh baap ko yaad karo। yeh hai gupta mehnat। aatma hi tamopradhaan bani hai phir satopradhaan banna hai। baap ne samjhaaya hai - aatmaayen aur paramatma alag rahe bahukaal..... jo pahle-pahle bichhude hain, milenge bhi pahle unko। isliye baap kehte hain laadle sikeeldhe bachchon। baap jaante hain kab se bhakti shuru ki hai। aadha-aadha hai। aadhaakalpa gyaan, aadhaakalpa bhakti। din aur raat 24 ghante mein bhi 12 ghante A.em. aur 12 ghante pi.em. hota hai। kalpa bhi aadha-aadha hai। brahma ka din, brahma ki raat phir kaliyug ki aayu itni lambi kyon de dete hain? abhi tum right-wrong batla sakte ho। shaastra sab hain bhakti maarga ke। phir bhagwan aakar bhakti ka phal dete hain। bhakton ka rakshak kaha jaata hai na। aage chal tum sannyaasiyon aadi ko bahut pyaar se baith samjhaayenge। tumhaara form to woh bharenge nahin। maa-baap ka naam likhenge nahin। koi-koi bataate hain। baba jaakar poochhte the - kyon sannyaas kiya, kaaran bataao? vikaaron ka sannyaas karte hain, to ghar ka bhi sannyaas karte hain। abhi tum saari puraani duniya ka sannyaas karte ho। nai duniya ka tumko saakshaatkaar kara diya hai। woh hai viceless world। heavenly god father hai heaven sthaapan karne vaala। phoolon ka bageecha banaane vaala। kaanton ko phool banaate hain। number one kaanta hai - kaam kataari। kaam ke liye kataari kehte hain, krodh ko bhoot kahenge। devi-devtaayen double ahinsak the। nirvikaari devtaaon ke aage vikaari manushya sab maatha tekte hain। ab tum bachche jaante ho - ham yahaan aaye hain padhne ke liye। baaki un satsangon aadi mein jaana woh to common baat hai। eeshvar sarvavyaapi kah dete hain। baap kabhi sarvavyaapi hota hai kya? baap se tum bachchon ko varsa milta hai। baap aakar puraani duniya ko nai duniya svarga banaate hain। kai to narka ko narka bhi nahin maante hain। saahookaar log samajhte hain phir svarga mein kya rakha hai। hamaare paas dhan mahal vimaan aadi sab kuchh hai, hamaare liye yahi svarga hai। narka unke liye hai jo kichde mein rehte hain isliye bhaarat kitna gareeb kangaal hai phir history-repeat honi hai। tumko nasha rehna chaahiye - baap hamko phir se double sirtaaj banaate hain। past-present-future ko jaan gaye ho। satayug-treta ki kahaani baba ne bataai hai phir beech mein ham neeche girte hain। vaam maarga hai vikaari maarga। ab phir baap aaya hai। tum apne ko svadarshan chakradhaari samajhte ho। aise nahin ki chakra phiraate ho, jisse gala kat jaaye। krishna ko chakra dikhaate hain ki daityon ko maarte rehte hain, aisi baat to ho na sake। tum samajhte ho ham brahman hain svadarshan chakradhaari। hamko srishti ke aadi-madhya-ant ki knowledge hai। vahaan devtaaon ko to yeh gyaan nahin rahega। vahaan hai hi sadgati isliye unko kaha jaata hai din। raat mein hi takleeph hoti hai। bhakti mein kitne hathayog aadi karte hain - darshan ke liye। naudha bhakti vaale praan nikaalne ke liye taiyaar ho jaate hain tab saakshaatkaar hota hai। alpakaal ke liye chaahna poori hoti hai - drama anusaar। baaki eeshvar kuchh nahin karta hai। aadhaakalpa bhakti ka part chalta hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) isi roohaani nashe mein rehna hai ki baba humein double sirtaaj bana rahe hain। ham hain svadarshan chakradhaari brahman। past, present, future ka gyaan buddhi mein rakhkar chalna hai।

2) paas with honour hone ke liye baap se sachchi-sachchi preet rakhni hai। baap ko yaad karne ki gupta mehnat karni hai।

vardaan:- sarva gunon ke anubhvon dvaara baap ko pratyaksha karne vaale anubhvi moorta bhav

jo baap ke gun gaate ho un sarva gunon ke anubhvi bano, jaise baap aanand ka saagar hai to usi aanand ke saagar ki lahron mein lahraate raho। jo bhi samparka mein aaye use aandan, prem, sukh... sab gunon ki anubhooti karaao। aise sarva gunon ke anubhvi moorta bano to aap dvaara baap ki soorat pratyaksha ho kyonki aap mahaan aatmaayen hi param aatma ko apne anubhvi moorta se pratyaksha kar sakti ho।

slogan:- kaaran ko nivaaran mein parivartan kar ashubh baat ko bhi shubh karke uthaao।