Murli du jour du vendredi 27 novembre 2020

27-11-2020 praatahmurli om shanti "baapdaada"' madhuban

“meethe bachche - tum drama ke khel ko jaante ho isliye shukriya maanne ki bhi baat nahin hai''

prashn:- serviceable bachchon mein kaun-si aadat bilkul nahin honi chaahiye?

uttar:- maangane ki। tumhein baap se aasheervaad ya kripa aadi maangane ki jaroorat nahin hai। tum kisi se paisa bhi nahin maang sakte। maangane se marna bhala। tum jaante ho drama anusaar kalpa pahle jinhonne beej boya hoga woh boyenge, jinko apna bhavishya pad oonch banaana hoga woh zaroor sahayogi banenge। tumhaara kaam hai service karna। tum kisi se kuchh maang nahin sakte। bhakti mein maangana hota, gyaan mein nahin।

geet:- mujhko sahaara dene vaale…

om shanti। yeh bachchon ke andar se shukriya akshar baap-teacher-guru ke liye nahin nikal sakta kyonki bachche jaante hain yeh khel bana hua hai। shukriya aadi ki baat nahin hai। yeh bhi bachche jaante hain drama anusaar। drama akshar bhi tum bachchon ki buddhi mein aata hai। khel akshar kahne se hi saara khel tumhaari buddhi mein aa jaata hai। goya svadarshan chakradhaari tum aapehi ban jaate ho। teenon lok bhi tumhaari buddhi mein aa jaate hain। mool vatan, sookshm vatan, sthoolavtan। yeh bhi jaante ho ab khel poora hota hai। baap aakar tumko trikaaldarshi banaate hain। teenon kaalon, teenon lokon, aadi-madhya-ant ka raaz samjhaate hain। kaal samay ko kaha jaata hai। yeh sab baaten note karne bigar yaad nahin rah sakti। tum bachche to bahut points bhool jaate ho। drama ke dyooreshan ko bhi tum jaante ho। tum trinetri, trikaaldarshi bante ho, gyaan ka teesra netra mil jaata hai। sabse badi baat hai ki tum aastik ban jaate ho, nahin to nidhanke the। yeh gyaan tum bachchon ko mil raha hai। student ki buddhi mein sadaiv knowledge manthan hoti hai। yeh bhi knowledge hai na। oonch te oonch baap hi knowledge dete hain, drama anusaar। drama akshar bhi tumhaare mukh se nikal sakta hai। so bhi jo bachche service mein tatpar rehte hain। abhi tum jaante ho - ham orphan the। ab behad ka baap dhani mila hai to dhanke bane hain। pahle tum behad ke orphan the, behad ka baap behad ka sukh dene vaala hai aur koi baap nahin jo aisa sukh deta ho। nai duniya aur puraani duniya yeh sab tum bachchon ki buddhi mein hai। parantu auron ko bhi yathaartha reeti samjhaayen, is eeshvareey dhandhe mein lag jaaen। har ek ke circumstance apne-apne hote hain। samjha bhi woh sakenge jo yaad ki yaatra mein honge। yaad se bal milta hai na। baap hai hi - jauhardaar talvaar। tum bachchon ko jauhar bharna hai। yogbal se vishwa ki baadshaahi paate ho। yog se bal milta hai, gyaan se nahin। bachchon ko samjhaaya hai - knowledge source oph income hai। yog ko bal kaha jaata hai। raat-din ka farka hai। ab yog achha ya gyaan achha? yog hi naameegraami hai। yog arthaat baap ki yaad। baap kehte hain is yaad se hi tumhaare paap kat jaayenge। is par hi baap zor dete hain। gyaan to sahaj hai। bhagvaanuvaach - main tumko sahaj gyaan sunaata hoon। 84 ke chakra ka gyaan sunaata hoon। usmein sab aa jaata hai। history-geography hai na। gyaan aur yog donon hai second ka kaam। bas ham aatma hain, hamko baap ko yaad karna hai। ismen mehnat hai। yaad ki yaatra mein rahne se shareer ki jaise vismriti hoti jaati। ghanta bhar bhi aise ashareeri hokar baitho to kitne paavan ho jaaen। manushya raat ko koi 6, koi 8 ghanta neend karte hain to ashareeri ho jaate hain na। us samay mein koi vikarma nahin hota hai। aatma thak kar so jaati hai। aise bhi nahin koi paap vinaash hote hain। nahin, woh hai neend। vikarma koi hota nahin hai। neend na kare to paap hi karte rahenge। to neend bhi ek bachaav hai। saara din service kar aatma kehti hai main ab sota hoon, ashareeri ban jaata hoon। tumko shareer hote ashareeri banna hai। ham aatma is shareer se nyaari, shant swaroop hain। aatma ki mahima kabhi nahin suni hogi। aatma sat chit aananda swaroop hai। paramatma ki mahima gaate hain ki sat hai, chaitanya hai। sukh-shanti ka saagar hai। ab tumko phir kahenge master, bachche ko master bhi kehte hain। to baap yuktiyaan bhi batlaate rehte hain। aise bhi nahin saara din neend karni hai। nahin, tumko to yaad mein rah paapon ka vinaash karna hai। jitna ho sake baap ko yaad karna hai। aise bhi nahin baap hamaare oopar raham va kripa karte hain। nahin, yeh unka gaayan hai - merciful baadshaah। yeh bhi unka part hai, tamopradhaan se satopradhaan banaana। bhakta log mahima gaate hain - tumhein sirf mahima nahin gaani hai। yeh geet aadi bhi dinapra-tidin band hote jaate hain। school mein kabhi geet hote hain kya? bachche shanti mein baithe rehte hain। teacher aata hai to uthkar khade hote hain, phir baithte hain। yeh baap kehte hain mujhe to part mila hua hai padhaane ka, so to padhaana hi hai। tum bachchon ko uthne ki darkaar nahin। aatma ko baith sunna hai। tumhaari baat hi saari duniya se nyaari hai। bachchon ko kahenge kya tum utho। nahin, woh to bhakti maarga mein karte, yahaan nahin। baap to khud uthkar namaste karte hain। school mein agar bachche deri se aate hain to teacher ya to rule lagaayenge ya baahar mein khada kar denge isliye dar rehta hai time par pahunchne ka। yahaan to dar ki baat nahin। baap samjhaate rehte hain - murliyaan milti rehti hain। woh regular padhni hai। murli padho to tumhaari present mark pade। nahin to absent pad jaayegi kyonki baap kehte hain tumko guhya-guhya baaten sunaata hoon। tum agar murli miss karenge to woh points miss ho jaayengi। yeh hain nai baaten, jo duniya mein koi nahin jaante। tumhaare chitra dekhkar hi chakrit ho jaate hain। koi shaastron mein bhi nahin hai। bhagwan ne chitra banaaye the। tumhaari yeh chitrashaala hai nai। brahman kul ke jo devta banne vaale honge unki buddhi mein hi baithega। kahenge yeh to theek hai। kalpa pahle bhi hamne padha tha, zaroor bhagwan padhaate hain।

bhakti maarga ke shaastron mein pahle number mein geeta hi hai kyonki pahla dharma hi yeh hai। phir aadhaakalpa ke baad uske bhi bahut peechhe doosre shaastra bante hain। pahle ibraaham aaya to akela tha। phir ek se do, do se chaar hue। jab dharma ki vriddhi hote-hote laakh dedh ho jaate to shaastra aadi bante hain। unke bhi aadha samay baad hi bante honge, hisaab kiya jaata hai na। bachchon ko to bahut khushi honi chaahiye। baap se hamko varsa milta hai। tum jaante ho baap hamko saara gyaan srishti chakra ka samjhaate hain। yeh hai behad ki history-geography। sabko bolo yahaan world ki history-geography samjhaai jaati hai jo aur koi sikhla na sake। bhal world ka naksha nikaalte hain। parantu usmein yeh kahaan dikhlaate ki lakshmi-naaraayan ka raajya kab tha, kitna samay chala। world to ek hi hai। bhaarat mein hi raajya karke gaye hain, ab nahin hain। yeh baaten kiski bhi buddhi mein nahin hain। woh to kalpa ki aayu hi lambi laakhon varsha kah dete। tum meethe-meethe bachchon ko koi jaasti takleeph nahin dete। baap kehte hain paavan banna hai। paavan banne ke liye tum bhakti maarga mein kitne dhakke khaate ho। ab samajhte ho dhakke khaate-khaate 2500 varsha gujar gaye। ab phir baba aaya hai phir se raajya-bhaagya dene। tumko yahi yaad hai। puraani se nayi aur nayi se puraani duniya zaroor hoti hai। abhi tum puraane bhaarat ke maalik ho na। phir naye ke maalik banenge। ek taraph bhaarat ki bahut mahima gaate rehte, doosre taraph phir bahut glaani karte rehte। woh bhi tumhaare paas geet hai। tum samjhaate ho - ab kya-kya ho raha hai। yeh donon geet bhi sunaane chaahiye। tum bata sakte ho - kahaan raamraajya, kahaan yeh!

baap hai gareeb nivaaz। gareebon ki hi bachchiyaan milengi। saahookaaron ko to apna nasha rehta hai। kalpa pahle jo aaye honge vahi aayenge। phikraat ki koi baat nahin। shivbaaba ko kabhi koi phikraat nahin hoti, daada ko hogi। inko apna bhi phikar hai, hamko number one paavan banna hai। ismen hai gupta purooshaartha। chart rakhne se samajh mein aata hai, inka purooshaartha jaasti hai। baap hamesha samjhaate rehte hain diary rakho। bahut bachche likhte bhi hain, chart likhne se sudhaar bahut hua hai। yeh yukti bahut achhi hai, to sabko karna chaahiye। diary rakhne se tumko bahut phaayda hoga। diary rakhna maana baap ko yaad karna। usmein baap ki yaad likhni hai। diary bhi madadgaar banegi, purooshaartha hoga। diary kitni laakhon, karodon banti hain, note aadi karne liye। sabse mukhya baat to yeh hai note karne ki। yeh kabhi bhoolna nahin chaahiye। usi samay diary mein likhna chaahiye। raat ko hisaab-kitaab likhna chaahiye। phir maaloom padega yeh to hamko ghaata pad raha hai kyonki janma-janmaantar ke vikarma bhasma karne hain।

baap raasta bataate hain - apne oopar raham va kripa karni hai। teacher to padhaate hain, aasheervaad to nahin karenge। aasheervaad, kripa, raham aadi maangane se marna bhala। koi se paisa bhi nahin maangana chaahiye। bachchon ko sakhta mana hai। baap kehte hain drama anusaar jinhonne kalpa pahle beej boya hai, varsa paaya hai woh aapehi karenge। tum koi kaam ke liye maango nahin। nahin karega to nahin paayega। manushya daan-punya karte hain to return mein milta hai na। raaja ke ghar va saahookaar ke paas janma hota hai। jinko karna hoga woh aapehi karenge, tumko maangana nahin hai। kalpa pahle jinhonne jitna kiya hai, drama unse karaayega। maangane ki kya darkaar hai। baba to kehte rehte hain hundi bharti rehti hai, service ke liye। ham bachchon ko thode hi kahenge paisa do। bhakti maarga ki baat gyaan maarga mein nahin hoti। jinhonne kalpa pahle madad ki hai, woh karte rahenge, aapehi kabhi maangana nahin hai। baba kehte bachche chandaacheera tum ikattha nahin kar sakte। yeh to sannyaasi log karte hain। bhakti maarga mein thoda bhi dete hain, uska return mein ek janma liye milta hai। yeh phir hai janma-janmaantar ke liye। to janma-janmaantar ke liye sab kuchh de dena achha hai na। inka to naam bhola bhandaari hai। tum purooshaartha karo to vijay maala mein piroye ja sakte ho, bhandaara bharpoor kaal kantak door hai। vahaan kabhi akaale mrityu nahin hoti। yahaan manushya kaal se kitna darte hain। thoda kuchh hota hai to maut yaad aa jaata। vahaan yeh khyaal hi nahin, tum amarpuri mein chalte ho। yeh chhi-chhi mrityulok hai। bhaarat hi amarlok tha, ab mrityulok hai।

tumhaara aadhaakalpa bahut chhi-chhi paas hua hai। neeche girte aaye ho। jagannaath puri mein bahut gande-gande chitra hain। baba to anubhvi hai na। chaaron taraph ghooma hua hai। gore se saanvara bana hai। gaanv mein rahne vaala tha। vaastav mein yeh saara bhaarat gaanv hai। tum gaanv ke chhore ho। ab tum samajhte ho ham vishwa ke maalik bante hain। aise mat samajhna ham to baambe mein rahne vaale hain। baambe bhi svarga ke aage kya hai! kuchh bhi nahin। ek patthar bhi nahin। ham gaanv ke chhore nidhanke ban gaye hain ab phir ham svarga ke maalik ban rahe hain to khushi rahni chaahiye। naam hi hai svarga। kitne heere-javaahraat mahlon mein lage rehte hain। somnaath ka mandir hi kitna heere-javaahraaton se bhara hua tha। pahle-pahle shiv ka mandir hi banaate hain। kitna saahookaar tha। abhi to bhaarat gaanv hai। satayug mein bahut maalaamaal tha। yeh baaten duniya mein tumhaare sivaae koi bhi nahin jaante। tum kahenge kal ham baadshaah the, aaj phakeer hain। phir vishwa ke maalik bante hain। tum bachchon ko apne bhaagya par shukriya maanna chaahiye। ham padmaapdam bhaagyashaali hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vikarmon se bachne ke liye is shareer mein rehte ashareeri banne ka purushaartha karna hai। yaad ki yaatra aisi ho jo shareer ki vismriti hoti jaae।

2) gyaan ka manthan kar aastik banna hai। murli kabhi bhi miss nahin karni hai। apni unnati ke liye diary mein yaad ka chart note karna hai।

vardaan:- knowledge roopi chaabi dvaara bhaagya ka akhut khajaana praapta karne vaale maalaamaal bhav

sangamayug par sabhi bachchon ko bhaagya banaane ke liye knowledge roopi chaabi milti hai। ye chaabi lagaao aur jitna chaahe utna bhaagya ka khajaana lo। chaabi mili aur maalaamaal ban gaye। jo jitna maalaamaal bante hain utna khushi svatah rehti hai। aise anubhav hota hai jaise khushi ka jharna akhut avinaashi bahta hi rehta hai। ve sarva khajaanon se bharpoor maalaamaal dikhaai dete hain। unke paas kisi bhi prakaar ki apraapti nahin rehti।

slogan:- baap se connection theek rakho to sarva shaktiyon ki current aati rahegi।