Murli du jour du samedi 28 novembre 2020

28-11-2020 praatahmurli om shanti "baapdaada"' madhuban

“meethe bachche - tum dil se baba-baba kaho to khushi mein romaanch khade ho jaayenge, khushi mein raho to maayaajeet ban jaayenge''

prashn:- bachchon ko kis ek baat mein mehnat lagti hai lekin khushi aur yaad ka vahi aadhaar hai?

uttar:- aatma-abhimaani banne mein hi mehnat lagti hai lekin isi se khushi ka paara chadhta hai, meetha baba yaad aata hai। maaya tumhein deh-abhimaan mein laati rahegi, roostam se roostam hokar ladegi, ismen moonjhana nahin। baba kehte bachche maaya ke toofaanon se daro mat, sirf karmendriyon se koi vikarma nahin karo।

om shanti। roohaani baap roohaani bachchon ko samjha rahe hain va shiksha de rahe hain, padha rahe hain। bachche jaante hain padhaane vaala baap sadaiv dehi-abhimaani hai। woh hai hi niraakaar, deh leta hi nahin hai। punarjanma mein nahin aate hain। baap samjhaate hain tum bachchon ko mere samaan apne ko aatma samajhna hai। main hoon parampita। parampita ko deh hoti nahin। unko dehi-abhimaani bhi nahin kahenge। woh to hai hi niraakaar। baap kehte hain mujhe apni deh nahin hain। tumko to deh milti aai hai। ab mere samaan deh se nyaara ho apne ko aatma samjho। agar vishwa ka maalik banna hai to aur koi difficult baat hai nahin। baap kehte hain deh-abhimaan ko chhod mere samaan bano। sadaiv buddhi mein yaad rahe ham aatma hain, hamko baba padha rahe hain। baap to niraakaar hai, parantu hamko padhaaye kaise? isliye baba is tan se aakar padhaate hain। gau mukh dikhaate hain na। ab gau ke mukh se to ganga nahin nikal sakti। maata ko bhi gau maata kaha jaata hai। tum sab gau ho। yeh (brahma) to gau nahin hai। mukh dvaara gyaan milta hai। baap ki gau to nahin hai na - bail par bhi savaari dikhaate hain। woh to shiv-shankar ek kah dete hain। tum bachche abhi samajhte ho shiv-shankar ek nahin hai। shiv to hai oonch te oonch phir brahma-vishnu-shankar। brahma hai sookshmavtanvaasi। tum bachchon ko vichaar saagar manthan kar point nikaal samjhaana padta hai, aur nidar bhi banna hai। tum bachchon ko hi khushi hai। tum kahenge ham eeshvar ke student hain, hamko baba padhaate hain। bhagvaanuvaach bhi hai-he bachche, main tumko raajaaon ka raaja banaane ke liye padhaata hoon। bhal kahaan bhi jaate ho, centres par jaate ho, buddhi mein hai ki baba hamko padhaate hain। jo abhi ham centres par sunte hain, baba murli chalaate hain। baba, baba karte raho। yeh bhi tumhaari yaatra hui। yog akshar shobhta nahin। manushya amarnaath, badreenaath yaatra karne paidal jaate hain। abhi tum bachchon ko to jaana hai apne ghar। tum jaante ho ab yeh behad ka naatak poora hota hai। baba aaya hua hai, hamko laayak banaakar le jaane ke liye। tum khud kehte ho ham patit hain। patit thode hi mukti ko paayenge। baap kehte hain-he aatmaon, tum patit bane ho। woh shareer ko patit samajh ganga mein snaan karne jaate hain। aatma ko to woh nirlep samajh lete hain। baap samjhaate hain - mool baat hai hi aatma ki। kehte bhi hain paap aatma, punya aatma। yeh akshar achhi reeti yaad karo। samajhna aur samjhaana hai। tumko hi bhaashan aadi karna hai। baap to gaanv-gaanv mein, gali-gali mein nahin jaayenge। tum ghar-ghar mein yeh chitra rakh do। 84 ka chakra kaise phirta hai। seedhi mein bada clear hai। ab baap kehte hain - satopradhaan bano। apne ghar jaana hai, pavitra banne bigar to ghar jaayenge nahin। yahi phurna laga rahe। bahut bachche likhte hain, baba hamko bahut toofaan aate hain। mansa mein bahut kharaab khyaalaat aate hain। aage nahin aate the।

baap kehte hain tum yeh khyaal nahin karo। aage koi tum yuddha ke maidaan mein thode hi the। abhi tumko baap ki yaad mein rah maaya par jeet paani hai। yeh ghadi-ghadi yaad karte raho। gaanth baandh lo। jaise maataayen gaanth baandh leti hain, puroosh log phir note book mein likhte hain। tumhaara to yeh badge achhi nishaani hai। ham prince bante hain, yeh hai hi beggar tu prince banne ki godly university। tum prince the na। shreekrishna world ka prince tha। jaise England ka bhi prince oph Wales kaha jaata hai। woh hain had ki baaten, raadhe-krishna to bahut naameegraami hai। svarga ke prince-princess the na isliye unhon ko sabhi pyaar karte hain। shreekrishna ko to bahut pyaar karte hain। karna to donon ko chaahiye। pahle to raadhe ko karna chaahiye। parantu bachche par jaasti pyaar rehta hai kyonki woh vaaris banta hai। stri ka bhi pati par pyaar rehta hai। pati ke liye hi kehte hain yeh tumhaara guru eeshvar hai। stri ke liye aise nahin kahenge। satayug mein to maataaon ki mahima hai। pahle lakshmi phir naaraayan। amba ka kitna regard rakhte hain। brahma ki beti hai। brahma ka itna nahin hai, brahma ka mandir ajmer mein hain। jahaan mele aadi lagte hain। amba ke mandir mein bhi mela lagta hai। vaastav mein yeh sab mele maila banaane ke liye hi hain। tumhaara yeh mela hai svachchha banne ka। svachchha banne ke liye tumko svachchha baap ko yaad karna hai। paani se koi paap naash nahin hote hain। geeta mein bhi bhagvaanuvaach hai manamnaabhav। aadi aur ant mein yeh akshar hain। tum bachche jaante ho hamne hi pahle-pahle bhakti shuru ki hai। satopradhaan bhakti phir sato-rajo-tamo bhakti hoti hai। abhi to dekho mitti patthar aadi sabki karte hain। yeh sab hai andhashraddha। is samay tum sangam par baithe ho। yeh ulta jhaad hai na। oopar mein hai beej। baap kehte hain is manushya srishti ka beej rachta main hoon। abhi nai duniya ki sthaapna kar rahe hain। sapling lagaate hain na। jhaad ke puraane patte jhad jaate hain। naye-naye patte nikalte hain। abhi baap devi-devta dharma ki sthaapna kar rahe hain। bahut patte hain jo mix ho gaye hain। apne ko hindu kahlaate hain। vaastav mein hindu hain hi aadi sanaatan devi-devta dharma vaale। hindustaan ka vaastav mein naam hi hai bhaarat, jahaan devtaayen rehte the। aur kisi desh ka naam nahin badalta, inka naam badal diya hai। hindustaan kah dete hain। bauddhi log aise nahin kahenge ki hamaara dharma jaapaani va cheeni hai। woh to apne dharma ko bauddhi hi kahenge। tumhaare mein koi bhi apne ko aadi sanaatan devi-devta dharma ka nahin kehte hain। agar koi kahe bhi to bolo woh dharma kab aur kisne sthaapan kiya? kuchh bhi bata nahin sakenge। kalpa ki aayu hi lambi-chaudi kar di hai, isko kaha jaata hai agyaan andhera। ek to apne dharma ka pata nahin, doosra lakshmi-naaraayan ke raajya ko bada door le gaye hain isliye ghor andhiyaara kaha jaata hai। gyaan aur agyaan mein kitna pharka hai। gyaan saagar hai hi ek shivbaaba। unse jaise ek lota dete hain। sirf kisko yeh sunaao ki shivbaaba ko yaad karo to vikarma vinaash honge। yeh jaise chullu paani hua na। koi to snaan karte hain, koi ghada bhar le jaate hain। koi chhoti-chhoti loti le jaate hain। roz ek-ek boond matke mein daal usko gyaan jal samajh peete hain। vilaayat mein bhi vaishnav log ganga jal ke ghade bharkar le jaate hain। phir mangaate rehte hain। ab yeh to saara paani pahaadon se hi aata hai। oopar se bhi paani giraate hain। aajkal dekho makaan bhi kitne oonche 100 manzil tak ke banaate hain। satayug mein to aise nahin hoga। vahaan to tumko jameen itni milti hai baat mat poochho। yahaan rahne ke liye jameen nahin hai, tab itne manzil banaate hain। vahaan anaaj bhi athaah paida hota hai। jaise America mein bahut anaaj hota hai to jala dete hain। yeh hai mrityulok। woh hai amarlok। aadhaakalpa vahaan tum sukh mein rehte ho। kaal andar ghus na sake। is par ek katha bhi hai। yeh hai behad ki baat। behad ki baaton se phir had ki kathaayen baith banaai hain। granth pahle kitna chhota tha। ab to kitna bada kar diya hai। shivbaaba kitna chhota hai, unki bhi kitni badi pratima bana di hai। buddha ke chitra, paandavon ke chitra bade-bade lambe banaaye hain। aise to koi hote nahin। tum bachchon ko to yeh em object ka chitra ghar-ghar mein rakhna chaahiye। ham padhkar yeh ban rahe hain। phir rona thode hi chaahiye। jo rote hain woh khote hain। deh-abhimaan mein aa jaate hain। tum bachchon ko aatma-abhimaani banna hai, ismen hi mehnat lagti hai। aatma-abhimaani banne se hi khushi ka paara chadhta hai। meetha baba yaad aata hai। baba se ham svarga ka varsa le rahe hain। baba hamko is bhaagyashaali rath mein aakar padhaate hain। raat-din baba-baba yaad karte raho। tum aadhaakalpa ke aashik ho। bhakta bhagwan ko yaad karte hain। bhakta hain anek। gyaan mein sab ek baap ko yaad karte hain। vahi sabka baap hai। gyaan saagar baap hamko padhaate hain, tum bachchon ke to romaanch khade ho jaane chaahiye। toofaan to maaya ke aayenge hi। baba kehte hain - sabse jaasti toofaan to mujhe aate hain kyonki sabse aage main hoon। hamaare paas aate hain tab to main samajhta hoon - bachchon ke paas kitne aate honge। moonjhate honge। anek prakaar ke toofaan aate hain jo agyaan kaal mein bhi kabhi nahin aate honge, woh bhi aate hain। pahle mujhe aane chaahiye, nahin to main bachchon ko samjhaaoonga kaise। yeh hai front mein। roostam hai to maaya bhi roostam se roostam hokar ladti hai। mallayuddha mein sab ek jaise nahin hote hain। first, second, third grade hoti hai। baba ke paas sabse jaasti toofaan aate hain, isliye baba kehte hain in toofaanon se daro mat। sirf karmendriyon se koi vikarma nahin karo। kai kehte hain - gyaan mein aaye hain to yeh kyon hota hai, isse to gyaan nahin lete to achha tha। sankalp hi nahin aate। are yeh to yuddha hai na। stri ke saamne hote bhi pavitra drishti rahe, samajhna hai shivbaaba ke bachche ham bhaai-bhaai hain phir prajaapita brahma ki santaan hone se bhaai-behen ho gaye। phir vikaar kahaan se aaya। brahman hain oonch choti। jo hi phir devta bante hain to ham behen-bhaai hain। ek baap ke bachche kumaar-kumaari। agar donon kumaar-kumaari hokar nahin rehte to phir jhagda hota hai। ablaaon par atyaachaar hote hain। puroosh bhi likhte hain hamaari stri to jaise pootna hai। badi mehnat hai। javaanon ko to bahut mehnat hoti hai। aur jo gandharvi vivaah kar ikatthe rehte, kamaal hai unhon ki। unhon ka bahut oonch pad ho sakta hai। parantu jab aisi avastha dhaaran karen। gyaan mein teekhe ho jaaen। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) maaya ke toofaanon se darna va moonjhana nahin hain। sirf dhyaan rakhna hai karmendriyon se koi vikarma na ho। gyaan saagar baba hamko padhaate hain - isi khushi mein rehna hai।

2) satopradhaan banne ke liye aatma abhimaani banne ki mehnat karni hai, gyaan ka vichaar saagar manthan karna hai, yaad ki yaatra mein rehna hai।

vardaan:- shreshtha purooshaartha dvaara final result mein first number lene vaale udta panchhi bhav

final result mein first number lene ke liye :-1- dil ke avinaashi vairaagya dvaara beeti hui baaton ko, sanskaar roopi beej ko jala do। 2-amritvele se raat tak eeshvareey niymon aur maryaadaaon ka sada paalan karne ka vrat lo aur 3-mansa dvaara, vaani dvaara ya sambandh samparka dvaara nirantar mahaadaani ban, punya aatma ban daan punya karte raho। jab aisa shreshtha high jump dene vaala purooshaartha ho tab udta panchhi ban final result mein number one ban sakenge।

slogan:- vritti dvaara vaayumandal ko powerful banaana yahi last ka purooshaartha va service hai।