Murli du jour du mardi 8 décembre 2020

08-12-2020 praatahmurli om shanti "baapdaada"' madhuban

“meethe bachche - baap jo hai, jaisa hai, use yathaartha pahchaan kar yaad karo, iske liye apni buddhi ko vishaal banaao''

prashn:- baap ko gareeb-nivaaz kyon kaha gaya hai?

uttar:- kyonki is samay jab saari duniya gareeb arthaat duhkhi ban gai hai tab baap aaye hain sabko duhkh se chhudaane। baaki kis par taras khaakar kapde de dena, paisa de dena woh koi kamaal ki baat nahin। isse woh koi saahookaar nahin ban jaate। aise nahin main koi in bheelon ko paisa dekar gareeb-nivaaz kahlaaoonga। main to gareeb arthaat patiton ko, jinmen gyaan nahin hai, unhein gyaan dekar paavan banaata hoon।

geet:- yahi bahaar hai duniya ko bhool jaane ki…

om shanti। meethe-meethe bachchon ne geet suna। bachche jaante hain geet to duniyaavi manushyon ne gaaya hai। akshar bade achhe hain, is puraani duniya ko bhulaana hai। aage aise nahin samajhte the। kaliyugi manushyon ko bhi samajh mein nahin aata hai ki nai duniya mein jaana hoga to zaroor puraani duniya ko bhoolna hoga। bhal itna samajhte hain puraani duniya ko chhodna hai parantu woh samajhte hain ajun bahut samay pada hai। nai so puraani hogi, yeh to samajhte hain parantu lamba time daalne se bhool gaye hain। tumko ab smriti dilaai jaati hai, abhi nai duniya sthaapan hoti hai isliye puraani duniya ko bhoolna hai। bhool jaane se kya hoga? ham yeh shareer chhod nai duniya mein jaayenge। parantu agyaan kaal mein aisi-aisi baaton ke arth par kiska dhyaan nahin jaata। jis prakaar baap samjhaate hain, aise koi bhi samjhaane vaala nahin hai। tum inke arth ko samajh sakte ho। yeh bhi bachche jaante hain - baap hai bahut saadhaaran। ananya, achhe-achhe bachche bhi poora samajhte nahin hain। bhool jaate hain ki inmen shivbaaba aate hain। koi bhi direction dete hain to samajhte nahin ki yeh shiv-baba ka direction hai। shivbaaba ko saara din jaise bhoole hue hain। poora na samajhne kaaran woh kaam nahin karte। maaya yaad karne nahin deti। sthaai woh yaad thaharti nahin। mehnat karte-karte pichhaadi mein aakhir woh avastha honi zaroor hai। aisa koi bhi nahin jo is samay karmaateet avastha ko pa le। baap jo hai, jaisa hai unko jaanne mein badi buddhi chaahiye।

tumse poochhenge baapdaada garam kapde pahante hain? kahenge donon ko pade hue hain। shivbaaba kahenge main thode hi garam kapde pahnoonga। mujhe thandi nahin lagti। haan, jismen pravesh kiya hai unko thandi lagegi। mujhe to na bhookh, na pyaas kuchh nahin lagta। main to nirlep hoon। service karte hue bhi in sab baaton se nyaara hoon। main khaata, peeta nahin hoon। jaise ek saadhu bhi kehta tha na, main na khaata hoon, na peeta hoon.... unhonne phir artificial vesh dhaaran kar liya hai। devtaaon ke naam bhi to bahuton ne rakhe hain। aur koi dharma mein devi-devta bante nahin hain। yahaan kitne mandir hain। baahar mein to ek shiv-baba ko hi maante hain। buddhi bhi kehti hai father to ek hota hai। father se hi varsa milta hai। tum bachchon ki buddhi mein hai - kalpa ke is purushottam sangamayug par hi baba se varsa milta hai। jab ham sukhdhaam mein jaate hain to baaki sab shantidham mein rehte hain। tumhaare mein bhi yeh samajh nambarvaar hai। agar gyaan ke vichaaron mein rehte hain to unhon ke bol hi woh niklenge। tum roop-basanta ban rahe ho - baba dvaara। tum roop bhi ho aur basanta bhi ho। duniya mein aur koi kah na sake ki ham roop-basanta hain। tum abhi padh rahe ho, pichhaadi tak nambarvaar purushaartha anusaar padh lenge। shiv-baba ham aatmaon ka baap hai na। yeh bhi dil se lagta to hai na। bhakti maarga mein thode hi dil se lagta hai। yahaan tum sammukh baithe ho। samajhte ho baap phir is samay hi aayenge phir koi aur samay baap ko aane ki darkaar hi nahin। satayug se treta tak aana nahin hai। dvaapar se kaliyug tak bhi aane ka nahin hai। woh aate hi hain kalpa ke sangamayug par। baap hai bhi gareeb nivaaz arthaat saari duniya jo duhkhi gareeb ho jaati hai unka baap hai। inki dil mein kya hoga? ham gareeb nivaaz hain। sabka duhkh athva gareebi mit jaae। vo to sivaae gyaan se kam ho na sake। baaki kapda aadi dene se koi saahookaar to nahin ban jaayenge na। karke gareeb ko dekhne se dil hogi inko kapda de den, kyonki yaad padta hai na - main gareeb nivaaz hoon। saath-saath yeh bhi samajhta hoon - main gareeb nivaaz koi in bheelon ke liye hi nahin hoon। main gareeb nivaaz hoon jo bilkul hi patit hain unhon ko paavan banaata hoon। main hoon hi patit-paavan। to vichaar chalta hai, main gareeb nivaaz hoon parantu paise aadi kaise doon। paise aadi dene vaale to duniya mein bahut hain। bahut funds nikaalte hain, jo phir anaath aashram mein bhej dete hain। jaante hain anaath rehte hain arthaat jisko naath nahin। anaath maana gareeb। tumhaara bhi naath nahin tha arthaat baap nahin tha। tum gareeb the, gyaan nahin tha। jo roop-basanta nahin, woh gareeb anaath hain। jo roop basanta hain unko sanaath kaha jaata hai। sanaath saahookaar ko, anaath gareeb ko kaha jaata hai। tumhaari buddhi mein hai sab gareeb hain, kuchh unhon ko de deven। baap gareeb-nivaaz hai to kahenge aisi cheezen deven jisse sada ke liye saahookaar ban jaayen। baaki yeh kapda aadi dena to common baat hai। unmein ham kyon paden। ham to unko anaath se sanaath bana deven। bhal kitna bhi koi padmapti hai, parantu woh bhi sab alpa-kaal ke liye hai। yeh hai hi anaathon ki duniya। bhal paise vaale hain, woh bhi alpakaal ke liye। vahaan hain sadaiv sanaath। vahaan aise karma nahin kootte। yahaan kitne gareeb hain। jinko dhan hai, unhon ko to apna nasha chadha rehta hai - ham svarga mein hain। parantu hain nahin, yeh tum jaante ho। is samay koi bhi manushya sanaath nahin hain, sab anaath hain। yeh paise aadi to sab mitti mein mil jaane vaale hain। manushya samajhte hain hamaare paas itna dhan hai jo putra-potre khaate rahenge। parampara chalta rahega। parantu aise chalna nahin hai। yeh to sab vinaash ho jaayega isliye tumko is saari puraani duniya se vairaagya hai।

tum jaante ho nai duniya ko svarga, puraani duniya ko narka kaha jaata hai। hamko baba nai duniya ke liye saahookaar bana rahe hain। yeh puraani duniya to khatma ho jaani hai। baap kitna saahookaar banaate hain। yeh lakshmi-naaraayan saahookaar kaise banen? kya koi saahookaar se varsa mila va ladaai ki? jaise doosre raajgaddi paate hain, kya aise raajgaddi paai? va karmon anusaar yeh dhan mila? baap ka karma sikhlaana to bilkul hi nyaara hai। karma-akarma-vikarma akshar bhi clear hai na। shaastron mein kuchh akshar hain, aate mein namak jitne rah jaate hain। kahaan itne karod manushya, baaki 9 laakh rehte hain। quarter percent bhi nahin hua। to isko kaha jaata hai aate mein namak। duniya saari vinaash ho jaati hai। bahut thode sangamayug mein rehte hain। koi pahle se shareer chhod jaate hain। woh phir receive karenge। jaise mugli bachchi thi, achhi thi to janma bilkul achhe ghar mein liya hoga। nambarvaar sukh mein hi janma lete hain। sukh to unko dekhna hai, thoda duhkh bhi dekhna hai। karmaateet avastha to kiski hui nahin hai। janma bade sukhi ghar mein jaakar lenge। aise mat samjho yahaan koi sukhi ghar hain nahin। bahut parivaar aise achhe hote hain, baat mat poochho। baba ka dekha hua hai। bahuen ek hi ghar mein aise shant milaap mein rehti hain jo bas, sabhi saath mein bhakti karti hain, geeta padhti hain....। baba ne poochha itni sab ikatthi rehti hain, jhagda aadi nahin hota! bola hamaare paas to svarga hai, ham sabhi ikatthe rehte hain। kabhi ladte-jhagadte nahin hain, shant mein rehte hain। kehte hain yahaan to jaise svarga hai to zaroor svarga past ho gaya hai tab kahne mein aata hai na ki yahaan to jaise svarga laga pada hai। parantu yahaan to bahuton ka svabhaav svargavaasi banne ka dikhaai nahin deta। daas-daasiyaan bhi to banne hain na। yeh raajdhaani sthaapan hoti hai। baaki jo brahman bante hain woh daivi gharaane mein aane vaale hain। parantu nambarvaar hain। koi to bahut meethe hote hain, sabko pyaar karte rahenge। kabhi kisko gussa nahin karenge। gussa karne se duhkh hota hai। jo mansa-vaacha-karmana kisko duhkh hi dete rehte hain - unko kaha jaata hai duhkhi aatma। jaise punya aatma, paap aatma kehte hain na। shareer ka naam lete hain kya? vaastav mein aatma hi banti hai, sab paap aatmaayen bhi ek jaisi nahin hoti hain। punya aatma bhi sab ek jaisi nahin hoti। nambarvaar purushaartha anusaar hote hain। student khud samajhte honge na ki hamaare characters, avastha kaisi hai? ham kaise chalte hain? sabko meetha bolte hain? koi kuchh kahe ham ulta-sulta javaab to nahin dete hain? baba ko kai bachche kehte hain - bachchon par gussa aa jaata hai। baba kehte hain jitna ho sake pyaar se kaam lo। nirmohi bhi banna chaahiye।

yeh to tum bachche samajhte ho - hamko yeh lakshmi-naaraayan banna hai। em object saamne khadi hai। kitni oonch em object hai। padhaane vaala bhi highest hai na। shreekrishna ki mahima kitni gaate hain - sarvagun sampanna, 16kala sampanna..... ab tum bachche jaante ho ham woh ban rahe hain। tum yahaan aaye hi ho yeh banne ke liye। tumhaari yeh sachchi satya naaraayan ki katha hai hi nar se naaraayan banne ki। amraktha hai amarpuri jaane ki। koi sannyaasi aadi in baaton ko nahin jaante। koi bhi manushya maatra ko gyaan ka saagar va patit-paavan nahin kahenge। jabki saari srishti hi patit hai to ham patit-paavan kisko kahen? yahaan koi punya aatma ho na sake। baap samjhaate hain - yeh duniya patit hai। shreekrishna hai avval number। unko bhi bhagwan nahin kah sakte। janma-maran rahit ek hi niraakaar baap hai। gaaya jaata hai shiv parmaatmaae namah, brahma-vishnu-shankar ko devta kah phir shiv ko paramatma kehte hain। to shiv sabse oopar hua na। woh hai sabka baap। varsa bhi baap se milna hai, sarvavyaapi kahne se varsa nahin milta hai। baap svarga ki sthaapna karne vaala hai to zaroor svarga ka hi varsa denge। yeh lakshmi-naaraayan hain number one। padhaai se yeh pad paaya। bhaarat ka praacheen yog kyon nahin mashhoor hoga। jisse manushya vishwa ka maalik bante hain usko kehte hain sahaj yog, sahaj gyaan। hai bhi bahut sahaj, ek hi janma ke purushaartha se kitni praapti ho jaati hai। bhakti maarga mein to janma by janma thokren khaate aaye, milta to kuchh bhi nahin। yeh to ek hi janma mein milta hai isliye sahaj kaha jaata hai। second mein jeevanmukti kaha jaata hai। aajkal to dekho kaise-kaise invention nikaalte rehte hain। science ka bhi wonder hai। silence ka bhi wonder dekho kaisa hai? woh sab kitna dekhne mein aata hai। yahaan kuchh nahin hai। tum shanti mein baithe ho, naukri aadi bhi karte ho, hath kaar de...aur aatma ki dil yaar taraph, aashik maashook bhi gaaye hue hain na। woh ek do ki shakla par aashik hote hain, vikaar ki baat nahin rehti। kahaan bhi baithe yaad aa jaayenge। roti khaate rahenge bas saamne unko dekhte rahenge। ant mein tumhaari yeh avastha ho jaayegi। bas baap ko hi yaad karte rahenge। achha।

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saarah

1) roop-basanta ban mukh se sada sukhdaai bol bolne hain, duhkhadaai nahin banna hai। gyaan ke vichaaron mein rehna hai, mukh se gyaan ratna hi nikaalne hain।

2) nirmohi banna hai, har ek se pyaar se kaam lena hai, gussa nahin karna hai। anaath ko sanaath banaane ki seva karni hai।

vardaan:- apvitrata ke naam nishaan ko bhi samaapta kar his holiness ka title praapta karne vaale holeehans bhav

jaise hans kabhi bhi kankad nahin chugte, ratna dhaaran karte hain। aise holeehans kisi ke avgun arthaat kankad ko dhaaran nahin karte। ve vyartha aur samartha ko alag kar vyartha ko chhod dete hain, samartha ko apna lete hain। aise holeehans hi pavitra shuddh aatmaayen hain, unka aahaar, vyavhaar sab shuddh hota hai। jab ashuddhi arthaat apvitrata ka naam nishaan bhi samaapta ho jaae tab bhavishya mein his holiness ka title praapta ho isliye kabhi galti se bhi kisi ke avgun dhaaran nahin karna।

slogan:- sarvansh tyaagi woh hai jo puraane svabhaav sanskaar ke vansh ka bhi tyaag karta hai।