Murli du jour du mercredi 9 décembre 2020

09-12-2020 praatahmurli om shanti "baapdaada"' madhuban

“meethe bachche - jo sankalp eeshvareey seva arth chalta hai, use shuddh sankalp va nirsankalpa hi kahenge, vyartha nahin''

prashn:- vikarmo se bachne ke liye kaun si farja-adaai paalan karte bhi anaasakta raho?

uttar:- mitra sambandhiyon ki service bhale karo lekin alaukik eeshvareey drishti rakhkarke karo, unmein moh ki rag nahin jaani chaahiye। agar kisi vikaari sambandh se sankalp bhi chalta hai to woh vikarma ban jaata hai isliye anaasakta hokar farjaadaai paalan karo। jitna ho sake dehi-abhimaani rahne ka purushaartha karo।

om shanti। aaj tum bachchon ko sankalp, vikalpa, nirsankalpa athva karma, akarma aur vikarma par samjhaaya jaata hai। jab tak tum yahaan ho tab tak tumhaare sankalp zaroor chalenge। sankalp dhaaran kiye bina koi manushya ek kshan bhi rah nahin sakta hai। ab yeh sankalp yahaan bhi chalenge, satayug mein bhi chalenge aur agyaankaal mein bhi chalte hain parantu gyaan mein aane se sankalp, sankalp nahin, kyonki tum paramatma ki seva arth nimitta bane ho to jo yagya arth sankalp chalta woh sankalp, sankalp nahin woh nirsankalpa hi hai। baaki jo phaaltu sankalp chalte hain arthaat kaliyugi sansaar aur kaliyugi mitra sambandhiyon ke prati chalte hain woh vikalpa kahe jaate hain jisse hi vikarma bante hain aur vikarmo se duhkh praapta hota hai। baaki jo yagya prati athva eeshvareey seva prati sankalp chalta hai woh goya nirsankalpa ho gaya। shuddh sankalp service prati bhale chalen। dekho, baba yahaan baitha hai tum bachchon ko sambhaalne arth। uski service karne arth maa baap ka sankalp zaroor chalta hai। parantu yeh sankalp, sankalp nahin isse vikarma nahin banta hai parantu yadi kisi ka vikaari sambandh prati sankalp chalta hai to unka vikarma avashya hi banta hai।

baba tum bachchon ko kehte hain ki mitra sambandhiyon ki service bhale karo parantu alaukik eeshvareey drishti se। woh moh ki rag nahin aani chaahiye। anaasakta hokar apni farja-adaai paalan karni chaahiye। parantu jo koi yahaan hote hue karma sambandh mein hote hue unko nahin kaat sakte to bhi unko paramatma ko nahin chhodna chaahiye। haath pakda hoga to kuchh na kuchh pad praapta kar lenge। ab yeh to har ek apne ko jaante hain ki mere mein kaun sa vikaar hai। agar kisi mein ek bhi vikaar hai to woh deh-abhimaani zaroor thahra, jismen vikaar nahin woh thahra dehi-abhimaani। kisi mein koi bhi vikaar hai to vo sajaayen zaroor khaayenge aur jo vikaaron se rahit hain, ve sajaaon se mukta ho jaayenge। jaise dekho koi-koi bachche hain, jinmen na kaam hai, na krodh hai, na lobh hai, na moh hai…, vo service bahut achhi kar sakte hain। ab unhon ki bahut gyaan vigyaanmay avastha hai। woh to tum sab bhi vote denge। ab yeh to jaise main jaanta hoon vaise tum bachche bhi jaante ho, achhe ko sab achha kahenge, jismen kuchh khaami hogi unko sabhi vahi vote denge। ab yeh nishchay karna jinmen koi vikaar hai vo service nahin kar sakte। jo vikaar proof hain vo service kar auron ko aap samaan bana sakenge isliye vikaaron par poorn jeet chaahiye, vikalpa par poorn jeet chaahiye। eeshvar arth sankalp ko nirsankalpa rakha jaayega।

vaastav mein nirsankalpata usi ko kaha jaata hai jo sankalp chale hi nahin, duhkh sukh se nyaara ho jaae, woh to ant mein jab tum hisaab-kitaab chuktu kar chale jaate ho, vahaan duhkh sukh se nyaari avastha mein, tab koi sankalp nahin chalta। us samay karma akarma donon se pare akarmi avastha mein rehte ho।

yahaan tumhaara sankalp zaroor chalega kyonki tum saari duniya ko shuddh banaane arth nimitta bane hue ho to uske liye tumhaare shuddh sankalp zaroor chalenge। satayug mein shuddh sankalp chalne ke kaaran sankalp, sankalp nahin, karma karte bhi karmabandhan nahin banta। samjha। ab karma, akarma aur vikarma ki gati to paramatma hi samjha sakta hai। vahi vikarmo se chhudaane vaala hai jo is sangam par tumko padha rahe hain isliye bachche apne oopar bahut hi saavdhaani rakho। apne hisaab-kitaab ko bhi dekhte raho। tum yahaan aaye ho hisaab-kitaab chuktu karne। aise to nahin yahaan aakar bhi hisaab-kitaab banaate jaao to saja khaani pade। yeh garbha jel ki saja koi kam nahin hai। is kaaran bahut hi purushaartha karna hai। yeh manzil bahut bhaari hai isliye saavdhaani se chalna chaahiye। vikalpon ke oopar jeet paani hai zaroor। ab kitne tak tumne vikalpon par jeet paai hai, kitne tak is nirsankalpa arthaat duhkh sukh se nyaari avastha mein rehte ho, yeh tum apne ko jaante raho। jo khud ko nahin samajh sakte hain woh mama, baba se poochh sakte hain kyonki tum to unke vaaris ho, to woh bata sakte hain।

nirsankalpa avastha mein rahne se tum apne to kya, kisi bhi vikaari ke vikarmo ko daba sakte ho, koi bhi kaami purush tumhaare saamne aayega, to uska vikaari sankalp nahin chalega। jaise koi devtaaon ke paas jaata hai to unke saamne woh shant ho jaata hai, vaise tum bhi gupta roop mein devtaayen ho। tumhaare aage bhi kisi ka vikaari sankalp nahin chal sakta hai, parantu aise bahut kaami purush hain jinka kuchh sankalp agar chalega to bhi vaar nahin kar sakega, agar tum yogayukta hokar khade rahenge to।

dekho, bachche tum yahaan aaye ho paramatma ko vikaaron ki aahuti dene parantu koi-koi ne abhi kaaydesir aahuti nahin di hai। unhon ka yog parampita se juta hua nahin hai। saara din buddhiyog bhatakta rehta hai arthaat dehi-abhimaani nahin bane hain। deh-abhimaani hone ke kaaran kisi ke svabhaav mein aa jaate hain, jis kaaran paramatma se preet nibha nahin sakte hain arthaat paramatma arth service karne ke adhikaari nahin ban sakte hain। to jo paramatma se service le phir service kar rahe hain arthaat patiton ko paavan kar rahe hain vahi mere sachche pakke bachche hain। unhein bahut bhaari pad milta hai।

abhi paramatma khud aakar tumhaara baap bana hai। us baap ko saadhaaran roop mein na jaankar koi bhi prakaar ka sankalp utpanna karna goya vinaash ko praapta hona। abhi woh samay aayega jo 108 gyaan gangaayen poorn avastha ko praapta karengi। baaki jo padhe hue nahin honge ve to apni hi barbaadi karenge।

yeh nishchay jaanna jo koi is eeshvareey yagya mein chhipkar kaam karta hai to unko jaani jaananhaar baba dekh leta hai, woh phir apne saakaar swaroop baba ko touch karta hai, saavdhaani dene arth। to koi bhi baat chhipaani nahin chaahiye। bhal bhoolen hoti hain parantu unko bataane se hi aage ke liye bach sakte hain isliye bachche saavdhaan rehna।

bachchon ko pahle apne ko samajhna chaahiye ki main hoon kaun, what em aai। “main'' shareer ko nahin kehte, main kehte hain aatma ko। main aatma kahaan se aaya hoon? kiski santaan hoon? aatma ko jab yeh maaloom pad jaae ki main aatma parampita paramatma ki santaan hoon tab apne baap ko yaad karne se khushi aa jaae। bachche ko khushi tab aati hai jab baap ke occupation ko jaanta hai। jab tak chhota hai, baap ke occupation ko nahin jaanta tab tak itni khushi nahin rehti। jaise bada hota jaata, baap ke occupation ka pata padta jaata to vo nasha, woh khushi chadhti jaati hai। to pahle unke occupation ko jaanna hai ki hamaara baba kaun hai? woh kahaan rehta hai? agar kahen aatma usmein merge ho jaayegi to aatma vinaashi ho gai to khushi kisko aayegi।

tumhaare paas jo naye jigyaasu aate hain unko poochhna chaahiye ki tum yahaan kya padhte ho? isse kya status milti hai? us college mein to padhne vaale bataate hain ki ham doctor ban rahe hain, engineer ban rahe hain... to un par vishvaas karenge na ki yeh barobar padh rahe hain। yahaan bhi students bataate hain ki yeh hai duhkh ki duniya jisko narka, hell athva deval world kehte hain। unke against hai heaven athva deity world, jisko svarga kehte hain। yeh to sabhi jaante hain, samajh bhi sakte hain ki yeh woh svarga nahin hai, yeh narka hai athva duhkh ki duniya hai, paap aatmaon ki duniya hai tab to usko pukaarte hain ki hamko punya ki duniya mein le chalo। to yeh bachche jo padh rahe hain woh jaante hain ki hamko baba us punya ki duniya mein le chal rahe hain। to jo naye student aate hain unko bachchon se poochhna chaahiye, bachchon se padhna chaahiye। woh apne teacher ka athva baap ka occupation bata sakte hain। baap thode hi apni saraahna khud baith karenge, teacher apni mahima khud sunaayega kya! woh to student sunaayenge ki yeh aisa teacher hai, tab kehte hain students shows master। tum bachche jo itna course padhkar aaye ho, tumhaara kaam hai nayon ko baith samjhaana। baaki teacher jo bi.A. em.A. padha rahe hain woh baith naye student ko A.bi.si. sikhlaayenge kya! koi-koi student achhe hoshiyaar hote hain, woh doosron ko bhi padhaate hain। usmein maata guru to mashhoor hai। yeh hai deity dharma ki pahli maata, jisko jagdamba kehte hain। maata ki bahut mahima hai। bangaal mein kaali, durga, sarasvati aur lakshmi in chaar deviyon ki bahut pooja karte hain। ab un chaar ka occupation to maaloom hona chaahiye। jaise lakshmi hai to woh hai goddess aaph wealth। woh to yahaan hi raajya karke gai hai। baaki kaali, durga aadi yeh to sab is par naam pade hain। agar chaar maataayen hain to unke chaar pati bhi hone chaahiye। ab lakshmi ka to naaraayan pati prasiddha hai। kaali ka pati kaun hai? (shankar) lekin shankar ko to paarvati ka pati bataate hain। paarvati koi kaali nahin hai। bahut hain jo kaali ko poojte hain, maata ko yaad karte hain lekin pita ka pata nahin hai। kaali ka ya to pati hona chaahiye ya pita hona chaahiye lekin yeh koi ko pata nahin hai।

tumko samjhaana hai ki duniya yeh ek hi hai, jo koi samay duhkh ki duniya athva dozak ban jaati hai vahi phir satayug mein bahishta athva svarga ban jaati hai। lakshmi-naaraayan bhi is hi srishti par satayug ke samay raajya karte the। baaki sookshm mein to koi vaikuntha hai nahin jahaan sookshm lakshmi-naaraayan hain। unke chitra yahaan hi hain to zaroor yahaan hi raajya karke gaye hain। khel saara is corporeal world mein chalta hai। history geography is corporeal world ki hai। sookshm-vatan ki koi history-geography hoti nahin। lekin sabhi baaton ko chhod tumko naye jigyaasu ko pahle alpha sikhlaana hai phir be samjhaana hai। alpha hai god, woh supreme soul hai। jab tak yeh poora samjha nahin hai tab tak parampita ke liye woh lav nahin jaagta, woh khushi nahin aati kyonki pahle jab baap ko jaanen tab unke occupation ko bhi jaankar khushi mein aaven। to khushi hai is pahli baat ko samajhne mein। god to ever happy hai, aanand swaroop hai। unke ham bachche hain to kyon na woh khushi aani chaahiye! woh gudgudi kyon nahin hoti! aai em san aaph god, aai em ever happy master god। woh khushi nahin aati to siddha hai apne ko san (bachcha) nahin samajhte hain। god is ever happy but aai em not happy kyonki father ko nahin jaante hain। baat to sahaj hai।

koi-koi ko yeh gyaan sunne ke badle shanti achhi lagti hai kyonki bahut hain jo gyaan utha bhi nahin sakenge। itna samay kahaan hai। bas is alpha ko bhi jaankar silence mein rahen to woh bhi achha hai। jaise sannyaasi bhi pahaadon ki kandaraaon mein jaakar paramatma ki yaad mein baithte hain। vaise parampita paramatma ki, us supreme light ki yaad mein rahen to bhi achha hai। uski yaad se sannyaasi bhi nirvikaari ban sakte hain। parantu ghar baithe to yaad kar nahin sakte। vahaan to baal bachchon mein moh jaata rahega, isliye to sannyaas karte hain। holi ban jaate to usmein sukh to hai na। sannyaasi sabse achhe hain। aadi dev bhi sannyaasi bana hai na। yeh saamne unka (aadi dev ka) mandir khada hai, jahaan tapasya kar rahe hain। geeta mein bhi kehte hain deh ke sabhi dharmo ka sannyaas karo। woh sannyaas kar jaate to mahaatma ban jaate। grihasthi ko mahaatma kehna bekaayde hai। tumko to paramatma ne aakar sannyaas karaaya hai। sannyaas karte hi hain sukh ke liye। mahaatma kabhi duhkhi nahin hote। raajaayen bhi sannyaas karte hain to taaj aadi phenk dete hain। jaise gopeechanda ne sannyaas kiya, to zaroor ismen sukh hai। achha!

meethe-meethe sikeeldhe bachchon prati maat pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) koi bhi ulta karma chhipkar nahin karna hai। baapdaada se koi bhi baat chhipaani nahin hai। bahut-bahut saavdhaan rehna hai।

2) student shows master, jo padha hai woh doosron ko padhaana hai। ever happy god ke bachche hain, is smriti se apaar khushi mein rehna hai।

vardaan:- har aatma ko oonch uthaane ki bhaavna se regard dene vaale shubhchintak bhav

har aatma ke prati shreshtha bhaavna arthaat oonch uthaane ki va aage badhaane ki bhaavna rakhna arthaat shubh chintak banna। apni shubh vritti se, shubh chintak sthiti se anya ke avgun ko bhi parivartan karna, kisi ki bhi kamjori va avgun ko apni kamjori samajh varnan karne ke bajaae va phailaane ke bajaae samaana aur parivartan karna yeh hai regard। badi baat ko chhota banaana, dilshikasta ko shaktivaan banaana, unke sang ke rang mein nahin aana, sada unhein bhi umang utsaah mein laana - yeh hai regard। aise regard dene vaale hi shubhchintak hain।

slogan:- tyaag ka bhaagya samaapta karne vaala puraana svabhaav-sanskaar hai, isliye iska bhi tyaag karo।