Murli du jour du mardi 29 décembre 2020

29-12-2020 praatahmurli om shanti "baapdaada"' madhuban

“meethe bachche - sangamayug par tum brahman sampradaay bane ho, tumhein ab mrityulok ke manushya se amarlok ka devta banna hai''

prashn:- tum bachche kis knowledge ko samajhne ke kaaran behad ka sannyaas karte ho?

uttar:- tumhein drama ki yathaartha knowledge hai, tum jaante ho draamaanusaar ab is saare mrityulok ko bhasmeebhoot hona hai। abhi yeh duniya worth not epeni ban gai hai, humein worth pound banna hai। ismen jo kuchh hota hai woh phir hoobhu kalpa ke baad repeat hoga isliye tumne is saari duniya se behad ka sannyaas kiya hai।

geet:- aane vaale kal ki tum…

om shanti। bachchon ne geet ki line suni। aane vaala hai amarlok। yeh hai mrityulok। amarlok aur mrityu-lok ka yeh hai purushottam sangamayug। ab baap padhaate hain sangam par, aatmaon ko padhaate hain isliye bachchon ko kehte hain aatma-abhimaani ho baitho। yeh nishchay karna hai - hamko behad ka baap padhaate hain। hamaari em object yeh hai - lakshmi-naaraayan ya mrityulok ke manushya se amarlok ka devta banna। aisi padhaai to kabhi kaanon se nahin suni, na kisko kehte hue dekha jo kahe bachchon tum aatma-abhimaani ho baitho। yeh nishchay karo ki behad ka baap hamko padhaate hain। kaun sa baap? behad ka baap niraakaar shiv। abhi tum samajhte ho ham purushottam sangamayug par hain। abhi tum brahman sampradaay bane ho phir tumko devta banna hai। pahle shoodra sampradaay ke the। baap aakar pattharbuddhi se paarasbuddhi banaate hain। pahle satopradhaan paarasbuddhi the, ab phir bante hain। aise nahin kehna chaahiye ki satayug ke maalik the। satayug mein vishwa ke maalik the। phir 84 janma le seedhi utarte-utarte satopradhaan se sato, rajo, tamo mein aaye hain। pahle satopradhaan the to paarasbuddhi the phir aatma mein khaad padti hai। manushya samajhte nahin। baap kehte hain - tum kuchh nahin jaante the। blind faith tha। sivaae jaanne ke kiski pooja karna va yaad karna usko blind faith kaha jaata hai। aur apne shreshtha dharma, shreshtha karma ko bhi bhool jaane se woh karma bhrashta, dharma bhrashta ban padte hain। bhaaratvaasi is samay daivi dharma se bhi bhrashta hain। baap samjhaate hain vaastav mein tum ho pravritti maarga vaale। vahi devtaayen jab apvitra bante hain tab devi-devta kah nahin sakte isliye naam badal hindu dharma rakh diya hai। yeh bhi hota hai drama plan anusaar। sabhi ek baap ko hi pukaarte hain - he patit-paavan aao। woh ek hi god father hai jo janma-maran rahit hai। aise nahin ki naam-roop se nyaari koi cheez hai। aatma ka va paramatma ka roop bahut sookshm hai, jisko star va bindu kehte hain। shiv ki pooja karte hain, shareer to hai nahin। ab aatma bindi ki pooja ho na sake isliye unko bada banaate hain pooja ke liye। samajhte hain shiv ki pooja karte hain। parantu unka roop kya hai, woh nahin jaante। yeh sab baaten baap is samay hi aakar samjhaate hain। baap kehte hain tum apne janmon ko nahin jaante ho। 84 laakh yoniyon ka to ek gapoda laga diya hai। ab baap tum bachchon ko baith samjhaate hain। abhi tum brahman bane ho phir devta banna hai। kaliyugi manushya hain shoodra। tum braahmanon ki em object hai manushya se devta banne ki। yeh mrityulok patit duniya hai। nai duniya woh thi, jahaan yeh devi-devtaayen raajya karte the। ek hi inka raajya tha। yeh saare vishwa ke maalik the। abhi to tamopradhaan duniya hai। anek dharma hain। yeh devi-devta dharma praayah lop ho gaya hai। devi-devtaaon ka raajya kab tha, kitna samay chala, yeh world ki history-geography koi nahin jaante। baap hi aakar tumko samjhaate hain। yeh hai god fatherly world university, jiski em object hai amarlok ka devta banaana। inko amar-katha bhi kaha jaata hai। tum is knowledge se devta ban kaal par jeet paate ho। vahaan kabhi kaal kha nahin sakta। marne ka vahaan naam nahin। abhi tum kaal par jeet pahan rahe ho, drama ke plan anusaar। bhaaratvaasi bhi 5 varsha ya 10 varsha ka plan banaate hain na। samajhte hain ham raamraajya sthaapan kar rahe hain। behad ke baap ka bhi plan hain raamraajya banaane ka। woh to sab hain manushya। manushya to raamraajya sthaapan kar na sake। raamraajya kaha hi jaata hai satayug ko। in baaton ko koi jaante nahin hain। manushya kitni bhakti karte hain, jismaani yaatraayen karte hain। din arthaat satayug-treta mein in devtaaon ka raajya tha। phir raat mein bhakti maarga shuru hota hai। satayug mein bhakti nahin hoti hai। gyaan, bhakti, vairaagya, yeh baap samjhaate hain। vairaagya do prakaar ka hai - ek hai hathayogi nivritti maarga vaalon ka, woh gharbaar chhod jangal mein jaate hain। ab tumko to behad ka sannyaas karna hai, saare mrityulok ka। baap kehte hain yeh saari duniya bhasmeebhoot hone vaali hai। drama ko bahut achhi reeti samajhna hai। joon misal tik-tik hoti rehti hai। jo kuchh hota hai phir kalpa 5 hazaar varsha baad hoobhu repeat hoga। isko bahut achhi reeti samajhkar behad ka sannyaas karna hai। samjho koi vilaayat jaate hain kahenge vahaan ham yeh knowledge padh sakte hain? baap kehte hain haan kahaan bhi baith tum padh sakte ho। ismen pahle 7 roz ka course lena padta hai। bahut sahaj hai, aatma ko sirf yeh samajhna hota hai। ham satopradhaan vishwa ke maalik the tab satopradhaan the। ab tamopradhaan ban gaye hain। 84 janmon mein bilkul hi worth not epeni ban pade hain। ab phir ham pound kaise banen? ab kaliyug hai phir zaroor satayug hona hai, baap kitna simple samjhaate hain, 7 din ka course samajhna hai। kaise ham satopradhaan se tamopradhaan bane hain। kaam chita par baith tamopradhaan bane hain। ab phir gyaan chita par baith satopradhaan banna hai। world ki history-geography repeat hoti hai, chakra phirta rehta hai na। abhi hai sangamayug phir satayug hoga। abhi ham kaliyugi vicious bane hain, so phir satayugi viceless kaise banen? uske liye baap raasta bataate hain। pukaarte bhi hain hamaare mein koi gun nahin hai। ab hamko aisa gunvaan banaao। jo kalpa pahle bane the unhon ko hi phir banna hai। baap samjhaate hain - pahle-pahle to apne ko aatma samjho। aatma hi ek shareer chhod doosra leti hai। abhi tumko dehi-abhimaani banna hai। abhi hi tumhein dehi-abhimaani banne ki shiksha milti hai। aise nahin tum sadaiv dehi-abhimaani rahenge। nahin, satayug mein to naam shareer ke rehte hain। lakshmi-naaraayan ke naam par hi saari kaarobaar chalti hai। abhi yeh hai sangamayug jabki baap samjhaate hain। tum nange (ashareeri) aaye the phir ashareeri ban vaapis jaana hai। apne ko aatma samajh baap ko yaad karo। yeh hai roohaani yaatra। aatma apne roohaani baap ko yaad karti hai। baap ko yaad karne se hi paap bhasma ho jaayenge, inko yog agni kaha jaata hai। yaad to tum kahaan bhi kar sakte ho। 7 roz mein samjhaana hota hai। yeh srishti chakra kaise phirta hai, kaise ham seedhi utarte hain? ab phir is ek hi janma mein chadhti kala hoti hai। vilaayat mein bachche rehte hain, vahaan bhi murli jaati hai। yeh school hain na। vaastav mein yeh hai god fatherly university। geeta ka hi raajayog hai। parantu shreekrishna ko bhagwan nahin kaha jaata। brahma-vishnu-shankar ko bhi devta kaha jaata hai। abhi tum purushaartha kar phir so devta bante ho। prajaapita brahma bhi zaroor yahaan hoga na। prajaapita to manushya hai na। praja zaroor yahaan hi rachi jaati hai। ham so ka arth baap ne bahut sahaj reeti samjhaaya hai। bhakti maarga mein to kah dete ham aatma so paramatma, isliye paramatma ko sarvavyaapi kah dete। baap kehte hain sabmen vyaapak hai aatma। main kaise vyaapak hooonga? tum mujhe bulaate hi ho - he patit-paavan aao, hamko paavan banaao। niraakaar aatmaayen sab aakar apna-apna rath leti hain। har ek akaal moorta aatma ka takhta hai yeh। takhta kaho athva rath kaho। baap ko to rath hai nahin। woh niraakaar hi gaaya jaata hai। na sookshm shareer hai, na sthool shareer hai। niraakaar khud rath mein jab baithe tab bol sake। rath bigar patiton ko paavan kaise banaayenge? baap kehte hain main niraakaar aakar inka loan leta hoon। temporary loan liya hai, inko bhaagyashaali rath kaha jaata hai। baap hi srishti ke aadi-madhya-ant ka raaz bataae tum bachchon ko trikaaldarshi banaate hain। aur koi manushya yeh knowledge jaan nahin sakte। is samay sab naastik hain। baap aakar aastik banaate hain। rachayita-rachna ka raaz baap ne tumko bataaya hai। ab tumhaare sivaae aur koi samjha na sake। tum hi is gyaan se phir yeh itna oonch pad paate ho। yeh gyaan sirf abhi hi tum braahmanon ko milta hai। baap sangam par hi aakar yeh gyaan dete hain। sadgati dene vaala ek baap hi hai। manushya, manushya ko sadgati de na sake। woh sab guru hain bhakti maarga ke। satguru ek hi hai, unko kaha jaata hai vaah satguru vaah! inko paathshaala bhi kaha jaata hai। em object nar se naaraayan banne ki hai। woh sab hain bhakti maarga ki kathaayen। geeta se bhi koi praapti nahin hoti। baap kehte hain main tum bachchon ko sammukh aakar padhaata hoon, jisse tum yeh pad paate ho। ismen mukhya hai pavitra banne ki baat। baap ki yaad mein rehna hai। isi mein hi maaya vighna daalti hai। tum baap ko yaad karte ho apna varsa paane ke liye। yeh knowledge sab bachchon ke paas jaati hai। kabhi bhi murli miss na ho। murli miss hui goya ebsenta pad jaati hai। murli se kahaan bhi baithe refresh hote rahenge। shreemat par chalna pade। baahar mein jaate hain to baap samjhaate hain - pavitra zaroor banna hai, vaishnav hokar rehna hai। vaishnav bhi do prakaar ke hote hain, vaishnav, vallabhaachaari bhi hote hain parantu vikaar mein jaate hain। pavitra to hain nahin। tum pavitra ban vishnuvanshi bante ho। vahaan tum vaishnav rahenge, vikaar mein nahin jaayenge। woh hai amarlok, yeh hai mrityulok, yahaan vikaar mein jaate hain। abhi tum vishnupuri mein jaate ho, vahaan vikaar hota nahin। woh hai viceless world। yogbal se tum vishwa ki baadshaahi lete ho। woh donon aapas mein ladte hain, maakhan beech mein tumko milta hai। tum apni raajdhaani sthaapan kar rahe ho। sabhi ko yahi paigaam dena hai। chhote bachchon ka bhi hak hai। shivbaaba ke bachche hain na। to sabka hak hai। sabko kehna hai apne ko aatma samjho। maa-baap mein gyaan hoga to bachchon ko bhi sikhaayenge - shivbaaba ko yaad karo। sivaae shivbaaba ke doosra na koi। ek ki yaad se hi tamopradhaan se satopradhaan ban jaayenge। ismen padhaai bahut achhi chaahiye। vilaayat mein rehte bhi tum padh sakte ho। ismen kitaab aadi kuchh bhi nahin chaahiye। kahaan bhi baithe tum padh sakte ho। buddhi se yaad kar sakte ho। yeh padhaai itni sahaj hai। yog athva yaad se bal milta hai। tum abhi vishwa ka maalik ban rahe ho। baap raajayog sikhaakar paavan banaate hain। woh hai hathayog, yeh hai raajayog। ismen parhej bahut achhi reeti chaahiye। in lakshmi-naaraayan jaisa sarvagun sampanna banna hai na। khaan paan ki bhi parhej chaahiye, aur doosri baat baap ko yaad karna hai to janma janmaantar ke paap kat jaayenge। isko kaha jaata hai sahaj raajayog, raajaai praapta karne ke liye। agar raajaai na li to gareeb ban jaayenge। shreemat par poora chalne se shreshtha banenge। bhrashta se shreshtha banna hai। uske liye baap ko yaad karna hai। kalpa pahle bhi tumne hi yeh gyaan liya tha, jo phir ab lete ho। satayug mein aur koi raajya nahin tha। usko kaha jaata hai sukhdhaam। abhi yeh hai duhkhadhaam aur jahaan se ham aatmaayen aai hain woh hai shantidham। shiv-baba ko wonder lagta hai - duniya mein manushya kya-kya karte hain! bachche kam paida hon uske liye bhi kitna maatha maarte rehte hain। samajhte nahin yeh to baap ka hi kaam hai। baap jhat ek dharma ki sthaapna kar baaki sab anek dharmon ka vinaash kara dete hain, ek dhak se। vo log kitni davaaiyaan aadi nikaalte hain paidaais kam karne liye। baap ke paas to ek hi davaai hai। ek dharma ki sthaapna honi hai। woh samay aayega sab kahenge yeh to pavitra ban rahe hain। phir davaai aadi ki bhi kya darkaar hai। tumko baba ne aisi davaai di hai manamnaabhav ki, jisse tum 21 janmon ke liye pavitra ban jaate ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) pavitra bankar pakka vaishnav banna hai। khaan-paan ki bhi poori parhej karni hai। shreshtha banne ke liye shreemat par zaroor chalna hai।

2) murli se svayan ko refresh karna hai, kahaan bhi rehte satopradhaan banne ka purushaartha karna hai। murli ek din bhi miss nahin karni hai।

vardaan:- judaai ko sadaakaal ke liye vidaai dene vaale snehi swaroop bhav

jo snehi ko pasanda hai vahi sneh karne vaale ko pasanda ho - yahi sneh ka swaroop hai। chalna-khaana-peena-rehna snehi ke dilapsanda ho isliye jo bhi sankalp va karma karo to pahle socho ki yeh snehi baap ke dilapsanda hai। aise sachche snehi bano to nirantar yogi, sahajyogi ban jaayenge। yadi snehi swaroop ko samaan swaroop mein parivartan kar do to amar bhav ka vardaan mil jaayega aur judaai ko sadaakaal ke liye vidaai mil jaayegi।

slogan:- svabhaav easy aur purooshaartha attention vaala banaao।