Murli du jour du lundi 18 janvier 2021

18-01-21 praatahmurli om shanti ''baapdaada'' madhuban

18 January , pitaashri ji ke punya smriti divas par praat h class mein sunaane ke liye - baapdaada ke anmol mahaavaakya

“ meethe bachche - ek baap ki yaad se tumhein supreme banna hai to bhoole - chooke bhi kisi aur ko yaad nahin karna ''

om shanti। behad ka baap baith bachchon ko samjhaate hain - meethe bachche apne ko aatma samajh mujh baap ko yaad karo aur apne ghar ko yaad karo। unko kaha hi jaata hai tower oph silence। tower oph sukh। tower bahut ooncha hota hai। tum vahaan jaane ke liye purushaartha kar rahe ho। oonch te oonch tower aaph silence mein tum kaise ja sakte ho, yeh bhi tower mein rahne vaala baap baith sikhlaate hain, bachche, apne ko aatma samjho। ham aatma shantidham ki nivaasi hain। woh hai baap ka ghar। yeh chalte-phirte tev (aadat) daalni hai। apne ko aatma samjho aur shantidham, sukhdhaam ko yaad karo। baap jaante hain ismen hi mehnat hai। jo aatma-abhimaani hokar rehte hain unko kaha jaata hai mahaaveer। yaad se hi tum mahaaveer, supreme bante ho। supreme arthaat shaktivaan।

bachchon ko khushi honi chaahiye - svarga ka maalik banaane vaala baba, vishwa ka maalik banaane vaala baba humein padha raha hai। aatma ki buddhi chali jaati hai baap ki taraph। yeh hai - aatma ka lav ek baap ke saath। savere-savere uth baba se meethi-meethi baaten karo। baba aapki to kamaal hai, svapna mein bhi nahin tha aap hamko svarga ka maalik banaayenge। baba ham aapki shiksha par zaroor chalenge। koi bhi paap ka kaam nahin karenge। baba jaise purushaartha karte hain, bachchon ko bhi sunaate hain। shivbaaba ko itne dher bachche hain, ona to hoga na। kitne bachchon ki sambhaal hoti hai। yahaan tum eeshvareey parivaar mein baithe ho। baap sammukh baitha hai। tumheen se khaaoon, tumhi se baithoon… tum jaante ho shivbaaba ismen aakar kehte hain - meethe bachche maamekam yaad karo। deh sahit deh ke sabhi sambandhon ko bhool jaao। yeh antim janma hai। yeh puraani duniya, puraani deh khalaas ho jaani hai। kahaavat bhi hai aap muye mar gai duniya। purushaartha ke liye thoda sa sangam ka samay hai। bachche poochhte hain baba yeh padhaai kab tak chalegi? jab tak daivi raajdhaani sthaapan ho jaae tab tak sunaate rahenge। phir transfer honge nai duniya mein। yeh puraana shareer hai, kuchh na kuchh karmabhog chalta rehta hai। ismen baba madad kare - yeh ummeend nahin rakhni chaahiye। devaala nikla, beemaar hua - baap kahenge yeh tumhaara hisaab-kitaab hai। haan phir bhi yog se aayu badhegi। apni mehnat karo। kripa maango nahin। baap ko jitna yaad karenge ismen hi kalyaan hai। jitna ho sake yogbal se kaam lo। gaate bhi hain na - mujhe palkon mein chhipa lo.. priy cheez ko noore ratna, praan pyaara kehte hain। yeh baap to bahut priy hai, parantu hai gupta। unke liye lav aisa hona chaahiye jo baat mat poochho। bachchon ko to baap ko palkon mein chhipaana pade। palken koi yeh aankhe nahin। yeh to buddhi mein yaad rakhna hai। most beloved niraakaar baap humein padha rahe hain। woh gyaan ka saagar, sukh ka saagar hai, pyaar ka saagar hai। aise most beloved baap ke saath kitna pyaar chaahiye। bachchon ki kitni nishkaam seva karte hain। patit shareer mein aakar tum bachchon ko heere jaisa banaate hain। kitna meetha baba hai। to bachchon ko bhi aisa meetha banna hai। kitna niranhakaar se baba tum bachchon ki seva karte hain, to tum bachchon ko bhi itni seva karni chaahiye। shreemat par chalna chaahiye। kahaan apni mat dikhaai to takdeer ko lakeer lag jaayegi। tum brahman eeshvareey santaan ho। brahma ki aulaad bhaai-behen ho। eeshvareey potre-potriyaan ho। unse varsa le rahe ho। jitna purushaartha karenge utna pad paayenge। ismen saakshi rahne ka bhi bahut abhyaas chaahiye। baba kehte hain, meethe bachche, he aatmaayen maamekam yaad karo। bhoole chuke bhi baap ke sivaae koi ko yaad nahin karna। tumhaari pratigya hai baba mere to ek hi aap ho। ham aatma hain, aap paramatma ho। aap se hi varsa lena hai। aap se hi raajayog seekh rahe hain, jisse raajya-bhaagya paate hain।

meethe bachche, tum jaante ho yeh anaadi drama hai। ismen haar jeet ka khel chalta hai। jo hota hai woh theek hai। creator ko drama zaroor pasanda hoga na, to creator ke bachchon ko bhi pasanda hoga। is drama mein baap ek hi baar bachchon ke paas bachchon ki dil va jaan, sik va prem se seva karne aate hain। baap ko to sab bachche pyaare hain। tum jaante ho satayug mein bhi sab ek do ko bahut pyaar karte hain। jaanavron mein bhi pyaar rehta hai। aise koi jaanvar nahin hote jo pyaar se na rahen। to tum bachchon ko yahaan master pyaar ka saagar banna hai। yahaan banenge to woh sanskaar avinaashi ban jaayenge। baap kehte hain kalpa pahle misal hoobhu phir se pyaara banaane aaya hoon। kabhi kisi bachche ka gusse ka aavaaj sunte hain to baap shiksha dete hain bachche, gussa karna theek nahin hai, isse tum bhi duhkhi honge doosron ko bhi duhkhi karenge। baap sadaakaal ka sukh dene vaala hai to bachchon ko bhi baap samaan banna hai। ek do ko kabhi duhkh nahin dena hai।

tum bachche jaante ho shivbaaba hai subah ka saani... raat ko din athva savera banaane vaala hai। saani kaha jaata hai behad ke baap ko। woh ek hi saani baba, bholaanaath shivbaaba hai। naam hi hai bholaanaath। bholi-bholi kanyaaon, maataaon par gyaan ka kalash rakhte hain। unhon ko hi vishwa ka maalik banaate hain। kitna sahaj upaay bataate hain। kitna pyaar se tumhaari gyaan ki paalna karte hain। aatma ko paavan banaane ke liye yaad ki yaatra mein raho। yog ka snaan karna hai। gyaan hai padhaai। yog snaan se paap bhasma hote hain। apne ko aatma samajhne ka abhyaas karte raho, to yeh deh ka anhakaar bilkul toot jaae। yog se hi pavitra satopradhaan ban baba ke paas jaana hai। kai bachche in baaton ko achhi reeti samajhte nahin hain। sachcha-sachcha apna chart bataate nahin hain। aadhaakalpa jhoothi duniya mein rahe hain to jhooth jaise andar jam gaya hai। sachchaai se apna chart baap ko bataana chaahiye। check karna hai - ham pauna ghanta baithe, ismen kitna samay apne ko aatma samajh baap ko yaad kiya! kaeeyon ko sach bataane mein lajja aati hai। yeh to jhat sunaayenge ki itni service ki, itne ko samjhaaya parantu yaad ka chart kitna raha, woh sach nahin sunaate hain। yaad mein na rahne kaaran hi tumhaara kisko teer nahin lagta hai। gyaan talvaar mein jauhar nahin bharta hai। koi kehte ham to nirantar yaad mein rehte hain, baba kehte woh avastha hai nahin। nirantar yaad rahe to karmaateet avastha ho jaae। gyaan ki praakaashtha dikhaai de, ismen badi mehnat hai। vishwa ka maalik aise hi thode hi ban jaayenge। ek baap ke sivaae aur koi ki yaad na rahe। yeh deh bhi yaad na aaye। yeh avastha tumhaari pichhaadi ko hogi। yaad ki yaatra se hi tumhaari kamaai hoti rahegi। agar shareer chhoot gaya phir to kamaai kar nahin sakenge। bhal aatma sanskaar le jaayegi parantu teacher to chaahiye na jo phir smriti dilaaye। baap ghadi-ghadi smriti dilaate rehte hain। aise bahut bachche hain jo grihastha vyavhaar mein rehte, naukri aadi bhi karte aur oonch pad paane ke liye shreemat par chal apna bhavishya bhi jama karte rehte। baba se raay lete rehte। paisa hai to usko saphal kaise karen। baba kehte centre kholo, jisse bahuton ka kalyaan ho। manushya daan punya aadi karte hain, doosre janma mein uska phal milta hai। tumko bhi bhavishya 21 janmon ke liye raajya bhaagya milta hai। tumhaari yeh number one bank hai, ismen 4 aana daalo to bhavishya mein hajaar ban jaayega। patthar se sona ban jaayega। tumhaari har cheez paaras ban jaayegi। baba kehte meethe bachche oonch pad paana hai to maat pita ko poora follow karo aur apni karmendriyon par control rakho। agar karmendriyaan vash nahin, chalan theek nahin to oonch pad se vanchit ho jaayenge। apni chalan ko sudhaarna hai। jaasti tamannaayen nahin rakhni hai।

baba tum bachchon ko kitna gyaan shrringaar karaae satayug ke mahaaraaja mahaaraani banaate hain। ismen sahansheelta ka gun bahut achha chaahiye। deh ke oopar too much moh nahin hona chaahiye। yogbal se bhi kaam lena hai। baba ko kitni bhi khaansi aadi hoti phir bhi sadaiv service par tatpar rehte hain। gyaan yog se shrringaar kar bachchon ko laayak banaate hain। tum abhi eeshvareey god mein, maat pita ki god mein baithe ho। baap brahma mukh se tum bachchon ko janma dete hain to yeh maa ho gai। parantu tumhaari buddhi phir bhi shivbaaba ki taraph jaati hai। tum maat pita ham baalak tere...। tumko sarvagun sampanna yahaan banna hai। ghadi-ghadi maaya se haar nahin khaani hai। achha-

meethe-meethe sikeeldhe bachchon prati maatpita baapdaada ka yaadapyaar aur good morning। roohaani baap ki roohaani bachchon ko namaste।

avyakt - mahaavaakya

sabhi yog-yukta aur yuktiyukta sthiti mein sthit hote hue apna kaarya kar rahe hain? kyonki vartamaan samay-pramaan sankalp, vaani aur karma ye teenon hi yuktiyukta chaahiye tab hi sampanna va sampoorn ban sakenge। chaaron taraph ka vaataavran yog-yukta aur yuktiyukta ho। jaise yuddha ke maidaan mein jab yoddhe yuddha ke liye dushman ke saamne khade hue hote hain to unka apne oopar aur apne shastron ke oopar arthaat apni shaktiyon ke oopar kitna attention rehta hai। abhi to samay sameep aata ja raha hai, yeh maano yuddha ke maidaan mein saamne aane ka samay hai। aise samay mein chaaron or sarvashaktiyon ka svayan mein attention chaahiye। agar jara bhi attention kam hoga to jaise-jaise samay-pramaan chaaron or tension badhta jaata hai, aise hi chaaron or tension ke vaataavran ka prabhaav, yuddha mein upasthit hue roohaani paandav sena par bhi pad sakta hai। din-pratidin jaise sampoornata ka samay najdeek aata jaayega to duniya mein tension aur bhi badhega, kam nahin hoga। kheenchaataan ke jeevan ka chaaron or anubhav hoga jaise ki chaaron or se kheencha hua hota hai। ek taraph se prakriti ki chhoti-chhoti aapdaaon ke nuksaan ka tension, doosri taraph is duniya ki government ke kade lodge ka tension, teesri taraph vyavhaar mein kami ka tension, aur chauthi taraph jo laukik sambandhi aadi se sneh aur freedom hone ke kaaran khushi ki bhaasna alpakaal ke liye rehti hai, woh bhi samaapta hokar bhay ki anubhooti ke tension mein, chaaron or ka tension logon mein badhna hai। chaaron or ke tension mein aatmaayen tadphengi। jahaan jaayengi vahaan tension। jaise shareer mein bhi koi nas khinch jaati hai to kitni pareshaani hoti hai। dimaag khincha hua rehta hai। aise hi yeh vaataavran badhta jaayega। jaise ki koi thikaana nazar nahin aayega ki kya karen? agar haan kare to bhi khinchaavat, na karen to bhi khinchaavat, kamaaven to bhi mushkil, na kamaaven to bhi mushkil। ikattha karen to bhi mushkil, na karen to bhi mushkil। aisa vaataavran banta jaayega। aise time par chaaron or ke tension ka prabhaav roohaani paandav sena par na ho। svayan ko tension mein aane ki samasyaayen na bhi hon, lekin vaataavran ka prabhaav kamjor aatma par sahaj hi ho jaata hai। bhay ka soch ki kya hoga? kaise hoga? in baaton ka prabhaav na ho - uske liye koi-na-koi beech-beech mein eeshvareey yaad ki yaatra ka vishesh programme madhuban dvaara official jaate rehna chaahiye jisse ki aatmaon ka kila majboot rahega।

aajkal service bhi bahut badhegi। lekin badhne ke saath-saath yukti-yukta bhi bahut chaahiye। aajkal sambandh aur samparka mein rahne vaale jyaada aayenge। swaroop banne vaale kam aayenge। sab ek jaise nahin niklenge। din-pratidin quality bhi kamjor aatmaon arthaat praja ki sankhya jyaada aayegi, unhein ek baat achhi lagegi, do nahin lagengi। sab baaton mein nishchay nahin hoga। to samparka vaalon ko bhi, unhon ko jo chaahiye-usi pramaan unhon ko samparka mein rakhte rehna hai। samay jaise naazuk aata jaayega vaise samasya pramaan bhi unke liye regular studenta banna mushkil hoga। lekin samparka mein dher ke dher aayenge kyonki last samay hai na। to last pose kaisa hota hai? jaise pahle uchhal, umang, utsaah hota hai - woh virla koi ka hoga। majority sambandh aur samparka vaale aayenge। to yeh attention chaahiye। aise nahin ki samparka vaali aatmaon ko na parakhte hue samparka se bhi unhein vanchit kar do। khaali haath koi bhi na jaaye, niymon par bhal nahin chal paate hain, lekin woh sneh mein rehna chaahte hain, to aisi aatmaon ka bhi attention zaroor rakhna hai। samajh lena chaahiye ki yeh group isi pramaan teesri stage vaala hai, to unhon ko bhi usi pramaan handling milni chaahiye। achha। om shanti।

vardaan:- vardaan :- sneh ke peechhe sarva kamjoriyon ko kurbaan karne vaale samarthi swaroop bhav

sneh ki nishaani hai kurbaani। sneh ke peechhe kurbaan karne mein koi mushkil va asambhav baat bhi sambhav aur sahaj anubhav hoti hai। to samarthi swaroop ke vardaan dvaara sarva kamjoriyon ko majboori se nahin dil se kurbaan karo kyonki satya baap ke paas satya hi sveekaar hota hai। to sirf baap ke sneh ke geet nahin gaao lekin svayan baap samaan avyakt sthiti swaroop bano jo sab aapke geet gaayen।

slogan:- sankalp va svapna mein bhi ek dilaaraam ki yaad rahe tab kahenge sachche tapasvi।