Murli du jour du dimanche 7 mars 2021

07-03-21 praatahmurli om shanti ''avyakt-baapdaada'' revise 14-11-87 madhuban

poojya dev aatma banne ka saadhan - pavitrata ki shakti

aaj roohaani shama apne roohaani parvaanon ko dekh rahe hain। har ek roohaani parvaana apne umang-utsaah ke pankhon se udte-udte is roohaani mahphil mein pahunch gaye hain। yeh roohaani mahphil vichitra alaukik mahphil hai jisko roohaani baap jaane aur roohaani bachche jaanen। is roohaani aakarshan ke aage maaya ki anek prakaar ki aakarshan tuchchha lagti hai, asaar anubhav hoti hai। yeh roohaani aakarshan sada ke liye vartamaan aur bhavishya anek janmon ke liye harshit banaane vaali hai, anek prakaar ke duhkh-ashaanti ki lahron se kinaara karaane vaali hai isliye sabhi roohaani parvaane is mahphil mein pahunch gaye hain।

baapdaada sabhi parvaanon ko dekh harshit hote hain। sabhi ke mastak par pavitra sneh, pavitra sneh ke sambandh, pavitra jeevan ki pavitra drishti-vritti ki nishaaniyaan jhalak rahi hain। sabhi ke oopar in sab pavitra nishaaniyon ke symbol va soochak ‘light ka taaj' chamak raha hai। sagammayugi brahman jeevan ki visheshta hai - pavitrata ki nishaani, yeh light ka taaj jo har brahman aatma ko baap dvaara praapta hota hai। mahaan aatma, parmaatma-bhaagyavaan aatma, oonche te oonchi aatma ki yeh taaj nishaani hai। to aap sabhi aise taajdhaari bane ho? baapdaada va maat-pita har ek bachche ko janma se ‘pavitra-bhav' ka vardaan dete hain। pavitrata nahin to brahman jeevan nahin। aadi sthaapna se lekar ab tak pavitrata par hi vighna padte aaye hain kyonki pavitrata ka foundation 21 janmon ka foundation hai। pavitrata ki praapti aap brahman aatmaon ko udti kala ki taraph sahaj le jaane ka aadhaar hai।

jaise karmon ki gati gahan gaai hai, to pavitrata ki paribhaasha bhi ati guhya hai। pavitrata maaya ke anek vighnon se bachne ki chhatrachhaaya hai। pavitrata ko hi sukh-shanti ki janni kaha jaata hai। kisi bhi prakaar ki apvitrata duhkh va ashaanti ka anubhav karaati hai। to saare din mein check karo - kisi bhi samay duhkh va ashaanti ki lahar anubhav hoti hai? uska beej apvitrata hai। chaahe mukhya vikaaron ke kaaran ho va vikaaron ke sookshm roop ke kaaran ho। pavitra jeevan arthaat duhkh-ashaanti ka naam nishaan nahin। kisi bhi kaaran se duhkh ka jara bhi anubhav hota hai to sampoorn pavitrata ki kami hai। pavitra jeevan arthaat baapdaada dvaara praapta hui vardaani jeevan hai। braahmanon ke sankalp mein va mukh mein yeh shabd kabhi nahin hona chaahiye ki is baat ke kaaran va is vyakti ke vyavhaar ke kaaran mujhe duhkh hota hai। kabhi saadhaaran reeti mein aise bol, bol bhi dete ya anubhav bhi karte hain। yeh pavitra brahman jeevan ke bol nahin hain। brahman jeevan arthaat har second sukhmay jeevan। chaahe duhkh ka nazaara bhi ho lekin jahaan pavitrata ki shakti hai, woh kabhi duhkh ke nazaare mein duhkh ka anubhav nahin karenge lekin duhkh-harta sukh-karta baap samaan duhkh ke vaayumandal mein duhkhamay vyaktiyon ko sukh-shanti ke vardaani ban sukh-shanti ki anchali denge, master sukh-karta ban duhkh ko roohaani sukh ke vaayumandal mein parivartan karenge। isi ko hi kaha jaata hai duhkh-harta sukh-karta।

jab science ki shakti alpakaal ke liye kisi ka duhkh-darda samaapta kar leti hai, to pavitrata ki shakti arthaat silence ki shakti duhkh-darda samaapta nahin kar sakti? science ki davaai mein alpakaal ki shakti hai to pavitrata ki shakti mein, pavitrata ki dua mein kitni badi shakti hai? samay pramaan jab aaj ke vyakti davaaiyon se kaarne-akaarne tang honge, beemaariyaan ati mein jaayengi to samay par aap pavitra dev va deviyon ke paas dua lene liye aayenge ki humein duhkh, ashaanti se sada ke liye door karo। pavitrata ki drishti-vritti saadhaaran shakti nahin hai। yeh thode samay ki shaktishaali drishti va vritti sadaakaal ki praapti karaane vaali hai। jaise abhi jismaani doctors aur jismaani hospitals samay prati samay badhte bhi jaate hain, phir bhi doctors ko phursat nahin, hospitals mein sthaan nahin। rogiyon ki sada hi queue lagi hui hoti hai। aise aage chal hospitals va doctors paas jaane ka, davaai karne ka, chaahte hue bhi ja nahin sakenge। majority niraash ho jaayenge to kya karenge? jab dava se niraash honge to kahaan jaayenge? aap logon ke paas bhi queue lagegi। jaise abhi aapke va baap ke jad chitron ke saamne ‘O dayaalu, daya karo' kahkar daya va dua maangate rehte hain, aise aap chaitanya, pavitra, poojya aatmaon ke paas ‘O pavitra deviyon va pavitra dev! hamaare oopar daya karo' - yeh maangane ke liye aayenge। aaj alpakaal ki siddhi vaalon ke paas shapha lene va sukh-shanti ki daya lene ke liye kitne bhatakte rehte hain! samajhte hain - door se bhi drishti pad jaae। to aap parmaatma-vidhi dvaara siddhi-swaroop bane ho। jab alpakaal ke sahaare samaapta ho jaayenge to kahaan jaayenge?

yeh jo bhi alpakaal ki siddhi vaale hain, alpakaal ki kuchh na kuchh pavitrata ki vidhiyon se alpakaal ki siddhi praapta karte hain। yeh sada nahin chal sakti hai। yeh bhi golden aged aatmaon ko arthaat last mein oopar se aai hui aatmaon ko pavitra muktidhaam se aane ke kaaran aur drama ke niyam pramaan, satopradhaan stage ke pramaan pavitrata ke phalasvaroop alpakaal ki siddhiyaan praapta ho jaati hain lekin thode samay mein hi sato, rajo, tamo - teenon stejas paas karne vaali aatmaayen hain isliye sadaakaal ki siddhi nahin rehti। parmaatma-vidhi se siddhi nahin hai, isliye kahaan na kahaan svaartha va abhimaan siddhi ko samaapta kar leta hai। lekin aap pavitra aatmaayen sada siddhi swaroop hain, sada ki praapti karaane vaali hain। sirf chamatkaar dikhaane vaali nahin ho lekin chamakte hue jyoti-swaroop banaane vaale ho, avinaashi bhaagya ka chamakta hua sitaara banaane vaale ho isliye yeh sab sahaare ab thoda samay ke liye hain aur aakhir mein aap pavitra aatmaon ke paas hi anchali lene aayenge। to itni sukh-shanti ki janni pavitra aatmaayen bane ho? itni dua ka stock jama kiya hai va apne liye bhi abhi tak dua maangate rehte ho?

kai bachche abhi bhi samay prati samay baap se maangate rehte ki is baat par thodi-si dua kar lo, aasheervaad de do। to maangane vaale daata kaise banenge? isliye pavitrata ki shakti ki mahaanta ko jaan pavitra arthaat poojya dev aatmaayen abhi se bano। aise nahin ki ant mein ban jaayenge। yeh bahut samay ki jama ki hui shakti ant mein kaam mein aayegi। to samjha, pavitrata ki guhya gati kya hai? sada sukh-shanti ki janni aatma - yeh hai pavitrata ki guhyata! saadhaaran baat nahin hai! brahmachaari rehte hain, pavitra ban gaye hain। lekin pavitrata janni hai, chaahe sankalp se, chaahe vritti se, vaayumandal se, vaani se, samparka se sukh-shanti ki janni banna - isko kehte hain pavitra aatma। to kahaan tak bane ho - yeh apne aapko check karo। achha।

aaj bahut aa gaye hain। jaise paani ka baandh toot jaata hai to yeh kaayde ka baandh tod kar aa gaye hain। phir bhi kaayde mein phaayda to hai hi। jo kaayde se aate, unhon ko jyaada milta hai aur jo lahar mein lahraakaar aate hain, to samay pramaan phir itna hi milega na। phir bhi dekho, bandhanmukta baapdaada bhi bandhan mein aata hai! sneh ka bandhan hai। sneh ke saath samay ka bhi bandhan hai, shareer ka bhi bandhan hai na। lekin pyaara bandhan hai, isliye bandhan mein hote bhi aajaad hain। baapdaada to kahenge - bhale padhaare, apne ghar pahunch gaye। achha।

chaaron or ke sarva param pavitra aatmaon ko, sada sukh-shanti ki janni paavan aatmaon ko, sada pavitrata ki shakti dvaara anek aatmaon ko duhkh-darda se door karne vaali dev aatmaon ko, sada parmaatma-vidhi dvaara siddhi-swaroop aatmaon ko baapdaada ka sneh sampanna yaadapyaar aur namaste।

hostel ki kumaariyon se - (Indore group):- sabhi pavitra mahaan aatmaayen ho na? aajkal ke mahaatma kahlaane vaalon se bhi anek baar shreshtha ho। pavitra kumaariyon ka sada poojan hota hai। to aap sabhi paavan, poojya sada shuddh aatmaayen ho na? koi ashuddhi to nahin hai? sada aapas mein ekmat, snehi, sahayogi rahne vaali aatmaayen ho na? sanskaar milaane aata hai na kyonki sanskaar milan karna - yahi mahaanta hai। sanskaaron ka takkar na ho lekin sada sanskaar milan ki raas karte raho। bahut achha bhaagya mila hai - chhotepan mein mahaan ban gai! sada khush rehti ho na? kabhi koi man se rote to nahin? nirmohi ho? kabhi laukik parivaar yaad aata hai? donon padhaai mein hoshiyaar ho? donon padhaai mein sada number one rehna hai। jaise baap one hai, aise bachche bhi number one mein। sabse number one - aise bachche sada baap ke priy hain। samjha? achha।

party se avyakt baapdaada ki mulaakaat:- sada apne ko shreshtha bhaagyavaan samajhte ho? ghar baithe bhaagyavidhaata dvaara shreshtha bhaagya mil gaya। ghar baithe bhaagya milna - yeh kitni khushi ki baat hai! avinaashi baap, avinaashi praapti karaate hain। to avinaashi arthaat sada, kabhi-kabhi nahin। to bhaagya ko dekhkar sada khush rehte ho? har samay bhaagya aur bhaagyavidhaata - donon hi svatah yaad rahen। sada ‘vaah, mera shreshtha bhaagya!' - yahi geet gaate raho। yeh man ka geet hai। jitna yeh geet gaate utna sada hi udti kala ka anubhav karte rahenge। saare kalpa mein aisa bhaagya praapta karne ka yeh ek hi samay hai, isliye slogan bhi hai ‘ab nahin to kab nahin'। jo bhi shreshtha kaarya karna hai, woh ab karna hai। har kaarya mein har samay yeh yaad rakho ki ab nahin to kab nahin। jisko yeh smriti mein rehta hai woh kabhi bhi samay, sankalp va karma vesta hone nahin denge, sada jama karte rahenge। vikarma ki to baat hi nahin hai lekin vyartha karma bhi dhokha de dete hain। to har second ke har sankalp ka mahatva jaante ho na। jama ka khaata sada bharta rahe। agar har second va har sankalp shreshtha jama karte ho, vyartha nahin ganvaate ho to 21 janma ke liye apna khaata shreshtha bana lete ho। to jitna jama karna chaahiye utna kar rahe ho? is baat par aur underline karna - ek second bhi, sankalp bhi vyartha na jaae। vyartha khatma ho jaayega to sada samartha ban jaayega। achha। aandhra pradesh mein gareebi bahut hai na। aur aap phir itne hi saahookaar ho! chaaron or gareebi badhti jaati hai aur aapke yahaan saahookaari badhti jaati hai kyonki gyaan ka dhan aane se yeh sthool bhi svatah hi daal-roti milne jitna aa hi jaata hai। koi brahman bhookha rehta hai? to sthool dhan ki gareebi bhi samaapta ho jaati hai kyonki samajhdaar ban jaate hain। kaam karke svayan ko khilaane ke liye va parivaar ko khilaane ke liye bhi samajh aa jaati hai isliye double saahookaari aa jaati hai। shareer ko bhi achha aur man ko bhi achha। daal-roti aaraam se mil rahi hai na। brahmaakumaar-brahmaakumaari banne se royal bhi ho gaye, saahookaar bhi ho gaye aur anek janma maalaamaal rahenge। jaise pahle chalte the, rehte the, pahante the… usse abhi kitne royal ho gaye ho! abhi sada hi svachchha rehte ho। pahle kapde bhi maile pahnenge, abhi andar baahar donon se svachchha ho gaye। to brahmaakumaar banne se phaayda ho gaya na। sab badal jaata hai, parivartan ho jaata hai। pahle ki shakla, akla dekho aur abhi bhi dekho to pharka ka pata chalega। abhi roohaaniyat ki jhalak aa gai, isliye soorat hi badal gai hai। to sada aise khushi mein naachte raho। achha।

double videshi bhaai-bahnon se:- double videshi ho? vaise to sabhi brahman aatmaayen isi bhaarat desh ki hain। anek janma bhaaratvaasi rahe ho, yeh to seva ke liye anek sthaanon par pahunche ho isliye yeh nishaani hai ki jab bhaarat mein aate ho arthaat madhuban dharni mein ya brahman parivaar mein aate ho to apnaapan anubhav karte ho। vaise videsh ki videshi aatmaayen kitne bhi nazdeek samparka vaali ho, sambandh vaali hon lekin jaise yahaan aatma ko apnaapan lagta hai, aise nahin lagega! jitni najdeek vaali aatma hogi utne apnepan ki jyaada mahsoosta hogi। sochna nahin padega ki main tha ya main ho sakta hoon। har ek sthool vastu bhi ati pyaari lagegi। jaise koi apni cheez hoti hai na। apni cheez sada pyaari lagti hai। to yeh nishaaniyaan hain। baapdaada dekh rahe hain ki door rehte bhi dil se sada najdeek rahne vaale hain। saara parivaar aapko is shreshtha bhaagyavaan ki nazar se dekhta hai। achha।

vardaan:- yuddha mein darne va peechhe hatne ke bajaae baap ke saath dvaara sada vijayi bhav

sena mein yuddha karne vaale jo yoddhe hote hain unhon ka slogan hota ki haarna va peechhe lautna kamjoron ka kaam hai, yoddha arthaat marna aur maarna। aap bhi roohaani yoddhe darne va peechhe hatne vaale nahin, sada aage badhte vijayi banne vaale ho। aise kabhi nahin sochna ki kahaan tak yuddha karen, yeh to saare jindagi ki baat hai lekin 5000 varsha ki praarabdha ke hisaab se yeh second ki baat hai, sirf vishaal buddhi bankar behad ke hisaab se dekho aur baap ki yaad va saath ki anubhooti dvaara vijayi bano।

slogan:- sada aasha aur vishvaas ke aadhaar par vijayi bano।