Murli du jour du mardi 2 novembre 2021

02-11-2021 praatahmurli om shanti "baapdaada"' madhuban

“meethe bachche - tumhein mansa-vaacha-karmana accurate banna hai, kyonki tum devtaaon se bhi oonch brahman choti ho''

prashn:- sabse gupta aur maheen baat kaun si hai jo bachche bhi mushkil hi samajh sakte hain?

uttar:- shivbaaba aur brahma baba ka bhed samajhna - yeh sabse gupta aur maheen baat hai। ismen kai bachche moonjh jaate hain। yeh raaz svayan baap batlaate hain ki main savere-savere is tan dvaara tum bachchon ko padhaata hoon, baaki aise nahin ki main koi saara din in par savaari karta hoon।

om shanti। roohaani baap roohaani bachchon ko samjhaate hain। bachche kaun hain? brahman। yeh kabhi bhoolo mat ki ham brahman hain, devta banne vaale hain। varno ko bhi yaad karna hota hai। yahaan tum aapas mein brahman hi brahman ho। braahmanon ko behad ka baap padhaate hain। yeh brahma nahin padhaate hain। shivbaaba padhaate hain। brahma dvaara braahmanon ko hi padhaate hain। shoodra se brahman banne bina devta ban nahin sakte। varsa to shivbaaba se milta hai। shivbaaba to sabhi ka baap hai। is brahma ko grand father kaha jaata hai। laukik baap to sabko hote hi hain। paarlaukik baap ko bhakti maarga mein yaad karte hain। ab tum bachche samajhte ho - yeh alaukik baap hai, jisko koi nahin jaante hain। bhal brahma ka mandir hai। yahaan bhi prajaapita aadi dev ka mandir hai। unko mahaaveer bhi kehte hain, koi dilvaala bhi kehte hain। parantu vaastav mein dil lene vaala hai shivbaaba, na ki brahma। sabhi aatmaon ko sada sukhi karne vaala, khushi dene vaala ek hi baap hai। yeh bhi sirf tum bachche hi jaante ho। duniya mein to manushya kuchh bhi nahin jaante। ham brahman hi shivbaaba se varsa le rahe hain। tum bhi ghadi-ghadi bhool jaate ho। yaad hai badi sahaj। yog akshar sannyaasiyon ne rakha hai। tum to baap ko yaad karte ho। yog to common akshar hai, inko yog aashram bhi nahin kahenge। bachche aur baap baithe hain। bachchon ka farja hai - behad ke baap ko yaad karna। ham brahman hain, daade se varsa lete hain brahma dvaara isliye shivbaaba kehte hain - jitna ho sake yaad karte raho। chitra bhi bhal yaad rakho। yaad to rahegi, ham brahman hain, baap se varsa lete hain। brahman kab apni jaati ko bhoolte hain kya? tum shoodron ke sang mein aane se braahmanapna bhool jaate ho। brahman to devtaaon se bhi oonch hain kyonki tum brahman knowledgeful ho। bhagwan ko jaani-jaananhaar kehte hain na। iska arth yeh nahin ki sabke dil mein kya hai - woh baith dekhta hai। nahin, unko srishti ke aadi madhya ant ki knowledge hai। woh beejroop hai। beej jhaad ke aadi madhya ant ko jaante hain। to aise baap ko bahut-bahut yaad karna hai। inki aatma bhi us baap ko yaad karti hai। woh baap kehte hain - yeh (brahma) bhi mujhe yaad karenge tab yeh pad paayenge। tum bhi yaad karenge to pad paayenge। pahle-pahle tum bina shareer (ashareeri) aaye the। phir ashareeri bankar vaapis jaana hai। aur sab deh ke sambandhi tumko duhkh dene vaale hain, unko kyon yaad karte ho! jabki main tumko mila hoon। main tumko nai duniya mein le jaane aaya hoon। vahaan koi duhkh nahin। woh hai daivi sambandh। yahaan pahle duhkh hota hai - stri aur puroosh ke sambandh mein, kyonki vikaari bante hain। tumko main ab us duniya ke laayak banaata hoon, jahaan vikaar ki baat hi nahin rehti। yeh kaam mahaashatru gaaya hua hai, jo aadi madhya ant duhkh dete hain। krodh ke liye aise nahin kahenge ki yeh aadi madhya ant duhkh dete hain। nahin, kaam ko jeetna hai, vahi aadi madhya ant duhkh dete hain। patit banaate hain। patit akshar vikaar par padta hai। is dushman par jeet paani hai। tum jaante ho ham satayug ke devi-devta ban rahe hain। jab tak yeh nishchay nahin tab tak kuchh pa nahin sakenge।

baap samjhaate hain - bachchon ko mansa-vaacha-karmana accurate banna hai। mehnat hai। duniya mein yeh kisko bhi pata nahin ki tum bhaarat ko svarga banaate ho। aage chalkar samjhenge, chaahte bhi hain ki one world, one raajya, one religion, one bhaasha ho। tum samjha sakte ho - aaj se 5 hajaar varsha pahle ek raajya, ek dharma tha, jisko svarga kaha jaata hai। raamraajya, raavanraajya ko bhi koi nahin jaante। tum bhi nahin jaante the। ab tum svachchha buddhi bane ho, nambarvaar purushaartha anusaar। baap baith tumko samjhaate hain to zaroor baap ki mat par chalo। baap kehte hain - puraani duniya mein rehte kamal phool samaan pavitra raho। mujhe yaad bhi karte raho। baap aatmaon ko samjhaate hain। aatmaon ko hi padhaane aaya hoon, in organs dvaara। yeh to puraani chhi-chhi duniya, chhi-chhi shareer hai। tum brahman pooja ke laayak nahin ho, gaayan laayak ho। poojan laayak devtaayen hain। tum shreemat par vishwa ko svarga banaate ho isliye tumhaara gaayan hai, pooja nahin ho sakti। gaayan zaroor tum braahmanon ka hai, na ki devtaaon ka। baap tumko hi shoodra se brahman banaate hain। devtaaon ki aatma aur shareer donon pavitra hain। ab tumhaari aatma pavitra hoti jaati hai। shareer pavitra nahin hai। ab tum eeshvar ki mat par bhaarat ko svarga bana rahe ho। tum bhi svarga ke laayak ban rahe ho। satopradhaan zaroor banna hai। sirf tum brahman hi ho jisko baap baith padhaate hain। braahmanon ka jhaad vriddhi ko paata rahega। brahman jo pakke ban jaayenge vahi jaakar devta banenge। yeh naya jhaad hai, maaya ke toofaan bhi lagte hain। satayug mein koi toofaan nahin lagega। yahaan maaya baba ki yaad mein rahne nahin deti hai। ham jaante hain baba ki yaad se hi tamopradhaan se satopradhaan bane hain। saara madaar hai yaad par। bhaarat ka praacheen yog bhi mashhoor hai na। vilaayat vaale chaahte hain, praacheen yog aakar koi sikhaaye।

ab yog do prakaar ka hai - ek hain hathayogi, doosre hain raajayogi। tum ho raajayogi। woh to bahut din se chale aate hain। raajayog ka ab tumko pata pada hai। sannyaasi kya jaanen raajayog se। baap ne aakar bataaya hai - raajayog main hi aakar sikhaata hoon, krishna to sikhla na sake। yeh bhaarat ka hi praacheen yog hai, sirf geeta mein mere badle krishna ka naam daal diya hai। kitna farka ho gaya hai। shiv jayanti hoti hai to tumhaare baikuntha ki bhi jayanti hoti hai, jismen krishna ka raajya hai। tum jaante ho shivbaaba ki jayanti hai to geeta ki bhi jayanti hai, baikuntha ki bhi jayanti ho rahi hai। tum pavitra ban jaayenge, kalpa pahle muaaphik sthaapna ho rahi hai to shivbaaba ki jayanti so svarga ki jayanti, baba hi aakar svarga ki sthaapna karte hain। ab baap kehte hain mujhe yaad karo। yaad na karne se maaya kuchh na kuchh vikarma kara deti hai। yaad nahin kiya aur lagi chamaat। yaad mein rahne se chamaat nahin khaayenge। yeh boxing hoti hai। tum jaante ho hamaara dushman koi manushya nahin hai, raavan dushman hai। shaadi karne ke baad kumaar-kumaari bhi patit banne se ek do ke dushman ban jaate hain। shaadi mein laakhon roopaye kharcha karte hain। baap kehte hain - shaadi hai barbaadi। ab paarlaukik baap ne ordinance nikaala hai ki bachche yeh kaam mahaashatru hai, in par jeet pahno aur pavitrata ki pratigya karo। koi bhi patit na bane। janma-janmaantar tum patit bane ho is vikaar se, isliye kaam mahaashatru kaha jaata hai। baap to bahut achhi reeti samjhaate hain। tumne 84 janma kaise liye hain। ab vaapis jaana hai। tumko to bada hi shuddh ahankaar hona chaahiye। ham aatmaayen baap ki mat par chal bhaarat ko svarga bana rahe hain। ham hi phir svarga mein raajya karenge। jitni mehnat karenge utna pad paayenge। chaahe raaja-raani bano, chaahe praja bano। raaja-raani kaise bante hain woh bhi dekh rahe ho। follow father gaaya jaata hai। woh ab ki baat hai। laukik sambandh ke liye nahin kaha jaata hai। yeh baap mat dete hain, maamekam yaad karo to vikarma vinaash honge। tum samajhte ho ham achhi mat par chalte hain, bahuton ki seva karte hain। bachche baap ke paas aate hain to shivbaaba bhi refresh karte hain to yeh bhi refresh karte hain। yeh bhi to seekhte hain na। shivbaaba kehte hain main aata hoon savere ko। achha phir koi milne aate hain to kya yeh brahma nahin samjhaayenge। aise kahenge kya ki baba aap aakar samjhaao main nahin samjhaaoonga। yeh badi gupta guhya baaten hain na। main to sabse achha samjha sakta hoon। tum aise kyon samajhte ho ki shivbaaba hi samjhaate hain। yeh nahin samjhaate honge। yeh bhi jaante ho kalpa pahle isne samjhaaya hai tab to yeh pad paaya hai। mama bhi samjhaati thi na। woh bhi oonch pad paati hai। vahaan baba ko sookshm vatan mein dekhte hain to bachchon ko follow karna hai। surrender hote bhi gareeb hain। saahookaar to surrender ho na saken। gareeb hi kehte hain - baba yeh sab kuchh aapka hai। shivbaaba to daata hai, woh kabhi leta nahin। bachchon ko kehte hain yeh sab kuchh tumhaara hai। apne liye mahal yahaan ya vahaan nahin banaata hoon। tumko hi svarga ka maalik banaata hoon। ab in gyaan ratnon se jholi bharni hai। mandir mein jaakar kehte hain jholi bhar do। parantu kis prakaar ki, kis cheez ki jholi bhar do? ab jholi bharne vaali to lakshmi hai jo paisa deti hai। shiv ke paas to jaate nahin। krishna ke liye kehte hain ki geeta sunaai। parantu krishna ke liye nahin kehte jholi bhar do। shankar ke paas jaakar kehte hain। samajhte hain shiv aur shankar ek hain। shankar to jholi khaali karne vaala hai, hamaari jholi to koi khaali nahin kar sakta। vinaash to hona hi hai। gaaya hua bhi hai roodra gyaan yagya se vinaash jvaala nikli। parantu aise koi samajhte thode hi hain।

tum bachchon ko grihastha vyavhaar mein bhi rehna hai। dhandha bhi karna hai। baap har ek ki nabja dekh raay dete hain kyonki baap samajhte hain main kahoon aur kar na saken, aisi raay hi kyon doon। nabja dekhkar hi raay dete hain। inke paas to aana pade। woh poori raay denge। sabko poochhna chaahiye - baba is haalat mein hamko kya karna chaahiye! ab kya karen? baap svarga mein to le jaate hain। tum jaante ho ham svargavaasi to banne vaale hain, ab ham narkavaasi hain। ab tum na narka mein ho, na svarga mein ho। jo-jo brahman bante hain unka langar is chhi-chhi duniya se uth chuka। tum kaliyugi duniya se kinaara ab chhod chuke ho। koi brahman teekha ja raha hai, koi yaad ki yaatra mein kam। koi haath chhod dete hain to ghutka khaakar doob marte hain arthaat phir kaliyug mein chale jaate hain। tum jaante ho khivaiya ab hamko le ja rahe hain। woh yaatra to anek prakaar ki hai। tumhaari yaatra ek hi hai, yeh bilkul hi nyaari yaatra hai। haan, toofaan aate hain jo yaad ko tod dete hain। is yaad ki yaatra ko achhi reeti pakka karo, mehnat karo। tum karmayogi ho। jitna ho sake hath kaar de, dil yaar de। aadhaakalpa se tum aashik ban maashook ko yaad karte aaye ho। baba hamko yahaan bahut duhkh hai, ab hamko sukhdhaam ka maalik banaao। yaad ki yaatra mein rahenge to tumhaare paap khalaas ho jaayenge। tumne hi svarga ka varsa paaya tha, ab ganvaaya hai। bhaarat svarga tha tab kehte hain praacheen bhaarat। bhaarat ko bahut maan dete hain, sabse bada bhi hai, sabse puraana bhi hai। yeh to tum jaante ho vinaash saamne khada hai। jo achhi reeti samajhte hain unhon ke andar mein bahut khushi rehti hai। pradarshani mein kitne aate hain। ahamdaabaad mein dekho kitne saadhu-santa aadi har prakaar ke aaye। kehte hain tum to satya kehti ho। parantu hamko baap se varsa lena hai, yeh thode hi buddhi mein baithta hai। yahaan se baahar nikle khalaas। abhi tum jaante ho ki baap hamko svarga mein le jaate hain। vahaan na garbha jel, na woh jel hogi। phir kabhi jel ka munh dekhne ko nahin milega। donon jel nahin rahengi। yahaan yeh sab hai maaya ka pomp। aajkal har ek baat quick hoti hai। maut bhi quick hoti rehti hai। satayug mein aise koi upadrav hote hi nahin hain। yahaan maut bhi jaldi, to duhkh bhi bahut honge। sab khalaas ho jaayenge। saari dharti nai ho jaayegi। satayug mein devi-devtaaon ki raajdhaani thi, so zaroor phir hogi। aage chal dekhna kya hota hai! bahut bhayankar scene hai। tum bachchon ne saakshaatkaar kiya hai। bachchon ke liye mukhya hai yaad ki yaatra। yeh hai chadhti kala ki yaatra। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ka namaste।

dhaarna ke liye mukhya saar:-

1) sada isi smriti mein rehna hai ki ham brahman hain। ham braahmanon ko hi bhagwan padhaate hain। ham abhi brahman so devta ban rahe hain।

2) gyaan ratnon se apni jholi bharkar daan karna hai। is kaliyugi patit duniya ka kinaara chhod dena hai। maaya ke toofaanon se darna nahin hai।

vardaan:- powerful sthiti dvaara rachna ki sarva aakarshanon se door rahne vaale master rachayita bhav

jab master rachayita, master knowledgeful ki powerful sthiti va nashe mein sthit rahenge tab rachna ki sarva aakarshanon se pare rah sakenge kyonki abhi rachna aur bhi bhinna-bhinna rang-dhang, roop rachegi isliye abhi bachpan ki bhoolen, albelepan ki bhoolen, aalasya ki bhoolen, beparvaahi ki bhoolen jo rahi hui hain - unhein bhool kar apne powerful, shakti-swaroop, shastradhaari swaroop, sada jaagti jyoti swaroop ko pratyaksha karo tab kahenge master rachayita।

slogan:- man ki sthiti mein aisa hard bano jo koi bhi paristhiti use pighla na de।