Murli du jour du mardi 16 novembre 2021

16-11-2021 praatahmurli om shanti "baapdaada"' madhuban

“meethe bachche - gyaanvaan bano to dhanvaan ban jaayenge, jagdamba gyaan-gyaaneshvari hi raaj-raajeshvari banti hai''

prashn:- baap ko apne bachchon par taras padta hai isliye shreshtha takdeer banaane ke liye kaun si shreemat dete hain?

uttar:- meethe bachche - sir par jo paapon ka bojha hai, use maut ke pahle yaad ki yaatra mein rahkar utaar do। koi bhi vikarma nahin karo। baap aaye hain tumko jamaghton ki phaansi se chhudaane, isliye ab aisa koi karma nahin karna।

geet:- raat ke raahi thak mat jaana…

om shanti। meethe-meethe roohaani bachchon ne is geet ka arth samjha। baap aaye hain bhakti roopi raat ka vinaash kar din sthaapan karne kyonki baap ko hi bulaate hain - he patit-paavan aao। samajhte hain koi samay ham paavan the, ab patit hain। cheez woh maangi jaati hai jo pahle thi ab nahin hai। tum bachche jaante ho pavitra devi devtaaon ki raajdhaani thi। gyaan-gyaaneshvari hi phir raaj-raajeshvari banegi। jaise jagat amba, lakshmi alag-alag hain। lakshmi ko kabhi jagat amba nahin kahenge। lakshmi ko unke do bachche hi maateshvari kahenge। yahaan jagat amba ko sab bhaaratvaasi jo bhi religious minded hain, sab maa kehte hain। devi-devtaaon ke mandir mein jaakar unki bhakti karte hain। abhi tumko maaloom hua hai ki hamne bahut bhakti ki hai। daan-punya aadi jitna tumne kiya hai utna aur koi ne nahin kiya hoga। tumne sabse jaasti bhakti ki hai। ab tumne apna yaadgaar jeete ji dekha hai। aadi dev aur aadi devi hain, jisko jagat amba kehte hain। abhi tum jaante ho jagat amba dhanvaan banti hai। tum unke bachche ho na। ab tum padh rahe ho। woh hai goddess aaph knowledge। us knowledge se kabhi raaja-raani nahin bante hain। tum jaante ho ham aatmaayen shivbaaba ke bachche hain aur yeh hai prajaapita brahma। shivbaaba in dvaara nai duniya ki sthaapna kar rahe hain। gaaya bhi hua hai brahma dvaara sthaapna। yeh achhi reeti samajhkar dhaaran karna hai। kehte hain na sherni ke doodh liye sone ka bartan chaahiye। yeh gyaan bhi hai sarvashaktimaan parampita paramatma ka। uske liye bhi buddhi roopi bartan sone ka chaahiye। nai duniya mein aatma aur shareer donon sone ke bante hain। abhi tumhaari aatma patthar ka bartan hai। to shareer bhi aisa hi hai। bhaarat mein hi shyaam aur sundar, patit aur paavan kehte hain। doosre koi khandon mein aise nahin kahenge ki ham patiton ko aakar paavan banaao। kehte hain duhkh se chhudaae, shanti mein le jaao। vivek bhi kehta hai ki ham bhaaratvaasi paavan the, in lakshmi-naaraayan ka raajya tha। bhal kitne bhi bade aadmi hain। woh bhi guru ke paanv mein girte hain kyonki guru ne sannyaas dhaaran kiya hua hai। 5 vikaaron ko chhoda hai to vikaari nirvikaariyon ko maan dete hain। pavitrata ka hi maan hai। dvaapar se raaja-raani aur vajeer hote hain। satayug mein raaja-raani ko vajeer hote nahin। jab patit raaja-raani hote hain to ek vajeer rakhte hain, ab to bahut patit ho gaye hain to saikdon vajeer rakhte hain। yeh hai drama ki bhaavi। baba batlaate hain dekho kaise drama ki bhaavi bani hui hai। to pahle zaroor bhaarat hi tha phir doosre dharma vaale aaye। baap samjhaate hain is samay tum ho gyaan gyaaneshvari। jagat amba hai brahma ki beti, goddess oph knowledge। jagat amba gyaanvaan hai, jo doosre janma mein dhan lakshmi banti hai। tumko abhi baap gyaan sikha rahe hain। tum jaante ho ham vahaan dhanvaan banenge। duniya mein yeh kisko pata nahin hai ki yeh lakshmi-naaraayan dhanvaan kaise banen। lakshmi-naaraayan vahi brahma sarasvati hain। brahma jagat pita hai to zaroor brahman braahmaniyaan bahut honge। tum kitne brahman braahmaniyaan ho। tum jaante ho ham is gyaan se bhavishya mein aise dhanvaan banenge। ekdam goddess aaph wealth, inse adhik wealth kiske paas ho nahin sakti isliye gaaya jaata hai - knowledge is source aaph income, judge, barrister aadi knowledge se bante hain na। to yeh income hai na। koi-koi doctor ko ek-ek case ka laakh roopaya milta hai। koi raaja-raani va prince beemaar hua, doctor ne beemaari se chhudaaya to khushi mein aakar bada-bada makaan banaane ke liye paisa de dete hain। kitni income hui। to padhaai se hi pad paate hain। yeh tumhaari padhaai bhi hai, dhandha bhi hai।

tum meethe bachche ab sauda karne aaye ho। kakhpan de laakh kamaate ho। baap avinaashi surgeon bhi hai, sadaiv healthy banne ke liye baba yog sikha rahe hain। baba kehte hain main guarantee karta hoon - tum ever healthy 21 janmon ke liye banenge। to aise surgeon ki davaai arthaat shreemat par kyon nahin chalna chaahiye। baap ki mat maano। mujhe yaad karo। kehte hain na simar-simar sukh paao, kalah klesh mite sab tan ke। bhakti maarga mein koi kalah-klesh mitta nahin hai। bahut sannyaasi log bhi beemaari mein ardhaang mein pade rehte hain। jaise paagal ho jaate hain। tum bachche jaante ho baap ki shreemat par chalenge to ham ever healthy banenge। vahaan aayu average 125-150 varsha rehti hai। aise nahin ki dvaapar mein ekdam 35 varsha ki ho jaati hai। nahin, pahle 100-125 hogi। phir 70-80 ki hogi, ab to 35-40 varsha tak aakar pahunchi hai। chhotepan mein hi mar padte hain kyonki bhogi hain। tum jaante ho - abhi bhogi se yogi ban rahe hain। vahaan aayu itni badi hogi jo akaale mrityu kab hogi nahin। baap smriti dilaate hain, tumko kitna raajya bhaagya tha। ab raavan ne loot liya। vahaan yeh mandir aadi hote nahin। tumhaara slogan bhi hai - bhaarat ka aadi sanaatan devi-devta dharma jindaabaad, baaki sab murdaabaad arthaat anek dharma vinaash। vahaan sirf ek hi bhaarat khanda tha। ek khanda mein manushya bhi zaroor thode honge। tum likh sakte ho thode samay mein bhaarat ki aabaadi 9 laakh hogi aur sab khatma ho jaayenge। ek dharma ki sthaapna ab ho rahi hai। new deity raajya mein ek hi bhaasha, ek hi rasam-rivaaj hoga। yahaan har ek ki rasam apni। vahaan one raajya, one kamyuniti thi। tum aise-aise slogan akhbaar mein bhi daal sakte ho। baba se raay lete hain ki paisa kharcha kar akhbaar mein daalen? baba kahenge bhal daalo। manushyon ko maaloom pade ki kya ho raha hai। kehte bhi hain Christ se 3 hajaar varsha pahle svarga tha। one religion, one kamyuniti thi, sooryavanshi devi-devtaaon ki। is mahaabhaarat ladaai ke baad svarga ke get khule the। akhbaar mein daalo naam bi.ke. ka ho। parantu bi.ke. tab kahla sakte hain jab pavitra rahen। baap ko bulaaya hai। ab baap aaye hain to ab baap se pratigya karo। bhakti maarga mein kitne dhakke khaaye, yagya, tap, daan aadi kiya। pahle ek shiv ki bhakti karte the phir devtaaon ki, abhi to vyabhichaari ban pade hain। ab baap tumko sab duhkhon se chhudaate hain। baap tum bachchon ko knowledge de kitna oonch, manushya se devta banaate hain। satayug mein tumhaare paas sab kuchh sone ka hoga। baap tumko shreemat de svarga ka maalik banaate hain। tum phir shreemat par kyon nahin chalte ho। baap jamaghton ki phaansi se chhudaate hain, garbhajel ki sajaaon se chhudaate hain। tum svarga mein garbha mahal mein rehte ho। yahaan hai jel kyonki manushya paap karma karte hain। vahaan 5 vikaar hi nahin phir bhi raaja-raani praja ke martabe mein to pharka hoga na। paisa kamaane ke liye manushya mehnat to karte hain na। vahaan vajeer nahin kyonki tum yahaan ki praalabdha paate ho। ab baap kehte hain bachche tum shreemat par chalo। main doordesh se aaya hoon - patit shareer mein, patit raajya mein। yeh hai raavan ka desh, tum bachchon ko aakar varsa deta hoon। aise baap ki aagya na maanna, woh to kapoot thahra। vikaar ke peechhe itna thode hi hairaan hona chaahiye। baba kehte hain - yeh vikaar duhkh dene vaale hain। patiton ko paavan banaana - yeh mera kaam hai। kitna pyaar se samjhaate hain - khaao, piyo sukhi raho, yeh yaad rakho ham shivbaaba ke paas aaye hain, unse hamaari paalna hoti hai। agar mitra-sambandhiyon aadi ki cheez pahnenge to woh yaad aayenge, pad bhrashta ho jaayega। yahaan shivbaaba ke bhandaare se, patit-paavan baap ke yagya se paravrish honi hai, na ki patit ghar se। aur kisi ki di hui cheez hogi to woh yaad aayega। uske liye gaayan hai antakaal jo stri simre... kitni achhi avastha honi chaahiye। grihastha vyavhaar mein rehte buddhi se samajhna hai ki yeh sab khatma hue pade hain। hamaara to ek baba hai। ab baap ki kabhi maala simri jaati hai kya? main tum bachchon ko smriti dilaata hoon ki mujhe yaad karo, tumko bahut bal milega, vikarma vinaash honge, balvaan ban jaayenge। yeh lakshmi-naaraayan balvaan hain na। jo balvaan hote hain woh raajaai paate hain। baba apna misaal bataate hain। mainne 12 guru kiye, guru ne kaha subah ko uthkar 1000 maalaayen japo। ham kehte the koi aur time bataao। saara din dhandha-dhori se thak jaate hain। jaise tum bhi kehte ho - baba savere uth nahin sakte। baap kehte hain - aise mat kaho ham pavitra nahin rah sakte, yaad mein nahin rah sakte। yaad nahin karenge to vikarma vinaash kaise honge। tumko tamopradhaan se satopradhaan zaroor banna hai। yeh antim janma hai zaroor pavitra bano। baap ki shreemat par nahin chalenge to kya pad paayenge। aadhaakalpa se mujhe bulaaya। ab main kehta hoon paavan bankar mujhe yaad karo। auron ko bhi raasta bataate raho, message dete raho। baap kehte hain manmanaabhav। maut saamne khada hai। tumko hi messenger athva paigambar kaha jaata hai। tum braahmanon ke sivaae koi messenger ban nahin sakta। patit-paavan shivbaaba aate hain। kismen pravesh karte hain, yeh bhi likha hua hai। brahma dvaara sthaapna। yeh samajhte thode hi hai। sookshm vatan mein prajaapita brahma hoga kya? yahaan hi patit se paavan bante hain। silence bal se sthaapna hoti hai, science bal se vinaash। sabhi kehte hain shanti kaise mile। ab aatma to hai hi shant swaroop। yahaan aaye hain part bajaane, yahaan shant kaise rahenge। woh shanti shantidham mein milegi, yahaan to duhkh milega। satayug mein sukh-shanti donon honge।

ab tum bachche yahaan sammukh sunte ho। baap kehte hain - patit mere saath kab na milen। nahin to le aane vaali braahmani par paap chadhega। (indra sabha ki pari ka misaal) vaastav mein indra sabha yeh hai। yeh gyaan sabja pariyaan, pukhraaj pariyaan hain। to aur hi dhakka lagega। baba sakhta mana karte hain। koi patit ko le nahin aana hai। aage baba hamesha poochhte the ki pratigya kiya hai। kehte the purushaartha kar raha hoon। jab pakka nishchay ho tab mile। agar milkar vikaar mein gaya to sau guna danda padega। baap samjhega shaayad inki takdeer mein nahin hai। baap to tadbeer bataate hain takdeer banaane ke liye। phir aise baap ka kehna na maane to kya gati hogi! baap ko taras padta hai, baap kehte hain - apne ko correct karte jaao। aise na ho chalte-chalte mar jaao। dar rehna chaahiye, ham baap ko yaad kar paapon ka bojha utaaren। achha!

sabki sadgati karne vaala ek hi shivbaaba hai, unka to photo nikaal nahin sakte unko divya drishti se hi dekh sakte hain। baaki jaana ja sakta hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aisi avastha banaani hai jo antakaal mein ek baap ki yaad aaye। doosra koi yaad na aaye, buddhi mein rahe yeh sab vinaash hone vaala hai।

2) apne aap ko correct karna hai, is antim janma mein pavitra zaroor banna hai। dar rakhna hai ki hamse koi paap karma na ho jaae।

vardaan:- number one businessman ban ek ek second va sankalp mein kamaai jama karne vaale padmapti bhav

number one businessman woh hai jo svayan ko busy rakhne ka tareeka jaanta hai। businessman arthaat jiska ek sankalp bhi vyartha na jaaye, har sankalp mein kamaai ho। jaise woh businessman ek ek paise ko kaarya mein lagaakar padamguna bana dete hain, aise aap bhi ek ek second va sankalp kamaai karke dikhaao tab padmapti banenge। isse buddhi ka bhatakna band ho jaayega aur vyartha sankalpon ki complain bhi samaapta ho jaayegi।

slogan:- jo mangata hai vo khushi ke khajaane se sampanna nahin ho sakta।