Murli du jour du jeudi 2 décembre 2021

02-12-2021 praatahmurli om shanti "baapdaada"' madhuban

“meethe bachche - aatma-abhimaani banne ki practice karo, jitna aatma-abhimaani banenge utna baap se lav rahega''

prashn:- dehi-abhimaani bachchon mein kaun sa akla sahaj hi aa jaata hai?

uttar:- apne se badon ka regard kaise rakhen, yeh akla dehi-abhimaani bachchon mein aa jaata hai। abhimaan to ekdam murda bana deta hai। baap ko yaad hi nahin kar sakte। agar dehi-abhimaani rahen to bahut khushi rahe, dhaarna bhi achhi ho। vikarma bhi vinaash hon aur badon ka regard bhi rakhen। jo sachchi dil vaale hain ve samajhte hain ki ham kitna samay dehi-abhimaani rah baap ko yaad karte hain।

geet:- na woh hamse juda honge…

om shanti। yeh kisne kaha? aatma ne kaha kyonki tum bachche ab aatma-abhimaani ban rahe ho drama plan anusaar। aadhaakalpa deh-abhimaani banen, aadhaakalpa tum phir aatma-abhimaani bante ho। abhi tumko aatma-abhimaani banne ki practice karni pade। baba ghadi-ghadi kehte hain bachche ashareeri bhav, aatma-abhimaani bhav। tum bachche saamne baithe ho aur woh door baithe hain। yeh jaante hain ki hamko aatma-abhimaani ban baap ko yaad karna hai। baba ki hi shreemat par chalna hai। isko kaha jaata hai shreshtha te shreshtha mat। baap ke saath bahut lav hona chaahiye। abhi baap kehte hain deh sahit deh ke sab sambandhon ko chhodo। aatma-abhimaani banne ki bahut-bahut practice karni hai। shareer to vinaash hona hai। aatma hai avinaashi। vinaashi shareer ko yaad karne ke kaaran aatma ko bhool baithe hain। yeh bhi bachchon ko samjhaaya jaata hai ki aatma kya cheez hai। kehte bhi hain ki aatma chhoti star misal hai। in aakhon se dekhne mein nahin aati hai, unko divya drishti bigar dekha nahin ja sakta hai। aatma ko dekhne ki koshish bahut karte hain parantu dekh nahin sakte। koi divya drishti se dekhte bhi hain to bhi samajh nahin sakte ki yeh kya cheez hai। badi cheez to hai nahin। aatma bilkul chhoti star misal hai। kitni chhoti bindi hai। yeh baaten kiski buddhi mein baithna bada mushkil hai kyonki aadhaakalpa se deh-abhimaan mein rahe hain।

baap samjhaate hain tum apne ko aatma nishchay karo, ham aatma vahaan ke rahne vaale hain। yeh shareer to yahaan lena hai। yeh shareer 5 tatvon ka bana hua hai। pinda (shareer) jab taiyaar hota hai to phir chhoti aatma inmen pravesh karti hai। chaitanyata aati hai। aatma bhi satya, chaitanya hai to parampita paramatma bhi sat hai, chaitanya hai। param aatma hai। woh koi badi cheez nahin hai। aatma bhi chhoti hai। jaise inmen gyaan hai vaise tumhaari aatma mein bhi gyaan hai। itni chhoti aatma mein saara gyaan hai, yeh bada wonder hai। parantu bachche ghadi-ghadi yeh baaten bhool jaate hain। deh-abhimaan mein aa jaate hain। abhi tum aatmaayen is shareer dvaara vishwa ke maalik bante ho arthaat god goddess bante ho। baap to hai god father। parantu bhaarat mein in lakshmi-naaraayan ko god goddess kehte hain kyonki inhon ko itna oonch baap banaate hain। is knowledge se dekho kya ban jaate hain। jo achhi reeti padhaai padhkar imtahaan mein paas hote hain, woh kamaai bhi achhi karte hain। jaise duniya mein koi bahut beautiful hote hain to unko bahut inaam milta hai। phir kehte - miss India, miss America... shareer ke saath vo log kitni mehnat karte hain। satayug mein to natural beauty hoti hai, kashish karne vaali। satopradhaan prakriti se shareer bante hain na। woh kitna kheenchate hain। lakshmi-naaraayan, raadhe-krishna ke chitra kitna sabko kheenchate hain। woh bhi koi accurate chitra nahin bante hain। vahaan to hain hi satopradhaan, to natural beauty rehti hai। yeh sab baba samjhaate hain। vo log gaate hain he patit-paavan...parantu samajhte kuchh bhi nahin। pukaarte bhi aise hain jaise besmajh। he bhagwan daya karo, raham karo। parantu bhagwan kya cheez hai, woh jara bhi pata nahin। baap ko jaanen to rachna ko bhi jaanen isliye rishi-muni aadi sab neti-neti kah gaye। yeh to bilkul theek। rachta aur rachna ko koi jaante nahin। agar jaan jaayen to vishwa ke maalik ban jaayen।

abhi tum samajhte ho - in lakshmi-naaraayan ko bhi aisa banaane vaala baap hi hai। abhi tum baap ke sammukh baithe ho parantu aadhaakalpa deh-abhimaan mein rahne ke kaaran itna regard rakh nahin sakte। aatma-abhimaani bante hi nahin hain। dehi-abhimaani banne se din-pratidin tumhaara regard badhta jaayega। jab poore dehi-abhimaani banenge to regard bhi rakhenge। avastha bhi sudharti jaayegi, khushi bhi rahegi। nambarvaar to hote hain na। jaise baap tumko samjhaate hain tum bhi auron ko yukti bataate raho ki apne ko aatma samjho। ab tumhaara 84 ka chakra poora hua, ab vaapis chalna hai। ham aatma ghar se yahaan aakar shareer dhaaran kar part baja rahe hain। yahaan kitne janma liye, woh bhi buddhi mein knowledge hai। dehi-abhimaani banne mein hi mehnat hai। ghadi-ghadi maaya deh-abhimaani bana deti hai। abhi tumko maaya par jeet paakar dehi-abhimaani banna hai। ekaanta mein baith vichaar karo ham aatma hain। baap ne kaha hai maamekam yaad karo to vikarma vinaash honge। is deh mein moh nahin rakho। ham aatma avinaashi hain, hamko bhaaeeyon mein bhi buddhiyog nahin lagaana hai। bhaai ko bhaai se varsa thode hi milega। na koi ki aatma ko, na bhaai ke shareer ko yaad karna hai। yaad ek baap ko karna hai। varsa bhi baap se hi milega। ham aatma ab apne ghar jaati hain phir satayug mein aakar apna raajya bhaagya lengi। vahaan aatma-abhimaani honge। yahaan maaya raavan deh-abhimaani bana deti hai। abhi tum phir aatma-abhimaani banne ka purushaartha kar rahe ho। apna kalyaan karte raho। yahaan chitron ke saamne aakar baitho। jaise military ko pheelda mein practice karaai jaati hai na। abhi tumko aatma-abhimaani ban baba ko yaad karne ki practice karni hai। baap kehte hain - tum to mere bachche ho na। deh-abhimaani banne se tum maaya ke ban gaye ho। bulaate bhi ho ki he patit-paavan, he gyaan ke saagar... baaki to sab hain bhakti ke saagar। bhakti maarga ka kitna vistaar hai। baap aate hain jhoothi duniya mein so bhi saadhaaran roop mein। drama mein noondh hi aisi hai। patit shareer mein hi baap aate hain। lakshmi-naaraayan ke shareer mein thode hi aayenge। unhon ko to raajya bhaagya mila hua hai। to usmein main kaise aaoon। mujhe saadhaaran roop mein pahchaante nahin hain। pukaarte hain parantu yeh samajhte thode hi hain ki woh bhi zaroor koi shareer mein aayenge na। mera roop to hai niraakaar bindi। to zaroor prajaapita brahma ke tan mein hi aaoonga। prajaapita to zaroor yahaan hona chaahiye, zaroor puraana tan hoga। yeh brahma puraana aur baaju mein vishnu naya khada hai। trimoorti ke chitra mein kitna gyaan hai।

tum bachche aage in devtaaon ko bulaate the। shri naaraayan ki kitni khaatiri karte the। wonder hai na। ham khud naaraayan ko kitna pyaar karte the। shri naaraayan aaya hai, inko khilaao pilaao... andar mein samajhte hain abhi ham ban rahe hain। jo bana hua hai, unki zaroor khaatiri karenge। goya ham apni khaatiri karte hain। baba bhi kehte the apni khaatiri karte ho। tum bachchon ne dekha to hai na - yeh badi wonderful baaten hain। yeh doosra koi samjha na sake। tum hi samjha sakte ho। yeh to hai hi bilkul naya gyaan।

baap kehte hain - main phir se devi-devta dharma sthaapan karta hoon। aadi mein hai devi-devtaaon ka raajya। madhya mein hai raavanraajya। abhi hai ant। ant mein to baap khud aate hain। abhi bachche tum aadi-madhya-ant ko jaan gaye ho। ab baaki thode samay mein kya-kya hone vaala hai। vinaash bhi zaroor hoga। kehte hain mahaabhaarat ladaai lagi thi, ab phir lagegi। is samay yeh kisko pata nahin hai। patit-paavan to ek hi baap hai, woh aaya hai to baaki kitna samay rahega। shreekrishna to ho na sake, usne to satayug mein ek janma liya, krishna naam se phir naam roop badal gaya। shareer ki banaavat hi badal jaati hai। baap ne samjhaaya hai ki tum hi jo poojya the, vahi phir pujaari bane ho। 84 janma kaise liye hain, yeh bhi baap ne samjhaaya hai, aur kehte hain tum aadhaakalpa deh-abhimaan mein rahe ho, ab dehi-abhimaani bano। tum aatma ho। main tumhaara baap parampita paramatma hoon। main ashareeri hoon aur bachchon ko baith apna parichay deta hoon। yeh jo gaaya hua hai - ateendriy sukh gop gopiyon se poochho, yeh ant ki baat hai jab imtahaan ki result najdeek aati hai। jo bachche jaasti service karte hain, woh zaroor sabko priy lagenge। pradarshani aadi mein bhi pahle unhon ko yaad karte hain। likhte hain phalaane ko bhejo। iska matlab khud samajhte hain yeh hamse hoshiyaar hain। parantu deh-abhimaan bahut hai। hamaara bada bhaai athva behen hai to phir unko regard bhi dena chaahiye। aise kabhi nahin kahenge - phalaane hamaare se 100 guna achhe hain। kisko regard rakhne ka bhi akla nahin hai। baap jo samjhaate hain us par chalte nahin to unhon ka kya haal hoga! deh-abhimaan murda bana deta hai। baap kehte hain dehi-abhimaani bano। savere uth shivbaaba ko yaad karo। woh bhi nahin karte। achhe-achhe mahaarthi yog mein bahut kam rehte hain। gyaan to chhote bachche bhi samjha sakte hain। parantu tote muaaphik ho jaata hai। ismen to yog mein rahe, dhaarna bhi ho tab khushi chadhe। yog bigar vikarma vinaash ho na saken। yaad kiya jaata hai pavitra cheez ko, to unke saath lav bhi bahut hona chaahiye। ghadi-ghadi samjhaaya jaata hai - manamnaabhav। aadhaakalpa deh-abhimaani rahe to dehi-abhimaani rehna mushkil lagta hai। bahut mehnat lagti hai। kitne varsha lag jaate hain dehi-abhimaani avastha banaane mein। apne ko chhoti aatma samajh aur baap ko bhi bindi samajh yaad kare, ismen mehnat hai। jo sachche honge woh andar feel karte honge ki ham kitna yaad karte hain। yeh practice bahut difficult hai। 21 janmon ke liye svarga ki baadshaahi paana koi kam baat hai kya! tum samajhte ho ham chhoti aatma usmein 84 janmon ka part noondha hua hai। aatma hi mukhya actor banti hai। aatma hi sab kuchh banti hai। parantu deh-abhimaan ke kaaran aatma-abhimaan gum ho gaya hai। sabse mukhya practice yahi karni hai। yahi bhaarat ka praacheen yog bhi mashhoor hai। yahi geeta hai। sirf usmein naam niraakaar ke badle dehdhaari devta ka likh diya hai।

baap kehte hain - jisne bahut bhakti shuru se lekar ant tak ki hai, vahi number one oopar jaayenge। tumne bhi bahut bhakti ki hai to tum bachchon ko bhi kitni khushi rahni chaahiye ki hamko baap mila hai। baba hamko padha rahe hain, ham is padhaai se vishwa ka maalik bante hain। ab baba ki mat par to zaroor chalna chaahiye। baap jo direction dete hain agar kuchh ulta bhi ho gaya to aapehi sulta bana denge। raay denge to phir jimmevaar bhi hain। ghadi-ghadi shivbaaba yaad padta rahega isliye yeh baba bhi sadaiv kehte hain ki tumko shivbaaba sunaate hain। ham bhi sunte hain to ye direction dene vaala shivbaaba hai। ham unke direction par chalte hain। tum bhi unko yaad karte ho। yeh bhi unko yaad karte hain। deh ka abhimaan chhod do। tum koi jauhri daada ke paas thode hi aaye ho। tum to shivbaaba ke paas aaye ho। gyaan-saagar to woh hai na! tum aaye ho shivbaaba se gyaan amrit peene। abhi bhi gyaan amrit peete rehte ho। roz-roz gyaan saagar baba sunaate rehte hain। unko hi yaad karna hai। baap aise nahin kehte ki bhakti chhodo। jab gyaan ki paraakaashtha aayegi to aapehi samjhenge ki yeh bhakti aur yeh gyaan hai। aadhaakalpa tumne bhakti ki hai। vaapis to koi gaya nahin। le jaane vaala to ek hi baap hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap jo raay dete hain use shivbaaba ki shreemat samajh chalna hai। gyaan amrit peena aur pilaana hai।

2) sabko regard dete hue service par tatpar rehna hai। deh-abhimaan chhod dehi-abhimaani rahne ki practice karni hai।

vardaan:- baalak aur maalikpan ke balance dvaara yuktiyukta chalne vaale saphaltaamoorta bhav

jitna ho sake service ke sambandh mein baalakpan, apne purushaartha ki sthiti mein maalikpan, samparka aur service mein baalakpan, yaad ki yaatra aur manthan karne mein maalikpan, saathiyon aur sangathan mein baalakpan aur vyaktigat mein maalikpan - is balance se chalna hi yuktiyukta chalna hai। isse sahaj hi har kaarya mein saphalta praapta hoti hai, sthiti ekras rehti hai aur sahaj hi sarva ke snehi ban jaate hain।

slogan:- sochna aur karna samaan ho tab kahenge will power vaali shaktishaali aatma।