Murli du jour du mardi 4 janvier 2022

04-01-2022 praatahmurli om shanti "baapdaada"' madhuban

“meethe bachche - khaamiyon ka daan dekar phir agar koi bhool ho jaae to bataana hai, miya miththu nahin banna hai, kabhi bhi roothna nahin hai।''

prashn:- kaun si baat simran kar apaar khushi mein raho? kis baat se kabhi ranj (naaraaj) nahin hona hai?

uttar:- simran karo - ham abhi raajayog seekh rahe hain phir jaakar sooryavanshi, chandravanshi raaja banenge। sundar-sundar mahal banaayenge। ham jaate hain apne sukhdhaam via shantidham। vahaan sab first class cheezen hongi। tan bhi bahut sundar nirogi milega। yahaan agar is pichhaadi ke puraane shareer mein beemaari aadi hoti hai to ranj nahin hona hai, davaai karni hai।

geet:- mahphil mein jal uthi shama…

om shanti। geet to bachchon ne bahut baar suna hai। bhinna-bhinna prakaar se bachchon ko arth samjhaaya jaata hai। jinhonne geet banaaya hai woh to in baaton ko jaante nahin। tum ab behad baap ke bachche bane ho। tum behad baap ke bachche bhi ho to potre-potriyaan bhi। aise aur koi baap nahin kah sakta ki tum hamaare bachche bhi ho to potre-potriyaan bhi ho। yahaan yeh wonder hai। ham sab aatmaaen shivbaaba ke bachche hain aur shiv-baba ka bachcha ek brahma hai saakaar mein, isliye ham potre-potriyaan bhi bante hain। beshumaar bachche hain। sab bachche ek baap ke hain। tum ab potre-potriyaan bane ho varsa lene ke liye, aur koi to varsa le nahin sakte। agar sabhi potre-potriyaan ban jaaen to sab svarga ka varsa le leven। aise to ho na sake isliye koton mein koi hi potre-potriyaan bante hain। prajaapita brahma ke liye to samjhaaya jaata hai ki brahma ko zaroor adopt karna pade। ek adoption hoti hai, yeh phir hai pravesh hone ki baat। bachche kehte hain, ham potre aur potriyaan bhi hain। yeh baat aur koi kah na sake ki bachche apne sweet hom ko yaad karo। yeh kisko kehte hain? aatmaon ko। aatma in organs dvaara sunti hai। aisa koi kah na sake ki ham aatmaon se baat karte hain। aatma sunti hai - baap kehte hain main jo parampita paramatma hoon so is brahma ke tan mein pravesh kar tumko sikhlaata hoon। nahin to kaise samjhaaoon। mujhe aana bhi brahma ke tan mein hai। naam bhi brahma hi rakhna hai tab to brahmaakumaar kumaariyaan kahlaao। un braahmanon se poochho tum brahma ki santaan kaise ho। tumko bata na saken। kahenge ham brahma ki mukh vanshaavli hain। parantu hain to kukh vanshaavli। kehte hain mukh vanshaavli the, ab kukh vanshaavli bane hain। ab aise to nahin brahma ke kukh vanshaavli honge। to yeh badi wonderful baate hain। baap kabhi wrong baat nahin sunaayenge। woh satya hai। ham satya ban rahe hain। apne ko miya mitthu nahin samajhna hai। yeh daada bhi kehte hain - jab tak paripoorna banen tab tak kuchh na kuchh ho sakta hai। parantu tumhaara kaam hai shivbaaba se। manushya to kuchh bhi bhoolen kar sakte hain, auron se tumhaari khitpit ho sakti hai। parantu baap se to varsa lena hai na। bahut bachche baap se bhi rooth jaate hain। agar koi bhaai-behen ne kuchh kah bhi diya parantu shivbaaba ki murli to suno na। ghar mein baithe raho, parantu baap ka khajaana to lo। khajaane ke bigar tum kya karenge! braahmanon ke sang mein bhi zaroor aana pade, nahin to shoodron ke sang ka asar ho jaayega। tumhaari durgati ho jaayegi। satsang taare kusang bore। hans jaakar bagulon ke saath rehte hain to satyaanaash ho jaati hai। khivaiya ek hi baap ko kaha jaata hai। baaki dubone vaale to anek hain। koi bhi manushya apne ko khivaiya athva guru nahin kahla sakta hai। is asaar sansaar, vishay saagar se nikaal sweet hom mein le jaane vaala ek hi baap hai। baap kehte hain sukhdhaam, shantidham aur duhkhadhaam yeh teen dhaam hain। tumko is duhkhadhaam se nikal shantidham jaana hai। is duhkhadhaam ko aag lagni hai। yeh duhkh ka bhambhor hai, ismen kumbhakran jaise bhrashtaachaari manushya rehte hain। patit-paavan baap ko bulaate hain। patit-paavni ganga ko to bulaane ki baat hi nahin। woh to anaadi hai। svarga mein bhi to hogi na। agar yeh ganga patit-paavni ho phir to sabhi paavan hi paavan hone chaahiye। kuchh bhi samajhte nahin।

abhi tum bachchon ko samjhaaya hai। to samajhte ho - nambarvaar purooshaartha anusaar, kyonki bachchon mein khaamiyaan hain, ashuddha ahankaar, kaam krodh har ek mein hai। har ek ko apni dil se poochhna chaahiye ki hamaare mein kya khaami hai। baap ko bataana chaahiye - baba mere mein yeh khaami hai। nahin to woh khaami vriddhi ko paayegi। yeh koi shraap nahin dete hain। parantu ek law hai, khaamiyon ka daan dekar phir koi bhool ho jaae to bataana chaahiye। baba hamne yeh bhool ki, phalaane cheez ki chori ki। shivbaaba ke bhandaare mein sab kuchh milta hai, avinaashi gyaan ratna bhi milte hain to shareer nirvaah arth bhi sab kuchh milta hai। buddhi ki khuraak, shareer ki khuraak sab kuchh milta hai। phir bhi kuchh chaahiye to maang sakte hain। agar bigar poochhe kuchh uthaayenge to tumko dekh aur bhi aise karenge। maang kar lena theek hota hai। jaise bachche baap se jo kuchh maangate hain to baap de dete hain। saahookaar hoga to sab kuchh manga denge, gareeb kya karega। yeh to shivbaaba ka bhandaara hai, koi cheez chaahiye to maang sakte ho। yatha yogya sabko milna hi hai। baba mama aur ananya bachchon se rees nahin karni chaahiye। baba bhi mahima karte hain, phalaane bachche bahut achhi service karte hain। to tum bachchon ko bhi unka regard rakhna chaahiye। saara madaar gyaan aur yog par hai। sensible bachche bada yukti se chalte hain, jaante hain yeh barobar hamse oonch hain। to unko regard se dekhna chaahiye। females bhi koi padhi likhi badi shrewd hoti hain, jo aap-aap kah baat karengi। koi to anpadh, tum-tum kah baat karti hain। yeh manners chaahiye। baap ke aage to kisam-kisam ke aate hain। baap koi ko bhi kahenge - tum raaji khushi ho? koi officer aadi ko regard dena padta hai। pope aaya - unko bhi bataana hai ki yeh kaanton ka jangal hai, aap jisko paradise kehte hain woh garden aaph flower hai। vahaan to zaroor achhe pharishte rehte honge। yeh kaanton ka jangal hai, jangal mein kaante aur jaanvar hi rehte hain। yeh baba to koi ko kuchh bhi kah sakte hain। bachche to nahin kah sakte। ab paradise sthaapan ho raha hai, yeh iron ej hai। garden oph allaah ki sthaapna hoti hai। satayug hai garden aaph allaah, yeh hai kaanton ka jangal। yeh baaten badi samajhne ki hain। takdeervaan hi achhi tarah samajh sakte hain aur samjha sakte hain। baba bachchon ko achhi raay dete hain to 5 vikaaron par jeet paani hai। isse vidaai to ant mein honi hai, tab tak kuchh na kuchh khaamiyaan rehti hain। unko hataane ka purushaartha karna hai, dehi-abhimaani banna hai। yaad karna hai shantidham aur sukhdhaam ko, to khushi rahegi। ham sukhdhaam jaate hain via shantidham, tab tak saari saphaai ho jaayegi। phir svarga mein har cheez first class milegi। heere javaahron ke mahal aakar banaayenge, yeh karenge। tumko bhi buddhi mein rehta hai, ham aatma hain। yahaan aaye hain apni raajdhaani sthaapan karne। phir shivbaaba ke saath chale jaayenge। ham raajayog seekh rahe hain, phir jaakar sooryavanshi chandravanshi raaja raani banenge। mahal to banaane padenge na। yeh baaten andar simran kar bahut khushi honi chaahiye। khaamiyaan to bahut hain, deh-abhimaan mein bahut aate hain। yeh pichhaadi ka puraana chola hai, naya chola satayug mein milega। baap baith meethe-meethe bachchon ko samjhaate hain, aadhaakalpa tumne bhakti ki hai - bhagwan ke saath milne ke liye। bhakti ki hi jaati hai ek bhagwan ke saath milne ke liye ya anekon se milne ke liye? bhakti bhi ek ki karni hoti hai phir vyabhichaari bhakti ho jaati hai। phir tum janma-janmaantar guru karte ho, punarjanma liya phir doosra guru karna pade। ab baap kehte hain main tumko svarga mein le chalta hoon। vahaan tumko janma-janmaantar guru karne ki darkaar nahin rahegi। avyabhichaari bhakti ke baad vyabhichaari bhakti banni hi hai kyonki abhi hai utarti kala। to baap kehte hain bachche ab ghar chalna hai। mere liye gaate hain liberator hai, khivaiya hai, baagvaan hai। svarga hai hi phoolon ka bageecha। phir khivaiya chala jaayega। sab to svarga mein nahin jaayenge। pahle-pahle jo bhi aate hain, unke liye jaise ki garden aaph allaah hai, bahut sukh bhogte hain। allaah hi sabko sukh dete hain। yeh to koi bhi kahenge ki satayug garden aaph allaah tha। bhaarat hi praacheen khanda hai। jab sooryavanshi chandravanshi raajya karte the, us samay sab aatmaayen sweet hom mein thi, jiske liye hi bhakti karte hain ki mukti mein jaayen। jeevan-mukti dene vaala to guru koi hai nahin। shivbaaba hi mukti aur jeevanmukti ka raasta bataate hain। abhi yeh hai duhkhadhaam, bhambhor ko aag lagni hai। laakhon varsha ka kalpa hota nahin। laakhon varsha samajh kumbhakran ki neend mein soye hue hain। abhi eeshvar ne aakar jagaaya hai, tumko phir auron ko bhi jagaana hai। service bigar to oonch pad nahin milega। bachchon par baba ko raham aata hai ki poora varsa nahin paate hain। baap to sabko poora purushaartha karaayenge। kyon na tum baba ki vijay maala mein piro jaao। hai bahut sahaj, kisko bhi samjhaana। brahma dvaara sthaapna, shankar dvaara duhkhadhaam ka vinaash। ab sukhdhaam ke liye purushaartha karna hai lekin sukhdhaam ko koi jaante nahin। agar jaante ho to vahaan pahunch jaayen। koi jaante nahin to pahunch bhi nahin sakte। pankh toote hue hain। tum bachche kaal par vijay paate ho। kaalon ka kaal baap hi kaal par vijay pahnaayenge। to yeh sab dhaarna kar patiton ko paavan banna hai। sirf prabhaavit hokar jaayenge, usse kya phaayda। poora rang tab chadhe jab 7 din ka course karen। koi-koi bachche chalte-chalte braahmani se bhi roothne ke kaaran phir shivbaaba se bhi rooth padte hain। bhagwan se roothna - kya yeh aklamandi hai? auron se roothe to roothne do, mere se roothe to murda ban jaayenge। shivbaaba se to na rootho। khajaana lete raho, dhan diye dhan na khute... sang bhi chaahiye। brahman kul mein to bahut ksheerkhanda hone chaahiye। dhootiyaan aur dhoote bhi hote hain, (parchintan karne vaale) unse bahut sambhaal chaahiye।

baap samjhaate hain - bachchon ko service ka bahut shauk chaahiye। doobe hue ko baahar nikaalna hai। ismen bhi charity begins at hom। baap bhi pahle-pahle brahma bachche ko uthaate hain। tum phir apne bachchon ko uthaao। jeeydaan do। padhaai to ant tak padhni hai। kitni achhi-achhi points baap dete hain। jeete ji markar varsa paana hai, baba ham aapka hoon। aapke hi the phir aapka hi bana hoon। aap se poora varsa lekar hi chhodege। is duhkhadhaam ke bhambhor ko aag lagni hai। ham sukhdhaam mein ja rahe hain, to kitni khushi honi chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jo gyaan yog mein teekhe hain, achhi service karte hain, unhein bahut-bahut regard dena hai। aap-aap kah baat karni hai। aapas mein bhi kabhi roothna nahin hai।

2) brahman kul mein bahut-bahut ksheerkhanda hokar rehna hai। dhootepan, parchintan se apni sambhaal karni hai। satsang zaroor karna hai।

vardaan:- double light sthiti dvaara udti kala ka anubhav karne vaale sarva aakarshan mukta bhav

abhi chadhti kala ka samay samaapta hua, abhi udti kala ka samay hai। udti kala ki nishaani hai double light। thoda bhi bojh hoga to neeche le aayega। chaahe apne sanskaaron ka bojh ho, vaayumandal ka ho, kisi aatma ke sambandh-samparka ka ho, koi bhi bojh halchal mein laayega isliye kahin bhi lagaav na ho, jara bhi koi aakarshan aakarshit na kare। jab aise aakarshan mukta, double light bano tab sampoorn ban sakenge।

slogan:- sneh ka chumbak bano to glaani karne vaale bhi sameep aakar sneh ke pushpon ki varsha karenge।

lavleen sthiti ka anubhav karo

baap ke pyaar mein aise sama jaao jo main pan aur mera pan samaapta ho jaae। knowledge ke aadhaar se baap ki yaad mein samaaye raho to yeh samaana hi lavleen sthiti hai, jab lav mein leen ho jaate ho arthaat lagan mein magna ho jaate ho tab baap ke samaan ban jaate ho।