Murli du jour du samedi 19 février 2022

19-02-2022 praatahmurli om shanti "baapdaada"' madhuban

“meethe bachche - sada isi nashe mein raho ki gyaan saagar baap ne gyaan dekar humein svadarshan chakradhaari, trikaaldarshi banaaya hai, ham hain brahma vanshi brahman''

prashn:- tum bachche brahman bante hi padmaapdam bhaagyashaali ban jaate ho - kaise?

uttar:- brahman banna arthaat second mein jeevanmukti praapta karna। baap ka bachcha bana aur varse ka adhikaar mila। to jeevanmukti tumhaara hak hai, isliye tum padmaapdam bhaagyashaali ho। baaki is mrityulok mein to koi saubhaagyashaali bhi nahin। akaale mrityu hota rehta hai। tum bachche abhi kaal par jeet paate ho। tumhein trikaaldarshi-pane ka bhi gyaan hai। shivbaaba 21 janmon ke liye tumhaari jholi bhar rahe hain।

om shanti। bachche samajhte hain ki ham kaanton se phool ban rahe hain arthaat manushya se devta ban rahe hain। bachche jaante hain yeh kaanton ka jangal hai। ab phir phoolon ke bageeche mein jaana hai। ye dehli bhi koi samay paristaan thi। tum bachche raajya karte the jabki devtaayen the। phir koi raaja, mahaaraaja ke roop mein, koi praja ke roop mein। yeh to sab jaante hain ki barobar ab srishti kabristaan honi hai। un par tum paristaan banaayenge। tum jaante ho yeh saari duniya hi nai banti hai। jamuna ke kanthe par raadhe krishna, lakshmi-naaraayan the। aise nahin raadhe krishna raajya karte hain। nahin, raadhe doosri raajdhaani ki thi, krishna doosri raajdhaani ke the। donon ka phir svayanvar hua। svayanvar ke baad phir yahi lakshmi-naaraayan bante hain phir is paristaan mein, jamuna ke kanthe par raajya karte hain। yeh gaddi bahut puraani hai। aadi sanaatan devi devtaaon ki gaddi banti aai hai। parantu in baaton ko sirf tum bachche hi jaante ho। tum hi apna paristaan bana rahe ho। raajdhaani sthaapan kar rahe ho। kaise? yogbal se। devi devtaaon ki raajdhaani ladaai se nahin sthaapan hui thi। tum yahaan seekhne aaye ho raajayog bal, jo 5 hajaar varsha pahle seekhe the। tum kahenge haan baba kalpa pahle bhi aaj ke hi din isi samay ham baba se padhna seekhe the। yahaan sirf bachche hi aate hain। bachchon ke bina baap aur koi se baat kar na sake। baap kehte hain main bachchon ko hi sikhlaata hoon। tumko kitna nasha hona chaahiye। gyaan ka saagar baap hai, unko hi gyaan gyaaneshvar kehte hain, iska arth hai eeshvar jo gyaan ka saagar hai, woh is samay tumko gyaan dete hain। kaun sa gyaan? srishti ke aadi madhya ant ka gyaan। tum bachche svadarshan chakradhaari bante ho। tum brahma vanshi ho। vishnuvanshi jo raajya karenge, woh svadarshan chakradhaari, trikaaldarshi nahin hain। tum brahma vanshi ho so phir devta banenge। ham so sooryavanshi the phir chandravanshi mein gaye phir vaishyavanshi, shoodra vanshi banen। ab phir se ham brahman vanshi bane hain। tum barobar jaante ho ki ham svadarshan chakradhaari hain। saare srishti ke aadi madhya ant ka gyaan hamaare mein hain। inse hi phir chakravarti raaja raani banenge। yeh knowledge sabhi dharma vaalon ke liye hai। shivbaaba sabko kehte hain - in brahma ko bhi kehte hain, inki aatma bhi ab sun rahi hai। tum ab brahman ho। har ek manushya maatra shivbaaba ka bachcha bhi hai to brahma baba ka bachcha bhi hai। brahma hai great-great grand father, jismaani aur shivbaaba hai sabka roohaani baap। shivbaaba ko prajaapita nahin kahenge। shivbaaba aatmaon ka baap hai। baap kehte hain main bhaaratvaasiyon ko raajya bhaagya deta hoon, heere jaisa sada sukhi banaata hoon, 21 janmon ke liye varsa deta hoon। phir woh jab poojya se pujaari bante hain to meri glaani karne lag padte hain। baap kehte hain - kitna ooncha main tumhaara baap hoon, main hi bhaarat ko heaven paradise banaata hoon। tum phir sarvavyaapi kah glaani karte ho। 5 hajaar varsha pahle bhaarat svarga tha। kal ki baat hai। tum hi raajya karte the, sojhra tha, aaj andhiyaara hai। parantu samajhte hain yahi svarga hai। bhaaratvaasi gaate hain nai duniya mein naya bhaarat raamraajya ho। manushya phir isko hi naya samajh rahe hain। yeh to drama hai। is samay maaya ka pichhaadi ka pomp hai। ab raavan raajya murdaabaad aur raamraajya jindaabaad hona hai। raamraajya koi raam seeta ke raajya ko nahin kaha jaata hai। sooryavanshi raajya ko hi raamraajya kaha jaata hai। tum aaye ho sooryavanshi raaja raani banne ke liye। yeh raajayog hai। yeh knowledge koi brahma ya krishna nahin padhaate। yeh to parampita paramatma hi padhaate hain। patit-paavan woh baap hai, saare vishwa ko heaven banaane vaala, sukh-shanti dene vaala hai। yeh bhaarat pahle sukhdhaam tha। aate to sab shantidham se hain। aham aatma pahle shanti-dhaam mein rahne vaali hain। aatma so paramatma nahin hai। aham aatma sooryavanshi the phir kshatriy, vaishya, shoodra banen। ab phir brahman vansh mein aaye hain। yeh chakra arthaat baajoli ka khel hai। pahle-pahle hain choti brahman phir kshatriy, total 84 janma bhogne padte hain। bachche, ismen moonjhane ki koi baat nahin hai। second mein jeevanmukti। baap ka bachcha bana aur varse ka laayak ho gaya। maa ke garbha se nikla aur varsa liya। yeh bhi second ki baat hai। janak ko second mein jeevanmukti mili na। tum bhi eeshvar ke bane to jeevanmukti tumhaara hak hai। tum amarlok ke maalik bante ho, yeh hai mrityulok। tumse saubhaagyashaali aur koi hai nahin। yahaan to akaale mrityu ho jaata hai। ab tum kaal par vijay paate ho। baap kaalon ka kaal hai, to us baap se tumko kitna varsa milta hai। tumhein sabhi dharmo ko bhi jaanna chaahiye isliye yeh chitra banaaye hain। yeh paathshaala hai। kaun padhaate hain? bhagvaanuvaach, krishna nahin padhaate। gyaan ka saagar krishna nahin hai। woh to parampita paramatma hai, vahi tumko gyaan de rahe hain। tum ho gyaan gangaayen। devtaaon mein to yeh gyaan hota hi nahin। tum braahmanon mein hi yeh gyaan hai, trikaaldarsheepne ka। tum hi is samay yeh gyaan seekhkar varsa paate ho। raajayog seekh svarga ke raaja raani bante ho।

tum jaante ho ham baba dvaara kaal par jeet paayege। vahaan tumko saakshaatkaar hoga to yeh puraana shareer chhod jaakar chhota bachcha banenge। sarpa ka misaal… yeh sab misaal tumhaare liye hi hain। yahi bhaarat pahle shivaalay tha। chaitanya devi devtaaon ka raajya tha, jinke mandir banaaye hue hain। shivbaaba aakar shivaalay banaate hain। raavan phir veshyaalay banaate hain। bade-bade vidvaan-pandit yeh nahin jaante ki raavan kya cheez hai। tum jaante ho raavan ka aadhaakalpa raajya chalta hai। dehli par pahle god goddess lakshmi-naaraayan ka raajya tha। kehte bhi hain Christ se 3 hajaar varsha pahle bhaarat heaven tha। parantu phir bhool gaye hain। koi marta hai to kehte hain svargavaasi hua। mukh meetha kar dete hain। jab bhaarat svarga tha to punarjanma bhi svarga mein hota tha। ab bhaarat narka hai to punarjanma bhi narka mein lete hain। baap kehte hain bachche tumko yaad hai na - kalpa-kalpa main aakar tumko svarga ka maalik banaata hoon। ab tum patit se paavan ban rahe ho। yeh kaam ek hi baap ka hai। bachchon ki buddhi mein hai - oonche te ooncha shivbaaba, is brahma dvaara baith sabhi ved shaastron ka saar samjhaate hain। bhakti maarga mein to manushya kharcha karte-karte kaudi misal ban gaye hain। baap kehte hain mainne tum bachchon ko heere javaahron ke mahal banaakar diye। phir to tumko neeche utarna hi tha। kala kamti honi hi thi। us samay koi oopar chadh na sake kyonki hai hi girti kala ka samay। is samay tum sabse oonch eeshvareey aulaad ho phir devta kshatriy... banna hi hai। kitna bhi koi daan-punya kare, bhakti maarga mein kharcha karte-karte kala utarni hi hai। baba bhi bachchon se poochhte hain mainne tumko itna saahookaar banaaya, tumne saara dhan kahaan kiya? bachche kehte baba aapke hi mandir banaaye। ab phir shiv bholaanaath baba hamaari 21 janmon ke liye jholi bhar rahe hain। baba kehte hain aai em your obedient servant... most obedient father। most obedient teacher hoon। paarlaukik father, paarlaikik teacher aur parlok mein rahne vaala most obedient satguru bhi hoon। tumko saath le jaaoonga aur koi guru tumko saath nahin le jaayega। ismen darne ki koi baat nahin hai। ab tum bachchon ko gyaan ka teesra netra mila hai, in netron se is baba ko dekhte ho, shivbaaba ko to buddhi ke netra se jaana jaata hai। varsa shivbaaba se milta hai। is brahma ko bhi varsa shivbaaba se mil raha hai। oonche te ooncha hai hi shivbaaba phir brahma vishnu shankar, phir brahma sarasvati phir lakshmi-naaraayan bas। unhonne kitne dher chitra banaaye hain। 6-8 bhuja vaala koi hai nahin। yeh sab hai bhakti maarga ka khel। vesta aaph time, vesta aaph energy... vaastav mein sarva shaastra mai shiromni hai geeta। unmein bhi baap ke badle bachche ka naam daal ekaz bhool kar di hai। yeh bhi drama hai। sabka sadgati daata, patit-paavan ek baap hi hai। phir doosra baap hai prajaapita brahma, teesra hai laukik baap। janma by janma do baap milte hain। is ek hi samay par teen baap milte hain। ismen moonjhane ki koi baat hi nahin। kehte hain gyaan, bhakti aur vairaagya। ab vairaagya bhi do prakaar ka hai। ek hai had ka, doosra hai behad ka। sannyaasi to gharbaar chhod jangal mein chale jaate hain। yahaan to tum puraani duniya ko hi buddhi se chhodte ho। woh hai hathayog, yeh hai raajayog। hathayogi kabhi raajayog sikhla nahin sakte। bahut achhi-achhi baaten samajhne ki hain। tum bachche hi is samay kaanton se phool bante ho। pahle number mein to deh-abhimaan ka bada kaanta hai। unko baap hi chhuda sakte hain aur koi ki taakat hi nahin hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is puraani duniya ko buddhi se bhool behad ka vairaagi banna hai। deh-abhimaan ke bhoot ko nikaal dena hai।

2) baap samaan obedient ban seva karni hai। aap samaan banaana hai। kisi bhi baat mein moonjhana nahin hai।

vardaan:- parmaatma pyaar ke aadhaar par duhkh ki duniya ko bhoolne vaale sukh-shanti sampanna bhav

parmaatma pyaar aisa sukhdaai hai jo usmein yadi kho jaao to yeh dukh ki duniya bhool jaayegi। is jeevan mein jo chaahiye vo sarva kaamnaayen poorn kar dena - yahi to parmaatma pyaar ki nishaani hai। baap sukh-shanti kya deta lekin uska bhandaar bana deta hai। jaise baap sukh ka saagar hai, nadi, talaav nahin aise bachchon ko bhi sukh ke bhandaar ka maalik bana deta hai, isliye maangane ki aavashyakta nahin, sirf mile hue khajaane ko vidhi poorvak samay prati samay kaarya mein lagaao।

slogan:- apni sarva jimmevaariyon ka bojh baap havaale kar double light bano।

maateshvari ji ke anmol mahaavaakya -“niraakaar paramatma ki apni saakaar brahma tan mein pravesh hone ki vichitra tarkeeb''(yukti)

dekho paramatma ne yeh apni tarkeeb rachi hai arthaat apna saakaar tan mukrar kiya hai, jis prakriti ka aadhaar le aata hai। nahin to ham saakaar manushya aatmaayen niraakaar ki god mein kaise baith saken isliye paramatma kehte hain, saakaar roop mein aae tum meri god lo, ismen kuchh dene ki baat nahin hai। sirf 5 vikaar jinhon ne tumko duhkhi ashaanta banaaya unhon ka sannyaas kar aur mujh paramatma ko nirantar yaad karo। mansa-vaacha-karmana mere direction par chalo to main tere paapon ko dagdha karoonga aur paramdham mein le chaloonga, yeh hai paramatma ki ham aatmaon se pratigya। ab unke pharmaan ko follow karna hai sirf maa baap kahne maatra hi nahin chaahiye, parantu unka sampoorn ho jaane se sampoorn praapti hoti hai, thoda sambandh jodenge to thoda milega। ab jo baap ka dhandha vahi bachchon ka dhandha hai। yahaan phaarakti ki koi baat nahin, yahaan to 21 peedhi tak us property ko bhogna hai। ab itna jaanna hai ki inse jyaada koi authority nahin hai tabhi to kehta hoon main jo hoon, jaisa hoon us roop se humein yaad karo। ab baba ne apni pharzaadaai paalan ki aur bachchon ko apni pharzaadaai karni hai। yeh vikaari unity arthaat vikaari kul ki loklaaj maryaada to janma-janmaantar paalan karte aaye ho, unse to aur hi karmabandhan bana। abhi to paarlaukik maryaada arthaat paramatma ke saath alaukik kaarya mein madad karna। hamaara sambandh abhi highest authority se hua hai। ham us bakhtaavar ki santaan hai vo aakar saakaar tan dvaara humein knowledge de rahe hain, to kyon na with honours paas ho jaayen। har ek ke purushaartha se pata padta hai ki yeh bakhtaavar hain ya nahin। agar koi paramatma ki god lekar, daanv lagaave ki ham unke bachche vaaris hain, phir jaae phaarakti de deve to aise bachche ko bhasmaasur kahenge na! chadhe to oonch pad, gire to bhasmaasur ho padte hain। ab yeh yaad rakhna, kiske saath hamaara sambandh hai? jis sambandh mein aane ke liye khud devtaayen bhi ichchha karte hain। achha - om shanti।