Murli du jour du lundi 21 février 2022

21-02-2022 praatahmurli om shanti "baapdaada"' madhuban

“meethe bachche - baap aaye hain tum bachchon ko aap samaan ashareeri banaane, jab tum ashareeri bano tab baap ke saath chal sako।''

prashn:- baap ke kis pharmaan par chalne vaale nirantar yogi ban sakte hain?

uttar:- baap ka pahla pharmaan hai ki bachche is deh ko tumhein bhoolna hai। isko bhool apne ko aatma nishchay karo to baap ki yaad nirantar rahegi। sadaiv ek hi paath pakka karo ki main aatma niraakaari duniya ki rahne vaali hoon, isse tumhaara deh-ahankaar khatma ho jaayega। buddhi mein kisi bhi dehdhaari ki yaad na aaye to nirantar yogi ban sakte ho।

geet:- tumhein pa ke hamne jahaan…

om shanti। yeh kisne kaha? aatma ne kaha om arthaat main shant swaroop hoon। yeh sab samajhne ki baaten hain। pahle-pahle to apne ko aatma nishchay karo। ham aatma first। baad mein yeh shareer milta hai। ham aatma kiski santaan hain? us shanti ke saagar, gyaan ke saagar parampita paramatma ki। woh sadaiv shant hai। ham aatma ek shareer chhod doosra lete hain। part bajaate hain। shivbaaba to vichitra hai। us aatma ko apna chitra nahin hai। tumko to apna chitra (shareer) hai। bolte rehte ho। baap kehte hain main sadaiv vichitra hoon brahma vishnu shankar sookshm chitravaan hain। main vichitra hoon। tum aatmaayen bhi mere saath nirvaandhaam mein rahne vaali ho। baba jo vichitra hai woh baith sunaate hain। tum aatmaayen sunti ho। baap kehte hain mujhe yaad karo, yeh duhkhadhaam hai। kehte to hain ham patit hain। parantu hamko aisa patit kisne banaaya? baap ne to nahin banaaya? baap ki to mahima karte ho tum maat-pita... aapse jo sukh ghanere mile hue the, usko sabhi bhaaratvaasi yaad karte hain। brotherhood hai। phir jab jismaani bante hain, prajaapita brahma dvaara rachna hoti hai। aatma to hai hi avinaashi। parantu father hood to nahin kahenge। sannyaasi log kehte hain shivoham tatatvam va eeshvar sarvavyaapi hai phir to sab father ho jaate hain। yeh to bekaayde ho jaae। bachche pukaarte hi hain mukti athva jeevanmukti ka varsa lene। to jab yahaan aate ho to apne ko aatma samajh baap ko yaad karo, ham aatma hain। aise nahin ki ham paramatma hain, nahin। ham aatma hain, parampita paramatma ke ham sab bachche brahman braahmaniyaan hain। tum sab brahma ke bachche aur shivbaaba ke potre thahre। sab yaad karte hain parampita paramatma ko। O god father kehte hain phir unko sarvavyaapi kahenge to varsa kahaan se milega। bhakti maarga mein sab bhagwan ko yaad karte hain। bhagwan hai ek। tum sab bhagat ho। brides anek, bridegroom athva saazan ek hai। woh baap hai baaki sab bachche hain to aur kisko bhi yaad na karo। baap ka pharmaan hai bachche, tumhein is deh ko bhi yaad nahin karna hai। apne ko aatma samjho। aatma hi kehti hai ham duhkhi, bhrashtaachaari hain। yahaan daivi raajya to nahin hai। 5 hajaar varsha pahle bhaarat mein lakshmi-naaraayan ka raajya tha, yatha raaja raani tatha praja sada sukhi the। akaale mrityu nahin hota tha। bahut thode the। yeh bhaaratvaasi sab bhool gaye hain ki hamaara bhaarat pahle-pahle heaven tha। kehte bhi hain heavenly god father। heaven koi mool vatan ko nahin kaha jaata। yeh yaad rakhna, ham aatma niraakaari duniya ki rahvaasi hain aur koi dehdhaari ki yaad na aaye। deh-ahankaar chhod apne ko aatma samajh baap ko yaad karna hai। yeh jo kumbha ka mela kehte hain, woh koi suhaavne sangamayug ka mela nahin hai। sangam kaha jaata hai kaliyug ki ant aur satayug ki aadi। kaliyug hai hi patit duniya। ek bhi paavan nahin। bhal mahaatmaayen bhi hain, parantu paavan to koi nahin। sab kehte hain yeh patit duniya hai। kumbha par jaate hain paavan banne ke liye। ganga mein snaan karte hain to zaroor patit hain। saadhu santa sab jaate hain paavan banne। baap kehte hain main tab aata hoon jab bahut bhrashtaachaar hota hai। manushya bahut duhkhi ho jaate hain। main aakar in sabka uddhaar karta hoon। ahilyaayen, ganikaayen, saadhuon, gurooon aadi ka uddhaar karne aata hoon kyonki woh to paavan aatmaayen hain nahin। patit duniya mein koi bhi paavan nahin। paavan duniya mein phir koi patit nahin hota। law nahin hai। saadhu log apne ko mahaan aatma kahaan samajhte, woh to apne ko paramatma samajhte hain। shivoham kehte hain। praacheen mahaatmaayen aadi to kehte the paramatma beanta hai। woh rachta aur uski rachna beanta hain। to phir nirvaandhaam kaise le jaayenge। unhon ko pata hi nahin ki jeevanmukta bhi bhaarat tha। us samay aur koi dharma nahin tha। sirf sooryavanshi aur chandravanshi the। phir sooryavanshi badal chandravanshi banen। punarjanma mein to aate hain na। 84 punarjanma lete hain। 84 laakh nahin, yeh to bada gapoda laga diya hai। brahma ka din aur brahma ki raat, to 84 janma chaahiye na। baap baith samjhaate hain ki ab kisko bhi yaad na karo। ham aatma most beloved parampita parmaama ki santaan hain। aise nahin ki sab paramatma ke roop hain। yeh to impossible hai। yahi ekaz bhool hai। baap ek hi hai baaki sab hain bachche। aatmaayen sab brothers hain। phir jab shareer mein aate hain to prajaapita brahma ko great-great grand father kahenge na। pahle-pahle hain brahman। bhaarat mein viraat roop bhi dikhaate hain। brahman hain choti, bhagwan ki oonche te oonchi santaan। abhi tum eeshvareey aulaad bane ho। shivbaaba ke pautre aur pautriyaan, prajaapita brahma ke bachche। shivbaaba ke bachche to sabhi aatmaayen hain। tum varsa shivbaaba se le rahe ho। shivbaaba hai jholi bharne vaala। aur khaali karne vaali hai maaya। gaate bhi hain patit-paavan seeta-raam। parantu manushyon ki buddhi mein treta vaala raam seeta hai। tum bachche jaante ho satayug treta hai sukhdhaam। vahaan duhkh ka naam nishaan bhi nahin rehta। patit-paavan sabka baap ek hi hai। yahaan to hanoomaan ke mandir mein bhi jaakar kehte hain tvamev maataashcha pita... woh kaise ho sakta। sabka sadgati daata patit-paavan ek hi hai। vahi gyaan ka saagar hai। woh jo saagar se nadiyaan nikalti hain woh to hai paani। paani to patit-paavan ho na sake। koi bhi khanda mein aise nahin kahenge ki paani mein snaan karne se paavan ban mukti ko paayenge। yeh to ho nahin sakta। ek mukti, doosri hai jeevanmukti। sadgati athva jeevanmukti daata ek hi hai। yeh hai patit duniya। bhaaratvaasi jaante hain 5 hajaar varsha pahle bhaarat mein lakshmi-naaraayan ka raajya tha aur koi khanda nahin tha। 5 hajaar varsha ki baat tum bhool gaye ho। peechhe phir aur-aur khanda aate hain। ab itni vriddhi ho gai hai। dekho, bachche yeh hamesha yaad rakho - jab sunte ho to yeh mat samajhna, yeh daada va brahma bolta hai। shivbaaba jo sabka rachayita hai woh baith rachna ka raaz samjhaate hain। rishi muni to sab kehte rahe ki paramatma beanta hai। ham nahin jaante। aastik to tum brahman ho jo nishchay karte ho ki baba hamko apni aur rachna ki knowledge dete hain। trikaaldarshi banaate hain। rishi muni aadi koi bhi trikaaldarshi nahin। baap kehte hain devi-devta bhi trikaaldarshi nahin hain। sirf brahman hi trikaaldarshi hain। yeh braahmanon ki choti hai। braahmanon se nai rachna hoti hai। tum ho sabse uttam। tum baap ki shreemat par bhaarat ko shreshtha te shreshtha banaate ho। shreemat bhagwan ki hai, krishna ki nahin। krishna patit-paavan nahin। patit-paavan ek hi hai। woh sabka baap hai। hamesha yaad karo - ham aatma in organs dvaara sunte hain। aatma-abhimaani bhav। ham aatmaon ko gyaan deta hoon, tab gaaya hua hai - gyaan anjan satguru diya... patit-paavan sadgati daata vahi hai। bachchon ko baap paida karte phir teacher bankar padhaate phir guru bankar sadgati dete hain। sadgati mein le jaane vaala sadgati daata ek hi baap hai। tum bachche nai duniya mein jaane ke liye athva manushya se devta banne ke liye yeh padhaai padh rahe ho। abhi yeh patit manushya srishti khatma hokar daivi duniya hone vaali hai। abhi bhal devtaaon ko poojte hain। parantu yeh nahin jaante ki zaroor ham devi-devta dharma ke hain, jisko poojte hain unka woh dharma kahenge na। bhaaratvaasiyon ka to aadi sanaatan devi-devta dharma tha, svarga tha। ab kehte hain - manushya 84 laakh janma lete hain। kya sab lete hain? itne laakh janma hon to uske liye bahut bada kalpa chaahiye। yeh bhi drama anusaar khel bana hua hai। jo past hua so drama। mool vatan, sookshm vatan ko bhi tum bachche hi jaante ho। tum ho svadarshan chakradhaari। woh vishnu ko svadarshan chakradhaari kehte hain। baap samjhaate hain - vishnu ke do roop lakshmi-naaraayan svadarshan chakradhaari nahin hain। svadarshan chakradhaari tum brahman ho। kitna farka ho jaata hai। woh phir kehte hain krishna ka svadarshan chakra tha। ladaai ke maidaan mein chakra chalaaya। phir kaurav maare gaye। lekin devta kabhi hinsa thode hi karte hain। woh to double ahinsak hain। na unmein vikaar hain, na ladaai। sabse badi hinsa hai ek do ko vish pilaana, kaam kataari chalaana। baap kehte hain isse aadi madhya ant duhkh bhogte aaye ho। satayug mein kaam kataari nahin chalti thi। viceless raajya tha। sarvagun sampanna, maryaada purushottam the। hinsa thi nahin। is samay raavan ka raajya hai। 5 vikaar sarvavyaapi hain। aur woh phir kah dete paramatma sarvavyaapi hai। is science se jo bhi vimaan aadi nikle hain, abhi 100 varsha ke andar - yeh kislie? yeh trial ho rahi hai। yeh sab cheejen phir bhavishya mein kaam aane vaali hain। inhon ke dvaara abhi sab kuchh vinaash ho jaayega। phir yeh sukh ke kaam aayenge। yahaan to sukh bhi hai, to duhkh bhi hai। isko maaya ka pomp kaha jaata hai। vinaash ho yeh to achha hai na। kehte bhi hain patit-paavan aao - kya aakar karoon? baba phir se svarga ki sthaapna karo to ham sukh paaven। baap samjhaate hai bachche yeh khel bana hua hai। baap sukhdhaam rachte hain - raavan phir duhkhadhaam banaate hain। shantidham se aatmaayen pahle-pahle aati hain sukhdhaam mein। pavitra aatmaayen hi aati hain। is samay sab patit hain tab to yaad karte hain ki aao। baap bhi drama ke bandhan mein hain। baap kehte hain jab sab duhkhi ho jaate hain tab hi mujhe aana padta hai। kaliyug ant aur satayug aadi ka yeh sangam hai। woh sangam par kumbha ka mela karte hain। woh hai paani ke saagar aur nadiyon ka mela। tum kahenge yeh hai parmaapita paramatma aur ham aatmaon ka mela। baba ko apna shareer to nahin hai। baap kehte hain bachche mujhe knowledge dene ke liye tan zaroor chaahiye। nahin to main kaise baat karoon, isliye main inko adopt karta hoon। tum ab eeshvar ke sammukh aaye ho - baba dvaara jaante ho ham eeshvar ke bachche hain। ab parampita paramatma poochhte hain main aaoon kaise? kismen pravesh karoon? zaroor mujhe patit duniya, patit shareer mein aana padta hai। yeh sab saanvare hain। baap kehte hain tum sab gore the। ab saanvare ho। tum har ek ka naam hai - shyaam sundar। abhi shyaam bane ho। krishna ko kehte hain shyaam sundar। barobar bhaarat pahle sundar tha। golden aged tha। first class prakriti thi। vahaan loole langade nahin hote। krishna hai number one shyaam sundar। shivbaaba inke (brahma ke) hi tan ka aadhaar lekar inko aur saath-saath tum bachchon ko shyaam se phir sundar banaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ham brahman choti sabse uttam hain, is nashe mein rah shreemat par bhaarat ko shreshtha se shreshtha banaane ki seva karni hai। aastik banna aur banaana hai।

2) deh-ahankaar ko chhod aatma-abhimaani banna hai। vichitra (ashareeri) banne ka poora-poora purushaartha karna hai।

vardaan:- shreshtha purooshaartha dvaara har shakti va gun ka anubhav karne vaale anubhvi moorta bhav

sabse badi authority anubhav ki hai। jaise sochte aur kehte ho ki aatma shant swaroop, sukh swaroop hai - aise ek-ek gun va shakti ki anubhooti karo aur un anubhvon mein kho jaao। jab kehte ho shant swaroop to swaroop mein svayan ko, doosre ko shanti ki anubhooti ho। shaktiyon ka varnan karte ho lekin shakti va gun samay par anubhav mein aaye। anubhvi moorta banna hi shreshtha purooshaartha ki nishaani hai। to anubhvon ko badhaao।

slogan:- sampannata ki anubhooti dvaara santushta aatma bano to apraapti ka naamnishaan nahin rahega।