Murli du jour du lundi 28 février 2022

28-02-2022 praatahmurli om shanti "baapdaada"' madhuban

“meethe bachche - tumhein padhaai se raajaai leni hai, yeh padhaai hai tumhein double sirtaaj banaane vaali, tum apne liye apni raajaai sthaapan karte ho''

prashn:- kaun sa kartavya ek baap ka hi hai jiske liye manushya purooshaartha to bahut karte lekin kar nahin paate hain?

uttar:- peaceless world ko peaceful banaana - yeh kaam keval ek baap ka hai। manushya purooshaartha karte hain, sab milkar ek ho jaaen। saare vishwa mein pees ho। ek do ko pees prize bhi dete hain। parantu unhein pata hi nahin ki jab duniya mein raamraajya tha tab pees thi, abhi raavan raajya hai, yahaan pees ho hi nahin sakti।

om shanti। bachchon ki dil mein aaya ki paarlaukik baap aaya hai lene ke liye। kahaan le jaayega? shantidham। phir kya hoga? jinhonne achhi reeti padha hai woh sukhdhaam mein aayenge। vahaan aana hai via muktidhaam se। aatma samajhti hai ki behad ka baap sukh dene ke liye aaya hai। saara din yeh yaad rah sakti hai। jinhon ko nishchay nahin woh yahaan aa nahin sakte। tum eeshvareey aulaad ho। baba bhi samajhte hain main bachchon ke saamne aaya hua hoon। barobar kalpa pahle bhi patit bhrashtaachaari duniya mein aaye the। yahaan sab bhrashtaachaari hain, vahaan hain sab shreshthaachaari, yatha raaja raani tatha praja। yeh khel hai eeshvareey sampradaay aur aasuri sampradaay ka।

geet:- kisne yeh sab khel rachaaya…

jab koi geet bajta hai to dil mein aana chaahiye ki baba ne hamko bahut oonch banaaya hai। oonche te ooncha baap zaroor oonch hi banaayenge। aise baap ki bahut mahima hai। koi bhi kuchh karte hain to unki mahima hoti hai। yeh phalaane dhandhe mein bada achha hai। phalaana manushya bada hoshiyaar hai। har koi mein gun hote hain। parampita paramatma ki mahima sabse bhaari hai। har ek manushya maatra ko apna-apna part mila hua hai। parampita paramatma ko bhi bade te bada part mila hua hai। is drama mein bade-bade mukhya paartadhaari kaun hain? kaurav aur paandav donon ko bhaai-bhaai dikhaate hain phir us taraph dikhaate hain bade-bade bheeshma pitaamah, ashvasthaama aadi, yeh sab vidvaanon, panditon ke naam hain। ab vidvaan thode hi yuddha ke maidaan mein ladaai karenge। law nahin hai। jhoothi kaaya jhoothi maaya... raavan jhooth aur raam satya bataate hain। parampita paramatma ko hi satya kehte hain। god is truth। god hai hi ek। baaki jo rachta aur rachna ke baare mein samjhaate hain woh sab hai jhooth। yeh sab gyaan ki baaten hain। gyaan mein sach kya hai, jhooth kya hai woh baap aakar samjhaate hain। bhaarat ka geeta gyaan to praayahlop ho gaya hai। baaki aate mein namak misal kuchh nishaaniyaan hain। baap kehte hain main aakar bachchon ko vedon, shaastron ka saar samjhaata hoon। geeta hai mukhya, jismen hi bhagvaanuvaach hai। baap kehte hain tumne shreekrishna bhagwan ka naam likh diya hai। parantu baap aakar samjhaate hain jisko tum bhagwan kehte ho woh satayug ka first prince hai। woh pahle-pahle mere se vidaai le muktidhaam se aaya tha - satayug ka prince banne। achha - shreekrishna ki itni mahima hai, unka baap bhi to hoga na। jaisa baap vaisa bachcha। shreekrishna ke baap ki mahima kahaan gai। usne kisse varsa liya! shreekrishna hai satayug ke aadi ka। svayanvar baad lakshmi-naaraayan bane hain। kitne dhanvaan the। itna dhan unhon ke paas kahaan se aaya? is samay to kuchh bhi nahin hai। kya hua? itne padaartha kahaan se aur kaise mile? kisne diya? tum bachche jaante ho ki behad ke baap ne padhaaya। is padhaai se barobar tum satayug ke raaja banne vaale ho। woh jo alpakaal ke liye vikaari raajaayen bante hain woh koi knowledge se nahin bante hain। jo bahut daan-punya karte hain woh jaakar saahookaar ghar mein janma lete hain। yahaan tum padhaai se raaja mahaaraaja bante ho, so bhi double sirtaaj। to kehte hain sab kuchh karke apne aap chhipaaya। tum jo bachche ho jaante ho baap ne raajya diya tha, bade sukhi the। devtaaon ka poojan kitna achha hota hai, poojan dekhna ho to shreenaath dvaare jaao। devtaaon ke jad chitron par itna maal chadhaate hain to khud jab maalik honge to kya nahin khaan-paan hoga। nai duniya hai na। nai kheti maal achha deti hai। puraani hone se taakat kam ho jaati hai। tum bachchon ne saakshaatkaar kiya hai। baap samjhaate hain aise tha na phir kya hua! tumhaare oopar 5 vikaaron roopi maaya aakar chatki aur tum kaante bante gaye। babul ka jhaad hota hai na, usmein kaante bahut hote hain। usko kaha jaata hai kaanton ka jangal। is samay ek-ek manushya kaanta hai। kaam kataari chalaate rehte hain। maaya ke chatakne se raavan raajya ho gaya hai। tum ho gupta vesh mein। kisko bhi pata nahin।

tum bachche abhi kalpa pahle muaaphik shreemat par chal rahe ho। sirf kalpa pahle muaaphik nahin, kalpa-kalpa ke muaaphik। tum baith baap se raajayog ki shiksha seekhte ho। tum ho non violence। tum an-known ho। tum apne ko jaante ho, duniya to nahin jaanti ki yeh shaktiyaan gupta reeti yogbal se vishwa par apni daivi raajaai sthaapan kar rahi hain। tum har ek apni baad-shaahi lene ka purooshaartha karte ho। woh sipaahi log ladte hain apne baadshaah ke liye। parantu tum apne liye sab kuchh karte ho। bhaarat ko hi golden ej banaate ho। jo-jo banaate hain vahi aakar phir raajya karenge। goya tum bhaarat ki seva karte ho gupta। jo karenge vahi phal paayenge। jo mehnat kar raaja raani va praja banenge vahi aayenge। bhaarat mein hi aakar raajya karenge। tumhaari yahaan hai shiv shakti paandav sena। paandav akshar pande par hai। baap ne aakar samjhaaya hai - mukhya roohaani panda main hoon। paandavon mein males bhi hain, to females bhi hain, pravritti maarga hai na। baaki ladaai ki to baat hi nahin। shaastron mein to kya-kya baith likha hai। kitne naam dikhaaye hain। baap baith samjhaate hain - yeh sab drama ki noondh hai। kehte hain bhakti se bhagwan milega। bhakti ka phal dena yaani sadgati karna। phir satayug mein bhakti aadi hoti nahin। sannyaas dharma ko to bahut thoda time hua hai। svarga mein yeh aa na saken। abhi tum jaante ho ki svarga mein kiska raajya tha। kaun sa dharma tha? baap aakar devi-devta dharma sthaapan karte hain to phir aur dharmo ka vinaash hota hai। tum eeshvareey sampradaay ke ho। woh hain aasuri sampradaay। yeh hai hi patit duniya। abhi tum sab kahenge ham eeshvar ki aulaad hain। eeshvar kaun hai? woh niraakaar shiv hai brahma nahin। log samajhte hain brahm hi eeshvar hai। ab braham ko parampita paramatma thode hi kahenge। apne ko eeshvar kehte hain, naam rakh diya hai brahm gyaani। koi arth hi nahin। brahm mahtatva hai jahaan ham aatmaayen rehti hain। saaligraam bhi kehte hain। roodra yagya jab rachte hain to parampita paramatma ka bada shivling aur chhote-chhote saaligraam banaate hain। parantu aise hai nahin। paramatma bada aur aatmaayen chhoti। nahin, unko kaha jaata hai parampita param aatma, supreme soul, paramdham mein rahne vaali aatma। aatma yaad karti hai organs dvaara। abhi yeh sab baaten tum jaante ho। rachta aur rachna ke aadi madhya ant aur mukhya paartadhaari kaun hain? kaise part bajaate hain? kaun kitna janma lete hain? to yeh hisaab hoga na। parantu inmen bhi jaane ki darkaar nahin। baap kehte hain bachche, yeh hai tumhaara dharmaau janma। 84 janma to theek hain। yeh hai dharmaau kalyaankaari janma। abhi hamaara kalyaan hone vaala hai, isliye yeh kalyaankaari janma aur kalyaankaari yug kaha jaata hai। is sangam ka kisko pata nahin hai। sangam ko yuge-yuge kaha hai to 4 sangam rakh diye hain। baap kehte hain nahin, yeh to utarti kala ke hain। satayug se treta hoga to 2 kala kam hongi। phir dvaapar se aur kam ho jaayengi। patit bante jaate hain। yeh hai variety dharmo ka jhaad, kitni bhaashaayen hain। kitni ashaanti hai। ab tum bachche jaante ho svarga mein ashaanti ho nahin sakti। yahaan bahuton ko pees prize milti hai। pees to hai nahin। purooshaartha karte hain milkar ek ho jaaen। pope bhi kehte hain ki oneness ho jaae। sabhi brothers hain parantu aapas mein banti kyon nahin hai? unhon ko drama ka to pata nahin hai। jab duniya mein ek raam raajya tha to pees thi। abhi to raavan raajya hai। anek dharma hain। ab is peaceless ko phir se peaceful banaana, ek baap ka hi kaam hoga na! yeh to duniya ka prashn hai na। world ke father ko phurna rahega na। baap kehte hain main hi world ko pees mein laata hoon। bhaarat mein pees thi na। peaceless aatmaon ko vaapis ghar le jaate hain। world ki pees ke liye world god father ko aana hai। unka hi part hai। to kehte hain sab kuchh karke... sabko sukh shanti de karke phir chhip jaate hain। aisa chhip jaate hain jo satayug treta mein bhi koi nahin jaante, dvaapar kaliyug mein bhi koi nahin jaante। jab tak khud na aakar apna parichay de। devtaayen bhi nahin jaante। apni aatma ko jaante hain baaki rachta ko nahin jaan sakte।

baap kehte hain - yeh knowledge praayahlop ho jaati hai। yeh jo itne mandir shaastra aadi banen hain, sab khatma ho jaane hain। bhakti maarga ki ek cheez bhi nahin rehti hai। abhi baap kehte hain sirf mujh ek baap ko yaad karo aur sabse mamatva mitaao। sannyaasi to aise kah na saken। unka hai nivritti maarga। paavan se patit, phir patit se paavan tumko banna hai। sannyaasiyon ka bhi drama anusaar part hai। yeh na ho to bhaarat aur hi duhkhi ho jaae। mukhya baat hai hi pavitrata ki। pavitrata ki taakat se tum patit srishti ko paavan banaate ho, baap ki shreemat se। ham aatmaayen baba ke saath jaane vaali hain। pavitra bante-bante ham pahunch jaayenge। yeh yaatra bahut wonderful hai। he raat ke raahi thak mat jaana। satayug ko din kaha jaata hai। pahle tum sweet home jaakar phir din mein aayenge। tum ho roohaani yaatra ke brahman, kitna samajhne ki baaten hain। jitna baap ko yaad karenge, pad bhi utna oonch paayenge। kamaai bahut hai। nahin karenge to bhasmeebhoot ho jaayenge। kuchh to mehnat karni chaahiye na। laukik baap ko uthte-baithte chalte-phirte yaad karte ho na! paarlaukik baap ko kyon bhool jaate ho, lajja nahin aati hai! laukik baap ko kabhi bhoolte ho kya? paarlaukik baap jisse svarga ka varsa milta hai, unko bhool jaate ho to varsa bhi bhool jaayega phir kya pad paayenge। yukti se batlaate rehte hain। bas baba aaya ki aaya। hamko ab yeh shareer bhi nahin chaahiye। badi meethi knowledge hai। dene vaala bhi bada meetha hai। aadhaakalpa duhkh mein yaad karte aaye ho। baba hamko sabhi duhkhon se chhudaao। ab tumko sabhi duhkhon se chhudaate hain। agar hamaari mat par chalenge to। main tumhaara baap hoon na phir kyon kehte ho ki baba ham bhool jaate hain। tum bachche ho na। shantidham, sukhdhaam jaayenge na। mujh baap ko yaad nahin kar sakte ho। main tumhein double sirtaaj banaaoonga। bachche kehte hain haan baba yaad karenge phir kehte ho bhool gaya। wonder hai na - itna svarga ka varsa milta hai, tum bhool jaate ho? achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ki shreemat aur pavitrata ki taakat se is patit srishti ko paavan banaane ki seva karni hai। apne liye apna raajya sthaapan karna hai।

2) paarlaukik baap jo meethe te meetha hai, jisse svarga ka varsa milta hai, use nirantar yaad karna hai। yogbal se apni raajaai leni hai।

vardaan:- har bol dvaara jama ka khaata badhaane vaale aatmik bhaav aur shubh bhaavna sampanna bhav

bol se bhaav aur bhaavna donon anubhav hoti hain। agar har bol mein shubh va shreshtha bhaavna, aatmik bhaav hai to us bol se jama ka khaata badhta hai। yadi bol mein eershya, hashad, ghrina ki bhaavna kisi bhi percent mein samaai hui hai to bol dvaara ganvaane ka khaata jyaada hota hai। samartha bol ka arth hai - jis bol mein praapti ka bhaav va saar ho। agar bol mein saar nahin hai to bol vyartha ke khaate mein chala jaata hai।

slogan:- har kaaran ka nivaaran kar sada santushta rehna hi santushtamni banna hai।