Murli du jour du mercredi 16 mars 2022

16-03-2022 praatahmurli om shanti "baapdaada"' madhuban

“meethe bachche - tum brahman ho yagya rakshak, yeh yagya hi tumhein man-ichchhit phal dene vaala hai''

prashn:- kin do baaton ke aadhaar se 21 janmon ke liye sab duhkhon se chhoot sakte ho?

uttar:- pyaar se yagya ki seva karo aur baap ko yaad karo to 21 janma kabhi duhkhi nahin honge। duhkh ke aansu nahin bahaayenge। tum bachchon ko baap ki shreemat hai - bachche baap ke sivaae koi bhi mitra sambandhi, dosta aadi ko yaad na karo। bandhanmukta ban pyaar se yagya ki sambhaal karo to man-ichchhit phal milega।

geet:- bachpan ke din bhula na dena…

om shanti। meethe-meethe bachchon ne geet suna aur iska arth bhi samjha ki yeh hamaara eeshvareey janma hai, is janma mein ham jise mama baba kehte hain unki mat par chalne se hi ham vishwa ke maalik banenge kyonki woh hai naye vishwa ka rachayita। is nishchay se hi tum yahaan baithe ho aur vishwa ke maalikapne ka varsa le rahe ho। yeh jo puraani vishwa hai woh to vinaash hone vaali hai, inmen koi sukh nahin। sab vishay saagar mein gote kha rahe hain। raavan ki janjeeron mein duhkhi hokar sabko marna hai। ab baap bachchon ko varsa dene aaye hain। bachche jaante hain ham jinke bane hain usse varsa paana hai। woh hamko raajayog sikhlaate hain। jaise barrister kahenge ham barrister banaayenge। baap kehte hain tumko svarga ka double sirtaaj banaaoonga। shri lakshmi-naaraayan athva uski dynasty ka varsa dene aaya hoon। uske liye tum raajayog seekh rahe ho। yeh baaten bhoolo mat। maaya bhulaayegi, parampita paramatma se bemukh karegi। unka dhandha hi yeh hai। jab se uska raajya hua hai, tum bemukh bante aaye ho। ab koi kaam ke nahin rahe। shakla bhal manushya ki hai parantu seerat bilkul bandar ki hai। ab tumhaari soorat manushya ki, seerat devtaaon ki bana rahe hain isliye baba kehte hain bachpan bhool na jaao, ismen takleeph koi bhi nahin hai। jo nirbandhan hain unke to aho bhaagya kahenge। woh laukik maat-pita to hain vikaaron mein daalne vaale aur yeh maat-pita hai svarga mein le jaane vaale। gyaan snaan kara rahe hain। aaraam se baithe hain। haan, shareer se kaam bhi lena hai। behad ke baap se varsa mil raha hai aur koi ki yaad nahin sataati। agar koi bandhan hai to phir yaad sataati hai। koi sambandhi yaad aaya, mitra-dosta yaad aaya, bioscope yaad aaya.. tumko to baap kehte hain aur koi ko yaad nahin karo। yagya ki seva karo aur baap ko yaad karo to 21 janma tum kabhi duhkh nahin paayenge। duhkh ke aansu nahin bahenge। aise behad ke maa baap ko kabhi chhodna nahin chaahiye। yagya ki seva karni chaahiye। tum ho yagya ke rakshak। yagya ki har prakaar ki seva karni hai। yeh yagya man-ichchhit phal deta hai arthaat jeevanmukti, svarga ki raajaai deta hai। to aise yagya ki kitni sambhaal karni chaahiye। kitni shanti rahni chaahiye। jo koi bhi aave to samjhe yahaan to sukh-shanti lagi hui hai। yahaan kuchh bhi aavaaj karna bilkul pasanda nahin aata। raavan ke raajya se chhootkar aaye hain। abhi ham raamraajya mein jaate hain। jo bandhan-mukta hain unke liye to aho saubhaagya। lakhapti, karodapti se bhi woh mahaan saubhaagyashaali hain jo behad ke baap se varsa lete hain, jiska bandhan toot gaya unka bhi kahenge aho saubhaagya। jo bandhanmukta ban baba se varsa lete hain, unki kitni takdeer khul jaati hai। baahar to raurav narka hai, jismen duhkh ke bigar koi sukh nahin hai। ab baap kehte hain aur sab chintaaon ko chhod, yagya ki service pyaar se karo। dhaarna karo। pahle-pahle apna jeevan heere jaisa banaana hai। woh banega shreemat par। yahaan to sab bachche bandhan se chhoote hue hain। apna svabhaav bhi bahut achha rakhna hai, satopradhaan banna hai। nahin to satopradhaan raajya mein oonch pad pa nahin sakenge। yagya se jo kuchh mile woh sveekaar karna hai। baba anubhvi hai। bhal kitna bhi bada jauhri tha, kahaan aashram mein jaayenge to aashram ke niymon par poora chalenge। vahaan aise nahin maanga jaata ki hamko phalaani cheez do। bada royalty se jo bhojan sabko milta hai vahi khaaya jaata hai। is eeshvareey aashram mein badi shanti chaahiye।

jo piya ke saath hai.... so bhi donon baapdaada baithe hain। sammukh baith sunte hain। agar abhi service laayak na bane to phir kalpa-kalpaantar pad bhrashta ho jaayenge। andhon ki laathi ban, yeh mahaamantra sabko dena hai। yahi sanjeevni booti hai। koi-koi ko maaya bilkul hi behosh kar deti hai। is yuddha ke maidaan mein to kaha jaata hai baap aur varse ko yaad karo। yeh hai sanjeevni booti। hanoomaan to tum hi ho, nambarvaar mahaaveer bante ho। bahut hain jo behosh ho pade hain। unko hosh mein laana hai to kuchh jeevan bana len। deh mein bhi moh nahin rakhna hai। moh rakhna chaahiye baap aur avinaashi gyaan ratnon mein। jitni dhaarna hogi utna auron ko bhi karaayenge। baap kehte hain hamko gyaani tu aatma priy lagte hain। pradarshani ki service ke liye baba gyaani bachchon ko hi dhoondhate hain। samjhaana bada sahaj hai। bade bade aadmi sunkar khush hote hain। samajhte hain jeevan is sanstha dvaara banti hai। parantu yeh bhi koton mein koi samajhte hain। yeh hai behad ka sanyaas। jo kuchh is puraani duniya mein dekhte hain, yeh sab khatma ho jaayega। abhi to baap se varsa lena hain, vaapis jaana hai। phir se ham sooryavanshi kul mein aakar raajya karenge। raajya kiya tha phir maaya ne chheen liya। kitni sahaj baat hai। meethe-meethe baap ko yaad karna hai। dil baap ke paas lagi hui ho। baaki karmendriyon se karma to karna hai। shreemat par chalna hai। laadle meethe-meethe bachche baap kehte hain mukh se sadaiv gyaan ratna nikaalo, patthar nahin nikaalo। koi bhi sansaar samaachaar ki baaten nahin nikaalo। nahin to mukh kaduva ho jaayega। ek do ko ratna dete raho, tumhaare paas ratnon ki jholi hai। vinaashi dhan daan karte hain। bhaarat ko mahaadaani kaha jaata hai। is samay baap bachchon ko daan karte hain, bachche baap ko daan karte hain। baba shareer sahit yeh sab kuchh aapka hai। baap phir kehte hain yeh vishwa ki baadshaahi tumhaari hai। is puraani duniya ka sab kuchh khatma hona hai, kyon na ham baba se sauda kar len। baba yeh sab kuchh aapka hai, bhavishya mein hamko raajaai dena। ham yahi chaahte hain koi aur cheez ki hamko darkaar nahin। aise koi na samjhe ki ham tan-man-dhan dete hain to ham koi bhookh marenge। nahin, yeh shivbaaba ka bhandaara hai, jisse sabka shareer nirvaah hota rehta hai aur hota rahega। dropdi ka misaal। ab practical mein part chal raha hai। shivbaaba ka bhandaara sadaiv bharpoor hai। yeh bhi ek pareeksha thi, jinko dar laga woh sab chale gaye। baaki saath dene vaale chale aaye। bhookh marne ki baat nahin। ab to bachchon ke liye mahal ban rahe hain। achha rehna hai to mehnat kar apna oonch pad banaana hai। yeh kalpa-kalpa ki baaji hai। is baari imtahaan mein fail hue to kalpa-kalpaantar hote rahenge। paas bhi aisa hona hai jo mama baba ke takhta par baithen। 21 janma takhta pichhaadi takhta par baithenge।

ek baap ke sivaae koi ko bhi yaad nahin karna hai। murli likhna bahut achhi service hai, sabhi khush honge, aasheervaad karenge। baba akshar bahut achhe hain। nahin to likhte hain akshar achhe nahin। baba hamko vaani kat karke bhej dete hain। hamaare ratnon ki chori ho jaati hai। baba ham adhikaari hain - jo aapke mukh se ratna nikalte hain woh sab hamaare paas aane chaahiye। yeh kahenge bhi vahi jo ananya honge। murli ki seva bahut achhi reeti karni chaahiye। sabhi bhaashaayen seekhni chaahiye। maraathi, gujraati aadi.. jaise baba merciful hai bachchon ko bhi merciful banna hai। purushaartha kar jeevan banaane ke liye madadgaar banna hai। baaki us duniya ka jeevan to bilkul hi pheeka hai। ek do ko kaatte rehte hain। kitne patit hain। ab kyon na ham baba ki shreemat par chalen। baba main aapka hoon, aap jis service mein chaahen laga den। phir responsible baba hoga। asylum mein aane vaale ko baba sab bandhanon se mukta kar dega। baaki is duniya mein to ganda laga pada hai। eeshvar sarvavyaapi kah bemukh kar dete hain। agar sarvavyaapi hai, najdeek baithe hain phir he prabhu kah pukaarne ki kya darkaar hai। samjhaao to gurra gurra karte hain। are bhagwan khud kehte hain mainne to kabhi aise kaha nahin ki main sarvavyaapi hoon। yeh to bhakti maarga vaalon ne likh diya hai। ham bhi khud padhte the। parantu us samay aise nahin samajhte the ki yeh koi glaani hai। bhakton ko kuchh bhi maaloom nahin padta hai, jo kuchh kaho woh satya maan lete hain। baba kitna achhi reeti samjhaate hain phir baahar jaakar hangaama karte hain। to phir vahaan chalkar daas daasiyaan naukar chaakar banenge। baba ne kah diya hai pichhaadi ka jab samay hoga us samay tumko poora pata padega। saakshaatkaar karte rahenge aur bataate rahenge ki phalaane-phalaane yeh banenge। phir us samay sir neeche karna padega, phir woh khushi nahin rahegi, jo raajaai vaalon ko rahegi। dil andar jaise kaanta lagta rahega, yeh kya hua! parantu tu let, bahut pachhtaayenge। hoga to kuchh bhi nahin। baap kahenge - tumko itna samjhaate the phir bhi tum yeh karte the, ab apna haal dekho। kalpa-kalpaantar pachhtaayenge। sajniyon ko nambarvaar le jaayenge na। number one se last tak samjhenge। padhaai achhi nahin padhi hai to last mein baithe hain। imtahaan ke dinon mein maaloom pad jaata hai ki ham kitni marks se paas honge। tum samjhenge ki ham kya pad paayenge। service nahin karenge to dhool milega। padhaai aur service par dhyaan dena hai। meethe te meethe baba ke bachche ho to bahut meetha banna hai। shivbaaba kitna meetha, kitna pyaara hai। hamko phir se aisa banaate hain। kitni badi university hai। achha।

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) deh sahit sabse moh nikaal, baap aur avinaashi gyaan ratnon se moh rakhna hai। gyaan ratna daan karte rehna hai।

2) padhaai aur service par poora dhyaan dena hai, baap samaan meetha banna hai। sansaar samaachaar na sunna hai, na doosron ko sunaakar mukh kaduva karna hai।

vardaan:- hadon se nyaare rah parmaatma pyaar ka anubhav karne vaale roohaaniyat ki khushbu se sampanna bhav

jaise gulaab ka pushpa kaanton ke beech mein rehte bhi nyaara aur khushboodaar rehta hai, kaanton ke kaaran bigad nahin jaata। aise roohe gulaab jo sarva hadon se va deh se nyaare hain, kisi bhi prabhaav mein nahin aate ve roohaaniyat ki khushbu se sampanna rehte hain। aisi khushboodaar aatmaayen baap ke va brahman parivaar ke pyaare ban jaate hain। parmaatma pyaar akhut hai, atal hai, itna hai jo sabhi ko praapta ho sakta hai, lekin use praapta karne ki vidhi hai - nyaara banna।

slogan:- avyakt sthiti ka anubhav karne ke liye vyakta bhaav aur bhaavnaaon se pare raho।

anmol gyaan ratna (daadiyon ki puraani diary se)

yeh gyaan bal bahut bada hai, jo gyaan andar mein bhara hua rehta hai। baahar haathon se bhale koi bhi kaam kare lekin aantarik mansa ki shuddh vritti se hi pad ki praapti hoti hai। aantarik vritti se hi sab kuchh svaaha karna chaahiye। agar aantarik vritti se sab kuchh svaaha nahin kiya aur baahar se kitna bhi kaam karta hai to bhi unhein pad ki praapti nahin hoti hai। phir svaaha karne mein yeh nahin aana chaahiye ki mainne sab kuchh svaaha kiya। mainne kiya, yeh kartaapan agar andar mein rehta hai, to unse hone vaali praapti chali jaati hai। phir unse koi phal nahin nikalta, woh nishphal ho jaata hai isliye kartaapan ka abhaav hona chaahiye। yeh aantarik vritti rahni chaahiye ki viraat film anusaar sab kuchh hota hai, main nimitta hoke purushaartha karta hoon, is aantarik mansa ki vritti se hi pad ki praapti hoti hai। om shanti।