Murli du jour du lundi 4 avril 2022

04-04-2022 praatahmurli om shanti "baapdaada"' madhuban

“meethe bachche - tum ho karmayogi, tumhein chalte-phirte yaad ka abhyaas karna hai, ek baap ke simran mein rah nar se naaraayan banne ka purooshaartha karo''

prashn:- nishchay buddhi bachchon ki mukhya nishaani kya hogi?

uttar:- unka baap ke saath poora-poora lav hoga। baap ke har pharmaan ko poora-poora paalan karenge। unki buddhi baahar nahin bhatak sakti। woh raat ko jaagkar bhi baap ko yaad karenge। yaad mein rahkar bhojan banaayenge।

geet:- toone raat ganvaai soke…

om shanti। pahle tum bachchon ko nishchay hona chaahiye ki baba yahaan ka nivaasi to nahin hai। paramdham se yahaan aakar hamko padhaate hain। kya padhaate hain? oonche te ooncha baap oonche te oonchi padhaai manushya se devta banne ki padhaate hain। yeh padhaai prasiddha hai, isse asur se devta athva bandar se mandir laayak bante hain। is samay manushyon ki shakla bhal manushya ki hai parantu vikaar bandar se bhi jaasti hain। bandar se to manushya mein bahut taakat hai, seekhkar taakat ko paate hain। yahaan bhi koi to baap se seekhkar svarga ki raajdhaani sthaapan karte hain। koi phir science seekh narka ka vinaash karte hain। barobar sthaapna aur vinaash ka kaarya ab chal raha hai। vinaash hamesha puraani cheez ka hota hai। woh sab raavan ko salaam karte hain। sirf tum hi ho jo raam ko salaam karte ho। tum bachche raam aur raavan donon ko jaante ho। manushya kehte hain vyaas ne geeta sunaai hai। usmein jo bhagvaanuvaach shabd likha hua hai, woh satya hai। parantu bhagwan ka naam badli kar jhootha kar diya hai। baba kitna samjhaate hain pradarshani mein sirf ek baat hi samajh jaayen ki geeta ka bhagwan niraakaar shiv hai, na ki manushya, yeh bhi samajhte nahin hain। yeh bhi drama mein noondh hai। sirf sannyaasi hain jo apne ko duhkhi nahin samajhte। vaastav mein woh bhi duhkhi hain zaroor, parantu kehte hain ham duhkhi nahin hain ya to kah dete hain shareer duhkhi hota hai। aatma thode hi duhkhi hoti hai। aatma so paramatma hai, woh kaise duhkhi hogi! yeh ulta gyaan hai। ab hai hi jhooth khanda। bhaarat svarga tha to sachkhanda tha। baap samjhaate hain drama anusaar din pratidin duhkh badhta hi jaayega। bhal kitne bhi yagya daan punya aadi karen parantu parinaam kya nikla! neeche hi girte gaye। is samay 100 percent bhrashtaachaari narkavaasi ban pade hain isliye baap ka aana hi aise samay par hota hai jabki sab duhkhi hain aur sab actors aa chuke hain। thode aate bhi rehte hain। majority aaye hue hain, ajun (abhi) to bahut log duhkhi honge। bhagwan ko yaad karenge। tumko to bhagwan khud hi padhaate hain। to kitna achhi reeti padhna chaahiye। baap, teacher, satguru teenon hi ikatthe mile hain। ab aur kiske paas jaayen? baap kehte hain bhal grihastha vyavhaar mein raho, parantu mujh niraakaar paramatma ki mat par chalo to tum shreshtha ban sakte ho aur koi guru gosaai ki mat par nahin chalo। tum poochhte ho ki parampita paramatma se tumhaara kya sambandh hai? god father hai to zaroor baap se varsa milna chaahiye nai duniya ka। kiski bhi buddhi mein nahin aata hai father maana rachayita। svarga ki rachna rachne vaala। parantu yeh hai niraakaar। aatma bhi niraakaar hai। yeh manushyon ko pata hi nahin hai। aatma ka roop kya hai? paramatma ka roop kya hai? aatma avinaashi hai, paramatma bhi avinaashi hai। har ek aatma mein avinaashi part bhara hua hai। yeh baaten jab sunte hain to manushyon ki buddhi chakri mein aa jaati hai। jinhonne kalpa pahle varsa liya hai, vahi purushaartha anusaar sab baaton ko samajh jaate hain। ab tum bachchon ki buddhi mein pakka nishchay hai aur baap ke saath lav bhi hai। shivbaaba pharmaan karte hain to khaate peete mujhe yaad karo। yaad se vikarma vinaash honge aur oonch pad bhi paayenge। koi to bhal yahaan baithe hain parantu buddhi baahar bhatak rahi hai। jaise bhakti maarga mein hota hai। maaya ka raajya hai na। buddhi baahar chali jaati hai to dhaarna nahin hoti। mushkil koi baap ke pharmaan par chalte hain। baap kehte hain sir par paapon ka bojha bahut hai isliye raat ko jaagkar mujhe yaad karo to tumko bahut madad milegi। chalte-phirte bhi yaad ka abhyaas karo। yaad mein rahkar bhojan banaao, ismen badi mehnat hai। ghadi-ghadi bhool jaate hain। bachchon ko abhyaas bahut achhi reeti karna hai। 24 ghante se 16 ghante to free ho। baaki 8 ghante to yog mein zaroor rehna hai। tum ho karmayogi। baba kehte hain sab kuchh karte mere simran mein raho। nar se naaraayan banne ka purushaartha karo to ghar baithe bhi jabardasta kamaai kar sakte ho। bade-bade aadmi bhi aayenge। parantu tu let। tumhaare mein bhi bahut hain jo kehte hain ham lakshmi ko athva naaraayan ko varenge, phir ghadi-ghadi bhool jaate hain। aise bahut hain jo kehte hain shivbaaba inmen aate hain, yeh baat hamaari buddhi mein nahin baithti hai। koi shakti hai, kashish hai, parantu bachche baap ko samajhte nahin hain kyonki shaastron mein aisi baaten nahin hain ki baap aate hain। geeta hai sabse ooncha shaastra। usmein bhi manushya ka naam daal diya hai। phir jo oonche te ooncha bhagwan hai unka naam phir neeche vaale shaastra mein kaise aayega। baap kehte hain kitni bhool kar di hai। mainne hi yeh roodra yagya racha hai। krishna ko to kehte hain shyaam-sundar। raadhe krishna hi lakshmi-naaraayan bante hain। vahi poore 84 janma lete hain। 84 laakh kaho to bhi pahle svarga mein aane vaale to lakshmi-naaraayan hi hain। baap samjhaate hain tum devi-devta dharma vaalon ne 84 janma liye hain। tum hi number one the। tumhaari hi ab raajdhaani sthaapan ho rahi hai। lakshmi-naaraayan tumhaare hi maa baap the। ab tumhaari raajdhaani ban rahi hai। tum abhi sampoorn nahin bane ho। banna hai zaroor, tab to sookshm vatan mein saakshaatkaar hota hai। apne ko sampoorn pharishte samajhte ho। pharishte banne ke baad lakshmi-naaraayan bante hain, unka bhi saakshaatkaar hota hai। tatatvam, tum bhi ban rahe ho। kitna achhi reeti samjhaaya jaata hai। aajkal school mein bhi geeta padhaate hain, jo padhkar hoshiyaar ho jaate hain woh phir doosron ko padhaayenge। to pandit ban jaate hain। sunne vaale dher followers ho jaate hain। jabaan meethi hai, achhi reeti shlok aadi kantha kar lete hain। milta kuchh bhi nahin hai। tamopradhaan ban gaye hain। baba hi aakar satopdhaan banaate hain so bhi nambarvaar purushaartha anusaar hi bante hain। sab aatmaayen to shaktivaan nahin ho sakti hain। baap ko sarvashaktimaan kahenge। lakshmi-naaraayan ko nahin kahenge। shakti ki baat abhi hoti hai। abhi tum raajaai le rahe ho। abhi tumko var mil raha hai। baap kehte hain amar bhav, jeete raho। satayug mein tumko kaal nahin khaayega। vahaan to mrityu akshar hi nahin hai। aise nahin kahenge ki phalaana mar gaya, tum kahenge ham puraana boodha shareer chhod kar naya lete hain। mahaakaal ka bhi mandir hai। usmein sirf shivling rakh jhandiyaan aadi laga di hain। aise bahut patthar hote hain jinko sona laga rehta hai। phir ghis-ghis kar banaate hain। nepaal mein nadi ki reti mein sona bahkar aata tha। satayug mein tumko sona bahut mil jaata hai। ab to sona hai hi nahin, ekdam khalaas ho gaya hai। khaaniyaan sab khaali ho gai hain। svarga mein sone ke mahal bante hain। phir se ham apne svarga ki sthaapna kar rahe hain। aise bahut bachche hain likhte hain baba ham aapke ban gaye hain। kabhi dekha bhi nahin hai। abhi tum amarlok ke liye shivbaaba se amar katha sun rahe ho। nishchay se hi vijay hoti hai। nishchay bhi pakka hona chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) nishchay buddhi ban ek baap se poora-poora lav rakhna hai। baap ke pharmaan par chal maaya par jeet paani hai।

2) shareer nirvaah arth karma karte, karmayogi banna hai। yaad ka chart 8 ghante tak zaroor banaana hai।

vardaan:- holeehans ban vyartha ko samartha mein parivartan karne vaale feeling proof bhav

saare din mein jo vyartha sankalp, vyartha bol, vyartha karma aur vyartha sambandh-samparka hota hai us vyartha ko samartha mein parivartan kar do। vyartha ko apni buddhi mein sveekaar nahin karo। agar ek vyartha ko bhi sveekaar kiya to woh ek anek vyartha ka anubhav karaayega, jise hi kehte hain feeling aa gai isliye holeehans ban vyartha ko samartha mein parivartan kar do to feeling proof ban jaayenge। koi gaali de, gussa kare, aap usko shanti ka sheetal jal do, yeh hai holi-hans ka kartavya।

slogan:- saadhna ke beej ko pratyaksha karne ka saadhan hai behad ki vairaagya vritti।

maateshvari ji ke anmol mahaavaakya

1) paramatma ko trimoorti kyon kehte hain?

paramatma ko trimoorti kyon kehte hain? unhonne kaunse teen roop rache? avashya unhonne teen roop brahma vishnu shankar ke rache hain, woh jab khud aate hain to teenon roopon ko apne saath laate hain। aise nahin kahenge ki unhonne yeh teen roop alag-alag rache hain, ikattha hi rache hain, aage peechhe nahin rache। to paramatma hi kehte hain ki yeh rachna meri hai kyonki main saakaari, aakaari aur niraakaari teenon srishti ka maalik hoon। main saakaari lakshmi-naaraayan devta roop mein nahin hoon, ve to saakaari daivi gunon vaale manushya hain, aur main avyakt devta brahma, vishnu, shankar bhi nahin hoon। bhal yeh aakaari devta punarjanma mein nahin aate hain, magar main vo bhi nahin hoon, yeh saari meri department hai, jab main khud aata hoon to saari department saath mein laata hoon aur unhon dvaara hi daivi srishti ki sthaapna, aasuri duniya ka vinaash tatha nai srishti ki paalna karaane ke liye aata hoon। main to direct oopar se pavitra aatma aata hoon aur main jis manushya tan mein aata hoon, woh bhi bahut janmon ke ant ke tamogun vaale hain, us tan mein pravesh hokar unko bhi pavitra banaata hoon। jiska bhavishya janma sarvagun sampanna, 16 kala sampoorn shreekrishna hai kyonki paramatma to sarvagunon ka saagar, vikarmaajeet hai, unse second number shreekrishna banta hai, jiske phir ant ka janma brahma tan hai। paramatma ke muaaphik pavitra aatmaayen koi bhi nahin hain, unhon ko pavitra banaana padta hai isliye paramatma ko hi supreme soul kehte hain।

2) “bigdi hui takdeer banaane vaala paramatma hai''

ab yeh to sab manushya jaante hain ki takdeer banaane vaala vo ek hi paramatma hai। paramatma ko kaha jaata hai takdeer ka maalik, vo aakar ham aatmaon ki takdeer banaate hain, jo bigdi hui takdeer hai unhon ko naya banaane vaala paramatma hai। baaki yeh jo manushya kehte hain takdeer banaana va bigaadna paramatma ke haath mein hai, ab yeh kehna saraasar bhool hai। takdeer banaana paramatma ke haath mein hai parantu jab manushya us takdeer banaane vaale ko bhoolte hain, tab uski takdeer bigad jaati hai goya takdeer ko bigaadna manushyon ke haath mein hai। jab manushya apne aapko bhoolte hain, apne baap ko bhoolte hain tab hi manushyon se ulta kaarya hone kaaran vo apni takdeer ko lakeer lagaate hain। to bigaadne vaala hua manushya aur banaane vaala hua paramatma isliye paramatma ko sukh daata kehte hain, na ki duhkh daata kahenge। dekho, jab paramatma svayan hi is srishti par avatrit hote hain to sabhi manushyon ki bigdi hui takdeer banaate hain arthaat sabko sadgati de dete hain tabhi to paramatma ko sabhi manushya aatmaon ka uddhaar karne vaala kehte hain। paramatma kehte hain bachche, main is sangam par aae sabki takdeer banaata hoon, aisa nahin koi ki takdeer bane aur koi ki na banen parantu paramatma to sabki takdeer banaate hain kyonki sabhi manushyon ka saari srishti se sambandh hai tabhi to paramatma ke liye kehte hain takdeer banaane vaala jara saamne to aao... to yahi saboot hai ki paramatma takdeer banaane vaala hai। achha - om shanti।