Murli du jour du vendredi 20 mai 2022

20-05-2022 praatahmurli om shanti "baapdaada"' madhuban

meethe bachche - apne is jeevan ko kaudi se heere jaisa banaana hai to samay ko saphal karo, avgunon ko nikaalo, khaane-peene, sone mein samay barbaad mat karo

prashn:- manushyon ne kis ek shabd se sabko bhagwan ka roop samajh liya hai?

uttar:- baba kehta is samay main bahuroopi hoon, aise nahin yahaan jab murli chalaata to paramdham khaali ho jaata hai, mujhe to is samay bahut kaam karne padte hain, bahut service chalti hai। bachchon ko, bhakton ko saakshaatkaar karaana padta hai। is samay main bahuroopi hoon, isi ek shabd se manushyon ne kaha hai yeh sab bhagwan ke roop hain।

prashn:- baap ki kis shreemat ko paalan karne vaale bachche sapoot hain?

uttar:- baba kehte bachche kabhi bhi dis service na karo, time bahut valuable hai, ise sone mein na ganvaao। kam se kam 8 ghanta mere khaatir do। yeh shreemat paalan karne vaale sapoot hain।

geet:- toone raat ganvaai soke…

om shanti। bachchon ko baap samjha rahe hain। bachche jaante hain - ham sab bachche hain baap ke। hamaare shareer ka baap to hai hi shaareerik lekin aatma jo ashareeri hai uska baap bhi ashareeri hai। baap ne samjhaaya hai behad ke baap se behad sukh ka varsa milta hai। abhi shuru hota hai jo treta ant tak chalta hai। tum abhi purooshaartha kar rahe ho, bhavishya 21 janmon ki praalabdha liye। phir baad mein had ka shuru hota hai, behad ka poora ho jaata hai। yeh guhya baaten hain na। jaante hain aadhaakalpa ham had ke baap se varsa lete aur behad ke baap ko yaad karte aaye hain। aatma ke sambandh mein sabhi brothers hain। woh hai baap। kehte bhi hain ham aatmaayen bhaai-bhaai hain phir jab manushya srishti ki rachna rachi jaati hai to bhaai behen ho jaate hain। yeh nai rachna hai na। peechhe phir parivaar badhta hai। kaaka, chaacha, maama sab peechhe hote hain। is samay baap rachna rach rahe hain। bachche aur bachchiyaan hain, doosra koi sambandh nahin hai। ab tum jeete ji bhaai behen ban jaate ho। doosre koi sambandh se tailuk nahin hai। abhi tumko naya janma mil gaya hai। jaante ho ham abhi eeshvareey santaan hain। shiv vanshi brahmaakumaar kumaariyaan hain। brahmaakumaar kumaariyon ka aur koi sambandh nahin। is samay saari duniya patit hai, inko paavan banaana pade। kehte hain baba ham aapke hain। baap kehte hain bachche bhavishya ke liye purooshaartha karke apna jeevan heere jaisa banaana hai। saara din sirf khaana peena, raat ko sona aur baap ko yaad na karna...isse koi heere jaisa janma nahin milega। baap kehte hain - shareer nirvaah arth karma karte, grihastha vyavhaar mein rehte kamal phool samaan banna hai। samajhte hain ham kaudi se heere jaisa arthaat manushya se devta ban rahe hain। manushyon mein to bahut avgun hain। devtaaon mein gun hote hain tab to manushya devtaaon ke aage jaakar apne avgun bataate hain na। aap sarvagun sampanna... ham paapi neench hain। ab baap kehte hain apne se aasuri gunon ko nikaal eeshvareey daivi gun dhaaran karne hain। baap to hai niraakaar, manushya srishti ka beejroop। woh sat hai, chaitanya hai, gyaan ka saagar hai। yeh gyaan to buddhi mein baitha hua hai na। yeh hai naya gyaan। koi ved shaastron mein yeh gyaan nahin hai। abhi jo tum sunte ho yeh phir praayah lop ho jaayega। abhi tum jaante ho ham aasuri gun vaale manushya se daiveegun dhaaran kar baap dvaara devta ban rahe hain। paapon ka bojha jo sir par hai woh baap ki yaad se ham bhasma karte hain। bhakti maarga mein to yahi sunaate aaye hain ki paani mein snaan karne se paap bhasma ho jaayenge। parantu paani se to paavan ban nahin sakte। agar aisa hota to phir patit-paavan baap ko kyon yaad karte। kuchh bhi samajhte nahin hain। samajhdaar aur besmajh yeh bhi ek naatak bana hua hai। abhi tum kitne samajhdaar ban rahe ho। saare srishti chakra ko jaante ho। history-geography ko jaanna yeh bhi samajh hai na। agar nahin jaante hain to unko besmajh kahenge na।

abhi tum bachche jaante ho। baba ne apna parichay apne bachchon ko diya hai ki main aaya hoon tumko heere jaisa banaane। aise nahin yahaan se sunkar gaye khaaya piya, jaise aage chalte the .. woh to kaudi jaisi life thi। devtaaon ki heere jaisi life hai। woh to svarga mein sukh bhogte the। chitra bhi hain na। aage tum nahin jaante the ki ham hi sukhi the, ham duhkhi hue। hamne 84 janma kaise liye - yeh nahin jaante the। ab main bataata hoon। abhi tum auron ko bhi samjhaane laayak bane ho। baap samajhdaar banaate hain to phir auron ko samjhaani deni chaahiye। aise nahin ghar mein jaane se phir vahi puraani chaal ho jaae। shiksha paakar phir auron ko shiksha do। baap ka parichay dene jaana padta hai। behad ka baap to sabka ek hi hai। sabhi dharma vaale unko hi pukaarte hain, he parampita paramatma va he prabhu। aise koi nahin hoga jo paramatma ko yaad nahin karta hoga। sabhi dharma vaalon ka baap ek hi hai। ek ko sabhi yaad karte hain। baap se varsa paane ke sabhi hakdaar hain। varse par bhi samjhaana pade। baap kaun sa varsa dete hain? mukti aur jeevanmukti। yahaan to sab jeevan bandha hain। baap aakar sabko raavan ke bandhan se chhudaate hain। is samay koi bhi jeevanmukta hai nahin kyonki raavan raajya hai। deh-abhimaani hain। devtaayen dehi-abhimaani hone se jaante hain ham aatma ek shareer chhod doosra lete hain। sirf paramatma ko nahin jaante hain। paramatma ko jaanen to phir saare srishti chakra ko jaan jaaen। trikaaldarshi sirf tum hi ho। braahmanon ko hi baap baith trikaaldarshi banaate hain। jab devtaayen bhi trikaaldarshi nahin to unki jo vanshaavli aati hai unmein bhi yeh gyaan nahin rehta, to phir doosron mein yeh kahaan se aayega। dene vaala bhi ek hi hai। yeh sahaj raajayog ki knowledge aur koi ko ho nahin sakti। devi-devta dharma ka shaastra bhi to hona chaahiye। to drama anusaar unhon ko phir shaastra banaane padte hain। geeta bhaagvat aadi sab aise hi phir banenge। granth bhi aise banenge। abhi granth kitna bada ho gaya hai। nahin to itna chhota tha - haath se likha hua tha। phir vriddhi mein laaya hai। yeh bhi aise hai। inka agar granth baith banaao to bahut bada ho jaae। parantu phir unko short kiya jaata hai। pichhaadi mein baap do akshar kehte hain - manamnaabhav। main tumko sab vedon shaastron ka saar samjhaata hoon। to zaroor naam to lena padega na। phalaane shaastra mein yeh-yeh hai। woh koi dharma ka shaastra nahin। bhaarat ka dharma ek hi hai। baaki woh kis dharma ke shaastra hain, kab siddha nahin kar sakte। bhaarat ka shaastra hai hi ek geeta। geeta bhi sarva shaastra shiromni gaai hui hai। geeta ki mahima tum accurate jaante ho। jis geeta se baap aakar bhaarat ko svarga banaate hain। bhaarat ke shaastra ko maan bahut milta hai। parantu geeta ka bhagwan kaun tha, unko na jaanne kaaran jhootha kasam uthaate hain। ab unko correct karo। bhagwan ne to aise kaha nahin hai ki main sarvavyaapi hoon।

bachche ne prashn poochha - shivbaaba jab idhar aate hain, murli chalaate hain to kya paramdham mein bhi hain? baba kehte hain is samay to hamko bahut kaam karne padte hain। bahut service chalti hai। kitne bachchon ko, bhakton aadi ko bhi saakshaatkaar karaata hoon। is samay main bahuroopi hoon। bahuroopi akshar se bhi manushyon ne samjha hai - sab roop unke hain। maaya ulta latka deti hai, phir baap sulta banaate hain। tum bachche abhi muktidhaam mein jaane ka purooshaartha karte ho। tumhaari buddhi hai muktidhaam taraph। aisa koi manushya purooshaartha kara na sake jo tumko baap kara rahe hain। ab apna buddhiyog vahaan lagaao। jeete ji is shareer ko bhoolte jaao। manushya marte hain to kehte hain svarga padhaara phir bhi rote rehte hain। baap ke jo sapoot bachche honge vahi baap ke madadgaar ban service karenge। woh kabhi disservice nahin karenge। agar koi disservice karte hain to goya apni karte hain। baba kehte hain meethe bachche yeh time bahut valuable hai। bhavishya 21 janma ke liye tum kamaai karte ho। tum jaante ho hamko vishwa ki baadshaahi milti hai, kitni bhaari kamaai hai to usmein lag jaana chaahiye। baap ko yaad karna hai। jaise government ki service mein 8 ghanta rehte hain। baba bhi kehte hain mere khaatir 8 ghanta do। raat ko sokar apna samay barbaad mat karo। din raat kamaai karni hai। yeh to badi sahaj sirf buddhi ki baat hai। manushya jab dhandhe par jaate hain to pahle mandir ke saamne haath jodkar phir dukaan par jaate hain। lautte samay phir bhool jaate hain, ghar yaad aa jaata hai। woh bhi achha hai। parantu arth kuchh bhi nahin jaante।

tum bachchon ko kalkatte mein to bahut achhi reeti samjhaana chaahiye - kaali maata ka vahaan bada maan hai। bangaali logon ki rasam-rivaaj apni hoti hai। braahmanon ko machhli zaroor khilaate hain। bade aadmi apne talaav banaae phir usmein machhliyaan paalte hain to braahmanon ko bhi woh khilaayenge। abhi tum pakke vaishnav bante ho। practical mein tum vishnu ki puri mein chalte ho। aise nahin ki vahaan 4 bhuja vaale manushya honge। lakshmi-naaraayan ko vishnu kaha jaata hai। do bhuja unki, do unki। tum maha-lakshmi ki pooja karte ho, vaastav mein vishnu ki karte ho। donon hain na। parantu is samay mahima maataaon ki hai। jagat amba ka gaayan hai। lakshmi ka bhi naam gaaya hua hai। baap aakar maataaon dvaara sabko sadgati dete hain। jagat amba vahi phir raaj raajeshvari banti hai। maa ki pooja hoti hai। vaastav mein jagat amba to ek hai na। jaise shiv ka ek ling banaate hain vaise phir chhote-chhote saaligraam bhi banaate hain। vaise kaali ke bhi chhote mandir bahut hain। woh jaise maa ki santaan hain। abhi baap tumko apna banaate hain, isko hi bali chadhna kaha jaata hai। tum bali chadhte ho un par, is brahma par nahin।

to baap samjhaate hain - abhi time vesta nahin karna chaahiye। dhandha aadi bhal karo। agar paisa kaaphi hai khaane ke liye to phir jaasti maatha kyon maarte ho। haan shivbaaba ke yagya mein dete ho to jaise vishwa ki seva mein lagaate ho। baba kahenge centres banaao, jahaan yeh bachchiyaan manushya ko devta banaane ka raasta bataaven। yeh padhaai kitni first class hai। bahuton ka kalyaan ho jaayega। baap kehte hain laakh karod kamaao, parantu kaam aisa karo jisse bhaarat paavan bane, ever healthy bane। tum bhavishya ke liye abhi poora varsa lete ho। vahaan gareeb to koi hote nahin। vahaan bhi abhi ki praalabdha bhogte ho to itni dhaarna karni chaahiye। tumhaara ek-ek paisa heere samaan hai, inse bhaarat svarga banta hai। baaki jo bachega woh to khatma ho jaayega। jo kuchh paisa bache is service mein lagaao। yeh bade te badi hospital hai। kai gareeb bachche kehte hain ham 8 aana dete, makaan mein eet laga do। ham jaante hain yahaan se manushya ever healthy banenge। yahaan to dher aayenge। queue aisi lagegi jo kab nahin dekhi ho। to kitni khushi rahni chaahiye, ham kya se kya bante hain। ham shivbaaba se behad ka varsa lete hain। baap hai niraakaar gyaan ka saagar। woh is rath mein pravesh karte hain। to bachchon ko bahut merciful banna chaahiye। apne par bhi aur doosron par bhi raham karna chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bhaarat ko paavan banaane ki seva mein apna tan-man-dhan saphal karna hai। paise ko heera samajh svarga banaane ki seva mein lagaana hai, vyartha nahin ganvaana hai।

2) bhavishya 21 janmon ki praalabdha banaane ke liye din-raat kamaai jama karni hai, samay barbaad nahin karna hai। shareer ko bhoolne ka purooshaartha karna hai।

vardaan:- akaaltakhta so diltakhtansheen ban svaraajya ke nashe mein rahne vaale prakritijeet, maayaajeet bhav

akaaltakhta nasheen aatma sada roohaani nashe mein rehti hai। jaise raaja bina nashe ke raajya nahin chala sakta, aise aatma yadi svaraajya ke nashe mein nahin to karmendriyon roopi praja par raajya nahin kar sakti isliye akaaltakhta nasheen so diltakhtansheen bano aur isi roohaani nashe mein raho to koi bhi vighna va samasya aapke saamne aa nahin sakti। prakriti aur maaya bhi vaar nahin kar sakti। to takhtansheen banna arthaat sahaj prakritijeet aur maayaajeet banna।

slogan:- sankalpon ki siddhi praapta karni hai to aatma shakti ki udaan bharte raho।