Murli du jour du mercredi 25 mai 2022

25-05-2022 praatahmurli om shanti "baapdaada"' madhuban

meethe bachche - neend ko jeetne vaale bano, raat ko jaagkar gyaan chintan karo, baap ki yaad mein raho to khushi ka paara chadhega

prashn:- bhaarat mein anek chhuttiyaan hoti hain lekin sangamayug par tumhein ek second ki bhi chhutti nahin milti kyon?

uttar:- kyonki sangam ka ek-ek second most valuable hai, ismen shvaason shvaans baap ko yaad karna hai, raat-din service karni hai। aagyaakaari, vaphaadaar ban yaad se vikarma vinaash karke ijjat ke saath seedha ghar jaana hai, sajaaon se chhootna hai, aatma aur shareer donon ko kanchan banaana hai isliye tumhein ek second ki bhi chhutti nahin।

geet:- hamaare teertha nyaare hain…

om shanti। bachche jaante hain ki teertha yaatra do prakaar ki hoti hai - ek roohaani, doosri jismaani। ghaat bhi do prakaar ke ho gaye। ek to nadiyon ke ghaat hain। doosra phir tum bachchon ke naye-naye centres arthaat ghaat bante jaate hain। poochhenge ki kaanpur mein gyaan amrit peene va gyaan snaan karne ke kitne ghaat hain? to kahenge 4-5 ghaat hain। address bhi sab ghaaton ki daali jaati hai। yeh phalaana ghaat hai, vahaan jaakar jo gyaan snaan karenge woh jeevanmukti pa sakte hain। bachche jaante hain ki mukti aur jeevanmukti kisko kaha jaata hai। barobar bhaarat jeevanmukta tha, unko hi svarga kaha jaata hai phir jeevanbandha mein aate hain to unko narka kaha jaata hai। tum bachche jaante ho ham teerthon par jaate hain, gyaan snaan karne se hi sadgati ho jaati hai। sadgati ka saakshaatkaar bhi tum bachchon ko hua hai। sadgati kaha jaata hai svarga ko aur durgati kaha jaata hai narka ko। sadgati svarga zaroor satayug hai aur durgati narka kaliyug hai। tum bachche sabko nimantran dete ho ki is kaliyugi narka se satayugi svarga chalenge? svarga ke saath satayug akshar zaroor daalna hai to svarga aur narka alag-alag ho jaayega। nahin to manushya kah dete hain svarga, narka yahaan hi hai। svarga aur narka ko bhaaratvaasi hi jaante hain। vahaan jaayenge devi-devta dharma vaale aur kisko pata nahin hai। har ek ka apna-apna dharma aur apna dharma shaastra hai। to har ek ko apna dharma shaastra hi padhna chaahiye। apna dharma-shaastra hi kalyaankaari hoga।

tum bachche jaante ho ki ham barobar oonch kul ke hain। jab tak tum manushyon ko drama ka raaz nahin samjhaayenge tab tak to woh ghor andhiyaare mein hain, isliye in chitron par bhi samjhaana chaahiye। tum bachche sabhi yugon ko jaante ho, sivaae chitron ke manushya samajh na saken। buddhi mein baithega hi nahin। tum school mein bigar nakshe kisko bataao ki France, England yahaan hain to bilkul samjhega nahin। to yeh baat bhi bigar chitron ke kuchh samajh nahin sakenge। chitron ke aage laakar samjhaana chaahiye ki yeh drama hai। ab bataao tum kis dharma ke ho? tumhaara dharma kab aata hai? satayug mein kaun sa dharma hai? chitra mein bilkul clear likha hua hai। satayug treta mein sooryavanshi chandravanshi jab the to aur dharma tha nahin। ab woh devta dharma hai nahin isliye zaroor woh sthaapan hona chaahiye। ab duniya puraani hai to zaroor phir nai duniya sthaapan honi chaahiye। nai duniya mein lakshmi-naaraayan ka raajya tha। lakshmi-naaraayan ka chitra hi mukhya hai। lakshmi-naaraayan ka naam baala hai, unke bade-bade mandir bhi banaate hain। shiv ke bhi anek naam rakh, anek mandir bana diye hain। unka bhi naam baala hai। somras pilaate hain isliye somnaath naam rakh diya hai। manushyon ne bahut naam rakh diye hain to samjhaana padta hai। roodra, shiv, somnaath yeh sab naam kyon rakhe hain? badreenaath ka arth kya hai? bahut naam bina samajh ke rakh diye hain isliye manushya moonjhe hue hain। iska yathaartha naam hi hai roodra geeta gyaan yagya। baap kehte hain is mere gyaan yagya se yeh vinaash jvaala prajjavlit hui hai। yeh hai bhagvaanuvaach। to pahle jab koi aaye to unhein geeta par bhi zaroor samjhaao। usmein likha hua hai bhagvaanuvaach maamekam yaad karo to vikarma vinaash honge aur tum mere paas chale aayenge। woh hai behad ka baap, svarga ka rachayita, jeevanmukti ka rachayita। naam hi hai heavenly god father, jo heaven ki sthaapna karte hain। heaven mein rehte nahin hain। heaven sthaapan karne vaala hai bhagwan। sthaapna, vinaash, paalna ka kaarya karte hain na। to ab baap kehte hain mujh paarlaukik baap ko yaad karo aur apne ko ashareeri aatma samjho, nahin to mere paas kaise aayenge। baap kehte hain yeh tumhaara antim janma hai isliye mere saath yog lagaane se tumhaare vikarma vinaash honge। isko yog agni kaha jaata hai। manushya to tandaroosti ke liye anek prakaar ke yog sikhlaate hain। ab paarlaukik baap kehte hain mere se yog lagaao aur is gyaan ki dhaarna karo to tumhaare vikarma vinaash honge aur phir main tumko satayug, vaikuntha ki baadshaahi doonga। to maanna chaahiye na। baap kehte hain he neend ko jeetne vaale bachche, neend ko jeet kar baap ko yaad karo kyonki tumko mere paas meri niraakaari duniya mein aana hai। agar krishna hota to kehta mere vaikuntha mein aana hai। jo jahaan ka vaasi hoga vahaan ki hi manzil dikhaayega na। niraakaar baap kehte hain tum mujhe yaad karo to meri niraakaari duniya mein aayenge, mere paas aane ka yeh ek hi raasta hai। abhi tum bachche ho mukh vanshaavli। kukh vanshaavli aur mukh vanshaavli akshar bilkul sahaj hai। abhi tum kehte ho baba main tera hoon, main bhi kehta hoon haan bachche tum mere ho, to ab tum meri mat par chalo।

tum jaante ho bhaarat jab svarga tha, tab baaki itni sab aatmaayen kahaan thi? muktidhaam mein। vahaan hai hi ek dharma, isliye taali bajti nahin। ladaai-jhagde ka naam nahin। yeh log bhal kehte hain to ham hindu cheeni bhaai-bhaai, parantu hain kahaan। yeh to ladte rehte। gaate hain patit-paavan seetaaraam to zaroor khud patit hain tab gaate hain। satayug mein to hai hi paavan duniya to vahaan aise nahin gaayenge। yeh patit duniya hai tab gaate hain। paavan duniya kaha jaata hai satayug ko, patit duniya kaha jaata hai kaliyug ko। yeh bhi manushya samajh nahin sakte hain। kitne maleen buddhi hain। ham bhi samajhte nahin the। tamopradhaan buddhi hone se sab bhool jaate hain। baap kehte hain tum bilkul besmajh ban pade ho। tum kitne samajhdaar the। tum so devta satopradhaan the। ab besmajh shoodra, tamopradhaan ban pade ho। tumne svarga mein kitne sukh paaye। tum bhaaratvaasiyon ka oonch te oonch kul tha - devi-devtaaon ka। ab tum kitne tuchchha narkavaasi bane ho। yeh baap hi aakar apne bachchon ko kehte hain। bachche feel karte hain barobar ham so poojya devta the phir pujaari bane। baba ne kitna samajhdaar banaaya tha, ab phir bana rahe hain। yeh baaten raat ko chintan kar bahut khushi mein aana chaahiye। amritvele uth kar baba ko yaad karo aur yeh chintan karo to khushi ka paara bahut chadhega। kai bachche to saare din mein ek second bhi yaad nahin karte। bhal yahaan sunte hain parantu buddhiyog aur taraph hai। niraakaar paramatma kisko kaha jaata hai, woh bhi nahin samajhte hain। school mein koi-koi do teen baar bhi naapaas ho padte hain। aakhir padh nahin sakte hain to phir school hi chhod dete hain। yahaan bhi padhaai samajh mein nahin aati to chhod dete hain। maaya jor se thappad laga deti hai। vikaar ka ghoonsa laga aur satyaanaash। maaya aisi prabal hai, badi dushtar hai। tumhaari boxing koi manushya se nahin hai parantu maaya se hai। ham maaya par jeet paate hain। iske liye tum bachchon ko bahut purooshaartha karna chaahiye। jitna ho sake raat ko jaagkar vichaar saagar manthan karna chaahiye। practice ho jaayegi। bhagvaanuvaach sabhi bachchon prati hai, sirf ek arjun prati nahin। sabhi yuddha ke maidaan par hain। baap sabhi bachchon ko kehte hain bachche raat ko jaagkar most beloved baap ko yaad karo to vikarma vinaash honge aur gyaan ki dhaarna bhi hogi। nahin to jara bhi dhaarna hogi nahin। agar meri aagya ka ullanghan karenge, mere ko yaad nahin karenge to bahut sajaayen khaani padengi। eeshvareey direction milte hain na। main tumhaara bahut meetha-meetha baap hoon, mere ko yaad karne se tum mere paas aa jaayenge। saja khaakar phir aana - yeh to theek nahin hai। seedha aane se ijjat milegi isliye meri aagya ka ullanghan mat karo। aagya na maanne vaale ko nindak kaha jaata hai। yeh hai sachcha baba, sachcha satguru। to unki aagya maanni chaahiye na। shivbaaba to bahut meetha hai। aatma aur shareer donon ko hi kanchan kar dete hain। kanchan kaaya sirf tandaroosti ko nahin kaha jaata hai। aatma bhi pure aur shareer bhi pure, usko kanchan kaaya kaha jaata hai। devtaaon ki kanchan kaaya thi। abhi to sabki kichde ki kaaya hai। 5 tatva tamopradhaan hain to usse shareer dekho kaisa banta hai। shaklen dekho kaisi hain। krishna ki to bahut mahima hai। aisa shareer to tumko svarga mein hi mil sakta hai। abhi tum phir so aisa devta bante ho। to mukhya baat hai raat ko jaagkar yaad karenge to practice padegi। neend ko phitaana chaahiye। practice karne se sab kuchh hota hai। dhandha dhori, roti belna, pakaana aadi sab practice se seekhna hota hai na। baap ko yaad karna bhi seekhna hai। jisko saara kalpa bhoole ho, ab us baap ko yaad karna hai। to baba khush hoga। nahin to kahenge yeh vaphaadaar, pharmaanbardaar bachcha nahin hai। phir bahut saja khaayenge। unki takdeer mein maar hai। yahaan koi thoda bhi kisko gussa karte hain to bigadte hain, vahaan dharmaraaj saja denge phir thode hi kuchh kar sakenge। jaise jel mein government bahut muphta ka kaam karaati hai, koi bigar mehnat jel bhogte hain, koi ko mehnat karni padti hai। to dharmaraaj puri mein bhi jab dharmaraaj saja denge to kuchh kar nahin sakenge। andar samjhenge ki hamaara hi dosh hai tab to saja mili hai। yeh bhi feel karenge ki hamne baap ka pharmaan nahin maana hai isliye saja milti hai isliye baba kehte hain jitna ho sake mujhe yaad karo। achha।

dekho, bhaarat mein jitni sabko chhuttiyaan milti hain utni aur kahaan nahin milti। parantu yahaan hamko ek second bhi chhutti nahin milti kyonki baba kehte hain shvaanson shvaans yaad mein raho। ek-ek shvaans most valuable hai। bachchon ko raat-din baba ki service mein rehna chaahiye।

tum almighty baba ke oopar aashik ho ya unke rath par? ya donon par? zaroor donon par aashik hona pade। buddhi mein yeh rahega ki woh is rath mein hai। unke kaaran tum is par aashik hue ho। shiv ke mandir mein bhi bail rakha hua hai। woh bhi pooja jaata hai। kitni guhya baaten hain jo roz nahin sunte woh koi na koi baaten miss kar dete hain। roz sunne vaale kabhi fail nahin honge। manners bhi achhe rahenge। baba ko yaad karne mein bahut badi profit (phaayda) hai। phir unse bhi badi profit baba ki knowledge ko yaad karna। yog bhi profit, gyaan bhi profit। baba ko yaad karne se to vikarma vinaash hote hain aur pad bhi oonch milta hai। jahaan baba rehte hain woh hai muktidhaam, brahm lok। lekin sabse achha hai yeh braahmanon ka lok। brahman janeu zaroor pahante hain, choti bhi rakhte hain kyonki baba ham braahmanon ko choti se pakad le jaate hain। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shareer aur aatma donon ko kanchan banaane ke liye baap ko yaad karne ki aadat daalni hai। kabhi bhi aagya ka ullanghan nahin karna hai।

2) padhaai ke samay check karna hai ki buddhi idhar-udhar bhaagti to nahin hai! kabhi bhi padhaai miss nahin karni hai। maaya ki boxing mein haar nahin khaani hai।

vardaan:- sarva aatmaon ko shubh bhaavna, shubh kaamna ki anchali dene vaale sachche sevaadhaari bhav

sirf vaani ki seva hi seva nahin hai, shubh bhaavna, shubh kaamna rakhna bhi seva hai। braahmanon ka occupation hi hai eeshvareey seva। kahaan bhi rehte seva karte raho। koi kaisa bhi ho, chaahe pakka raavan hi kyon na ho, koi aapko gaali bhi de to bhi aap unhein apne khajaane se, shubh-bhaavna, shubh-kaamna ki anchali zaroor do, tab kahenge sachche sevaadhaari।

slogan:- pavitrata hi brahman jeevan ka mukhya foundation hai, dharat pariye dharma na chhodiye।